رواية ليش تزفوني لقبري -17
ذياب : خبريهم إنج بتيين ويانا وأنا أترياج فالسياره.
الريم : أوكيك لحظه.
سارت الريم وذياب سأل مها : موب جنها قالت أوكيك؟
مها : ههههههههه هيه قالت أوكيك.
ذياب : فيه تطور منو لين راسها اليابس ؟
مها : علمي علمك.
وصلوا دبي الساعه 9:20
ومن دشت البيت سارت صوب حجرة علاو.
الريم : علااااااااااااااااااااو قوم يالكسلان.
علي : منو؟
الريم : الإخت الريم بنت سيف بن معضد بن..
علي : خلاص أوكي عرفنا بس ظهري وصكي الباب وراج لو سمحتي.
الريم : يالدب قوووم أبا أجوف خلوف وحروب قوم.
علي : أول حجره فوق عإيدج اليمين مالت حروب وعاليسار خلوف وأنا المسكين خليني فحالي .
الريم : بسير لهم وبرد لك يالدب.
علي : بلاج اليوم دب ودب ؟
الريم : ولاكلمه رد ارقد يالدب.
علي : اللهم عافينا ولاتبتلينا .
سارت الريم والابتسامه شاقه الحلج ودشت حجرة خليفه أول.
الريم ) كانت تبا تسوي مقلب محترم : خليييفه .... حياتييييي.
خليفه ) نومه ثقيل وما يحب حد يوعيه بس بعد الجمله اللي قالتها بطل عيونه .
خليفه ) صلب عمره : إنتي منو؟
الريم : اللي قصيت عليها أمس يالدب.
خليفه ) توه استوعب انا اللي جدامه الريم : خخخخخخ تستاهلين يالدبه.
الريم : انت الدب يالدب.
خليفه : لحظه بسير بتغسل وبرد وبنسولف وبتقوليلي كل شي ووووو.....
الريم : بسك ... خلاص أوكي بطفربك وبخليك تكره اليوم اللي اكتشفت فيه إنه عندك إخت.
خليفه : هيييه جيه أبا .
الريم : أوكي .
خليفه : بلاج متحرقصه؟
الريم : أباك تفكني ..... بسير وياك أوعي حروب.
خليفه : خخخخخخخخ ... سيري بروحج.
الريم : لا لا أستحي .
خليفه : لا والله إحلفي إنتي بس .... وليش ما استحيتي مني ؟
الريم : لأني فالواقع أحقد عليك .... أمزح لاتصدق ... بس سافرت ويانا وجفتك ألف مره أما حروب غير اشوي .. إنت بس دخلني الحجره واظهر .
خليفه : وجيه تستوين مستحيه ؟
الريم : هيه ها يعني بموووت من المستحى .
خليفه : زين ثواني بس .
الريم : بسرعه عندي مخططات أولها أبا ألوي عليك بس وضعك مايسمح .
خليفه : هههههههههههه وياويهج أقول ليش علاو ميت فيج؟
اللريم : موب بكيفه غصبن عنه أنا فديتني أنحب .
خليفه : بسج خقه بتموتين منها .
الريم : خلوف بسك رمسه ما تمل بالع راديو أمس ؟ فكني سير اتغسل أبا أجوف حروب .
خليفه : أوكي لحظه .
وتم فالحمام 15 دقيقه يوم ظهر مالقاها .
خليفه : وين سارت ؟
يوم ظهر من حجرته لقا حجرة حارب مفتوحه ودش .
ولقاها قاعده عالشبريه .
خليفه : وعيتيه ؟
الريم : لا أترياك ....... حشى موب سبوح اللي يتريا بيقول معفن ما جس الماي من عشرين سنه .
خليفه : لسانج طويل .
الريم : أعرف .
خليفه : وحظرتج ماتحملتي وييتي ووعيتيه.
الريم ) شاقه الحلج : هيه.
حليفه : كيف وعيتيه ؟
الريم : مايخصك ..... ولا أقول باجر بوعيك شرات ما وعيته اليوم .
خليفه : اللي يعينا غيرت رايي ما اباج ترقدين عندنا .
الريم : موب كيفك قلت لماماتي وخبرت باباتي وقلت لماماتك ورتبت ويا باباتك والكل موافق يعني مايخصك.
حارب ) ظهر من الحمام وجافهم يظاربون : الحين بالله عليكم إنتو ويه أخوان توكم أول يوم عرفتوا انكم أخوان فيه ؟
الريم ) قامت ولوت عليه : علمه .... هو الصدعه الحشره .... إنت كيف استويت اخوه ؟ هو دفش إنت طيب .
حارب : ههههههه .
خليفه : كيف وعتك وانت كيف استقبلتها ؟ أشك فيكم انتوا الاثنين .
حارب : ههههههه وياويهك لوت علي ولويت عليها بس ماسوينا شي ثاني .
خليفه : لا والله وتقول بس وانا يالسخيفه ليش ماوعيتيني شراته ؟
الريم ) تظهر لسانها : حره كيييييفي أنا أصلا ما أحبك لأسباب وايده بس حبيتك لأني اكتشفت انك اخوي .
خليفه ) ماعلق لأنه يعرف السبب بس مااتوقع انها بعدها شاله فخاطرها وحارب شرات الاطرش فالزفه .
الريم : ياربيييييييييييييييي نسيت .
خليفه : شو نسيتي ؟
الريم : الكيكه .
خليفه : لاااااا لا تقولين وانا من امس اتريا .
الريم : ولا يهمك من عيوني اليمين قبل اليسار الحين بسير بسويلك .
خليفه : لا لا لاتعبين عمرج .
الريم : عن السخافه ..... توك ما في احلا منك فلا ترد لسخافتك أنا كم خليفه عندي ؟ واحد إذا ما اسويلك اللي تباه بسوي لمنو ؟
حارب : فيه تطور .
الريم : اسكت ما يستوي تقول جيه هذا اكبر اخواني فديت روحه علني ماخلا منه .
خليفه ) شق الحلج : والله صج تحبيني ؟
الريم ) بطرف عين : هيه طبعا احبك إنت أخوي واكبر واحد لازم أحبك ) ولوت عليه .
خليفه ) استانس من الخاطر .
الريم : يالله بسرعه بسير اوعي الرقيد العود وبحط الريوق وبنتريق مع بعض .
حارب ) ابتسم وحس انه كان غبي يوم شرد عن اهله .
خليفه ) استانس : عادي اقول لسعيد ايي ؟
الريم : هيه حليله وين بيروح يعني ؟ انا طيبه وهو ماعنده أخوات ولا أخوان ولا أهل خله ايي .
خليفه : يالدبه حظرته غامظنج موب لله فلله .
الريم : لاوالله أنا ما أكره حد بس كنت أكرهه الحين لا ... بعدين دمه يجري فدمي كيف اكرهه .
حارب ) فهمها بطريقه ثانيه واستوا ويهه خط .
خليفه + الريم : ههههههههههههههههههههههههههههههههه.
الريم : حروب بلاك؟
حارب : لاماشي بس أنا توني رديت وماعرف شي .
خليفه : سعيد تبرع بدمه للريم يوم كانت تحتاج دم فهمت ؟
حارب : أها أوكي فهمت .
الريم : يالله ... وايد ترمسون .
حارب + خليفه + الريم : نزلوا لحجرة علي .
علي : لاحول ولا قوة إلا بالله ..... الواحد مايعرف يرتاح فهالبيت ؟
حارب : لا ........... قوم وياويهك .
علي : إنتي وراج مصيبه .... اليوم بلاج مع كلمة دب ؟
الريم ) سوت عمرها خايفه : ما تصدق حلمت إنه كلاني دب ..... قوم يالله بسك رقاد .
علي ) قام : أمري لله بقوم بقوم ليش أطول واحتشر ؟
الريم : ياويلي عالحكيم .
حارب : ييتي مع منو ؟
الريم : أوييييييييييييه نسيت عمي وحرمته برع فالميلس .
خليفه : لازم تفضحينا ؟
الريم : عمك أصغر عنك ومعرس وحرمته حامل وانت وياويهك متى بتخليني عمه ؟
خليفه ) قفط : سكتي ويا لسانج الطويل .
حارب + علي + الريم : ههههههههههههههههههههههه قفط .
خليفه ) حرج : أنا بسير بجوف عمي ذياب وانتو يالله جدامي .
حارب + الريم : إن شاء الله .
يوم يايين بيظهرون برع حجرة علي : آآي قوم لاترد ترقد ولا بهفك ابوكس .
علي : إن شاء الله عموه .
حارب + خليفه + الريم ) دشوا الميلس .
ذياب ) قام واتوايهوا : ماشاء الله وعتكم مثل ماقالت .
حارب : ههههه هيه فديتها .
الريم : احم احم ناس يتفدوني .
ذياب : تصدق طول الطريق وهي تقول كيف بتوعيكم .
خليفه : ههههههههههههه فديت روحها علنا ما نخلا منها .
ذياب : بنتوله عليها حشى تبا تقعد عندكم أسبوع .
مها : هيه والله ما أتخيل .
الريم : إنتي آخر وحده ترمسين ريلج عندج ليش بتتولهين ؟
مها ) قفطت :................................................. ..
حارب ) يصاصر الريم : سكتي عيب .
الريم ) بابتسامه : أوكي .
خليفه : ماتعرفون إنه عيب المصاصر .
حارب : فالنصايح موب عيب .
خليفه : أها أوكي صح .
الريم : عميييييييييييييييييي .
ذياب : الله يستر من هالمطمطه .
كلهم ضحكوا .
الريم : تعرف منو بيي ؟
ذياب : لا .
الريم : سعووووود .
ذياب : خخخخخخخخخخخخخخخخخخخخخخخخخخخخخخ ويعني ؟
الريم : ماشي ) وبوزت .
خليفه : من متى تزقرينه سعوود ؟
ذياب : من ....
قبل لا ذياب يكمل كلامه نقزت الريم وحطت ايدها ع ثمه : من يوم ما عرفت إنه ربيعك وانك أخو علاو .
ذياب : هيه صح .
خليفه : أشك .
الريم : أوكي عمي اعترف .
ذياب : ريام تقوله سعوود طنازه موب دلع .
خليفه : أعرف ... الحين حليله الريال اعتذر وذبحنا عسب يرد شرات قبل ليش اتسويله جيه ؟
الريم : كيفي أنا ما أحبه أقصد كنت ما أحبه والحين بعد ما أحبه بس موب أكرهه .
خليفه :لو قتلج أني أنا اللي كنت أسوق .
الريم : لا هو أنا جفته وأنا عطيته كف جدامكم وانت اللي كنت ع راسي .
خليفه : ما شاء الله عليج .
الريم : هيه هو اللي كان يسوق وهو السبب وانا ما اطيقه .
خليفه : بس أناا للي قتله سرع واتسابق وياه والا هو مايخصه بهالسوالف .
الريم : أنا مايخصني إنت هو المهم إنه هو اللي كان يسوق موب انت .
ذياب : ريااام .
الريم ) صخت من صوت عمها : لبيه .
ذياب : كم مره قلنا وزدنا إنه ربنا كتب هالشي وانه سعيد مسبب مش أكثر ؟
الريم : ألف مره بس ....
ذياب : لابس ولاشياته ..... إنتي اللي مزودتنها .
حارب وخليفه ماتوقعوا الهزبه اللي بتنهزبها .
الريم : .................................................. .................................
ذياب : الريال اعتذر وحميد مثل ماهو عمج هو أخوي وأنا عشت وياه فتره أكبر عنج منو تتوقعين يحبه أكثر أنا ولا إنتي ؟
الريم : .................................................. .................................................. ...........
ذياب : وسعيد حس بالذنب وما كان يبا يدش بيتنا لولا راشد واللي تسوينه غلط لو تعرفينه بتتقبلين اعتذاره .
الريم ) ظهرت من الميلس ودموعها اربع اربع .
حارب : آسف ع السؤال بس شو قاعد يستوي .
فهموه السالفه وظهر يدورها .
لقاها قاعده ويا علاو ويسولفون .
حارب : ريامي ..... علاو ........ الريوق زاهب وسعوود يا .
الريم : الحين بنيي .
علاو: وعد ؟
الريم : وعد .
قاموا علاو والريم وهم مستانسين وحارب حس بانه علاو كلمها عالموضوع واتفقوا ع شي .
دشوا الميلس :
الريم : السلام عليكم والرحمه .
خليفه ) غمز للريم : ريامي فديتج أبا كوب ماي .
سعيد ) غص وتم يكح وطالع فخليفه .
الكل فهم إنه سعيد بعده مايعرف إنهم أخوان فكملوا اللعبه .
الريم : ولا يهمك فديتك بس كوب ماي ؟
خليفه : بس غناتي .
الريم ) صبتله كوب ماي وعطته .
الريم : لو تباني اشربك بشربك .
خليفه : هههههههههههههه بسج خلاص جوفي عيونه .
كلهم قعدوا يضحكون وسعيد قفط .
حارب : ما اظني فهمت شي ؟
سعيد : مافهمت ......... قلت يمكن الاخ خاين من ورانا وانا مادري .
خليفه : ههههههههههههههههههههههههه لا لا تخاف ما خنتك .... ريامي تستوي إختي .
سعيد : نعم ؟؟؟؟؟؟؟؟؟؟؟؟؟؟؟؟؟؟؟؟
خليفه : شراتك توني أمس أدري .
سعيد : مبروك ..... طفرتبي تقول أبا أعرس ماذقت الدلع من ابنيه كاهي إختك موجوده .
الريم : هيه فديتني بدلعه وببزيه لين مايستوي دلووووع وتكرهونه من دلعه .
سعيد : لا الله يخليج هو جيه ودلوع .
الريم : يستاهل بو سلطان .
خليفه : أنا ما أروم ناويه تذبحني .
الريم : إخت عالفاضي ؟ لازم أدلع .
سعيد : حيك ويا ويهك طلعتلك إخت موب انا مالت علي.
الريم : ولا يهمك جان تبا اختك بعد .
سعيد ) انصدم بس كمل وياها عالخط : أوكي اذا انتي موافقه انا ماعندي مانع .
الريم : وانا ماعندي مانع ... اتفقنا .
خليفه : لا والله ؟ عيبتج السالفه .
الريم : هيه وناسه كل يوم أكتشف عندي أخ يديد .
سعيد : خخخخخخخ لاخلاص خليفه غار .
الريم : أنا بريئه كنت أباك أخوي بس أخوي ما رضى فما أروم اسمحلي .
الكل قعد يضحك لأنها سوت عمرها تصيح وهي تقولها .
سعيد : مسموحه خلاص .
خليفه : اللي يمثلون فهوليوود موب أحسن عنكم فالتمثيل .
ماوحى لحد يعلق إلا والكل داش .
أم الريم ) صاحت .
وحارب ) لوا عليها : لاتصيحين كاني موجود .
أم الريم : فديتك ياولدي .
وبعد السلام :
الريم : تعرفين ماماتي شو نسيت ؟
أم الريم : هيه الكيكه ........ يبتها أكيد الخدامه ودتها المطبخ .
خليفه ) قام يربع .
الريم : ليش قلتي بصوت عالي ؟ الحين هالمتوحش بيخلصها قبل ما أراويها أمي وابوي .
الكل : هههههههههههههههههههههههههههههههههههههههههه.
سعيد : شكلي بخاويه .
وقام سعيد وسار المطبخ .
الريم : حروب تعال ساعدني عليهم .
علي : وانا وياكم .
وفالطريج عالمطبخ .... دشت سيارة بو عبدالله .
الريم ) غيرت الطريج وسارت صوب عمها : فديت عمي ياربي .
ظهر من السياره .
بو عبدالله : السلام عليكم . شحالكم ؟ إن شاء الله بخير .
حارب : الحمدالله عمي بخير .
بو عبدالله : والله وكبرت يا حارب .
ووايه عمه وحبه وتم لاوي عليه .
الريم ) بطرف عين : لاوالله وأنا غرت .
بوعبدالله + حارب : هههههههههههههههه يالغياره .
عبدالله + عبيد + أسامه + محمد + أم أم سلموا عليه .
محمد : إنت أخوي ؟
حارب : هيه .
أسامه :واخوي لأني أخوك .
محمد : لا حبيبي موب اخوك .
الريم : لا أخوك ولا اخوه أخوي انا .
عبيد : بسكم كلتوا الريال .
حارب : هههههههه دشوا حياكم .
عبدالله : شحالك حارب عساك طيب ؟
حارب : والله الحمدالله إلا نسأل عنك .
عبدالله : تسأل عنا ولا نحن إلا نسأل عنك ؟ جنها الكويت عيبتك ؟
حارب : لا والله ما شي شرات البلاد بس تعرف الظروف .
الريم : وين الباقيين ؟
عبدالله مارد عليها .
عبيد : بعدهم ورانا .
الريم : وانتوا ليش يايين دفعات ؟
عبيد : عشان كل واحد ياخذ حقه فالسلام .
حارب :ههههه إنزين لين متى بتمون ترمسون برع دشوا .
دشوا كلهم .
خليفه ظهر يتحرطم من المطبخ وسعيد ميت من الضحك .
خليفه : أماه الحين انتو عندكم خدامه ولا بواب أمن ؟
أم الريم : خير ان شاء الله شو مستوي ؟
سعيد ) تم يضحك ومارام يمسك عمره .
خليفه : جب ويا ويهك قاعد تضحك .
سعيد : انا ..... انا بقول ...... شو استوا بس لحظه .
خليفه : اسكت أنااللي برمس عن تخرفلي قصه ثانيه .
سعيد : هههههههههه ان ههههههههه زين انت ارمس .
خليفه : أول مادشيت قلت لخدامتنا وين الكيكه اللي يبتوها جان تقولي فالثلاجه ... سرت وظهرتها واول ما ييت بطعمها الا وشي يضربني ع صبعي ...خدامتك بالقفشه ظربتني كسرت صبوعي ويا ويهه ومن وبعدين دش هالغبي وكانت تهزبني وتقول ريام تعبت عليها ومن امس وهي تعابل فيها وانا اونه بس ازط .
سعيد : هههههههههه يالجذاب أهم جزء ماقلته .
حارب : شو سوت بعد ؟
سعيد : خليفه حرج وعصب جان يقولها كيفي اختي وانا أحبها مابتعبها قالتله اختك ولا حبيبتك؟ .... ماتعرف انهم اخوان .
الكل نقع من ضحك .
الريم : هههههههههههههههههههه وناسه نيلي .
خليفه : والله بغيت أزنطها حشى عليها موب لسان .
الريم : هههههههه هي طيبه بس ماكانت تدري نسيت أقولها أنا بخبرها بعدين .
خليفه : لا الإخت الحين بتسيرين عن اتسوي إعلان تقول خليفه يحب بنت اللي أشتغل عنده .
الكل : هههههههههههههههههههههههههههههههههههههههههههههههههه هههههههههه.
الريم : أوكي حاظرين بس لحظه .
خليفه : لا لحظه ولا هنتين يالله جدامي .
الريم ) سارت وقالت السالفه لخدامتهم وردت .
الريم : قلتلها ارتحت ؟
خليفه : هيه.
ابو خليفه ) داش الميلس : هلا والله بهل العين .
أم خليفه : يامرحبا الساع .
وبعد السلام .
الريم : الحضور الكريم .
كلهم ) صخوا يسمعون شو بتقول الريم .
الريم : أنا فديتني البنت الوحيده بينكم وانتو دومكم تظهرون وتتمشون بما انا فدبي فلازم تسوولي برنامج طلعه مافي احلى منه.
أبو الريم : لحظه ........ أنا عندي لكم مفاجأه .
الريم : تفضل باباتي .
أبو الريم : باجر الساعه تسع الليل لازم تكون الريم و وذياب ومها وشهاب ونافع ومانع وعبدالله وعبيد وخليفه وحارب وعلاو وسعيد فمطار دبي .
الريم : ليييش ؟
أبو الريم : ماتبون تسافرون لبنان ؟
الريم : يحيا باباتي يحيا فديته .
علاو : وانتو ؟
أبو الريم : الطياره اللي عقبكم يعني انتو بتمون بروحكم ثمان أو تسع ساعات .
علاو : يعني عندنا وقت نخبص .
الكل: هههههههههههههههههههههههههههههههههههههههههههه.
سعيد : يعني اليوم لازم نخم السوق خم ؟
حارب : هذا اللي فهمته .
سعيد : الله يعين .
علاو : أنا عندي فكره حلوه .
الريم : إرمس ياابو الأفكار انت .
علاو : جوفوا بنسير الحين نتشرى وبدين بنحط الأغراض فالسياره وبنسير نتغدى ونحضر فلم وبنرد بيت سعود وفالليل بنجوف عنده فلم وبنلعب عالبحر فجميرا وبنرقد عنده وباجر كل واحد يعدل أغراضه ومن الساعه سبع نحن فالمطار .
سعيد : فكره ذهبيه بصراحه .
حارب: وانت ليش ترمس عن البيت جنه بيتك موب بيت سعيد ؟
علاو : لأنه عندي مفتاح احتياط.
سعيد : خخخخخخخخخخخخ بيتي بيتكم عادي.
الريم : موافقه .
الشباب : كلنا موافقين .
سعيد : سوري ذياب انت موب مسموح ادش البيت .
ذياب : منو قالك إني بيي أنا بسهر وياكم بس برقد هني .
سعيد : لأنك معرس فممنوع .
الريم : خلاص أنا بعد مابرقد بسير مع عمي ذياب .
مها : لاوالله ........ وين تبين ترقدين عندنا ؟ ( وسكتت )
الريم : خخخخخخخخخخخخخخخخخخخخخخخخخ واخيرا ابديتي رايج .
الكل : ههههههههههههههههههههههههههههههههههههههههههههه.
الكل قعد يضحك على مها وشكلها بعد مارمست استوت اشارة مرور .
الريم : يالله أنا بسير ببدل .
وسارت الريم وردت بعد ربع ساعه .
سعيد + خليفه ) يصفرون : مسكككككككككته الإخت .
خليفه : حوه لااطالع سكر عيونك هاي اختي موب اختك .
سعيد : اختي بعد انا بس مش بالاسم ولا بالرضاع بس اختي.
حارب : آي بسكم .
وكلهم ظهروا .
الريم + علاو + حارب + سعيد فسيارة سعيد .
خليفه + مها + ذياب + عبدالله فسيارة خليفه .
محمد + أسامه + نافع + مانع فسيارة مانع .
عبيد + شهاب + أم أم فسيارة شهاب .
وكلهم سايرين صوب ابن بطوطه .
يوم ظهروا من السيايير كان أم أم مشتط لأنه مستانس يوم درا إنه بيركب طياره .
أم أم : وييييييييييييييييو بيب بيب تووووووووووووووت بنطيرررررررررر تمثكووووووووووا.
مها : علني ماخلا منك .
الريم : ام ام تعال هني انتبه كله سيايير .
عبدالله ) ماكان له خاطر يدش ابن بطوطه بعد اللي استواله فيه .
وبعد ماتشروا وخلصوا ساروا مول الإمارات عشان يتغدون ويحضرون فلم .
في سيارة سعيد :
الريم : سعوود سيارتك حلوه .
سعيد : مشكوووره أخجلتي تواضعي .
الريم : الرياييل مايقولون أخجلت تواضعي .
سعيد : شو يقولون ؟
الريم : يقولون شحنت غروري .
سعيد : خخخخخخخخ أوكي شحنتي غروري .
الريم : لاوالله سيارتك حلوه .
علاو : الإخت أصلا موب عايبتها سيارتك ...... هي مغرمه بأي شي إسمه ستيشن أو رنج .
سعيد : الحين عرفت السر .
حارب : ريامي بتظهرين ليسن .
الريم : طبعا هيه .
قالها وهي مشتطه وشكلها ينقع ضحك جنها تقول ها سؤال أصلا .
سعيد : هههههههههه انزين اشوي اشوي كليتيه .
حارب : وشو خاطرج تظهرين ؟
سعيد : لحظه لحظه لو خيروج بين ستيشن عمج شهاب وبين رنجي شو بتاخذين .
الريم : طبعا ستيشن عمي لأني راعية بر .
علاو : ويييييييو لقط ويهك .
سعيد : موب فشله بس كنت أبا اعرف شو تحب أكثر .
حارب : وانتي تعرفين تسوقين ؟
الريم : خخخخخخخخخخخخخخخخ هيه واعرف اخمس واشيل بتايرين .
حارب : بل بل بل منو معلمنج ؟
الريم : خخخخخخخخخخخ سر .
حارب : ورفجه تقولين .
الريم : ولد خالي أحمد .
حارب : احمد ؟؟؟؟؟
علاو : هيه لاتقول نسيته .
حارب : لا لا مانسيته بس ما أحيد إنه راعي هالسوالف .
علاو : دا كان زمان من أبوه عطاه سويج استيشن اخترش الريال .
حارب : خخخخخخخخخخخخ والله إنه وناسه .
الريم : علمني عسيارته .
حارب : واكيد قير عادي .
الريم : هيه يعني بالله عليك شو هالسياره السوبر اوتوماتيك إلا حلاة التفحيط فيها؟؟
حارب : ماشاءالله سويقه الإخت خبره .
الريم : موب أي حد الريم أنا .
علاو : والنعم .
سعيد : بسكم هذره زايده يالله وصلنا .
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك