رواية اول انسان احبه -5
داليا : شغل ايه بس خليك معايا هنا ومش مهم شغل بكرة طالما مسافرين
سليم: دي مسئولية عليه لازم ارتب شغلي قبل ما اسافر مينفعش اسيب الدنيا كده كمان عندي كام اجتماع ففرنسا واحنا هناك لازم اجهز لهم
داليا : خلاص خلاص اعمل اللي انت عاوزة روح وريهام هتوصلني
سليم : داليا قدامي عالعربية جيتي معايا وهتروحي معايا
داليا: يعني اصحباي عاملين لي بارتي اقوم اسيبهم كده دي قلة ذوق يا سلومي وحياتي روح انت وهما هيوصلوني البيت
سليم : اوك يا داليا سلام
داليا: سلام وسابته وراحت لشلتها وهوه روح وسابها تعمل اللي هيه عاوزاه من اولها دلع وبارتيهات واستهتار بشغله
روح سليم ودخل البيت ملقاش حد اتصل علي عليا وعرف انهم مع دانة فبيتها لانها حبت تروح هناك
اما دانة فحست انها محتاجه تكون فيتها اللي كبرت فيه وتحس بوجود امها حواليها راح معاها عبد الرحمن ورقيه وعليا وطلبت انها تبات هناك عبد الرحمن ساب عليا ورقيه معاها ورجع البيت
سليم كل شوية يكلم داليا يلاقيها لسه مروحتش طبعا البارتي واخد واقتها والوقت اتاخر وعبد الرحمن وصل البيت لوحده
سليم: حمدالله عالسلامة يا بابا امال فين ماما وعليا ودانة
عبد الرحمن: هيباتو هناك
سليم: ليه
عبد الرحمن: دانة تعبانة شويه ومحتاجه تحس انها فبيتها ومع ليالي
سليم: وهيباتوا لوحدهم من غير راجل افرض ابن عمها راحلهم دلوقتي ولا حصل حاجه
عبد الرحمن : متقلقش قافلين كويس علي نفسهم وانا كلمت حسين الغفير راح يبات قدام البيت معاهم المهم انبسطت فخروجتك
سليم: الحمد لله
عبد الرحمن(شكلك مش مبسوط واضح انكو ما اتفقتوش من اولها): طيب متقوم تنام وراك شغل
سليم: مستني بس اطمن ان داليا روحت
عبد الرحمن: روحت فين هوه انت مش روحتها البيت
سليم: لا فضلت مع اصحابها عاملينلها حفلة
عبد الرحمن: بزمتك دي اصول تاخد البنت من بيتها وتسيبها ترجع لوحدها
سليم : عادي يا بابا ماهو واضح انها مش اول مرة وانها كده علطول محبيتش اشد معاها
عبد الرحمن: براحتها لما تبقي عند عبدالله مش لما اسمها يتربط باسمك الدلع ده مينفعش معانا انت راجل ليك اسمك وسمعتك فالسوق وكمان الاصول غير كده اخر مرة اشوف او اسمع عن المواضيع دي وانا هاكلم عبد الله مش من اولها
سليم: زي ما تحب تصبح علي خير
عليا ورقية باتوا فاوضة دانة القديمة ودانة هرت فاوضة ليالي تناجيها وتشكيلها قسوة الزمن وجرح الحب
سليم حاول ينام بس داليا رجعت علي الساعه 12 وهوه كان متنرفز منها جدا طلع الصورة اللي دانة رسمتها ليه وقعد يتفرج عليا ويفكر فدانة وخجلها وهدوءها ةبرائتها وحبها ليه بس كان بيفكر اكتر فاحساسه نحيتها اللي مش فاهمه
مر الوقت علي الكل وجه معاد الطيارة جهزوا البنات وسليم اخدهم ودعهم عبد الرحمن ورقيه فالبيت ووصي الكل علي دانة ودانة كانت هادية علي غير العادة مع الكل حتي عليا والكل لاحظ بس سابوها براحتها
مر سليم علي داليا وركبت جنب دانة ورا لان عليا كانت مع سليم قدام
داليا: ازيك يا عليا ازيك يا لومي
عليا : تمام الحمد لله مبس ايه لومي دي
داليا: دله سليم مش عاجبك ولا ايه
عليا: لا مش عاجبني سلوم احسن
سليم: عليا ممكن تدوري علي حاجه حلوة نسمعها
عليا: اوكي
اخدت السيديهات كلها وادتهم لدانة
عليا: دندون اختاري انتي ذوقك فالمزيكا جنان
دانة اخدت السيدهات قلبت فيهم كانو شاملين كل انواع المزيكا بس لقت سي دي اغاني قديمة لنجاة وعبد الحليم ووردة اختارته وادته لعليا
عليا: اه قديم يا دندون هوه انتي زي سلوم بتحبي القديم ماشي
داليا: لا قديم ايه حطي حاجه جديدة بلاش الاغاني الغريبة بتاعت زمان
سليم بص فالمرايه بتاعت العربية لداليا ولدانة واحدة مراته وواحده خطيبته بس مختلفين كل الاختلاف
داليا: ولا ايه رايك يا سلوم
سليم: انا بحب القديم شغلي السي دي اللي اختارته دانة
داليا: طيب عليا انتي معايا ولا مع دانة
عليا: لا طبعا مع دانة ذوقها بيعجبني فكل حاجة
واشتغل السي دي وسكت الكل وداليا متغاظة من عليا اللي بتتعامل مع دانة كويس اوي وسليم اللي حب يسمع من الالبوم اللي اختارته
وصلوا المطار وركنوا العربية فيه ودخلوا خلصوا الاجراءات
سليم: عليا وداليا خليكو سوا وانتي يا دانة تعالي معايا
داليا: ليه ماكلنا سوا
سليم : بس دانة قاصر ومراتي ولينا اجراءات مختلفة خلصوا انتوا اجرائاتكو واحنا هنييجي وراكو
سليم مشي ودانة معاه وبعدين وقف
سليم: دانة انا عارف اني مقصر معاكي كتير متزعليش مني ولا من داليا هيه بس اسلوبها مستفز شويه بس هتحبيها
دانة: لا انا مش زعلانة ابدا انتو اخواتي وانا مش ممكن ازعل منكو
سليم(اخواتك وبيقولولي بتحبك كل ما فيها بيقول غير كده)
داليا : سليم يللا بينا هنتاخر كده
دخلوا الطيارة وعليا قعدت وجنبها دانه وداليا وسليم سوا
داليا : ياي وحشتني فرنسا من الصيف اللي فات مرحتش عاوزة اعمل شوبينج
سليم: هتعملي كل اللي انتي عاوزاه
دانة(اول مرة تركب طياره او تسافر قلقانة وخايفة)
سليم: عليا انتو مرتاحين
عليا :ايوة بس دانة خايفة شوية عشان اول مرة تسافر يعني
سليم : دانة متقلقيش عليا تعالي مكاني وانا هاجي مكانك
داليا: رايح فين خليك معايا هنا
سليم: دانة اول مرة تركب طيارة واكيد خايفه وعليا صغيرة مش هتعرف تتصرف لو دانة اترعبت لما الطيارة تتحرك
داليا: يعني هتفضل جنبها طول الرحلة
سليم: لا بس لحد ما تستقر الطيارة فالجو
بدل سليم مع عليا وعليا مجربة السفر كتير اما دانة فخايفة جدا
سليم قعد جنب دانة
سليم: متقلقيش يا دانة
دانة: لا عادي متشغلش بالك بيه انا هابقي كويس
طلبت المضيفة منهم ربط الاحزمة
سليم لقي دانة مرتبكة وايديها بتترعش مش عارفه تربط الحزام ربطه ليها ولنفسه وبدا يتكلم معاها عشان يشيل الخوف منها
بدات الطيارة تتحرك ودانة مقدرتش تركز مع سليم من خوفها سليم مسك ايديها وبدا يهديها ويسألها وهيه ترد
سليم: خايفة
دانة: موووووووووووووووووووت
سليم: حتي وانا جنبك
سليم: دندون ناوية تكملي دراستك فكلية ايه
دانة: انت رأيك ايه
سليم: اقول ومتزعليش مني
دانة: قول انا عمري مازعل منك
سليم: انا عرفت انك عاوزة تدخلي هندسة عشان تضمني مستقبلك وعليا بتقول انك نفسك تدخلي فنون جميلة بردو(وانا شفت رسمك اد ايه حساس وجميل زيك )
دانة: ايوة انا عاوزة يبقي معايا مؤهل اعتمد عليه قدام زي مانت عارف انا مليش حد ابدا وفالمستقبل كل الاوضاع دي هتتغير وعاوزة اضمن مستقبلي
سليم: خلاص ادخلي هندسة وتوكلي علي الله وان هاساعدك ديما وبطلي تقولي ملكيش حد امال انا ايه فحياتك ولا مليش لزوم
دانة: مقصدش بس انت استحملت مني كتير اوي ومن حقك تعيش حياتك
سليم كان لسة هيتكلم داليا دخلت فالخط
داليا: علي فكرة الطيارة استقرت فالجو من زمان اوي ولا انت عجبتك القعدة جنب دانة
سليم : باتكلم مع دانة شوية اول مرة نتكلم كده
دانة بصت لسليم ونست داليا والطيارة وركزت فشكلة حاسه ان فيه حاجه متغيرة معاها بس ايه هيه مش عارفة بيتعامل معاها كويس اوي زي ماكانت بتتمني بس ياترا ده شفقة منك ولا شكر عشان خطبت داليا
داليا فكت الحزام وراحت عند سليم ودانة
داليا بصت لقت سليم ماسك ايد دانة مدت ايدها علي كتفه دانة اتحرجت سحبت ايدها من ايد سليم وسليم اضايق
داليا : بتتكلمو فاية يا ترا
سليم مسك ايد دانة تاني : مراتي وباتعرف عليها شوية روحي اقعدي بدل مانتي واقفة فالطريق كده
داليا (بقهر ):طيب يا سلومي انا اما تخلص عاوزاك ضروري يستحسن متتاخرش
رجعت داليا قعدت مكانها وسليم لف علي دانة
سليم: دانة
دانة: ايوة
سليم: انا ااااا ا
دانة: روح لداليا متشليش همي
سليم :لو احتجتي حاجه ناديني
دانة : اطمن عليا معايا ولو احتجت حاجه هاطلبها منك
سليم مش عاوز يقوم من جنبها بس مضطر يروح لداليا نادي لعليا وجت قعدت مكانها وراح سليم مكانه
دانة: عليا انا هانام شويه انا منمتش من امبارح
عليا: اوكي حبيبتي ارتاحي (ياترا كنتوا بتتكلموا فايه)
سليم: داليا يا ريت تتعاملي باسلوب احسن من كده مع دانة احنا هنقعد شهر برا سوا ومش عاوز مشاكل
داليا:اهلا هيه عينتك محامي ليها يعني ولا ايه وبعدين الطيارة اتحركت من زمان كل ده بتعمل ايه وكنت ماسك ايدها ليه
سليم: داليا من فضلك احنا فطيارة ودانة مراتي من قبل مش انتي اللي هتقوليلي اتصرف معاها ازاي ويا ريت تسكتي انا تعبان وعاوز انام
داليا: لا انا لازم افهم انت جيت تخطبني عشان مفيش بينك وبينها حاجه ولا بتضحك علينا
سليم: انا صبري بدأ ينفذ يا داليا اسكتي من فضلك راعي المكان اللي احنا فيه
داليا: سليم انا مش عاوزاك تتكلم مع دانة دي خالص لو عاوز ترتاح من المشاكل
سليم: لاااااااااااااااااا انتي زودتيها اوي انا الراجل هنا وانا اللي اقرر انا هاعمل ايه
سليم قام من الكرسي
سليم: عليا ممكن تروحي مكاني انا تعبان وعاوز انام
عليا: اوكي ربنا يصبرني علي داليا وهمست لسليم انا مش عارفة انت متحملها ازاي
بدلوا الاماكن وداليا مضايقة جدا من سليم وانه سابها ومشي وزاد كرهها لدانة اللي نايمة ومش عارفة داليا ناويه ليها علي ايه
سليم قعد جنب دانة و لف راسه نحية دانة وقعد يتامل فيها وهيه مغمضة بس دانة كانت بتحاول تنام لسه ومحستش بسليم لما جه جنبها وعليا قامت وفتحت عنيها لقت سليم جنبها بيتفرج عليها خدودها احمرت واتحرجت
وسليم عجبه شكلها وهيه محرجة اوي مسك ايدها ودانة ارتبكت
سليم (انا محتاج وقت يا دانة افهم نفسي عارف اني اتورطت مع داليا اديني وقت )ساب ايدها وغمض عنيه
سليم قدر ينام بس دانة مقدرتش فتحت عنيها وقررت ترسم لوحة جديده طلعت ورق واقلام الرسم وبدأت ترسم سليم وهوه نايم كانت سعيدة انه جنبها حتي ولو لوقت قليل لكن كانت حاسة انها ملكت الدنيا سليم قلق من نومه فتح عيونه ببطء شاف دانة مشغولة بالرسم غمض عيونه بسرعه عشان متتحرجش منه ولما حس انها خلصت فتح عيونه لقاها مغمضة كان نفسه يشوف اللوحة بس كانت دانة رجعت الاسكتش شنطتها تاني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السابع
مر الوقت ووصلوا فرنسا استقبلتهم غادة وايهم
غادة: حمد الله عالسلامة يا حبايبي
سليم: الله يا يسلمك يا دودي(طبعا غادة بتحب الولاد يكلموها من غير القاب عشان مبتحبش اللي يكبر سنها)
عليا: وحشتيني كتير امال فين هنا مجتش تستقبلنا ليه
ايهم: طيب سلمي علينا الاول وبعدين اسالي عن هنا
عليا بتبوس خالتها وتحضنها : دي غيرة بقي ولا حقد
ايهم: اغير انا اغير من مين
عليا بتسلم عليه: مني انا طبعا بس بجد هنا فين
ايهم: طيب انا بردو عملت باصلي وجيت استقبلتك وهنا فالبيت كسلت تيجي وقالت هتسلم عليكو فالبيت
داليا: اخبارك ايه يا دودي ازيك يا ايهم
كل ده ومحدش واخد باله من دانة
ايهم: ازيك يا ابن خالتي اخبار مصر ايه
سليم : بتسلم عليك مش ناوي تيجي مصر وتشوفها بنفسك
ايهم بينه وبين سليم: مين القمر دي
سليم: قصدك مين
ايهم:اللي مع عليا
سليم(مضايق من ايهم ):دي امانه معانا ملكش دعوة بيها خالص يا ايهم انا باقولك اهه عشان منزعلش من بعض
ايهم(متجاهلا لسليم):عليا مين القمر اللي معاكي دي
الكل التفت علي ايهم وبعده التفتوا لدانة اللي اتفاجئت من الجراءة اللي هوه فيها خصوصا وسليم موجود بس دانة متعرفش ان محدش يعرف انها مرات سليم
غادة: اه انتي اكيد دانة دي بنت واحد صاحب انكل عبد الرحمن يا ايهم وهتقضي الاجازة معانا
دانة(مصدومة بنت صاحب عمي عبد الرحمن بس تجاهلت الموضوع اكيد مش عاوزين حد يعرف ان سليم متجوز وهوه لبنت عمه )
داليا:اه احنا هنوديها الاوتيل ونروح سوا نرتاح من السفر ده بقي ونتسلي سوا صح يا سلومي
دانة(ناقص تسيبوني فالمطار واروح لوحدي ): طيب يللا نمشي بقي انا تعبانه وعاوزة ارتاح فالاوتيل
وصلوها الاوتيل وراحوا كلهم البيت
دانة دخلت اوضتها فالاوتيل وقفلت الباب وطلعت من البلكونة وقفت تتفرج علي جمال باريس اللي ياما سمعت عنه بس اول مرة تشوفه دخلت ترتاح من السفر لانها منامتش من يومين والسفر والطيران كان مجهود عليها طلعت لوحة سليم اللي رسمتها فالطيارة ونامت محستش بالدنيا
اما الباقي راحو بيت غادة وكانت هنا فاستقبالهم
هنا: حمد الله عالسلامة يا جماعه اخباركو ايه
عليا وهيه بتحضن هنا: يا وحشة متجييش تستقبليني فالمطار وتبعتيلي اخوكي الغبي ده
هنا: معلش يا لولو والله مكنتش فاضية كنت باجهز ورقي عشان اقدم فالكلية عندي انترفيو بعد يومين ادعيلي بقي
عليا: ربنا معاكي
سليم: ايه يا هنا موحشتكيش ولا ايه
هنا وهيه بتسلم علي سليم: لا طبعا وحشتني ازيك يا سلوم
سليم: الحمد لله باريس وحشتني كتير
هنا: هنخرج براحتنا بعد ماترتاحو بس(عنيها وقعت علي داليافهمست لسليم) شكل الاجازة هتبقي كئيبة جبتوها معاكو ليه
سليم: عيب يا هنا انتي متعرفيش انها خطيبتي دلوقتي
هنا مصدومة: لا حرام عليك نفسك طيب اسمحلي اعزيك بقي فنفسك
سليم يضحك ويمثل العصيبة : هنون عيب كده
غادة: ايه يا هنا تعالي سلمي علي داليا وسيبهم يرتاحو من السفر مش ملاحظة انك موقفاهم عالباب
هنا: ازيك يا داليا اخبارك اتفضلوا ادخلوا يا جماعه واقفين ليه
داليا طبعا مردتش علي هنا لانها مبتحبهاش
دخلوا البيت والكل طلع يرتاح عليا وداليا طلعوا مع هنا اوضتها وسليم طلع اوضة الضيوف عشان مبيحبش يشارك حد سليم فضل يفكر فدانة ياترا بتعمل ايه فكر يطلبها بس قال اكيد نامت ترتاح من السفر ونام
غادة : ايهم خلي سوزانا تجهز عشا عشان ولاد خالتك بعد ما يرتاحو
ايهم: اوك
عبد الرحمن: رقية تفتكري هياخدو بالهم من دانة ولا سليم هينشغل مع داليا ويقصروا معاها
رقية: ان شاء الله محدش هيقصر معاها وهتنبسط فرحلتها
بعد اربع ساعات من وصولهم العشا كان جاهز وغادة جمعتهم عشان العشا
غادة: يللا يا اولاد قومو نتعشي وبعدين ارتاحوا
عليا: انا عن نفسي وحشتني باريس وعاوزة نخرج بعد العشا ولا ايه رايكو
سليم: معنديش مانع انا نمت فالطيارة اصلا فمرتاح
ايهم : خلاص استعدوا لجولة علي حسابي النهارده بس
الكل : موافقين
دانة كانت فالاوتيل صحت وفتحت شنطها وبدأت ترتب ملابسها فالدولاب وطبعا مكانش فيهم اي قطعه باللون الاسود عمها عبدالرحمن حلفها ان الفستان اللي كانت لابساه فالمطار يكون اخر حاجه سودا تلبسها وكان جايبلها فساتين كتير هوه و رقية وبعد ما خلصت ترتيب دخلت تاخد دش ولبست فستان شيك ابيض فيه ورود روز وعليه بوليرو روز ولبست اكسسورارتها
كان طالع عليها جنان اظهر جمال بشرتها البيضاء رفعت شعرها رفعه بسيطة وكان شعرها طويل وناعم جدا لونة كستنائي رائع ملامحها كانت جميلة جدا مكانتش محتاجة اي مكياج كانت رغم بساطتها ملكة تبهر العيون بس كانت ملكة وحيدة بلا ممكلة ولا ملك لبست واتشيكت عشان تحس ان فيه حاجه جديده حلوة فحياتها وخرجت تتفرج علي باريس من بلكونة الاوتيل
اما عند غادة بعد العشا قرروا يخرجوا خلاص
سليم وايهم لبسو سبورجينز وتيشرتات والجو كان جميل مش محتاج يلبسوا جاكيت وكانوا فمنتهي الشياكة لان الاتنين اوسم من بعض الا ان سليم كان لون بشرته برونزي مش ابيض زي ايهم بس سليم كان جذاب برجولته اللي بتفرض نفسها
عليا وهنا قرروا يلبسوا زي بعض لانهم بيحبوا يكونوا شبه التوائم لانهم شبه بعض جدا وكانوا طالعين قمرات لانهم بنوتات جمال اوي
اما داليا ديما بتحب تبقي اوفر فشكلها فكانت عاملة مكياج كامل ولابسة فستان معاه فرو اسود وبوت اسود كانت جميلة بشرتها بيضاء وشعرها اسود ووجهها ملامحه جميلة بس طبعا مكانتش بجمال دانة اللي محدش شاف جمالها من لبسها الاسود وحزنها الدايم
خرجوا كلهم سوا هنا وايهم وداليا وسليم وعليا ناسيين ان فيه واحدة وحيدة ملهاش حد سافرت معاهم علي امل انها تغير جو
كانت الساعه 8 لما خرجوا اتمشوا شوية وفجاة
عليا: احنا نسينا دانة خالص يا سليم
سليم: فعلا انا هاطلبها اطمن عليهافالاوتيل
هنا: مين دانة دي
داليا : دي واحدة جاي تتفسح معانا بنت صاحب عمي عبد الرحمن وباباها مات وعمي اللي بيصرف عليها دلوقتي وقاعدة عندهم
سليم: داليا علي فكرة دانة بنصرف عليها من فلوسها ومش هاسمحلك تتكلمي عنها كده
ايهم : ايه يا سليم داليا مقالتش حاجه غلط
سليم: لا لازم تتعود متتكلمش عنها كده بدل ما تنسي فمرة وتتكلم كده قدامها وبعدين بابا وماما موصييني عليها جامد
اتصل سليم بالاوتيل وطلب يكلم دانة
داليا: متسيبها تلاقيها نايمة خلينا نتفسح احنا النهارده براحتنا
سليم مردش عليها
دانة: الو
سليم: اهلا دانة انتي صاحية
دانة: ايوة
عليا: اديهالي اكلمها
سليم : استني بس يا عليا اخبارك ايه يا دانة مرتاحه
دانة: الحمد لله ممكن اكلم عليا
سليم: اوك معاكي عليا
عليا اخدت الموبايل من سليم: دندونة بتعملي ايه وحشتيني
:دانة: ولا حاجة باتفرج علي باريس من البلكونة
عليا: طيب انتي كويسة مش محتاجة حاجة
دانة:لا متشكرة
عليا : هاكلمك كمان شوية اقفلي دلوقتي
بعد ما قفلت عليا مع دانة: سليم دانة شكلها مضايقة
سليم: قالتلك حاجه
عليا: لا بس بردو بلد غريبة واول مرة تيجي انا باسالها بتعملي ايه بتقول باتفرج علي باريس من البلكونة اية رايك نروحلها
سليم: اوك يللا بينا
داليا: يللا بينا فين خليها تلاقيها مش جاهزة خلينا نكمل خروجتنا
هنا: انا حابة اتعرف عليا يا عليا شكلك بتحبيها
عليا : انتي كمان هتحبيها لانك متقدريش تعملي حاجه غير انك تحبيها
ايهم: طيب منروح نجيبها بقي
عليا: خلاص نروحلها ونعملها مفاجأة
وصلوا الاوتيل واتصلوا بدانة تنزلهم بس مش هما اللي فاجئوها هيه اللي فاجئتهم بشكلها الاكتر من رائع
طبعا محدش عرفها منهم لانه ايهم وهنا ميعرفوهاش وسليم وعليا وداليا منتظرين واحدة لابسة اسود ولامة شعرها دانة: مساء الخير
سليم بيلعب فالموبايل: مساء النور
عليا : دانة يخرب عقلك ايه الجمال ده
سليم رفع راسه وانبهر : فعلا جميلة اوي اوي يا دانة النهاردة
ايهم: هاي يا قمر انا ايهم
سليم معجبوش اسلوب ايهم مع دانة حس انه بيعاكسها بس دانة كانت محرجة جدا وباين عليها
هنا: انا هنا بنت خالة عليا وتقدري تقولي اننا توأم متماثل
دانة كانت لسة هترد بس داليا دخلت فالحوار
داليا: ايه ده يا دانة مش كنتي تلبسي حاجه غير كده شكله مش حلو ابدا عليكي وبعدين ايه يا جماعه هوه احنا هنفضل واقفين هنا عاوزين نخرج بقي
عليا بتهمس لدانة: ولا يهمك منها زي القمر يا دندونه شوفي سليم مش قادر يرفع عينه عنك ازاي
دانة: سيبيني فحالي دلوقتي انا هاموت من الاحراج وابن خالتك ده جرئ اوي ودمه تقيل موووت وحاسة كده ان سليم اضايق من كلامه
عليا: سيبيه يضايق عالاقل يحس بالغيرة عليكي شوية ودي حاجه حلوة مش وحشة
ايهم: القمر اول مرة تيجي باريس صح
سليم بالنيابة عنها : ايوة اول مرة تيجي باريس
ايهم : خلاص انا اتبرعت ابقي المرشد السياحي بتاعك هنا وافرجك باريس حتة حتة اية رأي....
سليم قاطعه: لا انا المرشد بتاع دانة ومسك ايد دانة وشدها من بينهم وخرج بره الاوتيل والباقي مدهوشي
هنا: عليا هوه مسك ايدها قدام داليا كده داليا هتزعل وتعملها مشكلة
عليا: خليها تتضايق يمكن تفسخ الخطوبة ادعي معايا
هنا:هههههههههههه بس دانة امورة اوي
ايهم: يللا يا جماعه نخرج
داليا خرجت بسرعه ورا سليم ودانة وخرجوا يتفسحوا فالشوارع وكانوا قصاد برج ايفل فقرروا يدخلوا
سليم : دانة ايه رايك فبرج ايفل
دانة: شكلة جميل اوي انا قرأت كتير عن باريس من اول ما عمي قال اننا هنيجي هنا بس متخيلتش جمالها يكون كده
سليم: انتي بتحبي تقري
دانة: مش دايما بس بحب اعرف الحاجات اللي تخصني بشكل واسع يعني اعرف عن مكان هاروحه تجربه هاخوضها رياضة بامارسها كده يعني
سليم : طيب تعرفي ايه عن برج ايفل
داليا: احنا هنقضيها معلومات عامة متيجوا نطلع ناخد حاجه فالمطاعم فوق
سليم: دانة انتي اتعشيتي
دانة: لا انا مش باتعشي
سليم : لا لازم تتعشي وتتغذي كويس ماما موصياني عليكي
دانة(يعني لولا الوصاية مكنتش اهتميت بيه كده)
عليا:دندون تعالي
دانة : عن اذنك يا سليم
سليم: اتفضلي
راحت دانة لعليا وسابت سليم واقف مع داليا بس باله كان مع دانة
داليا: سليم مش شايف انك واخد بالك منها زياده عن اللزوم فيه اربعه غيرك مستعدين ياخدوا بالهم منها ياريت تفضالي شوية بقي كفاية اوي اللي حصل فالطيارة وانا هانساه بمزاجي لاني عاوزة اتفسح ومعركش مزاجي اوكي
سليم:......(مش معاها اصلا)
داليا: سليم انت معايا
سليم: اه اوكي مفيش مشكلة
عليا: هنا يادانة عندها انترفيو بعد يومين عشان هتدخل كلية اعلام ادعيلها ربنا يوفقها وتعرف تتكلم كويس
دانة : ربنا معاكي يا هنا ان شاء الله
ايهم: وانا هادخل كلية هندسة يا دندون علي فكرة
دانة(دندون فعينك دانت بايخ): والله انا وعليا كمان ناوين ندخلها لان مثلنا الاعلي سليم وعمي عبد الرحمن
ايهم طيب ايه رايك تيجي تطلعي البرج معايا دي باريس من فوق جنان
سليم شاف ايهم وهوه بيتكلم مع دانة
سليم: تعالي نروح نقعد معاهم
داليا: لا خلينا لوحدنا تعالي نروح نعمل شوبينج ونسيبهم هنا
سليم بضيق: اوك بس نعرفهم
قربلهم سليم وسمع ايهم وهوه بيطلب من دانة تطلع معاه البرج استني يسمع رد دانة
دانة:اسفة جدا بس انا باحب استكشف الاماكن الجديدة لوحدي خد دانه و هنا معاك وانا هادخل البرج ونتقابل هنا بعد ساعتين كويس ومادتلوش فرصة برد وقامت مشيت فاتجاه البرج
سليم : دانة
دانةوقفت
سليم راح عندها: انتي رايحه فين
دانة: هادخل اتفرج عالبرج وهنتقابل هنا بعد ساعتين انا وعليا وهنا
سليم:مينفعش تمشي لوحدك هنا
دانة: خلاص هارجع الاوتيل
سليم :يكون احسن
دانة توقعت انه يقولها لا هاجي معاكي بس فاجاها برده
دانة: طيب باي
ورجعت الاوتيل لوحدها قفلت الاوضة عليها وقعدت تبكي حظها التعيس اللي حتي الخروج والفسحة مش مهنيها عليها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك