رواية طاوعك قلبك تخليني وتروح -3
ابو نوف : ولد عبدالرحمن الساري جاي يخطب بنتج؟
ام نوف : نوووف ؟
ابو نوف : وينهااا يبون يشوفونهآ
ام نوف : دقيقه اناديهآ
وفي الغرفه الآخرى
ام نوف : نووف يمه قووومي
نوف : شصاير؟
ام نوف : لبسي وتعالي شوفي من جاي يخطبج
نوف : شلبس يمه؟
ام نوف : احلى ماعندج
نوف: ههه ماعندي الا الي لابسته
ام نوف : قووومي الحين ماعلينا
تستعد نوف للخروج أمآم رجل يرعبهآ ذكره
يالله كيف لي أن أوآجه والده
-
تكون نوف في تلك الدقيقه قد رحلت إلى أول لقآء جمعهآ بـ يوسف قبل ثلآث سنوآت
فـ لآ زآلت ترآه خلف سآحة المدرسة يعاكس الفتيآت
حتى وقع نظره عليهآ
كآنت تحلم به قبل أن يرآهآ
ترسم له من اللوحآت الكثير
تكتب له أغآني العشق الصآدقه
فلآ يسمعهآ سوآهآ والقمر , !
إلى حين تعرف إلى صديقتهآ ومن خلآلهآ توّصل إليهآ
ولآ تكآد تنسى حين منحهآ الهآتف كـ هديّه وطريقه للتوآصل بينهم
لآ زآلت تعشقه كـ أول لقآء جمعهم
ولآ زآلت تشعر بأنهآ التي أستحوذت على قلبه
فلآ غيرهآ فيه
لآ غيرهآ
تقف نوف أمآم الباب الفاصل بينهآ وبين يوسف وأبوه
لـ تطرقه بـ طرقآت خفيفه
ابو نوف : دخلي يبه
نوف : السلام عليكم
كآنت نظرآت يوسف أبلغ من الكلام
اما ابو يوسف فقد تغيّرت ملآمحه عندمآ رآهآ
فـ كآنت نوف رقيقه كـ الخزآمى
ابو يوسف : هلا بنتي
نوف : هلا ..
أبو يوسف : شلونج؟
نوف: الحمد لله
ابو يوسف : كم عمرها بنتنا؟
نوف : اخر سنه ثانويه يعني 18
ابو يوسف : ايه ماشاء الله
يوسف : شسمج؟
ابتسمت نوف رغم شعور الخوف الذي يعتريهآ
ابو نوف : اسمها نوف
يوسف : احلى الاسامي
نوف : تسلم ..
ابو يوسف : هذا ولدي يوسف عمره مابين الـ 23 و الـ 24 ، طبعا ً ماعندي غيره و أخته .. يشتغل معاي بشركتي و طبعا ً خريج من جآمعة نيويورك الأمريكيه
ابو نوف : والنعم والله
ابو يوسف : المهم احنا الحين تشرفنا بمعرفتكم وان شاء الله لنا تواجد ثاني
ابو نوف : البيت بيتكم اي وقت ترفسون الباب وتدخلون
ابو يوسف : الله يسلمك
لآ زآلت عيون يوسف ترآقب نوف
ونوف بين الحقيقه والخيآل ( تغرق )
-
ويمر يومآن ..
تكون الأوضآع هآدئه
فلآ خبر من يوسف
ولآ جديد في حيآة نوف سوىآ أن وآلدهآ رفض الخآطب الأول ( رآشد )
خلآل الأيآم التي مرت كآن وآلد يوسف يفكر بطريقة لآ تشبه أحد .. /
( البنت صغيره وحلوة وأهلهآ نآس على قد حآلهم . ! بس مالهآ حسب ولآ نسب ولآ أصل ، وهذا ولدي الوحيد يعني باجر عياله لما يتكلمون عن أهل امهم شبقولون ؟ صعبه شوي )
أمآ يوسف فـ كآن في أشد أيآمه سعآده . !
-
يجري حينهآ وآلد يوسف أتصآلآته المكثفه لـ يتعمق في معرفة تلك الأسرة الصغيره
وينجح في الوصول إلى جذورهم منذ جدهم الأول حتى آخر طفل
فـ يصعق أم يوسف بمآ يعرف
ابو يوسف : قومي شوفي فرحتي في ولدج
ام يوسف : خير حبيبي شصاير؟
ابو يوسف : شوفي ولدج يبي يناسب من؟
ام يوسف : من؟
ابو يوسف : ابوهآ من خريج السجون بقضآيآ سياسه واخوهآ مدمن مخدرآت
ام يوسف : شنوو ؟ ومن وين عرفت كل هذا ؟
ابو يوسف : لاتنسين انا من بهالديره
ام يوسف : والحين شبتسوي مع يوسف
ابو يوسف : ولدج ماراح يقتنع بهالكلام ، بس انا بخليه ينسى هالمووضوع
ام يوسف : والله قلبي يعورني عليه
ابو يوسف : لو كانت فقيره كان ممكن اوافق بس هذا النسب مستحيل اوافق عليه
كآنت تلك خآتمة الحديث بين عبدالرحمن الراسي وزوجته
وقلب نوف ويوسف في غفله من القآدم المجهول . !
كآن وآلد يوسف يعكس المثل القآئل ( الذيب مآيهرول عبث )
كآن يرسم لـ نوف لوحآت تحدد مستقبلهآ بـ طريقته الخآصه
حتى جآء ذلك اليوم الذي كآنت خآرجة من المدرسة في طريق عودتهآ للمنزل
تكون هنآك سيآرة فخمه جدا ً تلآحقهآ بـ بطىء
شعرت بالخوف يتسلل إلى قلبهآ
وكأنهآ شعرت بـ بعض مآ سيجري
نوف : نعم ؟ ليش تلاحقني ؟ شتبي؟
الرجل : انتي نوف ؟
نوف : ايه ، من انت ؟
الرجل : اي ياهلا ، انا من طرف يوسف عبدالرحمن
نوف : يوووسف ، اشفيه ؟
الرجل : اهو دازني لج يبي يشوفج ضروري
نوف : بس انا ماقدر اروح معاك
الرجل : قال لي ماراح يتأخر معاج دقايق بس
نوف : وهو وينه؟
الرجل : ينتظرنا بمطعم قريب لهالمنطقه
نوف : وليش مو يوسف الي يجي ياخذني؟
الرجل : والله هذي اشياء انا مدري عنها ، تقدرين تقولين انا عبد المأمور
نوف: طيب
صعدت نوف مع الرجل غير مدركه ماذا هُنآك وماهو المستخبي لهآ ., !
-
كآن طريق الوصول لـ يوسف بعيد بعض الشيء
لكن نوف لم تخشى المجهول أبدا ً
وذلك عندمآ تأكدت أن هذآ الرجل صآدق
فقد لمحت بعض أشيآء يوسف في السياره
وصلوآ إلى منطقه كآنت نوف لم تشآهدهآ قبيل ذلك
كآن المطعم فخم جدا ً
ويبدو بأن يوسف قد حجزه لهآ فقط ,, !
نزلت نوف وبخطوآت مجنون وصلت للدآخل
كآن هنآك رجل وآحد فقط
ولكن يآترى من يكون
فـ يستحيل أن يكون يوسف
وصلت له فألتفت لهآ بطريقة رقيقه
يآ آلهي أنه وآلده
وآلد يوسف
نوف : هلا ... وين يوسف؟ انامدري شسالفه ، واحد قال لي يوسف يبيني
ابو يوسف: ههههههه لا تخافين قعدي انا الي ابيج مو يوسف
نوف : خير ؟ شصاير؟
ابو يوسف : تفضلي و كل الخير ان شاء الله
نوف : ان شاء الله
ابو يوسف : نوف
نوف : لبيه
ابو يوسف: ابوج وين يشتغل؟
نوف : عامل نظآفه
ابو يوسف : عامل نظافه ؟ و لما انسجن من صرف عليكم
كنت دهشة نوف أكبر من قدرتهآ على الكلام ...
ابو يوسف : شربي ماي بنتي وتكلمي
نوف : هذي سالفه عمرها 10 سنوآت ، انا كنت صغيره مدري بشي
ابو يوسف : ايه انا ادري ابوج انسجن بقضيه سياسيه
نوف : مادري بشي
ابو يوسف : واخوج احمد ؟
نوف : اشفيه؟
ابو يوسف : من متى يتعاطى المخدرآت؟
هُنآ فقط شعرت نوف بحجم المجهول الذي دآهمهآ
وقفت وكآن الأرض غير قآدره على إحتضآن جرحهآ
ابو يوسف : ماشاء الله عليج ذكيه ، وصلتي للي اقصده
نوف : بس انا ؟
ابو يوسف : ذنبج يا بنتي انج ولدتي بهالاسرة بس
نوف : ويوسف؟
ابو يوسف : يوسف حلم ماراح يكون لج حقيقه
نوف : بس انا احبه
ابو يوسف : ايه تحبينه
قآطعهآ وآلد يوسف بمبلغ كبير من المآل عرضه أمآمه
فـ بكت نوف بحرقه ..
نوف : بس أنآ / أنت ما فهمتني أنآ مو جذي
ابو يوسف : وش الي مافهمته ؟
نوف : انا ماحبيت يوسف عشان هذول
ابو يوسف : ايه
نوف : ماكذب عليك صحيح اني حلمت أكون اميرة أكون غنيه ، البس أحسن ملابس ، اركب احسن سيارات ، اعيش في قصر كبير و يمكن هالمبلغ عمر هلي ماحلموا فيه بس انا مابيهم ، انا حلمت فيهم مع يوسف ، بدون يوسف ما يسوون وربي مابيهم مابيهم
ابو يوسف: بس يوسف ذكرى من اليوم بالنسبة لج
نوف : ليش يوسف وينه؟ وشفيه؟
ابو يوسف : انا بقولج اشفيه ، ترجعين بيتكم وتتصلين فيه وتقولين له انج ماتبينه و انه تقدم لج شخص اغنى منه و انج حبيتي فلوسه بس
نوف : لاااا ورب الكعبه ماقدر ، حرام
ابو يوسف : اشششش ، تراني قادر بدقيقه ارجع ابوج السجن وأخوج يلحقه وبعدين انتي وامج وخواتج ؟ من معاكم؟
نوف : لا إلآ أبوي
ابو يوسف : بدينا نفهم بعض
نوف : كل ذنبي حبيته
ابو يوسف : كفري عن ذنوبج وانسيه
نوف : ابي اشوفه لآخر مرة
ابو يوسف : انتي اليوم تتصلين فيه وتقولين له ولو فكرتي تقولي شي غير هذا راح تندمين طول عمرج
نوف : خلاص ، آمنت بأقدآري ، يمكن انت منعت يوسف يكون لي نصيب بالدنيا بس يمكن اجتمع معآه بالآخره وقتها لآ مآلك ولآ سلطتك تقدر تفرق بيننآ
ابو يوسف : هههههههههههه ، عبدالله
عبدالله : لبيه عمي
ابو يوسف : خذ البنت رجعها مكان ماشفتها
عبدالله : ان شاء الله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عآدت نوف إلى حيث كآنت
ولكنهآ كسيرة الحلم
فآقدة من نفسهآ الكثير
لآ تدرك بعضهآ من بعض . !
( كل ذنبي أنك أبوي يآبوي وأنك أخوي يآخوي وانكم هلي يآهلي ، كل ذنبي بنت نآس مالهم سند بهالدنيا إلآ رب العآلمين . ! )
توقفت خلف إحدى الزوآيآ
فـ كآن هذآ الاتصآل أصعب مآقآمت به نوف طيلة حيآتهآ
ويرد يوسف بـ شوق : هلا هلا
نوف : هلا
يوسف : هلا بالغلآآ
نوف : شخبارك؟
يوسف : بخيير ، شفيج؟
نوف : ابي اقولك شي ، بس اوعدني
يوسف : اوعدج بشنو ؟ قولي خرعتيني
نوف : أوعدني أنك ماتكرهني أبد؟
يوسف : اوعدج ...
نوف : انا مابيك ، واتمنى انك تنساني
يوسف : ههههه هذي مزحه يعني؟
نوف : وراس ابوي اكلمك حقيقه مامزح
يوسف : ماتبيني ؟ مافهمت
نوف : يعني انا حبيتك بس لما حسيت ان الشي بكون حقيقه حسيت اني صعب ارتبط فيك ، انت ما تناسبني
يوسف : ليش ؟ انا شسويت لج ؟ كل ذنبي حبيتج عطيتج احساس صادق ـ تغيرت عشانج ، صرت واحد ثاني
نوف : ادري والله ادري بس الخلل مو فيك ، فيني انا
يوسف : ليش ، راجعي نفسج نوف ، احنا نحب بعض ، انا تركت كل شي تافه عشانج ، تبيني اضيع مرة ثانيه؟ اذا بتقولين انتي فقيره وانا غني هالشي مايهمني ، انا ابيج انتي
نوف : بس لا تعور قلبي يا يوووسف
يوسف : قولي السبب واقنعيني
نوف : تقدم لي واحد اغنى منك
يوسف : ههههه انزين ؟
نوف : و وافقت
يوسف : يعني الموضوع كله ( فلوووس ) ؟ فلووس يا نوف
نوف : ايه
يوسف : ثلاث سنين من عمري ضاعت وتقولين الحين فلوس؟
نوف : انا من حقي اعيش ، انت ماعشت مثلي ولا شفت الي انا شفته
يوسف : بيعطيج مليون ؟ مستعد اعطيج ملاييين
نوف : بسسسس يا يووسف خلني بحالي
كان كبريآئه يتصآرع مع حُبه
فـ حب يحتضر وكبريآء يشتعل حرقه
وبين الحب والكبريآء كآن يوسف مجروح جدا ً جدا ً جدا ً . !
-
وتعود نوف للمنزل
لتجد إنكسآرهآ يتضخم بحجم السمآء
ام نوف : تعالي سمعي هالخبر
نوف : شصاير؟
ام نوف : ليش انتي متأخره اليوم ؟
نوف : تأخرت بالمدرسه
ام نوف : اتصل بو يوسف
نوف : اي يوسف ؟
ام نوف : الي متقدم لج من جم يوم
نوف : ليش؟
ام نوف : يقول الصبي ماله خاطر خلاص
نوف : انزين ؟
ام نوف : ومن قرادة حظج ابوج اتصل لراشد وقال لهم محنا بموافقين
نوف : ههه عادي يمه عادي
ام نوف : من يوم يومج منحوسه طالعه على امج
نوف : كل شي جايز يمه
اما يوسف فـ شعر بأن الحيآة قد توقفت خلآل أتصآل نوف
وأقسم أن يجعل الحُب يموت
وتتولد كرآهيه بحجم الأرض لنوف وينتقم حينهآ لـ قلبه
لـ كرآمته
لـ رجولته
لـ عآطفته
ومرت الشهور ...
لآ شيء يربط نوف بـ يوسف
ولآ شيء يربط يوسف بـ نوف
-
حآول يوسف خلال تلك الشهور أن يبرر لأمه وأبوه أن سبب الرفض يعود له
لأنه لم يعد متقبل أسرتهآ و ظروفهم المآديه
كآنت أم يوسف متيّقنه بأن أبو يوسف ورآء تلك الحكآيه
ولكن ... ( يآخبر بفلوس بكره بلاش )
مرت سنين /
أصبحت نوف مجرد ذكرى لآ أهمية لهآ في قلب يوسف
أمآ نوف فـ لآزآلت تحتضر بـ عشقه وذكريآته
كآن حينهآ يوسف قد تزوج بأبنة عمه ( سارة )
أمآ نوف فـ كآنت حينهآ تعيش مع أمهآ وأخوآنهآ الأربعه
فقد توفي وآلدهآ جرآء المرض الشديد
على الرغم من أن أختها الصغرى مريم قد تزوجت
ولكنهآ لآ زآلت أسيرة الذكرى , !
مرت ثلاث سنين
و نوف لآ زآلت تغني بـ حرآرة كل مسآء لـ يوسف
تتأمل هدآيآه وتنعي بـ جنون .. /
( أعذريني يالهدآيآ لو هملتك يالزوآيآ ، مآني متحمل اشوفك واللي جآبك مو معآيآ
اللي جآبك وينه عني ؟ يآترى زعلآن مني .. ! مآدرى أني في غيآبه كم شكيته للمرآيآ )
أمآ يوسف فـ لم يعد يتذكر من نوف ( سوى ) أخر أتصآل منهآ
فـ لآزآلت نآره حآرقه
وإنتقآمه كبير , !
-
وفي أحدى الأيآم ..
كآنت مريم ذآهبه لمنزلهم فقد أشتآقت أسرتهآ
فـ دآر الحوآر كـ الآتي ...
مريم : نووف الليله بروح مع زوجي يآسر حفله ، تجين ويانا؟
نوف : حفلة شنو؟
مريم : مدري الصراحه بس اعتقد حفلة إعلآميه ، !
نوف : ماتدرين من فيها؟
مريم : لآ والله بس لأنه ياسر يشتغل في هيئة الاذاعه والتلفزيون وعطوه كم بطاقه
نوف : ياليت .. من زمان احلم احضر حفله مثل هذي
مريم : خلاص جهزي حالج وياسر بمر علينا الساعه 8
نوف : خلاص صار ...
ومر الوقت لـ يأتي يآسر /
مريم : نوف جاهزه
نوف : ايه كآني سبقيني ولاحقتج
وعند وصولهم للحفل ، كآن أسطوري كمآ رأته نوف
أشيآء خيآليه
نجوم سينمآئية
نوف : مريييم مو هذي المغنيه الي تطلع بالتلفزيون ؟
مريم : ايييه هذي الحفله لنجوم السينما
وفي أثنآء الحفل ..
هنآك فقره قد أطلقوآ عليها فقرة الموآهب
بأن يتوقف على المسرح كل من لديه موهبه من الجمآهير
سوى أن كآنت تمثيل أو غنآء
ولجنة الحكم تتكون من أشهر المطربين العرب
كآنت فقرة مسليّه بالنسبة لـ نوف
مريم : نووف أنتي صوتج حلو
نوف : لا لا بليز لا تفكرين فيها
مريم : بالعكس انتي شوفي الي على المسرح ولا وآحد فيهم صوته حلو ، قوومي
ياسر : شعندكم؟
مريم : ابيها تروح تغني صوتها حلو
ياسر : اذا صوتج حلو ، روحي غني
مريم : صوتها حلوووو حيل
ياسر : طيب روحي
نوف : لا لا مستحيل
ياسر : يالله نووف
وبعد ساعه من الإقنآع
وآفقت نوف
كآنت خطوآتهآ ترتجف إلى طريق الوصول للمسرح
وقفت هنآك وكآنت مرتعبه جدا ً
تفكر مآذآ أغني يآ ترى . !
أخشى أن يضحك أحدهم على صوتي ..
أعلن المذيع الأسم التآلي وكآن أسمهآ ..
خطرت على بآلهآ أغنيه قد طآل غنآئهآ في ليآليهآ
( حكم الأهل فرق قلوب
مآهمهم منهو أنجرح
مآهمهم منهو يزول
كل همهم قتل الفرح
ياعمري حتى لو تغيب
أو مهمآ يفرقنآ النصيب
تبقى في عيني للأبد
بس أنته يآ عمري الحبيب )
كآن أدآء نوف مختلف عن الجميع
فـ قد كآن الأحسآس وآضح في أدآء الأغنيه
كآن الصوت حزين جدا ً
أبكت الحآضرين
وصفق الممثلين في لجنة الحكم ,,,
خرجت حينهآ نوف من الحفل بـ وسآم تقدير من لجنة الحكم , !
فرحت به جدا ً
حتى كآدت الأرض لآ تتسع لفرحتهآ
وفي اليوم التآلي
تفاجآت نوف بـ حضور زوج أختهآ يآسر
لـ يفآتحهآ بموضوع
لم تحلم به طيلة حيآتهآ
نوف : ياسر بليز لا تتلاعب بأعصابي
ياسر : وربي انه اتصل بي وقال عندك موهبه لازم تستغلينها
نوف : صوتي ؟ أنآ يعني ؟ معقوله اغني ؟ لا لا لا
ياسر : صدقيني يا نوف بتعيشين حياه ثانيه والله حياة بالأحلآم تشوفينهآ
نوف : وربي حلمت فيها بس صعبه يا ياسر
ياسر : ليش صعبه؟
نوف : وامي واحمد بوافقون ؟
ياسر : اذا ما اقتنعوا سويهآ بدون مايدرون
نوف : معقووله يا ياسر اغني وهلي مايدرون
ياسر : هذا المستقبل قدامك ، فكري
نوف : ومن الي كلمك عني
ياسر : اقولج اكبر رجال الاعمال بالديرة ، مهتم بالمواهب الشابه وصدقيني شافك اكثر موهبه لازم تتولد في النور
نوف : عطني مهله افكر ، واكلم امي بالمووضوع
ياسر : فكري زييين بس صدقيني لو وافقتي راح تشوفين حياه ثانيه
خرج يآسر
ولآزآلت كلمآته تتردد في بآطن نوف
اغني ؟
اصير مشهوره؟
عالم ثاني؟
تلفزيون؟
سينمآ ؟
حفلات؟
مو معقوله
بلبس احلى لبس
لآزم افاتح امي بالمووضوع
ذلك مآ توصلت له نوف بعد تفكير طويل ,. !
يتبع ,,,
👇👇👇
-
اللهم لك الحمد حتى ترضى وإذا رضيت وبعد الرضى ,,, اضف تعليقك