رواية قلوب تتراقص على انغام الالم -75
دفنت وجهها بين أحضان كفوفها .."أستاهل كل اللي يصير .. رحمتك يا رب" ..
رجعت تدخل بكل هدوء .. الممرضة:دكتورة عبد الملك هنا ..
سحبتها الطرحة من ع الكامدينة و غطت رأسها .."ما لقت غيره ..!!!" ..
تنحنح و دخل .. قرب منها ..
الممرضة بكل خوف:ممكن يدك ..!
مدتها .. و بدون أي مقدمات طلع إبرته و غرسها بـ وريدها ..
غمضت عيونها بكل خوف .. ما حست بـ أي ألم ... لكنها صارت حساسة لأي شيء يلامس جسمها حست بحكة خفيفة ..
مد الأبره للممرضة .. جمعت أغراضه و طلعت ..
همس بكل تردد:أقدر أجلس أتكلم معك ..؟!
ضمت ذراعها لحضنها و كلها خوف .. همست بكل برود و هي ترفع طرف الطرحة على وجهها أكثر:تفضل ..
كتم ضحكته .."سبحان الله و كأن مياف محرم لها" ..!! ..
حست أنه طوّل بـ صمته .. لكن ما عندها مانع تجلس تسمعه طول الليل لعل و عسى يلهيها عن تفكيرها .. ما درت أنه راح يزيد الطين بله ..!
خذا أنفاسه بكل هدوء:يمكن ما تشوفين لي حق أتكلم معك بهالموضوع .. لكن مياف أخو و أنتي أخت بعد .. كلنا أخوان فـ الاسلام بس هذا ما يبرر علاقتك مع مياف ..
غزل بكل هجومية:ما في علاقة بيني و بينه كل شيء بيننا انتهى .. و أنا لجأت له لأني ما عندي مكان ثاني أروح له ..!!
زفر بكل ضيق:أدري .. بس أنتي للحين مستمرة معه حتى أتوقع أنك ما فكرتي تطلبين منه يتوقف عن جيتك و كل شيء ينتهي بينكم ..!
تنهدت بكل آسى:ما أقدر ..!
عبد الملك:كل شيء بيدك .. –خذا أنفاسه من جديد:أنا ما جيت أملي عليك قرارتك و لا أشرح لك و أفصل ..! أنا كل اللي عندي كلمتين نصيحة لك ..!
أنتي لازم تنتبهين للي بينك و بين مياف .. عشان أختك و عشان نفسك ..!
غزل بكل خوف:وش دخل أختي فـ الموضوع ..؟!
عبد الملك:اليوم اكتشفت بالصدفة إن واحد من الدكاترة الموجودين .. خاطب أختك..!
تخيلي موقفه لما يكتشف جيت مياف لـ عندك يا أخت خطيبته و زوجته المستقبلية .. وش تتوقعين راح يقول عن أختك ..!
غزل بكل ربكة:بس فجر ما لها داخل ..
عبد الملك:أدري .. بس الناس ما لها إلا الظاهر .. لو أي شخص بالكون عرف عن مياف ما راح يفكر بشيء غير ..-رجع يسكت و هو يحس بالكلمة تغص بحلقة ..
غزل بكل خوف:يعني أنتي بعد شايف علاقتي مع مياف غير ..!!!!! –بكل هجومية:صدقني ما بيني و بينه شيء و ...
قاطعها:أدري .. مياف قال لي عن كل شيء .. و أنا لأني خايف على مستقبلك و مستقبله ما جيت أنصحك ..
زفرت بكل ضيق:ما راح يسمع لي .. أكيد بيتوقع أني أبي أبعده عني عشان ما يشوفني تعبانة ..!
عبد الملك:أنا كلمته و هو معنّد .. أنتي الوحيدة اللي بيدك كل شيء .. –زفر بكل ضيق و هو يوقف:أنتي اللي تقدرين تنهين كل شيء أو تستمرين بالغلط ..-تنهد بكل ضيق:عن أذنك ..
..
طلع و تركها تختنق أكثر .. رمت الطرحة بعيد عنها .. حست بملابسها تخنقها بعد ..
لكن ما بيدها شيء .. حتى الإبرة ما حست بمفعولها ..!
..
.
طلع و سكر الباب وراه .. ضرب على جبينه على خفيف .."اووف شلون نسيت أقول لها عن زوجها ..!".. تنهد .."كان ممكن هالشيء يخليها تقتنع أكثر ..!!" ..
.."يارب تقتنع و تبعد نفسها عن مشاكل هي فـ غنى عنها ..!" .. –كمل طريقه لمكتبه و هو ينزل البالطو .."ياااارب .." ..
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
همست بكل ضيق:مدري .. بس حسيتهم كلهم هجدوا لما دخل هالمياف ..!
من وراء السماعة .. لمى بكل استغراب:هو الكبير يعني ..؟!
جنى:لا بالعكس أصغر واحد فيهم .. بس اللي فهمته أنه كان يعرف الجازي لما كانوا صغار ..
لمى:شلون عرفتي ..؟!
جنى:تخيلي أول ما دخل قرب منه و و جلسوا حول الـ خمس دقايق يتأملون بعض .. الكل سكت .. !! و لما قرب منها و سلم عليه .. حسيت بشيء غريب ..!
لمى:وش هو هالشيء ..!
جنى:مدري .. مع أنه سلام عادي .. يعني مثل ما يسلمون أخواني على أمي الله يرحمها ..
قاطعته:قصدك خوالك على جدتك ..
جنى بكل ضيق:للحين ما تعودت ..!
لمى:خلاص .. طلع لك أخوان صدق بكرة تنسين خوالك و اللي جابهم .. المهم وش صار يعني ..؟!
جنى:عرفوا بعض من غير ما يتكلمون .. شوي جلسوا و بدوا يسولفون .. تخيلي .. الشباب اللي كانوا موجودين سحبوا أنفسهم و طلعوا من المكان ..
لمى:أخوانك قصدك ..!!
جنى بعدم اقتناع:ايه ..و هاذي اللي اسمها وهج دخلت المطبخ و ضيفتنا .. حتى أختنا جمان سكتت بعد ما كانت معصبة مثلهم ..
لمى بكل استهزاء:أختنا .. و الله يبيلك كورسات فـ أهلك .. للحين مو معترفة بأحد منهم ..!
جنى بكل ضيق:و الله شكلي بتعود عليهم غصب ..!
لمى:وشلون يعني ..؟!
جنى:أمس رجع ولد زوج الجازي .. لكنه ما جاء على هنا .. سكن بـ فندق ..!
لمى:ليه البيت موب كبير ...؟!
جنى:إلا بالعكس .. يكفي حمولة و زود .. بس شكله ما يبي يضايقني .. بديت أحس إن وجودي هنا قلق .. حتى نوف تضايقت من هالشيء ..!
لمى:يرحم لي أمك .. ما لقيت غير هالخفاش تراقبين ردة فعلها ..
ابتسمت:صادقة و الله .. ما تصحى إلا المغرب و طول النهار نايمة .. –تنهدت بكل ضيق:بس أخوها بعد ..!
لمى:يعني فيه أمل تنتقلين عند أخوانك ..!
جنى:بعد ما يعترفون فيني على الأقل ..
لمى:صحيح .. إذا أبوك طايح بالمستشفى .. شلون بيحلون سالفة أسمك و و أوراقك ..!
جنى بكل ضيق:مدري .. مدري .. أحس ما لي خلق أفكر بهالموضوع أكثر ..!
لمى:يا الله ما عليك .. خليهم هم يتفقون و بكرة يقولون لك أكيد ما راح يطنشون وضعك ..! المهم خلك معي الحين ..
جنى:خير وش عندك مهم ..!!
لمى:نوف بنت عمي ..!
جنى:العربجية ..!
لمى:ايه .. زواجها بكرة ..!
جنى بكل صدمة:و الله ..!!
لمى:ايه و الله .. تخيلي محد قال لي كلهم يحسبوني أعرف .. !!
جنى:ما عليه هم متعودين ما ينشورن الخبر .. الخبر لحاله ينتشر ..!
لمى:هههههه صادقة و الله .. بس جنو جد متأسفه ما عزمتك ..!
جنى بكل لوم:أنا وين و أنتي وين ..!!!
لمى:ايه و الله .. الله يكون بعونك ..!
جنى:على طاري القلق .. أخبارك مع ناصر .. فكرتي بموضوعه ..!
زفرت بكل ضيق:كل ما فكرت أرفضه أحس بشيء يمنعني ..!
جنى:أقول شكلكم لـ بعض ...-بكل حيرة: أنت إستخرتي ..؟!
لمى بكل ضيق:عشر مرات .. و موب قادرة أرفضه ..!
جنى:يعني مرتاحة له .. و الخيرة فيما يختاره الله .. لا تقعدين تجبرين تفسك على شيء أنتي موب حاسة فيه ..
لمى:بس أحس زواجي منه بـ ..
قاطعتها:لا تفكرين بسلطان ..! انسيه خلاص ..
زفرت بكل ضيق:مو قادرة أنساه ..
جنى:ما عليه بكرة لـ صرتي على ذمة ناصر .. تنسين كل دنيتك موب بس سلطان ..
زفرت بكل ضيق:الله يسمع منك ..
خذت أنفاسها بكل تعب:لموو .. أنا بسكر خلاص أحس ضلوعي متكسرة ..!!
لمى:يا الله نوم العوافي ..
ابتسمت:يعافيك ..
صرخ بكل صدمة:شلون ..؟!
سلطان من وراء السماعة:عظم الله أجرك ..!
بسام و الصدمة للحين متملكته:شلون صار هالشيء ..؟!
زفر بكل ضيق:محد يعرف حاولت أقنع عمي بالتشريح حتى يكملون التحقيق لكن للأسف ما رضى ..!
بسام:وش تشريحة .. مستحيل أصلا لوجين توها صغير .. سلطان أنت تمزح صح ..!
زفر بكل ضيق:الموت ما يعرف لا صغير و لا كبير .. الله يصبر قلوبكم .. محد كان ناوي يدق يعلمك ..
بعد ساعة أو أقل كلنا بنرجع و بعد صلاة الظهر راح نصلي عليها .. ما حبيت ما يكون عندك علم ..!
زفر بكل ضيق و هو يستوعب أخيرا:إنا لله و إنا اليه لـ راجعون ..!
سلطان:يا الله أنا مضطر أتركك عشان أطلع الأغراض و يمدينا على الطيارة .. يا الله سلام ...
نزل السماعة من غير ما يرد عليه .. ما كنت بيوم قريبة منه و بعمرها ما راح تكون ..
عدو و يمكن أكثر .. لكنها فـ الأخير أخته .. إنسانة مستحيل يتخيل اختفائها من حياته و بهالبساطة ..!!
فتح الباب و دخلت بكل حماس .. ريناد:يا الله حبيبي الفطور جاهز ..!!!-تلاشت ابتسامة ريناد قربت و بكل خوف:بسام وش فيك ..؟!
رفع عينه و هو يحس بالكلام يغص بحلقه ..
جلست جنبه و بخوف أكبر:بسام ..!
همس أخيرا:لوجين ..!
ريناد بكل استغراب:أختك .. وش فيها ..!
اختنق صوته:ماتت ..
شهقت بكل تلقائية .. رفعت يدها على فمها ..!
.._.._.._.._.._..
سكرت شنطتها بكل حماس ..
راكان و الابتسامة مرتسمة على وجهه:هااه جاهزة ..؟!
ليان بكل حماس:أكيد .. بس بقي لي شنطتي الصغيرة ما راح تأخذ مني وقت ..
راكان و هو يعدل الشماغ:خذي راحتك بقي ساعة و نص على الطيارة ..
ابتسمت له و رجعت تلف على التسريحة .. حتى تأخذ اللي تحتاجه من عليها ..
رن جواله .. ابتسم و هو يقرا الأسم .. رد:حيا الله النسيب ..!-رفعت رأسها بكل استغراب ..
زفر من وراء السماعة بكل ضيق:الله يحيك .. شخبارك راكان ..؟!
استغرب من نبرة بسام الكئيبة:الحمد الله تمام ..
بسام:راكان إذا ليان جنبك أبيك تبعد عنها ..
راكان بكل خوف و هو يطلع من الغرفة:خير عسى ما شر ..
استغربت تصرفه .."ما لي خلق الحقه ثم تطلع مشكلة جديد" .. كملت تجميع فـ أغراضها بكل دقة ..
..
.
جلس على الكنبة و بكل صدمة:إنا لله و إنا إليه لراجعون .. شلون ماتت ..؟!
بسام:علمي علمك اليوم الأهل دقوا علي و كل اللي قالوه أنها توفت .. بعدكم ساعة بيكونون هنا و بعد صلاة الظهر بيصلون عليها ..
زفر بكل ضيق:لا حول و لا قوة إلا بالله .. فـ أي مسجد راح تصلون عليها ..
زفر بكل ضيق:أكيد مسجد ..***** تعرفه قريب من بيتنا ..؟!
راكان:خلاص .. قبل الظهر بـ نص ساعة راح نكون عندكم ..
بسام بكل خوف:راكان شوي شوي على ليان تراها حساسة .. أنا للحين موب عارف شلون راح تتقبل الموضوع ..
زفر بكل ضيق:خلاص إن شاء الله ما يصير إلا كل خير ..-نزل السماعة بعد ما سكر الخط ..
علا صوته و الخوف واضح بعيونه:ليااااااااااان ..
طلعت له ركض:خيرر ..؟!
راكان بكل توتر:تعالي اجلسي ..
زفرت بكل ضيق:راكان وش تفـ ..
قاطعها:تعالي أبيك بموضوع ..
قربت منه و كلها خوف من جديته ..
زفر بكل ضيق:ليان أنتي عارفة الدنيا مو بس حياة ..
قاطعته بكل توتر:راكان أنا موب بزر عشان تقول لي هالمقدمات .. فيه أحد مات صح ..!
راكان بكل حيرة:وشلون عرفتي ..!
ليان:من كلامك .. و بعدين أنا حسيت من طلعت من الغرفة ..!
زفر بكل ضيق:هي وحدة تقرب لك ..
تجمدت أطرافها بكل خوف:من هي ..؟!
زفر:إن لله و إنا إليه لـ راجعون ..-خذا نفسه بكل صعوبة:لوجين .. أختك ..!
ابتسمت و نظرة التوهان فـ عيونها:مستحيل ..!-تلاشت ابتسامته و تحول لون بشرتها للشهوب:راكان تمزح صح ..!
زفر بكل ضيق:هذا شيء ينمزح فيه .. –قرب منها و بهمس كله رجاء:ليان أنتي الكبيرة أهلك راجعين من الشرقية و أمك أكيد منهارة ..
علت صوتها بكل عصبية:راكان لا تكلمني كذا .. ترا جد موب حلوة هالمزحة ..!
بكل تردد:أصلا لوجين توها صغيرة شلون تموت ..!
همس:استغفر الله العلي العظيم ..!
بدا عقلها يستوعب الخبر ..! لمعة الدموع بعيونها .. و بنبرة كلها تشكيك:راكان أنت ما تمزح صح ..!
.._.._.._.._.._..
على ارتفاع أكثر من 500 قدم .. فـ الطيارة ..
همست بكل ضيق:من كان يصدق إنا بنرجع من غيرها ..؟!
أروى و نبرة الحزن بصوتها:و أنتي الصادقة من كان بيصدق أنها بترجع للرياض جثة ..
تنهدت ريتاج بكل ضيق:الله يرحمها و يغمد روحها الجنة ..
زفرت بكل ضيق:ودي أدعي لها بس استغفر الله أحس حتى الرحمة ما تجوز لها ..
ريتاج:لا حول و لا قوة إلا با الله .. ترا الميت ما تجوز عليه غير الرحمة ...
أروى و هي توطي صوتها أكثر و أكثر:أنا سامعة سلطان أمس يقول لأمي لقو نسبة خمر و مخدرات فـ دمها .. يعني شاربة و مأخذة مخدرات قبل لا تموت .. خاتمة سوء الله يحفظنا ..
زفرت بكل ضيق:ما بيدنا غير ندعي لها ..
..
.
على بعد كم كرسي ..
همس بدر:طيب ليه ما أصريت أو خليت الضابط يخترع أي حجة ..!
سلطان:اليوم جبته الصبح عشان يقنع عمي و تعقدت السالفة أكثر ..!!
بدر بكل اهتمام:شلون ..؟!
سلطان:الضابط و هو يدخل شاف عامل نظافة .. سأله إن كان أمس موجود أو لاء و قال أنه موجود .. تخيل لما سأله عن لوجين وش قال ..!
بدر بكل ضيق:سلطان تكلم من غير ألغاز و فوازير ..!!
كمل و الضيق بصوته:قال أنه شاف وحدة تطلع من شالية الحريم اللي حجزناه .. و ركبت مع واحد قدام .. دقيقة و رجعت تنزل وراء .. ثم قربوا ثنين و ركبو جنبها ..!
بدر بكل صدمة:متأكد .. خاف مشبه أو غلطان ..
سلطان:أنا و الضابط مثلك .. شكينا بس الهندي حلف و قسم .. يقول هو أصلا يشتغل بالنهار .. و ما يشوف ناس كثير عشان يضيع ..!!
زفر بكل ضيق:لا حول و لا قوة إلا بالله ..
سلطان و هو يخفض صوته أكثر:شكل عمي عارف بلاوي بنته .. عشان كذا رفض التشريح و قفل ملف قضيتها ..
زفر بكل ضيق .."ريتاج صادقة بكل اللي قالته .. بس رب العالمين انتقم لها و لـ جنى .." –تنهد .."خلص حق هاليتيمة المسكينة .."تنهدت بآسى أكثر و صورة جنى تمر بـ خياله ..
..
تأمله سلطان بكل حزن .. "شكل ما صابني صابه ..!! .. معقولة يحب لوجين .. ما لقى غير هالصايعة .. لا بدر أعقل من كذا ..!" ..
.._.._.._.._.._..
صرخت فيها بكل عصبية:للحين ما قمتي ..؟!
انقلبت نوف على يمينها:يووه أميروة خليني أنوم ..
أميرة بكل عصبية:الساعة 12 الظهر يبيلك ساعتين ثلاث على بال ما يجي دورك فـ المشغل .. ثم ساعتين ثانيات عشان يخلصون منك .. و شوفي متى بتخلصين ..!
نوف و هي تغطي رأسها بالخددية:أوووه ..
..
فتحت الباب و طلعت .. ابتسمت نهى أول ما التقت عينها بعيون أميرة:صباح الخير ..
أميرة بكل لوم:أي صبح و باقي على أذان الظهر عشر دقايق .. شلون تخلينها نايمة لحد هالوقت ..
نهى:صحيتها من ساعة .. و عيت تقوم و أنا فيني نوم رجعت أنوم ..
زفرت بكل ضيق:جيبي لي كاس موية أكبه عليها .. مو راضية تتحرك ..!
نهى و هي تدخل المطبخ:طفي المكيف و تقوم ..
أميرة بكل خبث:و الله ..-ركضت لـ عند المكيف ..
جلست نوف و بكل عصبية:يا ويلك إن طفيتيه .. أميرووه و قسم بتندمين ..
أميرة و يدها على ريموت المكيف:بتقومين و إلا شلون ..!!
نوف بكل استسلامية:خلاص بـ..-قاطعته كحة قوية .. حست بها تطلع من بين ضلوعها:كح كح كححححح ..
أميرة بكل خوف:نوافة وش فيك ..؟!
نوف و يدها على حلقها:يمكن عشاني ما تغطيت أمس ..!
قربت منها و بكل لوم:الله يهديك بس قومي تجهزي على بال ما أجهز لك شيء حار ..
وقفت:طيب ..
وقفت معها راقبتها تبعد و دخلت المطبخ .. ناظرت فـ نهى بكل استغراب:غريبة شكلكم متهاوشين صح ..!
نهى بكل برود:هي اللي بدت ..
أميرة بكل لوم:هذا وقته ..؟!
نهى:خلها عشان لما تسافر ما يضيق صدرها و لا تقعد تسوي لي أفلام هندية ..!
أميرة بكل استهزاء:نوف تصيح .. طيب ..!
نهى:لـ جاء وقت الجد بتشوفين ..!
أميرة:على ايش تهاوشتوا ..
نهى بكل ضيق:الغبية تبي تمرض نفسها .. تخيلي ..! كبت على نفسها موية و وقفت بوجه المكيف ..!
أميرة بكل صدمة:خبلة ..! بس شكلها مرضت صدق ..؟!
نهى بكل خوف:حرارتها مرتفعة ..!
أميرة:لا بس تكح ..
زفرت بكل ضيق:خليني أسوي لها عصير ليمون .. عشان ما يشد المرض عليها ..
أميرة:قلت لها بسوي لها شيء حار ..!!!
نهى:لا الليمون أحسن .. روحي اجلسي معها لا يصير فيها شيء موب ناقصين تخرب علينا هاليوم ..!
مشت لـ برا المطبخ:أووووووووكي ..
.._.._.._.._.._..
دخلت المطبخ و الحيرة تتملكها .. همست الجازي بكل استغراب:جنى ..!
ابتسمت لها بعد ما رفعت عينها من على الفرن:صباح الخير ..
ردة لها الابتسامة:صباح النور .. وش مصحيك بدري ..؟!
جنى:بدري ..!! –نزلت عيونها على الساعة:الساعة 12 الظهر ..!
قربت منها:قصدي أمس ما نمتي إلا الفجر توقعتك ما راح تصحين إلا العصر ..!
جنى:لا خلاص تعودت على قعدت الصبح .. اليوم بعد متأخرة ما صحيت إلا قبل نص ساعة ...! بس أنتي الغريبة ..
الجازي و هي تتفقد المكان بعيونها:انا ليه ..؟!
جنى:العادة تصحين من تسع اليوم نازلة متأخر ..
زفرت بكل ضيق:تبين الصراحة .. ما نمت من أمس ..!
جنى و الصدمة واضحة بصوتها:اوف ليه ..؟!
تنهدت بكل ضيق:صورة أمي ما فارقت بالي أبد ..
جنى بكل لوم:و بعدين معك يا الجازي .. خلاص الموضوع انتهى الحين ..
الجازي و اليأس بصوتها:بالنسبة لي انتهى من زمان ..
جنى بكل ضيق:أنا حسبتك مثلي تبين تلاقين أهلنا ..!! عشان كذا تحمست نروح لبيتهم .. حتى نقدر نتواصل معهم و لو بشكل سطحي .. بسس ..
قاطعتها:البيض لا يحترق ..
نزلت عيونه و رفعت التاوة بسرعة:أووف بغى يروح الفطور علينا ..
ابتسمت:لا تندمجين كثير فـ الكلام .. خلاص الحكي ما عاد منه فايدة ..
جنى و هي تنزل البيض فـ الصحن:طيب الحين وش بنسوي ..؟!
الجازي:ما لنا غير ننتظر أخوانك و نشوف وش بيطلع منهم ..!
جنى:و ظنك يسوو ..-قطع كلامها صوت رنة تلفون البيت ..
الجازي و هي تطلع لـ برا:غريبة محد يدق على تلفون البيت ..! أكيد أحد مهم ..-رفعت السماعة ..:ألو ..
طلعت لـ عند الباب و الفضول يتملكها ..
..
.
من وراء السماعة:ألو الجازي ..؟!
ابتسمت:مياف ..
ابتسم بكل راحة:السلام عليكم ..
الجازي و ابتسامتها تتسع:و عليكم السلام ..
مياف بكل حيرة:لقيت رقمك بسجلك .. آسف ما خذيته منك ..
الجازي بكل استغراب:و أنت شلون وصلت لـ سجلي ..!!
مياف:مصادري الخاصة .-بكل حيرة:دقيت اليوم عشان عندي موضوع مهم ما ينفع يتأجل ..
جلست على الكنبة و بكل اهتمام:اللي هو ..؟!
رفع عينه و التقت بعيون أخوه الكبير محمد:موضوع يخص جنى و توأمها ..!!!
.._.._.._..
نهاية الجزء ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الـ|[37]|ـسابع و الثلاثون ..
..
|[ما قبل الأخير .. ^^]| ..
.
فـ المستشفى ..
بكت بكل حرقة:شلون ماتت أنا من يومين شايفتها طيبة و ما فيها شيء ..
راكان بكل عجز:أذكري الله يا ليان ..-زفر بكل ضيق .."وين مفعول هالأبرة الحين.." ..
نفضت المفرش من على رجولها:أنا لازم أرجع للبيت .. لازم أروح أشوف لوجين .. حتى أثبت لك أنه كذب ..
ثبتها و هو يحطوها بذراعة:ليان .. ليان اسمعيني .. أختك الحين تحت الأرض و بدموعك هاذي تعذبينها ..!
همست بكل صدمة:دفنوها ..!-و بثواني تلاشت قوتها و انهارت من جديد ..
زفر و هو يرفعها:لا حول و لا قوة إلا بالله ..
..
.
..
على بعد دورين .. ابتعد عن أخوانه و خواته ..
همس:كل اللي بيننا دورين بس .. لو علي جيتك الحين .. بس وش اللي بيبعد نظر اللي معي عني ..!
من وراء السماعة .. غزل بكل جدية:مياف .. أهلي اليوم ما راح يزوروني .. بنت خالي توفت و أكيد الحين الكل بعزاها ..
همس بكل ضيق:إنا لله و إنا اليه لـ راجعون ..
غزل:بعد ما تخلص من أهلك أبيك تمرني قبل لا تطلع .. ضروري ..
مياف و الخوف بصوته:غزل وش فيك حاسك موب طبيعية ..؟!
غزل:لما تجي بتعرف .. يا ليت ما تطنشني ..!!
مياف:يا حياتي أنا أنسى كل شيء إلا أنتي ..!
زفرت بكل ضيق:خلاص أشوفك بعد ساعة أو ساعة و نص ..!
مياف:تقريبا ..!
..
.
على بعد كم كرسي .. همست بكل حماس:تخيلي أنا للحين مو مصدقة ..!
لمى من وراء السماعة:الحمد الله .. و الله أنتي طيبة و دايم على نياتك عشان كذا ربي مسهل كل أمورك ..
جنى:بعد عمري أنتي ..
لمى بكل حيرة:و جوري أختك ..!
جنى:مدري عنها بالضبط .. بس كأني سمعت الجازي تكلمها قبل شوي ..!
لمى:وش هالكلام .. المفروض كلكم تروحون تسون الفحص مع بعض ..!
جنى:أتوقع تجي بعد شوي .. و أنا أدق عليك سمعت الجازي تكلمها بس مدري وش بغت منها بالضبط ..!
لمى:دامكم رحتوا تسوون الفحص أكيد أبوك صحى من غيبوبته ..!
جنى:لاء ما صحى .. مع إن الدكاترة عندهم أمل كبير ..
لمى بكل صدمة:شلون بتسون فحص الـdna من غير ما تأخذون عينه من دم أبوك ..
جنى:هههههههه .. أنا مثلك حسيت نفسي راح أنهبل حتى أعرف .. بس قبل شوي أخوي محمد شرح للـ الجازي ..
لمى بكل تركيز:ايه .. وش قال ..؟!
جنى:قال إن هالفحص يتطلب موافقة قانونية .. يعني مو شرط صاحب الدم يطلب التحليل و بما أن محمد عنده توكيل عام من أبوي يقدر يتصرف و كأنه بمكانه ..
يعني راح يأخذون عينه من أبوي بموافقة محمد .. و يقارنونها بـ عيناتنا ..!
لمى و حيرتها تزيد:و أبوك متى سوا له هالتوكيل ..!
جنى:من أربع شهور تقريبا .. على كلامه .. حتى لما كان أبوي بصحته كان يعتمد على أخوي محمد كثير ..
لمى و ابتسامة عريضة ترتسم هلى وجهها:حلوة كلمة أخوي .. طالعة منك مثل العسل ..
جنى بكل إحراج:هههه .. من كثر ما أسمع الجازي تقولها تأثرت ..!!
لمى:هذا أحلى شيء سوته الجازي .. يالله حياتي أنا لازم أسكر عشان أروح للمشغل مع البنات ..
جنى:أووك سلمي عليهم و وصلي تبريكاتي للعروسة ..
لمى:يوصل إن شاء الله .. سلام ..
.._.._.._.._.._..
جالسة على سريرها بكل كسل و ممدة رجولها على طوله .. جنبها بالضبط جالسه مثلها و منزلة رأسها على كتفها ..
أروى بكل ضيق:اليوم أول ما وصلنا للبيت غفيت نص ساعة بس ..!-بكل خوف:تخيلي شفتها بالمنام .. كان شكلها يخوف ..
تنهدت بكل ضيق:عشانك تفكرين فيها بس ..!
أروى و الحزن ما زال مرسوم على وجهها:ظنك تتعذب فـ قبرها ..
ريتاج:العلم عند الله .. بقعد أفتي لك يعني ..!
أروى بكل ضيق:وجع .. و الله قلبي قارصني عليها ..
زفرت بكل ضيق:قلت لك الميت ما تجوز عليه غير الرحمة أنتي اللي جلستي تحشين فيها فـ الطيارة ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك