رواية ندى الايام -1
رواية : ندى الايام ..
للكاتبة ندى ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مساء أحلا من ورود الشادي لي منتدا غــــــــرام
والأعضاء والمشركين فيه.........
هذا أول كتابات الكاتبه ( ) حبيت أنزله في المنتد برغم من
أن الكاتبه رافضه لكن مع أصراري وافقت أن أنزله في غرام ......
الروايه عبار عن قصة فتاتين سوف أبداء بالأول
وأذاشفت الردود سوف أكمله ونزل الثاني.....
.................................................. ......
كلمة الكاتبه
أقدم لكم رواياتي عباره عن
صميم قلبي.......
سأضع قصصي مع الزمن
هذه الروايات تأخذك إلى عالم وردي
يشع في طياته الامل..لكن..سيكدر
صفوها بعض الاحداث تعتبر بهارات
لكل رواياتي...
نبحر معها ونعيش احداثها حتى نستقر
على شاطآن نهاياتها...........
نـــــــــدى
نـدى الأيــــــــــام
انا في دنيتي مثل الغريب الي بلا ديره
حياته بالشقا تبدأ ولا يعرف نهايتها
انا دنيتي مثل الي ضاعت مشاويره
انا صوت الالم والآه في جوفي تعاستها
انا صرخة عذاب بقلب يشكي طول تفكيره
انا صمت السنين الي كثير الهم موتها
انا ونه وحيده تاه يعاني كثير تكديره
ابد ماعاش في الدنيا ولا يعرف حلاوتها
انا دمعة عيون تعيش في غربه وحيده
على خد الاسى يرسم غزير الدمع قصتها
انا جرح غدا ينزف وكسر صعب تجبيره
انا رحلة قلوب مادرت حتى برحلة وجهتها
انا ماضي...انا حاضر... خليط من تعبيره
على كف القدر تبدأ رياح العمر رحلتها
..........................................
وبسم الله نبدأ :
اول ماقمت الصبح ساعدت امي بالفطور وافطرنا حنا
وابوي ويومن راح ابوي للشغل نظفنا المكان وطلعت
للحديقه وانسدحت على الثل وبدت الاحلام براسي تروح
وتجي( بالأول بعطيكم نبذه بسيطه عن بيتنا وعائلتنا...
بيتنا عباره عن بيت صغير يتكون من مطبخ وحمام(أكرمكم الله) وغرفه لي و
غرفه لأمي وأبوي ومجلس الحريم وصاله صغيره وسرداب
ضيق بعدين مجلس الرجال يعني دور أرضي ومن برى
حديقه صغيره فيها ثيل و ورود ...تستغربون ليع ورود وحتا
فقراء على قد حالنا ..الورود هاذي كانت من جارتنا السوريه
زرعناهم أنا وأمي حولين الثيل...عائلتنا اني نوره ,ابوي جاسم,
وانا ندى عمري 20سنه تخرجت من الثانويه وجلست بالبيت
لاني ما احب الدراسه ومره وحده عشلن يفضى البيت لي انا وامي..
تستغربون امي وابوي كبار وماعندهم إلى انا....امي اول ماجتبتني انا
ويومن صار عمري 3سنين حملت مره ثانيه بعدين سقطت وجاها نزيف
حاد شالو على اثره الرحم) نرجــــــــــــــــــع
كنت منسدحه بالحديقه والحلام تروح وتجي...قطع احلامي ابوي
يومن دخل علي.............
ابوي: علامك منسدحه على الثيل؟!!!
انا: مافيه شيء بس حبيت اغير جو...........
ابوي كان باين انه متضايق...دخل البيت ولحقته شفته
يكلم امي ويومن دخلت سكت.....
امي:وش فيك؟!!
انا مافيني شيء...يبه فيك شيء؟!!
ابوي:لأ.
انا يبه متأكد.
امي:هو تحقيق يله روحي نظفي غرفتك.
اناحسيت ان فيه شيء ومايبغون يتكلمون عندي رحت لغرفتي
اللي هي اصلاً نظيفه طليت مع الباب عشان اسمعهم وسمعت ابوي يقول
أبوي:والله اليوم جاني ابو محمد يبي دينه..
امي:طيب متمعك شيء منا منا...
ابوي:لو معي افتكيت من صوته.
امي طيب بيع من غنمك...
ابوي يحب غنمه مره:لا لا إلا هذي....
امي:مابقى منهمم إلا 2سدد ديونك بعدين انشاء الله يفتحهابوجهك....
ابوي: شورك وهداية الله....
حسيت وقتها اني عاقه اللي مثلي تدخل الجامعه وتساعدا اهلها من
مكافئتها إلا انااللي كله متكله على ابوي اللي متقاعد وراتبه بالشهر
مايجي إلا200وغنمه اللي ماعندهاصلاً إلا5...وحدهذبحها عشان
عمي و2ماتن بمرض الله اعلم به..2ينوحن على حالهن متى يذبحهن
ابوي..دخلت غرفتي ودعيت لأبوي ان الله يفتحها بوجهه وفكرت
طول الليل بشغله تدندن فلوس بس العين بصيره واليد قصيره
طلعت الضحى وركبت الغداء وولمت كل شيء.. كنت منهمكه
بتقطيع الطماط..دخلت امي علي وشكلها توها قايمه ومخترعه مركبت الغداء..
امي:ماشاء الله متسنعه اليوم.
انا:قلت اسوي حاجه زينه شفتك نايمه ماحبت اقومك.
امي تبتيم:اجل العشاء اليوم بعد عليك.
انا:انساء الله....
امي:غريبه مقمتي تناقزين وتدخلين غرفتك.
انا:إذا ناقزت ماعجبتك وإذا تسنعت ماعجبتك قولي لي حل وسط.
طلعت امي من المطبخ وتضحك على هبالي ودخل ابوي عليناوكان عادي
عكسي الصبح..
امي: بشر سددت ابومحمد؟!
ابوي:ايه وبعدسددت ابواحمد...
قمت وطفيت على الغداء ونكبته وطلعته الصاله....
انا:يله يبه تغدا وقلي رايك بطبخي.....
ابوي:دامه من ايدين ندى اكيد زين.
امي:يله سموا بالله.
تغدين ونظفنا المكان وطلعت لغرفتي ونمت..قمت العصر
وصليت طلعت شفت امي تقرأ قرآن وابوي موهينا...
انا :يمه وين ابوي؟؟
امي:راح يستلم راتبه.
انا:يمه تبين شيء؟؟؟
امي:ايه..يابنيتي نظفي غرفتي لي يومين مانظفتها..
انا :انشاء الله....
رحت لغرفة امي ولمت شعري وبديت انظف فتحت دولاب امي ورتبت
الملابس وانا احط ملابس ابوي بلحال وامي بلحال حسيت فيه
حاجه قاسيه شيلت الملابس لوفيه تحته البوم صور اخذته
وبديت افتشه فتحت اول صوره لو فيها ابوي وعمي و واحد
ماعرفته وقمت افتش...اكثر الصور ماعرفتهم وفيه صور بنات
وانا من ضمنهم...بعدين صور غيال ماعرفت منهم احد بس فيه
واحد شدني جماله وقعدت اتأمل فيه وقطع هالسكون دخول امي
امي:ماتخلين عوايدك.
انا:ههههههه وش اسوي فضوليه.
انا ماعرفت إلى عمي جاسر وبناته.....
جلست امي تعلمني اياهم واحد واحد وخلت العيالعلى جنب
انا:يمه اللحين وينهم مافيه إلا عمي جاسر وبالدمام وخوالي ماعرف
منهم احد............
نزلت امي راسها وقالت:عمانك 3جاسر وتعرفينه ومحمد مات قبل لا يتزوج
انا :طيب وخوالي؟؟؟؟؟؟؟؟؟؟؟؟
امي:ماجابت إلا انا وخولك مطلق اللي تزوج قبلي وراح للدمام هو
وزوجته وانقطعت اخبارهم..............
انا:ليه مايزورنا؟؟؟؟؟؟؟؟؟
امب:الله اعلم والغايب عذره معه....
طيب هذا مين؟؟؟(واشرت على المزيون اللي شدني)
امي :والله مدري بس اذكر قبل جاء وسلم علي وعلى ابوك وشفته دمعت
عيونه يومن سلم علي.........
انامتحمسه:طيب يمه يمكن يعرفك!!!!!!
امي:الله اعلم..يله اشوف الجلسه اعجبتك يله خن نطلع
طلعن وجلسن بالصاله..دخل علين ابوي
ابوي:يله نوره نروح السوق ناخذ اغراض البيت
امي:يله.....قومي ندى جيبي عباتي.
رحت وجبت العبايه وكالعاده رفضوا يلخذوني معهم..ويومن راحوا
جلست انتظرهم...تعوذت من ابليس ورحت لثيل وانسدحت
وغفوتمده قصيره قطعها علي صوت طق على الباب قمت وفتحته,,,
انا :ميـــــــــن؟؟
:لوسمحتي هذا بيت جاسم بن محمد الجاسم؟؟!
انا اخترعت:ايه نعم!!!
:انت بنته؟؟
انا:ايه!!!
:امك وابوك يطلبونك الحل..........
انتهى البارت الأول
اريد توقعاتكم وأرئكم.........
وهل أكمل أو لا............
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
************************************************** *******
البارت الثاني
************************************************** ******
وغفومده قصيره قطعها علي صوت طق على الباب قمت وفتحته,,,
انا :ميـــــــــن؟؟
:لوسمحتي هذا بيت جاسم بن محمد الجاسم؟؟!
انا اخترعت:ايه نعم!!!
:انت بنته؟؟
انا:ايه!!!
:امك وابوك يطلبونك الحل..........
بعدين راح.....صكيت الباب وجثيت على ركبي ودموعي تنزل مثل
السيل...وشلون؟!كيف؟!متى؟!
لا لاااااااااايمه تكفين ارجعي انتي قلتيلي اسوي العشاء....
يبه تكف ارجع والله لأدرس واسوي اللي تبيه....يباااااااااه....
يماااااه وشلون بعيش من دونكم....وقعدت ابكي إلى
العشاء ..رحت وفتحت غرفة امي وطحت على السرير وقعدت ابكي وكل ذكرياتنا تمر قدام عيني غمضت وفتحت تمنيت ان امي
تدخل وتناديني اساعدها او ابوي يجي ويضمني اواني مت معاهم
تمنيت انا الوقت يرجع إلى الصبح واشبع منهم ماني طماعه بس إلى
الصبح ماني قادره اتصور اني بعيش طول حيااااااتي ما اشوفهم يعني
صعب توصف شعور زي كذا انربط لساني..ماادري شقول؟!ماادري
كيف بتصرف؟!...مااقول إلا إنا لله وإنا إليه راجعون.....
وقعدت ادعي لهم...سمعت صوت طق على الباب رحت وكل خطوه
امشيها اتمنى ان اللي عند الباب امي وابوي وجايبين اغراض البيت...
بس كانت مجرد أماني وعمر (لـــيـــت) ماتفيد...
انا:مين؟؟؟
شريفه:افتحي افتحي انا جارتكون شريفه.
فتحت الباب ودخلتها للصاله وجلسة ساكته ودموعي ماوقفت...
شريفه بدت تبكي وبلهجتهاالسوريه:لك يابنتي ازكري ربك وادعيلهون
بالرحمه مايصير هيك....
انا:مادري وشلون بعيش بدونهم...
شريفه انجرت بالبكاء:والله امك عزيزه وغاليه عليي
ورفعت ايدينها للسماء:يارب ياحي ياقيوم انك تغفرلهون وترحمهون
وتغسل خطاياهم كما يغسل الثوب الابيز من الدنس...
انا:آميــن..شريفه وشلون ماتوا؟!
زوجي أللي(قالي)انهون سووا حادس الله يرحمهون...
مرت أيام العزاء بسرعه وانا كأني احلم ماصدقت إلا يومن جاءعمي آخر
ايام العزاء....
عمي:يله يابنتي ضفي قشك واغراضك وتعالي!!!
انا بققت عيوني:ويـــــــــن؟؟؟؟!
عمي تجين عندي.....
انا:عمي الله يخليك آخر مابقى لي منهم هالبيت لاتخذني منه.
عمي:يعني تبيين تجلسين لحالك..
انا سكت لأني اعرف عمي معقد وعصبي...رحت ولميت اغراضي كلهن
واخذت على دربي البوم الصور اللي بدولاب امي واخذت سبحة ابوي
وشال امي وطلعت ركبت مع عمي...
انا:السلام عليكم...
الجميع:وعليكم السلام
:شلونك ندى.
انا:الحمدلله.
عمي:شف ياضاري ابيك من اليوم ورايح تنام بالملحق....
ضاري:انشاء الله..
عمتي حصه:شوفي ياندى تاخذين راحتك بالبيت وضاري ماراح يسبب
اي احراج لك طول اليوم برى البيت وإذا جاء ينام يروح للملحق.
انا:بس ياعمتي ينحرم منكم عشاني..خلاص انا انام بالملحق
والبنات يجون عندي.....
ضاري: راح الوقت نقلت غرفتي
انا تمنيت ان لساني انقص ولا سمعني... وصلنا الفندق اللي مستأجرينه
عشان بيتهم بالدمام وراح نسافر بكره انشاء الله
انا:عمه لو سمحتي شنطتي وين؟؟؟
عمتي:اللحين نجيبها...ضاري...ضاري...
ضاري:نعم!!!!!!!!!
عمتي:جيب شنطة ندى..
ضاري:يووووه نسيتها...لحظه..وراح وجابها
انامتغطيه بالجلال:مشكور..
ضاري :العفو
عمتي:يله ندى نروح ننام عشان بكره ورانا سفره...
رحنا ونمنا انا اول ماحطيت راسي نمت لأني مواصله يومين..
من بكره........
عمتي:ندى يمه قومي..يله بنمشي..
انا:اممممم يمه واللي يخليك بس دقيقه
عمتي:يله حبيبتي قومي
انا صحصحت وقمت: معليش عمه مواصله لي يوين ..قمت وغسلت وجهي...
عمتي:إذا ركبنا السياره نامي..
انا:خلاص طار النوم..
ركبنا عمي وضاري قدام وانا وعمتي ورى طول الطريق ساكته..
وصلنا للبيت شلت شنطتي ودخلت بيتهم...
يومن دخلت جت بنت صغيره وناظرتني وابتسمت بسم الله عليها تهبل...
عمتي:رنا حبيبتي قولي للبنات ندى وصلت.
راحت البنت تركض وقفت عند الدرج....
رنا:بنااااااااااااااااااااااااات ندى وصللللللللللللللت.
انا ضحكت عليها....
عمتي:هبله طول عمره...
نزلن 3بنات وسلمن علي سلا حار حسيت اني جالسه مع خواتي..
انا خجلانه مره منهم:لو سمحتوا عرفوني عليكم..
:انا ربا وهاذي توأمي صبا..كانوا مره يتشابهون..وهاذي ريما..
ريما:كم عمرك ندى؟؟
ندى:20سنه..
ريما:اللللللله يعني كبري...
صبا:انا وربا اعمارنا16سنه..
ربا:انا اصغر بدقيقتين....
صبا:لا والله بدقيقه..
انا:هههههههه كله واحد...
ريما:يمه تكفين بطلب طلب بس لا تردين..
عمتي:ياكثر طلباتك...وش تبين؟؟؟
ريما:خلي ندى تنام بغرفتي!!!
عمتي ناظرتني:الشور شورك ياندى...تبين غرفه
لحالك ولامع ريما.......
انا:مع ريما...
ريما:يايحبيلك يا اختي الحلوه...
ولفت على ربا وصبا وقالت:احسنماعد تقهروني...
انا: ليه يقهورونك؟!
************************************************** *************
انتهى البارت الثاني
مهي توقعاتكم
هل سوف تتأقلم ندى مع حياته في بيت عمه
وماقصة المزيون وهل سوف يكون له دور في البارت القادم
أو سيضل مجهول؟؟؟؟؟؟؟؟؟؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سلام على الجميع........
أسفه على التأخير وهذا بارت
وأنشاء الله غدا أذا محصل ظروف راح أنزل بارت
...............البارت الثالث............
انا:ليه يقهورونك؟!
ريما:دايماً مع بعض ويخلوني..عاد انا يأما العب مع رنا
او اتهاوش مع ضاري...بس اللحين انتي توأمي
انا :تسلمين.
رنا: تلعبين معي....
انا:برتب سنطتي بعدين نلعب..ريما ما عليك امر دليني على غرفتك..
ريما:تعالي..
رحت مع ريما لغرفتي كانت مره روعه وكشخه..
ريما: هنا بحط سريرك....
انا:مشكوره....
المهم جبنا سرير ومفرش مناسب مع الغرفه وظبطنا كل شبء
رحت وشفت غرفة ربا وصبا..مره حلوه وبنوتيه...
رنا: يله نلعب..
رحنا ولعبنا واستانسنا لين العشاء تعشين ورحنا نلعب
بلاستيشن...
انا :فيه شريط كــراش؟؟؟
رنا: لا
انا:خلاص العبوا انتم انا وريما بنروح الغرفه
ريما:يله...
رحنا للغرفه وجلست ريما على السريرها وانا طلعت سبحة ابوي
وشال امي وحطيتهم تحت مخدتي...
ريما:ندى بسألك سؤال بس مابيك تزعلين!!!!
انا:اسألي!!!!!
ريما:بدون زعل!!
انا:بدون زعل!!
ريما:مابان الحزن عليك........
اناقاطعتها:الحزن ياريما بالقلب ولو الدموع بترجعهم صدقيني اني
لأبكي لين أنعمي عشان يرجعون بس ماقول إلا الله يرحمهم
ريما:مشاء الله عليك...
انا أحول اشيل الحزن منها:عندك كمبيوتر..
ريما:ايه..
وطلعت لاب توب وردي جنان...تعرفين له؟؟
انا:ايه..
ريما:خلاص أجل هذا حقي انا وانتي...
انا:مشكوره..
مر هاليوم بسلام وصراحه ارتحت لهم مره...
.......في صباح اليوم الثاني..........
قمت الصبح وقومت ريما ورحنا نسوي الفطور....
ريما:اقول ندوش........
انا:نعم..
ريما:انا بسوي الشاهي والباقي علي:...
انا:خلاص........
سويت مصابيب وفصولياء وريما ولمت صينية الشاهي والكاسات
دخلت عمتي علينا...
عمتي:ماشاء الله على بنات السنعات.....
ريما:يمه ندى علمتني اسوي مصابيب..
عمتي:مشاء اللهعليك ياندى من أول يوم طابه بالمطبخ ....
انا: قلت لك طلقي المطبخ بثلاث...
سمعنا صوت طق على الباب بعدين جاء صوت ضاري بالصاله...
ضاري:ياولد...
انا:وي يافضيحتي اللحين يقول ماصدقت عطيناها وجه...
عمتي:لاتقولين هالكلام البيت بيتك...
راحت عمتي لضاري...
ضاري:صباح الخير...
عمتي:صباح النور...
ضاري: اشم ريحة طبخ!!!!
عمتي :ايه ندى اللي مسويه الفطور..
ضاري:ليه يمه من أول يوم دخلت المطبخ..
عمتي: وش اسوي فيها تقول طلقي المطبخ بثلاث...
بالمطبخ أنا مرتبكه...
انا:ريما جيبي لي جلال...
ريماراحت وجابت الجلال...
انا:ريما عادي اطلع ولا امك تهوش..
ريما:وش تهاوش اطلعي وسلمي بعد...
انا:خـيـر!!!!!!!!!!!!
ريما:اجل يقول بنت عمي تمر ولا تسلم علي.ز
طلعت ومريت على الصاله...
انا: السلام عليكم....
الجميع:وعليكم السلام..
عمتي:ندى تعالي جلسي...
انا:معليش عمه بروح لغرفة ريما عندي كم شغله..
ريما:ياويــلي يالكـــذب!!!!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك