رواية ليش تزفوني لقبري -20
كان في ريال وراها هو اخوه ظحكوا عليها .
الريم : منو يسوق الطياره ؟
مانع : وانتي شلج ؟
الريم : يمكن يكون احمدوه ولد خالنا .
ذياب : شدراج؟
الريم : يعني هو ؟
ذياب : هيه هو .
الريم : وناااااااااااااااااااااااااااسه بسير حجرة القياده بقولهم انا بنت عمة الطيار .
مها : محد بيعطيج ويه .
الريم : موب كيفهم ان بنت سيف محد يقولي لا .
مانع : وايد ماخذه مقصه فعمرج .
نافع : لا صح كلامها .
الريم : فديت اللي يأيدني .
حارب : صخوا شوي نيا نرقد .
الريم : ماكنت أعرف إنه أخوي ديايه .
خليفه : نحن عيال أبونا كلنا ديايات .
الريم : ارقد ارقد الله يخليك .
علاو : أنا بعد فيني رقاد .
الريم : إنتو كيف ييكم ارقاد فالطياره ؟
علاو : مااعرف المهم ايينا .
سعيد : أففففف مافي شي نجوفه .
مها : هههه حليلكم ملانين .
الريم : إنتي ريلج عدالج من وين بييج الملل .
عبدالله ) قام وسار الحمام بس كان ويهه أحمر .
الريم ) سارت عند عمها نافع وخبرته .
ويوم رد عبدالله خذا دواه ورقد .
الريم ) افففففف مليت ....... مااعرف أحس عمري متلخبطه .
خليفه : إنتي فشو تفكرين ؟
الريم : وانت شو موعنك ماقلت تبا ترقد ؟
خليفه : ماياني رقاد .
الريم : هذا الشي طبيعي .... نحن فطياره بنسافر وكلنا شباب كيف اييكم ارقاد ماعرف .
خليفه : إذا من هالناحيه فأنا اييني رقاد بس ماعرف أبا أسولف وياج .
الريم ) لوت عليه : أنا بعد أبا .
خليفه : عيل قعدي وخلينا نسولف .
الريم : فشو نسولف ؟ إنت أول .
خليفه : اممممممم بصراحه أنا عندي سؤال وأباج تجاوبين عليه بكل صراحه .
الريم : آمر .
خليفه : بعدج تكرهيني ؟
الريم : لا .
خليفه : أيام لندن ؟؟
الريم : مش شرات قيل بس كنت أكرهك أما الحين لا أحبك وايد .
خليفه ) ابتسم : وسعيد ؟
الريم : سعيد ؟ لا خلاص ما اكرهه هو شرات حموود واسووم وعبيدو .
خليفه : اوكي بسألج سؤال ثاني .
الريم : تفضل .
خليفه : أحمد ولد خالج بعدج تحبينه ؟
الريم : بصراحه لا وما أفكر فيه يعني تقدر تقول مرحله فحياتي وعدت الحمدالله .
خليفه : والتجربه ماتفكرين تعيدينها ؟
الريم : أبدا .... ولا واحد بالميه .
خليفه : امممم انا بعد حبيت .
الريم : ها ؟؟!!
خليفه : أنا بعد حبيت .
الريم : ومنو هاي اللي حبيتها ؟
خليفه : وحده تقربلنا من صوب امايا يت عندنا لأنه أبوها توفى وهي ماعندها أهل هني أو أحسن أقول إنه أهل أبوها متبريين منها بسبة أمها لأنه أمها هنديه .
الريم : وبعدين ؟
خليفه : قعدت عندنا حوالي ثلاث شهور ..... وبعدين عمها يا وقال إنه يباها وهو ندمان عاللي سواه ... أبوي ما يروم يرفض لأنه عمها ... ويوم سارت اكتشفت اني حبيتها بس بعد فتره كانت امي تصيح قلتلها خير شو مستوي ؟........ قالتلي الله يعين اهلها ويصبرهم ... انا ما فهمت السالفه ....قلتلها منو هاي اللي توفت ؟؟ قالتلي العاش ياولدي غابت ..... حسيت اني بمووت لحظتها بس خلاص كل شي مكتوب ومقدر .
الريم : الله يرحمها انت عانيت وايد بعدها صح؟
خليفه : هيه وسرت بريطانيا .
الريم : اذا جفت هموم غيرك تتسهل عليك همومك .
خليفه : بسألج سؤال بعد .
الريم : أحس إني فتحقيق .
خليفه : خخخخخخخخخخخخخخخخخخخخخ.
الريم : تفضل .
خليفه : تخيلي أهلج غصبوج على واحد ماتبينه شو بتسوين ؟
الريم : بخبر عمي حمد يساعدني .
خليفه : ولو عمج ما رام يساعدج ؟
الريم : عمي ذياب .
خليفه : لو هو بعد مارام ؟
الريم : شو بسوي بعد ؟ أمري لله باخذه .
خليفه : وانتي ماتبينه بتاخذينه ؟
الريم : بحاول أتأقلم فحياتي واكسبه واخليه فصفي وبعدين بتعود ودوم بكون فصفه .
خليفه : أها .
الريم : عمي ذياب ماكان يبا مهوي بس لأنها كانت وصيه من أخوها بس بعدين استوت حياته واكوهم مرتاحين .
خليفه : يعني إذا أهلج قالولج خذي هالشخص مابترفضين ؟
الريم : ما أظن ..... لأنهم مابيعطوني لأي شخص ... بيكون أكيد إنسان أوكي طبعا .
خليفه ) ابتسم : ثرج حرمه ملسونه بعد .
الريم : ههه هههههههههه هههههههه .
خليفه : شو هالضحكه المتقطعه ؟
الريم : يعني ياك الموت ياتارك الصلاه ... هالأسأله كلها مافي وراها سبب ؟
خليفه : ها ؟؟ لا ما شي .
الريم : أهااا أوكي .
خليفه : اجوفج موب مقتنعه .
الريم : للأسف لا .
خليفه : المهم اني ما جذبت .. قومي سيري بدلي ثيابج بنوصل جريب .
الريم : ونااااااسه .
في المطار :
الريم : كيفكون ؟؟ أهلا فيكو بلبنين .... هالأرض اللي كلها جمال وعراقه .
شهاب ) حط إيده على ثمها : بس شو هالرمسه ؟
الريم : خخخخخخخخخخخخخ هاي لهجتنا انتو كيف بتحكو؟
شهاب : بالبوكسات سكتي الله يخليج .
الريم : ههههههههههه ان شاء الله .
مها : اممممممممم بررررررررررررررررررررررررررررررد.
الريم : وااااااااااااو حلو .
علاو : بريطانيا فنص السنه ثلللللللللللللللللللللللللللللللللللج.
الريم : سرتها مره فنص السنه بغيت أموووت .
حارب : أنا فيني رقاد .
خليفه : إنت كله راقد ؟
حارب : كيفي .
علاو : لاتظاربون بس .
حارب : أنا مابظارب .
خليفه : ولا أنا .
سعيد : انا فيني نشاط غرييييييييييييييييييييييب .
مانع ) بطرف عين : يعني ؟؟؟؟ مافهمنا .
سعيد : ها ........ لااااااااااااا موب جيه يعني لاتردون الشقه ترقدون .
الكل : هههههههههههههههههههههههههههههههههههه .
سعيد : هههههههههههههههههههههههههههههههههه.
مانع : لو تجوف شكلك وانت تقولها .
سعيد : تراك مادري كيف تفكر .
نافع : ماعليك منه تراه دوم يفكر وفيه خيط اسود فراسه .
عبدالله : يالله متى بنسير السوق ؟
الريم : إنت بنيه ولا ولد ؟
الكل : ههههههههههههههههههههههههههههههههههه.
الريم : انا ابا اسير اتمشى واسير اليبل واجوف المزارع وبعدين بفكر جان ابا اسير اسوق .
مها : لا السوق اول انا ما فيني على آخر شي بعدين يوم بيون الكبار اصلا ما بنروم نسير السوق .
وساروا الشقه حطوا اغراضهم وعالسوق .
في السوق :
الريم : شو يايبنكم هنيه هالمكان كله حق ثياب حفلات وجيه .
ذياب : تراه رشوود بيعرس جريب .
الريم : والله ؟
ذياب : هيه .
الريم : منو سعيدة الحظ ؟
ذياب : بنت خالته .
الريم : بريطانيه ؟
ذياب : لا لا بحرينيه .
الريم : حلو .... ترمس شراتنا ؟
ذياب : هيه ترمس عربي عدل ماعليج .
الريم : الله يعين من الحين خايفه منها .
مها : بسم الله ليش ؟؟ هو مابييب وحش .
الريم : بس موب سهل أتأقلم .
ذياب : المهم الحين كم لبسه بتاخذون من هنيه ؟
مها : عالأقل كل وحده فينا ثلاث .
الريم : ليش ؟
مها : جوفي ..... وحده للخطبه ...... ووحده للملجه ...... ووحده للصبحيه والعرس حاله ثانيه .
الريم : اوكي خلونا نسير نجوف الكتلوجات اللي عندهم ونختار .
الكل : أوكي.
كان عبدالله ميت من الوناسه لأنه العذر كان جذبه والثياب هاي كلها حق خطبتهم وملجتهم .
الريم : ها حلو صح ؟
مها : بس وايد فاصخ .
الريم : عادي نقوله يسوي مستر .
مها : لا لا إنتي ثيابج لازم تكون شوي أحلى من جيه .
الريم : لا لازم تكون عاديه وحلوه .
مها : سمعي كلامي .
الريم : اممممممم أوكي شو رايج فها ؟
مها : لا وايد عادي .
جرب منهم راعي ا لمحل : تفضلوا شو بدكن ؟
مها : نبا شي يديد وغريب وحلو ومتستر .
الريال : تكرم عينك خيتو تفضلي .
عطاهم كتلوجات حق ثياب حللللللللوه وتخبل .
مها : ها حلو .
الريم : لا شو ها لو انا اللي بملج مابلبس ها .
مها : لالا والله حلو حق الملجه .
خليفه : سمعي الكلام .
الريم : لا وااااااايد شغل فيه .
مها : ريامي حرام عليج بيستوي يخبل عليج .
الريم : بس شو بيقولون عني الخلق ؟
مها : مابيرمسون بالعكس بيمدحون .
علاو : هيه والله محد يروم يرمس عن صاحبة الملـــ... البيت .
الريم : لا لا أخاف يقولون أشياء موب أوكي .
حارب : ماعليج منهم الناس خذيه ريامي والله حلو .
الريم : ياربييي إنتو موب فاهمين هاي العروس بتلبس أقل عن جيه وأنا بنت عم المعرس بلبس جيه ؟
ذياب + شهاب : لا لا ماعليج إنتي خذيه وصدقينا محد بيرمس .
الريم: أمري لله ها حق الملجه وانتي شو بتاخذين ؟
مها : ها ؟
الريم : لا والله ؟ لا حياتي انا وياج بنطقم .
كلهم مره وحده : لا لا .
الريم : بسم الله بلاكم كلتوني ؟
ذياب : حرمتي بتلبس غير عنج .
الريم : أوكي بس طع شو اختارتلي وشو اختارتلها أنا مالي وايد هيه هادي .
ذياب : أوكي هذا خليه حق الخطبه .
الريم : هيه هذا حق الخطبه ... بس انا أفضل ما أحضرها .
شهاب : لا لا شو ماتحظرين لازم تحظرين .
نافع : الخطبه من دونج ماتنفع .
مانع : وماتسوى .
الريم : شحنتوا غروري مشكووورين .
مها : أوكيه الحين هذا حق الخطبه باجيلي الملجه والصبحه وانتي الخطبه والصبحه .
الريم : موب ها حلو حق الخطبه ؟
مها : نعم ؟
الريم : هيه حلو .
مها : لا لا موب حلو .
الريم : إنتي شكلج متوحمه عشي ... كل شي أختاره مايعيبج .
حارب :لأنه مايناسب .
الريم : الله يخليك ها مايناسب الخطبه ؟
حارب : بصراحه لا .
الريم : انزين شو رايكم تختارولي ثيابي إنتو وتريحوني .
الكل : أوكي .
وبعد ما اختاروا وبعد ظرابه ويا الريم وافقت عاللي اختاروه .
الريم ) تتحرطم : إنتو شو مختارين الله يخليكم عرس ولا خطبه وملجة ولد عمي ؟
ذياب : لا عادي ريامي ها ولا شي .
الريم : لا وسألتوا عن محل نعول أعراس وحفلات ؟
علاو : وانتي ليش مضايجه ؟
الريم : بس جيه مادري ليش .
سعيد : لا عادي بالعكس الثياب اللي اخترناها كانت حلوه وتناسب .
الريم : تناسب شو بالله عليك ...... والله العروس بتلبس أقل عني .
سعيد : اممممم عادي بعدين بتقولين الحمدالله اخترت جيه .
الريم : على فكره انا مااخترت شي انا انغصبت اختار الاشياء .
مها : ويييييييييييييو .
ذياب : بلاج ؟
مها : نسينا نسأله عن محل ثياب أعراس .
ذياب : لا لا أنا أعرف محل مصمم .
مها : الحمدالله .
الريم : وليش بعد ؟
مها : راشد طالب كتلوجات من عندهم .
الريم : حليله ولد عمي شكله مستانس .
عبدالله : أكثر عن ماتتصورين .
الريم : عساه دوم يارب .
عبدالله : آمين .
الريم : أرمس عن رشوود موب عنك .
عبدالله : وأنا بعد أرمس عنه .
الريم : أنا خلاص تعبت خلونا نرد مره ثانيه .
ذياب : لا خلينا نخلص الحين ونرتاح .
وساروا محل النعول .
ذياب : كل وحده تختار حق عمرها .
مها : ها حلو حق ثوبج مال الملجه .
الريم : يعني بس موب جنه وايد عليه الوان .
مها ) بطرف عين : تعرفين شو ريامي ؟
الريم : خير .
مها : قعدي مناك ونحن بنختارلج بعد .
قعدت الريم و حارب وسعيد وعلاو يظحكون عليها .
الريم : جب شو يضحك ؟
حارب : هههههههه والله ياناس مااروم طاعي شكلج .
نافع : حرام عليكم .
مانع : بييكم يوم .
سعيد : أنا ما أظن .
مانع : لا أظن ياعمري .
سعيد : انا موب عمرك .
نافع : عمره حرمته .
شهاب : خخخخخخخخخخخخخخخخخخخخ .
نافع : ها عبوود ؟
عبدالله : ها .
نافع : بلاك ؟
عبدالله : ماشي .
مانع + خليفه + حارب + علاو + سعيد : هههههههههههههههههههههههههه الأخ نايم في العسل .
عبدالله : جب لا .
الريم : خخخخخخخخخخخخخخخ استحى أول مره أجوف واحد مستحي .
عاد هني كلهم نقعوا من الظحك .
الريم : إنتو شي بلاكم والله .
علاو : ههههههههه لحظه بس ......... ااااااااه ياريام قسم بالله تنقعين من الضحك .
الريم : ماقلت شي يظحك .
عبدالله : ممكن تنجبون ؟
الكل : أوكي .
الريم : مشكور سويت فيني خير اليوم كلهم منقعين أو العداد عندهم متفتف .
عبدالله : عفوا .... فأي وقت .
مها : خلصنا .
الريم : أجوف شو اخترتي .
مها : لا في الشقه تجوفين كل شي وتلبسين خليني أجوفه عليج .
الريم : ياربييييييييييييييييييي.
الشباب : هههههههههههههههههههههههههههههههههههههههههههههههههه .
سعيد : الله يخليكم خلوني أقول الحين بتستوي السالفه أحلى .
خليفه : سد حلجك أحسن .
سعيد : ههههه أوكي .
الريم : لا خلوه يقول ...... شو مستوي ؟
سعيد : لا لا مافيني أخوج يكفخني .
الريم : جبااااااااااااااااااااااااان .
سعيد : اعترف .
الريم : مامنك فايده .
الكل : هههههههههههههههههههههههههههههههههههههههههههههههههه هه.
سعيد : مشكووره .
الريم : عفوا لو تبا بعد أي وقت .
سعيد : لا ما أبا جيه ويكفي .
الريم : خلاص أوكي ......... انا فيني رقاد .
مها : نو فديتج وين بتشردين بتلبسين الثياب لبسه لبسه وبنجوفه عليج بعدين بترقدين .
الريم : انتي فهمتي اللي اباه ؟
ذياب : ههههههههههههه والله انكن نكته .
وفي الشقه :
حارب : أوووه الحين ها كله تقايس أبا أجوفها موب مصدق إختي بتعرس .
ذياب : اشششششش هي ماتعرف وما نباها تعرف الحين .
خليفه : مهااااااااا يالله .
مها : الحين يايه .
ويتهم الريم لابسه ثوب الخطبه .
حارب ) يصفر : حلو والله عاشت اختي .
علاو : بصراحه يخبل .
نافع : روعه .
مانع : من كثر ماهو ماشاء الله حلو موب رايم أعبر .
شهاب : حلو والله .
الريم : موب جنه حق الملجه أحسن؟
ذياب : لا .
الريم : والله إنه وايد .
خليفه : يابنت الحلال سكتي ........ نحن قلنا أوكي يعني أوكي .
الريم : امري لله .
حارب : يالله دور الثاني .
الريم : الله يعني .
وبعد ماجربت الثياب كلها وقعدت : ياربيييييي تعبت .
كانوا كلهم ماسكين الكتلوجات اللي اشتروها حق ثياب العروس ويجوفون شو أحلى .
ذياب : ها حلو .
مها : لا لا موب حلو .
شهاب : شو رايكم فها ؟
خليفه : تعرفون شي ؟
الكل : لا شو ؟
خليفه : أول مره أسمع عن وحده بتعرس يختارون ثيابها رياييل .
الكل : هههههههههههههههههههههههههههههههههههههههه.
حارب : شششششششش رقدت .
مها : حليلها هلكت هي روحها ما تحب السوق .
عبدالله : عادي أختار .
مها : مع السلامه مع الباب إنت ممنوع ادش أصلا .
حارب : يالله من غير مطرود .
عبدالله : ملااان بروحي فالصاله حتى سعيد هنيه .
خليفه : سعووووووووووووووووود.
سعيد : عرفت .... ) وقام يقعد مع عبود ).
حارب : ها حلو .
مها : وايد حلو .
ذياب : موب جنه وايد بدري نختار من الحين ثوب العرس ؟
مها : لا بس بنجوف مابنختار بعدين بعد فتره بتنزل موديلات يديده .
شهاب : انزين أصلا جيه ولا جيه هي بتعرف بعد الملجه خلوها تختار .
مها : وولد أخوك عاطي حد فرصه يدور بين الملجه والعرس شهر وشوي .
شهاب : وايد مايكفي ؟
مها : لا فستان العرس صعب واذا نبا مصمم يسوي الفستان عالأقل يباله شهرين وباجر عالملجه أصلا ثلاث شهور .
ذياب : توني أحس إنها صغيره .
مها : إنتو حرام عليكم بصراحه اللي قلتوه ..... كنتوا موافقين وهي توها ما بتظهر من الجامعه بتعرس .
مانع : شراتج ؟
مها : أنا غير وهي غير .
ذياب : الله يعينها يارب .
حارب : آي لا تجلبونها مناحه هو ماشاء الله عليه أول سنه جامعه ويشتغل وعنده سياره ويروم يتحمل مسؤولية بيت وعايله .
خليفه : هيه صح لا تخلوني أحس بالذنب .
علاو : لا صح كلام مها هي بعدها صغيره وصغيره وايد بروحها شكلها بيبي .
ذياب : من ناحية شكلها لا هي موب بيبي بس وايد ضعيفه وناعمه عشان جيه .
خليفه : إختي صغيره وبتعرس في الصيف حرام عليكم .
مها : تو الناس صباح الخير .
شهاب : ليش مانخلي العرس فنص السنه اليايه والملجه فالصيف .
عبدالله ) ياي من الصاله : إنتو محد يخليكم بروحكم تفجون مواضيع منتهيه ولا ناسيين إنه يدوه هي اللي حددت العرس والملجه ؟
مها : هيه والله بتزعل الوالده لو أجلنا .
خليفه : خلاص عيل لا ترمسون عن هالموضوع وهو منتهي .
اليوم الثاني قامت الريم ولقت الكل موجود .
الريم ) لوت على أبوها : باباتي .
أبو الريم : ههههههه شحالج الغاليه ؟
الريم : موب بخير .... كسروني أمس بغيت أمووت ماخلوني أرتاح من المطار أقولهم أبا أسير أرقد يقولون لا بنسير السوق نشتوي أغرض حق عرس رشووود .
أبو الريم : هههههههههه حليلج .
مها : عوذ بالله منج ومن لسانج الحين منو قال إنه مافيه رقاد يوم ظهرنا من المطار ؟
أم الريم : ماعليج منها تتغلا على أبوها .
مها : من طرينا السوق يا الكسل والنعاس والتعب وكله .
أم عبدالله : قلنالكم موب هينه فالسوق .
أم خليفه : ههههههه فديتها والله بنتي .
الريم ) سارت ولوت على ام خليفه : اماه والله هلكت طاعي كيف ريولي متورمه .
أم خليفه : ليش مسويين جيه فيها لاحقه عالسوق .
خليفه : هههههههههه محد قالها تقول إنها نشيطه وما فيها رقاد .
أبو خليفه : يعني هو عقاب ؟
حارب : لا والله ماتهوون علينا فديتها تعالي إنتي عندي .
سارت الريم وحطت راسها على ريول حارب ورقدت .
علاو : هاي صج راقده ولا تتفلسف ؟
ذياب : لا ريام ماتروم عالسوق وتتعب بعد ماتسير السوق .
علاو : خخخخخخخخخخخخ حليلها .
سعيد : الله يعينها بعدنا فالبدايه .
عبدالله : عمري ماجفت وحده يستوي فيها جيه .
حارب ) يصاصر عبود : إنت ما بتاخذ أي وحده انت بتاخذ الريم شيخة الحريم .
نزلت دمعه من عين الريم وما انتبه غير سعيد اللي غير الموضوع بسرعه .
مرت ايام لبنان عالريم وهي عالفراش بين حمى ومستشفى وسعيد قال لخليفه اللي جافه .
ردوا الامارات :
الريم : آآه ياراسي بينفجر .... ما اروم اجوف امايا .
علاو : فجأه مرضتي .
الريم ) تصيح : ماماتي موب رايمه عيوني بتنفجر .
أم الريم : تحملي يا يما .
الريم :آآآآآه ياراسي .
عمها منصور دش الحجره اللي قي المستشفى : سلامات الغاليه ما تشوفين شر .
الريم : الشر ماييك ياعمي .
وبعد كم من يوم رخصوها .
أيام الامتحانات :
الريم : بسم الله بسم الله بسم الله .
مها : هدي يا ريامي إن شاء الله يكون الإمتحان سهل .
الريم : إن شاء الله يالله فديتج بسير انا .
مها : الله معاج .
وبعد الإمتحان ........ يا ياخذها ولد عمها راشد .
الريم : السلام عليكم ........ وين بنسير هذا موب طريج بيتنا ؟
راشد : مها ولدت .
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك