رواية ليش تزفوني لقبري -21
الريم : بسم الله بسم الله بسم الله .
مها : هدي يا ريامي إن شاء الله يكون الإمتحان سهل .
الريم : إن شاء الله يالله فديتج بسير انا .
مها : الله معاج .
وبعد الإمتحان ........ يا ياخذها ولد عمها راشد .
الريم : السلام عليكم ........ وين بنسير هذا موب طريج بيتنا ؟
راشد : مها ولدت .
الريم : وااااااااااااااااااااااااو الحمدالله كيف حالها الحين ؟
راشد : علمي علمج ........ بس يابت ولد .
الريم : شو بيسمونه ؟
راشد : أكيد على أخوها الله يرحمه .
الريم : الله وناسه .
ويوم سارت المستشفى وجافت فاضل استغربت لأنه ما يشبه حد .
الريم : الحين هذا يشبه منو ؟
ذياب : أكيد خاله الله يرحمه .
مها : هيه يشبه اخوي الله يرحمه براويج صورته وهو صغير في الشنطه .
الريم يابت الشنطه وجافت فاضل اخوها : سبحان الله الخالق الناطق فكل شي يشبهه .
شهاب : يعني فاضل اسم على مسمى .
مها : فديته والله .
الريم : مبروك عليج وعلي اليوم أنا آخر يوم وانتي ولدتي .
مها : خلاص ولا يهمج من نظهر أسوي حفله حقي وحقج انتي وفطيم .
دشت فطيم هي واخوها منصور وضاحي وثاني .
الريم : بنت الحلا عند ذكرها .
فطيم : واااي فديتج مهايا مبروك غناتي ماصدق فيه ياهل فبيت عمي وناسه .
مها : خهخخخخخخخخخخخخخ إنتن حليلكن عندكن مجاعه وانا استويت المنقذه .
الريم : بزنطج لو غار تيوم منه .
مها : هيه والله أشك إنه ولدي بينذبح .
الريم: عمي ومهوي لو سمحتوا الإنتاج الياي بنت أنا مليت من الجنس الدفش .
الكل : هههههههههههههههههههههههههههههههههههههههههههههههههه ههه.
في البيت :
سارا : مبروك الغاليه على ما ياج .
مها : الله يبارك فيج .
سارا : لازم أسير أنا بعد اشوي .
الريم : ماقعدتي .
فطيم : هيه والله ماشبعنا .
مها : هي أكله عسب تيوعون وتشبعون ؟
كلهم : ههههههههههههههههههههههههههههههههههههههه.
سعيد : احم احم .
سارا : سعود فديت روحك من زمان ماجفتك .
سعيد : انتي منو ؟
سارا : سارا ما عرفتني ؟
سعيد : ماعرف وحده اسمها سارا .
سارا : هيه والله شذكرك فيني كنت ياهل ..... ) وقعدت تحكيه عن عمره يوم كان صغير وهو قعد يسمع لها وكان مستانس .
بعد ماسارت سارا :
سعيد : طيبه .
الريم : وااايد .
فطيم : حليلها والله .
سعيد : هاي هي حرمة عمي حميد الله يرحمه .
الريم : هيه .
سعيد : والله انها ما اشء الله طيبه .
الريم : غريبه انت ترمس وحده ما تعرفها .
سعيد : مادري طيبه وحبيتها .
فطيم : قول لبوك عنها يمكن يخطبها .
سعيد : ها ؟
فطيم : هيه والله .
والقكره رسخت فراس سعيد مع انه فطيم بس كانت تسولف بس .
وبعد فتره :
أم سيف : كللللللللللللللللووووووووووووولش .
الريم : عساها أايامج فرح يدوه شو مستوي ؟
أم سيف : إنتي وعمج إن شاء الله باذن الواحد الأحد عرسكم يوم واحد .
الريم : ها ؟
الكل كان قاعد وساكت .
الريم : شو السالفه ؟
أم سيف : ملجتج إن شاء الله الشهر الياي والعرس اللي بعده .
الريم ) دموعها لمعت فعينها : انا ؟
أم سيف : هيه .
الريم : بس أنا صغيره .
أم سيف : ماشاء الله عليج حرمة بيت وغيرج عندهن عيال .
الريم : بس أنا ما أبا أعرس الحين يا يدوه .
أم سيف : الكلام اللي قلته مابرد عنه .
الريم ) قامت وسارت حجرتها .
عند أم سيف :
مبارك : يا يما ريام بعدها صغيره و كان لازم ما نقولها بهالطريقه وبدال ما نغصبها كنا لازم نسألها .
أم سيف : هي موب كيفها توافق ولا ترفض .
مبارك : الله يسامحج يا أمي الحين إنتي العاقله تسوين فبنت ولدج جيه ؟
أم سيف ) دمعت : انا لين متى بعيش الفرحه ؟؟ اللي بعيشه ما يساوي ربع اللي عشته أبا أموت وانا مرتاحه إنتو ريايل ما ينخاف عليكم بس هي بنيه .
سيف : ماعليج الغاليه .... أنا برمسها وهي أكيد موافقه لو قلتلها منو اللي خطبها .
أم سيف : قوم ياولدي سير جوفها الله يرضى عليك .
سار سيف بيجوف بنته ) : ريامي يابنتي فجي الباب .
الريم : ما أبا اعرس .
سيف : فجي الباب وخليني أجوفج .
فجت الباب :
الريم : أبوي حرام عليك أنا بعدني صغيره ما ابا أعرس الحين والله حرام .
أبو الريم : وانتي حتى ما تعبتي عمرج تسألين منو اللي خطبج ؟
الريم : منو يعني ؟؟ موب صعب أعرف ....... أكيد عبدالله ولد عمي .
أبو الريم : منو قالج ؟
الريم : محد بس توقعت وأنا ماأباه .
أبو الريم : تردين عمج حمد ياريام ؟
الريم ) طاحت فحظن أبوها : باباتي أنا صغيره الدنيا جدامي طويله أنا ما أبا أندم عالقرار اللي بتاخذه لو وافقت .
أبو الريم : إنتي تخافين من التجربه موب من عبود ؟
الريم : لو ماكان أوكي شو بستفيد يوم أرد مطلقه شرات ساروه ؟
أبو الريم ) عرف إنه بنته متأثره بوضع سارا : سارا حالتها غير عن حالتج .
الريم : لا ماشي غير هي خذت ولد عمها وانا باخذ ولد عمي شو الفرق ؟
أبو الريم : إنتي تربيتي مع ولد عمج بس هي لا ...... هيه عرست قبل ......إنتي لا .
الريم : لا ابوي ما اباه ليش تبوني امووت وانا بعدني صغيره ؟
أبو الريم ) حرج من اللي قالته : ريام كلمه ومابغيرها عرسج بعد شهرين وانا اجوف انه ولد عمج بيصونج ويحفظج عدل ....... وانا لو اعرف انه موب ريال ما كنت قربتبه.
الريم : يا بوي حرام عليك أنا بنتك الوحيده وترفضلي هالطلب ؟
أبو الريم : كل شي له حدود وانا هالشي يوم فكرت فيه ماكنت باخذ رايج لأني أعرف الخير لج .
الريم : يا يبا لو خذيت عبدالله وزفيتوني له بتزفوني لقبري .
أبو الريم : انا بخليج تفكرين فالموضوع عدل بس لاتحاولين تفكرين تغيرين رايي .
ظهر أبو الريم وهو مضايج من الي سواه بس هو من حبه لبنته ما يباها تضيع .
حالة الريم يوم عن يوم كانت تسوء .
وفطيم كانت تحاول تغير مزاجها ومها بعد بس محد قدر .
يوم العلامات :
فطيم : ياربييي خايفه .
الريم : انجبي حرام عليج بروحي تعبانه .
فطيم : انتي لازم تستانسين ملجتج بعد اسبوعين .
الريم : سكتي لاتذكريني .
فطيم : بس إنتي دلوعه عبود ريلج تغير واااااااايد عن قبل .
الريم : موب ريلي انجبي .
فطيم : حيج بتعرسين مع عمج .
الريم : انزين افيدينا بسكوتج عالأقل عمي بياخذ ساروه والإثنين موافقين .
فطيم : تراج وايد دلوعه .
ثاني ) دش الحجره : احم احم إلى الفتاتان الغبيتان الراسبتان فطام وريام .
فطيم : ظهرت علاماتنا ؟؟؟
ثاني : هيه ظهرت .
فطيم : ارمس حرام بتييني الجلطه .
ثاني : ريام ........ مبروووك 98.4 .
فطيم ) لوت عليها : مبرووووك غناتي .
الريم : الله يبارك فيج .
ثاني : افرحي يالاستاذه .
الريم : فرحانه موب شرط أوضح بردة فعل وفطيم كم خذت ؟
ثاني : 97.8 .
الريم : مبروووك فديتج تستاهلين .
فطيم : الله ونااسه .
وقعدت تصيح فطووم من خبالها ووناستها .
وقبل الملجه بيوم :
الريم : الحنا موب حلوه وأنا خسفه ويعله يتروع ويشرد .
مها : بس ريام خلاص لاتعبين عمرج باجر بتستوين حرمته .
الريم ) دموعها استوت شي عادي ينجاف : ما أباااااااااااه أكرهه .
فطيم : ياربييييييي يا ريام بسج صياح بتخربين عمرج .
الريم : انتو اللي بتذبحوني .
مها : لا تعورين قلبي ياريام حرام عليج .
الريم : لو انزفيت لعبود بموووت .
دش ذياب الحجره وهو حامل فاضل :
ذياب : ممكن اشوي ابا اكلم العروس .
ظهرن من الحجره وقعد ذياب عالكرسي .
ذياب : ليش هالدموع فعينج ؟
الريم : يعني ماتعرف ؟
ذياب : بعدج موب موافقه ؟
الريم : لا وما بوافق ؟
ذياب : وكيف بتستوين حرمته باجر ؟
الريم : مابوقع .
ذياب : ياريامي حرام عليج والله حرام .
الريم : أنا ما أبا أعرس .
ذياب : انزين فهميني ليش ؟
الريم : لو ماكان أوكي انا اللي برد مطلقه .
ذياب : شو هالافكار اللي فراسج ؟
الريم : ها الصج .
ذياب : إنتي موب رافضه عبود إنتي خايفه من التجربه صح ؟
الريم : هيه والله خايفه عمي .
وصاحت .
خليفه دش الحجره ولقاها تصيح فحظن ذياب .
ذياب : ليش ماقلتيلنا من الصبح هالكلام ؟
الريم : ماعرف مادري بس خفت أقولكم كنتوا كلكم موافقين .
ذياب : بس الفكره اللي فراسج هاي غلط .
الريم : بس انا بعدني خايفه .
ذياب : سيري غسلي ويهج وتعالي .
الريم : اوكي ) وسارت غسلت ويها وردت قعدت عداله .
ذياب : جوفي الثوب اللي عالشبريه مال منو ؟
الريم : مالي .
ذياب : والمناسبه ؟
الريم : باجر ملجتي .
ذياب : واللي تملج تكون مستانسه ولا مضايجه ؟
الريم : مستانسه بس انا لا .
ذياب : انتي ليش ماخذه الفكره بهالطريقه ؟
الريم : لأنه ساروه خذت ولد عمها وردها مطلقه وبتعرس وياي فنفس اليوم .
ذياب : أهاا سمعي انا يوم خذيت مها كنت ما احبها بس كانت تغمظني .
الريم : أعرف .
ذياب : وبعدين حبيتها .
الريم : بس انا غير وانت ومهايا غير .
ذياب : لا موب غير وصدقيني عبوود بيسعدج لأنه يحبج .
الريم : وانت شدراك يمكن يكرهني ؟
ذياب : هو قال لنافع انه يحبج .
الريم : بس الحب موب كل شي .
ذياب : انا اللي قاله قتلج اياه وانتي الحين سيري اتسبحي وانزلي كلنا نترياج العشا بعد اشوي بينحط يالعروس .
الريم ( ابتسمت : مشكووور ياعم العروس وان شاء الله الحين بنزل .
يوم الملجه :
الريم : ياربييي بموت من الخوف .
مها : ياويلي على ولدي اليوم مستوي حشره .
فطيم : يعرف انج بتسويله طاف .
الريم : هههههههههههههههههههههههههههه ........ حليله .
فطيم : اليوم شكلج احسن عن امس بوااايد .
مها : الحمدالله ريلي سحرها .
الحرمه : ماشاء الله لا حول ولا قوة الا بالله بتجنن .
فطيم : عوذ بالله من الحسد .
وبعد ما سارت الحرمه كانت الريم قاعده ويا فطيم واندق الباب .
ذياب : نروم اندش ؟
فطيم : منو ؟
ذياب : موب وايدين .
فطيم : يعني منو ؟
ذياب : انا وتومي ونفوع وتومه وحروب وعلاو وخليفه وبس .
فطيم ) تغشت وفجت الباب : بعد تقول بس تفضلوا .
شهاب : ماعرف كيف اقولها .
مانع : انا بقول .....ألف الصلاة والسلام عليك يا حبيب الله محمد .... ماعرف ايبب .
كلهم : هههههههههههههههههههههههههههههههههههههههههههههههههه هه.
خليفه : النفسيه ريام ؟
الريم ) تاخذ نفس : ماعرف .
حارب : الحين منو بينزلج ؟
الريم : ماعرف .
علاو : شو تعرفين ؟
الريم : ماعرف .
كلهم : هههههههههههههههههههههههههههههههههههههههههههههههههه .
مبارك دق الباب : ادش ؟
كلهم : تفضل .
مبارك : يالله ريامي دورج .
الريم : ها ؟
مبارك : بلاج ؟
الريم : شو اسوي ؟
مبارك : توقعين بس .
الريم : ماعرف فطيم تعالي وقعي .
شهاب : لا والله هي اللي بتاخذه والا انتي ؟
الريم ) دموعها فعيونها .
خليفه ) لوا عليها : هدي بلاج ريام موب صعبه توقعين .
الريم : بردانه .
حارب : توج ملجه ليلة العرس شبتسوين ؟
علاو : ماكنت اعرف انه ويهك لووح .
كلهم : ههههههههههههههههههههههههههههههههههههههههههههه .
الريم : اوكي ........ بسم الله ....... خلوف ساعدني .
خليفه : ان شاء الله وين القلم ؟
مبارك : تفضل .
مسكته الريم وهي ترجف وايدها ثلج ووقعت .
كلهم : سلموا عليها وباركولها اما فطيم ظهرت برع الحجره تصيح ومانع لحقها : ممكن تمسحين دموعج .
فطيم ) صدت عنه ومسحت دموعها ولبست غشوتها : ريام بتسير عني .
مانع : منو قال؟
فطيم : بتعرس وبتسير بوظبي .
مانع : لا ترا عبوود نقل اوراقه على جامعة العين .
فطيم : حتى لو بتستوي دوم مشغوله .
مانع : حتى انتي .
فطيم : ها ؟
مانع : انا بخطبج وياويييييلج لو رفضتي .
فطيم ) انصدمت بس استحت وحمدت ربها انها كانت متغشيه .
وبعد مانزلت :
فطيم : احبج واحبج واحبج.
الريم : وانا ماابا أجوفه اليوم .
ما خلصت جملتها إلا وعلاو داش :
علي : يالله المعرس يتريا .
الريم: لا ما أبا أجوفه .
علي : لا لا ممنوع فطيم برع الصاله لو سمحتي وانتي لا تشردين .
دش عبود وهو مستانس من خاطره :
عبدالله : مبروك .
الريم : الله يبارك فيك وانت بعد مبروك .
عبدالله : الله يبارك فيج ..... شحالج ؟ من زمان ما جفتج يالدبه .
الريم : انا دبه ؟؟؟؟؟؟ بخير يالدب .
عبدالله : هههههههههههه زين سوري يالخشبه .
الريم ) بطرف عين : عبودوه شو شارب اليوم ؟
عبدالله : شارب هواج .
الريم : ............... ) لا لا ولد عمي مخرف ان شاء الله حد يدش الحين يااااااااااااااااااااااااااااارب .
عبدالله : فشو تفكرين ؟
الريم : ماشي بس بسرعه استوا كل شي ؟
عبدالله : أدري .
الريم : وانت ليش سويت جيه ؟
عبدالله : انتي موب فاهمتني انا أحبج ياريام والله اني ميت فهواج .
الريم : الكلام ما ينفع .
عبدالله :والفعل بييج .
حارب : آسف عالإزعاج إنتهى وقت الزياره يالله عالميلس .
عبدالله : حروب بتحصلني دايس فبطنك لو ما ظهرت الحين .
الريم : لا خلاص أنا بسير .
حارب : بنتنا تستحي فلو سمحت يالله .
عبدالله ) قام : ماعليه براويك وريامي فوق بتلاقين مفاجأه لج أوكي ؟
الريم: أوكي .
عبدالله : سيري فجيها الحين أوكي ؟
حارب : يالله مع السلامه .
وسارت الريم بتجوف المفاجأه لقت تلفون أول مافجته لقت مسج فجته :
"ياهاتفي بلغ من القلب مرسال
واصدق معاني الود واغلى هديه
للي لهم في خاطري طيب منزال
بالخير مسيهم وهاذي مني تحيه
سلام احلى من شذا البن والهال
واطيب من الريحان والنرجسيه "
" أحبج... ريلج "
عقت الريم التلفون عالشبريه وتحس انها بتصيح .
وبعد مرور اسبوعين انخطبت فطيم وخطبوها لمانع وهي وافقت .
ليلة يوم العرس :
مها : ما شاء الله باجر عرسج .
الريم : ماصدق إني أنا اللي بلبس هالفستان باجر .
مها : لا فديتج صدقي .
الريم : بس تعرفين ؟
مها : هلا .
الريم : بعدني خايفه .
مها : شي طبيعي غناتي .
الريم : لا غير مهوي أنا فاهمه شوتطرين أنا ارمس عن الجمله اللي قلتها زواجي من عبدالله تعني وفاتي .
مها : الله يسامحج وأنا اللي قلت غيرتي رايج .
الريم : بعدني والله .
مها : الحين لازم ترقدين باجر عرسج ولازم تكونين نشيطه .
الريم : ييبيه هالمفعوص يا فوقت أنا مافضيتله مووووووول .
مها : خذيه يوم تعرسين .
الريم : لو عبادي موافق أنا موافقه .
مها : عبادي بعد ها ؟
الريم : من انا ياهل أزقره جيه .
مها : للا لا غير فديتج الحين .
الريم : لا غير ولا شياته .
مها : يالله غناتي تصبحين على خير .
الريم ) سارت تلبست شيلتها وعباتها ونزلت الخيمه مالت الحريم ومشت فيها ودموعها اطيح : ليش تزفوني لقبري ؟؟
.............: زفج لي موتج ؟
الريم : عبوود ؟
عبدالله : بشحمه ولحمه جدامج ........ ماتوقعت منج هالرمسه ونحن اليوم عرسنا إذا ماتبيني فانا ما اباج .
قام عبدالله وهو هلكان : استغفرالله شو هالحلم ؟
يوم العرس :
خلصت الحرمه من المكياج والشعر تقريبا كانت خالصه وما بجا غير ثوب العرس .
أم الريم ) دشت وتمت توصي الريم على بيتها وريلها وصاحن .
وبعد ماتلبست .
دشت على إغنيه راشد الماجد جمعت فرحنا.
وكان العرس ولا أحلى .
سعيد ) أهداهم ليله فجميرا والسفره اليوم اللي بعده على إيطاليا .
في الجناح :
عبدالله : وأخيرا استويتي حلالي .
الريم : ..............................................
عبدالله : على فكره أيام الملجه كان لسانج طويل وين اختفى ؟
الريم : كللاه الفار .
عبدالله : هههههههههههه تنكتين ؟
الريم : أحاول .
عبدالله : انزين انا عندي لج مفاجأه .
الريم : شو هي ؟
عبدالله : باجر بنسافر .
الريم : أعرف .
عبدالله : على وين ؟
الريم : أظني ألمانيا صح ؟
عبدالله : غلط .
الريم : على وين ؟
عبدالله : إيطاليا .
الريم : ونااااااسه .
عبدالله : انزين لين متى حظرتج بتمين بفستان العرس ؟
الريم : والله هلكااااااانه ويوعاااانه .
عبدالله : أنا بعد ....... شو رايج كل واحد يسير يبدل ويتسبح ونسير نتعشى فمطعم .
الريم : أوكي .
عبدالله : يالله .
وبعد ماردوا :
الريم : تعرف إني ما أحبك .
عبدالله : .................................................. ..........................
الريم : ما أحبك عبدالله.
عبدالله ) قام وسار حجرة وقفل على عمره الباب .
الريم ) قعدت تصيح انا ليش قلت جيه ؟
عبدالله ) توقعت إنها مش موافقه من البدايه بس ليش خذيتها دام إنتي توقعت هالشي ؟
الريم ) ياربي أنا شو سويت ؟
عبدالله : أنا أعرف إني مابروم أعيش وياها بعد اللي قالته ...... بعرض عليها فكرتي وهي تختار .
دق عليها باب الحجره :
الريم : ..................
عبدالله : سمعي يا بنت عمي واحد من الاثنين يا تردين باجر بيت ابوج مطلقه يااتمين على ذمتي بس فبيت أبوج.
الريم : إذا ما تباني طلقني .
عبدالله : أنا كنت ميت فهواج بس بعد اللي قلتيه حتى مااروم اقرب منج .
الريم : ردني بيت ابوي .
عبدالله : باجر إن شاء الله نحن من الصبح فالعين .
ويوم ردوا تعذروا بعذر اخترعوه وكل يوم كانت الريم ترقد عالشبريه وهو فالصاله اللي فجناحهم وماكانوا يتلاقون أو يرمسون إلا جدام العايله .
وبعد مرور اربع اشهر :
الريم ) كانت فالمطبخ تطبخ .
مها : ريامي غناتي شو تسوين ؟
الريم : مجبوس دياي .
مها : أحسج مضايجه اليوم .
فجأه انفجرت الريم صياح ومها ظهرتها من المطبخ وقالت للخدامه تكمل .
مها + الريم ) فحجرت مها : بلاج ريامي ؟
الريم : مضايجه وموب مشتهيه الاكل .
مها : ليكوون حامل ترا اللي تحمل نفسيتها احيانا تكون موب اوكي .
الريم : أنا حامل ؟؟؟ لا مستحيييييييل .
مها : ليش ؟
الريم ) نزلت راسها : وطاحن دموعها .
مها : مستحيل انه اللي فراسي يكون صح صح ؟
الريم : لا صح .
مها : وليش ياريام ؟
الريم : أنا السبب .
مها : ولين متى بتمون جيه ؟
الريم : ماعرف .
مها : لازم تتخذين هالقرار بسرعه يا تطلقين يا تكملين وياه .
الريم : ماعرف يا مها .
مها : جوفي انا انصحج ........ انج تغيرين تعاملج وياه وتهتمين فيه اكثر عن قبل وصدقيني هو بيتغير وياج .
وحاولت الريم بكل الطرق ترد عبدالله اللي كان يحبها فيوم بس ما رامت ويا اليوم اللي كان بالنسبه لها صاعقه .
عبدالله : تعرفين انج حرمتي بالاسم ..... باجر ان شاء الله يا ريام بتعرفين حرمتي ..... أنا معرس من فتره و عايش حياه احلى منها ما في .
الريم : وليش للحين ماطلقتني ؟
عبدالله : عشان تتعذبين شرات ماعذبتيني إنتي فنظر خلق الله كلهم حرمه بس انتي بعدج بنيه .. إنتي فنظر الكل معرسه بس فالواقع معلقه لا فبيت أبوج مطلقه ولا فبيت ريلج معرسه .......... إنتي بس ورقه فهالحياه ماتغير شي في حياتنا .
ظهر عبدالله من حجرته مثل مايتوقع الكل اللي هي فالواقع حجرة الريم بس وعطاها ظهره وخلاها تصيح بدال الدمع دم .
بعد سنتين :
مها : والله انه يشبه ريلي .
الريم : وين يشبه عمي ؟؟ هذا يشبه فلاح .
عبدالله : وبنسميه فلاح .
الريم : الله يرحمك يافلاح .
تيم : واااي فديتني والله يشبه عمه .
الريم : ولدي يشبه عمه اللي توفى وبس .
تيم : وانا اشابه فلاح وايد معناته يشبهني .
دق تلفون الريم :
الريم : ألو السلام عليكم ....... شحالج ؟؟ .......... أخبارج ؟..... شحال الأهل وريلج واخوانج ؟؟ والله كلنا بخير .. الحمدالله ... انا الحمدالله بخير ...... تسأل عنج العافيه ...... سلمي عالياهل فديته .
عبدالله : طليقتي ؟
الريم : هيه .
عبدالله ) ابتسم للريم وهمس فاذنها كلمات كانت السبب فابتسامتها .
الريم : وانا بعد آسفه .
عبدالله : أحبج .
الريم : أنا أكثر .
تيم ) ظهر من الحجره بأمر من مها و علي اللي سمع كل شي من عند الباب .
وبعد ماردوا من المستشفى :
عبدالله : ريااااااااااامييييييييي.
الريم : هلاااااااااا.
عبدالله : ولدج صدعه .
الريم : ولدك بعد موب ولدي .
عبدالله : فديته والله .
الريم : قوم عنه بتذبحه من كثر مااتحبب فيه .
عبدالله : فديته والله .
الريم : انت ماعندك إلا هالجمله ؟
عبدالله : فديته وفديت امه .
الريم : هههه ما أغار تراني .
عبدالله : انزين عطيني ويه وتفديني .
الريم ) من عند الباب : أحببببببببببببببببببببببببك ) ونزلت عند عمها وخالتها .
أما عبدالله ابتسم ونزل ويا ولده .
بعد مرور سنتين :
الريم + عبدالله : كملوا حياتهم مرتاحين مع فلاح واخته غايه .
مانع : تزوج فاطمه ويابو حميد وعاشه .
نافع : ماتزوج .
شهاب : تزوج وحده من بنات خالة الريم وعنده سالم .
ذياب + مها : ربنا عطاهم حمد وحمده ولاتنسون فاضل .
سعيد : أخذ وحده وعايش فدبي والأخ مايفكر يستوي أب لأنه بيغار من عياله>> خخخخخخخخ ترا هالإنسان صج موجود فالدنيا وهو قال إنه بيغار من عياله .
عبيد : يدرس فكلية الطيران .
محمد + أسامه : ثانويه عامه .
تيم + سعيد : استووا وايد قراب من بعض .
مبارك + ساره : يابوا سالم وسلامه >> توأم .
خليفه : تزوج وعايش حياته الأخ وعنده الغاليه .
حارب : عرس وعايش فالعسل شرات عمه ذياب .
علي : مايفكر يعرس مع كل المحاولات فالإقناع وقال إنه عمه قدوته .
راشد : أخذ بنت خالته وعنده ولد وبنت .... مايد وميره.
مريم وأحمد تطلقوا ..... وتزوج أحمد بعدها ومرتاح فزواجه .
النهايه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك