رواية طاوعك قلبك تخليني وتروح -2
ام نوف : هالكلمه ماتقولينها انتي ، ابوج الي راح يقرر
نوف : يمه شفتيها شلون تتكلم ؟ تقوله وليش ترفضك ؟ حسستني اني مابغيت على الله يتقدم لي واحد مثله و غصبن عني اوافق
ام نوف : ماكان قصدها جذي
نوف : بلى يمه مو عشان انا فقيرة ابيع نفسي
ام نوف : وه عورتي راسي بهالحجي ، عاجبتنج العيشه بهالمكان؟ انتي و اخوانج بغرفه وحده
نوف : ايه عاجبتني ، ماشكيت الحال
ام نوف : الحجي هذا وراه حجي اكبر ، عندج شي خاشتنه مدري عنه؟
نوف : شنو يعني ؟
ام نوف : قولي لي اذا عندج شي خاشته عني
نوف : ماعندي يمه ماعندي
ام نوف : على راحتج بس انا بقول لأبوج وهو يتصرف وياج
اغلقت الباب ام نوف وشعرت حينها نوف بأن الحيآه تغلق ابواب الأمل في وجهها
و جاء اتصال يوسف يدرك آخر آمل يحتضر في قلبهآ
نوف : هلاا سميه
يوسف : هلا حبيبتي ، معاج احد ؟
نوف : ايه بالغرفه مع خواتي
يوسف : شفيج ، ؟
نوف : متضاايقه حيل
يوسف : ليش عسى ماشر ؟
نوف : بعدين بقولج
يوسف : تكلمي الحين ، تبيني اقعد على اعصابي لين بعدين؟
نوف : متقدم لي واحد
يوسف : منو هالواحد؟
نوف : مدري ماعرفه بس من عائلة غنيه
يوسف : واكيد هلج يبونه
نوف : اكيد
يوسف : وانتي شبتسوين؟
نوف : مستحيل اوافق
يوسف : ماتعرفين هالولد من اي عائلة؟
نوف : لا والله ما سألت بس اكيد امي تدري
يوسف : اسأليها وقولي لي
نوف : ليش؟
يوسف : سأليها انتي ولا عليج
نوف : دقيقه
وفي زآوية أخرى تجلس أم نوف تحيك من الصوف مآ يسد حآجة أطفآلهآ من ملابس
نوف : يمه
ام نوف : خير؟
نوف : الولد من اي عائلة؟
ام نوف : من بيت الرآشد
نوف : امم اسمه راشد الراشد؟
ام نوف : ايه ، ليش؟
نوف : بس جذي
نوف : الو
يوسف : هلا حبيبتي
نوف : عرفت اسمه
يوسف : شنهو
نوف : راشد الراشد
يوسف: من عائلة الراشد؟
نوف: ايه
يوسف : اها ، هذول مو تجار
نوف : بس باين عليهم تجار
يوسف : ايه بس مو من التجار الي الواحد يطير فيهم ويزوجهم بناته
نوف : امي وابوي يبون يقللون الحمل عليهم
يوسف : يبيعونج يعني؟
نوف : مدري ، قولي لي شسوي
يوسف : تبين اتقدم لج؟
نوف وقد شعرت لأول مرة بأنه قلبهآ يخفق بـ جنون : ياليت
يوسف : بس ابوي ماتوقع يوافق
نوف : ليش؟
يوسف : لانه يبيني لبنت عمي الي عايشه بدبي
نوف : اها ؟ وبعدين . !
يوسف : فديتهم الي قلبهم اشتعل نار
نوف : موو وقته انا بحيره بمووت والله
يوسف : اسم الله عليج
نوف : شسوي لا؟
يوسف : خلاص اكلمه اليوم وصدقيني لو ابيع عمري كله بس ماراح تروحين لغيري
وفي عآلم يختلف بحجم السمآء السآبعه عن عآلم نوف
يجلس يوسف في أرقى أنوآع الخشب الألمآني
يقف بـ كسل قططي
وكأنه ُ يثق أشد الثقه بأنه نوف أحدى أملآكه التي لآ يمكن لغيّره أن يستولي عليها
يذهب إلى الطآبق العلوي
لـ يجد أمه تجلس أمآم شآشة التلفآز وبـ ضحكه رقيقه تعبّر عن مشآعرهآ أتجآه مآ تشآهد ,,
يوسف : مآمي
ام يوسف : هلا حبيبي
يوسف : ابي اكلمج بموضوع
ام يوسف : اسمعك قلبي قول
يوسف : يمه ابي اتزوج
ام يوسف : ههههه كبر ولدي
يوسف : يمه انا احبها
ام يوسف : ومن هالمحظوظه الي خذت قلب الغالي؟
يوسف : يمه بنت لو شفتيها متأكد راح تحبيهآ
ام يوسف : امممم من متى تعرفها؟
يوسف : من زمان يمه ، ثلاث سنين
ام يوسف : وليش ماعلمت امك؟
يوسف : ماكنت متصور اني احبها موت
ام يوسف : وشلون تأكدت بحبك ؟
يوسف : لما حسيت غيري بياخذها مني
ام يوسف : يمكن مو حب ، يمكن اعجاب استملاكي لا غير , !
يوسف : يالغاليه مو وقت هالنظريات ، كلمي ابوي
ام يوسف : وليش ماتكلمه انت؟
يوسف : يحبج موت ومايرفض لج طلب
ام يوسف : يحبك اكثر
يوسف : استحي يمه
ام يوسف : مو عادتك ليش؟ من بنته
يوسف : البنت بصراحه فقيره حيل ، يعني حالتهم صعبه
ام يوسف : وابوك بيرضى؟
يوسف : اقنعيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ام يوسف : حبيبي أبوك كل شي بوآفق عليه إلآ هالمسأله هذي
يوسف : يمه البنت مو ذنبها تكون فقيره
ام يوسف : فاهمه ياعمري بس صعبه ابوك يتقبلها
يوسف : صدقيني يمه اذا ماصارت من نصيبي راح اذبح روحي
ام يوسف : لهدرجه تحبها؟
يوسف : اكثر يمه اكثر
ام يوسف : بحاول أقنعه بكل طريقه
يوسف : بيقتنع يمه
ام يوسف : لاتنسى يا قلبي ابوك ماعنده الا انت واختك يعني يبي لكم الزين
يوسف : نوف الزين يمه
ام يوسف : اسمها نوف؟
يوسف : ايه
ام يوسف : اذا رجع ابوك بكلمه
يوسف : تستاهلين هالبوووسه يا احلى أم بالدنيااااا
ام يوسف : ههههه بعد عمري
-
وتمر سآعه يكون يوسف ونوف في حآلة سكون صآرخ ,. !
ام يوسف : يوسف حبيبي
يوسف : هلا يمه
ام يوسف : صوت ابوك ؟
يوسف : ايه
ام يوسف : خبر الخدم يجي عندي
يوسف : ان شاء الله الغاليه
خلال دقيقه يكون أبو يوسف قد أستجآب ندآئهآ
أبو يوسف : هلا بزوجتي
ام يوسف : هلا حبيبي
ابو يوسف : ها عسى ماشر ؟ شفيج
ام يوسف : مافيني حبيبي بس ولدك
ابو يوسف : يوووسف ! شفييييه
ام يوسف : مافيه الا الخير بس يبي يتزوج
ابو يوسف : احلى خبر ، وحاط احد في باله
ام يوسف : ايه
ابو يوسف : ايييه يا لغاليه يبون يكبرونآ
ام يوسف : ههههه العيال كبروآ يآ عبدالرحمن
ابو يوسف : العمر يمضى ولا نحس فيه
ام يوسف : ايه اهو يبيك تخطب له
ابو يوسف : وماتعرفين من بنته؟
ام يوسف : لا والله
ابو يوسف : وليش مايجي يكلمني ؟
ام يوسف : مستحي
ابو يوسف : هههههههههه يسوف يستحي والله عجايب
ام يوسف : البنت يعني اهلها مو تجار على قد حالهم
ابو يوسف : شلون على قد حالهم؟
ام يوسف : فقاره
ابو يوسف : زين ماختار
ام يوسف : تمزح ؟
ابو يوسف : لا ليش امزح ؟ الفقيره تقدرين تسيطرين عليها وتكون خاتم بصبع ولدك
ام يوسف : لا ماعتقد يفكر يوسف بهالطريقه يحبها لأنه
ابو يوسف : حصل خير نسأل عنهم و نشوف الي فيه الخير
-
تكون ام يوسف في حيرة من أمرهآ ..
( معقوله عبدالرحمن يفكر بهالطريقه ؟ معقوله يوافق بسهوله يعطي ولده لـ وحده مالهآ نسب ولآ حسب . ! أحس الأمر غريب بالنسبة لي بس بروح أبشر يوسف .. )
-
ام يوسف : يوسف حبيبي عندك لك خبر يسوى مليون بوسه
يوسف : لا تقولين أنه .........
ام يوسف : ايييييه
يوسف : لا لا يمه ، قولي والله
ام يوسف : حبيبي اجذب عليك يعني؟
يوسف : ورب الكعبه انج احلى ملووكه بالدنيا
ام يوسف : استح ياولد
يوسف : احبج موووت
ام يوسف : روح لأبوك
يوسف : وينه حمآني خل نبوّس فيه
ام يوسف : هههههههههههه في غرفته
يوسف : مشكورة يالغاليه انتي
ام يوسف : انزين يمه روح اشكر ابوك
يكون حينهآ يوسف في حآلة من الفرح الأسطوري
فـ قد أعتآد دآئما ً أن تحقق أمآنيه
و تكون أحلآمه حقيقه
-
يذهب يوسف للطابق العلوي
ليجد وآلده يقف أمآم النآفذه المُطّله على حديقة المنزل
يوسف : هلا هلا حماني
ابو يوسف : ههههه هلا حبيبي
يوسف : وافقت ؟
ابو يوسف : وفي مرة يوسف قال شي وقلت له لا؟
يوسف : احبك مووووت يالغالي
ابو يوسف : شسم ابوهآ؟
يوسف: اسمه جاسم عبدالله
ابو يوسف : طبعا ً مهو بمعروف صح؟
يوسف : ايه يبه ناس على قد حالهم
ابو يوسف : طيب باجر العصر تاخذنا ونروح بيتهم
يوسف : من صدقك يبه؟
ابو يوسف: اييه يبه ابي اشوف ذوق ولدي واهل البنت الي راح تكون كنتي
يوسف : ان شاء الله يبه
ابو يوسف : طيب يبه روح نام عشان باجر تدوام بالشركه
يوسف: ان شاااء الله يالغالي
يذهب يوسف لـ يشآرك فرحته نوف
وكآدت الأرض لآ تقوى على إحتضآن سعآدته , !
تكون نوف في حآلة من الذهول أمآم وآقع غريب ., !
يفاجئهآ أتصآل يوسف
فـ تجيب فورا ً
نوف : الووو
يوسف : هلا هلا
نوف : هلا حبيبتي
يوسف : من وياج
نوف : خواتي
يوسف : انزين عندي لج خبر بمليون
نوف : ههه مليون شنو ؟
يوسف : دينار
نوف : احنا لو تفتشنا واحد واحد ماراح تلقى معانا دينارين مو بعد مليون
يوسف : ههههههههههههه وااي منج بس
نوف : شهالخبر؟
يوسف : ابوي واااااافق
نوف : احلف قول والله لا لا ماصدق
يوسف : اشفيج حبيبتي ، وقسم بالله رضى
نوف : اروح اكلم أمي؟
يوسف : لاا شفيج باجر انا وابوي بنيي بيتكم و بنفاتحهم بالموضوع
نوف : احببببببببببببببببببج موووووت وقسم بالله
وتغلق نوف الهآتف
لـ تبحر خيالا ً إلى أرض ليلى
تكون الأميره هُنآك
تمكث في عرش بلقيس
ترى الألمآس دخيل يديهآ
والجوري يبحر في عنقهآ المطرز بـ ذهب بآريس
يآلله ..
كم أحبه , !
ترى السآعه تسير متبآطئة على غيّر عآدتهآ
أو ربمآ شوقهآ للغد أكبر من مقدرتهآ على التحمل
فـ الظلآم جآمح
و الغد سيكون جسر نقل من عآلم الإنكسآر إلى عآلم الجنون .!
-
وفي اليوم التآلي
تكون السآعه مقآربة للسآبعه والنصف صباحا ً
يكون يوسف ( أمير ) في عالم الرفآهيه
يستقيظ على أصوآت الكنآري
و موسيقى فيروز
أمآ نوف فـ تستيقظ على أصوآت الضجيج من أطفآل الحي
وكأنهآ تمكث في أحد أحيآء مصر القديمه . !
يكون الضجيج الخآرجي أرحم من صوت البكآء الذي يستثيرهآ غضبا ً
نوف : يمممه عاااد والله مو حاله هذي ، بس شهالأزعاااااج
ام نوف : شتبيني اسوي يعني ؟ قومي عشان تروحين المدرسه
نوف : اففف ياربي مو حياه هذي كل يوم نقعد على صرآخ والله تعبنا
ام نوف : اشوفج تشتكين اليوم ، !
نوف : ايه بشتكي لاني تعبت من هالحياه
كآن ذلك السينآريو المتكرر كل صبآح في منزل نوف
أمآ يوسف فـ يقوم بنشآط على غيّر عآدته
فـ هذه اليوم مختلف بالنسبة له
يذهب يوسف للجنآح الخآص بأمه ليلقي عليهآ تحيّة الصبآح
يوسف : هلا بالورد
ام يوسف : هلا حبيبي
يوسف : صبآحج خير
ام يوسف : صبآحك ورد
يوسف : عسى بس كانت نومه حلوة
ام يوسف : والي يشوف ويهك قبل لا ينام بتكون نومته شنو؟
يوسف : هههههههههه بعد عمري والله ، ابيج اليوم تدعين لي
ام يوسف : خير حبيبي؟
يوسف : اليوم مهم بالنسبة لي ، بروح مع الوالد بيت نوف
ام يوسف: بهالسرعه ؟
يوسف : ايه
ام يوسف : ابوك سأل عنهم
يوسف : قال بروح يشوفهم ويتكلم معاهم
ام يوسف: الله يوفقك حبيبي ...
يرحل يوسف لـ تبقى أم يوسف تفكر بـ حيرة قآتله ( معقوله عبدالرحمن يوافق بهالسرعه . ! ، شلي برآسه ، اخاف يذبح فرحة الولد .. الله يستر بس مدري ليش احس قلبي مو مرتاح من هالموضوع ,, )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ويمر الوقت حتى تعلن عقآرب السآعه قد حآن الموعد الأهم بالنسبة لـ قلبهآ وقلبه
أنهآ الرآبعه والنصف عصرا ً ...
وفي منزل أبو يوسف .. /
يوسف : يبه
ابو يوسف : ادري شبتقول
يوسف : انا جهزت
ابو يوسف : وانا ماعندي شي ، جاهز
يوسف : نروح الحين؟
ابو يوسف : امك ماتبي تجي ويانا؟
يوسف : ماقلت لها؟
ابو يوسف : روح اسألها ..
يوسف : امي طالعه مع صديقآتهآ
ابو يوسف : طيب روح سيارتك وانا الحقك الحين
يوسف : بسيارتي نروح ؟
ابو يوسف : ايه
يوسف : ان شاء الله ..
وخلال رحلة الوصول إلى منزل نوف ، كآن الصمت حليف يوسف وأبوه , !
حتى توقفت سيآرة يوسف ، ليدرك وآلده أنهم قد وصلوآ إلى مكآن لآ يرتقى بـ مكآنته
ابو يوسف : يبه هذا البيت؟
يوسف : ايه يبه
ابو يوسف : هذا بأي منطقه يصير؟
يوسف : ليش يبه
ابو يوسف : والله حاسس حالي داخل بـ حي مو موجود بـ ديرتنا
يوسف : قلت لك يبه ناس على قد حالهم
ابو يوسف : طيب نتوكل على الله
تكون نوف في حآلة رعب جدا ً .. جدا ً .. جدا ً
يقآطع تفكيرهآ صوت أخوهآ أحمد ..
احمد : تفضلوا يآهلآ يآهلآ
ابو يوسف : هلا بك
احمد : مسآمحه بس البيت مو قد المقآم
ابو يوسف : مالنا في البيت حآجه ، اهل البيت الي قاصدين لهم
احمد : حياكم حياكم ، دقيقه انادي الوالد
احمد : يبه عندنا اكبارية في البيت
ابو نوف : من ؟
احمد : عبدالرحمن السآري
يكون ابو نوف في حآلة دهشه مجنوووونه ,.!
ابو نوف : والله زآرتنا البركه .. حياكم والله لو ندري بجيتكم فرشنا الارض ورد
ابو يوسف : هههه هلا هلا
ابو نوف : استريح استريح
ابو يوسف : طبعا ً عرفتني ؟
ابو نوف : ومن مايعرفك بهالديره
ابو يوسف : اييه
ابو نوف : شتشربون ؟
ابو يوسف : قهوتكم مشروبه
ابو نوف : لا لا مايصير تدخل البيت وماتشرب شي
ابو يوسف : استريح احنا جايين بموضوع اهم من القهوه .. ههه
ابو نوف : هههههههه آمر
ابو يوسف : جاي أخطب ولدي لـ بنتكم
ابو نوف : شنووو ؟؟ بنتنا لولدكم؟
ابو يوسف : اييه
ابو نوف : والله ابركها من ساعه ، وبنتي خدامه لولدكم
ابو يوسف : لا مانبيها خدامه
ابو نوف : تبون انادي البنت
ابو يوسف : نسأل الولد بالأول ، ها تبي تشوفها
يوسف : ههه مدري على رآحتكم بس انا ابيك انت تشوفها
ابو يوسف : نادو البنت
ابو نوف : ايييه الحين دقيقه
ابو نوف : ام نوف وين بنتج ؟ جاييين لكم خطاب ماتحلمون فيهم ولا بالنوم
ام نوف : منو؟
ابو نوف : ولد عبدالرحمن الساري جاي يخطب بنتج؟
ام نوف : نوووف ؟
ابو نوف : وينهااا يبون يشوفونهآ
ام نوف : دقيقه اناديهآ
وفي الغرفه الآخرى
ام نوف : نووف يمه قووومي
نوف : شصاير؟
ام نوف : لبسي وتعالي شوفي من جاي يخطبج
نوف : شلبس يمه؟
ام نوف : احلى ماعندج
نوف: ههه ماعندي الا الي لابسته
ام نوف : قووومي الحين ماعلينا
تستعد نوف للخروج أمآم رجل يرعبهآ ذكره
يالله كيف لي أن أوآجه والده
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك