رواية للقلوب معارك -9
الصاله الرياضيه كلها زجاج ...بحيث انك تشوف الي برع بس الي برع ما يجوفك ...وهي مطله على حديقه البيت ...المنظر رووووعه ...خصوصا الاناراه الي برع خافته ...وغير جيه المطر الي ينزل بغزاره ...يالله من زمان ما يانا مطر ...التفت على صوت الباب الي يندق ...دخلت عليا
خلوني اوصفها لكم ...طولها معتدل ....بيضا وعيونها وساااع ..رموشه كثيفه ...ملامحها حاده..وشخصيتها غريبه ...قويه وضعيفه فنفس الوقت
اما شمسه ...قصيره شرات روضه ...سمرا ...انفها فيه شموخ ...وعيونها وآسعه
اتبهت عليها يوم قالت : شو بغيت ؟!!!!
ضحكت : تشلين وياي اثقال
فتحت عيونها على الاخر ...ضحكت ...وقفت ورحت صوبها : اعتبريني اخوج ...ورمسيني اذا تضايجتي من شي
طالعتني وانملت عيونها دموع ...وبعدها لفت الصوب الثاني : مطر .
التف ورحنا انا وهيه صوب الزجاج نراقب زخات المطـــــــــــر الي تنهمر بقوه ... عبدالله
رفعت راسي وانا احس بالمطر ...احين الشوارع زحمه ....سمعت صوت حد يصرخ باسمي ...التف وجفت طيف واقفه عدالي وخرسانه ماي من راسها لريولها وهيه تشاهق
طالعتها ...قلت وانا اصااارخ : انتي تخبلتي .؟؟!!!بتمرضين ؟؟؟؟؟؟؟؟؟؟؟؟؟؟؟
صارخت وقالت : ابا ارمسك ...
اول مره تكون جديه ....مسكتني من ايدي وما عطتني مجال ...سحبتني صوب الحديقه ..الهبله هذي ناويه تمرض ...
قلت : شو فيــــج ؟؟
قالت وهيه تتقرب مني : ما ابا آحمد ..دخيلك عبدالله
طالعتها شو اقول ...انا مالي خص فالموضوع ...وآحمد اليوم حالته حاله ...
قلت :انا برمسه وبحاوله
ما حسيت الا بالرعد يضرب المكان ..واضاءه البرق كانت مرعبه ...ما حسيت الا بطيف تتقرب مني تحتمي فيني ....وهيه ترتجف ..رفعت راسها ..ابتعدت عنها ...شو هالموقف المحرج الحييين ...هذي ممكن تصير زوجه اخوك ...هذا غير انها بنت خالتك
قلت : دخلي داخل .......
طالعتني ..وركضت وهيه منحرجه دخلت داخل البيت .......... عليا
طالعته وقلت : انت غير عنهم
قال : وجه نظر
قلت : تدرس ؟؟
قال : ثآلث ثانوي
طالعته وقلت : شد حيلك
قال : شو مستوي بينج انتي وشمسه؟؟!!
طالعته مستغربه ...قلت: شمسه خبرتك
قال : وليش ما تخبرني ...هيه اعتبرتني اخوها ...
لفيت ويهي بسرعه عنه وقلت: بس انته هب اخـــــــــــــــــــوي
شهقت يوم سمعت صوت الرعد القوي ...وحسيت برجفه وانا اجوف فالظلام وبين اناره الحديقه الخافته شاب طويل وبنت الي يشوفها يقول فحضنه ...طالعت مروان الي يلس يطالع بتدقيق ورص عيونه بدقه
قلت : منوه ذيلا ؟؟؟!!
قال : طيف بنت خالتي ...............وعبدالله
لفيت بساله شو علاقتهم ببعض ..بس ما جفت الا ويهه وهو يطلع من الصاله الرياضه وهو مضايج ...ما فهمت شي ...شكله يقول انه يحب هالبنت الحليوه الي اسمها طيف ...طلعت بسرعه فوق ...لحقته : مروآآآآآآآآآآآآآآآآآآآآآن ,, مروآآآآآآآآآآآآآآآآآآآآآآآآن
ضربت بشخص رفعت راسي وجفت هذا الي اسمه آحمد ...شكله متغير
قال وهو منزل راسه : سوري
ودرني وظهر .............طالعته ...ركضت وجفت شمسه ...ما ادري ليش انا مضايجه منها ...يمكن لانها ضربتني...ودرتها وطلعت ...ما اعرف اي غرفه غرفه مروآن
انتبهت على الصوت الي وراي..التف وجفت هذي الي اسمها طيف ..صايره حمرا ...
قالت : مرحبا
ابتسمت ما عدا اني ما اطيقها...شو هالحركات الماصخه الي تسويها ..قلت : وين غرفه مروان؟؟؟!!
قالت : الي جدامج
وخطفت ودشه الغرفه الثانيه ..ِشكلها غرفه روضه...دقيت باب غرفه مروان...
قال : ادخل
فجيت الباب وجفته يالس على الكمبيوتر ...رحت صوبه .....انبهرت بغرفته ,,
قال : تبيني اعلمج على الكمبيوتر ؟!!
طالعته وقلت : هيه بس قبل قولي انته تحب طيف؟؟!!
قام بسرعه من على الجهاز ,,,وصرخ : اناااااااااااااااااااااااااااااااا
ضحكت عليه وقلت : هيه
ضحك : طيف خطيبت احمد
قلت وانا اعقد حواجبي: قصدك عبدالله ؟؟!!!
قال : لا ..سكت ...وبعدين قال : هيه تحب عبدالله ...بس آحمد خاطبنها
عشان جيه آحمد معصب ...قلت : وانته ؟؟؟؟؟؟؟!!!!!!!!!!!
قال: شوه ؟!
قلت: منو تحب ؟؟!!
قال : الكمبيوتر الي جدامي
ضحكت ........
احمد
طلعت من البيت ...
رحت صوب الفله ..دخلت سيارتي ...ودخلت ...جفت لامارا ...
قلت : جهزتي غرفه ندى بتظهر باجر الصبح ؟؟
قالت : كل شي جاهز
طالعتها ..تنهدت ويلست على الكراسي الي جدام طاوله المطبخ الطوووويله ..خلت جدامي كوب كابتشينو ...هذا وقته ..خصوصا مع جو المطر والبرد ...خذته وبديت اشرب
قلت : انتي تعرفين اني احبها ؟؟
قالت: وكمان بعرف انك كل شي بالنسبه لندى
قلت : بس انا ما اقدر اخبر اهلي
قالت : بس انته هيك عم تظلمها
قلت : اعرف
ودرتني وراحت ........رجعت بالذاكره للورى (( شليتها لاقرب مشفى ...حسيتها بتموت من كثر ما تصارخ منهاره ...استمر وضعها جيه اسبوع ..ووبعدها طلعنا من المستشفى انا وهيه ولامار
لامارا : وين نروح هلق ؟؟
قلت : انا حجزت بفندق
ندى : ابا ارجع بيروت
قلت : الدنيا دمار ما تقدرين
ما عطيتها مجال ترد ...مسكت ايدها وسحبتها صوب السياره وهيه ما عارضت كانت ساااكته ودموعها تنزل بصمت على ابوها ...
فالفندق ...دخلت هيه الغرفه..وتبعتها لامار ..دخلت انا غرفه ثانيه وفريت عمري على السرير وما حسيت الا بتلفوني الي يرن ...
رفعت التلفون ...صوت لامار ...تباني فاللوبي تحت ...نزلت...
قالت : ندى فخطر ؟؟؟!!!
فتحت عيني : شوه ..!!
قالت : بترجعها على الامارات
قلت : اكيـــد
قالت : بس فيه مشكله كبيره بين ابو ندى و عماما
طالعتها : شو المشكله ؟؟
قالت : متهمين ابوها انه احتال على ابوه ووكتب كل املاكهن باسم ابو ندى
وقلت : وهالكلام صح !!!
قالت : لا طبعا ...جد ندى عمل هيك لان ابنه الثاني بيخسر فلوسه على النسوان وكل
يوم يتجوز وحده شكل
قلت : وشو دخل ندى ؟؟!!!
قالت : الاملاك هلق كلهن باسمها...وهيه اصغر من السن القانوني...
طالعتها ...مسكت راسي ..ابا اارجع البلاد ..قلت : والحل ؟؟!!
قالت : تتزوجها
طالعتها وانا منصدم ...ما عرفت شو اسوي ...ما مر يومين الا نحن فالمحكمه...وعقدت عليها ...وهيه فعالم ثاني ...ما تسوي شي الا يوم تقولها لامارا ..وانا بعد ...رجعت البلاد ...شريت لها الفله وخليتها فيها ....وكل يوم اغرق اكثر فحبها .....)) ما انكر اني متعدد العلاقات النسآئيه , بس ندى أجمل شي صـآر لي ,
وبالرغم من هذا , احياناً اهرب منه , هب فآهم نفسي
بس الي متآكد منه , اني اذا شفتها متأذيه , اتخبل
لطيفه
ركبنا السياره وانا متوتره ...سندت راسي على السيت ...وراح فكري لبعيييد ...
(( كنت فالشهر السابع ...لبست الفستان...مضاايجه ...بس فستان الحمل حلو ...احمر فاااقع ...وتحت الصدر نفس الشريطه السوده ...مجمعه الفستان وبعدها وسيع ...عشان لا يبين واااااايد بطني ....ابتسمت وانا اجوف شكلي بكل رضا ...كنت مسويه بف ...وباقي شعري فير ...اليوم عرس عفرا اخت العنود ...ما اعرف كيف العنود بتعيش اروحها ...غريبه ما معرسه ما عدا انها هيه الاكبر ...وعليها جمااال بعد ....طلعت من الجناح الي حاجزنه منصور حقي ...انا وياه ...رحت صوب جناح العروس ...ابا اجوفها ...بس وقفت وانا اسمع اثنين يتهامسون ....الاصوات هب غريبه ...منصـــور
تقربت اكثر وانا ارتجف ...سمعت صوت وحده اكرها ...الي هيه العنود اخت عفرا...شو سالفتها .....وايقت من الطرف ...خليت ايدي على قلبي يوم جفتها واقفه بلا شيله ويالسه تسولف وياه ...انملت عيوني دموع ...جفته يتقرب منها...ويهمس لها بأذنها ...وهيه ضحكت ضحكه دلع ...حسيت برجفه يوم جفته يبوسها على خدها...هنيه ما قدرت استحمـــل ...ما قدرت ....ركضت صوب غرفتي ...واول ما دخلت الغرفه وطيت بجوتيه على الفستان وطحت على بطني ...وصرخت من شده لاالم.......وانتهى كل شي ...))
شهقت يوم حسيت بايد غيث : نزلي لطيفه صار لج سااعه
فتحت الباب ونزلت ورحت لعبود.......
عبدالله
جفت آحمد وهو يظهر من البيت ...غريبه توه منهـــــــــــــار .....انا لازم اعرف شو فيه ...دوم اجسس على اخواني وتطلع لي مصيبه ..يا خوفي من المصيبه الي بتصيير بس يا خوفي ..وقفت وانا منصدم من آحمد الي نزل فيلا ...ما احيد حد من ربعه يعيش هنيه ...فتحت باب السياره ونزلت ...رحت صوب ...الحارس الموجود ...رفعت ياقه الجاكيت ابا اغطي على راسي عن المطر
قلت : السلام عليكم
الحارس : وعليكم السلام ...
قلت : بيت منو هذا ؟؟
قال : آحمد الـ..........
هنيه انصدمت ...ركبت السياره وسرعت ........شو السالفه ....ليش عنده بيت بروحه ...باجر بعرف كل شي ...بطلع من الصبح وبروح للفيلا...وبفهم كل شي ........
منصور
تعطرت ...مرتبك ...لالالا لازم ما ارتبك ....فتح باب البيت وظهرت ...رحت صوب بيت قوم غيث...هو قالي اروح له البيت ....نزلت...مطر ...والمطر يعني خيـــر ...ياااارب ...نزلت مستعيل ودقيت الجرس ...ظهر لي غيث ودخلني الميلس ...
...ابا اجوفها هيه واتفاهم وياها ...ابا اقولها ...قطع تفكيري دخول الخدامه بالاكل ...وغيث وشكله رسمي ...يتعامل برسميه هب جني نسيب ...
قلت : ابا اجوف ام عبــــد الله ..
طالعني ..واستغرب ...قال : والله هيه قالت لي انا اتفاهم ويااك ...وانته عارف هيه شو تبا ؟؟
قلت : غيث انته ترضاها عبدالله يعيش مشتت بيني وبينها ....
سكت وتم يطالعني ...وبعدين قام ..: انا بحاول اخليها تنزل ...بس اذا ما طاعت ..انته عارف الباقي
سكت...شو بقولها الحييين ...بعد شو بتقول ...بقول الصدق ...مرت ربع سااعه ...تصدقون فقدت الامل ..احس مستحيــــــل تنزل الي سويته فيها فوق الاحتمال ...التفت على الباب الي انفج...ودخل عبود ...فر عمره فحضني ....رصيت عليه ...صار لي شهرين ما جفته ...يلست ابوسه ...ياني هالولد بعد موت ...تعرفون شو يعني موت ، سميته عبدالله على اعز ربعي ...التفت على صوت الباب مره ثانيه ...جفتها ...وقفت والله احبـــهـــا ....
قلت : شحالج لطيفه ؟؟!!
ردت : بخير ...
يلست مجابلتني ..يلس عبود يحبني ...ضحكت ...مشتاق له..لريحته..لكل شي فيه.....
تقربت منه ..: بابا روح لم ملابسك ....
رفعت راسي يوم خطف يربع ....وهو يصااارخ : بروح ويا بابا
طالعت لطيفه الي تغير شكل ويها ...لا لا تضعف يا منصور ...لا تقول بشفق عليها ...ما رحمتك ...خلتك تتعذب ...
يلست ابا اللعب باعصابها ..قالت : منصور
يا لبيه قلب منصور وعيونه....فديت هالصوت ...رفعت عيني اتريا شو بتقول : بتاخذ عبود ؟؟!!
قلت وانا اوقف وااروح صوبها ...ارتبكت وانا ارتبكت اكثر ...بس حاولت ما ابين لها ..
قلت : سمعي ...عندج حلين ...يا ترجعين لي
شهقت وقالت بانفعال ..: نجوم السما اقرب لك ...
قلت وانا اتجاهل كلامها ..: والا اخذ عبدالله ...
يلست وخليت ريل على ريل ....وقلت : وانا الحيين ابا ردج ..بالمره ترا عبود يلم ملابسه تلقينه فوق ....
طالعتني بنظرات ناريه وظهرت من الميلس وهيه تركض ....ياارب ترجع لي...بتخبل اذا تركتها ..
يلست اتريا ...وطالت المده غيث
التفت على لطيفه الي دخلت غرفتها ...رحت صوبها اركض انا وامايه وعذاري ..من يوم دش عبود يلم ملابسه ونحن على اعصابنا ...جفتها تصيح ...فتحت شنطه وبدت تفر ملابسها وقفنا منصدمين ...رحت صوبها ومسكتها من ايدها : بترجعين له ...بترجعين له يا لطيفه
شهقت وقالت : ما يخصكم فيني ...خلاااااااااااص
ما حسيت بعمري الا وانا اضغط على ايدها ...: لطيفه لا تتخبلين انتي نسيتي العذاب الي تعذبتيه
صرخت : ودرني ...ودرنـــــــــــــــــــــــــــي ...
هذا كله لان النذل بياخذ عبـــود ...
قالت عذاري : لطيفه لا تتهورين
صرخت : انتوا ما تحسون فيني ...
تقربت مني وقالت : بياخذ عبدالله ...والا ارجع له ...بياخذ روحي مني ..غيث انا اموووت اذا ابتعد عني عبود ..تعرف شو يعني اموت...تبا العنود تربيه ...تبا حرمه ابوه تربيه
انهارت لطيفه وقفت انا مصدوم ...بس لازم ما خليها تتهور: لطيفه اذا طلعتي من البيت ما تردين له فاااااااااااااااااااااااااهمه ...فاااااااااااااااااااهمه
وطلعت وانا اجوف الصدمه على ويهه الموجودين وجـــواهر أطالع من بعيد ...!
نهآية البارت
البارت السآدس مُحرمة ..!
تتنآثر دموعي بصمت , كنت احس بغصة كبيرة
بعد كل الحب الي بيني وبينه , من يوم كنا يهال , يتركني
عشآن الحل الي انا كنت ادور عنه ,
عيال ، لطيفة خذته مني , بسبب الولد ,
مره وياي , ومره وياها منصور
متخبط وهب قآدر يتخذ قرار , حتى الأيآم الي يتركها عشـآني
ما طلقها .!
ليش أنا طلقني ، لِ هدرجه هب غالية عنده ,
أكيـد شرطهـآ هي عشآن ترجع له انه يطلقني ,
مسحت دموعي وانا احس بخطوآت خالتي في الغرفه ,
: يعني لين متى بتميين جيـه ؟؟!
رديت : المشكلة ما ادري , ما ادري
طلعت وسكرت الباب , عفرا اختي مسـآفرة ويا ريلها , يدرس برا , وانا هنيه
مـآلي غير خالتي , آمـه ,
اشم ريحته في المكآن هو ترك البيت , يآبني هنيه قبل لا ينهي كل شي
ليش , يخآف علي ..!
والا يبا يتخلص من الذنب ,,,
انا ولطيفة في معركـة , منو منـآ بيأخذ قلبه ، قلب منصور وللأبد ؟؟!
رجعت بِ الذأكرة لِ المآضي
(( دخل عليه وهو منهار ...مسكت عمري ...كنت متضايجه بس رسمت ابتسامه على ويهي ...
قال وهو يتقرب مني ويخلي راسه على صدري: ما تقربت منها ..ما لمستها ..انتي بس الي فبالي
قلت وانا بموت من الغصه : منصور الي تسويه غلط ...لطيفه الحين زوجتك
مسكني بقو من ايدي : كله منج انتي وامايه قلت لكم ما ابا عيال ...ما تفهموون ...انا اباج انتي بس ...
قلت وانا اتالم من ايده : منصور تعورني
نزل نظره ...جاف كيف ماسكني رفع ايدي وحبها بس انا سحبت ايدي : روح للعروس
قال : ما اباها
قلت : منصور ....
قال: خلااص اول ما تيب لي الولد الي بيشيل اسمي بطلقها ووبخذه ..انتي بتربينه
طالعته ...والله ابا عيال ....لفيت عنه وقلت : روح نفذ الي تقوله
طلع ...انهرت انا ...بيكون فحضن وحده غيري ...بتلمسه ...بيعطيها من الحب الي بالاصل هو لي انا ...بيقولها الكلام الي لي انا ...صحت وانهرت اكثر ...مصيره ينساني ))
روضة
أنتبهت على طيف الي تفر عمرها على السرير وملابسها كلها مـآي
تنهدت : آآه ـ أحبـه والله أحبـه , فديت صوته ، ,
فزت من على السرير وركضت صوبي : أتخبل على شكله , جسمه , عريض وعضلات ,
أحس قلبي يرتجف يوم اشوفـه ,
نهرتها : بنت , عيب هالرمسة , وبعدين انتي نآسية مخطط امـآيه وخآلتي ,
كل هالمشآكـل بسبب الفلوس , وعمر عبدالله ما همته المـآده
مستحيل يرتبط فيج , عشآن بس ما تروحين لِ شخص غريب من برا العايلة , طمعان فيج
طآلعتني بغضب : روضة الي يسمعج يقول اني هب حلوه ,
أنا الف وآحد يتمنآني , قمر ,
بس أخوج رآفضني عشآن الفلوس انا اعرف , ما يبا يرضخ لِ أمج بعد ما رضخ لها في المآضي
وتخلى عن البنت الي يحبهـآ ,
رديت : ودآمه جيـه ليش تعلقين عمرج فيه أكثر
يلست على الكرسي وقالت : هالامر هب بِ ايدي ,
التفت على الباب الي انفج بقو , امآيه ,
ارتعشت بخوف , بس حاولت اتمآسك
قالت : وين سويج سيارتج ؟!
قلت لها : ليش ؟!
ردت بعصبية : اعتقد في سآيق , ماله دآعي ابداً تسوقين , شو تبين الناس تقول , أن بنتي تسوق سيارة , ما يبون يخلون لها سايق , عيزآنيين عن راتبه ,,!
قلت وانا اعطيها ظهري : بس انا ابا اسوق
صرخت متنآسيه وجود طيف : اقوووووووووووولج هـآتي السويج ..!
خليت عمري ما اسمعها , تسكر الباب بقو وقعدت على الارض , خلاص ريولي ما قادره تشلني , مرات اقول , شو سر كره امايه لي , ليش انا بالذات ,
الي اعرفه ان البنت الوحيده دايماً تكون محط اهتمام امها
الا انا ,
ليش ..!!
انتبهت لِ نظرآت طيف وهي اطالعني
قلت : لا تحآتين انا اقوى عن قبـل ,
عذاري
وقفت اطآلع لطيفة وهي طآلعه ويا ريلها , ما صدقت ,
وكلآم غيث صدمني اكثـر , شفته يروح صوب غرفته
التفت لِ جوآهر الي من رجعت بيتنا وهي هب على طبيعتهـآ ,
قلت : هدي غيث , لاتخلينه يتهور
طآلعتني وهي هب عآرفه شو تسوي , قلت : يلا يا جوآهر هو محتآجنج الحين ,
غـآدرت الصالة ودشيت غرفتي ,
بآجر برجع الدوآم , خليت امـآية ترمس غيث ,
وأخيراً وآفق ,
مسكت تلفوني وارسلت رساله لٍ المدير محمد
ابلغه اني بداوم واعتذر عن الأيآم المـآضية ,
رد : المركز مُظلم بغيآبج
رميت التلفون على السرير , ما يهمني كلآمه الحلو , ولا يوم بيهمني , ما اطيقة ..!! شمسة
دخلت الغرفة ، ملل ,
عمي اليوم كلمني , رفض اني ارجع الشغل
قلت له اني مدينه فلوس من البنك على راتبي
قال : انا بتصـرف ,
مابا اقعد في البيت , ما احب ولا اتقبل ان حد يأخذ القرارت عني وانا الي كنت اتخذ قرارات بيتنا كلها ,
انسدحت على السرير , تلفوني يرن ,
رفعته وشفت اسم جابر
هذا شو يبا , ما يكفي انه ,, انه ....
رجعت بِ الذاكره للورى , اليوم الي صار بيني وبينه خلاف , هو اليوم الي عمي يا فيه
وتكلم عن سمعتي , معقولة يكون نذل لِ هدرجـه ,
معقولة هو الي يكون خبر عمي عن علاقتي بِ طـآرق
رديت وانا ابا اعرف شو السالفه بالضبط ,,!
قال : الـــو
رديت : شو تبـآ ..!
رد : من فتره ما اداومين , سمعت ان والدتج توفت , قلت بعزيج
رديت : شكراً ما قصرت ,,,
قال : عمج اليوم كآن عندنا في الدوآم
فزيت من على السرير , وقلت : ليييييييييييييييش ..!
قال : كلم المدير عشآن يقبل استقآلتج
رديت بعنف : بس انا ما قدمت الاستقآله
ضحك : بس عمج قدمها , وهو تفآهم ويا المدير
حسيت بدوخـه , ما قدرت اسيطر على عمري , دموعي هلت بصمت
قال : شمسه , ترى انا مكلم عمج ، و وعدني انج تكونين لي ....!
طآح التلفون من ايدي ,
لا , لاهنيه وكفآية ..!!
قمت بسرعه وانا رايحه صوب غرفة عمـي ,
كنت بدق الباب بس صوت عمي وزوجته
ينسمع
حرمة عمي : ترى انا ما بستحملهن ولا بدفع درهم من ديون بنت اخوك , تصرف انت
قال : يا حرمه استهدي بالله , في شخص متقدم لهـآ , و من مهرهـآ بندفع دينها ,
والريال مكلمني من قبل , اصلاً هو الي خبرني عن سواد ويهـآ ,
ارتجفت , ما قدرت اتمآسك , رخيصة صرت لِ هدرجـه
وين قوتج يا شمسه تكلمي , بس في شي لجمني , ما خلاني اتكلم ,
رديت لِ غرفتي ,
كيف بدفع الديون , ما عندي فلوس ما عندي
كنت يالله يالله امشي عمري ومصآريف البيت ,
جزء كبير من الراتب , رآح للبنك
رفعت تلفوني وخليت صوتي عـآدي , دقيت لِ طآرق , لحظآت وصلني صوته بلهفه
: وينج انتي , كل ما ادق ما تردين ..
قلت : طـآرق ، اذا بعت سيارتي كم بتيب ..!
سكت لحظـآت وقال : انتي ليش ..!
قآطعته : بتغطي الدين الي في البنك .!!
رد : اكيد لا ...!
بلعت ريقي وبديت اجهش بالبكآء , خلاص , الظآهر ان الدرب مسدود جدآمـي , قلت
: طـآرق , عمي بيزوجني لِ جآبر
صمت ,
صمت
صمت
جيه انتهت المكآلمـة ,
الصمت ما استمر , دخول عليا للغرفه , خلاني انهار اكثـر ,
طآلعتني منصدمـة ,
قلت لها التفآصيل ماعدا انها ما سألتني ,
ولا حتى قالت لي شوا سوي ,
من وين كل هالحقد يا عليا ما احيدج جيـه ,
قطع افكآري صوتهـآ , : خلي طآرق يتقدم لج , و بعدها بنتصـرف ..!
قلت : شو اقوله , تعال اخطبني , انا بنت ياعليا ما اقدر اقوله جيييـه , أحس بقلل من عمري
هو سآكت على غير العـآدة ,
شكله هب سآكت , تلفوني يعلن وصول مسج , رفعته
" الله يوفقج يا شمسه , أنسيني "
كايد
التفت على صوت الدكتور محمد : لا انته الحيين اوكيه ..وخلال هاليومين تقدر تظهر وتدخل ويا المرضى الثانيين وفيه برنامج مخليتنه الدكتوره عذاري بتمشي عليه ...
رفعت راسي يوم قال اسمها ...انا اكيد تخبلت ...شو الي سويته فالبنت
قلت : هيه بخيـــر؟؟!!
تنهد وقال : من سالفتك وياها ما داومت
سكتت ...شو اقول ...قلت : ابا اكلم اخـــوي
قال : هذا كله تحدده الدكتوره عذاري ...انا ما يخصني ...مرحله العلاج وياي شارفت على الانتهاء
يعني هيه الحين بتستلمني ...ياالله ..شو الي قاهرني منها ما ادري ...تقهرني يوم اجوفها ..احسها فيه غرور ...اخر زمن بنت تعالج مدمنين ...سمعت الباب يتسكر ...الحمد الله ...نوبات الالم والتشنج بدت تقل ....فتحت الستاره الي لونها اصفر فاااتح ...وبديت اركز فالمنظر الخارجي ....يت في بالي منى ...كانت تحب هالاجواء ...يوم يكون الجو مغيم ...جفت المرضى الثانيين ...موجودين فحديقه المركز ...من دخلت المركز ما فكرت افتح الستاره الا اليوم ...ما ادري ليش ...يلست ارقب تحركاتهم ...تنهدت متى ترجع هذي اداوم ...ابا اظهر ...ابا اتنفس هوا طبيعي ...على الاقل احسن من الاربع يدران الي مجابلنهن ....يا في بالي عبدالله ...يوم بجوفه بضربه ضرب ...بطلع فيه عذاب الايام الماضيـــه ...ضحكت ...والله انك ريال يا عبدالله...عرفت كيف تساعدني ...
(( كان شبه منهار ....محد يعرف مكانه الا انا ...طرت بسيارتي ...وقفت عند البحر ...وجفته ...عبدالله ...جسمه متغير ...صاااير ضعيف شرات مروان الخديه ...التفت على تلفوني الي يرن ..هذي منى ..
رديت : الو
قالت : لقيته ؟؟؟!!
قلت : هيه ...سكري الحين ...بطمنج بعدين
سكرت ...منى تهتم بالكل ...رحت صوبه ...ما انتبه لي
قلت : بطول ؟؟؟ تتامل البحر ...؟؟
قال بهدوء : شو تباني اسوي ..؟؟ََ!!
قلت : عبدالله يوم ترمسني طالعني ...عبدالله
بس هو ما لف صوبي ...رحت وقفت جدامه ...طالعني ..نزل راسه ...رفعت راسه وقلت : عبدالله ولد الـ,,,,,,,ما ينزل راسه ...فاااااااااااهم
قال : حرموني منها يا كايد ...حرموني من البنت الي احبها
قلت بلهجه شديده : الي خلقها ما خلق غيرها
قال: اليوم عرسها...اليوم بتكون لغيري
قلت : وشو يعني ...الله يهنيها ...يلااا ما ابا اجوفك جيه ...عبدالله البنات يتمننك ...انته بس اشر على الي تباها وانا بخطبها لك
قال : ما باا غيرها
صرخت : واهلك ما يبونها ...نسيت الفرق الي بينها وبينا ....نحن ما ناخذ من مستواهم ...ادري بتقولي هذا كلام امايه ...ما اقول انه صح ...بس انا خذت منى...وما كنت مختارنها ...بس الله اسعدني وياااااها ...عبدالله ...تبا الناس تشمت فيك ..." ضربته على جتفه " اباك تكون قوي ....ما تسقط من اول مواجهه ....
طالعني وقال : هيه ترا الي ايده فالنار ...غير ...
مسكته بقو ..قلت : انا اتعذب اكثر عنك يوم اجوفك جيه فااااااهم ..لا تقول هالكلام ...انته عاااارف غلاتك عندي ...وفاااااااااااهم
قال بتردد : انا اسف ...
قلت: ما بقبل اسفك لحد ما تعزمني على العشا
ضحك : فاللك طيــــــــــــــــــــــب ...من المكآن الي تباه ))
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك