رواية اول انسان احبه -7
دخلوا البيت وطلعت دانة جابت اسكتش الرسم بتاعها نزلت
ايهم عشان يقلل الحرج علي دانة طلب من عليا وهنا يخرجوا معاهم عليا كانت عاوزة تنام اما هنا فراحت معاهم
خرجوا وراحو المكان اللي كانوا فيه ودانة بدات ترسم
ايهم: اية المواهب دي كلها ممكن اتفرج
هنا : وانا كمان لو مكانش يضايقك
دانة: اوك بس انا هاوريكو اللوحات لان فيه لوحات خاصه بيه (طبعا اللوحة اللي رسمتها لسليم) مش هاقدر اعرضها
سليم شافهم من بعيد وهما بتفرجوا عاللوحات بتاعت دانه ودانة واقفه بتعرضها قدامهم وايهم بيصفر ليها اعجاب بلوحاتها وهيه بتضحك ومبسوطة
دانة اتعودت علي هنا وايهم بسرعه لانهم طيبين وبيعاملوها كويس وبدأت تحس ان ايهم مش ثقيل دم زي ما كانت فاكرة
بالليل الكل اتجمعوا عشان يشووا وكان عبد الرحمن وغادة ورقيه قاعدين سوا والشباب سوا
ودانة كانت مع عليا وايهم وهنا وقررت تتجاهل سليم وداليا تماما
ايهم: تيجو نلعب الحقيقة او الشجاعه وافقوا كلهم وبدا ايهم : وكان هيسال عليا
ايهم: عليا انتي لية متغيرة اليومين دول
عليا: ولا حاجه بس فيه حاجات الواحد بيبقي متخيلها وساعات كتير مبتحصلش وتصرفات مبيبقاش متخيل انها ممكن حد يعملها فبينصدم لما تحصل قدامة
عليا لفت الزجاجة وهتسال داليا
عليا: انتي شايفه نفسك ايه
داليا: يعني ايه
عليا: يعني لما بتشوفي نفسك ايه اول حاجه بتطلع فبالك
داليا: جميلة طبعا
داليالفت الزجاجة وهتسال ايهم: اية رايك فالحب
ايهم: مجربتوش بس ناوي قريب اوي(وطبعا عينه كانت علي دانة)
ايهم لف الزجاجه وهيسأل هنا:بتحلمي باية
هنا: احقق كل احلامي وماندمش ابدا
هنا لفت الزجاجة وهتسال سليم: اية اكتر حاجه بتحبها فداليا
سليم(انا مش لاقي فيها حاجه بحبها ):مش حاجة محددة ولف الزجاجه عشان يهرب من السؤال
المفروض انه هيسأل دانة
سليم: اية اكتر حاجه بتتمنيها دلوقتي
دانة: اني ارجع اعيش حياتي زي زمان
الاكل بقي جاهز واتجمعوا علشان يتعشوا كلهم سوا وبعد العشا
داليا: الجو هنا ممل اوي انا عاوزة ارجع باريس
عبد الرحمن: احنا هنفضل هنا كام يوم نغير جو واللي عاوز يرجع باريس غادة هترجع عشان الشغل يرجع معاها
داليا: انا وسليم هنرجع
سليم: انا لسه مقررتش هارجع او لا
داليا : هتسيبني لوحدي يعني
سليم: مين اللي هيرجع معانا
هنا: انا هارجع مبقدرش ابعد عن المدينة
عليا:وانا كمان هارجع معاكو انا مليش فالجو الهادي ده خالص
عبد الرحمن: خلاص يبقي انا ورقية ودانة وايهم هنفضل هنا وانتو هتسافروا امته
سليم: انا هاوديهم بكرة واحضر اجتماع وارجعلكو بالليل
داليا: هترجع هنا تاني ليه
سليم: عاوز اغير جو وعاجبني الجو هنا انتي اعملي شوبينج براحتك ومتشغليش بالك بيه
سابتهم داليا وقامت تنام وجاء ادريان صاحب ايهم وخرجوا قعدوا بره البيت وسط الزهور
ايهم كان غاوي مزيكا هوه وادريان ايهم رجع جاب الجيتار وخرج بره واول ماعليا وهنا شافوه خارج بالجيتار خرجوا وراه وقعدوا ايهم وادريان يعزفوا ويغنوا وعليا وهنا ودانة يسمعوا وبعدين ايهم بدأ يعزف اغنيه عربية ويغني وعبد الرحمن ورقيه وغادة خرجوا علي صوته قعدوا معاهم دانة عجبها الجو جدا معاهم بدات تدندن بهدوء معاهم ايهم اخد باله انها بتدندن معاهم شاور لادريان وسكتوا يسمعوها اتكسفت دانة وسكتت
ايهم: لا غني معانا بليز يا دانة
عبد الرحمن سمعيني صوتك يا دانة
دانة: من ايام ماما مغنيتش يا عمي مش عارفه هاقدر ولا لا اعفيني
عبد الرحمن: عشان خاطرنا
دانة بدات تغني اغنية اماني السويسي من ورايا الكل سكت يسمع وسليم كان بتفرج من الشباك عليهم فتح الشباك عشان يسمعها
من ورايا
وبابقي عارفة وبابقي فاهمه كل حاجه
من ورايا
وكتير بافوت كتير باموت اي شك يجيني فيك
فييييييييييييييييك
دا انا ياما عشت ساكته شفت بعنيه شيء مش طبيعي
وقلت لسه اديلة فرصة بكرة يبقي انسان طبيعي
طبيعي
انا بس خايفة
اهون عليك
وانه بايديك
تقسي عليه واروح منك
واللي تاعبني
اوقات كتير
اني باغير
وباخاف يكون دا بقي طبعك
ده انا ياما
عشت ساكتة
شفت بعنيه
شيء مش طبيعي
قلت لسة
اديله فرصه بكرة يبقي انسان طبيعي طبيعييييييييييييييييييييييييييييي
الكل كان بيسمع في هدوء شديد واول ما خلصت دانة ايهم وقف : لا صوتك جنان انا بانحني امام جمالك يا دانة وجمال صوتك
الكل كان معجب بيها بس غادة كانت مبسوطة منها مع انها مكانتش حابه فكرة وجودها بس اتعلقت بيها
خلصت السهرة والكل راح ينام بعد يوم لطيف ودانة كانت مبسوطة لانها حست باهتمام اللي حواليها وقررت تنسي سليم وتلغيه من حياتها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الجزء الحادي عشر
ايهم طول الليل بيفكر فدانة من اول مرة شافها وهيه مميزة وجميلة كل شوية بيكتشف فيها حاجه احلي من التانية وقف فالشباك يتمتع بالصباح الجميل شاف دانة تحت وسط الزهور بترسم ومعاها عبد الرحمن غير هدومه ونزل قعد معاهم
ايهم: صباح الخير ايه الاخبار
دانة وعبد الرحمن: صباح النور
ايهم: الباقيين لسة نايمين طبعا
عبد الرحمن: انت صاحي بدري ليه
ايهم(هوه حد يعرف دانة ويجيله نوم):محبيتش اضيع وقت عشان عامل برنامج حلو لينا النهارده
عبد الرحمن : قول يا سيدي
سليم صحي ونزل تحت عشان يراجع اوراقه قبل ما يروح الاجتماع نزل لقي الباب مفتوح طل من الباب لقي دانة وايهم وباباه قاعدين وواضح انهم مبسوطين جدا اضايق وراح لهم
سليم: صباح الخير ازيكو
الكل : صباح النور
سليم: ايه النشاط ده ايهم علي غير العادة
ايهم: اصلي مرتب مع عمي يوم من الصبح بدري كده هنقضيه سوا هيبقي حلو اوي هنركب خيل وهنقطف عنب مع العمال ونتغدي عند الكرمات يعني هنغير جو هناك
سليم: طيب انا هاروح انا والجماعه هاستعجلهم عشان ماتاخرش بالليل بابا ممكن كلمة علي انفراد لو سمحت
عبد الرحمن : اوي
كان هيقوم بس ايهم قال: خليك يا عمي انا هاخد دانة ونروح لادريان نختار الخيل بعد اذنك طبعا
عبد الرحمن: دانة خليكي مع ايهم مش هاوصيك عليها
ايهم: دانة فعيوني يا عمي
بعد ما راحو دانة وايهم
سليم (هينفجر من الغضب ووشة بقي احمر ): بابا يا ريت دانة ترجع معايا باريس
عبد الرحمن (مركز اوي فملامح سليم وحاسس انه علي اخره): ترجع معاك انت ليه
سليم بقلة صبر : عشان انا مش عاوزها تقعد هنا مع ايهم ده ولا لحظة مش شايف بيعاملها ازاي
عبد الرحمن: بيعاملها ازاي الراجل مغلطش فاي حاجه كل حاجه بيستأذني قبل ما يعملها مجرحهاش باي تصرف من تصرفاته والاهم من كده واخد باله منها جدا فحدود الادب
سليم: بس دي واحده متجوزة مش من حقها تروح وتيجي مع واحد غريب وانت كمان حماها ازاي تسمحلها بكده
عبد الرحمن: انا بقي سمحتلها عندك اعتراض
سليم: ايوة طبعا عندي مش مراتي دي ولا ايه
عبد الرحمن : طلقها وريح اعصابك طالما مضايق اوي كده من انها تبقي مرتاحه لاول مرة من يوم ما انت دخلت حياتها وللاسف انت كنت سبب تعاستها وهوه سبب سعادتها
انسحب سليم من النقاش لانه احتد بينهم وانفعاله بدأ يزيد عرفهم انهم لازم يمشوا دلوقتي
وخرج سليم ركب العربية ومشي بسرعه ووصل غاده وعليا وداليا وهنا البيت وراح الاجتماع وطول الطريق وهوه بيفكرو بيكلم نفسه : محدش فاهم اني اتعلقت بيها ليه والله بحبها خفت عليها لما خرجت واما شفتها قدامي نسيت الناس واللي حواليه كنت فرحان اني لقيتها كويسةبافرح باهتمامها بيه بس مبعرفش اهتم بيها مش عارف ليه حظها معايا ديما وحش انا مش متخيل اني ممكن ماشوفهاش تاني او اني اطلقها او اني اي حد يقرب منها زي ايهم او غيره يارب اعمل ايه
اخد الموبايل وطلب باباه
سليم: بابا انا مش هاطلق دانة وهتفضل مراتي مهما حصل مع السلامة وقفل المكالمة
عبد الرحمن : ايهم عاوز اقولك نصيحة مني انا زي المرحوم والدك بردو
ايهم : اتفضل يا عمي
عبد الرحمن: بلاش تتعلق بدانة دانة مش ليك
وحكي عبد الرحمن لايهم حكاية دانة وجوازها من سليم وطلب منه ان ده يبقي سر بينهم
ايهم مكانش مستوعب ان دانة متجوزة سليم كان معجب بيها بس كصديقة مش كحبيبة كان محتاج حد زيها يبقي موجود فحياته قرر انه يساعدها
عبد الرحمن : دانة يتيمة وحبت سليم بس هوه محسش بيها وجرحها كتير يا ايهم دلوقتي سليم بدأ يحبها ويشوف مميزاتها والاهم انه بيغير عليها منك
ايهم: حضرتك عاوزني ماتكلمش مع دانة
عبد الرحمن: بالعكس انا عاوزة يعرف انه بيحبها ويغير عليها اكتر لان ابني الظاهر انه غبي
ايهم: انا حبيت دانة زي هنا وعليا وهاعمل كل اللي اقدر عليه حتي لو اية
جت دانة ومعاها الفطار
دانة: الفطار جاهز يا جماعه وماما رقية لسه نايمة
عبد الرحمن : دانة عاوز اقولك حاجة
دانة : اتفضل يا بابا
عبد الرحمن: انا طلبت من سليم يطلقك
دانة اغمي عليها فورا عقلها ماستحملش فكرة الانفصال عن سليم مع انها ديما كانت عارفه انهم هينفصلوا بس التوقع حاجه والحقيقة حاجه تانيه
عبد الرحمن وايهم فوقوها وبدأت تبكي
عبد الرحمن : حبيبتي انا
دانة: عمي انا عارفه اني مليش مكان فقلب سليم بس انا مش عاوزة انفصل عنه الله يخليك متخليهوش يطلقني يا عمي انا يكفيني وجودي جنبه ومش عاوزة منه اي حاجه
عبد الرحمن: ممكن تهدي وتسمعيني
دانة: حاضر
عبد الرحمن: انا مطلبتش منه يطلقك الا عشان يعرف قيمتك وهوه خرج مضايق جدا جدا من طلبي ده ومضايق اكتر من كلامك مع ايهم ده ابني وانا اكتر واحد عارفه وعارف انه مش فاهم نفسه ومتلخبط وبيحبك صدقيني بيحبك
دانة : طيب ممكن تخليني اكلمه لو سمحت
عبد الرحمن : اوكي
وطلب سليم عالموبايل
سليم: ايوة يا بابا
دانة:........
سليم: بابا
دانة:.........
سليم: بابا انت معايا رد عليه فيه ايه
دانة: اناااا
سليم : مين معايا
دانة: انا دانة كنت عاوزة اقولك اني .........
سليم:انك ايه
دانة: اني مش عاوزة اطلق منك دلوقتي ومش عاوزاك تتضايق من عمي انا عارفه انك مشغول دلوقتي هاقفل ومش هازعجك تاني
سليم: دانة
دانة: نعم
سليم: بجد مش عاوزة تطلقي مني يعني دي مش رغبتك
دانة: لا مش عاوزة
سليم: طيب ممكن اطلب منك طلب
دانة: اكيد
سليم: ممكن تستنيني بالليل عاوز اتكلم معاكي كتير
دانة: موافقة بس بشرط
سليم: من اولها شروط
دانة: معلش اتحملني
سليم: طيب قولي الشرط وهافكر اوافق عليه ولا لا
دانة: ممكن لما تيجي تصالح بابا عشان زعلان منك اوي وتخللي بالك من نفسك وانت سايق بالليل
سليم: هوه ده الشرط ده امر وواجب التنفيذ .......دانة استنيني
دانة :مستنياك مع السلامة
سليم : الله يسلمك
قفلت دانة وهيه مرتاحه طلب عمها الطلاق ده فوقها وعرفها انها متقدرش تستغني عن سليم ولا تتخيل انها تكون بعيده عنه قررت تقرب منه وتديله فرصة
اما سليم فديما بيرتاح لما بيتكلم مع دانة وارتاح اكتر لما عرف انها مش ورا طلب الطلاق خلص اجتماعه بسرعه ورجع الريف
سليم: مساء الفل والياسمين والجمال كله علي عيون الناس الحلوين المنورين فرنسا كلللللللللها
رقية: ماشاء الله عالروقان ايه ده كله بس يارب ديما
عبد الرحمن: ربنا يهديك
سليم: وحشتني يا احلي اب فالوجود واسف جدا واوعدك انك هتشوف مي حاجه كويسة فالفترة الجاية متزعلش مني بقي
عبد الرحمن: ربنا يسهل بس راعي ربنا فيها ده اللي انا طلبته منك مطلبتش اكتر من كده
ايهم وادريان كانوا بره البيت بيخلصوا شغل للمزرعة ودانة كانت فاوضتها فوق لبست فستان اصفر قصير فيه شريط ساتان موف من تحت الصدر ولبست شوز موف عالي ورقية عملتلها مكياج خفيف ورتبت شعرها وزينته بشريط ساتان موف ولبست سلسلة بقلب كريستال رقيقه جدا
دانة فضلت مستنيه فاوضتها لان الفستان كان اقصر من انها تظهر بيه قدام ايهم بس باباها ومامتها اختاروه عشان تظهر انسه رقيقه مش طفلة فالثانويةجهزت وطلت من الشباك شافته وهوه داخل وفضلت منتظراه فاوضتها
سليم: بابا فين دانة
عبد الرحمن: عاوزها ليه
سليم: حاجات خاصه فين هيه بقي
عبد الرحمن: فاوضتها مش هتعرف تنزل اطلعلها انت
سليم: مش هتعرف تنزل ليه لتكون تعبت تاني
عبد الرحمن: لا اطلعلها هيه مستنياك
طلع سليم لدانة ووقف عند الباب خبط عليه
دانة : ثانية واحدة
كانت بردو محرجه انها تقعد معاه كده سحبت شال من الدولاب حطته علي كتفها
دانة: اتفضل
دخل سليم الاوضة وقفل الباب وراه فضل واقف شويه يتفرج علي دانة دانة اتحرجت راحت وقفت جنب الشباك عشان تتجنب نظراته
سليم:دانة
دانة: ايوة ولفت بصت ليه
سليم: لا بس كنت باتأكد انك دانة (وقرب منها ووقف جنبها ) دانة حد قالك انك جميلة اوي
دانة وشها قلب الوان وسكتت لفت عالشباك تاني
سليم حط ايديه علي كتفها ولفها عليه : ممكن اطلب منك طلب
دانة هزت راسها بالموافقه
سليم: اقرصيني
دانة ضحكت: ايه
سليم مسك ايديها: عاوز اتأكد اني مش باحلم وانك فعلا قدامي بالجمال ده كله والرقه دي كلها
دانة حاولت تلف تهرب منه ومن كلامه اللي بيحرجها بس هوه كان ماسك ايديها
دانة: صالحت بابا
سليم: طبعا صالحته انا مقدرش علي زعله بس انتي مكنتيش تحت فاستقبالي معاهم ليه
وشها قلب الوان وسليم حب يحرجها زياده
دانة: اصلي مش متعودة البس كده ومينفعش ايهم وصاحبه يشوفوني كده
سليم باس ايدها وهيه مذهولة ومش مستوعبه ان كل التغيير ده يحصل فيوم
سليم:دانة انا جاي النهاردة ونااوي ابدأ معاكي صفحة جديد بصراحة شديدة جدا اية رأيك
دانة: موافقة
سليم:طيب اول حاجه بصراحة هاشيل الشال ده لسببين انه مش لايق عليكي والتاني اني جوزك
ومستناش منها رد وشال الشال من عليها دانة اتحرجت زياده من جرئته اللي بتتفاجئ بيها كل شوية وسليم شدها من ايدها وحضنها وهمس فودنها: احلي ما فيكي حياكي وخجلك
دانة بعدت نفسها عن سليم
دانة: سليم بصراحة كده اية اللي غيرك من نحيتي فجأة
سليم:مش عارف بس انا حاسس اني بانبسط فوجودك وبحب اهتمامك بيه وممش متخيل انك متبقيش مراتي او اني اطلقك وميبقاش من حقي اشوفك فاي وقت لما بتبعدي عني باخاف عليكي ولما حد بيقربلك بابقي باموت من جوه
دانةطول الوقت ساكتة بتسمع
سليم: دانة انا مانكرش اني معجب بيكي بس محتاج وقت افهم نفسي واعرف انا عاوز اية
دانة:والمطلوب مني
سليم: تعطيني الفرصة والوقت وتصبري لما اعرف انا عاوز ايه وبعدها نتكلم
دانة(يعني تاعب نفسك عشان تضمن اني ابقي ليك موجوده فخانة الاحتياطي وقت ما تحب هتلاقيني وغير كده انا مش مهم):بصراحة بردو انا مش مرتاحة لاني ابقي سبير فحياتك اول ما تحتاجه تستعمله بس طول مالاساسي شغال معاك اهه انا موجودة تقدر تقولي وضع داليا فحياتك ايه وانا اية اللي يخليني اتمسك بيك واديك الفرصة دي انت عارف انت عاوز مني اية عاوزني انفذ طلباتك واهتم بيك ومحدش يقربلي يعني لو فيه فرصة للسعاده ابعد عنها الي ان ياتي الفرج وتقرر انت عاوزني فحياتك او لا ايه الللي ضمنللي اني بعد الصبر ده هلاقيك عاوزني ومين اللي هيعوضني عن الوقت االلي هاضيعه فانتظار انك تحن عليه وتبلغني بقرارك كرامتي متسمحليش بكده انا اسفة
سليم: انا مقلتش كده بس انا محتاج وقت وداليا انتي اللي خليتيني اتحداكي واخطبها لما طلبتي من بابا انه يخطبهالي
دانة: عشان لقيتك بتحبها وعاطيها اهتمام عمري ماشفت واحد علي مية منه
سليم: يعني انتي مش عاوزة تعطيني الفرصة دي
دانة(لو بتحبني هاعطيك الفرصة لكن لو مش عارف انا مقدرش اذل نفسي ليك): لازم تعطيني السبب اللي يرضيني انا ويخليني اعطيهالك
سليم: قلتلك محتاج وقت مش عاوز اخسرك واندم
دانة: كل كلامك عنك وعن راحتك وعن خسارتك انت انا فين من حياتك انا فين من كل ده
سليم:يعني مش ناوية تغيري رايك
دانة: لا
سليم بعصبية :طيب انتي حرة بس لعلمك طلاق مفيش وشدها من ايديها ووالوقت اللي كنتي هتصبريه عليا هتضييعيه بردو بس عالفاضي
دانة(كرامتها وكبريائها ميسمحوش بالاسلوب ده واعصابها لسه تعبانة لفت وشها وعطته ضهرها): كلامنا انتهي واما تعرف تتعامل معايا كويس وتتعلم ازاي تتكلم معايا انا ابقي افكر اذا كنت هاكلمك او لا (واخدت جاكيت طويل وخرجت من الاوضة)
سليم (اية بس الغباء اللي انا قلته ده كانت مستنياني وكل حاجه تمام بس انا لازم ابوظ الدنيا معاها ديما مش عارف ليه باتلخبط قدامها كاني تلميذ وخايف من استاذه )
نزلت دانة تحت لعمها عبد الرحمن ورقيه
عبد الرحمن: دانة حصل ايه
دانة:........
رقية: دندون مالك ايه اللي حصل
دانة:انا هاخرج اتمشي شوية عن اذنك يا عمي
وخرجت بسرعه من البيت وقعدت بره بتبكي للحظات فكرت انه اتغير معاها وحس بيها لكن ده قلبه حجر كل اللي يهمه نفسه وبس اناني
ايهم كان خلص مشاويره مع ادريان وراجع البيت سمع صوت بكي راح لمصدر الصوت واتفاجئ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثاني عشر
ايهم:دانة!!!!!!!!!!! مالك بتبكي ليه
دانة ساكتة بتبكي وبس
ايهم: دانة انا عارف انك متجوزة سليم وعرف وضعك وظروك كلها ونفسي اساعدك
دانة(مصدومة ):مين اللي قالك
عبد الرحمن كان خارج يطمن عليها هوه ورقية وسمعهم: انا يا دانة اللي حكيتله ايهم هوه اللي يقدر يقف جنبك يا دانة ويساعدك مين اللي واخد باله منك وبيسعدك كل الفتره اللي فاتت
سليم بعد الكلام الفظيع اللي قاله ليها مكانش قادر يواجه حد فتح الشباك شافهم قاعدين وصوتهم كان واصله
عبد الرحمن:ايهم انا متأكد انك هتاخد بالك من دانة كويس ياريتني امنتك عليها من بدري عالاقل مكنتش هاشوف دموعها دي
سليم مصدوم من اللي بيسمعه والده ندمان انه جوزه دانه وبيتمني لو جوزها ايهم (انا بس اللي جوزها محدش فاهمني ليه معقول يكون بابا عاوز يجوزها ايهم زي ماكان بيقول هيدورلها علي عريس )تعمد سليم انه يقفل الشباك بصوت عالي عشان يشوفوه وخرجلهم
سليم رفع موبايله وطلب داليا قدامهم:ايوة يا دودو
داليا: سليم كويس انك فاكرني
سليم(عشان يضايق دانة):هوه انا اقدر انسي دودو وحشتيني
داليا: والله بامارة ايه
سليم: بامارة اني عاوز نتمم جوازنا اول ما نرجع مصر
رمي سليم القنبلة ودخل يكمل تليفونه مع داليا وسابهم بره في ذهول الكل متفاجئ دانة مقهورة ايهم مبسوط ان ابن خالته مش بيحب دانه كده يقدر يفكر فيها عبد الرحمن ندمان علي جواز سليم من دانة والعذاب اللي عاشته ورقية مكانتش متخيله ان سليم ممكن يتمم جوازه بداليا بس اللي الكل كان متفق عليه ان دي نهاية دانة وسليم سوا خلاص الفرص انتهت ومحاولات التقريب بينهم مبقاش ليها اي لزوم
خرج سليم بعد ما اتفق مع داليا علي انهم يتمموا جوازهم بعد مايرجعوا مصر بشهر
سليم: بابا انا وداليا هنتجوز بعد شهر من رجوعنا مصر يعني بعد شهر ونص من دلوقتي
عبد الرحمن ورقية : ........
دانة: الف الف مبروك ربنا يتمملكوا بخير ويرزقكوا بالذرية الصالحة ان شاء الله
سليم(ايه البرود ده طب ازعلي اضايقي اي حاجه انا مش شايف اي حب من اللي عليا والكل بيقولوا عنه ليه لتكوني مفكرة اني هاطلقك تبقي بتحلمي ):الله يبارك فيكي
عبد الرحمن:والله كويس انك بلغتنا بمعاد الفرح مكلف نفسك ليه كده
سليم: يا بابا انا فكرت واخدت راي داليا الاول ولما اتفقنا جيت قلتلك انا لسه معملتش اي حاجة
عبد الرحمن بص لدانة : هوه لسه فيه حاجه معملتهاش عموما ده نصيب وانت حر فحياتك ربنا يوفقك
رقية مكانتش عاوزة داليا اصلا ومش موافقة سابتهم ودخلت جوه زعلانة من ابنها وزعلانه عليه بس قسمته
في باريس
عليا: ايه انتي بتتكلمي جد
داليا بغرور: طبعا فرحنا بعد شهر ونص انا وسليم اتفقنا خلاص وهنقعد معاكوا فالفيللا وهنروح شهر عسل فينيسيا وروما وتركيا
عليا بدون نفس: مبروك
هنا: مبروك يا داليا
داليا: الله يبارك فيكو هاروح اشوف بقي اللي ناقصني عشان استعد مفيش وقت
بعد ما راحت داليا
عليا(ياترا يا دانة عرفتي ولا لا وعملتي ايه ربنا يكون فعونك ):ربنا يستر
هنا: عليا انتي ليه مش مبسوطة
عليا: انتي يعني مش عارفة دالا وتقل دمها ترضي انها تبقي مرات اخوكي
هنا: لا حرام عليكي بس انا مرات اخويا لقيتها خلاص وشكله بيحبها
غادة: هيه مين دي بقي يا هنون عشان انا فدماغي واحده
هنا: ماما حمد الله عالسلامة محسيناش بيكي اما دخلتي
غادة :الله يسلمك
عليا: مين دي بقي اللي انتوا ناويين عليها وبعدين ايهم لسه صغير
غادة :لا مش صغير متنسيش اننا فمجتمع مفتوح وانا عاوزة احمي ابني وهاجوزه ان شاء الله بس لما تبدا الدراسة نعمل خطوبة وبعدها يقرروا الوقت اللي يحبوا يتجوزوا فيه
هنا: بس انا حاسة انه بيحب
غادة: البنت انا اخترتها وهوه شكله معجب بيها سبحان مغير الاحوال لو اقولكوا مكنتش حابه وجودها لما رقية حكت عنها بس دلوقتي حبيتها اوي
عليا قاطعتها: قصدك مين
غادة: دانة
هنا:تعيش دودي تعيش دودي انا بصراحه حبيتها
عليا(دانة مرات اخويا انتو بتقولوا ايه اعرفهم ولا معرفهمش وانا مالي خلي ماما هيه اللي تعرفهم)
عليا عشان تغير الموضوع: دودي معرفتيش مش سليم وداليا فرحهم بعد شهر ونص
غادة: الف مبروك والله ربنا يتمم بخير
عليا: الله يبارك فيكي
الكل دخل حجرته وفباله افكار كتيره منهم المبسوط بقراراته ومنهم الحزين بس سليم كان مبسوط بقراره عشان يضايق دانة ميعرفش ان اللي عمله ده بني جدار فولاذ بينهم اما دانة فكانت بتفكر فان سليم خلاص اخد قراره والمفروض يبقي فصل وانتهي فحياتها وتبدأ تخطط للفصول الجديدة وتشوف هتعمل ايه وبعد تفكير طويل اتخذت قرارها وهتبلغهم بيه الصبح
مر الليل طويل عالكل وجاء الصباح بنور شمسه المشرقةلتعلن بداية مشوار جديد من مشاوير الدنيا
الكل مجتمع علي الفطور
دانة:ايهم ممكن بعد الفطار نركب خيل ونتكلم شوية عاوزة رايك فحاجات كتير بعد اذنك طبعا يا بابا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك