رواية بقراري ضيعت نفسي واحبابي -11
ديمه: هههه حسبتها خالتي
سجى: وش رايتس أروح أقوله عن حبتس له
ديمه: مهبوله تبين أبوي يدفني بالحياء
سجى: حسره على خالي وين يدفنتس وما عنده غيرتس
ديمه: لا يكثر بس... خلينا نطلع للصالة يمكن يطلع
سجى: لا يا حلوه أنتي مفهيه عليه وما تدرين وش قال... قال بينام
ديمه: خسارة أمي مو راضيه أنام عندكم
سجى: أكيد ما ترضى عشان فيصل
ديمه: وش فيه فصولي
سجى: فصولي!! جد قليلة حيا
ديمه: ههههه خلصينا
سجى: لما تغطيتي عن فيصل وحنا ساكنين معكم... فيصل قال لأمي أنه بيسكن مع ربعه عشان ما يضايقتس
ديمه: ومن قال إني متضايقه منه... ودي أشوفه بالصباح والمساء وبكل وقت
سجى: بلا هرج وتعالي نجلس مع أمي
بالدمام
دخل أبو فيصل الغرفة وشاف البنات جالسين....
أبو فيصل: جهزتوا أغراضكم
فاتن: ايوه تقريبا... بس يبه ما قلت لنا وش عندكـ بالرياض
أبو فيصل: واحد من ربعي مسوي عملية... وبعدين أنتي ما تبين تشوفين أمكـ
فاتن: يا ليييييت
أبو فيصل: يللا تعالوا سلموا على عمكم ماهر... باخذه للمطار والعصر نمشي للرياض
راحوا سلموا على عمهم ماهر ورجعوا للغرفة....
دانه: أنا بروح أتأكد من أغراضي
طلعت دانة وقالت فاتن: آآف ملل
أميرة: وش رايكـ نروح ستار بوكس ونستهبل ع الشباب
فاتن: هههه يا ليت... بس بنروح الرياض العصر ما يمدي
أميرة: تدرين أخاف السواق يقول لخالي عن سوالفنا
فاتن: ما عليكـ منه نعطيه قروش ويسد حلقه
أميرة: إلا صحيح كيف بنطلع لرحنا الرياض... هناكـ الشباب يخققووون بس من بياخذنا غير خالي
فاتن: وأنا خليتها تمر كذا... طلعت مليون عذر ووافق تروكي يجيب السواق معه
أميرة: ههههه منتي سهله... تصدقين نفسي أشوف أمكـ
فاتن: أما أنا لا
أميرة: ليه
فاتن: مدري أحس إذا شفتها مراح اخذ راحتي بالطلعات... وأساسا أمي تتكلم قصيمي فيمكن هي متشدده
أميرة: اهاا
.
.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالرياض
في بيت أبو راكان....
صحى رياض وحاول يتحركـ وما قدر.... استغرب وظن أنه بسبب نومته.... حاول مرة ثانية وما في فايدة.... ما يدري وش فيه، توه أمس صاحي وما به شي....
سمع الخدامة لما دخلت وقالت: بابا رياد مدام قول قومي
رياض وهو خايف على نفسه: روحي نادي أمي
الخدامة: مدام يبي أنتي قومي
رياض حاول يتحركـ وما قدر.... صرخ: نادي لي أمي بسرعة
طلعت الخدامة وقالت لأم راكان عن ولدها.... استغربت أم راكان وراحت تشوف وش فيه يمكن مريض....
دخلت غرفته وشافته نايم ومعطيها ظهره.... قالت بصراخ: رياااض قم لا تتأخر ع الجامعه
رياض على وضعه وبصوت مخنوق: يمه مقدر أتحركـ
أمه: رياض بلا هبال قم
رياض: قلت لتس يمه مقدر أتحركـ
قربت أمه: وش فيكـ
رياض: مدري يمه... أحس بجبل على صدري ويمنعني أتحركـ
أمه: وش تخربط
رياض مقهور لأنه يحاول بدون فايده: يمه منيب قادر أحركـ شي من جسمي... حتى أصابعي مقدر أحركهم
أم راكان: خلني أنادي أخوكـ
طلعت من جناح رياض وراحت لجناح راكان.... وصلت لغرفته وطقت الباب لأنه مقفل....
أم راكان: راكاااااان يا راكااان
راكان كان متمدد ع السرير وبيده ع الجوال: دقيقة يا قلبي... ـ نزل الجوال وقال: نعم يمه
أم راكان: راكان تعال وناظر أخوكـ مدري وش فيه
راكان: وش فيه رياضوه
أم راكان: مدري يقول ما يقدر يتحركـ
راكان: طيب يمه... دقيقة وجاي
راحت أم راكان ورفع راكان جواله وقال: اقول يا عمري... أنا بسكر الحين أمي تبيني مدري وش فيها
راكان: اوكي على اتفاقنا
بعد ما سكر الخط طلع من جناحه وهو طفشان.... شكل أخوه مريض وهو اللي بياخذه للطبيب....
وصل لجناح أخوه ودخل الغرفة وقال: وش فيه رياضوه
أم راكان بصوت باكي: تعال يمه ناظر أخوكـ مو قادر يتحركـ
قرب راكان وهو يقول: أنا أخليه يتحركـ... ـ حط يده على كتف أخوه ولفه لجهته.... استغرب لأن رياض يناظره ودموعه بعيونه....
راكان: وش فيكـ
رياض بصوت باكي: كم مرة أقول لكم منيب قادر أتحركـ
راكان: ليه
رياض: مدري، من صحيت وأنا أحس بجبل على صدري
راكان: خلني آخذكـ للطبيب
بنفس اليوم....
صار لهم اسبوعين من وصلوا الرياض.... ناظرت فاتن حولها أبوها طلع وأختها نايمه.... وما في إلا هي وأميرة....
فاتن: آآف ملل
أميرة: والسواق ليه جاي... خلينا نروح الفيصليه
انبسطت فاتن: ايوه خلينا نغير جو
راحوا لغرفهم وكل وحده تكشخت وتزينت وطلعوا للفيصليه....
بنفس الوقت....
كانوا جالسين ببيت زياد.... زياد يتفرج ع التلفزيون وفيصل يشتغل ع اللاب توب....
زياد بطفش: يخي أنت ما مليت من الجهاز
فيصل: وش اسوي أغراضي بجهازكـ وكلهم للعمل ولازم اسلمهم ها الأسبوع
زياد: طيب أنا مليت
فيصل: وش أسوي لكـ
زياد: قم معي للفيصليه
فيصل: زويد أنا ماخذت اللاب توب حقكـ إلا عشان اشتغل فيه... مو عشان اتسلى به بالفيصليه
زياد: الجهاز حلالكـ متى ما احتجت له خذه... بس تكفى قم معي
فيصل: ما تقصر... كله من جهازي اخترب وراح علي كل شي
زياد: يللا بو التروكـ قم معي عشان خاطري
فيصل: الحين قلي وش بتسوي بالفيصليه
زياد: نروح كوفي نشوف الناس... نغير جو
فيصل: وليه ما اتصلت على وسيم
زياد: دقيت عليه وقال خاله عازمهم وما لي إلا أنت
وبعد دقايق اقتنع فيصل وراح معه....
دخلوا أميرة وفاتن للكوفي ونزلوا غطاهم.... انبسطوا لما شافوا معظم الشباب التفتوا لهم.... جلسوا بالطاوله اللي قبال فيصل وزياد.... انتبهت أميرة على زياد اللي تعرفت عليه من فتره.... قامت تسلم عليه هي وفاتن....
انتبه عليها زياد لما شافها جت وابتسم.... أما فيصل كان يكتب ع اللاب توب وما يدري عن اللي حوله....
أميرة وفاتن: مرحبا شباب
استغرب فيصل لما سمع صوت بنات.... رفع راسه وتفاجئ لما شاف بنتين جلسوا معهم ع الطاولة.... ظن أن زياد مواعدهم وعصب التفت لزياد وناظره بتهديد....
اما زياد طنش فيصل وقال: مرحبتين... يا هلا بأميرة وفاتن
أميرة: هلا فيكـ... شلونكـ زياد
زياد: كويس وأنتي وفاتن وش أخباركم
أميرة: الحمد لله
فاتن: وأنا طيبه
أميرة: زياد كيف تجي هنا بدون ما تقولي
زياد مبسوط: فجاة قررنا أنا وفيصل وجينا
وقف فيصل وهو يسكر اللاب توب: زياد أنا بمشي وباخذ الجهاز معي
زياد وهو يغمز له: ما ودكـ تجلس معنا
فيصل نفسه يحرق صاحبه: لا والله أنا مشغول... ـ نزل وهمس لزياد: حسابكـ بعدين يا الخايس... وإذا وسعت صدركـ دق علي
زياد ماسكـ ضحكته: وين بتروح
فيصل: بجهنم الحمرا... باي
فاتن طول الوقت تناظر فيصل ومفهيه عليه.... ومن خبرتها عرفت أن ما له سالفه مع البنات.... بس ما تدري ليه وجهه مألوف وكنها شايفته من قبل.... ما تدري وين ومتى....
أميرة: وش فيه صاحبكـ راح
زياد: هو مشغول اليوم وبيجي مرة ثانية
جلس راكان ع الكنب وهو يناظر أخوه اللي بالسرير....
رياض: راكان
راكان: هلا
رياض: تهقى وش فيني
راكان: شي غريب والله مدري
رياض بدا يوسوس: يمكن فيني شلل ولا ارتخاء بالعضلات
راكان: انتظر تطلع نتيجة التحاليل ونعرف وش فيكـ... لا تفاول
رياض: الله يستر
دقايق ودخل الدكتور.... وقف راكان وقال: هاه يا دكتور بشر
الدكتور: التحاليل أثبتت أن رياض سليم
راكان: كيف سليم وهو ما يقدر يتحركـ
الدكتور: وهذا اللي استغربت منه... لأن أعصابه وعضلاته وعظامه كلها سليمة وما فيها أي خلل
صرخ رياض: كيف سليمة... وأنا من صحيت ومقدر أحركـ شي من جسمي... يخي قل كلام يدخل العقل
الدكتور: يا أخ رياض احنا سوينا التحاليل ثلاث مرات وما فيكـ أي مرض
رياض بقهر: ثلاث مرات بس... سوها عشر ألف مليون
راكان: رياض اهدا شوي... خلني أكلم أبوي
دق على أبوه: هلا يبه
أبو راكان: هاه يا راكان وش صار مع أخوكـ
راكان: التحاليل سليمة وما فيه أي شي
أبوه: ورياض ما يقدر يتحركـ
راكان: ايوه
أبوه: الحين تتفاهم مع الدكتور حتى يرسل التقارير للندن
راكان: طيب يبه... بس المانيا أحسن من لندن
أبوه: طيب ألمانيا... إذا تفاهمت مع الدكتور طلع أخوكـ من المستشفى... ودق علي إذا فيه أي اشكال
راكان: طيب يبه... فمان الله... ـ ناظر الدكتور وقال: أتوقع عرفت وش يبي الوالد
الدكتور: ايه بس أحب أقولكـ أنكم مراح تستفيدون شي... لأن النتيجة وحده هنا وبرة
راكان: وإذا مو عاجبكـ الموضوع تفاهم مع الوالد
الدكتور: طيب على راحتكم
وصلوا أميرة وفاتن البيت ومن حظهم أن أبو فيصل ما جاء.... جلست أميرة ع الكنب وفتحت كيس كنتاكي....
أميرة: جوعااانه مقدر أصبر
فاتن: بنادي دنون
راحت وطقت الباب على أختها....
دانه: من
فاتن: أنا
دانة: أدخلي فتوونه
فتحت فاتن الباب: هاااي دنون
دانة: هااي... متى جيتوا
فاتن: من دقايق بس... على فكرة اشترينا لكـ من كنتاكي... نزلي وتعشي معنا
دانه: لا مالي نفس... وش سويتوا بالفيصلية
فاتن: هذا هو الفيصليه ما تغير... تمشينا الين تعبنا
دانة: ع الأقل غيرتوا جو
فاتن: ما تبين عشا
دانة: نوو ثانكس
نزلت تحت وجلست تاكل مع أميرة....
أميرة: فتووون فااتن وين رحتي
فاتن: آآه متى تجيني يا فيصل بحصانكـ
أميرة: ههههههه أي فيصل وأي حصان
فاتن: يجنن والله ها الفيصل... بس مدري وين شايفته، وجهه مألوف
أميرة: الحمد لله والشكر... لا تتعلقين بفيصل كثير لأن شكله مو من النوع اللي تعرفينهم... أجل في أحد يشوف وحده بجمالي ويروح
فاتن: وأنا مو ناقصني شي... لو يشوفوني الأجانب عطوني جائزة أوسكار
أميرة: هههههه أحلمي
بعد كم يوم....
بالاستراحه ناظر فيصل أسامة يكتب ع اللاب توب ويبتسم.... وكل شوي يكلم نفسه ويضحكـ.... التفت لما سمع زياد يقول: ههه يا حياتي أنتي
فيصل: زياد أقفل الخط أبيكـ بموضوع
زياد: دقيقه بس... ـ نزل الجوال وقال: وش تبي
فيصل: أول شي أقفل الخط
زياد: بعدين
رجع يكلم الجوال: لا يا حلوه هذا فصيل يستخف دمه
أخذ فيصل كرتون المناديل ورماه على زياد وقال: وجع
فيصل: يخي أنت ما تمل من البنات
طنشه زياد وكمل سوالفه.... ولما خلص سكر الخط وأرسل رسالة لفيصل....
استغرب فيصل وقال: وش ذا الاستهبال من رقمه هذا
زياد: هذا الله يسلمكـ رقم فتوون
فيصل: وش أسوي به
زياد: صور معه... بعد ايش خله عندكـ يمكن تحتاجه
فيصل: واللي يعافيكـ
زياد: فصيييل ناظر وسيم شيسوي
ضحكـ فيصل: ههههه المجانين في نعيم
أسامة: ضحكت بلا سنون يا الشايب... لو تدري ها الدلخ شحن جوالي بثلاث ميه ريال
فيصل: صدقه عنه وعن أهله
بعد ساعة طلع فيصل وراح لبيت أمه.... وسمع صوت اخوانه ودخل....
فيصل: اووه اخواني الحلوين هنا
مهند: وأخيرا جا اللي بيلعب معنا
جلس فيصل معهم وقال: أنتم عارفين إني استاذ بالبلوت... أحم أحم
مهند: يللا ورنا شطارتكـ
فيصل: يللا سجوو... أنتي خليتس متفرجه
قامت سجى وهي مقهورة لأنها ما تعرف تلعب.... بدوا هم يلعبون....
نواف: يللا فيصل خلنا نصيح البزارين هذولا
ندى: قال بزراين قال
نواف: هههه ترا فيصل فنان
ندى: فيصل ما عنده إلا الحكي بس
فيصل: نشوف
سجى: مو حرام عليكم... علموني
بعد دقايق، دخلوا خالهم أبو ديمه وخالتهم أم ديمه.... قالت سجى: يمه ترا خالتي وخالي وصلوا
أم فيصل بالمطبخ: أتصلي على فيصل واستعجليه
فيصل: أنا هنا يمه
جلست ديمه تتفرج عليهم يلعبون.... واحتارت بين فيصل ولا نواف ولا مهند....
أم ديمة: يللا يا بنات المطبخ مع أمكم
وقفت ندى وقالت: أنا بقوم
فيصل ونواف ومهند: لاااا أجلسي
جا أبو ديمة وجلس: خلوها تروح... أنا بلعب معكم
فيصل: خالي تعرف تلعب
أبو ديمة: وش رايكـ... يللا أنا مع منوو
انبسط مهند: معي أنا
ببيت أبو راكان....
طفشوا وهم يدورون حل لمشكلة رياض بدون فايده.... اسبوعين ورجعوا للسعودية لأن رياض تعب من المستشفيات والتحاليل....
دخلوا البيت والكل منهد حيله.... كل واحد راح لجناحه حتى يتروش وينام.... إلا راكان اللي كان يدف أخوه مع كرسيه المتحركـ.... طلع راكان مع رياض من الحمام.... مدد راكان أخوه ع السرير وحط عليه الغطا....
رياض منحرج من أخوه وما توقع يعيش بيوم من الأيام عاجز....
رياض: آسف يخوي تعبتكـ معي
راكان: ما سويت شي
رياض: ما تقصر
راكان: أنا بروح أنام تبي شي
رياض: لا... بس أقفل الجناح معكـ وخل المفتاح مع أمي
راكان: ليه
رياض: مثل منت شايف أنا مقدر أحركـ شي من جسمي... وأخاف تدخل علي الخدامة وتسوي لي شي وأنتم ما تدرون عني
حز بخاطر راكان حال أخوه وقال: طيب تصبح على خير
طلع من الجناح وقفله وسند ظهره للجدار.... وكلام أخوه يتردد يداخله" أخاف تدخل علي الخدامة.. وتسوي لي شي وأنتم ما تدرون عني ".... مر بباله موقف قديم لما كان عمره 6 سنين.... كان جالس بغرفته يلعب دخلت عليه الخدامة....
هز راسه ما يبي يتذكر ها الكابوس اللي شافه.... انتبه على أمه لما شافها طلعت من جناحها....
أم راكان: راكان وش فيكـ ما نمت
راكان: هذا أنا بروح أنام... ـ مد لها المفتاح وقال: يمه هذا مفتاح جناح رياض خليه معتس... هو قال إذا طلعتوا من عنده أقفلوا الباب
أم راكان: ليه
راكان: ما يبي الخدامة تدخل عنده ويشوف اللي شفته
راح راكان لجناحه بدون ما يرد على أمه اللي تناديه.... دخل لغرفته وجلس بالأرض جنب السرير.... ضم رجلينه لصدره وهو يناظر الباب.... ينتظر الخدامة تدخل وتلعب فيه.... هذا اللي كان يصير له بغفلة عن أمه وأبوه.... نزلت دموعه وجسمه يرتجف لأنه عايش ذاكـ الموقف القديم.... فتح الباب وزادت دقات قلبه....
أم راكان استغربت من ولدها وراحت وراه.... دخلت غرفته وشافت الظلام يغطي الغرفة.... فتحت النور وشافت راكان جالس بالأرض ويبكي وكأنه بزر....
شافها راكان وقال بصوت باكي: لا تسوين لي شي... لا تسوين لي شي
قربت أمه منه: راكان وش فيكـ
ناظرها راكان وقال: يمه
نزلت أمه لمستواه: راكان وش فيكـ
ضمها راكان وبكى: ليه تركتيني عندها الين قتلت طفولتي وبرائتي... ما أنام إلا وهي بوجهي
دمعت عيون أمه ومسحت ظهره: سامحني يا يمه... ما هقيت أنها .### سامحني لأني لهيت عنكـ وتركتكـ عندها... حسبي الله عليها، الله ينتقم منها
بعد دقايق وقف راكان وقال: أطلعي يمه... أتركيني لحالي
وقفت أمه: ليه
صد راكان وقال: كفاية انتهى الموضوع... أنتي اهملتيني وأنا صغير ومنيب محتاج لتس الحين... ـ سحب مفتاح جناح رياض منها وقال: وها المفتاح بيكون عندي واللي يبي يشوف رياض يقولي... أنا ما أبي رياض يشوف اللي شفته
أم راكان: بس
قاطعها راكان: يمه واللي يخليتس أطلعي... أنا تعبان وبنام
طلعت أم راكان وهي تتحسر على حاله.... صار عمره 28 سنه وللحين متأثر من عمايل الخدامة.... دخلت جناحها وصلت ركعتين.... دعت ع الخدامة بأنواع العذاب وما نست تدعي لعيالها....
بنفس الوقت....
تمدد فيصل بالسرير وتقلب فيه يحاول ينام.... أخذ جواله وناظر الساعة.... ما يدري كيف مر بباله رقم فاتن.... تردد يتصل عليها ولا، وما حس بنفسه الا وهو يتصل عليها.... بعد ثلاث رنات ردت فاتن....
طلعت فاتن وهي لافه الروب على جسمها.... نزلت الفوطة من شعرها ووقفت عند المرايا وتجففه.... استغربت لما رن جوالها برقم غريب.... حاولت تتذكر من عطت رقمها، ما في إلا زياد خوي أميرة.... ردت عليه: الوو
بمجرد ما سمع فيصل صوتها الهادي ما عرف وش يقول: هـ..هلا
ابتسمت فاتن: هلا زياد كيفكـ
فيصل: لا أنا فيصل خويه
عضت فاتن شفتها" والله وجبتي راسه يا فتوون ": أهلين فيصل كيف حالكـ
فيصل يحس بطنه يمغصه من الفرحه: الحمد لله وش أخبارتس أنتي
جلست فاتن بطرف السرير: طيبه
فيصل يقلد خويه: لا يكون أنتي نايمه وأنا صحيتتس
فاتن: لا بدري... على فكرة من وين حصلت رقمي
ابتسم فيصل وكأنه يشوفها: زياد اعطاني اياه
فاتن تسوي نفسها ما تدري: اهاا يمكن أميرة عطته اياه
فيصل: يمكن... آسف إذا ازعجتس
فاتن: لا ما ازعجتني... فرصه سعيده يا فيصل
فيصل: وأنا أسعد... تصبحين على خير
فاتن: وأنت من أهله
سكر الخط وهو مبتسم، مشاعر جديده يحس فيها.... أول مرة يكلم بنت مو من محارمه.... عشان كذا مبسوط بالانجاز هذا.... ابتسم وبعدها انفجر ضحكـ....
فيصل: هههههههههههههههه حسبي الله على ابليسكـ يا زويد
فتحت سجى الباب: بسم الله الرحمن الرحيم... وش فيكـ لا يكون تحلم
تغطى فيصل باللحاف وقال: ما فيني شي... أطلعي بنام
قال ها الكلمة وهو عارف أنه مراح ينام إلا وجه الفجر....
.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مر اسبوعين على تعارف فيصل وفاتن....
دخل أبو فيصل بيت صاحبه اللي سلم عليه بحراره.... جلس مع اخوياه وانبسطوا بوجود أبو فيصل معهم.... وبعد ساعتين ودعهم وطلع، ركب سيارته ورن جواله....
أبو فيصل: دانة وش فيكـ
دانة: طفشانه بابا... متى تجي
أبو فيصل: ليه
دانة: أبغى أطلع وما في إلا أنت
أبو فيصل: وين أختكـ وأميرة لا تقولين طلعوا
دانه: ايه مع السواق
أبو فيصل: وليه ما رحتي معهم
تغير صوت دانة: أخاف أتعب ويتوهقون فيني
حزن أبو فيصل على حال بنته وقال: طيب ربع ساعة وأنا عندكـ خليكـ جاهزه
انبسطت دانه: اوكي باي
وصلت دانة المجمع مع أبوها.... ويا فرحتها لما تتمشى مع أبوها لأن طلعاتها قليله....
دانة: وقف بابا خلني أشوف الاكسسوارات
أبو فيصل: دنوون من دخلنا وأنتي ماخذتي شي... ليه
دانة: ما في شي عجبني
أبو فيصل يناظر ببنته وهي تتفرج ويتذكر أمها.... على النعمه اللي عايشه فيها مو عاجبها شي.... صار كل شي تافهه بالنسبة لها....
طلع معها ودخلوا كم محل... وبعدها راحوا للمطعم ورجعوا للبيت....
دانة: شكلهم للحين ما جو
أبو فيصل دق على أميرة: بدق عليهم
أميرة: هلا خالي
أبو فيصل: وينكم فيه
أميرة: بالفيصليه
أبو فيصل: يللا تعالوا البيت
أميرة: طيب خالي هذا احنا طالعين
بنفس الوقت....
جلس فيصل وفاتن بالكوفي ياكلون ايس كريم....
فيصل مو عارف وش يسولف فيه فقال: إلا ما قلتي لي أنتي من الشرقيه
ابتسمت فاتن: ايه كيف عرفت
فيصل مبسوط أنه يكلم بنت: من لهجتتس
فاتن: وأنت قصيمي صح
فيصل: هههه لا أنا أحكي مثل أهل أمي
فاتن: أكيد قصيميين
فيصل: يمكن... على فكره ليه جايين الرياض بالاجازه... ليه ما سافرتوا بره
فاتن تحس أن سوالفه ممله.... لأنها توقعت أنه بيتغزل فيها وبجمالها... وما درت أنها شاغله باله طول الوقت: تونا مسافرين قبل الاختبارات وأساسا أبوي جابني هنا عشان أشوف أمي
فيصل: أمتس مطلقه!!
فاتن: ايه
فيصل: نسبه الطلاق مرتفعه بالحيل
فاتن شدها الموضوع: ليه أمكـ وأبوكـ متطلقين
فيصل: ايه وأنا عايش مع أمي وأهلها
فاتن: شفت صارت ظروفنا متشابهه
رن جوال فاتن وصارت أميرة تقول لها بتمشي.... سكرت الخط وقالت: هذي أميرة تقول السواق جا... ـ وقفت: مشكور ع الوقت اللي ضيعته معي
فيصل: شدعوه خليني أشوفتس
فاتن: اوكي باي
راحت فاتن أما فيصل ظل بمكانه.... تذكر خواته، بمجرد ما يتخيل أن سجى جالسه مع واحد يعصب.... كيف لو صار واقع" الدنيا دين يا فيصل ومثل ما تسوي ببنت الناس فيه من يسوي لأختكـ "....
ـ : بدكـ شي استاز
فيصل: لا... ولا أقولكـ هات لي قهوه ساده
الويتر: تكرم استاز
راح الويتر وجا زياد وشاف فيصل جالس لحاله وسرحان....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك