رواية احتاج لك اذا ضيق الوقت صدري -25
في المطار
ريم ترسل رساله لجوال ميرا
النص: ميرا انا عند البوابه تعالي
سعود: فين صاحبتك هذي يلا دقي عليها خلصيني جاني النوم
ريم: خلاص ارسلت لها
سعود: لو كلمتيها افضل بخل يعني
ريم في نفسها: الله يستر ياسعود لما تشوف ميرا
ريم تلمح ميرا من بعيد
ريم : ميرا
سعود بصدمه: نعم
ريم تجري تحضن ميرا
سعود يشوف ميرا وهو منصدم
ريم تبكي: ميرا حبيبتي راح توحشيني
ميرا تبكي وتحضن ريم بقوووه
??. [أحضني حيــل وخل يدك وابني الحنـآن.. ! ].??
.:??. [والله مشـتـآق لحنـآنك من زمـــان.. ! ].??
لمني حييييييل ..!
محتاج حضنك بـ صيح
برتوي شوفك
من بعد .. ليل الظما
" لمني "
مثل طيرٍ شفته جريح
لـ شاف جناح امه
طار و احتمى
ريم: مالي غيرك من لي بعدك ياميرا
سعود يطالع في ميرا مو مصدق ان ميرا هيا الي بتسافر
ميرا تشوف سعود وصار جرحها جرحين
جرح فراقها لريم وجرح حبيبها سعود
على ذكراك أنا .. باقي
أداري غصّة أشواقي
و ألوّن ه الصباح / جراح
عسى يرضيك { إشراقي ؟
عساك تشوفني بعدك ..
تشوف شلون في بعدك
غيابك شوّه / أعماقي ... !
ميرا انهارت وصارت تبكي
منظر ادهش الجميع وصارو الناس يطالعو فيهم
ام ميرا: بنات اهدو بس كفايه
ريم: ياخاله ماتتصوري حب ميرا مااتخيل يمر يوم مااشوفها ما اتخيل
ام ميرا: راح ترجع ميرا ياريم انشاء الله وبترجع احسن
بدر: خلاص يابنات اهدو الناس يطالعو فينا
ريم: افهموني هذا اخر حضن بحضنه ميرا بعدها ماراح احضنا الى بعد فترا
سعود يقرب من ميرا وريم وهو منهار: ريم بس كفايا خلاص
ميرا تطالع في سعو وتلف وجهها للجهه الثانيه
سعود يمسك يد ريم ويسحبها عن ميرا: ريم خلاص يكفي
ريم تمسك يد ميرا: ميرا حبيبتي لا تقطعيني اول ماتوصلي دقي وكل يوم طمنيني عنك
ميرا تطالع في ريم وتطالع في سعود وتبكي
(( مافيه جرح ٍ .. كثر هالـجرح بكّاااني )) ..!!
ريم:احبك ياميرا
ميرا ماقدرت تتحمل تركت ريم وراحت تجري اخذت تذكرتها وراحت
ريم: لا ميرا لا تروحي وتتركيني
سعود يحضن ريم وهو منهار ومنصدم: خلاص ياريم
ريم:هذي ميرا ياسعود ميرا
سعود: ادري انها ميرا هوا انتي راح تقوليلي مين هيا ميرا
في الطيارا
ميرا مع نفسها: الله ياسعود جيت تنزف جرحي جيت عشان تزيد جرحي
اتمنيت اسمع منك تروحي وترجعي بالسلامه
ليش ماقلتها ياسعود كان ممكن تداوي جرحي
آآآه ياسعود لو تدري ان عذابي الي انا فيه انت سببه وان جرحي وانت جارحه
وان دمي انت نازفه
في غرفه سعود
سعود مع نفسه:ادري ياميرا ادري ان كل الي انتي فيه بسببي
جروحك وآهاتك انا الي سببتها لك بس صدقيني غصبا عني
الي شفته مو شويه احس بتأنيب الضمير لما اشوفك
احس انا سبب همومك احس انا نازف دمك
ادري تحبيني وادري احبك
بس مدري ليش القدر قدّر انو مانكون لبعض
بعد لحظة صمت
سعود: ايوا صح ليش ميرا مسافرا
سعود يروح لغرفه ريم
سعود يفتح الباب: ريم
ريم بفجعه: طيب دق الباب
سعود: معليش
ريم كانت على السرير ومعاها مناديل وتمسح دموعها
سعود: ريم ليش ميرا مسافرا؟؟
ريم: ميرا رايحه لندن
سعود بإستغراب: لندن ليش؟
ريم: بدر اخوها موديها لندن عشان تتعالج
سعود في نفسه: كل الي بيصير لك ياميرا هذا بسببي
ريم: خلاص ارتحت ياسعود هذي ميرا راحت وقررت تبعد عنك وعني كمان
سعود يطالع في ريم ويروح غرفته
البارت الـ 13
يوم الخميس ليله الحفل
لجائزه افضل لوحه فنيه
الساعه 6:30 المغرب
ريم تنزل من الدرج وهي ميته رعب وتروح للصاله
ريم بتوتر:هاسعود يلا
سعود يطالع في ريم ويضحك
ريم متعجبه
ريم: خير!!؟
سعود:امي شوفي شكلها كنها رايحه تشوف خطيبها
ام سعود تبتسم:الله يوفقك يابنتي ماعليكي من اخوكي هذا مخرف
سعود: الله ياامي دحين صرت مخرف
ريم تبتسم: احسن خذ على راسك
ام سعود:يلا خلاص اتوكلو على الله
ريم: ماما فين بابا
ابو ريم يدخل: انا هنا يا احلى الحلوات
ريم تبوس يد ابوها: وانت احلى الأبهات
ابو ريم :الله يوفقك بنتي
ريم تبتسم: الله لا يحرمني منكم انشاء الله
ليان: الله الله يعني انا مافي عندكم مافي انا في العيله
سعود: البنت كلّجت
الكل يضحك
ابو سعود: وانتي كمان احلى الحلوات
ليان: ايوا كذا طيب انا ابغى اروح معاهم
سعود: كملت
ابو سعود: تروحي حبيبتي ليش ماتروحي
ريم: ياناسو عليها حبيبتي بتجي معايا
ام سعود وابو سعود يبتسمو
ريم: طيب ليش ماتجو انتو معانا
ام ريم: ومين قال اننا بنخليكي لوحدك
ريم بفرح: والله حمااس
عند المركز
عند الإستقبال في الدور الأول
ابو سعود: السلام عليكم
الإستقبال: وعليكم السلام
ابو سعود: لو سمحت المشاركات لفين يروحو
الإستقبال: المشاركات يطلعو فوق وياخذو هذي الأوراق يكتبو بياناتهم هناك ويجي أخ وبيستلمها منهم
وانتو اهلها تتفضلو هنا تجلسو لأنو ممنوع الدخول لغير المشتركات واللجنه
سعود يكلم ريم بصوت واطي: ابويا قالو جمله وحده الا هوا قال فيه مقال
ريم تدق سعود: اسكت
ابو سعود: يلا حبيبتي خذي هذي الأوراق اكتبي بياناتك فوق واحنا نستناكي هنا
ريم: اطلع لوحدي اخاف
ام ريم: ايش الي بيخوف؟
سعود: ايوا ايش يطلعها لوحدها
ابو سعود: انتو مو في اي مكان وبعدين انا مااخاف على ريم اخاف على الناس من ريم
ريم تبتسم وتاخذ الأوراق
ريم تلتفت على امها وتحضنها:الله لا يحرمني منك ياماما
وتحضن ابوها: الله لا يحرمني منكم
الكل مستغرب من تصرف ريم
ريم: تطالع في امها وابوها وكانت تبغى تبكي بس قدرت تمسك دموعها
ريم تطلع الأسنسير
وتوصل للدور الرابع وهي طالعه من الأسنسير عند الباب تطيح الأوراق وتنزل تجيبها
وبنفس الوقت قدامها شخص لابس غتره وثوب وكان كشخه تطيح منه اوراقه مع اوراق ريم
وينزل يجيبها
ريم ترفع راسها والشخص يرفع راسه
تجي عيونها في عيونه وكل واحد تفوح ريحه عطره وتجنن الثاني
يوم شفتـہ
متكشخ ... ومتعطر ... ومتزين
طآح كـآسي
فدوتـہ رآسي ... ونآسي
مو بكيفي ...!!
يُمـہ جنني بـ { حنانــہ
|| مآآآ يـخـون ||
الهوى عندهـ امانــہ
وريحة انفاسـہ { دخـون !
10 ثواني ماتزيد الا ريم تشيل اوراقها وتبعد عنها وتروح لموقع الرسم وهيا ترجف وقلبها يدق بسرعه وتتنفس بصعوبه
ريم في نفسها: انا ايش صار فيني ليش ارتبكت كل هذا الإرتباك
ريم تحط يدها على قلبها:يالله اهدي ياريم اهدي
ريم وهي مرتبكه
......:لو سمحتي
ريم: هلا حبيبتي
لمار وحده من الي مشاركات عمرها 19 بنفس جامعه ريم
لاكن تخصصها علم نفس غير تخصص ريم انسانه رقيقه ناعمه
لمار:انا مرره خايفه هوا انا بس الي خايفه ولا ايش؟
ريم: ياحبيبتي صدقيني مافي وحده خايفه اكثر مني
لمار:لاعارفه منتي فاهمتني هذي اول مره اختلط فيها
ريم: وانا زيك ياعسل
بدء وقت الرسم وكل وحده صارت ترسم
لمار: خاايفه
لمار كانت ترجف
ريم: حبيبتي اهدي ماراح تعرفي ترسمي كذا
لمار: بحاول اهدي
ريم: فكري في الرسم لا تفكري في الي حولك ولا مين حولك
كنك في غرفتك وترسمي بدفترك
لمار: اوكي
ريم بدآ ترسم
وكل المشاركات بدؤو يرسمو
بعد نص ساعه
ريم حست بشعور غريب
حست انها متضااااايقه وحست انو صاير شي
ريم تركت فرشاة الرسم
ريم مع نفسها: اعوذ بالله من الشيطان الرجيم
ريم تمسك الفرشه وتكمل رسم
وبعد نص ساعه تانيه
انتهى وقت الرسم فالتتقدم كل واحده منكم بتقديم لوحتها للمسؤولين
الكل قدم لوحاتهم ولأن ريم خجوله ماقدرت ترفع راسها لأن المسؤول كان رجال
فأعطته اللوحه من غير ماتطالع فيه
المسؤول: لو سمحتي
ريم على طول رفعت راسها
ألقى خيالك في خيآلي .. و { أضمممه !
وأشوف زولك ، بين { رمشي وعيني !}
يمرني طاريك عجــل !
وألمـه ~
من لهفتي عليك .. تسببق { عيوني يديني !}
مثل العبير ، يفووح - عطرك - و { أشمممه ~
في لحظة / تسوى بقـايا سنيني !
أحتاج لك
أحتاج لك
أحتاج لك
حاجة وريدي لِ - دمه -
ترد لي روح , { تروح وتجيني .. }
المسؤول بإرتباك:لوحتك حلوه
ريم انحرجت وماقدرت وراحت وتركته وهيا ترجف وقلبها يدق بسرعه
ريم في نفسها:هذا صوت رجوان معقول معقول يكون هوا
الرجاء من جميع المشاركات العوده لأماكنهن
لمار: ماشاء الله لوحتك تجنن
ريم: حتى لوحتك ماشاء الله خيالك كان حلو
لمار: لا بس صدقيني انتي الي بتفوزي
لو لاحظتي كلنا كانت لوحاتنا تعبر عن الخيال والطبيعه لاكن لوحتك كانت تعبر عن الرومانسيه
ريم: ماادري بس يمكن في احلى..على فكرا انتي ايش اسمك؟ انا ريم
لمار تبتسم: ادري انك ريم قريته لما كتبتيه على اللوحه مانزلت عيوني من عليها ماشاء الله مبدعه..انا اسمي لمار
ريم: تسلمي حياتي وعاشت الأسامي
لمارتنزل راسهاخدودهاحمرا
ريم: ايش فيكي انحرجتي؟
لمار: انا كذا انحرج بسرعه
ريم: ياناسو عليكي شوفي خدودك كيف صارت
ريم ولمار:يبتسمو
وبعد كم دقيقه
وقت اعلان الفائزات
ريم تمسك يد لمار
الفائزه بالمرتبه الثالثه
فلانه بنت فلان
الفائزه بالمرتبه الثانيه
(لمار بنت .........
لمار :لا مو مصدقه
ريم:مبروك ياعسل
لمار تروح تاخذ الهديه
صاحبه المرتبه الأولى اميرنا يفضل انه يقولها بنفسه
الأمير: السلام عليكم
بصراحه كنتو جدا مبدعات وكانت لوحات قمه الروعه
بس هناك لوحات فيها شيئ من الغرابه
وفي لوحه كانت معبره
اثرت فيني وفي اللجنه
كانت قمه الرومنسيه والنعومه
صاحبه اللوحه هي
ريم بفرح شديد: لا انا لا مو مصدقه
لمار: مبرووووووووك
البنات كلهم يصفقو
ريم تروح تاخذ الجايزه من الأمير وهيا منحرجه
ريم تروح عند لمار: الحمد لله
لمار: ياحياتي انتي مبروووووووك
ريم:الله يبارك فيكي
لمار: قلت لك بتفوزي
ريم: حياتي قبل لا تطلعي عطيين رقم جوالك
لمار: اوكي 056.......؟
ريم: خلاص بتصل فيكي وسجلي رقمي مستعجله بروح اخبر اهلي
لمار : اوكي
ريم تنزل في الأسنسير
ريم:فزت فزت
سعود: مبروووووووووووك والله مو مصدق
ريم: والله فزت
ريم: فين ماما وبابا
سعود: طفشو قالو يروحو البيت يرتاحو
ريم حست بنفس ذاك الشعور حست بضيق
ريم صارت تطالع في سعود وكنها مصدومه
ريم: سعود وديني البيت
سعود: ريم ايش فيكي؟
ريم: سعود الله يخليك
سعود: اوكي يلا
عند بابا البيت
ريم تجري تروح تفتح الباب وتدخل الصاله
ريم بفرح: ماما بابا فزت فزت
ريم تسكت وتطالع حولها
سعود: فين راحو ليش ماجو البيت
ريم: لا انا كذا بديت اقلق من جد
سعود: يمكن راحو عند خالتي
ريم: انا حاسه انو صار شي
سعود بعصبيه: ريم فاولي فال خير
سعود ياخذ الجوال ويدق على ابوه
ريم تاخذ الجوال وتدق على امها
ليان تدمع: فين ماما ابغى ماما
سعود وريم مع بعض: مقفل
ريم: لا مااقدر اجلس لا زم اعرف فينهم سعود لا يكون صاير لهم شي
سعود بعصبيه: ريم لا تقولي كذا انشاء الله بخير
يدق جوال سعود
سعود: رقم غريب
سعود يفتح الخط: الو
المستشفى: السلام عليكم اخ سعود
سعود: وعليكم السلام مين معايا
المستشفى: معك مستشفى ــــــــــــــــــــ
سعود بفجعه: خير
ريم خافت وحضنت ليان
المستشفى:الوالد والوالده هنا عندنا صااير لهم حادث
سعود: حادث
ريم: ماما بابا
سعود يسكر الخط وهو مصدوم
ريم تبكي: سعود ماما وبابا فين فينهم ياسعود
سعود: صاير لهم حادث
ريم بصدمه: لا لا تقول قول انك تمزح
سعود بصراخ: قومي بسرعه خلينا نروح لهم المستشفى
في المستشفى
ريم تجري هيا وسعود وليان للعنايه المركزه
عند الباب يطلع الدكتور
سعود: دكتور كيف حالتهم
الدكتور: انتو اهلهم
سعود وريم: ايوا
الدكتور: ماااقدر اخبي عليكم حالتهم جدا صعبه
كل شي بيد الله
ريم: لااااا
سعود: طيب نقدر نشوفهم
الدكتور: مستحيل
الدكتور يروح
ريم تبكي: سعود لا ياسعود اكيد بيمزح الدكتور صح
سعود يحضن ريم
ليان تبكي: ابغى ماما وبابا
سعود: بس خلاص اهدو
ريم: كنت ابغاهم يحسو بفرحتي ياسعود
سعود: ريم خلاص ..خلاص ياريم
ليان تبكي:ماما ابغى ماما
سعود: انا مو قادر لكم "غصبا عنه نزلت دمعه خوف على خده"
ريم تجلس بالأرض: آآآآآه انا مالي غيركم لا تتركوني
يارب تاخذ من عمري وتعطيهم يارب
ليان تحضن ريم: انا خايفه
سعود يتصل في مازن:مازن تعالي على مستشفى ـــــ
مازن بفجعه: ليش؟
سعود: اهلي مسوين حادث وحالتهم صعبه تعال وخلي خالتي تجي تهدي ريم انا مو قادر اهديها انا اعصابي تالفه
مازن: خلاص خلاص انا جاي
رولا بفجعه: مازن ايش فيك؟
مازن: خالتي رانيا وزوجها بالمستشفى مسوين حادث يلا البسي خلينا نروح بسرعه
سعود يقول ريم مرا منهارا
رولآ تشهق : خالتي
سعود يدق في امه: امي بسرعه تعالي على مستشفى ـــــ
ام مازن مفجوعه: ليش خير؟؟
مازن: خالتي وزوجها مسوين حادث
ام مازن: رانيا ...طيب هيا بخير
مازن: امي بقول بسرعه سعود يقول تعالو هدو ريم مرا منهارا
ام مازن: يلا يلا
في المستشفى
رولآ: ريم
ريم تحضن رولآ: شفتي ايش صار يارولآ مالي غيرهم
ام مازن تبكي: اختي ايش فيها؟
رولآ: ريم اهدي اهدي حبيبتي انشاء الله بتطلع بالسلامه
نوف: ريم حياتي لا تبكي انشاء الله يكونو بخير
ام مازن: ابغى ادخل عندها
سعود: الدكتور يقول حالتهم ماتسمح اننا ندخل
ام مازن: يارب تخلي اختي لعيالها يارب
ريم: خالتي لو ماما وبابا تركوني انا مااعيش هما اغلى شي في حياتي
الخاله: اهدي حياتي يقومو بالسلامه انشاء الله
رولآ: ريم حياتي اهدي انشاء الله مافيهم شي
نوف تحضن ريم: ياعمري انتي حبيبتي الله يخليك عشاني لا تبكي
نوف صارت تبكي:ريم لا تبكي انشاء الله خالتي بتعيش وتكون بخير
الخاله: تعالي ماما ليان
ليان: ابغى ماما
الخاله تحضن ليان
ريم: كنت بفرحهم كنت بقولهم انتي فزت كنت ابغاهم يقولولي مبروووووك ليش
ليش فرحتي ماتكمل ليش ياربي ليش
رولآ: ريم مايصيرالي قاعده تقوليه
ريم: كنت بفرح وافرحهم كانت احلى فرحه فرحتها في حياتي
سعود بعصبيه وهو يدمع: بس ياريم بس كفايا وامي وابويا ماراح يتركونا راح يكون معانا طول العمر
الخاله: خلاص حبايبي انشاء الله مافيهم الا العافيه
مازن يقرب من سعود: سعود المفروض انت تهدي عليهم مو تعصب
سعود: مرره خايف يامازن هذول اهلي
مازن: الي كاتبه الله بيصير وانشاء الله يطلعو بالسلامه
ريم افتكرت الحلم الي حلمته
ريم تصرخ وتحط يدها على فمها:لااااااااااااااااااا
الكل يطالع فيها
ريم: مومعقول لا مستحيل لاااااا
سعود يمسك ريم وهيا منهارا: ريم ايش فيكي ريم اهدي
ريم: سعود لا مو معقول يتحقق لا
الخاله: ايش هوا ؟
ريم تبكي: مستحيييييييييييييل لا
سعود فهم ريم
سعود يحضن ريم: لا ياريم لا ..انتي اهدي بس...اهدي ولا تفكري بهذا الشي
رولآ تطالع في مازن ونوف
في سويسرا
الفجر طلع ماهر يتمشى لوحده
ماهر وهو يكلم نفسه: آآه ياريم مااتوقعت انك تصديني بهالطريقه
ماراح اتنازل عن حبي لك
ولا راح اتخلى
راح افضل وراكي لين تحبيني
وتحسي فيني
كثير غيرك يتمنو هالحب ليش ماتحسي بحبي لك معقوله تحب غيري
والله مااخليه يتهنى بيكي يوم واحد مااتخيل انك تكوني لغيري ياريم
ولا اتخيل اني اكون لغيرك ياليت تكوني معايا دحين واقولك كل الي بخاطري
ياليت تفهميني وتسمعيني ياارق انسانه بهالكون يامالكه جمال الكون
يامالكه قلبي واحساسي بيدك تعيشيني وبيدك تقتليني آآآه ياريم متى تحسي فيني
في المستشفى
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك