رواية ليش تزفوني لقبري -16
عبدالله : دواج بعدين موب الحين ........... يالله جدامي .
علي : نحن الحين سايرين مول الإمارات تبون شي ؟؟؟؟؟؟؟
عبدالله : لا مشكور بس لا تقاطع .
علي : لا ما عليك موجودين إن شاء الله .
يوم راح علي .
عبدالله : تبين تعرفين شو خاطري أسوي فيج ؟؟؟؟؟؟
الريم: .................................................. .................................................. ..................
عبدالله : ردي .......... أووووه بس ........ ودي أذبحج لأنج ذبحتيني .
الريم: .................................................. .................................................. ..................
عبدالله : الحين بدال ما نستمتع فالطلعه خربتيها .
الريم : عبادي والله آسفه والله ما عيدها .
عبدالله ) كلمة عبادي هزت فيه وايد وماقدر يخفي ابتسامته .
الريم ) ردت الابتسامه .
عبدالله : شو رايج ندش فيلم ؟؟؟؟؟؟
الريم : أوكي ................ اأبا أدش فيلم رعب .
عبدالله : أوكي بس يااااااويييييلج يااااااسواد ليييييييييييلج لو صحتي ولا زاعجتي .
الريم : لا لا مابزاعج لا تخاف .
عبدالله + الريم ) ساروا ودشوا الفيلم .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد الفيلم :
الريم : وااااااااااااااااااو واااااااااااااااااايد سخيف وما يروع .
عبدالله : ما دري منو كان بيكسر إيدي .
الريم : يتهيألك .
عبدالله : هيه صح نسيت إني أتخيل أشياء مش واقعيه .
الريم : ههههههههه صح .
عبدالله ) كان واااااااااايد مستانس .
الريم : شو بنسوي الحين .
عبدالله : بنسير نتشرى .
الريم : إعععععععععععععع ما حب .
عبدالله ) ويها استوا خط : في بنت ماتحب تتشرى ؟؟؟؟؟؟؟
الريم : هيه أنا تلوع جبدي بصراحه .
عبدالله ) ياحظي فيج : انزين شو نسوي ؟؟؟؟؟؟؟؟؟؟؟؟؟؟؟؟
الريم : ماعرف .
عبدالله : خلينا ناخذ كوفي من ستاربوكس بعدين يصير خير .
الريم : أوكي .
طلبولهم وقعدوا يشربون .
يا صوب عبدالله ريال .
الريال : السموحه أخوي بغيتك فكلمة راس .
عبدالله ) ما اطمن : خير أخوي تبا شي أنا موب قايم إرمس .
الريال : لا ماينفع أرمس هني .
عبدالله : ليش ما ينفع ؟؟ وين تباه ينفع ؟؟؟؟؟؟
الريال : تعال وياي .
عبدالله : قومي بنسير .
سار عبدالله والريم وما سووا سالفه للريال .
الريم : يمكن يباك فشي مهم .
عبدالله : ماعرفه من وين بيعرفني ؟؟؟
الريم : ماعرف عنه .
عبدالله : وبعدين إنتي ليش مش متغشيه ؟؟؟؟؟؟؟؟؟
الريم ) تغشت : آآآآسفه .
عبدالله : راسي بينفجر .
الريال : أخوي جان ماتبا تسمعني هذا رقم تلفوني متى ما فضيت دق .
عبدالله : جوف أخوي لا أبا أدقلك ولا أبا أرمسك ولا أبا أسمع أي شي تقوله .
الريال : موب من صالحك إنك ما تعرف اللي بقوله .
عبدالله : قتلك إذا عندك شي قوله .
الريال : الرمسه كلها عن البنيه اللي وياك .
عبدالله: .................................................. .................................................. .......
الريال : ماتبا تسمع بعد ولا غيرت رايك ؟؟؟؟؟؟؟؟
عبدالله : يوم بفضى بدقلك .
سار عبدالله عند الريم : متى بنرد العين ؟؟؟؟
الريم : ماعرف .
عبدالله ) دق لدريول شركة عمه وابوه وقاله ايي .
ردوا الشركه وسار عبدالله لحجره بروحه ودق للريال .
الريال : ألو .
عبدالله : السلام عليكم والرحمه .
الريال : وعليكم السلام ........... شحالك عبدالله ؟؟؟؟
عبدالله : من وين عرفت اسمي ؟؟؟؟؟؟
الريال : مش مهم من وين عرفت اسمك .
عبدالله : إذا مش مهم أعرف من وين عرفت إسمي شو هو المهم ؟؟؟؟؟؟
الريال : البنيه اللي كنت وياها وبكل أمانه ربيعتك ولا وحده من اهلك ؟؟؟؟؟؟؟؟؟؟
عبدالله : وانت شو يخصك ؟؟؟؟ منو كنت عسب تسأل هالسؤال ؟؟؟؟؟ ربيعتي .... إختي .... بنت الييران إنت شو يفيدك ؟؟؟؟؟؟؟
الريال : جوف ......... بصراحه أنا هالبنت عندي صور لها .
عبدالله ) خذا نفس : ومن وين يايبنهم ؟؟؟؟؟؟؟؟
الريال : منها .
عبدالله : منها ؟؟؟؟؟؟؟
الريال : هيه منها .
عبدالله : هالبنيه إنت تعرفها ؟؟؟؟؟؟؟؟
الريال : من ثلاث أو أربع شهور .
عبدالله : ومن وين تعرفها ؟؟؟؟؟؟؟؟؟
الريال : من النت .
عبدالله : والمطلوب ؟؟؟؟؟؟؟
الريال : المطلوب هي من اهلك ولا لا ؟؟؟؟؟؟؟
عبدالله : إذا كانت ربيعتيا ؟؟؟؟؟
الريال : بتكون خاينه بالنسبه لي .
عبدالله : وإذا من الاهل ؟؟؟؟؟؟؟؟
الريال : بيي وبخطبها .
عبدالله : البنيه هاي اللي ترمس عنها يا خوي خطيبتي .
الريال : .................................................. .................................................. ...................
عبدالله : ألوووووو.
الريال : وياك ........
عبدالله : أول شي شو يضمنلي إنه الكلام اللي تقوله صدج ؟؟؟؟
الريال : أنا أبا أقولك السالفه واباك تسمعني .
عبدالله : تفضل .
الريال : قبل أربع شهور تقريبا ........ كنت تعبان بعد وفاة حرمتي ...... بعدني ما عرست عليها بس كنت مالج ... كنت ماشي عالبحر ولقيت دفتر ....... فجيته لقيت فيه أبيات شعر وخواطر وإيميلها ........ دشيت إيميلي وسويتلها آد مع إني ماأرمس بنات مووووول ......... في البدايه كانت ماترد علي ويوم عرفت إني ريال سوتلي بلوك وديليت ....... تميت أسويلها آد وهي تسويلي دليت لين مره طرشتلها إيميل وقلتلها إني أبا أرمسها وإني ضايع وأحتاج مساعده ....... ردت هي وكلمتني .......... لين مااستوينا واااااايد مع بعض ...... راوتني صورها واليوم جفتها في الواقع .
عبدالله : برمسك بعدين مع السلامه .
ظهر عبدالله من المكتب وهو مايجوف اللي جدامه ...... سار مكتب عمه اللي قاعده فيه الريم : الريم أباج.
الريم ) استغربت : خير عبدالله بلاك ويهك أصفر ؟؟؟؟؟
عبدالله ) بنظره كلها حقد : كمبيوترج اليوم أباه عندي بحجرتيا .
الريم : ليش ؟؟
عبدالله : من دون ليش .
برودة الريم وردها العفوي اللي يهيء للشخص إنه اللي جدامه إنسان بريء نرفز عبدالله وعطاها كف.
الريم ) ما كانت متألمه كثر ما كانت منصدمه .
عبدالله : إنتي ظالمه وظلمتيني وياج وظلمتينا كلنا وفلاح حتى فلاح ظلمتيه ..... إنتي ما تسـ..........
الريم ) مانزلت ولا دمعه من عينها ........ قامت وسارت الحمام .
ظهر عبدالله ويا الدريول وسار البحر وعند البحر رما همومه وحزنه بألم .
انمدت إيد على جتفه : عبوووود؟؟؟؟
عبدالله ) اللي يجوفه بيقول حد مات عليه من كثر الصياح.
سعيد : عبووود بلاك ؟؟
عبدالله ) كان منهار من الخاطر .
سعيد : قعد عداله ولوا عليه .
عبدالله ) تم يصيح .
سعيد حط راس عبود ع ريوله وتم يقرا عليه لين ماهدا .
سعيد : عبوود .
عبدالله : لبيه.
سعيد : يمكن ما أكون بمثابة عمك نافع ويمكن تكون من الحاقدين علي لأني أنا السبب فموت عمك ويمكن هالشي مايهمني ومش شرط أسأل عنه بس ليش كل هالصياح؟؟؟................. ماكنت مع الريم من شوي ؟؟؟؟
عبدالله : كنت وكان قلبي عندها بس الحين ولا شي عندها حتى الثقه منعدمه .
سعيد : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
عبدالله : ما عدت أثق فيها .
سعيد : والسبب ؟
عبدالله : قاله السالفه كلها .
سعيد : جوف أنا ماعرفها بس أعرف إنه مش هي اللي تسوي جيه ....... ريام مايخصها بهالسوالف... فكر وياي بمنطقيه أكثر ..... ريام وين تكون في العصر؟؟
عبدالله : تدرس بالصاله .
سعيد : والمغرب ؟؟؟
عبدالله : ويا فطيم أو مها .
سعيد : وبالليل ؟
عبدالله : هي ترقد من وقت .
سعيد : عيل متى ادش النت ؟
عبدالله : .................................................. .................... يمكن ادش لأنه فبيتهم فيه واير ليس.
سعيد : عبود أنا بقولك شي ....... أنا لو قعدت أشرحلك من هني ليوم الدين مش حتستوعب اللي بقولك إياه بس لازم اتعرف إنه لو ريام بانت فيوم برائتها وانت كنت حاط فقلبك وعدمت الثقه فما بتصدق .... بس الثقه ولو واحد بالميه خلها موجوده عسب تفهم وتقبل برائتها .
عبدالله : ..................... آآآآآه يا سعيد ما عرف شقول ؟؟؟
سعيد : لا تقول شي بس لا تظلمها .
عبدالله : إن شاء الله .
دق تلفون عبدالله وكانت ريام .
الريم : ألو
عبدالله : ألو هلا .
الريم : عبدالله أبوي يقولك رد لأنا بنرد .
عبدالله : الحين ياي .
سعيد ) كان يرمس علي وخليفه وقالهم إنه عالبحر .
عبدالله : برد الشركه تامر ابشي من صوبنا ؟؟
سعيد : سلامة راسك ..... ولا تنسى الكلام اللي قتلك إياه وانتبه تتهور قبل لا تتأكد من الكلام اللي انقالك .
عبدالله : إن شاء الله .
سعيد : سلم وإن شاء الله نييكم جريب .
عبدالله : يبلغ وسلم من صوبك .
سعيد : إن شاء الله .
عبدالله ) رد الشركه .
أبو الريم : ها عبدالله وين اختفيت ؟؟؟؟
عبدالله : جريب عمي ..... إلا هني كنت عالبحر .
أبو الريم : تبونا نتم ولا نرد .
الريم + عبدالله : نرد .
أبو الريم : نرد نرد .
ردوا الريم وعبدالله وأبو الريم عالعين بس كان طريج الرده مظلم وممل وطويل في نظر الريم وعبدالله.
في الطريج طرشلها علي مسج " ريامي حياتي من توصلين دقيلي أبى أكلمج فموضوع مهم" .
الريم استغربت من المسج بس امرت فضولها بالصبر لين مايوصلون البيت .
ويوم وصلت البيت سلمت عالكل وراحت حجرتها أما عبدالله ما سلم على حد وسيييييييدا عالحجره.
في حجرة الريم :
الريم ) دقت لعلي .
علي : ألو .
الريم : هلا ...... السلام عليك والرحمه .
علي : وعليكم السلام والرحمه ...... شحالج الغلا ؟؟؟
الريم : الحمدالله بخير .
علي : بخير ؟؟ ولا بخير بخير ؟؟
الريم : كيف يعني بخير بخير ؟؟
علي : موب مضايجه؟
الريم ) جافت عمرها فالمنظره وكان غزها وارم : آآه ..... الحمدالله .
علي : ليش مادقيتيلي ؟؟ موب أخوج أنا ؟؟ ولا تستحين مني ؟؟
الريم ) قفطت : إنت أخوي وأنا أحبك وما أستحي منك.......... لا هاي جذبه بس ليش هالسؤال العجيب وأنا اليوم جايفتنك ؟؟؟؟
علي : يوم عبدالله ضربج ليش مادقيتيلي ؟
الريم : .................................................. .................................................. .............
علي : ليش صاخه ريام؟
الريم ) غصت : علاو ماماتي تباني يوم بفضا برد أدقلك .
علي : أوكي فديتج سلمي على أبوي وأمي.
الريم : إن شاء الله فحفظ الرحمن .
الريم ) ماتريت وسكرت فويهه .
في دبي :
علي : افففففففففففففففففففففففففففففففففففففف.
سعيد : شو استوى ؟
علي : ماعرف .... أحسها جذابه أمي ماكانت تباها هي اللي ماكانت تبا ترمس عن السالفه .
خليفه : بتظربها لين ماترمس ؟؟
علي : لا أنا ما أشك فيها أبدا بس من وين له الصور ؟؟
قعدوا صاخين فتره .
علي : إإإإيييييييه سعود .... عبود معاه رقم هالحيوان صح ؟
سعيد : هيه .
علي : دقله واطلب الرقم .
خليفه : لو إنت اللي ولد عمه طالب الرقم ماعطاك ....... بيعطي سعيد ؟؟ مستحيييل إلعب غيرها يا أخي العزيز.
علي : ياربيييييييييي شو انسوي الحين اتم إختي مشوهة الصورة فعين خطيبها ؟؟
خليفه : هي ماتعرف إنه خطبها صح ؟؟؟؟؟؟؟؟؟
علي : لا ماتعرف .
خليفه : يعني عادي يفسخ الخطوبه ؟
علي : فال الله ولا فالك .
خليفه : نحن ليش قاعدين انفكر ربنا بيظهر برائتها من هالكلام .
علي : وأحط إيدي على خدي أتريا ؟؟
سعيد : شو بتسوي يعني ؟
علي : باجر بسير العين وبفهم السالفه من عبود يعل إيده الحش .
سعيد ) هز راسه بالأسف على شكل علي وعلى حال عبدالله والريم .
ويوم دشوا بيت قوم خليفه وعلاو لقوا أخوهم حارب .
حارب : هلا والله ومرحب .
علاو ) انصدم : .................................................. ..................................................
أما خليفه ) عيونه لمعت من الحزن على فراق أخوه اللي دام خمس سنين وأكثر .
لوا حارب على خليفه وصاحوا الإثنين .
أم حارب وخليفه نزلت من فوق وهي موب عارفه إنه حارب رجع .
أم خليفه : منو هالشيخ ياولدي ؟
حارب ) نزل لين ريولها وتم يصيح : أنا حارب ولدج يايما .
أم حارب : نزلت عنده وتمت تحبب فيه وفيها صيحه تعور القلب .
دش أبوهم ويوم جاف ولده بهت : حا ا ا ا .... رر...ب .
حارب : هيه حارب يابوي حارب .
العايله كانت كامله فهذاك اليوم .
حارب ) أصغر عن خليفه وأكبر عن علاو ..... إنسجن بتهمة ظلم عن تهريب مخدرات وبعد ماظهر من السجن كره نظرات الناس له فعاش فاستراليا وبعدين قرر يعيش فاليمن لأسباب وايده أهمها بساطة الشعب والحياه والمجتمع لكن ماتحمل حياتهم وعاش في النهايه في الكويت .
أم حارب : تسير ادق لامك وتسلم عليها شكثر تعبت يوم سرت ؟
خليفه + علي : على ويوهم ألف علامة استفهام .
خليفه : شمعنى أخواني عندهم أخوات وأخوان بالرضاع وأنا لا ؟
أم خليفه : عندك منو قال ما عندك ؟؟؟ كلكم عيال أم الريم .
خليفه : ريام إختي .
أم خليفه : هيه .
خليفه : كيف وعلي رضع منهم بس .
أم خليفه : علي رضع منهم وهي رضعت منا .
خليفه : يعني هي إختي بعد؟
أم خليفه : هيه.
خليفه : وليش ماقلتولي ؟
أم خليفه : أتحسبك تعرف.
خليفه : من وين أعرف ؟؟
أم خليفه : إنزين الحين تعرف شو بتسوي ؟
خليفه : الحين بتشوفون حركاااتي .
دق خليفه على الريم من تلفون علي وردت .
خليفه : هلا والله بكل الزين .
الريم : احترم عمرك يالسخيف ولا بعلمك غصبن عنك .
خليفه : آآه بس .
الريم ) سكرت التلفون فويهه .
وكلهم يضحكون .
حارب : ييب التلفون يالغبي .
حارب طرشلها مسج " ريامي أنا أخوج ردي "
ردت الريم .
حارب : ألو .
الريم :................................................. ....................
حارب : أنا أخو علي وخليفه حارب.
الريم : حاااااارب .......... لحظه .
الريم ) نركض : مامااااااااااتي .......خااااااااااااااااالتي........... بااااباااااااااااتي .
كلهم من الزيغه قاموا .
الريم : حروب أخو علاو وخليفه رجع من الكويت رد .
أم الريم + أم عبدالله : صاحن وكلهم سجدوا شكر لله سبحانه وتعالى .
أبو الريم : من وين عرفتي ؟
الريم : أكوه عالتلفون .
أبو الريم )) خذا التلفون : السلام عليكم .
حارب : وعليكم السلام والرحمه .
أبو الريم : شحالك ياولدي ؟؟
حارب : الحمدالله دامني جفت أبوي وأمي وقاعد أسمع صوت أبوي أكيد تمام.
أبو الريم : وين هالغيبه كلها ياحارب؟؟ نهون عليك ؟
حارب : والله ماتهونون بس .
أبو الريم : لاتقول شي .... نحن إن شاء الله إنجوفك باجر .
حارب : إن شاء الله ..... أبوي أمايا عندك ؟
أبو الريم : هيه .
حارب : السلام عليج يا أحلى أم بالدنيا .
أم الريم ) غصت : الحمدالله بخير .... وينك عنا يا حارب ؟؟
حارب : موجود فديتج .
أم الريم : تولهنا عليك ياولدي .
حارب : وأنا بعد ... ولهت عليج العافيه .
أم الريم : سير ارتاح وارقد يايما ونجوفك على خير إن شاء الله .
حارب : أمين .
أم الريم : تصبح على خير .
حارب : لا أمايا أبا ريام .
أم الريم : أخوج يباج .
الريم : علاو مبروووووك على ردة أخوك والله ونااااسه الحمدالله رد بالسلامه ولا كانت أمايا بتروح فيها .
حارب : هههههههههههه أنا حارب أخوج مش علاو .
الريم : إنت أخوي ؟؟؟؟
حارب : هيه أنا أخوج .
الريم : وناسه عندي ثلاث أخوان مش إثنين .
حارب : عندج أربعه مش ثلاث .... حتى خليفه أخوج.
الريم : شحالك حروب ؟؟
حارب : هههههههههههههههههههههههه الحمدالله بخير ... ماشاء الله عليج .... تستغلين الفرصه ماعندج .
الريم : أخوي فديت كل أخواني ياربي ..... عطني برمس خليفه .
حارب : ههههههههه ..... خلوف عندنا إخت تحفه تبا ترمسك .
خليفه : واي فديتها ياربي .
الريم : مسود الويه بسك حركات سخيفه صدقت أنا ولا كنت براويك عند علاو .
خليفه : شوي شوي علي كليتيني بقشوري .
الريم : تستاهل .
خليفه : باجر بتيون صح ؟
الريم : هيه ....... وناسه عندي أربع لا خمس أخوان نسيت أسوم رضع ويا حمود ... وناسه أخوان بالرضاع .
خليفه : باجر بجوف ريم يديده .
الريم : أفكر أرقد عندكم .
خليفه : وناسه ...... إنتي كلمي أمج وانا باجر برمسها .
الريم : أوكيه .
خليفه : أوكيك موب أوكيه .
الريم : ما أبا كيفي .
أبو الريم : مايكفيج ذبحتي الريال .؟؟؟؟
خليفه : حلال عليها .
الريم : عيل باجر بسوي مهرجان بدبي من الوناسه.
خليفه : بطلب منج طلب .
الريم : آمر تدلل شو تبا ؟؟ شبيك لبيك أنا ريام بين ايديك .
خليفه : لا خلاص ما أروم بروح فيها ما أروم .
الريم : خخخخخخخخ شو تبا ؟؟ بسرعه أنا هلكانه وابا ارقد .
خليفه : فالويه حظرة الإخت ماعنج مجاملات ؟
الريم : للأسف لا وما أحب استخدامها.
خليفه : تحيديييييييييييييييييييييييييييييييين.
الريم : شووووووووووووووووووووووو؟
خليفه : هذاااااااااااااااااك اليوووووووووووووم ...... يوووووووووم كنا عنكم كلنا .
الريم : متى؟
خليفه : يوم كنا عندكم وسويتيلنا كيكه بالكراميل .
الريم : أها ........ قول تحيدين الكيكه موب تحيدين هذاك اليوم.
خليفه : ههههههههههه إنزين أنا أبا الكيكه باجر .
الريم : بسويها على شرف حروب ,
خليفه : على شرفه وعلى شرف بطني .
الريم : خخخخخخخخخخخخخخ أوامر ثانيه ؟
خليفه : سلامة راسج.
الريم : الله يسلمك وسلم على باباتي وماماتي .
خليفه : إن شاء الله .
اليوم الثاني :
الريم : يالله اتأخرناااااااااااااا.
أبو عبدالله : شوي شوي بلاج مشتطه؟
الريم : أبا أجوف حروب ما أحيد شكله.
أبو عبدالله : لاحقه أخوج مابيطير .
الريم : وين أمي؟
مها : موجوده فوق.
الريم : يالله متى يبونا نوصل؟
مها : ريام بعدها الساعه ثمان مااستوت.
الريم : أوكي شو يعني أنا خاطري أوعيهم كلهم اليوم بخليهم يحسون في بنيه فالبيت.
مها : هههههههههه الله يعينهم عليج.
ذياب : نحن الحين بنسير جان تبين تسيرين ويانا ؟
الريم : هيه أبا أبا .
ذياب : خبريهم إنج بتيين ويانا وأنا أترياج فالسياره.
الريم : أوكيك لحظه.
سارت الريم وذياب سأل مها : موب جنها قالت أوكيك؟
مها : ههههههههه هيه قالت أوكيك.
ذياب : فيه تطور منو لين راسها اليابس ؟
مها : علمي علمك.
وصلوا دبي الساعه 9:20
ومن دشت البيت سارت صوب حجرة علاو.
الريم : علااااااااااااااااااااو قوم يالكسلان.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك