رواية قلوب تتراقص على انغام الالم -76
أروى بكل ضيق:اليوم أول ما وصلنا للبيت غفيت نص ساعة بس ..!-بكل خوف:تخيلي شفتها بالمنام .. كان شكلها يخوف ..
تنهدت بكل ضيق:عشانك تفكرين فيها بس ..!
أروى و الحزن ما زال مرسوم على وجهها:ظنك تتعذب فـ قبرها ..
ريتاج:العلم عند الله .. بقعد أفتي لك يعني ..!
أروى بكل ضيق:وجع .. و الله قلبي قارصني عليها ..
زفرت بكل ضيق:قلت لك الميت ما تجوز عليه غير الرحمة أنتي اللي جلستي تحشين فيها فـ الطيارة ..
دخلت عليهم و هي تفتح الباب بكل قوتها .. ريناد بكل ضيق:تستهبلين أنتي وياها .. العزاء بدا و حضراتكم متسدحين هنا ..!
ريتاج بكل ضيق:ما صار لنا غير ساعتين من وصلنا من بيعرف بخبر موتها و من بيجي يعزي ..!!!
ريناد:تفضلي قدامي و شوفي من جاء يعزي ..!!
زفرت بكل ضيق و هي تطلع من سريرها و تلحقها بنت عمها ..
..
.
فـ الدور الأرضي ..
أم تركي بكل ضيق:ليش ما قلتي لي ..!
فجر بكل خوف:كان بنفس يوم سفركم ما حبينا نضايقكم ..!
أم تركي:يعني حلوة زوجة ولدي بالمستشفى من يومين و محد يدري عنها من العايلة ..
فجر:أنا كنت ناوية أتصل اليوم .. بس صار اللي صار و رجعتوا ..
تنهدت بكل ضيق:و تركي وينه ..؟!
خذت نفسها بكل صعوبة:مدري ..
أم تركي بكل عصبية:وشلون يعني هو ما كان معها ..!
هزت رأسها بالنفي:لاء ..
أم تركي بكل صدمة:ما قالت لكم غزل وينه ..؟!
فجر:لاء ما تكلمت عنه أبد .. و بهاليومين .. كانت أعصابها تعبانة و بالموت تقبلت سالفة مرضها و العلاج بالكيماوي ..
أم تركي بصدمة أكبر:كيماوي ..
فجر:ايه قلت لك يا خالتي ..-حست بالكلمة تغص بحلقها:سرطان ..
تنهدت بكل ضيق:أنا سمعت مستشفى و غزل ما ركزت .. –زفرت بكل ضيق:لا حول و لا قوة إلا بالله .. الحين وش بنسوي .. نقعد بهالعزاء و إلا نشوف أختك و إلا ندور على هالولد ..!
فجر:ما عليك يا خالتي .. أنا قلت لـ غزل محد بيكون معها اليوم .. و هي كبيرة و أكيد راح تتفهم هالموقف ..
أم تركي بكل لوم:بس مهما كان هي مريضة و لازم أحد يكون قريب منها ..-سكتت لثواني بانت نظرة التفكير بعيونها:خلاص أنتي روحي لها .. و موب مهم أحد يعرف سبب طلعتك موب ناقصين يعتفس العزاء .. موب مكفي أنهم مسوينه فـ بيت أبو بدر ..!
تنهدت بكل ضيق:أمرك خالتي ..
..
قربت منهم و بكل خوف:عسى ما شر وش فيكم تتكلمون و أشكالكم ما تطمن ..
فجر و هي تغتصب الابتسامة:ما عليك منا يا رنود .. روحي اجلسي و ارتاحي الارهاق واضح عليك ..
زفرت بكل ضيق:لا لازم أتطمن على كل شيء بنفسي ..
أم تركي بكل ضيق و هي تلمح بنتها تنزل:شرّفتي .. وينك فيه يا عمتي ..!
أروى و هي تنزل الدرجات الأخيرة:الله وش هالعالم شكلهم ما صدقوا إن فيه عزاء ..!
نغزتها مع جنبها بطرف كوعها .. همست ريتاج:موب وقتك أرووه ..!
أم تركي:قدامي على المطبخ شوفي وش ناقصين و وش محتاجين ..!
ريناد:لا ماله دا ..
قاطعتها:ريتاج و أروى ما عادهم بزران كل وحدة طول بعرض و السنة الجاية بيدخلون الجامعة .. خلهم يتدبرون ع المسئولية ..
ريتاج بكل صدمة:أنا وياها ..!
أم تركي بكل إصرار:ايه في غيركم لهم نفس أساميكم ..!
مدت فجر يدها و جرت ريناد بكل خفة:تعالي ارتاحي شكلك تعبانة مررة ..
أم تركي بنبرة حادة:ما سمعتوني وش قلت ..؟!
سحبت بنت عمها .. ريتاج:إن شاء الله خالتي ..
..
.
ساعدتها تجلس ..
ريناد بكل قلق:خليني أروح هالبنتين بيقلبون البيت فوق تحت ثم تضيق أمي علي ..!
فجر:ما عليك ربع ساعة و أروح أشوفهم قبل ما أطلع ..
ريناد بكل صدمة:بتطلعين ..! على وين ..؟!
فجر بكل ربكة:سرّ .. بعدين أقول لك عليه ..!
ناظرتها بنص عين:طبعا أنا موب جنى و لا ليان حتى أكون أول من يعرف ..!
فجر:لا وش دعوة ..؟! موب كذا بس لما تعرفين راح تعذريني ..
ريناد بكل فضول:فجور تكلمي ..!!
فجر:خلك مني .. ما شفت لا ليان و لا جنى .. ما تعرفين عنهم شيء !!
ريناد:جنى مدري عنها .. دقيت على جوالها مشغول يجي نص ساعة .. و ليان الله يكون بعونها ..
فجر:ليه وش فيها ..؟!!
ريناد:تأثرت بموت لوجين كثير .. تخيلي الحين هي بالمستشفى جاها انهيار عصبي ..
تنهدت بكل ضيق:لا حول و لا قوة إلا بالله .. المسكينة أختها بعد ..!!
ريناد:ايه و الله .. الله يكون بعونها ..
تنهدت بضيق أكبر .."جعلني ما أذوق اللي ذاقته .. يا رب" ..
.._.._.._.._.._..
صرخت فيهم بكل عصبية:وشلون يعني ..! كل هذا يصير من وراي .. يوم واحد ..
يوم واحد بس رحت لعزيمة ... ما سافرت و لا طلعت برحلة و انعفس البيت كذا ..
عبد المجيد بكل ضيق:أنا قلت لهم يكلمونك .. بس تعرفين مياف ..! واحـ..
قاطعته وهج بكل ضيق:هذا وقت هالكلام ..!! .. – قربت منها و بنبرة هادية حتى تهديها:ما صار شيء .. هو تحليل بسيط .. إذا ما طلعوا خواتي ما راح نخسر شيء ..!
صرخت فيها:تحليل و إلا غيره أنا اللي يهمني .. شلون كل شيء فـ هالبيت يتحرك من غير شوري و كأني مو موجودة ..
صار لها ربع ساعة جالسة بكل هدوء و تسمع نفس الكلام يتكرر على لسان أمها ..
زفرت وسن بكل ضيق .. مدت يدها و جرت جمان معها:عن أذنكم ..
أم محمد بكل عصبية:شفتي شلون حتى أختك الصغيرة ما عاد تحترمني ..
تنهدت بكل ضيق و هي تمشي خطواتها الأخيرة لفوق .. همست:أنتي أصلا من متى كان لك احترام عندي ..
همست لها جمان:وسن هاذي أمك ..!!!
زفرت بكل ضيق و هي تفلت يدها و تكمل طريقها لـ غرفتها:جمان مو ناقصة محاضرات رجاء ..!!
زفرت بكل ضيق و هي تسمع صوت زوجة أبوها العالي ... لحقت أختها .. دخلت الغرفة و سكرت الباب وراها:مهما كان شوفي وشلون عصبت زيادة ..!
وسن و هي تتصفح كتب المدرسة:هي أصلا ما راح تهداء إلا لما تشوف مياف قدامها و تهزئه و قتها بس بتحس أنها انتقمت من أبوي ..
قربت و جلست على طرف السرير:صراحة أنا موب مقتنعة بسالفة إن أمك تكره مياف عشانه كشف موضوع زواج أبوي من أمي بس ..!
وسن:بعينك سبب تافه بس بالنسبة لأمي .. بنت العز و الدلال و صاحبة المال و الجاه .. اهانه لو مياف مو ولدها كان من زمان مأخذين عزاه ..!
جمان و الصدمة بعيونها:أوف لهالدرجة ..؟!
وسن:و أكثر ..-زفرت بكل ضيق:تعالي نذاكر بس .. ما راح نستفيد شيء من الكلام عنها ..!
تنهدت بكل ضيق .. استسلمت للدراسة صح .. بس تفكيرها ما استقر على الدراسة ..
و ظل بالها يروح و يجي على زوجة أبوها و وش ممكن تسوي لما تشوف مياف ..!
على بعد كم شارع من المستشفى .. واقف عند الإشارة ..
نواف بكل تردد:و بعد كذا وش بيصير ..؟!
جوري:إذا التحليل أثبت أني بنتهم ملزومين يعترفون فيني ..!!
نواف بكل حيرة:و كل شيء بيتغير بحياتك ..
جوري:صحيح ذكرتني .. لازم نغير أسمي بعقد زواجنا ..
نواف بكل ربكة:طيب ظنك أخوانك ما راح يقولون شيء عن زواجنا ..
جوري و نظرة التوهان بعيونها:وش بيقولون يعني ..؟!
نواف و هو يحرك السيارة و القلق واضح بعيونه:تدرين أنتي لو طلع أبوك .. مسفر الـ**** .. راح يكون فيه فرق شاسع بيننا ..!
جوري بكل ضيق:نواف من متى تفكر بهالطريقة ..!
نواف:ما أفكر كذا .. بس أحاول أشوف الموضوع من كل الجهات ..
جوري:ما عليك من أهلي أنا كل اللي أبيه منهم أسم بس .. و إلا ما أتوقع أندمج معهم .. أنت خلك فـ أهلك و فكر وشلون تقول لهم عني ..!
زفر بكل ضيق:طيب بتعرفيني عليهم الحين و إلا بعد ما تطلع النتيجة ..!
جوري:طبعا الحين .. أكيد يعرفون إني متزوجة و شيء ضروري يعرفونك حتى لو ما كانوا أهلي ..!
زفر بكل ضيق ..
جوري:نواف وش فيك .. أنت متضايق لأني بعرف أهلي ..
نواف بكل صدمة:وش هالكلام جوري ..!!-بلع ريقة بكل توتر:أنا بس خايف من سالفة النسب .. تقلب شيء ثاني أنتي الحين تسمعين بقضايا تكافؤ النسب و غيرها ..!
جوري بنبرة كلها راحة:يعني أنت متخيل إني راح أتخلى عنك بكل سهولة ..
زفر بكل ضيق:أنا ما سويت لك شيء غير إني زدت همك همين ..
الجوري:نواف جد بديت أحس إنك شخص ثاني ..! أنت تدري لولا أنت بعد الله .. كان الحين أنا ما وصلت لحد هالموقف .. و لا كنت بهالمكان ..!
زفر بكل ضيق:لا تحاولين تجمليني بعيونك .. أنا خبيتك عن أهلي و كأنك جريمة و الحين جبت زوجتي الأولى عندك ..
جوري:أنت كنت معذور و أنا مقتنعه بهالشيء ..!
نواف:بس ..-قطع كلامه رنة الجوال ..
ابتسمت:محد قالك تجيب سيرتها .. أنا بنزل على بال ما تخلص منها ..
.._.._.._.._.._..
مياف بكل صدمة:شلون ..
غزل و عيونها الذبلانة ترمش بكل كسل:مثل ما سمعت ..!
مياف بكل ربكة:أنا بعتبر نفسي ما سمعت شيء ..!
غزل و صوتها يختنق:مياف افهمني أنا وياك .. ما لنا نصيب فـ بعض من البداية ..
مياف:موب صحيح .. إإنا مع بعض الحين و بعد ما تتشافين بنكون مع بعض ..
غزل:لا هذا اللي موب صحيح .. مياف أنا وياك غلطنا مع بعض كثير .. و كل اللي قاعد يصير لي عقاب من رب العالمين ..
مياف بكل ضيق:أنا وياك ما سوين شيء غلط .. –سكت لـ ثواني:أنتي شايفة حبنا لـ بعض ذنب ..!
غزل:أنا ما أتكلم عن الحب .. أنا أتكلم عن علاقتنا المستمرة من غير داعي .. أنا وياك نكلم بعض و نشوف بعض و كأنه شيء عادي ..
مياف:ايه عادي .. أنتي بكرة بتصيرين زوجتي ..!
غزل:بس أنا للحين على ذمة تركي و لما يطلقني وقتها تقدر تقول هالحكي ..!؟
مياف بكل غيض:أنا عرفت من البداية أكيد عبد الملك هو اللي كلمك ..!
غزل:ولد عمك ما له دخل بالموضوع .. هاذي قناعتي ..!
مياف بكل عصبية:طبعا لازم تقتنعين .. أكيد جاب لك طاري تركي و قال لك أنه هنا ..
غزل بكل صدمة:تركي هنا ..؟!
مياف و صوته يرتفع:ايه لا تقولين ما قال لك .. أنا أعرف أسلوب مليك يستغل أحقر شيء عشان يمشي اللي فـ باله ..-وقف و هو يدف الكرسي برجوله بكل قوته:بس هين .. أنا بعلمه الحين ..-طلع من الغرفة ركض ..
تنهدت بكل ضيق .."تركي ..... رجع ...!" ..
.._.._.._.._.._..
طقت عليها باب غرفتها ..
لمى و هي ترتب أطراف فستانها:أدخل ..!
ابتسمت لها خالتها=زوجة أبوها" و هي تدخل:هاا خلصتي ..!
بادلتها الابتسامة:ايه .. أبوي وصل ..!
دخلت و سكرت الباب و راها:لاء .. باقي له كثير على بال ما يوصل ..
لمى و عيونها ع المرايا تتفحص نفسها:البنات للحين تحت ..؟!
جلست على طرف السرير:لا كلن راح مع أهله .. بقي بس أميرة قالت بتطلع لنا بعد شوي ..
لمى بكل استغراب:غريبة أخت المعرس و آخر من يروح ..!
منى و هي تتأملها:ضيعت صندلها و قاعدة تدور على واحد بداله ..
لمى و هي تقرب و تجلس قبالها:ايه .. قولي كذا ..!
ابتسمت:قلت على بال ما يوصل أبوك أجلس أسولف معك ..
لمى و بعيونها نظرة تفكير:فـ بالك شيء و إلا تبين تقطعين الوقت ..!
منى:لاء فيه شيء أنا ملاحظته عليك بالأيام الأخيرة .. و حبيت أتكلم معك عنه ..
لمى و هي تحاول تخفي توترها:وش هو ..!
منى:قبل شيء مكالماتك لصديقتك بآخر الليل ..! هذا عادة موب زينة المفروض تبطلينها ..
زفرت بكل ضيق:أنا متعودة على هالشيء من زمان .. عشان كذا عادي بالنسبة لي و بعدين أنتي قلتيها صديقتك يعني موب قاعدة أزعج أحد ..
منى:تتوقعين أهلها موب منزعجين ..!
لمى بكل ضيق:أهلها ..! الله يكون بعونها بس ..
منى:ع العموم .. أنا ما كنت ناوية أكلمك فـ هالشيء بس أبوك اللي حب أفتح معك هالموضوع .. و إلا أنا بالنسبة لي هاذي حرية شخصية ما لي دخل فيه ..
زفرت:أبوي ..!
منى:ايه .. أبوك ..
لمى بكل تردد:طيب وش الموضوع اللي بغيتيني فيه ..؟!!!
منى و بعيونها نظرة تفكير:من وقت ما جيت لهنا كل تصرفاتك مكشوفة .. قصدي أعرف متى تكونين متضايقة و متى تكونين زعلانة .. بس هالأيام سرحانك كثر ..!!
لمى بكل ربكة:ليه السرحان جريمة ..!
ابتسمت:لاء موب كذا .. بس حبيت أقول لك إني مثل أمك و إذا فيه شيء مضايقك أنا مستعدة أسمعك ..
سكت لثواني .. و أفكارها تروح و تجيب بها .. نطقت و التردد و اضح بملامح وجهها قبل صوتها:صراحة هو فيه شيء .. بس أنا خذيت قراري خلص و طبعا بعد ما استخرت ..
منى و بعيونها نظرة تفكير:دام السالفة فيها استخارة أكيد معرس ..
لمى بكل إحراج:ايه .. و واحد قريب بعد ..
منى و الاهتمام بعيونها:من هو ..؟!
خذت نفسها بصعوبة:ناصر ولد عمي ..
ارتسمت على وجهها نظرة الصدمة .. ثواني و رجعت تبتسم:و الله .. يا حليلة و الله أنه طيب و يستاهلك ..
ابتسمت:صراحة أنا فكرت أخذ رأيك .. بس نهى نبهتني قالت ما تبي أحد يعرف .. عشان لو رفضته ما تصير مشاكل ..
ارتسمت نظرة لوم بعيونها:ليه على بالك لما تقولين لي راح أنشر الخبر ..! الله يهديك بس ..
لمى:أدري أنك موب كذا .. بس كل مرة تقابلني نهى تنبهني و تحذرني .. و صرت أخاف ..
رجعت تبتسم:ما عليك خلاص .. المهم الحين وافقتي ..
لمى:أمس قررت .. بس للحين ما قلت لـ نهى ..
اتسعت ابتسامتها:الله يوفقك يا رب ..
فتحت الباب و دخلت عليهم .. أميرة و التعب بصوتها:كنت عارفة أنكم هنا ..
لمى:وش فيك .. خربتي مكياجك ..!!
أميرة بكل ضيق:قعدت أدور لي صندل يناسب الفستان .. بالموت حصلته .. تقولين أحد حالف عليه يضيع اليوم ..!!!!
ابتسمت لمى:عاد ما شاء الله عليك كل ألوان الدنيا بفستانك ..!!
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مياف بكل عصبية:أنت قاعد تلعب فينا على بالك كل شيء بيدك ..
عبد الملك و هو يسكر الباب:مياف الله يخليك إهداء ..!!
مياف:لا ما راح أهداء .. أنت الحين تصلح غلطك و تروح تقول لـ غزل أن كل اللي قلته كذب عشان تفرق بيني و بينها ..
عبد الملك بكل ضيق:أنا ما قلت لها شيء .. و إذا هي رجعت لعقلها هاذي موب مشكلتي ..
مياف و عصبيته تزيد:تبي تقنعني أنك مالك أي دخل بالموضوع ..
زفر بكل ضيق:مياف أنت خذيت علاجك اليوم ..!
رمى بثقله على الكنبة .. حس بالدنيا تسود بعيونه و فكره يضيق به أكثر و أكثر ..!!
قرب منه:وين الحبوب اللي عطيتك إياه ..
بلع ريقه و هو يحس بأطرافه ترتجف:ما أدري ..
طلع حبة من جيب البالطو:أمسك ..
خذها بكل سرعته .. و تمنى لو هالحبة تقدر تنسيه يومه كله ..
زفر عبد الملك بضيق أكير:مياف لا تخليني أضطر أدخلك المستشفى ..
همس بكل آسى:ما أبي شيء غيرها ..!
تنهد:خلاص أنساها يا مياف .. هي موب لك ..!
.._.._.._.._.._..
زفرت بكل ضيق .. و نطقت بصوتها المبحوح من الكحة:قلت لك ما أبي شيء بس سوي لي بف و ثبتي هالزفت ..-أشرت على الطرحة ..
الكوفيرا:ما ينفع أنتي عروس لازم تسريحة ..
نوف بكل عصبية:غبية أنتي ما تفهمين .. قلت لك ما أبي تسريحة ..
نهى بكل توتر:خلاص سوي لها بف و ثبتي الطرحة بس .. شعرها و هي حرة ..
الكوفيرا بكل ضيق:أووك ..
نوف:وين جوالي ..؟!
نهى:فـ الشنطة .. قفلته خلاص ..
نوف بكل ضيق:هاتيه أبي أكلم ..
نهى:ما فيه .. خليها تخلص منك قبل لا تروح و تتركني أنا وياك ..
نوف بكل عصبية:و الله أنا ما دفعت فلوس و جبتها هنا عشان حضرتها تتأمر علي ..!
نهى و هي توطي صوتها أكثر:خلاص فضحتينا فـ القصر ..
زفرت بكل ضيق:وشو بعد تبيني أسكت و أنا صاحبة الحق ..
نهى بكل ضيق:خلاص وطي صوتك .. صوتك بدا يختفي ..
نوف و هي تبلع ريقها بكل صعوبة:حلقي يوجعني مرااا .. عطيني أي شيء ..!
زفرت بكل ضيق:ما جبت معي .. أصبري أدق على أميرة عشان تجيب لك معها أي علاج ..
نوف:لاء إلا هالسخيفة ما أبي أشوف وجهها اليوم ..!
نهى و بصوتها نبرة استهزاء:على أساس أنه يوم مميز بالنسبة لك .. و بعدين أميرة أخت المعرس شايفتها يعني شايفتها ..
نوف بكل تهديد:اسمعيني زين .. لو تدخل هالانسانة هنا و الله لأخرب عليكم هالعرس ..!
نهى بكل خوف:خلاص بدق على لمى و إلا تدرين الجوهرة أقرب ..
نوف:ما عليه ذا المايعة أهون من الملسونة ..
ناظرتها بكل لوم .."الله أعلم من الملسون ..!"
.._.._.._.._.._..
نزلت الطرحة و بكل ضيق:ما كأنهم ركبوه بدري ..!!!
هزت رأسها بالنفي:لاء أنتي اللي جيتي متأخر ..
تنهدت فجر بكل ضيق و هي تقرب من أختها:ما عليه غزول شدة و تزول ..
بلعت ريقها و بكل خوف:يا خوفي تزول و أروح معها ..!
فجر بكل اندفاع:فال الله و لا فالك .. تفائلوا بالخير تجدوه ..!
دفنت رأسها بالمخدة أكثر:من تزوجت ما شفت الخير ..!!! مدري وش قاعد يصير لي ..
فجر:استغفر الله العلي العظيم بتعترضين على أقدار ربك ..!
غمضت عيونها بكل راحة:فجر خلاص ما أبي أسمع أكثر ..
بكل تردد:قلت لـ خالتي أم تركي عنك ..!
رجعت تفتح عيونها و بكل صدمة:ليه ..!
فجر:الكل لامني .. و بعدين ما قدرت أجلس فـ عزاهم و أنتي هنا محتاجتني ..
غزل:حتى ولو .. ما كان المفروض تقولين لهم .. أنا أقدر أعتمد على نفسي ..
فجر:بوقت العلاج ايه .. لكن بعده .. مستحيل تجلسين لحالك ..
غزل:من قال أمس كنت لحالي ..
فجر بكل لوم:طلبتي مني أروح و أتركك و فـ النهاية خذيتي إبرة مهدئ غير المسكنات اللي تأخذينه طول الوقت ..
غزل:البداية بس صعبة ..!
فجر:أنا جالسة اليوم عندك لحد آخر الليل .. هذا شيء ما فيه نقاش .. المهم ألحين خلينا فـ تركي ..!
حست بالدنيا تدور فيها .. ثاني مرة تسمع طارية اليوم و مجرد ما تمر صورته بخيالها .. تحس بالخوف يوتر فـ أعصابها ..!
كملت فجر:سألتني خالتي عنه و ما عرفت وش أقول لها .. غزل وش اللي صار بينكم .. ليش أنتي الحين هنا و هو مختفي ..!!
سحبت المفرش و غطت نفسها أكثر .. همست:بعدين يا فجر بعدين ..
تنهدت بكل ضيق:بعدين ..!! بعدين ..!
.._.._.._.._.._..
بعد ما كان البيت مليان بصوت صرخاتها و نبرتها الحادة صمّتّ أذون الكل ..
ما عاد بيدها شيء تسويه أكثر .. نطقت بكل صدمة:شلون يعني ..!
محمد:أنا و مياف متأكدين من أنهم خواتي و هاذي مجرد إجراءات قانونية لا أكثر و لا أقل ..
أم محمد:بتمشي كلام أخوك البزر على كلام الكل ..!!!
محمد:يمة الله يهيدك .. هذا الواقع .. أنتي لازم ترتاحين موب عشاننا عشانك .. و عشان أعصابك ..
أم محمد و العصبية ترجع لها من جديد:و أخوك هذا وينه ..؟!
محمد:مدري .. خلصنا الفحوصات و طلع قال بيزور عبد الملك ولد عمي و لا عاد شفته ..
أم محمد:خله يرجع دواه عندي ..
محمد بكل لوم:يمة خلاص يكفي ..!!
أم محمد:لاء موب خلاص .. مو كفاية اللي سويتوه أنت وياه بقي أربيه من أول و جديد .. عشان يعرف شلون يعيش فـ هالبيت و يحترم كل اللي فيه ..
محمد:يمة مياف ما له دخل هاذي كانت رغبت أبوي من البداية ..
أم محمد:و أنت مصدق كلام الخبل مشاريوة ..
محمد:لاء أنا أصدق الأوراق .. !!
أم محمد بكل خوف:أي أوراق ..!!
محمد و هو يبلع ريقه بكل خوف .. قاعد يكذب على أمه بس عشان تقتنع:أبوي كتب كل شيء كان ناوي يسويه و كأنه كان حاس باللي راح يصير له وبعدين ..-رجع يسكت و التردد واضح بعيونه ..
أم محمد:بعدين وشو ..!!
محمد:اليوم الدكتور طمنا على أبوي قال أنه بخير و طلع من غيبوبته لكنه للحين ما صحى ..
ارتبكت:تتكلم من جد ..
محمد بكل لوم:يعني بكذب عليك يا يمة ..!!
زفرت بكل ضيق .. تصنعت البرود:يا ليته يصحى .. عشان نحط النقط ع الحروف و تنتهي كل هالمهزلة ..
وقف:طيب عن أذنك .. أنا تعبان طالع أرتاح فوق ...-توجهه للـ الباب و طلع ..
مسكت يده و همست:محمد ..
رفع يده على صدره:بسم الله الرحمن الرحيم من وين طلعتي أنتي ..!!
جرته وهج بعيد عن المكتب:صدق اللي قلته لأمي ..؟!
محمد:قاعدة تتصنتين علينا ...؟!
وهج:يعني أنتي ما راح تقولي عن اللي صار .. أكيد كنت بتقول لي .. بس ما حبيت أنتظر أكثر ..
ناظرها بكل لوم:وش اللي ما صدقتيه ..!!
وهج:أبوي صحى ..!
محمد بكل حماس:طلع من غيبوبته و فيه استجابات حسية على قولت الدكتور .. بس للحين ما فتح عيونه ..
ابتسمت بكل راحة:الله يبشرك بالخير ..
زفر بكل ضيق:خواتك وينهم ..؟!
وهج:أي خوات فيهم بالضبط .. !!
محمد:يعني من بسأل عنه .. غير وسن و جمان ..!
وهج:فـ غرفة وسن يذاكرون للقدرات ..
محمد:اسمعي .. لازم نعود أمي عل وجود جمان بهالبيت .. و قريب راح تجي جنى معنا ..!
وهج بكل صدمة:الثانية بعد ..!!!
محمد:ايه .. و يمكن أجيبها قبل لا تطلع نتيجة التحاليل .. جنى عايشة مع الجازي و الجازي عندها ولد زوجها عايش معهم من قبل .. بس الحين طلع من البيت بسبب جنى و المفروض ما نسمح بهالشيء ..!
وهج:ليش جنى شرانية يعني ..!!
زفر بكل ضيق:لاء .. بس ما ينفع يكون مع جنى فـ بيت واحد لأنه مو محرم لها ..
زفرت بكل ضيق:الحين بتتعقد الأمور أكثر .. أنت لازم تتنظر نتيجة التحاليل على الأقل و إلا أمي وش يقنعها ..
محمد:كل الأوراق تثبت أنه أختنا و التحاليل مجرد شكليات لا أكثر و لا أقل ..
.._.._.._.._.._..
لمى بكل ضيق:ما راح تزفونها ..!!!
نهى:تستهبلين .. هي من غير شيء شابة فـ هالغرفة .. تقولين غاز و راح ينفجر .. و فوقها تعبانة .. مستحيل نزفها أصلا هي ما راح ترضى ..
لمى:طيب يمكن هالزفة تخليها تتوتر و تهداء ..
نهى:لا حبيبتي هاذي تتوتر ما تستحي .. هاذي تخاف و تعفس الدنيا فوق تحت ...
زفرت بكل ضيق:الله يستر و الله .. كان المفروض ما تحجزون لهم في فندق .. و خليتهم يرجعون معنا البيت خاف تسوي فـ مشاري شيء ..!!
ضحكت بكل تلقائية:هههههههههههههه .. الله هاد حيلها بهالمرض .. و نفس الشيء اللي براسه شر ما يطيح .. بس و الله إني خايفة عليها بعد مشاري موب سهل ..
لمى:لا يغرك طوله و عرض أحس إن قلبه قلب عصفور ..
نهى:هذا اللي يهزمها كل نهاية أسبوع و الله ما ظنتي تعدي هالليلة على خير ..
قاطعتهم بكل ضيق .. الجوهرة:نهى تعالي شوفي أختك .. جننت المصورة ما خلتها تصورها مثل الناس ..
نهى بكل لوم:قلت لك بلاش من التصوير ما طعتي ..!!!
الجوهرة:وش يحلي العرس غير الصور .. –بكل ترجي:تكفين تعالي اقنعيها ..
لمى:أنا جاية معك .. بأخذ لي كم صورة بعد ..
ناظرتهم بكل لوم و هم يبعدون ..
قربت منها أميرة:وش عندهم رايحين يتراكضون ..!
نهى:ابد بيصورون ..
شهقت بكل صدمة:تصوير ...-ناظرتها بكل لوم:روحي الله يأخذك لبيت رجلك ..
نهى:هههههههههههههههه ..
ناظرتها بكل غيض:أنا مدري يعني من زين أختك عشان ما أدخل عندها ..!!
نهى:اليوم كل جن الدنيا عند عيونها .. و كل ما عصبت حطت حرتها فيك شلون لو كنتي قدام عيونها ..
أميرة بكل ضيق:توها الظهر وش زينها ..!
نهى:عاد عين وصابتها وش نسوي ..؟!
أميرة:ما عليه .. بكرة يحدها الزمن علي وين بتروح بصير أخت زوجها ..
نهى:متى يعني بعد سبع سنين ..!!
أميرة بكل ضيق:لو بعد عشر مردها لي ..-زفرت و الضيق واضح على ملامح وجهها .. ابتعدت عن نهى من جديد و انضمت لبنات خالاتها ..
..
ابتسمت نهى وعيونها تحوم على المكان .. الكل مرتاح و مبسوط .. مع أنه أسرع زواج صار على وجه الدنيا بس كل شيء فيه تمام ..
رفعت طرف فستانه الطويل حتى تدخل عند أختها ..
استوقفتها:لو سمحتي ..
لفت عليها بكل استغرب .. انصدمت أول ما شافتها:جنى ..!-رجعت تبتسم لها ..
.._.._.._.._.._..
سندت رأسها على الجدار:طيب و بعدين ..
زفر بكل ضيق من وراء السماعة:مدري .. ما صار لها غير ربع ساعة من صحت أنا خايف أدخل عندها و تنصدم لما تشوفني مفتح ..!
ريناد بكل لوم:بالعكس هالشيء راح يفرحها ..
بسام بكل توتر:قلت لك مدري .. موب عارف وش أسوي بصراحة ..
تنهدت بكل ضيق:بسام إذا ما دخلت عند ليان لازم تجي للبيت الكل فاقدك و الكل يسأل عنك .. تعبت و أنا كل شوي طالعة لهم بحجة ..
بسام:كان قلتي لهم أني عند ليان ..
ريناد:قلت لهم محد عاذرك .. أضطر أزيد فـ الكلام عشان يقتنعون ..
زفر بكل ضيق:خلاص بحاول أدخل عندها إذا ما قدرت .. رجعت للبيت ..
ريناد:أوك .. يا الله أنا بدخل قبل لا يفقدوني ..
بسام:طيب حبيبتي خلي بالك على نفسك ..
ريناد:إن شاء الله حياتي و أنت بعد ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك