رواية حبك رسمك في ناظري وين ما اروح -8
غزلان (( واهيا توها تستوعب اهيا وين وليش يات هنا )) : اووووه اووكي
يااربي انا شالي حادني اشتغل هالشغله
اااه دايما متسرعه خلاص لازم اكمل
الي قررته مايصير ابلش الناس وياي
خذت فوطتها وراحت الحمام (( اكرمكم الله )) وغسلت وطلعت
ولبست لها من ملابس الخدم
قميص وردي فاتح وبنطلون وردي طويل
ولمت شعرها ذيل حصان
ويابت غرتها على جهه وحطت
مرطب شفاه " لابيلو " وشوية كحل اسود داخل عيونها
وقفت وجافت روحها في المنظره ..
اااااه على اخر عمري البس ملابس خدم
صج اني ما اعرف من انا
بس مستحيل اكون خداامه ..
اطلعت من الغرفه وراحت مع ليزا الي تنتظرها علشان
تراويها شغلها .. علمتها وطلعت من المطبخ تخلص شغلها برع
عند غزلان .. خلصت من غسل الصحون
وقعدت على الطاوله تقطع الخضروات حق السلطه
وسرحااانه تفكر في حياتها لعله وعسى تذكر شي
ولو حتى اسمها علشان توصل لاهلها ..
في الصاله عند ام فهد كانت قاعده
على طاولة الطعام تفطر وتنتظر عيالها يشرفون
شوي والا فهد واهو نازل من على الدرج مستعيل
ام فهد : فهد يمه تعال افطر
فهد : لا يمه مو مشتهي وبعدين متاخر على الشغل
بس بمر المطبخ اشرب لي قلاص ماي
ام فهد : انزين لاتنسى تفطر في المكتب
فهد : ان شاء الله
دخل المطبخ ولقى الخدامه قاعده على الطاوله
فهد : هي انتي عطيني قلاص
غزلان .. بدون ماتتحجا يابت له القلاص ومدته له
رفع فهد ويهه لها وجافها وانصعقققققق
فهد : لاااا لاااا مو معقوووله مستحييييييييل اصلااااا
لااا شنو هذي خداااامه مستحيل تكونن اهيـــااا بس بسسس
نفس الويه نفس الجمااال نفس العيووون ..
ااااه ياافهد من زود ماتحبها صرت تجوف الخدم فيها
قطع سرحانه صوت امه واهيا تدخل المطبخ و تنادي
... : ســااراا .. سااراا
ام فهد : اوووه انت بعدك هني مارحت الشركه
فهد : هااا اييه الحين برووح يالله مع السلامه
ام فهد واهيا مستغربه منه : في حفظ الرحمن
غزلان (( يمه شفيه هذا يطالعني جذي بسم الله ))
اما عند فهد واهو طالع من البيت وفكره ويا
هالخدامه .. بس مستحيل
امه قالت سارا يعني مو اهيا اي صح مو اهيا
اووووف ياا غزلان طلعي من مخي طلعييييييي
الســاعه 8 الصبح
وصلت رنا شغلها وبركت سيارتها في المواقف
الخاصه للموظفين .. دخلت البنك وعلى ويهها ابتسامه
تريح قلب كلمن يجوفها ..
وصلت مكتبها اليديد الي يكون جدام مكتب مديرها
فتحت الباب ودخلت وصارت تمرر نظرها على المكتب
واهي تكلم روحها .. حلووو وفخم امممم
بس ناقصه اشياء اممممم
واهيا تفكر ماحست بالي دخل وقاال
...: شنو ناقصه المكتب انسه كلشي بيوصلج
لفت رنا وراها وجافت مديرها واقف وعلى ويهه ابتسامه
رنا بتوتر تخرعت مسكينه : لااا لاااا آآآآ وايد حلو المكتب
.. اممم بس يعني انا
احب اضيف اشياء له ماتقصر
المدير (( واهو ياطالعها من فوق لي تحت )): ولوو انسه رناا
احنا في الخدمه
رنا .. وتحاول تشتت نظرها في المكتب
ولا تحط عينها بعينه: شكرا استاذ
المدير : العفو يــا حــ.... آآ احمم بس يعني ماله داعي تقولين لي
استاذ ناديني راشــد احسن
رنا ومنزله راسها : ان شاء الله
راشد : يالله عيل استأذن
رنا : اذنك معاك
يوم طلع رنا : شفيه هذا يطالع جذي
صج مايستحي اوووف
ييييه ماعلينا خله يولي اهم شي مايصارخ ويزف
راحت وقعدت على مكتبها وبدت شغلها وحساباتها
الي ماتخلص
12 الظهر ...
دخل بو ناصر على نور في الغرفه
بو ناصر: السلام عليكم اشلونج يا بنتي ؟
نور بحزن واهي منزله راسها : هلا خالي و عليكم السلام ،
الحمدالله بخير نحمدالله
بو ناصر : لانج بخير الدكتور بشرني عن حالتج
و احين بيرخصونج ام ناصر تنتظرج
نور ما دققت في كلام خالها عدل : خالي ساعدني البس عباتي
و ساعدها و لبسها
و خذاها معاه لبيتهم و اهيا عبالها ان امها و نورة في البيت
ينطرونها و لحين مستغربة ليش ان طول هالفترة ما زاروها
بس قالت يمكن امها من الحادث تعورت و ما قدرت اتيي
و تمت تحط لهم اعذار و اهيا ما تدري
وصلت لبيت خالها و ساعدها و نزلها
دخلو البيت و حست بضيقه اجتاحتها ما تدري
من شنو و سمعت صوت مرت خاله ترحب فيها
و تسلم عليها و جلسو في الصاله ، اما بو ناصر
فما كان يدري اشلون يوصل لها السالفه بهدوء
وما يزيد حالتها
راح قعد يمها و بدا كلامه
بو ناصر مسك يد نور : يا بنتي يا نور اكيد انتي مستغربه
ليش انا يايبج اهني و ليش امج او نورة ما زاروج في المستشفى
او حتى كلموج ( اهني ام ناصر تمت دموعها تصب )
اما نور فكانت مستغربة كلام خالها و عقدت حواجبها و خلته
يكمل لانها مو فاهمة شي
طبعا يا بنتي انتي كبيرة و فاهمة و تدرين ان الانسان
ما يموت الا في يومه .. وكلنا ماشيين على هالطريج
نور و اهيا تسمع كلام خالها خلاص حسن ان في السالفه شي
و قلبها انقبض من سمعته يتكلم عن الموت
سيده صرخت لااااااااااااااااااااااااااالااااااااااااااااااااا ااااااااااا
لااااااااااااااااااااااااااااااااااااااااااااااااا ااااااااااااااااااا
اااااااااااااااااااااااااااااااااااااااااااااااااا
خالي لاااا لا تقولل خالي الا هالكلام امي نورة فيهم شي ؟؟؟
لا قول ما فيهم و الي يسلمك يا خاليي
نور و دموعها تنزل بغزارة على ويها و اهيا لحين مو مستوعبه
و تهز في خالها لا يا خالي امي ما فيها شي صح اختي
حبيبتي ما فيها شي صح قوووول ( صرخت ) تكلم لا تسكت
ام ناصر قامت تهديها : خلاص يا بنيتي اهدي سمعي خالج
نور : شسمع يا خالتي شسمع و اهيا تصيح
و تصيح بس خالها ما يأس
و حضنها بكل حنان من واهم صغار اهو الي معوضهم
عن حنان ابوهم الي فقدوه
يا بنتي امج مثل ما اهيا امج اهيا اختي و اختج اهيا بنتي
و كلنا زعلنا عليهم بس مب معناته ان تسوين جذي
ادعي لهم بالرحمه لو دموعنا تفيد جان
كلنا قعدنا نصيح حق نردهم
ما سمع لها رد اكتفت بالشهقات و دموعها الي بللت ثوبه ....
بهاللحظة دخل ناصر من الصراخ الي سمعه
و انصدم من شكلها كأنها ياهل مضيعه امها
و تدور على احد يحميها ،
لعن و ســب عمره مليوون مرة اشلون
كان يدعي عليها ما يدري انها قاعده تتعذب
و لو بيدها جان ماتت معاهم بدل هالحياه
الي ما بقى لها احد تعيش عشانه
قرب من الصالة و اهوة يسمع شهقاتها الي تقطه القلب
و اهيا تنادي امها و اختها و من نادت اختها دمعت عين ناصر
بسبب هالموقف الي هزه و خصوصا ذكره بنورة حبيبه قلبه
و توه يلاحظ الشبه الي بينهم ما حب يجلس اكثر
من جذي حق تاخذ
راحتها سلم و راح لجناحه فوق
كانت نور تشاهق و تنادي و تنادي و خالها و زوجته
يحاولون يهدونها لكن مافي فايده وصلها
خالها لغرفه الضيوف
حق ترتاح و تمت عندها ام ناصر تقرى عليها
لين ما نامت
في المزرعه عند روان
الساعه 12 الظهر
اليوم اخر يوم لهم في المزرعه
خلصوو تقريرهم وستانسو وايد هناك
كل الطلاب واقفين عند باب المزرعه يودعون
العمال الموجودين هناك وينطرون الباص لين ما يوصل
علشان يروحون عند السفينه ويردون البلاد
الا روااان فكرهاا بعييد مو قادره تصبر الفضول ذااابحها
وقاعده تتذكر شنو صار لها اخر مره ...
الساعه 11 فليل الكل كان نايم مافيه احد صاحي ابد
لبست جينز وتيشيرت علشان تسهل حركتها
وخذت الكشاف الصغير وياها
وطلعت من الخيمه واهي تتلفت يمين ويسار
خايفه احد يجوفها
تمت تمشي بسرعه وبخطوات خفيفه علشان مايسمعون
صوت خطواتها
بعدت عن المخيم وزاد الظلام اكثرر
قلبهااا قاام يددق بسرعه من الخوووف
تمت تسب روحها في قلبها اكثر من مره على غبائها
شلون تطلع في هالظلمه المكااان يخووف من قلب
بس الحين لازم تكمل اهيا خاطرت وطلعت والحين لازم
تخلص لازم تدخل ذاك المكان الحين احسن وقت علشان تدخله
ادوارد نايم وكلمن نايم
مافيه احد يجوفها
واخــــيرا وصلت عند الباااب
وقفت جدامه وارتسمت على شفايفها
ابـــتسامة انتصار واخيرا وصلت
تقربت اكثر حق الباب وقامت تحرك المقبظ تبي تفتحه
لكن للاسف طلع مقفل
حاااولت ويااه لكن مافتح
تلفتت يمين ويسااار تدور على شي تقدر تفتحه فيه
طاحت عينها على قطعة خشب نزلت على االرض وخذته
وتمت تدخله في فتحة الباب تحاول تفتح القفل
تممت تحـــااول يمــــن يـــسار يمـــييين والااااااا
يــــفتح البـــااااااااااااب
لــــــــــــــــــــــــكــــــــــــــــــــــــ ن ...!!!!
(( لحظة وداعـــــــــــــــــــك يا هي صعبــــــــــــــــــة ))
ما قدر يمسك دموعه اكثر من جذي
و ده يضم حبيبة قلبه يبي يسمعها و يشكي لها و تشكي له
قاعد عند قبرها و يمسح في دموعه و يتكلم : ليش خليتيني يا نوره ،
انا عقبج ولا شي تفهمين ولا شي
( نزل راسه على الارض و اهوة يصيح صياح يقطع القلب )
و كمل : يا ليتني مت قبل لا ايي هاليوم ما تدرين
انا شنو من دونج انتي الهوا الي اتنفسه
انتي الي انا عايش عشانها مابي هالعالم كله
بس ابيج لا تخليني ردي لي انا سيف حبيبج
وعدتيني انج ما تتخلين عني
( مسح دموعه و تم يضرب الارض بيده بالقوة )
حاول يهدي من عمره شوي وقام و مشى لسيارته
و اهوه ما يحس بالي حوله دخل سيارته
و تنهد بقوه كأنه يطلع همومه كله ....
قطع عليه هاللحظات صوت مبايله رد..
سيف : الو
ام سيف : هلا يما وينك في ؟
سيف ( بنبرة حزن) : جريب يما امري بغيتي شي
ام سيف : اي يما انا رايحه مع السواق بيت خالك
تعال نتطمن على نور لا تنسى انها محتاجه
وقفتنا كلنا بعد ما راحت امها الغاليه ونوره
سرح سيف : نوره نووره نـــــــــــــــــــــــــــــــــــــــــــــــــ ـوره
نـــــــــــــــووره ليش الكل يذكرني
فيها ليش ليش كلما احاول انسى يعذبوني بذكراها ليش
ام سيف : يما سيف وينك رد سيف ؟؟
سيف : وياج يما خلاص انا تعبان
ما اقدر لا خلصتي دقي على السواق
ياخذج و ان شاءالهل ازورهم مرة ثانيه
ام سيف ( بأسى لحال ولدها ) : براحتك يا وليدي .
سكر من امه و شغل السيارة
و توجه لبيتهم بسرعه ,,
وصل ودخل غرفته و قط الغتره على السوفا
و رمي عمره عليها و كلها دقايق و غلبه النووم .
في بييت امـــينة
الجو اليوم فظيع عاد قررت امينة
ان يقعدون في الطاولات الي مجابلين البرجه برع
كتغيير جو
طلعت ووصت الخدامه اتيب لها الحلا والعصير
و كانت قاعده يم مريومه تلعب وياها بالكره
و الالعاب دار مادارهم
وصل حمد و جافهم في الحديقة و راح لهم
وقف ورا امينه الي كانت ماعطته ظهرها
واشر حق مريومه علشان تسكت
وسكر عيون امينة بيده
امينه : ههههه حمد ترى ادري انه انت
يالله افتح
حمد : لااا مب فاااتح شلون عرفتي انه انااا
امينه واهي تحط يدها على يده تبي تشيل
يده من على عيونها
.. : لا والله بعد زوجي وماتبيني اعرفك
حمد : بس زوجج
امينه : اييييي بس
حمد : عيييل تمي جذي لين باجر مو فاكج
امينه : حممممممممد افتح عااااااد يالله
حمد : موووو فاتح الا لو قلتي
امينه : شنوو اقوول
حمد : انتيي تعرفييين شتقولين
امينه : حممد حبيبي افتتح يالله
حمد : ايييه الحين افتتتح
شال يدها ولفها له وطبع بوسه على خدها
امينه وويها احمررر : حمممد بنتك هنيي
حمد واهو يشيل مريومه ويبوسها : هههههه كيفي زوووجتي
امينه : اووف منك كلشي كيفي
حمد واهو يقعد على الكرسي : ههههههههه
الا ماقلتيلي شخبار سيف ؟؟
امينة : و الله شاقول لك على حاله امي تعبت
من قد ما تكلمه و اتعبت من حالته الي كل مالها و تتدهور
حمد : الله يعينه بس
يات مريومه لهم : ماما بابا لعبو معاي
امينة يا عيون ماما انتي : روحي لعبي انا و بابا عندنا موضوع
نخلص و نيي نلعب معاج اوكي
مريم : اوكي و بعدت عنهم و خذت الكره و تقطها و تلحقها
حمد : يلا عيل ببدل ملابسي و بيي لكم
امينة و اهيا ترفع موبايلها و جافت امها الي متصله : اوكي
و ردت على امها
و خذتها السوالف
عقب 10 دقايق نزل حمد لمكانهم
و جاف امينة لحين تكلم امها و التفت على المكان
و اهوه يدور مريومه بعيونه بس حس بقلق اشوي
لان ما لقاها في الحديقه
اشر حمد على امينة انها تسكر بسرعه
امينة : يلا يما اخليج احين اشوي و اكلمج و سكرت
امينة : حمد اشفيك خرعتني ؟؟؟
حمد ( بعصبية لاول مرة ) : حضرتج قاعده تسولفين
و غافله عن بنتج وينها في ؟؟؟
امينة نقزها قلبها : بنتيي !!!!!
و قامو يدورون عليها و امينة جافت الكورة فوق البرجه
و تمت تصيح و تشاهق بصوت مرتفع و تأشر ،
حمد التفت لها و جافها وين تأشر و بسرعه
فصخ تيشيرته
نط داخل البرجه و غاص لداخل
حق يطلعها و اهوة متوهق مو عارف شيسوي
و هاي وحيدته بنته بتروح منه خايف مو عارف يتصرف
طلعها بسرعه و تم يضغط علا صدرها
حق يطلع الماي و تم يسوي لها تنفس صناعي
و صرخ على امينة مرة وحده : شموقفج روحي اتصلي
في الاسعاف بسرعه !!!!!!!!!!!!
امينة ركضت حق موبايلها و اهيا تصيح و اتصلت بسرعه
بس حمد ما قدر ينطر خاف لا يفقدها خذ مفتاح السياره
و شال بنته و طيراان للمستشفى و خلا امينة في البيت
اتصلت امينة في سيف و اهيا ميته من الصياح : سيف سيف
الحق علي و اتصيح ....
خاف سيف على اخته : امينة تحجي شفيج ؟؟
امينة : سيف مريم يا سيف بتروح مني تعال بسرعه و انقطع الخط
ركض سيف بسرعه لسيارته و راح لبيت اخته
الي جريب منهم و دخل بيتها الا و جافها طايحه
في الحديقة مغمى عليها راح لها بسرعه و
قام يصفق في ويها على خفيف بس ماصحت
خذ الماي و تم يرشه على ويها لين ما صحت شوي شوي
لمت سيف و اهيا تصيح و قالت له السالفه
قاام بسرررعه ينادي الخدامه تيب عباتها
و راحو للمستشفى
في هذي الاثناء ...
وصل حمد قسم الطوارىء و اهوه يصررررخ
على الممرضات
و شايل مريومه في يده خذوها منه وبطحوها على السرير
و سيده دخلوها لغرفة الطوارئ ...
واهو واقف بررع رايح يااي في الممررر بتووتر
كلها دقايق و امينه و سيف عندهم و تمو
ينتظرون الدكتور يطلع و حمد يلوم في امينة
و سيف يحاول يهدي فيهم
حمد : و الله يا امينة ثم و الله ان صاد بنتي شي
لا انتي زوجتي و لا اعرفج ســـــــــــــــــــــامعه
و راح عند باب العمليات و امينة مب عارفه شتسوي
قط اللوم عليها و راح بهالسهوله يتخلى عنها
ضم سيف اخته و تم يتحلطم فداخله على حمد الغبي
هالي ما يعرف يتصرف لا عصب ما يعرف احد ،
حس ان اخته وايد محتاجه له تلقاها من وين
من زوجها و الا بنتها الي داخل مب عارفه مصيرها !!!!
في بيت بو ناصر
قاعدين على طاولة الطعام يتغدون
وام ناصر تاكل نور
نور : خلاص خالتي والله شبعت
ام ناصر : شنوو شبعتي ماكليتي الا لقمتين
بو ناصر : ولا اكل عصافير هذا جوفي شلون ويهج
صاير اصفر خلصي اكلج يالله
نور : والله شبعت ماشتهي ازيد
ناصر الي قاعد ياكل ويسمع ابوه وامه
ويجوف نور
قال بصوت خفيف مايسمعه الا نور الي
قاعده قريب له
.. : مالت بس ياكلونها وخايفين عليها
ااااه بسس لو انتي الي متيي
مو نوره
نور من سمعته .. وقفت من على الكرسي
نور : الحمدالله سفره دايمه ان شاء الله
وتمت تمشي شوي شوي لين ماوصلت المغسل
غسلت يدها وطلعت واهيا تتحسس الطوفه
لين ماوصلت عند الباب بطلته وطلعت الحديقه ودموعها
مو راضيه تووقف
اما داخل عند بو ناصر واهو مستغرب
.. : ييييه اشفيها البنت قامت كانها مقروصه
ام ناصر : والله ما ادري علمي علمك
بو ناصر : والله مسكينه كلهم راحو عنها مره وحده
ام ناصر : ااااه الله يصبرها هالمسكينه وزياده عن جذي
فقدت بصرها الله يعينها
قام ناصر من على الكرسي وغسل يده
وراح يدور نور
يبي يجرحهاا اااكثر
مو قادر يبرد حرررته
ليييش مو اهي الي ماااتت ليش نووره
طلع من البيت وراح يدورها في الحديقه
جافها قاعده على الكرسي جدام النافوره
ودموعها على خدها تصييح
توجه لها ووقف جدامها
... : اقوووول يااا عــمــ...
اوووه سوووري بنت خالتي
وبجديه قال : ترى دموع التماسيح هذي
مو علي انا , لاتسوين روحج مسكينه
وتصيحين ويازعم متاثر
ماقدرت تستحمل وقاحته وصررخت عليه
.. : هييي انتتتت شنووو دموع تماسيح
جاايفني اناااا الي ذبحتهم
انا لو بيدي انا الي متت وافتكيييت
وعطيتهم رووحي علشان يبقوون
هذولا امي واختي
ومو بيدي اني صرت عميا
لاتقعد تتطنز علي ترى ربك الي
خلاني اصير جذي
ناصر بستهزاء : اوووه يالمسكينه
وانتي تعرفين ربج بعد
اااه ياليت نوره الي بقت مو انتي يالعله
نور (( خلاص ماقدرت تستحمل وزااد صياحها
اكثرررر واهيا تسمع الي تحبه شنو يقلو لها ويتمنا
لها الموووووت ))
اما ناصر حس انه فيه احد دخل البيت
مشى بسرعه من عندها ودخل وركب حجرته
اما عند نور
دخلت ام سيف البيت
وسمعت صوت صياح
التفتت وجافت نور قاعده تصييح وتشاهق
توجهت لها بسرعه
وقعدت يمها
ام سيف : نوور يييييمه شفييج
نور واهيا تلم خالتها وتصيح ازيد : اااه خاالتي
رااااحو يعني مابيردووون
ام سيف بحزن على حالها : ذكري ربج يمه هذا يومهم
مانقدر نغير شي الله رايده
قومي ندخل داخل يالله
خذتها ودخلو داخل وتمو يهدون فيها
ويسالفون وياها واهم مايدرون من الي
قاعد يسوي فيها جذي !!
نهــــاية البــــارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك