رواية للقلوب معارك -3
لفيت وجفته نايم على السرير ..ما ابيها تنصدم فاخوها العود ..قلت : طلعي انتي الحين ..
رحت صوبه ,,عفدت على الكرفايه ...رفعت ايد قميصه ...مسكت راسي من الصدمــــــه ,,,لا ما اصدق ..كااايد مدمن ...دمعت عيني وحسيت بجسمي يرتجف بقو ...معقوله ..اخوي العود ..قدوتي ..مدمن ...وين كنا عنه يوم كان محتاي لنا ..وين ..وين كنت انا عنه يوم هو يعاني ..وانا يوم عانيت ..اول واحد لقيته ...هو ......مسكت راسي بتخبل ...كيف اتصرف ...شو اسوي ...يااااااااااااااااااااااااارب ...
تقربت منه ...حبيته على راسه ...تحت تاثير المخدر ما يحس فيني ...ما ببين له اني عرفت ...بحاول اتصرف ...طلعت من غرفته ....اول ما سكرت الباب ..مسحت دموعي ...رفعت راسي وجفت طيف جدامي ...نزلت عيني ومريت من عدالها
قالت : ما بتسلم عليه
قلت : شحالج طيف ؟؟
قالت بصوت يرتجف :تذكر اسمي زين والله ...
قلت : طيف والله هب وقتهـ .......
التفت على مروان اخويه وهو يقول : ما شاء الله لقائات من ورانا
طالعته بنص عيــــــــــــــــن : مرووووووووووووووواان
طيف نزلت دمعتها وراحت ...شو هالمشاكل الي على راسي ..اوووف
عليا
دخلت عند شمسوه الغرفه ...جفتها سرحااانه ..اكيد تفكر باطارق ..رحت صوبها ...
قلت : شو تبن عشا ؟؟الساعه 1
طالعتني وقالت : الله يهديج ..الساعه 1 الحيين ...امايه رقدت ؟؟
قلت : هيه ..رقدت بعد ما تعشت ...يلا شمسوه
طالعتني وقالت : يلا ...بس لا تكليين شي حااار ...ما فيني على صراخج فالليل من القولون
ضحكت : اوك ...يلا الحيين بموت من اليوع
طلعنا ورحنا صوب المطبخ...يلست اطبخ ..قلت : شمسوه شو بتردين على طارق ..يحليله اليوم يلس وسولف ويا امايه وراح
طالعتني وقالت : بوافق
صرخت فالمطبخ ورحت حضنتها ...ضحكت ...قلت : واخيـــــــــــــرا بفتك منج
دزتني : يا لهبله ...
ضحكت وقلت : ياااارب ترزقني بواااحد عنده فلوس ..وسيم ...ويحبني واحبه
دزتني شمسوه : يالهبله شو هالدعاء ...ما يصير جيه بدل لا تقوليين يارب ترزقني بواحد يخااف ربه
قلت : شمسوه اباه وسييييييييييييييييييييم
ضحكت : بعدج مراهقه
قلت وانا اخلي ايدي على خصري: ياسلااااام عمري 21 وتقوليين مراهقه
ضحكت ..: جوفي الاكل لا يحترق
الي يسمعها يقول ذبيحه ...هيه الا بيضتين ..وشويه بطاطس مقلي ...
رحت صوب الصينيه ...وخليت البيض فصحن والبطاط فصحن ثاني وخليت الخبز ..مال امس بس يلا ما فيه شي ...وشليت الداقوس (الفلفل ) وخليته ..ما حسيتا لا بشموس تاخذ الفلفل وتقول : فلفل لالالالالالالالا فيج قولون
قلت : حراام عليــــــــــــــج احبه
ضحكت : تحبينه والا تحبين زوج المستقبل الوسيـــــــــــــــــــم
ضربتها ...وطلعنا نضحك من المطبخ ...يمكن نحن فقرا ...ما عندنا شي ...بس اهم شي عندنا كرامتنا...الحمد الله ...عايشين مرتاحييين ...طبعا هاكله ..كلام شمسه ...بس انا ابا اللبس شرات البنات ..ابا اطلع واروح الاسواق ..ابا اشتري ..ابا كل شي ...دايما شمسه تعاتبني ..بس والله هب فايدي ...
آحمد
يلست اطالع هادف الي كان سرحان قلت : حووه وين رحت ؟؟
طالعني وقال : لا وياااك
رن تلفوني ...هذي ندى ...هذا وقتها...هذا خامس اتصال لازم ارد...استاذنت ....رحت صوب الحديقه رديت : آلـــــــــــــــــــــو
قالت : حبيبي وينك انته واعدني اليوم تبات عندي
قلت : اوك ..بس قوم خالتي عندي..ساعه وبكون عندج
قالت: حرااام الساعه 1 ...آحمد مشتاقتلك
قلت : وانا بعـــــــــــــــــــــــــــــــد بس صبري عليه نص ساعه وبكون عندج فالفله
قالت : اترياك
عطتني بوسه ..وسكرت ..ضحكت ..تبون تعرفونها منوه ..ما بقول ...التفت وانا اجوف عبدالله طاالع من البيت بسيارته ..
ندى
لبست قميص نوم قصير لونه بيج ..
فتحت شعري الغجري الطويــــــل ..لونه بني ..تعطرت من ((فيري سكسي )) ويلست اتريا ...المكان كله شموع ..والاضاءه خافته ..احب الاجواء الرومنسيه سمعت صوت باب الصاله ينفج..ركضت بسرعه مشتاقتله ..من اكثر من اسبوعيــــــــــــن ما جفته ...نزلت اركض ..وقفت على اخر درجه وانا اجوفه وهو داخل ...دق قلبي بقو ..ما قدرت امسك نفسي ركضت صوبه وفريت عمري فحضنـــــــــــــــــــهـ وصحت
مسح على راسي : بلاج حبي
قلت : تاخرت واااااايد
ضحك ...شلني بين ايديه ..وقال : بتخليني واقف
تقربت منه وبسته على خده...قلت : نزلني انزين
قال : لا بشلج للغرفه
يلست اضحك وهو يربع صوب الغرفه وانا بين ايديه تعلقت فيه اكثـــــــــــر واكثر ...
دخلنا الغرفه ...خلاني على الكنبه ويلسنا على الكنبه..تقرب مني وقال : ادري مقصر بس......
قلت : آحمد من رجعنا من تركيا وانته تقول انك بتخبر اهللك بموضوع زواجنـــــــــا قال وهو يتنهد : عندي مشاكل فالبيت حاليا ...ما اقدر
ماا ادري ليش تضايجت : آحمد والله تعبت ..هب حاله هذي
طالعني وقال وهو منرفز : شو تبيني اسوي...قلت لج ما اقدر ..مـــــــــا اقدر
صرخت : لا تقـــــــــــــــــــــــــــــدر
طالعني وقال : شكلج متنرفزه
طالعته وقلبي يدق بقو...خلى ايده فمخباه ..وطلع ضرف ..اكيـــــــــــد فيه فلوس ..ارتجفت وصحت : ما ابي فلوس عندي الي يكفيني
قال : دامج زوجتي انا الي اصرف عليـــــــــــــج
طلع وانا اسمع ضربه الباب ...فريت عمري على الكرفايه وصحت ...تعبت من التفكيــر ..تعبت من هالعيشه ...ياليتني ماجفتك ولا عرفتك ...وحبيتك انا غبيــــــــــــــــهـ
آحمد
سرعت بالسياره ...كيف اقول لاهلي ..هب قادر ..امايه بتذبحني ...اووف ...وقفت عند الاشاره الحمرا ...ورجعت فبالي اول مره جفت ندى فيهــــــــــــــــا
(( يالس اتمشى ويا ربعي ونحن فلبنان ...اللـــــــــــــــــهـ الجو اكثر من روعه ...والبنات ...لا تسالوني عن البنات ...كنا في وسط بيروت ...دخلنا كوفي موجود فالمكان ..وكان الكل يالس يتابع مباراه ايطاليا وفرنسا النهائيه ...يلست ويا هادف ولد خالتي ...وعبدالله ومايد ...كنا نتابع ويا االكل ...صراااحه اغلب اليالسين يشجعون ايطاليا ...واول ما فازت ايطاليا الكل قام يرقص ويصارخ ونحن وياهم
...قمت من المكان ..بعد ما تعبت ...هادف والشله يلسوا يحتفلون ...وانا قمت قلت برجع الفندق وبرقد ...تعبان ...رحت امشي ...الشارع فاااضي ..الكل فالكوفيات وهالسوالف ...سمعت صوت ..شكلها مشكله ..جفت بنت تركض بشعرها العجري صوب الشارع ...ما ادري كيف طاحت عيني على السياره الي يايه مسرعه ...وانا اسمع ريال عوود يصرخ :ندى
ما ادري كيف عفدت صوبها ومسكتها وطحت انا وياها على رصيف الجهه المقابله ...رفعت راسي واانا هب مصدق اني نجيت ...ابتعدت عن البنت باحراج وانا اسمعها ..تتالم ...انحرجت اني طحت فوقها ..رفعت جسمي ...حسيت بايد عليه
: مشكور ما قصرت الله يطول بعمرك
جفت الشايب ينزل لمستوه البنت وانا مركز ...: ندى انتي بخير
هزت راسها وصاحت ...جسمهااا روووعه ...باقي اجوف ويها ...
قال الشايب : خلاص الي تبينه بيصيــــر بنرجع الامارات
من الامارات ...طالعت البنت بس هذي كاشفه شعرها ...وحالتها حاله ..شكلها لبنانيه ...جفت الابو وهو يساندها ...وقف قلبي يوم جفت ويها ...هذي قمــــــــــــــر شويه عليها ...
قال وهو يمد ايده : عبد الرحمن الـ........
طالعته ...هذا المليونير الاماراتي الي فلبنان ...وهذي بنته .....تاجر معرووف
قلت : انا آحمد الــ........... من الامارات ..
طالعني وقال: حي الله اهل البلاد ...مشكور ما قصرت يا آحمد ...تفضل ويانا
قلت باحراج ما عدا اني حاب اتعرف على البنت...يالله يالبنات شو سويتن بآحمد ...اربع وراهن ربيع (اركض وراهن )) ..
قلت : لا ان شاء الله مره ثااانيه
قال : لا والله الحين بتتفضل انته انقذت بنتي الوحيـــــــــــــده ...هذي ندى دلوعه ابوها ..
يالله هالبنت غير عن الكل ...قلت : بس ......
قال : لا بس ولا شي تعال انته الحييين ويانا البيت ..وربعك اتصل لهم ...يلا
جفت واحد شكله من البوديجارديه..يركض صوبنا : طال عمرك ...السياره جاهزه
كانت البنت الي اسمها ندى مغطيه على ويهــــــــــا ...احسه زعلانه ...
مسكني من ايدي وقال: يلا يا آحمد نحن فذيج الساعه الي نجوف حد من البلاد
ركبت وياهم السياره .........))
ما كنت عارف اني فالاخيـــر بتزوجها ...ومن غير علم اهلي ...اااه ..شو اسوي..خليت عمري فمشكله ما اقدر اظهر منها ...رن تلفوني ...مسكته ...جفت (( الحثاله 2)) هالبنات ...والله العظيم ما عندهن سالفه ...بس يلا ..
: الو
ردت بمياعه : حبيبي آحمد ...شخبارك ؟؟
قلت وانا ابا انسى كل مشاكلي : دامج بخير انا بخيــــــــــر
قالت : عمري ابا اجوفك باااجر ضروري
قلت : وين ما تبين ؟؟
قالت : فشقه
لا ...فشقه ...هذي سهله وااااايد ...قلت : االعنوان ؟؟
قالت : في ___ شارع _______
قلت : خلاص يا عمري تم
قالت : بس لا اطالع غيري
ضحكت باعلى ما عندي: وانا اقدر
غيث
فتحت عيوني على الساعه 10 الصبــــــــــــــح ..اليوم يوم راحتي من الهم ..اليوم الجمعه ..بروح اخذ شور وبعدين بمر على اهلي وبخلي جواااهر عندهم ..وبروح اصلي وبرجع اتغدى ...ما فيني على حشره لطيفه ...التفت وانا اسمع صوت الباب ينفج
جواهر ببتسامه تذبح : صباح الخيـــــــــــر
قلت : صبــــــــاح الورد
ابتسمت : يلا بنروح عند خالوه ...مشتاقتلها
ضحكت : يلا بنجهز وبنروح ....
لطيفه
حبيت امايه على راسها ويلست عدالها : صباح الخير
قالت :صباح النور
التفت لـ عبود الي يلعب : عبود تعال حب يدوه ..يلا
يا يربع صوبها وحبها على راسها : صباح الحير يدوه
ضحكت وباسته ...قلت : امايه بروح ويا الدريول السوق ابا اشتري اغراض للغدا
قالت : هيه صح بيزورنا غيث اليوم ...روحي جدامج الرحمن
رحت ولبست عبود وهو يضحك ويسولف ...الله يخليه لي ان شاء الله ..طلعت من البيت بعد ما لبست عباتي ...ركبت السياره
: شحالك صدييق ؟؟
قال : بخير ...
صدييق دريولنا من عشر سنين ...يحليله واااايد طيب ..حتى عبود يحبه...نزلت السوبر ماركت ...اليوم لازم اسوي الاكل الي يحبه غيث ...دخلت ويلست اختار بين الاغراض
قلت : عبود لا تمط العباه خلني امشي زين
قال : ماما ..ماما
قلت : حبيبي بس.....
قال : جوفي بابا
تاففت فخاطري ...اكيد جاف واحد لابس كندوره وغتره وعقال وقال بابا ...طنشته ...ويلست اكمل الاغراض ...اخاااف انسى شي
وقفت عند قسم الحلويات الي جدامي ..قلت : عبود تبا حلاوه ؟؟شو تبا هالبطاط والا الثاني ..؟؟
ماسمعت رد ...تلفت على عمري ما لقيته ..بغيت اتخبل ..وين راح ...ارتجفت ...ودرت الاغراض ويلست ادور فالسوبر ماركت ادوره ...كنت ارتجف من الخاااطر ...وقفت ويبست فمكااني وانا اجوف منصور وهو حاضن عبـــــــــــــــــــود ...حسيت بالقهر منه ...رحت صوبهم بعد ما حاولت امسك اعصابي ...
قلت : عبـــــــــــــــود ..تعاااااال
رفع منصور عيونه وطالعني ...لا ياربي لا اضعف جدامه ...هذا حقيـــر ما يستاهل ...من شهرين ما نشد عن عبود ..
قال : ما بتسلميين عليه لطيفه ؟؟
طالعني عبود ..ما ابا ابوه يطيح من عينه
..قلت : شحالك ؟؟
ما تريته يرد ...رحت صوب عبود ..ومسكته من ايده ..ابا اسحبــــــــــــهـ من بين ايدين منصور ...بس وقفت مكاني وانا احس بايد منصور على ايدي ..سحبتها وانا منفعله وقلت وانا راصه على اسناني : انتته نسيت اني طالبه الطلاق ....
قال : لطيفه ......
سكتنا ونحن نسمع عبـــــــــــود : بابا متى نرجع البيت ...
ارتجفت ..حرااام الي يصير لعبود ...نزل منصور لمستواه ...حبه على راسه وقال : قريب ان شاء الله
رفع راسه وطالعني .......نزلت دمعتي ...مسكت عبود من ايده وسحبته من غير لا اعطي اهتمام لصوت صيااااحه......وانا اسمعه وهو ينادي ابوي ...ركبت السياره ودرت الاغراض وما شريتها....حضنته ويلست اصيـــــــــــــــــــح ...بياخذه مني ...انا متاكده ...حقير ...عبود يصيح يحاول يبتعد عني ...بس ما خليته ..ضميته لحضني ونزلت من السياره ...اول ما خليت ريلي فالصاله شهقت بصوت عاااااالي ..ما قدرت امسك نفسي...خلاااااص ...جفت امايه
قالت : لطيفه شو فيج ؟؟؟؟!!!
صحت اكثر وربعت غرفتي وانا احضن عبود الي يتكلم بس ما اسمعه ..اسمع صوت المشاحنات الي كانت بيني وبين منصور ...صوت اهله ...هب قاااادره ...دخلت الغرفه ..قفلتها على نفسي ...انسدحت وانا اصيـــــــــح وعبود يحضني ويمسح دموعي
: ليش ماما .؟؟
طالعته ...كل ماا اجوفك اذكر ابوك ...نفس الشكل ..تقرب مني وحبني على خدي ...لميته فحضني...ما ابي افقده اذا فقدته بتخبل ..رصيت عليه اكثر واكثر ...غمضت عيني وانا اسمع صوت عذاري وامايه ينادون عليه ...بس ...ما اقدر افتــــــــح الباب ..بس حضنت عبود ...وغفيت على السرير ...
غيث
طلعت صوب بيت اهلي
طالعت جواهر الي من ركبنا وهيه ساكته ...مسكت ايدها : حياتي شو فيــــــــج ؟؟
قالت وهي تبتسم : لا ما فيني شي بس ابا اظهر صدقه على روح ابويه وامايه
طالعتها وابتسمت ...اصلا انا من اسبوع مسوي هالشي بس هيه ما تدري : خلاااص ...باجر بعطيج شيك وخلي الرقم الي يعيبج
ابتسمت بفرح : ما تقصر الله يخليك لي ان شاء الله
طالعتها ..ابتسمت ...ملامحها بريئه ...نزلت البيت ومسكت جواهر من ايدها ...دخلنا البيت ...غريبه امايه دوم تكون موجوده ...ما لقيت حد
لفيت صوبها : وينهم غريبه ؟؟
قالت : يمكن فوق ...نطلع
طلعت اركض على الدري ..وجواهر تضحك وانا ماسك ايدها صرخت : يا اهل البيت
جفت امايه يالسه ويا عذاري واشكالهم متغيره ...في شي صاااير متاكد..رحت صوبهم ...قلت : شو صاير ؟؟
مسكتني عذاري من ايدي : لطيفه يا غيث من ساعتين قافله على عمرها الغرفه وهب طايعه تفتح
طالعتهم : شو صااااير حد قالها شي ...؟؟
امايه: طلعت السوق وردت على هالحال
عصبت : امايه كيف تخلينها تطلع وهيه حالتها النفسيه هالايام زفت
جواهر مسكتني من جتفي : اهدى غيــــث
رحت صوب الباب دقيت عليها ما ترد ...سمعت شهقت عذاري ...هذي ابا افهم اذا جيه حساسه كيف تتعامل ويا المرضى ..ما ااعرف ...قلت : جواهر روحي غرفتي وبتلقين فدرج المكتب مفاتيح لغرف البيت هاتيهن وتعالي بسرعه
ركضت جواهر ...طالعت امايه الي مرتبكه ...الله يهديهم بس ...التفت وانا اجوف جواهر وهيه تمد لي المفاتيح ...دخلت المفاتيح ويلست اجرب وكل مره اتوتر اكثر واكثر ...اذا صار فلطيفه شي ...ما عرفت شو اسوي ...انفتح الباب ..فتحت الباب وانا ادعي ربي انه يحفظها ..جمدت مكاني وانا اجوفها نايمه وحاضنه عبود بتملك ...تقربت منها ...التفت وجفت عذاري ...قلت بهمس: شلي عبود غرفته ..
تقربت وشلت عبود ..قلتلهم يطلعون برع ...طلعوا...رحت صوبها ....يلست على الكرفااايه ...ويها صاير احمر من كثر الصاااايح ...شو صااار ابا افهم ...قلت : لطيـــــفه
هزيتها بايدي ...فتحت عينها ..وقامت شرات الخبله : وين عبـــــــــــــــــــــــود ...بياخذه ..
مسكتها اهديها: عبود نايم عند عذاري
فرت عمرها فحضني ويلست تصيـــــــــــح وتتكلم ماا فهمت منها شي ..
قلتلها : لا تتكلمين الحين ارتاحي
ساعدتها تنسدح على الكرفايه وظهرت ورحت صوب غرفه عذاري ...دخلت ولقيتهم كلهم ملتفين حول عبود
عبــــــــــــــــــود : جفت بابا
فتحت عيني على الاخر ...منصـــــــــــــــور رجع البلاد ...وجافها
كمل عبــــــــــود : وقال بياخذني وياه انا وماماا .....
عصبت ...ياخذ لطيفه...رحت صوبه وانا اسمع عذاري وجواهر يتهامسن ...مسكته
صرخ : حالو تعور
طالعته اذا خذه منصور بتتخبل لطيفه ...قلت : حبيبي شو صااااار باالضبط ..؟؟وين جفت ابوك..وشو قال ؟؟
قال : حالو انا تعبان وماما تصيــــــح
عصبت بس تمالكت اعصابي ..قلت : ليش صاحت ماما ؟؟
قال وهو يبتسم : بابا مسك ايدها وهيه عصبت ...ليش صاااحت ...بابا يحبها
طالعته وسكت ...شو اخرتها وياك يا منصور؟؟؟؟؟؟؟؟؟؟؟؟؟؟؟
روضه
وعيت الصبح ...اليوم اليمعه ...نزلت تحت ...روحت ريحه العود الي معبيه البيت ...جفت ابويه يالس جدام التلفزيــــــــــــــــــون ...رحت وحضنته ...حبيته على راسه
: هلا بروضه شحالج ابويه ؟
رديت : الحمد الله ...
ابويه غير عن امايـــــــــــــهـ ..طيب ...بس امايه مسيطره على كل الامور ...الشركات شركاتها وابويه هو الي يديرها ...هو الي يشتغل عندها ...التفت على صوت آحمد وهو نازل يصفر ...
ابويه : آحمد يهودي ما تسلم ؟؟؟
راح صوب ابويه ...جفت ويهه ..تروعت شكله ما راقد طول الليل ...حب ابويه على راسه ..ومروان بعد نزل ..ضحكنا وسولفنا ..بس اول ما سمعنا صوت امايه وهي نازله سكتنا ...عبدالله وراها ...كايد وين ...من امس ما جفته ...ما قدرت اروح غرفته ...عبدالله طردني ...التفت صوب مروان وتذكرته يوم يقولي جاف طيف تكلم عبدالله وصااحت ...اليوم برمسهــــــــــــــا ...
جواهر
طلع غيث وهو مضاايج ...اموت يوم اجوفه جيـــــهـ ...ما الومه لطيفه وااايد تعذبت ما صدقنا انها رجعت عندنا البيت مره ثانيه ...يطلع بمصيبه ثانيه ...اصلا غيث كان حاس بهالشي ...ودرت خالوه وعذاري عند عبود الي من رجع البيت وهو يتكلم عن ابوه ...الي يسمعه يقول هنيه الدنيا ...طلعت رحت صوب غرفه لطيفه دقيت الباب ودخلت ...جفتها واقفه جدام الدريشــــــــــــــــه ...وفاجه شعرها الي لونها اسود ...وطويل لتحت خصرها ..وكثيف ...رحت صوبها ..خليت ايدي على جتفها
قلت : اهدي يا لطيفه وتصرفي بحكمه
لفت وهي تمسح دموعها : بياخذه مني ...بياخذ روحي مني
قلت بعصبيه : يخسي الا هوه ياخذه ...غيث بيربيه لج ما عليج
قالت وهي تهز راسها : قلبي ناغزني ...
حضنتها ....لطيفه واااااايد جريبه مني ...احبها واااايد لانها هيه الي قربتني من غيث وهيه الي خلتني احبه اكثر واكثر ........................
غيث
دخلت المسيد وانا مضايج ...بس سبحان الله تحس عمرك تنسى كل همومك وانته فبيت الله ...نسيت كل شي بعد التكبير ...خشعت فصلاتي
: السلام عليكم ورحمه الله
لفيت على ايدي اليسار : السلام عليكم ورحمه الله
سلمت على الي يالسين عدالي ...ظهرت ورحت صوب البيت ...لطيفه محتايتني الحين لازم ما ابين ضعفي جدامها...وقفت السياره ..دخلت البيت ..فتحت باب الصاله ..تفاجأت بعبود يفر عمره عليه ...نزلت وحضنته
قال : انا فرحان
طالعته وانا اتنهد ...ياليتني اقدر اعوضك عن ابوك ..ياليتني اقدر امحي ابوك النذل من ذاكرتك ..وذاكرت امك ...انا عارف لطيفه ...كانت تعاني وسااااااكته ...ياليتها خبرتني ...كنت بذبحـــــــــــــــــــه ..رفعت راسي وجفت جواهر ..ابتسمت لها
قالت : حبيبي شو موقفنك عند الباب ...دش
دخلت ...رحت صوبها ...مسكت ايدها : شخبار لطيفه ؟؟
قالت وهي تبتسم وانا عااارف علاقه لطيفه وجواهر : لا تحاتي .,...هيه الحين
سكتنا ونحن نجوف لطيفه نازله هيه وعذاري
قلت : هاه ....شو مسويلي غدا
لطيفه : اوه سوري انا ما سويت لك شي من ايدي ..
رحت صوبها حضنتها ...قلت : ما عليه لا تتلوميين ....ابا اتعشى عندكم
ضحكن عليه كلهن ...عذاري برقتها المعروفه : وانا بسوي الكيــــــــــــــك ...والحلويات
طالعتها وقلت : بس الله يعين ريلج على طباخج ما تعرفيــــن تطبخين
طالعتني وشكلها بتصــــــيح : حراااااااااااام
ضحكنا عليها ...جفت امايه نازله وهي تقول: يلا الغدا بيبرد ...
رحنا صوب الغدا ...وعبود يسولف وانا ادعى انه ما ايب طاري منصـــــــــــــور
آحمد
من امس ما رقدت افكر في ندى ....ما ادري ...احس اني ظالمنها وااايد ...ما اقدر اقول لاهلي ...وفنفس الوقت ما اقدر اتخلى عنها ....تذكرت شكلها يوم كنا على العشا لاول مره
(( ابو ندى : مشكور يا آحمد ما قصرت
ابتسمت وانا اطالع الحزن فعيونها ...قلت : لا شكر على واجب طال عمرك
قال : ندى بلاج فديتج ما تعشيتي
قالت وصوتها يرتجف : ما اشتهي
قامت من على الطاوله ...وانا اطالع كل شي فيهــــــــــا ...شعرها الغجري ...وجسمها المنحوت ...التفت على ابوها وهو يتنهد
قلت : سمحلي بس انا احس ان فيه مشكله ....
قاطعني: ندى تبا ترد البلاد
قلت وانا ابتسم : وشو المشكله ؟؟
قال : ما ابا ارجعها هناك ...ما ابا ارجع مره ثانيه عندي خلافات ويا العايله ...كلهم بيطمعون فيها لانها بنتي الوحيده ...واملاكي كلهن لها ...
طالعته ...احييين ندى لها كل هالعز ...وشو المشاكل الي بينهم ...كنت بسال بس رن تلفونه
: الو ...هلا ...هيه نعم ...يعني فيه خطر ؟؟
استغربت ...وزاد فضولي ...شو الخطر ..طالعته وهو يتنهد ويسكر السماااعه
شكلي يلست وااااايد ...قلت : اسمحلي طال عمرك انا بروح
قال : ما تقدر تظهر ...وما بخليك تظهر
انصدمت ...ليش ...؟؟؟؟شو الي صااااااااااااااار ...))
نهـــــــــــــــــاية البارت
نلتقي قريباً مع البارت الثآلث ..!
البارت الثالث
يتحدثون كثيراً عن الصدمآت ..!
ياترى هل هُنآك شيء يفوق الصدمـه ,
لأنني اظن انني اعيش هذه الحآله ,
بكل ما تحمل من ألم ,,!!
فتحت عيني على صوت لامارا...هذي الي من صغري هيه الي تهتم فيني ...وللحين ...احس اني طفله ...
قالت : ندى حبيبتي ئومي تقبريني
فتحت عيني بكسل ...ابتسمت وانا اجوفها وهي ترتب العفسه الي فالغرفه ...سحبت نفسي من بين البطاانيات ودخلت الحمام ...جفت شكلي ...عيوني متورمه من كثر الصاااايح ...خذت شور ...وطلعت وانا لابسه شورت ابيض فوق الركبه ...وقميص عاااري الكتف ...صوفي لونه بيج ...مشطت شعري ...لامارا طلعت ...تعرفني يوم اكون مضااايجه ..مسكت الشال القطني الي لونه مثل لون القميص ..لفيته على جسمي يدفيني ...نزلت الحديقه تحت ...ابا اطلع من جو الكئابه ...نزلت بسرعه على الدري ...
سمعت لامارا تصرخ : البسي شي تقيل ...منشان لا تاخدي برد ..
قلت : لحقيني بكوب الكوفي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك