رواية كثر ما قلتلك اكرهك كثر ما انا اهواك -27

رواية كثر ما قلتلك اكرهك كثر ما انا اهواك - غرام

رواية كثر ما قلتلك اكرهك كثر ما انا اهواك -27

تركي : لا يا شيخ كنت أسبح عشان كذه وجهي مبلل ..

ناظرني هو و خالد بريبة عقب ناظروا بعض زميت شفتي يالله وش يفهمهم ..

تركي : بروح الشاليه أسبح و أبدل ملابسي ..

خالد : ايييييه زيـــن ..

مشيت عنهم و دخلت الشاليه أخذت شاور عقب رميت بنفسي على السرير / حطيت جوالي و علبة الدخان

تحت مخدتي و تلحفت و نمت ..

****************************************

.. (( اليوم الثاني ** البحرين ** الســـ 9:00 الصبح ـــــاعه )) ..

كنا جالسين عند البحر بعد الفطور كلنا الحريم و الرجال .. الشياب مع بعض و الحريم بعد ..

و حنا البنات مع بعض و الشباب كانوا قريبين من البحر و كان الجو بارد شوي ..

ضاحي : أبــــيــه الجـــو واايد بارد ..

جدي محمد : ههههههههههههههههههههه لا أبد هب بارد و لا شي ..

هزاع : هيه و الله هب بارد هاي ضاحي دلوع أمــه ..

ام حميد : ههههههههه هيه دلوع أمـه فديته لا تجرب حذاله ..

ضاحي : ههههههههه سامع طووف عني يالله ..

ابتسمت أدري انكم دختم و عشان ما تحوسون بعرفكم على أهلي بـ الإمارات ..

[ 1- خالي ابو جاسم .. عنده جاسم 28 سنه زوج منى توهم متزوجين ..

و هيثم 27 سنه فديته تعرفونه و بعد شاهه 20 سنه ..

2- و خالي ابو حميد عنده حميد27 سنه و متزوج ليلى ..

و منى و ضاحي 24 سنه عقبها عشان كذه هو دلوع أمه ..

عقب خالي 3- ابو فارس عنده فارس26 و بعد هزاع 24 سنه هو و ضاحي مثل التوأم دوم مع بعض

و عقبه نادية ..

و بعده خالتي 4- ام أحمد عندها أحمد 27 سنة متزوج نادية و ميثا 19 سنة بعدها ما تزوجت و ظبية و حمده 17 ..

بس ميثا مستغربه منها لأني لاحظت انها ما تسولف معي ما علينا ! / المهم عقب خالي خليفة تعرفونه بعد ^^ ..

و الله يسلمكم بـ تلاحظون اني ما طريت جدتي لأمي .. لأنها ماتت الله يرحمها من زمن ..

بس جدي خليل اللّي عايش ] ..

ناظرت خالي خليفة يوم تكلم و هو يرمي حصى بالبحر ..

خليفة : يووووه من زمان ما سبحت قبل ست سنوات ..

حميد : اوب أنا منك أموت ما أروم أيلس شهرين بدون ما أسير للبحر و أركب المركب ..

جاسم : أونك انت مغرم بـ البحر يا الشاعري ..

الكل : هههههههههههههههههههههههه ..

حميد : هههههههههههه جب هااااه أحسن عنك كل ما أرمسك تيي ويّاي اسمعوا شوه يقول ..

.. " و يقلد حركات جاسم و صوته " ..

حميد : سوري حميدان ما أروم أسير ويّاك أخاف بشرتي تخترب .. اونه بشرتي أشك انه ريّال ..

الكل : هههههههههههههههههههههههههه..

خالد : ههههههههههههههههههههههههههههه لا انت تشبه واحد عندنا ..

و ناظر تركي اللي كان ماد رجوله و لما شاف نظرات خالد له خبط رجل خالد برجله ..

تركي : يا الكذاب أنا ما عمري جبت سيرة البشرة ..

خالد : لااااااا احلف بس من اللي قال لمّا قلناله تعال العب معنا كورة في الملعب .. بندر ذكّره شقال لنا ..

راح بندر مال بجلسته و صار يحرك يده بشعره و هو يقلد صوت تركي ..

بندر : لاااا و الله تحلمون ألعب معكم على هاالقيظ بايع بشرتي الزينة أنا ههههههههههههههههه ..

الكل : هههههههههههههههههههههههههههههههههههههههه ..

تركي : ههههههههههههههههههههههههههه فضايح محد يقول لكم شيء ..

راكان : معروف عن بندر و خالد محد يأمنهم على شيء ..

جدي خليل : حنا زمان جنا رياييل .. جنا نطلع من الفير البحر و نركب المراكب و نصطاد السمك

بشباكنا ما جان يرعبنا البحر و لا جان عندنا شرات رمستكم لا بشرة و لا شيء .. جنا رياييل ..

جدي محمد : صدقك و كنا نطلع النخل و نقطف الثمر و نروض الخيل لكن الحين ما به رجال ..

خالد : أفـــااا عليك يبه يعني أنا منيب رجال ..

جدتي : لا أبد منت ريّال لو تطير لو كنت ريّال جان رمت تتصرف يوم طاح أبوك قبل سنين الله لا يعيده من يـوم ..

خالد برجا : يـمـه ..

جدتي : جب و لا رمسة ..

هزاع : ليش شوه استوا يدتي ..

جدتي : جايفين هاي يوم جان عمره 20 سنة .. طاح أبوه لما ارتفع عليه الضغط و ظل يدور بـ الصالة لين

تذكر ان به شيء اسـمـه سيّاره و إسعاف و تليفون ..

الكل : ههههههههههههههههههههههههههههه ..

خالد : أووووهووووو يـمـه فضحتنا .. هالحين وش بيفكنا من لسانهم يمه ..

نايف : هههههههههههههه خلها ما يبي لك غير كذه عقبال بندر تفضحه خالتي أم متعب ..

ام متعب : هههههههههههههههه من زينه ذا فضيحة بدون ما أرمس ..

تركي : ههههههههههههههه يا حـرام ..

بندر : أفـــااا عليك يمه .. كذه تحرجين ولدك قدام كل ذا الشعب ..

ابو متعب : اذكر الله بـ تطيحنا كلنا من طولنا ..

نواف : عاد انتم توقعوا أي شيء من عيون بندر ممكن اذا قال بل قدام برج العرب بـ يطيح في ساعته ..

الكل : ههههههههههههههههههههههههههههه ..

وضحى : يالله عاد .. اتركوا زوجي لحاله ما اسمح لكم تغسلون شراعه كذه ..

بندر : شوفوا انتم الذوق و أنا أقول تركي من وين جاب الذوق أثريه سارقه من الذوق نفسه ..

وضحى : يووووه ليتني ما تكلمت ..

ضحكنا كلنا يوم شفنا وضحى حمرت خدودها .. ناظر ضاحي بندر و رماه بمزح بـ حصى ..

ضاحي : أبيه انزين استحي .. شذنبي أنا و هزاع ما تزوجنا للحين ..

هزاع : هـيـه و الله يتغزلون بحريمهم جدامنا .. يتحسبون ما عندنا مشاعر ..

جدي خليل : ههههههههههههههههههههههههههههه جـب انت ويّاه صج جليلين حيا ..

هزاع : شـوه عسب رمسنا عن معاناتنا استوينا جليلين حيا ..

راكان : و ليش ما تتزوجون أو على الأقل ملكة .. انتم بعمر نايف و نواف ..

ضاحي : هيه صدقك بس تدري حنا شي ببالنا شيء ..

تركي : هههههههههههههههههههههههههه ايييييه قولوا من البداية انكم حاطين ببالكم شيء ..

هزاع : هههههههههههههه هاي ضاحي فضيحة .. ما عليكم من رمسته ..

جاسم : انزين شرأيكم نتسابق سباحة ..

خليفة : صج و الله خاطري أسبح ..

أحمد : نشوا عيل .. نتسابق يميعنا ..

ابو جاسم : سيروا انتم يا الشباب و أنا أكون حكم عليكم ..

هيثم : ليش .. شاركوناا ..

ابو متعب : لااا بس الشباب وش يقدرنا حنا الشياب ..

فارس : انزين يالله نشوا شباب ..

و لف علينا و ناظر شاهه ..

فارس : عاد أبـا أسمع صوتج و زغاريدج يوم أفوز ..

نواف : انت بـ الأول فوز عقب تفلسف ..

فارس : ههههههههههههههههههههههههه انزيـن يالله ..

نزلوا كل الشباب تي شيرتاتهم .. و جلسوا بـ البناطيل القطنيه بس .. حسيت نفسي منحرجه .. لفّ علي هيثم ..

هيثم : هالحين تجوفين ريلج .. . كيف يرفع رأسج ..

ناظره تركي بنظرة لكنه لف لخالد يوم ناداه .. شفت خالد يكلمه ..

و تركي ابتسم و ربت على كتفه و هو يهمس ..

تركي : ما دخنت اليوم لا تخاف ..

استغربت بس ما اهتميت .. رديت عيني لهيثم ..

ريمان : عاد نشوف يا ويلك تفشلني ..

هيثم : أفـــااا عليج هالحين تجوفين بعينج اني قدها ..

ريمان : زيـن أنا واثقة منك ..

ابتسم و أرسل لي بوسة طايره و لف و شفته يروح لتركي و يكلمه ..

استغربت يوم شفت تركي تتغير ملامحه للمفاجأه و عقب للعصبية ..

مسك هيثم من ذراعه و قال له شيء عقب دفه عنه عقدت حواجبي شفيهم بس شفت هيثم يربت على كتفه

و هو يكلمه و يضحك بس تركي بعد عنه يده / اصطفوا الشباب و ناظروا خالي ابو جاسم ..

ضاحي : يالله عمي come on ..

ابو حميد : انت اصطف و لا ترمس قال come on قال ..

ام حميد : هههههههههههه فديته ولدي يعرف لـ الإنجليزي خله برأيه ..

أرسل لها ضاحي بوسة ..

ضاحي : فديتج أم ضاحي ماشي غيرج يفهمني ..

ابو جاسم : يالله انت .. اصطلب بصفر ..

اصطفوا الشباب كلهم .. شفت تركي مايل بوقفته و يناظر هيثم باحتقار اللي يسولف له ..

استغربت وشو له هيثم يسولف مع تركي دامه يناظره كذه بس شوي ناظر تركي قدام يوم بدي خالي يعد ..

ابو جاسم : بـ تسبحون لهناك عقب تردون انزين و ماشي اختصار و لا تدزون بعض ..

أحمد : هههههههههههههههههه شــوه جايفنا يهال خالي ..

ريمان : هههههههههههههههههههه ايه والله خالي صفر و بس تراهم رجاجيل ..

ابو جاسم : ههههههههه انزين يالله استعدوا .. واحد .. ثنين ..

دخلوا الشباب شوي في الموية عقب انحنوا .. شفت عمي خالد يكلم تركي في حزم و تركي يهز رأسه بمعنى

.. " زيـن زين " .. أدفع نص عمري و أعرف بوشو يكلمه عمي ..

ابو جاسم : ثلاثة يـــا الله ..

دخلوا الشباب كلهم في الموية و بدوا يسبحون ..

بـ الأول كان خالي خليفة و جاسم و خالد قريبين من بعض و بعدهم أحمد و حميد و بندر عقب هيثم و فارس و ضاحي ..

أما متعب و ماجد و محمد ما دخلوا السباق و بعد هزاع و نواف و نايف و راكان مثلهم ..

متعب و ماجد و محمد قالوا ما فينا و راكان و نواف و نايف و هزاع اللي قال ما نعرف للسباحة

و اللي قال لا تسلمون كلش و لا البحر ما أحبه بس الغريب ان تركي آخر واحد و كان يسبح ببطء ..

يعني بهدوء عكس الباقيين كانوا يسبحون بسرعة و قوة .. المهم وصلوا للنقطة و ردوا كلهم ..

و لما وصل تركي للنقطة .. ناظرهم عقب بدي يسبح بقوة و سرعة ..

يـــا ويــلــي منه و الله انه ذكي يبيهم يتعبون عقب هو يلعب لعبته شفته تخطى ضاحي و فارس ..

و يوم وصل لهيثم ابتسم له و عداه و بسرعة أكبر سبح يوم شاف اللي قبله بـ يوصلون ..

كلنا انهبلنا و وقفنا تشجيع يوم شفناه تعدى الكل و جلس يسبح بسرعة حسيت به تعبان لأنه كان عاقد حواجبه

و عاض على شفته .. المهم انه وصل ..

ابو جاسم : المـركـز الأول تركي ..

صفقت له خالتي ام ماجد و جدتي و بعد الكل بس أنا جلست أناظره بصدمة ..

بل ما أسرعك وصل عقبه خالد عقب خليفة .. عقب هيثم ناظرته بنص عين و هو ابتسم ببراءة بس

اللي استغربت منه انه ناظر تركي بارتباك ..

أمـا تركي انسدح على طول على الأرض و هو مغمض عيونه و يتنفس بسرعة

عقب وصل بندر و فارس و ضاحي و الباقيين صفقنا لهم كلنا ..

لأنه بصراحة وناسه كانت المسابقة و ما هم أحد سواء فاز و لاّ خسر ..

شوي جلس تركي و ابتسم لهيثم و قال له بنبرة تشفي و تشمت ..

تركي : شايف اني أحبها أكثر منك و بكل تأكيد أنا أستحقها أكثر عنك ..

عقدت حواجبي بوشو يتكلمون و الله حيروني / استغربت ان هيثم ساكت و لا رد ..

ناظره تركي بنظرة و مشي على الشاليه جلسنا مرة ثانية نسولف ..

عدا اللي سبحوا راحوا يأخذون شاور عقب واحد ورى الثاني رد ..

ابو ماجد : ويــن تركي ..

بندر : راح نام , صدره شب عليه ..

ابو ماجد : و انت بدل ما تتفلسف كان منعته يسبح ..

خالد : و الله قلت له يا أخوي بس رفض و أصر انه يسبح و هالحين صدره ماسكه بس يكح ..

نايف : أنا بروح أجلس معه ..

قام نايف و راح له استغربت شفيه تركي .. مريض بـ وشـو ..

جدي خليل : شوه به تركي مريض بصدره ..

ابو ماجد : الله يسلمك معه الربو من ولد و قال الدكتور ممكن يروح عنه

اذا صار عمره 8 سنين بس للأسف ما راح و مسك معه على طول ..

ابو جاسم : عسى ربي يشافيه يا رب ..

ابو ماجد : ان شاء الله مع اني ما أظن يروح عنه اذا أستمر يبلع السجاير كل يوم ..

ابو حميد : أبيه و يدخن بعد لا هاي واايد مينون .. امنعوه لازم تحطون حد ..

ام ماجد : و الله تعبت معه أصلا هو ما كان يدخن بس قبل ثلاث اشهر دخل البيت و هو يدخن ..

ريمان : و ما كلمتيه خالتيه ..

ام ماجد : ايييييه كلمته و تعبت بس هو ما يرد و أحيانا يقول زين زيـن و لا يتركه ..

أبشركم صارت خالتي ام تركي عادي معي بالعكس صارت أحسن حـيـل .. ^^

****************************

دخلت الغرفة

شفت تركي منسدح و مغطي وجهه و يكح .. يا ربي لك الحمد و الشكر قايله لا تسبح ..

جلست جنبه على السرير و هو ناظرني و ابتسم ..

تركي : زيــن جيت يا حبيلك كلهم راحوا عداك ..

ابتسمت و حطيت يدّي على جبهته أقيس حرارته أصلا بدون ما يقول لي تعال بجيه ..

ما في غيره أحب أجلس معه و هو من بد أولاد أعمامي أغليــه حيل ..

غمض عيونه و جلس يسولف لي ..

تركي : شفت الخسيس اللي يسمّونه هيثم ..

نايف : ايه ..

تركي : قبل لا نبدأ بـ السباحة مسكني و قال لي [ أبي أتحداك على شيء ..

نايف : أيـه و وش الشيء اللي تحداك به ..

فتح عيونه و مسك يدي و هو يقول بصوت مبحوح من صدره ..

تركي : قال لي : اللي بـ يكسب المركز الأول هو اللي يحب الريم أكثر من الثاني ..

ناظرته بصدمة جد انه خسيس ..

نايف : و الله انه كلب ..

تركي : ايييييه أدرري ..

ابتسمت و ضربته على رأسه بـ مزح ..

نايف : أجل تحب الريم أكثر منه هااااه ..

تركي : هههههههههههههههههههههه الا أعشقها مو أحبها بس ..

سكت و الله دوم أتمنى ان ريمان تكون من نصيبه لكن للأسف ..

تركي : تذكر اللي شفناه بـ جواله ..

نايف : ايه و هو شيء يتنسى و الله انه حقير ..

تركي : و الله ما راح تصدق يا نايف .. أنا .. أنـ ..

و سكت حسيت به يبي يقول شيء بس متردد بس بـ الأخير تنهد و تكلم ..

تركي : أنا أعترف آني تزوجت بنيّه عقب طلّقتها بعد خمسة أشهر بس ...

نايف قاطعته : هـــااااه ..

انصدمت شيقول ذا ..

تركي : و الله ما لي دخل هي اللي جات لحدي و قالت تزوّجني ..

نايف : متى و وين ..

ابتسم و صار يقلب بـ جواله بارتباك .. حسيت به منحرج ..

تركي : لمّا كان عمري 22 سنة .. هي وحدة كويتية ..

نايف : أهــااا قبل ثلاث سنوات ..

تركي : ايييييه و الله ندممان أنّي طاوعتها بس كنت متضايق و هي جات و فكّرت أنّها بتلهيني ..

نايف : بس اشلووون أقصد قابلت أهلها أو اشلون بالضبط ..

ترددّ قبل لا يتكلّم و قال لي سالفة البنت كلّها و أنا ابتسمت بذهول و همست ..

نايف : صدق أنّ وراك سواهي ..

تركي : ههههههههه لا تقول / والله ندمممممان ..

نايف : لا لا تندم و لا تعذّب روحك .. هي اللّي جابته لنفسها ..

ابتسم بارتباك بعد و هزّ راسه قبل لا يشيل عينه لجواله / رجع و همس ..

تركي : نايف ترى انت الوحيد اللي قلت له بس إلياس رحمة الله عليه هو الوحيد اللّي كان يدري ..

نايف : سرك في بيــر و دامك اخترتني من بد الشباب و الله لا أحطك بـ عيوني ..

تركي : ما قلت لبندر و لا خالد لأنهم محارم لريمان و بعد لأنك انت الوحيد اللي ارتاح له ..

نايف : تسلم و الله و ترى الشعور متبادل ..

ابتسم لي و رجع يتكلم ..

تركي : و مثل ما قلت لك أنا صح صح سوّيت اللّي سويته بس أنا كنت متزوّجها على شرع الله و رسوله ..

بس هو كان في الفيديو يراقصها و ألله أعلم يمكن نام معها بعععد و تدري عاد نفسيتي انقفلت ..

نايف : ههههههههههههههههههههه تدري خاطري تشوف ريمان المقطع ..

تركي : ما راح تشوفه لأنه يغير الميموري ثم حرام تشوفه ريم بريئة و الله ما تستاهل ..

نايف : ايه و الله صادق ..

تركي : أنا جد ما أبيها تشوفه حتى لو كان يعني أنها بتتزوجه و أظلّ أنا أراقب بس ما أبيها تنجرح ..

ابتسمت آه بس يا الريم لو تعرفين اشكثر يحبك هالتركي ..

تركي : و بسسس جيب سالفه ثانيه ..

نايف : هههههههههههه اوكي ..

و ابتسمت و جلست اسولف معه .. عقب طلعنا بعد ما صلينا المغرب عشان نجلس مع الأهل ..

***********************************************

.. (( مرت الأيام عادية .. على أهل ريمان .. لكن اللي تجد ان بشار عرف منهو تركي ..

و عرف انه هو اللي شافه مع عساف و من جهة ثانية .. سأل هيثم عن اللي رافع له ضغطه و قال له ..

انه بيرسل صورة اللي آذى الجازي و اذا هو نفسه ولد عم ريمان .. يصير خير .. طبعا و بدون شك طلع هو ..

المهم ان بشار تضايق و هيثم قال له خلها علي أنا .. !

بصراحة محد يدري وش تخبي الأيام سواء لهيثم و لاّ لتركي و لاّ لـ ريمان و هي الأهم ..

الدنيا مهيب آمنه يمكن في أي وقت تتغير .. !! أنا ما قلت شيء لكن الدنيا هي اللي تمشي .. !!

و الواقع هو اللي يحكي عن نفسه و يقص سواليفه .. !! )) ..

*******************************************

نهآيةة البارت الثالث و الثلاثين . .

توقعااتكم للاحداث ,

و ايش راح يسوي بشار مع تركي . .

و مصير هيثم و ميثاا و ريماان و تركي ^^

و ان شاء الله عجبتكم الاحدااث

آلبآارت الرآبع و الثلااثين .. '$

*************************************************

.. (( البحريييين : المناامه ** تركي )) ..

طلعت من الشاليه و رحت على السياره اللّي استأجرناها انا و نايف اذا حبينا نآخذ لفّه في البحرين ..

فكرت أغيّر عن جوّ الشاليه الخانق .. حرّكت بالسيارة و صرت أدور الشوارع بلا هدف بس اناظر هنا و هناك

قبل لا اوقف عند متحف البحرين الوطني / تفاجأت و أنا طالع منه و راجع لسيارتي اني ما كنت أعرف أيّ شيء

عن البحرين غير السلبيّات !! ابتسمت و أنا أركب السيارة لو الياس زاره بيتفاجأ أكيد و بيقول :

[ تركي و الله ان البحرين دولة عزّ و رجال ] ..

رحت لقلعة عراد و درتها كلها و كان منظر الخليج جدا جمميل من فوق , رفعت كاميراتي و صورت يخت

بشراعه الأبيض الكبير ..

**********************************************

.. (( الجاازي )) ..

كانت الرحلة للبحرين أحسن حلّ , زين من ابويا انه يابنا هني انا و امي .. ابتسمت و أنا افرد ذراعيني و أتنسم

عبير الخليج من دريشة قلعة عراد . . صج ان البحر يردّ الروح / نزلت ذراعيني و أنا افكر ان تركي اللّي قال لي جذي

لما كنا في المحرق بعد زواجنا بشهر . .

تنهدت و لفّيت عشان أروح لأمي و أبويا و طاحت عيني على شاب رافع كاميرته و يصوّر و لمّا التفت و هو مبتسم

و محني راسه يطالع الصوره انصدمت / جان تركي تصلّبت ثواني و حّسيت بمشاعري تضطرب شسوي الفّ و اهرب ..

رفع راسه و يات عيني بعينه تجمّد لدقايق قبل لا يهمس باسمي ..

و انا على طول لفّيت عنه باهرب منه / مالي خاطر اجوفه مالي خاطر اجوف اللّي ضيّعت حب حياتي عشانه !

و للحظه ما حسيت إلاّ بيدّه تشدّني عشان ما اهرب . .

**********************************************

ناظرتها لدقايق قبل لا اهمس باسمها مره ثانيه .. مب مصدق انها هنا / اوكي يمكن مصادفتي لها في البحرين

مب صدفه لانها قدر , الله وحده يعلم اشكثر معذبني الّلي سويته بها لأنها ببساطه ما كانت تستحق . .

حتى و ان كان هي اللّي لحقت وراي حتى و ان كان هي اللّي اغوتني / كانت , كانت طفله و أنا استغليتها !

تركي : الجازي ..

سحبت ذراعها من يدي و رفعت راسها بكبرياء و برود و هي تهمس ..

الجازي : تركي !

ابتسمت ايه هاذي الجازي اللّي من أوّلها لآخرها عكس الريم / حتى في مواجهتها لي ..!!

الجازي : ليه تبتسم ؟ ما احيدني قلت شيء يسلّيك ..

تركي : لا , لا ما قلتي ..

كتفت يدينها قدامي و همست ..

الجازي : اشتبي انزين ؟

ترددت قبل لا أتكلّم بس في النهايه تكلّمت و قلت كلّ اللّي بخاطري ..

**********************************************

.. (( الــــجـــازي )) ..

تفاجأت وايد مع كلّ كلمه جان تركي يقولها لي , جان يوصف لي اشكثر اهو آسف أنّه استغلّني ,

جان يتأسّف و عيونه واضح فيها الحزن مع الألم مع الندم جانت مشاعره صادجه ..

نزّلت يديني و تمّيت اطالعه و أنا أفكر بحيره ليه ليه يتعذّر ..؟ أنا اللّي يبته لنفسي أنا اللي لاحقته مب هو ..

الجازي : تركي لا تعتذر أنا اللّي لاحقتك ..

رفع ايده و أشر على نفسه و بقلة حيله همس ..

تركي : و أنا استغلّيتك أنا اللّي استغلّيت حبك و براءتك عشان أنسى الوضع اللّي كنت فيه ..

نزّلت راسي و تمّيت ألعب باصابعي مب عارفه شقول او شنو ارد عليه ..

تركي بهمس : من حقك تكرهيني من حقك تدعين عليّ بس ..

رفعت راسي اقاطعه بسرعه ..

الجازي : أنا ما اكرهك تركي و لا عمري دعيت عليك .. آه أوكي يمكن في اول الشهور بس عقب لا ..

بالعكس كنت ممتنّه ! تقدر تقول انك خلّيتني أنضج ..

طالعني للحظات قبل لا يبتسم و يمد ايده .. غمضت عيوني لمّا مسح على راسي و همس ..

تركي : بععد آسف , اسف لأني دمّرت مشاعرك , حياتك , براءتك آسف ..

طالعته و ابتسمت و أنا احس بدموعي تيتمع بعيوني ..

الجازي : مسامحتك تركي ..

تركي بهمس : ما أستحق و ربي ..

ابتسمت له و طالعت كاميرته و شهقت بمفاجاه ..

الجازي : لين الحينه عندك ..!!

ابتسم و رفع الكاميرا اللّي اشتريتها له قبل ثلاث سنين , و بالهواش رضي يقبلها ..

تركي : ايه و أنا اقدر أرميها ..

طالعته و دموعي خلاص سالت , ابتسم و مدّ اصبعه و مسح دمعتي ..

تركي : الجازي لا تظنين اني بس استغليتك , الجازي محد يعرفك و ما يقدر يحبك ..

همست بصوت أجش و أنا اقفل عيوني ..

الجازي : انزين ليش خلّيتني , لييشش رحت و تركتني , انته ما تدري اشكثر افتقدتك ..

تمّ لحظات ساكت عقب تنهّد و همس و هو يمسك يدي و يشدّ عليها ..

تركي : تبين الصدق ..؟

بلعت ريجي و شتتّ نظراتي , الصج يمكن يجرحني .. بس لا , لازم أدري لأنّه يمكن ما نلتقي عقب ..

الجازي : ايه أبي الصج ..

تركي : الجازي أنا حبّيتك أكذب ان قلت لاا .. بس , بس كنت و ما زلت ملك لغيرك , ما كنت لك كلّك

و انتي كنتي صغيره و كان الدرب قدّامك طويل و مفتوح , و أنا ما كنت أستحقّك ..

و شدّ علي ايدي ..

تركي : ما كنت استحقك الجازي , أنا ما استحق أيّ وحده فيكم إذا جينا للصدق ..!!

استغربت كلامه مين جان يقصد بالثاانيه و عقب فكّرت يمكن يقصد اللّي هو ملكها أو بالأصح اللّي قلبه ملكها ..

قبل لا تييني الفرصه اردّ قطع علينا صوت أبوي .. نطّيت في مكاني و لفّيت أطالع ابوي المعصب ..

شيء طبيعي و هو جايفني أحجي مع ريّال ما يعرفه , و ابوي صار يدقق على كلّ شيء بعد اللّي صار ..

تركي بهمس : أبوك ..؟!

هزّيت راسي و أنا أبعد عنه و أفكر شنو راح يسوي تركي و قبل لا أسوي شيء فاجاني يوم مشي

لابوي بخطوات ثابته ..

الجازي : تركي ..!!

ما رد و شفته يآخذ يد ابوي يبي يسلّم عليها بس ابوي سحب يدها و سلّم عليه حربي قبل يساله ..

أبو الجازي : أعرفك الطيّب ..؟

وقف تركي متصّلب لثواني قبل يهمس ..

تركي : أنا طليق الجازي ..!!!

تلوّن ويه أبويا و سمعت شهقة أمي و جفتها تتمّسك في ذراع ابوي و توّها يات ..

أبو الجازي بهمس : و لك جرأه تورّيني ويهك , سوّدت ويوهنا حسبي الله عليك ..

الجازي : يبه ..!

أبو الجازي : جب انتي , شنو تسوين كنتي و انتي تحجين معه ما يكفي اللّي سواه فيج ..

الجازي : يبه قلتلك ألف مره انا اللّي لاحقت وراه ..

قاطعني تركي بعصبيّه ..

تركي : و اناا اللّي استغلّيتك ..!

و أشرّ بيده لي يعني أسكتي و خلّيني أتكلّم .. لفّ على أمي و ابوي قبل يهمس ..

تركي : أنا استغلّيت بنتكم , بنتكم بريئه من ايّ ذنب عند ربها و عندكم .. تعرفون كانت طفله و المفروض انّي

ما سوّيت اللّي سوّيته و أني رشدتها للدرب الصح .. بس , بس أنا كنت في وضع تعبان و كانت هي مثل البلسم وقتها ..

أم الجازي : جب بس جب لا تحجي أكثر , انته استغلّيت بنتي و حرقت قلبها بس ..

كنت للحين حاطه ايدي على قلبي خايفه شنو بيصير و شنو بيسوي أبوي , لفّ عليّ تركي و همس جأنّه جان يأكّد لي

اللّي قال لي اياه قبل ..

يتبع ,,,

👇👇👇