رواية قلوب تتراقص على انغام الالم -77
سندت رأسها على الجدار:طيب و بعدين ..
زفر بكل ضيق من وراء السماعة:مدري .. ما صار لها غير ربع ساعة من صحت أنا خايف أدخل عندها و تنصدم لما تشوفني مفتح ..!
ريناد بكل لوم:بالعكس هالشيء راح يفرحها ..
بسام بكل توتر:قلت لك مدري .. موب عارف وش أسوي بصراحة ..
تنهدت بكل ضيق:بسام إذا ما دخلت عند ليان لازم تجي للبيت الكل فاقدك و الكل يسأل عنك .. تعبت و أنا كل شوي طالعة لهم بحجة ..
بسام:كان قلتي لهم أني عند ليان ..
ريناد:قلت لهم محد عاذرك .. أضطر أزيد فـ الكلام عشان يقتنعون ..
زفر بكل ضيق:خلاص بحاول أدخل عندها إذا ما قدرت .. رجعت للبيت ..
ريناد:أوك .. يا الله أنا بدخل قبل لا يفقدوني ..
بسام:طيب حبيبتي خلي بالك على نفسك ..
ريناد:إن شاء الله حياتي و أنت بعد ..
زفر بكل ضيق و عيونه تطيح على غرفة أخته:إن شاء الله يالله سلام ..
نزلت الجوال و هي تأخذ أنفاسه بكل صعوبة .. جلست على عتبة باب المطبخ ..
حست بالتعب يهد حيلها ..
قرب منها و بكل خوف:ريناد فيك شيء ..؟!
رفعت رأسها و ابتسمت بكل تعب لأخوها:لا بس كنت واقفة .. و الظاهر أتعبتني الوقفة ..
قرب منها بدر أكثر:وش مقعدك عند باب المطبخ ..!!
ريناد:طلعت أشم شوية هواء .. جوا الكأبة جوا يخنق .. و دقيت على بسام أشوف وش صار عليه ..
جلس جنبها:إلا صحيح زوجك وينه ..؟!
ريناد:فـ المستشفى مع ليان .. المسكينة لما عرفت بالخبر طاحت عليهم منهارة ..!!
بدر:المسكينة و هي دايم كذا .. حساسة و أعصابها على على جريف=طرف أو ما تتحمل" ..
ريناد:الله يكون بعونها ..
بدر:و خالتك أم بسام وش أخبارها ..؟!
ريناد:هالمرة متأثرة كثيير .. من جلست بس ساكته و دموعها على خدها ..
بدر:الله يكون فـ عونها هي الثانية ..-سكت لـ ثواني و التردد واضح بعيونه ..
ريناد بكل فضول:فيه شيء ..؟!
بدر:جنى ما جت ..؟!
ريناد:لا محد دق عليها و قال لها ..
بدر بكل صدمة:ليه هي للحين من العايلة ..؟!
ريناد:محد فاضي يفكر بهالشيء .. و بعدين تلقاها الحين محتاسة مع أهلها ..
بدر:ليه وش صار معها ..؟!
ريناد:خبري بها .. بتروح تزور وحدة تقول أنها تعرف أختها التوأم و بعدها بيروحون لأبوها .. هذا الكلام أمس ..
زفر بكل ضيق:حتى ولو هالأشياء تتأجل لكن العزاء لما يخلص ما يرجع ..
زفرت بكل ضيق:بقي يومين على نهاية العزاء و بعدين وقفت عليها .. هاذي ليان فـ المستشفى .. و فجر بعد طلعت .. و الله العالم من بيطلع الحين ..
بدر:و فجر وش فيها بعد ..؟!
زفرت بكل ضيق:غزل فـ المستشفى ..
بدر:لا حول و لا قوة إلا بالله .. المصايب تجي مرة وحدة ..
ريناد:اللي فهمته من خالتي بعد .. أنها فـ المستشفى من يومين أو ثلاثة بس ما قالوا لأحد ..!!
بدر بكل استغراب:ليه سكتوا ..؟!
ريناد:مدري و الله .. بس مخي مو قادر يستوعب كل اللي يصير ..
خيم الهدوء عليهم .. دقيقة .. ثنتين .. ثلاث ..
رجع يتكلم رغم التردد الواضح بعيونها لكن صوته كله ثقة و حماس:أقول ريناد ..
من ثواني ارتسمت فـ عيونها نظرة تفكير .. أول ما سمعت صوته تلاشت ..:هلا ..
بدر:فيه موضوع مهم بغيت أكلمك فيه .. أدري الوقت موب مناسب .. لكن إذا كلفتك به راح تأخذين وقت كبير على بال ما تلقين الفرصة المناسبة ..
ريناد بكل توهان:بدر وش قاعد تقول ..؟!
زفر بكل ضيق:بقول اللي عندي و عقب أشرح لك ..
ريناد و أعصابها تتوتر من طريقة كلامه الغريبة:تكلم وش فيه ..؟!
بدر:أنا نويت أخطب ..
ابتسمت:صدق .. الله يبشرك بالخير .. أكيد أمي بتستانس ..
بدر بكل خيبة أمل:لا ما راح تستانس ..
ريناد بكل خوف:ليه .. من هاذي اللي بتخطبها ..
تنهد بكل ضيق:جنى ..
ريناد بكل صدمة:جنى ..!! أنت تقصد جنى مغير ..
بدر و الإصرار بصوته:ايه جنى بنت عمتي ..
ريناد:بس .. بس هاذي كانت عمتك بيوم من الأيام ..
بدر:لكنه موب عمتي بـ الشرع و القانون حتى ..!
ريناد بكل عصبية:بدر تستهبل أنت ..-رجعت تسكت لثواني:الحين كل المهزلة اللي كنت تسويها مع جنى عشان ...-حست بالكلمات تضيع منها ..
بدر:ايه .. أنا من البداية أحبها و كنت أبيها لي ..
ريناد بكل صدمة:و فرضا ما طلعت بنت عمتك و طلعت عمتك صدق ..!
بدر:مستحيل .. أنا كنت عارف كل شيء .. و إحساسي كان صح من البداية ..
زفرت بكل ضيق:بدر أنت مستوعب اللي تقوله ..-وقفت و بكل اعتراض:أنا بعتبر نفسي ما سمعت شيء و أنت راجع نفسك ..
بدر بكل عناد:اسمعيني يا ريناد أنا كلمتك أول وحدة فـ الموضوع لأني عارف محد يفهمني قدك .. بس إذا من الحين يتسوين كذا أنا بروح أخطبها بنفسي و يصير اللي يصير ..
ريناد و صدمتها تزيد:لا حشى .. أنت موب بدر اللي أعرفه ..
زفر بكل ضيق:العقل ما فادني بشيء .. و غير كذا ما طلبت شيء حرام و لا ممنوع ..
ريناد:طيب فكرت الناس بكرة وش بتقول عنكم .. كيف كنتوا و كيف صرتوا ..؟!
بدر:كلام الناس ما له نهاية و الواحد يسوي اللي يبيه و يرتاح أحسن من أنه يحرم نفسه و بحياته ما راح يرتاح ..
زفرت بكل ضيق و نبرة صوتها ترجع لـ وضعه الطبيعي:خلاص أنا بكلم جنى .. بس أنا متاكدة .. أنها راح ترفض وقته بتعرف وش قد كنت غلطان ..-سحبت نفسها من المكان قبل لا تسمع كلام يسمّها أكثر ..
مو كفاية عليها العزاء و تعب الحمل .. يكملها أخوها بـ همّ و كأنها ناقصة ..!!
.
زفرت بكل ضيق:يوووووه منك يا فيصل .. لازم أعيد اللي قلته عشر مرات ..
زفر بكل ضيق من وراء السماعة:مو معقولة تجين للشرقية و تروحين و أنا ما أعرف ...
ريتاج بكل ضيق:يعني متخيل إني بطلع معك و إلا أهلي بيسمحون لك تشوفني .. و إلا وش تفكر فيه بالضبط ..؟!
فيصل بكل ضيق:ليش تفكيرك سلبي كذا .. أنا كل اللي أبيه تتعودين تقولين لي وينك فيه وين طالعه و من وين جاية .. أظن هذا حقي كزوجك ..
ريتاج:بس أنت للحين موب زوجي ..
فيصل:كلها أسبوع و أصير زوجك ..
ريتاج:بنت عمي توفت الحين و مستحيل نسوي الملكة إلا بعد شهر أو يمكن أكثر ..!
فيصل بكل صدمة:مستحيل تتأجل الملكة ..
ريتاج:و الله هاذي موب رغبتي و لا رغبتك .. العادات و التقاليد تقول كذا ..
فيصل:ما عاد فيه ناس تتبع العادات و التقاليد اللي ما لها أي داعي ..!
ريتاج:حتى لو موب عادات و تقاليد .. أنا ما راح أتحمل أفرح و أستانس و تراب بنت عمي ما نشف ..!!!
فيصل بكل غيض:يا سلام موب هاذي لوجين اللي طيحتك فـ مصايبها و كانت تبي.لك الشر لحد آخر لحظة من عمرها ..
ريتاج:حسابها بينها و بين ربها .. بس أنا أحط نفسي مكانها .. لو كنت أنا اللي مت قبل راح أكون محتاجة لـ دعوات الكل لي ..
زفر بكل ضيق:لا حول و لا قوة إلا بالله ..
زفرت بكل ضيق:فيصل أنا بسكر .. مضطرة أنزل كل الأهل تحت .. ما يصير أتركهم كذا ..!
زفر بضيق أكبر منها:أووك .. باي ..-سكرت الخط و نزلت السماعة ..
رفعت أروى عيونها من على جوالها:وش فيك شوي و كنتي بتدخلين له فـ الجوال ..
زفرت بكل ضيق:كان يقدر يقدر شعوري على الأقل .. شفتيه شلون مُصر ع الملكة بوقتها ..
أروى بكل برود:من حقه هو وش دخله بـ لوجين ..!!
ريتاج بكل عصبية:لا تكملينها علي تكفين يا أروى ..
أروى بكل خوف:وش فيك .. خايفة و متوترة و كأن أحد حاط مسدس فوق رأسك ..!
دفنت وجهها بين كفوف يدها:حاسة بمخي موقف .. موب قادرة أفكر بأي شيء ..
أروى:تبين الصراحة ..
رجعت ترفع رأسها:نوريني ...!!
أروى:أنا من أمس و حاستك تتوترين و تعصبين لما يجي طاري فيصل ..
ريتاج بكل لوم:كله منك من جبتي طاري الانتقام أمس و أنا أفكر فـ هالشيء ..!
أروى بكل هدوء:موب يقولون خذ الحكمة من أفواه المجانين ..
ابتسمت بكل تلقائية ..
ابتسمت معها:جد و الله .. دايم أسمع هالكلمة .. بس أحسه تركب على حالتك .."ما بُني على باطل فهو باطل" .. أنتي و فيصل علاقتكم من بدايتها غلط ما ظنتي بتستمر ..!!
ريتاج بكل خوف:أرفضه يعني ..!!
أروى:أنا ما راح أقول لك شيء أكثر .. أنتي فكري فيها لحالك .. –وقفت:قومي ننزل تحت قبل لا نتهزأ ..
وقفت وراها:ما عاد بقي أحد غير أهلنا قصدي محد غريب ..
أروى:ما عليه ننزل .. بكرة الناس بتجي صدق و بتشوفين الزحمة ..
ريتاج و هي تسكر الباب وراها:يا رب تجي ليان .. و الله ما لي خلق لـ هالقلق ..
أروى و هي تنزل مع الدرج:على طاري القلق تراني جبت غيار معي بنوم عندك الليلية ..
ريتاج بكل حماس:و الله ..! أبركها من ساعة .. تغيرين الجو علي شوي ..
أروى:مع إني بنحبس فـ غرفتك بس ما عليه أبرك من جلستي فـ غرفتي لحالي ..!
ابتسمت و هي تهمس:شوفي أمي و أمك شلون يناظرون فينا .. شكلهم ناوين علينا ..
همست لها:الله يعين ..
.._..._.._.._.._.._.._
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سندت أختها بحضنها و ساعدتها تطلع من الحمام ..
فجر بكل لوم:لو كنت دارية يصير معك كذا كان ما تركتك أمس ..
غزل و التعب بصوتها:لا خلاص .. هاذي المرة الأخيرة .. أمس كانوا الممرضات معي ..
أنا الحين بنوم .. المفروض أنتي ترجعين للبيت ..
ساعدتها تجلس على السرير:وين أروح .. شكلي بنوم معك ..
غزل بكل إصرار:وين تجلسين أبوي و عبد العزيز محتاجينك أكثر ..
طق الباب و دخل .. عبد العزيز:السلام عليكم ..
غزل:جيت بوقتك .. يا الله خذ فجر و امشوا ..
فجر:وين أروح .. أنا موب طالعه من هنا و هذا حالك ..
غزل:أنا كل يوم حالي كذا .. موب معقولة .. كل يوم تنومين عندي عشان كذا ..
زفر بكل ضيق:رحت أعطي أبوي علاجه و أصر يرجع معي البيت شكله حس ..
غزل:خلاص الموضوع ما عاد فيه كلام .. لازم ترجعين للبيت ..
ناظرتها بكل لوم:طيب بجلس عندك لحد ما تنومين ..
تمددت على السرير:دقيقتين و أنوم ما له داعي تنتظرين أكثر ..
همس بكل ضيق:الزيارة وقتها انتهى من زمان .. ما تقدرين تجلسين أكثر ..
فجر:طيب كلم ذاك الدكتور يمـ ..
قاطعها:خلاص شغل الوسطات انتهى .. فجر خلينا نطلع ..-قرب من غزل .. سلم عليها:أجر و عافية إن شاء الله ..
ابتسمت بملامح وجهها التعبانة:تسلم ..
لبست عبايتها .. قربت من أختها و ضمتها .. فتحت شنطتها:هذا جوال جبته لك إذا احتجتي أي شيء دقي علي ..
غزل:ما ينفع اليوم الدكتور حذرني من الجوال ..
فجر بكل خوف:ليه وش فيه ..؟!
غزل:مدري .. بس أهم شيء يكون بعيد عني ..
زفرت بكل ضيق:طيب بقفله و أتركه فـ الدرج إذا احتجتي لأي شيء .. دقي علي طيب ..!
هزت رأسه بالموافقة:إن شاء الله ..
أقل من الدقيقة خلا المكان و ما عاد بقي غيرها .. زفرت بكل ضيق و هي تتأمل حالها .."هالوحدة أرحم من وحدة القبر" ..
زفرت بكل تعب و دموعها تخونها .."يا رب سامحني .. يا رب" ..
.._.._.._.._.._..
جالسة على طرف السرير و تبكي .. إحساسها بالوحدة و الضياع أكبر من إحساسها بـ الخوف و الرهبة من وجودها معه فـ مكان واحد بعيد عن الكل .. و لحالهم ..!!
زفر بكل ضيق:وبعدين معك يا نوف ..!
مسحت دموعها للمرة الخمسين و صوتها يضعف أكثر و أكثر بسبب المرض:ما لك دخل فيني خلني لـ حالي ..
من غير شيء ما يقدر يقاومها و يحس نفسه ضعيف قدامها وشلون وهي يصيح و دموعها ما وقفت .. إن قرب منها صرخت فيه و إن ظل واقف بعيد ما راح يطلع بنتيجة معها ..
مشاري بكل تردد:تبين نرجع البيت مع بعض !! و إلا أخليك تروحين لأختك و أنا بغرفتي عادي محد بـ يقول شيء و لا أحد يسترجي يقول شيء ..
نوف بكل عصبية:من قالك إني أبيهم و إلا أبي أسمع طاريهم حتى ..
زفر بكل ضيق:صار لك فوق الساعة صياح و بس حتى الـ ..
قاطعته بكل ضيق:ايه أنا بزر .. ترا حفظتها ما يحتاج تعيدها .. أنا ما أبيهم و لا أبيك .. خلني لحالي ..!
تنهد بكل ضيق:طيب أنا طلبت عشاء خلينا نطلع نأكل و بعدها سوي اللي تبينه ..
نوف بكل عناد:ما أبي .. وش فيك أنت ما تفهم ..!!
دفنت وجهها بين كفوف يدها .. و تركت شهقاتها تعلا .. يمكن هو بالنسب لها عدو ..
و تصرفها قدامه بهـ الشكل راح يخليها ضعيفة .. لكنها حست بالتعب و ما عاد لها حيل لاي مشاكل و حروب ..
حاسة بالكل تخلى عنها .. و كل اللي تتمناه تموت من ضيقها و قهرها من الموقف اللي هي فيه ..
صوت شهقاتها ما زادة غير حيرة و حزن على حالها .. رغم اهانتها له لآخر لحظة و عدم احترامها له لا كزوج و لا حتى حاط حساب لفرق العمر اللي بينهم ..
لكن يظل قلبه موب ملكه .. قرب منها بكل هدوء و ما قدرت تلاحظ قربه لأنها بعز ضيقها و حزنها ..
جلس جنبها .. حوطها بذراعه و ضمها لـ صدره ..
حست بجسمها يتجمد .. مو قادرة تحس بأي شيء و لا قدرت تسوي أي شيء ..
حتى صوتها حسته يختفى و ما عاد فيها قوة ..!
دقيقة .. ثنتين .. ثلاث .. اختفى صوت شهقاتها و هدت أنفاسها ..
ارتبك قبلها .. و ما حس بنفسه غير و هو ينطق من غير تفكير:قومي غيري ملابسك و اطلعي تعشي .. لا تخافين اعتبري نفسك للحين فـ بيت أهلك هاذي غرفتك و أنا بنام فـ الصالة ..
صدمتها بكلامه كانت أكبر من صدمتها من ردة فعله بعد هالإهانات و التجريح ..
أنواع الكوابيس شافتها ليلة البارحة و كل اللي فـ خيالها من اسوء لـ أسواء .. ارتاحت نسبيا .. و زادت راحتها و هي تسمع صوت الباب يتسكر ..
لكنها عارفة أنها ابتدت فـ طريق طويل ما تقدر تحدد وين و متى راح تكون نهايته ..
.._.._.._.._.._..
نزلت صحون العشاء على الطاولة ...:بس حتى ولو اليوم يومها ..
زفر بكل ضيق:هي تأخذ يومها و يومك .. و بعدين جلستي هناك ما وراها غير الصداع و القلق .. أنا أشك أنها تبيت موتني ..!
ابتسمت الجوري و هي تجلس:وش دعوة عاد .. يمكن بس للحين ما تأقلمت ..
نواف بكل استهزاء:لو هالكلام عنك يمكن لكن هي وش تغير عليها .. من يومها متعودة تعيش حياتها من غير ما تحسب وجودي ..!
جوري:ما عليه .. تبقى هي الزوجة الأولى اللي انجرحت ..
نواف:جوري الله يخليك ما أبي اسمع شيء عنها أنا جاي هنا أرتاح ..
جوري:طيب .. افتح جوالك على الأقل يمكن تحتاجك بشيء ..
نواف:خلاص انتهينا من هالموضوع ..
ابتسمت .. و بانت نظرة تفكير بعيونها:نواف ..
نواف و هو يأكل بكل استماع:همممم ..!
جوري:اليوم لما كنا بالمستشفى .. شكلك سولفت معهم و دخلت جو ..
نواف بكل استعباط:من هم ..!!
جوري:من بتكلم عنه ..-ترددت أكثر و هي تنطقها:أخواني ..
ابتسم:شكلك أنتي اللي شاكة فيهم موب هم ..
جوري:لا جد نواف .. وش حسيت به من كلامهم ..-بكل تردد:ارتاحوا لك .. موب مرتاحين ..!!!
نواف:لا لا .. بالعكس .. طول الوقت يتكلمون بثقة .. بكرة لما تطلع النتيجة بنروح للأحوال المدنية و يصير و يصير و يصير .. مخططين لكل شيء ..!!!
جوري:صدق ..!!
نواف بكل حماس:ايه و الله .. حتى دخلوني فـ الجو على طول لازم نشوفك و لازم تجيبها ..
ابتسمت بكل راحة:الله يبشرك بالخير ..
زفر بكل ضيق:دام سالفة أهلك عدت على خير .. فكري معي بأهلي ..
جوري بكل لوم:قلت لك أنتظر لحد ما تخلص سالفة أهلي لكن أنت ما طعتني ..!!
نواف:اللي صار صار و انتهى ..
جوري و هي توقف:ما في أحسن من الصدق قل لهم كل شيء ..
نواف و هو يعلي صوته حتى تسمعه:شلون يعني ..؟!
دخلت المطبخ شبت على بريق الشاي و طلعت:يعني .. قل أن أهلي ما طلعوا أهلي و سألنا و استفسرنا و لقيت أهلي و تغير أسمي .. بس طبعا بالتفصيل ..
زفر بكل ضيق:شورك و هداية الله ..
.._.._.._.._.._..
لبست عبايتها:بروح لبيت أهلي ..
راكان بكل لوم:ما ينفع العزاء خلص خلينا نرجع للبيت و ارتاحي و لـ جاء بكرة .. روحي لهم ..
ليان:مستحيل أنوم من غير ما أشوف أمي ..!!
راكان:أصلا أمك فـ بيت عمك أبو بدر و العزاء هناك .. و الحين أكيد نايمين ..
زفرت بكل ضيق:راكان الله يخليك بروح لهم ..
تنهد بكل ضيق:ما ينفع .. تدرين بسام هنا .. من الظهر بس خاف يدخل و تنهارين أكثر ..!
ليان:بسام هنا .. وينه ليه ما دخل ..!!
زفر بكل ضيق:قلت لك يبي يدخل .. بس أنتي ..
قاطعته:وينه أبي أشوفه ..!!!
راكان:خلاص طيب .. اجلسي هنا بناديه لك بس عندي شرط ..!!
ليان بقلة صبر:وش هو ..؟!
راكان:ما فيه روحه لبيت أهلك ..
ليان بكل عصبية:أبي أشوف بسام ..
زفر بكل ضيق:خلاص طيب ..- طلع لـ برا و فـ دقايق رجع و معه بسام ..
دخل بكل خوف .. من انهيارها من جديد ..
ابتسمت أول ما شافته:بسام ..
قرب منها .. سلم عليها:شـ أخبارك الحين ..؟؟!
تلاشت ابتسامتها و هي تركز أكثر فـ عيونه همست بكل تردد:بسام أنت تشوف ..!!
.._.._.._.._.._..
مسحت دموعها بكل حرقة:راحت معه ..!!
لمى بكل لوم:نهوي وش فيك ..!!
ضحكت عليها جنى:هههههههههههههههه .. لهالدرجة قلبك رقيق ..
نهى و هي تحاول تمسح دموعها ..:ما تخيلت نفسي أعيش من غيرها .. شلون برجع لـ غرفتنا .. شلون بعيش فـ البيت لحالي ..
لمى:لا تخافين نوف بتروح و انا بجي عندك ..
رفعت نظرها عليها بكل صدمة:شلون ..
جنى بنفس الصدمة:وافقتي ..!!
لمى بكل ربكة:وش فيكم .. بس بنوم الليلة معها ..!!
زفرت جنى بكل راحة:تحمست ع الفاضي ..
نطقت بكل تردد:صراحة فكرت و أنا موافقة ..!!
ابتسمت بكل فرحة .. نهى:صدق و الله ..!!!
هزت رأسها بالتأكيد:ايه من جد ..
جنى:مبروك الف الف مبروك .. إن شاء الله أكون أول من بارك لك ..
لمى بكل إحراج:عقبال ما أبارك لك بعد ..!
جنى:لاااء .. توني بدري بـ..-قطع كلامها رنة جوالها ..
ابتسمت و هي تلمح اسم أختها ع الشاشة:عن أذنكم ..
رفعت الجوال لأذنها:هلا ..
الجازي:خلصتي و إلا توك ..
جنى:خلاص طلعت العروس .. بس بجلس شوي مع لمى و بنت عمها ثم أطلع ..
الجازي:لا .. لازم تطلعين الحين ..
جنى بكل خوف:ليه وش صاير ..؟!
الجازي:لازم تطلعين عشان تجهزين أغراضك ..!
جنى بكل صدمة:وشلون ..!!
.._.._.._.._.._..
مشى بخطوات هادية .. دخل غرفتها بكل هدوء ..
رغم أنها مغمضة عيونها و معلقة بين الواقع و المنام .. لكن حست بصوت أنفاسه المضطربة ..
تحركت غزل بكل إنزعاج .. و تمنت أنها كابوس ينتهي قبل لا يبدا ..
قرب منها أكثر و إحساس الذنب يزيد بداخله و هو يتأمل ملامح وجهها الباهتة ..
نزل يده و تحسس ملامح وجهها بكل ألم و آسى ..
ما عاد فيه مجال للشك .. حست بالضيق و هي تتخيله مياف ..!!
فتحت عيونها و بكل عصبية:أنت ..-رجعت تسكت و نظرة الصدمة ترتسم بعيونها .. همست:تركي ..!!!
.._.._.._.._.._..
نهاية الجزء ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الـ|[38]|ـثامن و الثلاثون ..
..
|[ الأخير .. T_t]| ..
.
حركت إسفنجت البلاشر على خدها بكل خفة .. ابتسمت لنفسها بالمرايا ..
و بثواني رجعت تتلاش ابتسامتها ... زفرت بكل ضيق و هي تنزل عيونها على فستانها الأبيض المنفوش ..
رجعت رهبة هالليلة تتملكها من أول و جديد .. بعد ما كانت معجبة بنفسها من ثواني ..
..
فتحوا الباب و هم يتزاحمون من تدخل أول ..
رفعت جنى يدها على صدرها:بسم الله الرحمن الرحيم ..
تنحوا ثنتينهم لـ ثواني ..
همست وسن:واااااااااااووو ..
قربت جمان و بكل حماس:طالعه تجنين .. بسم الله ما شاء الله عليك ..
جنى بكل توتر:صدق و إلا تجاملوني عشاني أختكم ..
رفعت وسن الكاميرا و بدت تصورها ..
جنى بكل توتر:وسن لاء لا تصورين موب الحين ..
وسن و هي مركزة فـ شاشة الكام:من قال لك أنه لك هاذي ذكرى لنا ..
جنى بكل ضيق:طيب اصبري .. أجلس زين و أعدل فستان ..
وسن:يا زينك كذا ..
دخلت عليهم و هي تقلّب داخل كيس بيدها .. وهج بكل ضيق:ما جاب غير كيك .. –مدت الكيس لها ..:خذي كلي مو مهم أهم شيء تتغذين ..
ابتسمت لها بوجه مصفرّ:قلت لك موب جوعانة ..
وهج:شوفي وجهك كيف باهت ..!! -لفت على جمان وسن:خلكم عندها و أكلوها غصب .. أنا بطلع أرتب الوضع برا مع جوري ..
قربوا منها و جلسوا اخيرا .. جمان بكل انبهار:صراحة القاعة مرررة خطييرة ..
وسن بكل لوم:فيه وحدة أحلى منها بس خسارة ما لقينا لها حجز ..-ناظرة فـ جنى بطرف عينها:العريس مستعجل ما فيه صبر ..
بلعت ريقها بكل خوف:موب وقته تذكريني فيه ..!!
جمان و هي تفتح لها الكيك:ايه و الله .. يلا شطورة كلي لو حبة ..
جنى بكل توتر:ما أبي موب مشتهية ..
جمان:عاد هو على كيفك .. موب على كيفك بسرعة تأكلينها الحين ..
جنى بكل توتر:ما أبي أكل ..-زفرت بكل ضيق:كان نفسي بذيك السندويتش اللي طلبتاها أمس من كنتاكي بس مدري من أستلمها ..
ناظروا بعضهم بكل خوف ..
رفع عينها عليهم و ناظرتهم بكل شك:أنتوا اللي مأخذينها صح ..!
وسن بكل خوف:يعني ما نعرف ندق و نطلب ..
زفرت بكل ضيق:و الله كنت مشتهيتاها ..!!
جمان:لا تقعدين تصرفين .. كلي الكيك و انسى هالسندوتش .. كلي قبل لا ترجع وهج و تفضحنا ..
وسن و هي تتفرج على الصور فـ الكام:ايه و الله هاليومين موب طبيعية أبد .. كله معصبة و بس ..
طقت الباب عليهم و دخلت .. ابتسمت و هي تدخل:السلام عليكم ..
جمان بكل حماس:نوف جيتي بوقت ..
نوف و هي تنفخ صدرها بكل غرور:أدري ما تستغنون عني و لا عن خدماتي ..
رفعت وسن الكام حتى تصورها:واااو .. شكلك خطيير ..
نوف بكل إحراج:الله يسلمك .. من ذوقك و الله ..
ناظرتها جمان بنص عين:من ذوقك أجل ..! تعالي بس شوفي خالتك بلشتنا=ورطتنا" مو راضية تأكل ..
نوف و هي تقرب:أفا بس أفا .. وش هاللي قاعدة أسمعه ..!!
جنى بكل ضيق:موب رايقة لـ ولا وحد منكم ..!!
قربت منها و بنبره كلها لوم:وش فيك جنو هدي أعصابك ترا كلنا حولك .. –بكل حماس:أنتي بس شوفي خوالي و هو متجمعين حولك و الله كأنهم بودي جارد ..-بحالميه:يا قلبي على خالي مشاري و الله لو أنه موب خالي خطبته ..
وسن:ههههههههههه بعلم عليك أمك ..
نوف و هي تناظرها بنص عين:يعني ما نتغزل لا فـ خلق الله و لا فـ محارمنا وش تبين أنتي بعد ..!!
جمان:هههههههههههههه .. و الله إني حسبت أروى صديقتي أخبل وحدة فـ الكون ما دريت أنك فيه ..
نوف بكل حماس:أروى صديقتك يا حليلاها .. أذكر كلمتها مرة ..
وسن و هي ترفع الكام تصور من جديد:أقول نويفة ترانا جايبينك تهدين جنو مو تصدعين لنا روسنا ..
لفت على جنى و بنفس الحماس:يووه يا جنو .. شفت زوجك ذاك اليوم خطيير .. و الله ياحظك به ..
جمان:هههههههههههه .. إذا جتك عين ترا منها على طول تعالي لها ما يحتاج تروحين لأحد هاهه ..!!
نوف و هي تكلم بكل حماس:أخو رجلك يهبل امدحيني عنده تكفين ...
صرخت فيها:نويفة لو ما تبعدين عني ترا بـ تندمين طول عمرك ..
نقزت و هي تبعد عنها:بسم الله الرحمن الرحيم .. وش فيها أختكم ..
وسن بكل لوم:قلت لك معصبة ما صدقتي ..!!
..
.
شيكت على الكوشة للمرة الثلاثين .. قربت منها أختها ..
وهج بكل لوم:الله يهديك يا جوري كم مرة طلعتي ع المنصة ..
جوري و عيونها تتفحص المكان:كل شوي اكتشف شيء غلط .. وش رايك حلو ..!!
وهج:تهبل ما عليك منها الحين .. فيه ناس توها وصلت و تسأل عنك ..
جوري بكل استغراب:عني ..!!
لفت وراها:شوفيهم هناك ..-اشرت وهج عليهم ..
ابتسمت جوري:هذولي أهل نواف .. تعالي أعرفك عليهم ..
وهج بكل حماس:صدق .. يا الله ..-نزلوا من ع المنصة مع بعض ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك