رواية حبك رسمك في ناظري وين ما اروح -7
في روحك .. تحرم عليها يا ريال .. يعني ماتت خلاص نهاية الدنيا .. هذي سنة الحياه
يا خوي وكلنا على هذا الدرب ومكانا في الاخير تحت التراب
سيف : انا غبـــي والله غبي .. مارديت على اتصالاتها يوم اتصلت
ويوم طرشت المسج مارحت لها .. وكأنها كانت حاسه
زياد : ياسيف تراك قاعد تعذب روحك واذا صج انت تحبها ادعي لها
وترحم عليها مو تقول ياليت تراها ماتنفع .. ولاتنسى تراك مسؤول عن امك
واختك مايصير تهملهم وتتم مقعد في المستشفى طول حياتك
ارجع مثل قبل سيف الي ابتسامته ماتفارق ويهه سيف الحبوب
.. يالله عاااد تراني ياييب البيتزا والورق عنب الي نحبه وماتقول مو ماكل
جوف ويهك شلون صاير اصفر
سيف : مو مشتهي
زياد واهو ياخذ البيتزا ويحطها في فمه : سييفوه جووووف يميييييي يميييي
سيف بعصبيه : زيااااااد شنو يمي جايفني ياهل جدامك
زياد : سييييف بلا سخافه والحين بتاكل هذا كله
سيف : مو على كيفك قلت لك ماني مشتهي
زياد : خلاص عاد سيف قلنا لك ترحم عليها مايصير يا اخي
لا اكل لا شي جوف لحيتك لي وين صارت تراك تخوووف
سيف : اوووووف يا انك حنااااااانّ درجه اولى
زياد واهو يحط الاكل على حظن سيف : يالله ناااكل ترا ما اقدر اقاومه
يالله اكل
سيف : اوووووف انزين
واهم قاعد ياكلون .. الا وتدش ام سيف عليهم
ام سيف : السلام عليكم
زياد وسيف : وعليكم السلام
ام سيف واهيا فرحانه جافت ولدها قاعد ياكل : سييف يمه شخبااارك ياا بعد اهلي انت
سيف : بخير يمه الحمدالله
ام سييف : اي يمه اكل وانسى .. الدنيا ماوقفت ترا .. والبني ادم هذا حاله
لازم بيي يوم والله ياخذ روحه
زياد : صح السانج خالتي .. بس وين الي يفهم
ام سيف : اووه ياولدي شخبااارك سامحني ماسالت عنك .. والله من لهفتي على ولدي
زيااد : مسمووحه ياخالتي واكيد هذا ولدج
ام سيف : يمه اقنعه خله يطلع من الي اهو فيه
زياد : اكيد خالتي .. وترا ولدج ريااال بس اهو شوي متاثر
سيف : ريال غصبن عنك انت ويا ويهك شجايفني ياهل تقول عني جذي
زياد : اسكت بس وكمل البيتزا الي في حلجك لوع الله جبدك
ام سيف : هههههههههههه اي يمه جذي تكلم لاتعور قلبك خلاص
هذا قضاء وقدر .. وكلشي الله يسويه فيه حكمه
سيف : ان شاء الله
زياد : ايوه يااا شطوور انتااا اسمع كلام الماااما
سيف : زيووووود اسكت لا افلعك بالسيلان الحين
زياد : هههههههههااي سكتناا ياا حبيب البي انتااا ..
يالله انا استأذن وبرجع لك فلييل
ام سيف : الله ويااك يمه
____________________
في شقــة شهد فليل واهم قاعدين يتعشون
ام شهــد : غزلاان يمه شنو بس هذا في صحنج
ليش ماتاكلين جوفي ويهج شلون صاير اصفر
غزلان : لا والله خالتي قاعده اكل بس هذا يكفيني
ام شهد : شنو يكفيج حتى العصافير تاكل اكثر .. اكلي يمه مب زين
شهد : اي والله اكلي لاتخافين مابيخرب جسمج ههههههه
غزلان : هههههه لا مو عن .. بس ولا يهمج خالتي باكل علشان خاطرج
شهد : ايي الحين علشان خاطر امي وانا لا
ام شهد : ههههههههه تغاارين
شهد : ايييي عيل شنو انا صديقتها والله
غزلان : هههههههه ولا يهمج حبيبتي وعلشانج بعد
ام شهد : ايي يمه غزلان كلمت لج الي تبي شغاله
وقلت لها عنج وقالت ابيها اتداوم من باجر
غزلان بابتسامه : صجج مشكوره خالتي مابنسالكم هالوقفه
ام شهد : ولوو حبيبتي انتي حسبت بنتي الله يعلم شقد دشيتي قلبي وحبيتج
بس قالت بشرط
غزلان : شنو الشرط ؟
ام شهد بحزن : تقول لازم تسكن عندي يعني ماتردين عندنا
غزلان : معله خالتي انا موافقه وبيكون بينا اتصال
شهد : لاااا غزلان لاتوافقين نجوف لج احد غيير
غزلان : لااا انا بروح خلااص وبعدين ترى فيه اختراع اسمه تلفون
بتصل فيكم دايما
شهد : صججج انتي عنيده
غزلان : هههههه خلاص شهوده قلت دايما بتصل فيكم
ام شهد : الله يوفقج يابنتي
غزلان : تسلمين .. الا خالتي باجر متى لازم اروح ؟
ام شهد : على الساعه 12 الظهر عقب صلاة الظهر بوديج
غزلان : ان شاء الله .. عيل انا بروح اجهز اغراضي
شهد بحزن : وردي قعدي ويانا كفايه باجر بتروحين وانا مابجوفج بكون في الدوام
غزلان : ان شاء الله
____________________
اليوم الثاني الظهر الساعه 11
في بيت بو فهد ..
غرفة ريم تحديدا ..
خلاني راح عني ونساني
ولا ادري قولولي وش اسوي
على غفله صرت احبه وابي قربه ويبي قربي
قولولي ويش اسوي
رفعت الموبايل و لقت توأم روحها تتصل
ريم : هلا و غلا
ريناد ( بدلع) : اهليـن حبي شخبارج ؟
ريم : تمام و انتي ؟
ريناد : بخير وينج مختفيه نسيتيني لا تتصلين ولا تسالين
ريم : سووري حيااتي مانسيتج بس التهيت شوي
ريناد : اييه مسكين عندها بيت وريل ويهال
ريم : اووه عااد لاتتظنزين بروحي واصله معاي متملله
ريناد : ههههه انا متصله فيج اقولج تطلعين ويااي
ريم : اووووف صج و الله انا الطلعه يات في وقتها حدي متملله
رينااد : اوو صج عيل تعالي معاي ماحب اروحح البارتي بروحي
ريم (بتردد) : بارتي ؟؟
ريناد : اي بارتي ، بعد لا تقولين لا ترى و الله بزعل عليج خاطري اروحها
ريم : اممم اوكي بس علشانج راح اجوف مامي و ارد لج خبر
ريناد : اوكي عيل لا حصلتي الموافقة طقي لي رنة و تجهزي على الساعه 8 راح امرج اوك ؟
ريم : اوك سي يو عيل
ريناد : سي يا اموااااح
سكرت ريم من ريناد و نزلت تراكض على الدرج
مامي مامي مـامـي
ام فهد ( جواهر ) : عيوون مامي
ريم ببرائة : مامي جوجو حياتي
ام فهد : اممرري حبيبتي محتاجة فلوس ؟
ريم : لا بس طالبتج طلب قولي تم
ام فهد : قولي اول و انشاءالله ماراح اردج
ريم بزعل (بوزت) : خلاص مابي .. و لفت الجهه الثانية
ام فهد : ههه اشفيج قولي ما راح اردج و انا اصلن اقدر ازعل دلوعتي
ريم تشققت من الوناسة : احبـج يا اغلى ام بالدنيا
ام فهد : انزين ما قلتي لي شنو ؟
ريم : الله يسلمج ريناد عازمتني على بارتي و مابي اخليها تروح بروحها و تبيني معاها
ام فهد : خلاص تروحين بس ما تتأخرين مو ناقصة صراخ اخوج سامعه
ريم وقفت و باست امها : حاضر (و تأشر على عيونها ) من هالعين قبل هالعين
و راحت اتصلت لريناد تعطيها خبر
الساعه 11 ونص الظهر
في المزرعه عند روان
مرّ عليهم اربع ايام واهم في المزرعه ..
عقب الفطور كانو الطلاب قاعدين ماعندهم شي
وينطرون ادوارد ايي ويكملون شغلهم ..
روان قاعده وسرحانه وحشوها امها واخوانها
ماتدري عنهم من اربع ايام وولا كلمتهم ماعندها مبايلها ..
وفي واحد من بعيد واقف ويجوفها
هالبنت عاجبته وااايــد مامره مر عليه مثل جمالها
وبعد يحس فيها غمــوض
مايدري ليش كله قاعده بروحها حتى ماعندها صديقه تقعد وياها
ادوارد واهو يوقف عندهم : هااي شباااب .. يالله نخلص الشغل
اليوم لازم نزرع جزء من المزرعه ونخلصه .. ما ابي كسل
ابي اجوف الكل يشتغل
الطلاب : اوووكي
وراحو كلهم ولبسو في يدهم القفازات واخذو الوياهم الادوات حق
يحرثون الارض فيها ..
و روان البست فوق فستانها الطويل الي كانه حق الفلاحين
مريله علشان مايتلعوز .. وقبعه كبيره كانها حق هاواي
ولبست القفازات وراحت وراهم
كل واحد من الطلبه ماسك له قطعه من الارض
ويحرثها ويحط فيها بذور التفاح
وادوارد يدور عليهم ويجوف شغلهم
وصل عند روان .. وقعــد يمها
ادوارد : موو جذي يحرثون .. ((واخذ منها الشيول)) .. جووفي جذي
وبعدين تحطين البذور .. واخر شي تحطين فوقه من السماد
روان : اووكي .. شكرا
ادوارد واهو يبتسم : العفوو
شوي والا ياااي يمها
... : هااا ست رواان اجوف هالامريكي قاعد ويااج .. شيبــي منج ؟؟
روان : اوووووووف اووووف شعليييك انت صجج فضولي
... : لا والله تبيني اجوفج ويا هذا الي مايتسما واخليج بعد
روان : احلف انت بس .. ومن انت علشان تتحكم فيني من اقعد وياه وشاسوي
كييفي فااهم وانت مالك دخل
... : انااا حبيبج ياا قلبي .. وتبين اجوفج قاعده تسولفين وياه وانا حتى ماتعطيني ويه
واسكت
روان : وووووع مابقى الا انت بس تصير حبيبي اقووول طيير هنااك
واايد واثق
... : اووووف بس لاتتكلمين معاه مره ثانيه
روان : اقول والله ان مارحت بخبر عليك
... : ياااربي متى بتحسين بس << واهو رايح
روان : غثيييث شنو هذااا حشى مافيه كرامه كلش
____________________________
في بيت حمد و امينة ..
قاعدين على طاولة الطعام يتغدون
حمد ابد مو عاجبته امينة كلش ماهي امينة الي تعود عليها
جافها تحرك الاكل الي بصحنها و ملامح الحزن باينة عليها
حمد : امينة ...ما ترد ،،، امينة ،،، بعد ما ترد اموون .. فزت مرة وحده
امينة : هلا
حمد : اشفيج ما تاكلين ؟
امينة : ابد بس مو مشتهيه و نزلت راسها
حمد قام من كرسيه و قعد يمها: و ليش حبيبتي ما تبي تاكل
امينة و الدموع قامت تتجمع في عيونها تمت ساكته
رفع حمد راسها و انصدم من دموعها الي صارت ما تفارقها
من بعد البسمة الي دايم مرتسمة في ويها
حمد : امينة ليش هالدموع تراها غالية علي
و الي صار شي الله كاتبه و احنا كلنا في هالطريج
ادعي لهم هالموع ما راح تفيدهم بشي
صاحت امينة في حضنه و قامت تصيح بصوت عالي و تناشق من الصياح : راحوو الغالين
يا حمد راحو اهىء اهىء اهىء اهىء
مريوومه قامت من مكانها و راحت لبوها و سحبت قميصه(ببرائة ) : بابا ليش ماما تصيح ؟
حمد : يا عيون بابا ما فيها شي بس زعلانه شوي
مريومه : بابا انت مزعلها ؟؟
حمد : لاا حبيبتي مو انا بس اهيا شوي زعلانه
مريومه : بابا يعني مو انت الي مزعلها
حمد : لا يا بابا مو انا اهيا اشوي و تهدا
مريومه : ماما لا تزعلين
رفعت امينه ويها و ضمت بنتها وهدأت اشوي
و قالت حق حمد انها كانت زعلانة على اخوها عقب
ما قالت لها امها انه كان يحب نورة
و حالته النفسية متدهورة
و كل هاي و مريوم تسمع امها و درت عن حب سيف لنورة .....
_____________________________
الساعه 11 الصبح عند غزلان
ام شهد : يالله يمه الحين لازم نمشي
غزلان : ان شاء الله خالتي
وطلعو من الشقه واخذو تاكسي ووصلهم للبيت الي بتشتغل فيه غزلان
.. واهم واقفين يم البيت طقت ام غزلان الجرس
وبطل لهم الحارس الباب ودخلو ...
داخل البيت وغزلان واقفه ويا ام شهد
... (( واهيا نازله من على الدرج بجلابيتهاالفخمه )) : هاا يبتي الخدامه !!
ام شهد : ايه هذي اهيا واقفه يمي
... : اييه .. شسمج انتي ؟؟
غزلان واهي منزله راسها : غزلان
... : انزين .. يا ام شهد تقدرين تمشين الحين
ام شهد : ان شاء الله .. يالله يمه غزلان ديري بالج على نفسج ولا تنسينا
غزلان واهيا اتلم ام شهد : ان شاء الله خالتي .. وانتي بعد وسلمي لي على شهد
ام شهد : مع السلامه
... : انزين يا غزلان .. ترى اسمج وايد طويل وصعب
باسميج انا شي سهل اقدر اناديج فيه
غزلان : الي تبينه
... : اممم بسميج .. سارا
غزلان واهيا تهز راسها : ان شاء الله
... : ليييييزا لييييييييييييزااا
ليزا : يس مدام
... : اخذي سارا ووديها الغرفه الي يم غرفتج .. وعلميها شنو تسوي
ليزا : اووكي
راحت غزلان وراها ودخلت الغرفه وسكرت الباب
وقعدت على السرير تندب حظها .. لا تعرف اهلها ولا تدري اهيا منو
ولا بعد تشتغل خدامه وحالها حال هالخدم
________________________
نزلت على الدرج و صوت الكعب المزعج يهز ارجاء القصر
و كانت لابسة فستان اسود قصير فوق الركبه وضييج بدون اكمام
وتحت الصدر فيه حزام عريض ذهب ابيض
شعرها الاسود مسويته ستريت وبــف
و المكياج كان ناعــم راسمه عيونها بالكحل الاسود وحاطه روج احمر جريئ
طالع عليها روووعه
و لابسة عبايتها المزينة بالشواروفسكي و الشيله لابستها باهمال
سمعت صوت هرن سياره ريناد فاسرعت
في مشيتها و طلعت لريناد الي يايه مع سواقها الخاص
دخلت ريم السيارة : هلوو
ريناد : هلووين
و كملت : لا لا الصراحه ما اقدر انا جذي حطمتيني في الكشخه
بتخطفين الانظار عن صاحبة الحفل هههه
ريم بغرور : ههه يحق لي مو انا بنت جاسم ال ... اكيد لازم اكون احلى وحده
ريناد بدون نفس و ابتسامة مسطنعه : اكيــــــــد
و راح فيهم السواق لمكان الحفل الي كان في حي راقي
نزلو ريم و ريناد لمكان البارتي
و من دخلو كان حديث الناس و الكل يتساءل من هالبنت و الكل انظارهم على ريم
منها الاعجاب و منها الحقد القهر من جمالها الملفت
و كانت ريم مستانسه من نظراتهم
و دايم رافعه راسها و تناظر الناس بغرور و استعلاء
فصخو عباياتهم و سلمو على صاحبة البارتي
جلسو شوي و تاقلمت ريم مع جو البارتي و قامت ترقص بخفه و رقصها واو
اما ريناد مقهورة منها اشلون خذت عليها الجو والكل يناظرها
و اهيا محد ماعطها ويه
فسوت روحها تطقطق على البي بي
و تمت تصور ريم فيديو
و اهيا ترقص بدون لا احد يعرف و خذت كم صورة لها من القهر الي فيها
و الحقد الي في قلبها
بعد ما انتهت من التصوير جلست ريم يمها بتعب : اوووف تعبت صج البارتي روعه
ريناد : ايي صج اينن و هاي توه البداية لحين ما شفتي شي صراحه
عن اذنج شوي بروح اعدل المايك اب
ريم : شوور هاني اخذي راحتج
راحت ريناد لمكان منعزل ششوي ... و اتصلت
.. : الوو
ريناد ( بدلع بايخ ) : الوو
... نعم من معاي ؟؟
ريناد (بغباء ): اخ سعود ؟!!
سعود : اي نعم اشتبين ؟
ريناد : امم اذا منت تذكر احنا الي كنا في السينما
و انت عطيت صديقتي الرقم و كانت رافضه تاخذه
سعود تذكر لانه ما يرقم الا الهاي هاي مثله : يا هلا هلا و مرحبا
ريناد : شكرا على الترحيب بس حابة اقول لك ترى
احنا الحين في بارتي في حي (......) و اذا حاب تجوفها راح ادبر لك اياها
سعوود : اكيــــــــــــد و الحي قريب مني
اذا وصلت طقيت لج رنه و اذا جفتها لج الي تتمنين
ريناد استانست على مخططاتها الشريرة (بدلع) : ثانكس
ردت ريناد كرسيها عند ريم و جافت ريم
طاقتها سوالف مع البنات و ناسيتها
و قالت احسن فكة بس انا ارويج يا ريم انا ما خليتج نعال البسها بكيفي
دقايق و جافت مس كوول في موبايلها و راحت لريم
ريناد : ريوومه
ريم : هلا حبيبتي
ريناد : امم ريم حياتي انا مشغوله اشوي
و السواق امي تبيه و اتصل فيه ما يرد قوليله يرد و اذا خلصنا نتصل فيه ؟
اهيا قاصده هالحركه حق ريم ما تردها جدام البنات
ريم : اكييد و لا يهمج احين انزل
ريناد ابتسمت بخبث : يلا و ثانكيو حياتي
ريم و اهيا ماشيه : حاضرين
طلعت ريم من البارتي و توجهت لمكان السيارة
بس ما لقت السواق لفت يمين يسار مالقته قالت اكييد انه رد
او خذ له فرة مني مناك و لفت راده للبارتي و جافت الشخص و انصدمت !!!!!!
سعود : احلى مســـــــــــــــــــــــــــاء مع احلى وجه امسي به الصراحه
ريم (بخوف ) : نعم انت اشتبي و اصلن اشدراك اني انا موجودة ؟؟؟؟؟
اشهقت مرة وحده : ليكون تلاحقني ؟؟؟
سعود : افااا لهدرجه مو بالعتني مريت صدفه و شفت القمر موجود
نزلت و حبيت اسلم عليج
ريم : اوكي بعد خلني اروح
سعود ضحك ضحكة شرانيه : هاهاهاهاهاها ضحكتيني الصراحه
اجوف هالجمال كله و افوته لا لا ما يصير
ريم حاولت تهرب و مسكها : لا تحاولين و صراخج
ما راح ينفعج سوي الي ابيه و ماراح ااذيج ممكن ؟
ريم و دموعها بويها هزت راسها بموافقه
سعود استانس من برائتها و جمالها الي اسر قلبه : جوفي ترى انا اعرف
عنج كل شي و مار راح اسوي فيج شي بس اول ما توصلين قصركم
تتصلين فيني و اظن عندج الرقم و احين احذرج
لو ما اتصلتي لا تلومين الا نفسج سامعه
ريم خايفة و دموعها على ويها و ما ردت
قرب سعود منها و اهيا تحاول تبعد بس مسكها من خصرها
و قربها له و حرارة انفاسه قريبه منها و اهيا مو عارفة شتسوي
مسح دموعها بطرف اصابعه و قرب من اذنها و قال لها انطر
مكالمتج و قد اعذر من انذر !!!
و باس خدها و راح لسيارته الاودي السبورت و شخط في سيارته بسرعه
اما ريم فلحين مو مستعوبه الي صار لها
عدلت من نفسها و دخلت البارتي لعند ريناد
و حاولت ما تبين الي فيها بس ريناد من لمحت ويها المخطوف من لونه
عرفت ان سعود سوا شي
ريم : ريناد انا تعبانه ممكن نروح
ريناد : اكييد يلا امشي نودع صاحبه الحفل و نشكرها حق ما نتاخر اكثر من جذي
ريم : يلا
..
..
..
..
نــــهاية البــــارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مررحــــــباااااا بناااات
وصـــــل الباااااارت
سوووري على التاخييير
مره ثانيه
البـــارت 9
اتصلت ريناد بالسواق و طلعو من البارتي
و طول الطريج ريناد كانت لاهية بمكالماتها البطاليه
اما ريم فكانت سرحانه طول الطريج و تفكر بالي صار
لدرجة انها تبي توصل للبيت بسرعه اتعبت من التفكير
الي كان راح يضيعها و ان اشلون راح تتصل فيه
و شنو بيقول عنها لو اتصلت ،
قطع سرحانها ريناد تهزها تقولها انها وصلت
... ودعو بعض و ريم ركضت بسرعه لجناحها
احمدت ربها ان امها مو موجوده
و فصخت عباتها و اسرعت للحمام و انتو بكرامة
و تمت تطالع بروحها في المنظرة
و تعاتب روحها لدرجة ان الدموع بدت تتجمع في عيونها
و مرة وحده تمت تفرك في خدها و تفرك و تفرك
لين ما فقدت الاحساس بخدها
و اهية تصرخ و تصيح طلعت و تمت تكسر المزهرية
و تقط كل شي جدامها و تصرخ ....
ريم : اناا ليش سويت جذي اشلون سكت له معقوله ارخصت عمري
حق هالحثاله و خفت منه و خليته
يقرب مني (و اهيه تصيح و تكفخ في عمرها )
و فجأة تذكرت تهديده لها و انا لازم تتصل فيه
بس فكرت اشلون و اهيا بهالحاله
حاولت تهدي من عمرها و اتصلت لان لو وصل
الموضوع لفهد راحت فيها
راحت لشنظتها المرمية على السرير و طلعت تلفونها
و اتصلت عليه كلها ثواني و سمعت صوته
سعود (مستغرب من الرقم لان ما عنده رقمها و كلش ما توقع انها تتصل ) : الوو
ريم حاولت تشجع عمرها حق ما تحسسه بضعفها (بنعومة): الوو
سعود و كأنة شك بالمتصلة : هلا و الله هلا بالغالية هلا بالملاك
ريم بقرف : اهلين
سعود : الصراحه ما توقعتج شجاعه و تتصلين
ريم : لان مو انا ريم الـــــــــــــ اتهدد سامع
سعود : اووه اووه اشهالتطورات ، و لو اقولج ان كل شي
راح اطلبه منج تنفذينه غصبن عنج
ريم : و منو انت انشاءالله حق انفذ طلباتك
ضحك سعود بسخريه : راح تعرفيني عن قريب انشاءالله
بس هاي مو موضوعنا ، بما ان الوقت تأخر و انتي يايه تعبانة
باجر اكلمج و يصير خير ما يصير الكلام كله
دفعه وحده اخاف عليج هاهاهاها
ريم ( يا ثقاله دمك بس ) : اخلص من الاخر اشتبي
سعود : جوفي ترى انا ساكت لج بمزاجي
بس معلي راح اعديها لج
هالمرة و الحين باي و اكلمج باجر حبيبتي
ريم ( وايد واثق الاخ قال حبيبتي قال مالت بس ) : باي .......... و سكرت بسرعه
و راحت تغير ملابسها و رمت نفسها في السرير و نامت
الساعه 7 الصبح
فتحت عيونها على صوت الخدامه اتناديها
ليزا : سارااا يالله قوووم صاار صباااح
فيه شغل وااايد ..
غزلان : اوووف يااربي اشهالاصوات الي اصحى عليها
وردت وغطت روحها باللحاف مره ثانيه
جان تقوم ليزا وتصرخ عليها وتشيل اللحاف من عليها بقووه
غزلان : هي انتي ليش تسوين جذي روحي ابي انااام
ليزا : شنو يبي نوووووم فيه شغل
غزلان (( واهيا توها تستوعب اهيا وين وليش يات هنا )) : اووووه اووكي
يااربي انا شالي حادني اشتغل هالشغله
اااه دايما متسرعه خلاص لازم اكمل
الي قررته مايصير ابلش الناس وياي
خذت فوطتها وراحت الحمام (( اكرمكم الله )) وغسلت وطلعت
ولبست لها من ملابس الخدم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك