رواية ليش تزفوني لقبري -19
الريم : كله من هالسعوود هذا عو السبب .
سعيد : ماظربتج وقلت دشي .
الريم : حره أباك تكون الشرطي ونتفق أنا واخوي عليك .
حاررب : لاماشي يالله عالبيت بعدي بتمرظين وما بنروم نسافر .
الريم : لا لا كله ولا هاسفره السفره الماضيه مااستمتعت وايد .
حارب : سافرتوا مع بعض قبل جيه ؟
الريم : هيه سرنا لندن .
حارب : ما شاء الله زين يالله خلونا نرد .
وردوا البيت تسبحوا ولقوا خليفه وشهاب ومانع ونافع وعبيد واعيين .
الريم : ماشاء الله شو موعنكم ؟
خليفه : أما يا تقولا لغدا عندها .
الريم : خلاص خلونا نرد .
حارب : أوكي يالله .
ووعوا الباجيين وردوا البيت .
الريم : عمي حمد .
أبو عبدالله ) هلا والله بالغاليه آمري فديتج .
الريم : بتوله عليك أنا ما أروم أفارقك .
أبو الريم : وانا .
الريم : لا لا انت حاله خاصه .
محد + أسامه : دلوعه.
الريم ) ظهرت لسانها : كييييييفي أنا بنيه عادي ادلع انتو لا .
أسامه : لا والله ؟
الريم : حبك عبدالله .
عببيد : أكيد أخوه يحبه ولا بيحبج إنتي ؟
الريم : هيه عادي ترا عبود بمثابة اخوي .
عبدالله ) تغير لون ويهه .
نافع : لاغناتي مش أخوج .
الريم : ؟؟؟؟؟؟؟؟؟؟؟؟؟؟؟؟؟؟؟؟؟؟
ذياب : لا ولد عمج .
الريم : رابيين مع بعض عشان جيه أحسه أخوي .
أبو الريم ) ناظر فبو عبدالله وسكت .
وأم الريم وأم عبدالله وأم خليفه ما قالوا شي .
خليفه : احم احم أنا بصراحه أبا آكل الكيكه اللي سويتيها .
وسارت الرريم وهي حاسه بشي بس ماتعرف شو هو وعلاو لحقها .
أما في الميلس :
عبدالله : إنتو للحين ماقلتولها ؟
أبو الريم : لا ماقلنالها .
عبدالله : ليش عمي ؟
أبو الريم : كانت أيام امتحانات وما بغينا نخرب عليها .
عبدالله : انزين قولولها الحين .
أم عبدالله : وين المذهب ؟ نقولها جدامك اللي تنخطب ماتظهر عند خطيبها .
أبو الريم : لا هالشي مانروم نسويه لأنهم فبيت واحد .
أبو عبدالله : مافيها شي لو قلنالها .
خليفه : لا لا ما أفضل خلوها ماتعرف يوم بنرد من لبنان قولولها .
أبو الريم : سفرة لبنان أصلا كلها عشانها .... اباكم تسيرون تختارون ثياب الملجه والعرس من هناك .
سعيد : أنا شوي بسير اييب شي .
خليفه : اقعد سعوود لا تستحي ترانا كلنا عايله وحده .
أم الريم : هيه يا ولدي لاتستحي عاد انت أخوها شو رايك ؟
سعيد ) طالع خليفه وكان مفتشل من الخاطر : رايي من راي خليفه .
أبو خليفه : والله أنا بعد رايي من راي العيال .
أبو الريم : بعد السفره بعد السفره .
عبدالله : لا عمي حرام أنا أبا الحين .
عبيد : اللي مصبرنك شهور ما بيصبرك شهر بعد ؟
عبدالله ) قعد متحرطم ومبوز .
دشت الريم ويا علاو وهم شايلين صينية الكيكه والعصير .
خليفه : يمييييييييي.
سعيد : بسم الله .
أم أم : انتي بتعرسين ؟
الميلس صخ ولا نفس .
الريم : لا ....... ليش ؟
أم ام : ماعرف تحسبتج بتعرسين ........ شو رايج تاخذين عبود وتيين بيتنا ؟
الريم: لا عبود أخوك أخوي ما اروم آخذ اخوي يالدب .
الكل كان منصدم وردها كان عفوي ومن دون تفكير وعبدالله بغا الأرض تنشق وتبلعه وخليفه وسعيد يطالعون فبعض أما علاو وحارب فالنظرات كفيله بالفهم .
الريم : منو ييبا كيكه ؟
خليفه : أنا .
الريم : منو بعد ؟
أم أم : كلنا نباااااااااااااااا.
عبدالله : لا أنا ما أبا .
الريم : ليش.......طعمها حلو اطعمها .
عبدالله : لا لا توني ماكل .
الريم : خلاص بحطلك فالثلاجه حقك .
عبدالله ) ابتسم ابتسامه صفره .
وبعد ما كلوا كل واحد سار وعدل جنطته وقعدوا يجوفون فيلم فبيت ابو خليفه .
مانع : سخييف الفيلم .
مها + الريم : اينن .
ذياب : لازم تراه رومانسي وانتن دموعكن زياده يبالها تفريغ .
مها : عن الطنازه .
أبو خليفه وأبو الريم وأبو عبدالله ) داشين البيت .
أبو عبدالله : شو موعنكم للحين الساعه 3:30 .
عبيد : متحمسين للسفره .
الريم : اللي يسمع بيقول بتروح فيانا .
عبيد : بيني وبينكم ثمان ساعات بس .
الريم : نحن أحلى .
عبيد : كله واحد فالنهايه بنكون فلبنان .
الريم : لا فديت روحك غييييير .
علاو : خخخخخخخخخخخخخخ لازم تفضحينا؟
الريم : خخخخخخخخخخخخخ خلاص مابقول .
أبو عبدالله : الله يستر شكلي بسير بدال واحد منكم .
ذياب : أفااا وأنا المعرس الريال موجود .
أبو الريم : هههههههههه طاح كرتك .
ذياب : لا خلاص أنا زعلت .
الريم : مهوي راضيه .
مها : أوكيك.
ذياب : كييييييييييييييييييف بتراضيني ؟
كلهم : هههههههههههههههههههههههههههههههههه.
سعيد : ثرك طفس وانا مادري .
ذياب : من زمان .
مها ) فلعته بالمخده : خلونا نكمل الفيلم .
الشباب : ههههههههههههههههههههههه هاي أحلى .
الريم : صح كلامها صخوا .
الريم : هيه والله صح كلامها صخوا .
بعد ما خلص الفيلم الكل سار يرقد ما عدا علي وعبدالله قعدوا فالحوي يسولفون .
عبدالله : إختك بتذبحني .
علي : لهالدرجه تحبها ؟
عبدالله : أناك نت غبي يوم كنت مااحبها كنت أحب ايام كانت بعدها 12 سنه كانت ماترفضلي طلب وتعبدني عباده أما الحين الحال إنجلب وأنا اللي مستعد أعبدها لو قالت هيه بس موافقه .
علي ) حط إيده ع جتف عبدالله : مااظني ترفظك .
عبدالله : إذا ما رفظتني معناتها بتاخذني موب لي لا لأنها مابتكسر بخاطر أبوي وأمي إنت ما تعرف شكثر الريم تحبهم .
علي : لا صدقني ريام تحبك بس ماتعرف .
عبدالله : مافهمت .
علي : إنت تعرف إنها كانت تحب أحمد صح ؟
عبدالله : الغبي بيعرف كانت تهواه موب تحبه وهو بعد .
علي : والله ماكتب بينهم .
عبدالله : النصيب ومنو يروم يعترض؟
علي : إنت اللي رديت أحمد صح ؟
عبدالله : هيه.
علي : والريم عرفت هالشي صح ؟
عبدالله : هيه .
علي : يت عندك وسبتك ؟ صارخت عليك ؟
عبدالله : لا .
علي : يعني إنت ماتهووون عليها صح ولا لا ؟
عبدالله : ريام ماتكره حد .
علي : أبام لندن تحيد كيف كانت تهتم فيك ؟ وتحاول تخليك فرحان ؟
عبدالله : كنت مريض والسرطان بدا ياخذ معرفته فجسمي .
علي : بس ربنا الحمدالله كتبلك عمر يديد وان كان مع مرض خطير صح ولا لا؟
عبدلله : هيه.
علي : تغيرت فالتعامل وياك عن ماكانت فلندن ؟
عبدالله : موب وايد .
علي : يوم توفى فلاح الله يرحمه ماكانت قاعده عندكم ؟
عبدالله : بس دومها فحجرة فلاح .
علي : صدقني لو كانت تكرهك ماكانت دشت البيت وقعدت معاك فنفس المكان .
عبدالله : ماعرف يا علي والله متلخبط .
علي : اركد وهدي خاطرك وسير صل وارقد وان شاءالله مايصير الا كل خير .
عبدالله : آمين .
اليوم الثاني الساعه 11 :
نزل عبدالله .
الريم : صباااااااااح الخييييييييييييييييييييييير.
عبدالله ) استانس : ههههه صباح النور بلاج ؟
الريم : مليت كلهم ساروا .
عبدالله : وانتي ليش تميتي ؟
الريم : وعيت من شوي ...... خخخخخخخخخخخخخخخخخخخخ.
عبدالله : ماشاءالله .
الريم : ماياني رقاد أمس .
عبدالله : وانا بعد ....... انا عندي سبب بس انتي ليش ؟
الريم : انت قول اول .
عبدالله : كنت قاعد مع علاو .
الريم : أها .... لا أنا كنت أفكر .
عبدالله : فشو ؟
الريم : فاللي استوا .
عبدالله : ماعليج إنتي خليها تولي .
الريم : واحمدوه شو ذنبه تكون حرمته جيه ؟
عبدالله : مشكلته ماعرف يختار .
الريم : الله يعينه على ماختاره .
عبدالله : شو رايج نسير صوبهم .
الريم : وناااسه انت دق وجوف وينهم وانا بسير بتلبس .
عبدالله : زين اترياج .
سارت الريم ولبست تنوره كبديه وقميص وردي .... وماتلبست شيلتها وهي نازله .
الريم : عبوود لاتقوم انا من دون شيله .
عبدلله : أقوم ولا لا ؟
الريم : لا .
عبدالله : وانتي من دون شيله ؟
الريم : من دون .
عبدالله : لا خلاص بقوم .
الريم : كيفك بس انا ماعرف وين شيلتي ؟
عبدالله : بسير بسأل الخدامات .
الريم : تسوي خير فيني والله .
عبدالله ) سار يسأل الخدامات وياب الشيله وسار عطاها الريم .
الريم : فكل الحالات جفتني من دون شيله .
عبدالله : خخخخخخخ شسوي ؟
الريم : دقيتلهم ولا لا ؟
عبدالله : دقيت بس مايردون .
الريم : افف حق شو مظهرين تلفونات ؟
عبدالله : هه بلاج ؟؟؟..........................أنا عندي فكري .
الريم : تفضل .
عبدالله : نسير البحر وندقلهم ردوا ردوا ما ردوا نحن ظهرنا بعد .
الريم : اممممممممممممممممم .
عبدالله : هاه شو قلتي ؟
الريم : حلو أوكي.
قبل لا تلبس عباتها دق الجرس وفجت الخدامه الباب .
الخدامه : بابا طلال وبابا خالد برا .
الريم : شو يابهم هاييلا ؟
عبدالله: افففففف موب فاضيين حقهم .
الريم : خلينا نسير وانا بيي بعباتي بعد عشان يعرفون انه موب مرغوب فيهم .
عبدالله : أوكي اترياج .
الريم : أوكي .
سارت الريم تتلبس عباتها ويابت غشوتها سارت الميلس .
الريم : السلام عليكم والرحمه .
خالد + طلال : وعليج السلام بنت العم .
الريم : شحالكم ؟
طلال : تمام ربي يعافيج .
الريم : ويعافي غاليك .
طلال : آمين ..... شحالج إنتي ؟
الريم : والله بخير الحمدالله .
خالد ) من دون نفس : وين أخوانج وابوج وعمج ؟
الريم : والله كلهم مشغولين وساروا يتغرظون اليوم ان شاء الله مسافرين .
طلال : محد قالنا .
خالد : من متى يقولون أصلا ؟
صلال ) ناظره جنه يقول جب .
الريم : والله محد سأل أو اتصل عشان نقول .
خالد : أبوي الكبير وانتو اللي لازم تسألون وتتصلون موب نحن .
الريم ) قامت : خلوود الباب يوسعك انت وعشره منك جان تبا تسب وترادد لوسمحت اظهر بيت ابوي موب مكان مشاكل .
خالد ) قام : نفسكم خايسه وعمركم مابتتغيرون أبوج ظالم وبخيل وماخذ حلال الناس .
عبدالله : جااااااب .......... سكتلك وايد يا ولد العم .... بس حرام الواحد يعطيك ويه شرات اختك .
خالد : إختي ماتسوون ظفرها .
عبدالله : سير جوف بلاويها وبعدين ارمس يالأخ .
خالد : والله ما جفنا منها غلط .
عبدالله : سير جوفها تظهر مع منو وادش مع منو ؟ إنت أصلا زين منك تعرف اسمها .... انا وعمومي جفناها مع واحد فالمول ..... سير الله يستر عليكم سير .
خالد ) ظهر من الميلس وألف شيطان فعيونه وطلال استسمح و ظهر بسرعه وراه .
في السياره :
طلال + خالد ) مخيم عليهم الهدوء .
خالد : والله ثم والله لاذبحها واجتلها باديني ومايخصني .
طلال : إنت أخوها وتقول جيه لو أحمد عرف شو بيسوي ؟
خالد : زين منه إذا درى يجتلها يعفيني من هالهمه اللي بتنجسني .
طلال : اسكت مهما كان هاي إختك .
خالد : إختي ؟ ولا وحده من هالخايسات المعرسات اللي كل وحده منهن ظاهره ويا مادري منو وراقده مع اللي يسوا ومايسوا ؟
طلال : إيه .... بلاك إنت ...... يمكن غلطت بس مش لهالدرجه .... مريم ماتسوي جيه .
خالد : دام اليوم ظهر باجر مادري شبتسوي .
طلال : إسكت وهد أعصابك ترانا وصلنا .
خالد ) دش البيت ولقا مريم ادور في القنوات عن شي ينجاف .
مريم : هلا والله ..... شحالك خلوود؟
خالد : فعينج خلوود ...... عله تعلج يابنت أبوج وأمج شو هالفضيحه اللي يبتيها ؟ المشكله إنج معرسه لو موب معرسه بسكت وما بعصب هالكثر .
مريم : أنا شسويت إنت سقاعد تقول ؟
خالد : شقاعد أقول ؟ منو كان أمس في المول ويا واحد ؟
مريم : ...................................... وأنا شدراني ؟
خالد : سكتي قبل لا اييج كف .
طلال : خالد لا اطول إيدك عليها .
خالد : .................. ريتني أفتك منج .
طلال ) سار صوبها وعطاها كفين مافي أقوى عنهم لدرجة إنها نزفت .
خالد : .......................... كمل وخليني ابرد حرتي .
طلال : إختك وكيفك بس كان من خاطري أكون أول من يظربها لأني العود واللي وثقت فيها وظهرتلها سياره بس السويج من اليوم عندي .
خالد ) ظربها لين ماارتاح .
مريم ) تصيح : ............ حرام عليكم .........
خالد : إنحرمت عليج عيشتج إن شاء الله قولي ءامين .
مريم : منو اللي قص عليكم .
خالد : منو قص علينا ها ؟؟ علينا ا ا؟ سمعي يا مريم عمج قال انه جافج مع واحد امس وعنده الدليل عندج دليل يأكد انج ما كنتي في المول ويا هالسخيف ؟
مريم : هيه عندي .
خالد : وشو هو الدليل ؟
مريم : كنت فالمستشفى فذاك الوقت .
خالد : شو تسوين ؟
مريم : آخذ تحاليلي .
خالد : لا لاتقولين .
مريم : هيه .
خالد : انتي حامل ؟
مريم : هيه حامل .
طلال ) حطم المقاييس اللي توقعها خالد بسؤاله : ومنو ابوه ؟
مريم : شو ؟؟؟ منو ابوه ؟؟؟؟ شو تقصد ؟؟؟ طبعا احمد .
خالد : متى كنتي في المستشفى ؟
مريم : الساعه 3:30 امس .
طلال : تعرفين انج غبيه وفظحتي عمرج بعمرج؟
مريم : .................................................. ...................................
طلال : نحن ماقلنالج الوقت اللي قالوا عنه بس انتي اللي قلتي .
خالد : انتي خاينه .
مريم : اظهروا من بيتي ولاتردون ادشون .
ظهروا خالد وطلال من البيت وهم مايفكرون يردوله اصلا .
دقت مريم لاحمد :
احمد : الو.
مريم : السلام عليكم حياتي ........ شحاللك؟
احمد : بخير ..... شخبارج انتي ؟
مريم : بخير ربي يعافيك ...... شرايك تيي اليوم من وقت ؟
احمد : المناسبه ؟
مريم : شي بيفرحك وايد .
احمد : شو هو ؟
مريم : امممممممممممممم انا منو ؟
احمد : إنتي حرمتي .
مريم : و ......
احمد : بنت خالي .
مريم : و .....
احمد : وشو بعد ؟؟ ها ؟ انتي ؟
مريم : وام عيالك .
احمد : .................. مريم الرايد يباني بكلمج بعدين .
عالبحر :
الريم : عبووووووووووووووود.
عبدالله : هاااااا.
الريم : يالكسلان قوم حتى عالبحر تنسدح تبا ترقد .
عبدالله : أفكر انا موب راقد .
الريم : فشو ؟
عبدالله : فحالنا .
الريم : حالنا ؟ كيف يعني ؟
عبدالله : حياتنا .. أيامنا ..... كل شي .
الريم : أها .
عبدالله : بسألج سؤال ولا تاخذينه بطريقه شخصيه .
الريم : تفضل .
عبدالله : اممممم السؤال اللي سألج اليوم تيم إجابتج له كانت صادقه ؟
الريم : هيه ... أنا أحبك وايد شرات خليفه وحارب وعلاو وأسوووم وحموود .
عبدالله : يعني ؟
الريم : عبدالله كانت عندك فرصه بس إنت ضيعتها بغبائك وانا ما اروم اعطيك فرصه ثانيه خلاص النفس عافت التجارب اللي حطمتني .... لين متى بتم أجرب ؟ كافي اللي جربته فحياتي ..... منك ومنه .
عبدالله : بعدج تحبين أحمد ؟
الريم : لا حتى استويت ما افكر فيه وما يطري عبالي إلا إذا حد جدامي طراه غير جيه لا .
عبدالله : بس أنا ...
الريم : خلنا نقوم ونسير نجوف وينهم اختفوا.
عبدالله : يالله .
الريم : عبادي .
عبدالله : لبيه .
الريم : مااعرف احس سفرة لبنان بتغير اشياء وايده فحياتنا .
عبدالله ) ابتسم : كيف يعني مافهمت ؟
الريم : مااعرف الفتره الأخيره استويت احلم أشياء غريبه .
عبدالله : مثل شو ؟
الريم : فلاح .
عبدالله : شو بلاه ؟
الريم : فلاح استوا اييني من بين كل يومين مره ومن قبل يومين استوا اييني كل يوم .
عبدالله : وشو يستوي فالحلم ؟
الريم : كلها اشياء جريبه من بعض .
عبدالله : مثل .
الريم : مره ياني وهي متلبس ومتعطر ومتكشخ وكان أفتح عن لونه الطبيعي وامتن شوي قالي تلعبين وياي ؟ قتله هيه .... قالي : تحبيني ؟ قتله : أكيد .. قالي : سوي اللي اباه ..... ويسير عني فجأه ...ومره كنا فالعزبه وانا كنت أشرب حليب دافي واتغير استوا بااااااارد .... يا عندي وسلمت عليه ... قالي الحليب بارد صح ؟ قتله هيه .... جان يقول : لو سويتي اللي اقولج عليه بيستوي دافي وطعمه أحلى .
عبدالله : لا تكملين .
الريم : ليش ؟
عبدالله : الحلم بعده مااكتمل دام انه ماقالج هو شو يباج تسوين .
الريم : قالي أمس .
عبدالله : شو قال ؟
الريم : قالي فجي عينج وانتبهي لكل كلمه تنقال وكل حرف ينسمع والدنيا سهله والحياه أسعد من ما تتصورين ولو كنت مكانج ماكت بقول لا ......هاي هي الدنيا يوم تجوفه لك وهو عليك ويوم تجوفه عليك وهو لك .
عبدالله : وانتي شو تتوقعين يقصد ؟
الريم : مادري بس بحاول أفهم .
عبدالله : الحلم مايباله توضيح أو شرح عشان ينفهم .
الريم : بس شو يقصد بفجي عينج ؟ أنا موب غبيه ولا حد قاص عليه .
عبدالله : هو ماقال جيه بس لو تلاحظين فجي عينج وسمعي كل قكلمه تنقال..... معناته فجي عينج ولا تعتمدين عاللي فات وكل كلمه تنقال يمكن انه في شي بتسمعينه يجلب حياتج .
الريم : ماعرف بس الله يعيني عاد استويت وايد أفكر بهالحلم .
عبدالله : أنصحج لاتفكرين لأنه مايباله وايد باقيلج شوي وتفهمين الحلم عدل .
الريم : إن شاء الله .
والساعه خمس ردوا البيت والكل كان فالبيت :
الريم : هلووووووووووووووووو.
خليفه : ماشاءالله وين سرتي ؟
الريم : البحر .
حارب : مع ؟
الريم : مع عبود.
علاو : أها .
الريم : وناسه مشينا عالبحر ويمعت أصداف غرييييييييييييبه الحين سرت عطيتها الخدامه تغسلها وبتييبها .
عبيد : حلوه الطلعه ؟
الريم : تينن.
أسامه : حسب الشخص اللي تطلعين وياه .
محمد : أكرمنا بسكوتك .
مانع : وشو بعد ؟
الريم : بس .
نافع : جهزتي أغراضج ؟
الريم : من أمس الليل .
شهاب : أن بعدني مش مستوعب انا بنسير دون الكباريه .
ذياب : لاتصدق عمرك إلا كم من ساعه .
عبدالله : فكل الحالات هالشي غريب علينا واول مره يستوي .
والساعه سبع توجهوا كلهم للمطار :
الريم : متى بنركب الطياره ؟
مها : بعد اشوي ان شاءالله .
وفي الطياره :
الريم : وأخييييييييييييييييييييييييييييييييييييييييييييييي ييييييييييييييييييييييييييييييييييييرا
كان في ريال وراها هو اخوه ظحكوا عليها .
الريم : منو يسوق الطياره ؟
مانع : وانتي شلج ؟
الريم : يمكن يكون احمدوه ولد خالنا .
ذياب : شدراج؟
الريم : يعني هو ؟
ذياب : هيه هو .
الريم : وناااااااااااااااااااااااااااسه بسير حجرة القياده بقولهم انا بنت عمة الطيار .
مها : محد بيعطيج ويه .
الريم : موب كيفهم ان بنت سيف محد يقولي لا .
مانع : وايد ماخذه مقصه فعمرج .
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك