رواية كويتيات كشفوا الخفايا -8
ام محمد: خلاص اوكى بس خلونا نقعد شوي اهنى ونروح
كانت اسيل اطالع العصير وتشرب ولما رفعت عيونه لقته يمشى من قدامها ويطالعها
اول ماشافته لفت
بعدها وقف صوب الكافيه الثانى وقعد يأشر لها بتلفونه
ومن هالحركات
ام محمد :اسيل
اسيل: هلا يمه
ام محمد:بنروح ندور ماك بتروحين
اسيل: لايمه خلينى قاعده اهنى بقعد شوي وبعدين بروح مانغو وانتو تعالو هناك
ام محمد: اوكيك خلاص
راحت سديم وامها
الى كان لابس اسود كان واقف مكانه وكان يأشر حق اسيل بتلفونه ويحاول يفهمها انه يبى يعطيها رقمه
اسيل كانت اطالعه شوي وشوي مااطالعه
وبالوقت الى كانت لافه الصوب الثانى حست بواحد مسك الكيس الى على الكرسى الى قدامها
وحط كلينس وقال: سورى على لازعاج
اسيل توترت على طول دفعت الحساب وشالت الكيس وراحت مانغو
بعدها وصلت لها امها واختها وشرت الى تبيه وطلعوا
ولما كانت تبى تطلع كانت تحس انه اهو قاعد يطالعها من بعيد
اركبت الاصانصير وشافته نازل من الدرج المتحرك وكان يطالعها
الاصانصير كان من زجاج فكان يبين الى وافقين تحت
طلعت من السوق وظل يمشى ويطالعها من بعيد لبعيد ماكان احد حاس فيه غير اسيل
اسيل كانت تحس بأحساس غير كانت تفكر وتقول ليش مصر انه يعطينى رقمه
اول ماوصلوا البيت
ام محمد: اوووف ياسديم تعبتينى على هالماك وياريت لقيناه
سديم: شسوي ولله كنت متأكده انه هناك
اسيل: عن اذنكم بروح ارتب اغراضى وانام
تصبحون على خير
ام محمد وسديم: وانتى من اهله
اول مادخلت غرفتها وسكرت الباب فتحت الكيس الى حط فيه كلينكس
اول ماشافت الكلينكس شافت رقم
ابتسمت
وراحت حطته بجنطها
وهاذى اول مره بحياتها اسيل تحتفظ برقم عندها
لكن هالمره ماتدري لى خلت الرقم عندها حتى ماكانت ناويه انها تتصل
ونست الرقم وصاحبه لكن خلت الرقم بجنطتها
بعد اربع ايام
الصبح
اسيل: الووو يمه ها ماطرشوا لج شى
ام محمد: انتى عطيتهم رقمى
اسيل: ايه وقالو انهم بطرشون النتيجه ونسبه على رقمج بمسج وحطيت رقمى يعنى يا انا او انتى
ام محمد: خلاص بشوف
كانت اسيل على اعصابها صار اليوم الى كانت تنطره عشان يتحدد مستقبلها
يااما يروح تعبها كله او تجنى نتيجه تعبها
كانت شابكه على النت وداشه موقع وزاره التربيه عشان النتايج
وكانت حاطه على التلفزيون على نتايج الثانويه العامه
كانت الثانيه سنه بالنسبه لها والدقيقه كانت الف سنه بالنسبه لها
كانت بكل دقيقه وثانيه تبجى ويزداد خوفها
اول ماسمعت بتلفزيون المذيع يقول: كل الطلبه راح توصل لهم مسجات بنتيجه وراح يلاقونها على موقع وزارة التربيه
زاد توترها
وخوفها
اتصلت على اسرار الى كانت عايشه مثل جوها واكثر
اسيل: اسرار تكفين بعطيج رقم جلوسى وانتى شوفى نتيجتى انا خايفه
اسرار: اوكيك خلاص
عواطف طرشت حق اسيل مسج وطلبت منها انها تشوف لها نتيجتها على النت لانه ماكان عندها وماوصل لها مسج
كانت اسيل اطالع موقع الوزاره وماتبى تشوف ولانتيجه ولانسبه
مرت الدقايق عليهابصعوووووبه وماكانت سهله ابدا
رن موبايلها
(( قال صعبان عليه وبيطمن عليا...))
اسيل: ها يمه شصار
ام محمد: مبرووووووووووووووووووووووووووك ناجحه
اسيل: جم نسبتى
ام محمد:89.9
اسيل نطت مو مكانها ووقفت: انا يمه متأكده اكيد انا يمكن موانا
ام محمد: ولله انتى مبروك شوفيها على النت وتأكدى
اسيل على طول قعدت على لارض وقعدت تبجى
سديم : ها شفيج بشرى
اسيل: ناجحه 89.9
سديم لمتها : مبرووووووووووووووووك ليش تبجين ياخبله
اسيل : كنت خايفه
كانت بس تتمنى انها تحصل على 80 وعوضها ربها بأحسن بفضل دعاءها ودعاء امها لها ودراستها وتعبها
بعد ماتأكدت من نتيجتها اتصلت على رفيجاتها
اسرار كانت ناجحه بس موبنسبه عاليه كانت بس 60
اما عواطف فكان عليها دور ثانى بلأنقلش
غزلان كانت ناجحه ونسبتها 76
وبشاير كانت نسبتها 66
اجياد كانت عليها مادتين دور ثانى
ومريم كانت ناجحه ونسبتها 59
كانت اسيل دايما تقول لى اسرار انتى الى بتحصلين على نسبه عاليه مع العلم انه اشطر وحده بشله كانت اسيل
وكان الكل متوقع انها تجيب نسبه عاليه بس اسيل ماكانت واثقه ابدا وكانت خايفه انها ماتجيب
كانت تتوقع انه اسرار اهى الوحيده بشله نسبتها عاليه لانها كانت وايد تدرس
فى بيت ريم
معالى تسحب الفراش من ريم الى كانت نايمه: قووووووووووووووومى بسج نوم
ريم: اووووووووه وخرى عنى بنام من امس مونايمه
معالى تسحب الفراش مره ثانيه: قومى اسيل نجحت روحى باركيلها
ريم نطت من السرير وطلعت عيونها برا: قوووووووووولى ولله
معالى: شكو بجذب عليج دقى شوفى
ريم ركضت تحت حتى من غير ماتغسل وجها
واتصلت
اسيل كانت اطالع نسب بنات مدرستها من موقع الوزاره
وشوي ويرن موبايلها
(((قال صعبان عليه وبيطمن عليا.....)))
اول ماشافت اسم توأم روحى ريوم ضحكت
اسيل بصراخ: الووووووووووووووووووووووووووووووووووووز
ريم ردت عليها بصراخ وفرح اكثر: مبروووووووووووووووووووووووووك مبرووووووووووووووووووووووووووووووووووووووووك
ولله لو اعرف ايبب كان يببت(( ايبب= ازغرط)))
اسيل : افا عليج انا اعرف لووووووووووووووووووووووووووليييييييييييييييييييييي يش
ريم واسيل: ههههههههههههههههههههههههههه
ريم: تونى ولله قاعده من النوم اول ماقالو لى انج نجحتى فزييت من نومى عشانج
اسيل: بعد عمرى حياتى انتى
ريم: يلا الحين روحى انا بكمل نومتى وباجر اشوفج بعزمج على احلى طلعه
اسيل: اوكيك نوم العوافى
كان هاليوم بالنسبه لى اسيل يوم فرح وعيد
يوم ارتاحت فيه اكثر راحه بحياتها
انتهت ايام الثانويه صح انها زعلت على هالأيام الحلوه بس بعد استانست لانها خلاص بتروح الجامعه
بعد جم يوم من النتايج وبعد ماانتهت الفرحه وعيد بالنسبه لى اسول\
مع انه فرتحها بالتخرج بتظل طول عمرها معاها
كانت اسيل قاعده بغرفتها وترتب اغراضها ومكياجها
اسيل : اوووووووف ياربى وين الكحل لايكون ضاع عاد هذا اكثر كحل احبه
اووووووووف وين
وقفت بنص الغرفه وقعدت تتلفت بغرفتها وتشوف
وطاحت عيونها على جنطتها السوده
يمكن هناك بالجنطه موجود
اول مافتحت الجنطه وطلعت كل شى منها طاح كلينكس مع الكحل الى كانت ادوره
لما بطلت الكلينكس شافت الرقم وضحكت وتذكرت الى صار بالسوق
ومسكت الكلينكس بأدينها وابتسمت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمعت اسيل صوت امها يناديها
ام محمد: اسيييييل يااسييييل
بسرعه اسيل قامت وحطت الكلينكس تحت مخدتها
اسيل: كانى يمه
ولما دخلت غرفه امها
اسيل: هلا يمه
ام محمد: بنروح اليوم عزيمه عند خالج تروحين
اسيل: يمه وانتى ماقلتى لى الاالحين شلون يعنى الحين اطلع لى لبس واتسبح واحط ميك آب
ام محمد: تو الناس بعد صلاه المغرب بنروح
اسيل: ماباقى على آذان شى
ام محمد: بتروحين يعنى او لا
اسيل: لا مابى مايمدى
ام محمد :كيفج
دشت سديم من وراهم
سديم: يلا يمه انا جهزت
اسيل: ياااااااا سلام يعنى اشكره مبين ماتبونى اروح معاكم
هاذى لابسه وجاهزه من زمان
وانا ماادرى
سديم: ليش احنا نشوفش يانايمه يامندعسه بدارج
ام محمد : لو تبين تروحين عادى ننطر شوي
اسيل: لاخلاص مابى
ام محمد: على راحتج
وبعد آذان راحت سديم وامها العزيمه
وظلت اسيل بروحها حست انه اليوم البيت ملكها تسوي الى تبيه فيه
اول شى راحت طلبت لها اكل وبعد نص ساعه وصل لاكل وشغلت افلام دفى دى وقعدت اطالع
بعدها غلبها النعاس وقررت تروح تنام بغرفتها
سكرت التلفزيون وطفت ليتات الصاله وتأكدت انه الباب مسكر وراحت غرفتها
ماكانت حاطه فى بالها شى غير انها تبى تنام وحدها نعسانه صح كانت تحس بالملل بس كان النوم مسيطر اكثر
دشت غرفتها وعلى طووووووول نطت على السرير
حبت تشوف لو فى احد متصل عليها
قعدت ادخل ايدينها تحت المخده لانها دايما تحت موبايلها تحت مخدتها
حركت ايدينها يمين ويسار وفوق وتحت ومالقته
قامت ورفعت راسها من المخده ادور تلفونها
اول مارفعتها شافت الرقم وقعدت اطالعه وتفكر
ومن غير ماتحس دورت موبايلها ولقته على الطاوله وطرشت مسج
ماحبت انها تتصل عليه حبت انها اطرش مسج وتشوف لو بعرفها انه اهى الى كانت بسوق اول لا
كتبت بالمسج
هاي ريم انا رحت (((....))) ومالقيت ماك
وطرشته له عشان لو اتصل بتقول انها طرشته بالغلط
اول ماراح المسج ضحكت
قعدت على السرير وحطت موبايلها جدامها وقامت اطالعه ناطره من أي اشاره او أي شى
وبعد عشر دقايق
رررن موبايلها
(((دواك عندى والأظلم دايم البادى ولله لاوريك شى مابعد شفته...)))
خافت ترد توترت حست انها غلطت لما طرشت المسج وبعد ماطول موبايلها واهو يرد
ردت
اسيل: الوووو
...: سلام عليكم
اسيل: وعليكم السلام
اسيل: منووو معاى
...: شنو الى مالقيتيه((...))
اسيل بستغباء: نعم شتقول انت
...: مو تقولين مالقيتى ماك انتى وين دورتى
اسيل: انا طرشت المسج لرفيجتى شكو انت ترد على موبايلها<<<<مصره انها طرشته بالغلط
.....: انتى منو
اسيل: انت الى منو
...: انا ريم
اسيل ضحكت بصوت واطى: ولله صج
...: انتى ام احمر الى من اسبوع مادري اسبوعين بالسوق مو
اسيل: أي ام احمر لا انا مو ام احمر انا طرشت المسج بالغلط
....: اوكيك سورى على لازعاج
اسيل: مع سلامه
سكرت الخط
اسيل: لوووووووووووووووووووول عبيط شنو انا ريم لووووووووووووول
مر يومين على هالسالفه الى صارت بينهم
ساعه 7 بليل
كانت اسيل توها طالعه من الحمام وتنشف شعرها
ويلا يوصل لها مسج على موبايلها راحت تشوف من منو مسج
ولاتشوف رقم غريب ماعرفته
اسيل: ياربى رقم منو بس موغريب الرقم على كأنى شايفته
فتحت جنطتها وطلعت الكلينكس ولااطالع رقم الكلينكس ورقم الى مطرش مسج
ولقت نفس الشى
على طوووووووول بطلت المسج عشان تقراه
كان مكتوب
لو سمحتى انا ادرى انج الى قبل تتصلين على وتزعجينى وتسبين انتى وبنات الى معاج وانا ادرى انج وحده منهم
انا سكت قبل لكم بكيفى لانى ماكنت ابى اضركم لكن هالمره انا بشتكى وعندى كل المسجات الى كنتوا اطرشونها وكل لارقام الى تتصلون منها
اسيل: اشفيه هذا أي بنات واي مسجات ماسويت شى له انا ماعرفه اساسا
ردت عليه اسيل
أي بنات واي مسجات انا الى كنت لابسه احمر بسوق انا آسفه على لازعاج
رد عليها بمسج
يا هلا ومرحبا ولله انى كنت حاس بس انا لما سألتج قلتى لا ولله تو مانور التلفون
ماردت عليه اسيل
بعد ساعتين اتصل عليها
اول ماشافت رقمه اسيل ماكانت عارفه ترد او لا اطنشه او تكلمه
وبدون ماتحس ردت
اسيل: الو
....: قوه
اسيل: هلا ولله
...: شلوووونج يلى تعبتينى
اسيل: هههه تمام الحمدلله
....: ولله تعبتينى وراج من مكان لمكان
اسيل: وانت غصب يعنى تعطينى رقمك
...: شسوي عجبتينى
اسيل: وجم وحده من بعدى لما طلعت من المجمع عطتيها رقمك
....: لووووووووووووووول ولله لو كنت معطى كذا بنت رقم كان قلت لج انتى أي وحده ماقلت على طول انتى ام احمر
اسيل: يجوووز
....: معاج نواف
اسيل: عاشت لاسامى
....: وانتى شسمج
اسيل: انا ؟؟؟ انا ساره وبقلبها تقول منو ساره
نواف: عاشت لاسامى ياساره
جم عمرج
اسيل: 18 وانت
نواف: انا عمرى 20
اسيل: العمر كله
نواف : تسلمين
تدرسين
اسيل بفرح: انا خرييجه
نواف: اووووه ياسلام توج متخرجه
اسيل: ايه
نواف: مبروك مبرووك جم نسبتج
اسيل 89.9
نواف: هههههههههه مشاءلله مشاءلله
شهالمخ الى عليج
اسيل: قل اعوذ برب الفلق
نواف: تدرين انا جم نسبتى لما تخرجت
اسيل: جم
نواف:55
اسيل:ههههههههههههه الحمدلله خير ونعمه
نواف: تطنزين
اسيل: لا بس الحمدلله انك تخرجت ماعدتها
نواف: عاد بهالنسبه تدشيت كليه الدراسات التجاريه
بس يمكن اروح اسجل بجامعه من جامعات البحرين
اسيل: بالتوفيق ان شاءلله
اسيل: خلاص انا بسكر الحين اوكيك
نواف: على راحتج بس لاتحرمينا من صوتج
اسيل: ان شاءلله يلا باي
نواف : بيباي
نواف واسيل بسرعه تعرفوا على بعض وصار بينهم علاقه حلوه اسيل حست انه هذا اول شخص ترتاح له حتى قالت له اسمها الصجى مع انه مومن عادتها
بعد شهر ونص من العلاقه اعترف نواف بحبه لى اسيل
نواف: اسيل انا بقولج شى
اسيل: تفضل
نواف: انا احبج
اسيل: بهالسرعه
نواف: ادرى بتقولين جذى لكن الحب من لله يجى وانا حبيتج وارتحت لج ولله يشهد على كلامى انى مااجذب بأي كلمه قلتها لج
اسيل: اغلب الشباب يجذبون بهالسالفه يسوون نفسهم يحبون واهما مايحبون مخلين الحب عندهم لعبه
نواف: يعنى لو طاح واحد منا نطيح كلنا معاه
اسيل: لاانا ماقول جذى بس اغلبهم
نواف: صح كلامج بس ليش انتى حاطتى معاهم ولله يااسيل وانا مااحلف بالله واجذب انى حبيتج
اسيل: مادري مع لايام يبين
نواف: خلاص نشوف مع لايام ببين كل شى
ماكان يعرف بعلاقه نواف واسيل غير ريم الى قالت لى اسيل انها مرتاحه له وتحسه خوش واحد
اسيل: ولله مادرى ياريم مع لايام ببين
ريم: شكله خوش واحد بس انتى نطرى وشوفى
اسيل: اوكيك
ريم: ترا اليوم بنطلع قالت لج امج
اسيل: ايه قالتلى
ريم: خلاص اشوفج هناك
اسيل: اوكيك
ريم: بيباي
اول ماسكرت الخط من ريم اتصلت على نواف
نواف كان قاعد مع عيال عمه بدوانيه
اول ماشاف اسم اسيل قام بسرعه من عندهم
اسيل: الووووووو
نواف: يااااااااهلا ومرحبا ياهلا بهالصوت هلا بأسول
اسيل: شلونك
نواف: تمام شخبارج انتى
اسيل: تمام نواف انا داقة بس عشان اقولك انى بطلع اليوم
نواف: وين بتروحين
اسيل: بروح مجمع((....))
نواف: مع منو
اسيل: انا وامى وريم وامها ويمكن خواتنا
نواف: اوكيك ديري بالج على نفسج
اسيل: اوكيك
نواف: متى بتطلعين
اسيل: الحين انا ببدل ونطلع يعنى تقريبا على 7 نكون طالعين
نواف : اوكيك
بالموول
كانت اسيل وريم قاعدين عند احلى مكان يحبونه واهو البحر
كان المول قريب من البحر
هذا المكان وايد يحبون يقعدون فيه ريم واسيل
كان عباره عن درج صغير نازل على الرمل البحر وقدامه على طول البحر
كان مكان هادى وحلوو ورومنسى بعد كانو يقعدون دايما فيه وتشغل اسيل اغانى شرين من موبايلها ويقعدون يسمعون
ريم: البحر غدار
اسيل: قايله شى يديد انتى
ريم: لا صج يعنى يكون هادى ويحببج فيه لكن فجأه يمكن يقلب عليج من غير ماتعرفين ليش وفيه ناس وايد عايشين معانا مثل البحر يكنون بالبدايه طيبين وهادين ويخلونج تحبينهم وبعد ماتطمنين لهم يقلبون عليج ويغدرون
اسيل : صح كلامج
والى قطع كلام ريم موبايل اسيل لما رن
((((نسينى وهو نور عينى نسينى وفاتنى ياعينى....))
اسيل مسكت موبايلها وطالعت ريم وقالت: نواف
ريم: ردى
اسيل: الوووو
نواف: هلا اسول وينج
اسيل: انا للحين بالمول
نواف: انا فوق عند المطاعم
اسيل: نعععععععععععععم
وانت شنو تسوي اهنى
لفت عليها ريم بسرعه وقالت بصوت واطى وينه
نواف: مايصير اخليج تطلعين بروحوج اخاف عليج من هالوحوش الى اهنى
اسيل: لاصج انت اهنى
نواف: ايه وين قاعده انتى بشوفج
اسيل: انا على البحر
نواف: وين البحر مادل
اسيل: خلاص انا الحين اصعد المطاعم
سكرت الخط
اسيل: نوااااااااف فوق بالمطاعم
ريم: انتى قايله له يجى
اسيل: لا ولله ما قلت له امشى اهو فوق
صعدواا فوق وكانت المطاعم زحمممممه واغلبها شباب
ريم: وينه
اسيل: مادرى امشى نروح قدام
نواف كان واقف صوب الدرج وشاف اسيل من اول ماصعدت
بس اسيل ماشافته
وقفوا ريم واسيل صوب طاوله
ريم: كاهو وراج
اسيل: وينه
ريم: ورا لفى
اسيل : لامابى امشى نقعد على أي طاوله
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك