رواية احتاج لك اذا ضيق الوقت صدري -26
رولآ تطالع في مازن ونوف
في سويسرا
الفجر طلع ماهر يتمشى لوحده
ماهر وهو يكلم نفسه: آآه ياريم مااتوقعت انك تصديني بهالطريقه
ماراح اتنازل عن حبي لك
ولا راح اتخلى
راح افضل وراكي لين تحبيني
وتحسي فيني
كثير غيرك يتمنو هالحب ليش ماتحسي بحبي لك معقوله تحب غيري
والله مااخليه يتهنى بيكي يوم واحد مااتخيل انك تكوني لغيري ياريم
ولا اتخيل اني اكون لغيرك ياليت تكوني معايا دحين واقولك كل الي بخاطري
ياليت تفهميني وتسمعيني ياارق انسانه بهالكون يامالكه جمال الكون
يامالكه قلبي واحساسي بيدك تعيشيني وبيدك تقتليني آآآه ياريم متى تحسي فيني
في المستشفى
والكل واقف عند باب غرفه العنايه يستنى الدكتور
ريم جالسه على الأرض وحاطه راسها ع الجدار
رولآ وسعود والخاله وليان ونوف جالسين مكان الجلوس
وليان كانت نايمه بحضن سعود
سعود: خالتي حاولي في ريم خليها تجي تجلس هنا مو طيبه جلسه الأرض
البلاط بارد عليها
رولآ:والله تعبت وانا اقولها تعالي مو راضيه
الخاله: ريم مااره معنده الله يهديها
مازن: رولآ روحي تاني حاولي فيها
نوف :بروح معاكي
رولآ تروح لريم:حياتي خلاص يكفي لا تبكي وتعالي هناك لا تجلسي في الأرض
نوف تجلس جمب ريم: ريم حبيبتي البلاط بارد لو تبغيني امرض خليكي جالسه
عشان انا مو متحركه الا اذا انتي اتحركتي
ريم ساكته
رولآ:ريم عشان خاله رانيا وعشان بابتك يلا عشان خاطرهم
تعالي اجلسي
ريم تقوم وتروح تجلس جمب سعود
ريم تشيل ليان من على سعود وتحطها بحضنها وتحضنها
سعود يمسح على شعر ليان
ويمسح دموع ريم
رولآ تشوف منظرهم وتبتسم
كشف الدكتور على الأهل وطالع من الغرفه
الكل يوقف
ريم تروح لدكتور: دكتور الله يخليك طمني
الدكتور: والله حالتهم مااتحسنت بس انشاء الله يكون في تحسن
ريم:الله يخليك دكتور ابغى اشوفهم دقيقه بس مااطول
الدكتور: اذا انتي خايفه على صحتهم لا تدخلي
ريم تبكي: اترجاك بس اشوفهم
الدكتور: بس توعديني انك ماتقربي منهم ولا تحاولي تكلميهم
ريم: خلاص اوكي بس ادخل واشوفهم
ريم تدخل عند امها: ماما
السستر: لا دكتور يقول مافي كلام
ريم تحط يدها على فهما
ريم:ماما لا تخليني ياماما انا مااعيش بعدك ماما قومي كلميني
سعود يدخل: ريم وبعدين معاكي
ريم: سعود ماما ماتكلمني
سعود: ريم اطلعي
ريم: سعود ماما ماتكلمني
سعود يمسك ريم ويطلعها
ريم: اشوف بابا اشوف بابا
سعود: لا لو بتتكلمي مافي
ريم: لا ماااتكلم بس اشوفه
سعود وريم يدخلو عند ابوهم
ريم بصوت واطي: بابا
سعود: اسكتي
ريم تمسك يد سعود: سعود اول مرا اشوف ماما وبابا كذا انا خايفه
سعود: انشاء الله يطلعو بالسلامه
ريم: يارب تخليلي ماما وبابا يارب
يرن جوال الخاله رنا
رنا:هذا البيت احنا نسينا ريان
مازن يضحك:تلقيه مفجوع
رولآ: ياحرام
ريان: انتو فين؟
ام نوف:احنا بالمستشفى خالتك سوت حادث بابا حبيبي قول للشغاله تسويلك اكل
ريان: ماابغى اكل انتو تعالو خلاص
ام مازن: خلاص حبيبي دحين يجيك مازن
ريان: طيب بس قوليلو لا يتأخر
ام مازن تبتسم: تآمر
ريان: مع السلامه
ام مازن: مع السلامه
ام مازن تسكر الخط
مازن حبيبي روح جيب ريان
مازن: ماله داعي
رولآ:حرام عليك تلقاه خايف لوحده
ام مازن: يلا مازن حبيبي قوم
مازن:انشاء الله مااقدر ارفض طلب من اغلى اثنين ملكتهم في حياتي
رولآ تبتسم
ام مازن: الله يسعدك ويهنيك
مازن يروح
ريم تطلع من الغرفه وهي منهارا
ريم:خالتي ماما وبابا مايردو عليا
الخاله:وبعدين ياريم
الخاله تحضن ريم:اهدي حبيبتي اهدي
رولآ:كيف حالتهم؟
سعود مايبغى يتكلم عشان لا يخوف ريم اكثر
سعود:انشاء الله خير
الدكتور:لوسمحتو وجودكم هنا مالافايده وياليت تتفضلو
ريم:انا مو متحركه من هنا الا مع ماما وبابا حتى لو كلنا نخرج جثث
سعود بعصبيه:ريم لا تقولي كذا
الدكتور:لوسمحتو تتفضلو مسببين ازعاج
رولآ :خلاص خلينا نروح البيت
ريم:ماقدر ماقدر
نوف: حبيبتي ريم اسمعي الكلام يلا تعالي معايا
سعود:ريم شفتيهم واتطمنتي عليهم
ووجودنا ماله داعي
خلاص خلينا نرجع البيت شوفي ليان كيف تعبانه
ريم تطالع في ليان
رولا تمسك ريم من خصرها:ها حبيبتي يلا نروح
ريم تروح تشيل ليان
والكل يطلع من المستشفى
سعود:خالتي فين مازن؟
الخاله:فكرتني ..راح يجيب ريان خليني اقوله لا يجي
الخاله تدق على مازن
مازن: هلا امي
ام مازن:خلاص حبيبي خليك في البيت احنا جايين
مازن:طيب خلاص
ام مازن تسكر الخط:يلا حبيبي سعود بنجي معاك بسيارتك وكلكم تجو عندنا في البيت
سعود:لا مايحتاج خالتي نروح بيتنا
الخاله:سعود لو ريم راحت البيت راح تتعب اكثر
في البيت
نوف:ريم حياتي
نوف تحضن ريم
ريم تبكي
نوف تمسح على شعر ريم: حياتي لا تبكي خلاص ياعمري
نوف تاخذ ريم على غرفتها وتجلسها على سريرها
نوف تنادي الشغاله:ميري
الشغاله: نعم
نوف:سوي كاسه ليمون وجيبي كاسه مويا
ريم:ماابغى شي
نوف:لا انتي اكيد مااكلتي شي ولا شربتي شي
نوف تكلم الشغاله:وسوي فطور
ريم: لا ماابغى الله يخليكي يانوف
كاسه مويا بس
نوف:عنيده
ريم:فين ليان؟
نوف:مع ماما انتي لاتشيل هم انتي ارتاحي شوفي كيف صاير لونك اصفر وعيونك منفخه شفتي شكلك في المرايا كيف صاير مو حلوووو
ريم ساكته
الشغاله تجيب المويه
نوف: ريم قومي اشربي
ريم تشرب المويه وترجع تنسدح على السرير
ونوف تمسح على شعرها
نوف اغنيلك الأغنيه الي تحبيها
ريم تطالع في نوف
نوف :لا تطالعي فيا كذا بغنيلك يعني بغنيلك
نوف تغني:اغنيه فاكر زمان لرامي صبري
فاكر عينيها وضحكتها .. لمسة ايديها وبرائتها زي الملايكة في رقتها فاكر زمان
لو حتى كانت نسيتني انا لسا فاكر وياريتني اشوفها تاني ولو صدفة في اي مكان
اتمنى اشوفها واقولها اني حقيقي بحبها .. وقفت حياتي وبعدها عايش وحيد
اجمل سنيني انا عشتها كانت معاها وجمبها بتمنى تاني ارجعلها انا من جديد
عمر الليالي ما خلتني انساها يوم ولا نستني وبجد فعلا وحشتني طب اعمل ايه
هيا الي قلبها ريحني ولابعاني مرة ولا جرحني معرفش ايه كان خلانا بعدنا ليه
"
ريم نامت
نوف تطالع في ريم وتمسح على شعرها وتكلم نفسها:ياحياتي انتي
نوف تاخذ عبايتها وتنزل تحت عشان سعود جالس تحت
في المجلس
نوف:سلام
الكل :وعليكم السلام
سعود: ها نوف كيف ريم؟
نوف: الحمد لله نامت ياعمري اول ماانسدحت على السرير نامت باين عليها مره تعبانه
ام مازن:والله قلبي مانامت من البارح
مازن:الله يشفيهم ويقومهم بالسلامه
الكل:آمين
ام مازن تنادي على الشغاله:ميري ميري
تجي الشغاله
ام مازن: شيلي ليان وديها غرفه ريان
نوف: شيليها بشويش لا تصحى
ولا اقول سيبيها انا اشيلها انتي عفشه
نوف تشيل ليان بشويش عشان ماتصحى من النوم وتوديها غرفه ريان
في المجلس
سعود كان جالس على الكنبه
رجع على ورا وحط راسه على الكنبه
سعود: آآآآآآه
الخاله:سلامتك من الآه حبيبي
مازن: هونها ياسعود ترا انت مكبرها
سعود: مدري ايش فيني اول مرا احس اني منهار
مازن: الله الله ياسعود لا مو انت الي تقول كذا
الخاله: يلا حبيبي انت كمان لازم ترتاح يلا قوم حبيبي
سعود: انشاء الله خالتي
سعود يروح ينام في وحده من غرف النوم
رولآ:الله يعينهم والله اول مرا اشوف ريم وسعود بهذا الحال
مازن: ايوا والله
ام مازن:الله يقومك يارانيا انتي وزوجك بالسلامه
في بيت جمانه
جمانه في غرفتها منسدحه على السرير وتكلم نفسها: انا ايش سويت بنفسي
دمرت حياتي
نواف دمرني وانا الي خليته
بس ماراح اتركه
صحيح بجيبله ريم بس مابتركه بعدها بتشوف يانواف بتشوف ايش بيجيك مني
يرن جوال جمانه
جمانه بدون نفس: الو
راكان: هلا والله
جمانا:راكان؟!؟!؟!؟
راكان: ايوا راكان
جمانه: وخير يا سيد راكان
راكان:ههههههههه حلوه
جمانه من غير نفس: الله يحلي ايامك
راكان: من غير مالف مو انتي تبغي تجيبي ريم لنواف؟؟
جمانه:ياريت عشان افتك من وجه القرد
راكان:ههههههههه اوكي بجيب ريم غصبا عنها
جمانه تقوم من السرير وتوقف عليه
جمانه بفرح: من جد لا تقول انك تمزح
راكان:موانتي تبغيها خلاص بتجي بس اعطيني كم يوم بس في شرط
جمانه: خذ راحتك بس لا يخلص الأسبوع بس ايش هوا الشرط
راكان: تدفعي مقابل 50 الف ريال
جمانه: نعم نعم خير انشاء الله
راكان: خلاص اوكي مافي احد يقدر يجيب ريم غيري يلا باي
جمانا: لحظه لحظه يعني انت متأكد انك يتقدر تجيبها
راكان:لا تشيلي هم
جمانا:خلاص اعطيني وقت على مااصرف الفلوس وتكون عندك
راكان: اووكي ياحلوا
جمانه:ومشكور ماتقصر ويعني.. موعارفه ايش اقولك
راكان يبتسم بخبث:مايحتاج تقولي شي يلا استأذن انا اخطط على الشغله
جمانا:اوكي خطط بروااقه بباي
جمانه تسكر الخط: يس يس
جمانه تمسك المخده وترميها بالجو: فينك من زمان ياراكان
هوا دا الصح
في الشاليه
نواف:ههههههههههههههه والله انها غبيه
راكان: من جد
رائد:والله حرام عليكم الغباء مايليق عليها الغباء ارقى واعظم
الكل يضحك
راكان:كلو يرجع لحبيبه قلبي ديمه
ديمه: ولو هذا واجبي اي شي تبغوه انا حاضرا
بس ياويل احد يقولها على الي بسويه من وراها
ماجد: اهم مافي الموضوع الخمسين الف
نواف:بس كيف اعجبكم صح خمسين الف بتكون في يدنا وبنت قمر وبتكون بين يدنا
الكل: اووه مين قدك ياعم
رائد: اقول نواف لا تنسى ان عندك اخ نص لك ونص ليا
نواف: كلنا ع الهوا سوى الفلوس بتتقسم بينا
رائد:لا انا مااقصد الفلوس انا اقصد البنت
نواف: قلتلي..........اخلص منها وخذها تفداك
ماجد:تخلص منها هيا لعبه ولا ايش
الكل يضحك
ديمه:على مهلكم ع البنت ترا مرا ناعمه وحساسه
ماجد:طيب بعد ماتلف اللعبه عليكم لا تنسوني
راكان: ولا يهمك بس بالدور الكبير اول
الكل يضحك
راكان: طيب متى تبغاني اجيب لك البنت
نواف: خليه يعدي الأسبوع
واطلب من جمانا مبلغ تاني عشان عدا اسبوع على اتفاقنا
وبكذا معانا دبل الخميس الف وفوقها مززه مجانا
رايد: ابو افكارك
ماجد:انا ابغى اعرف انت مخك ايش
راكان: مخه مخ
نواف: بآيخه
راكان ينحرج ويسكت
الكل يضحك عليه
//
في سويسرا
في البيت
الكل سهران يشوف فلم رعب
الجو مخيف وظلام ومافي غير نور الشاشه
ماهر ومهران ونادر ونايف ووسام
نايف يطالع في الشباب ويمسك الريموت ويسكر التلفزيون فجاءه
ويصير الجو ظلام
ماهر انفجع:ابووه
وسام انفجع وقام نقز وسط ماهر ونادر:ابو شكلك
نادر:وسام تراكك جالس على رجولي زيح عني عورتني
مهران يفتح النور:هههههههههههههههههههه
مهران يمسك بطنه:اااه بطني تعورني من الضحك
الكل يطالع في مهران بإستغراب
مهران: لو تشوفو اشكالكم تفسطوو ضحك ههههههههههه
وسام كان جالس بين نادر وماهر على فخذ من ماهر وفخذ من نادر
مهران: ونايف اختفى من الفجعه
الكل يضحك
ماهر: فين الرجال اختفى
نايف انا هنا
الكل يطالع حوله
مهران ينزل للأرض ويميل راسه
مهران يجلس بالأرض ويضحك بصوت عالي
الكل يجلس بالأرض ويميلو روسهم
ويلقو نايف متخبي تحت الكنبه وماسك الريموت
الكل يضحك
يطلع نايف من تحت الكنبه ولا كنه صار شي :كيف كم شباب؟وحشتوني<< يغير الموضوع
الكل يضحك
نادر: اقول نيوف لا تغير الموضوع يالجبان
نايف:لا انا ماخفت انا قلت بس العب معاكم استغمايا
الكل يضحك
ماهر: تلعب ها
وسام: آخ لو تشوف شكلك وانت تحت الكنبه وربي يتموت ضحك
مهران: انا ابغى افهم مو انت الي سكرت التلفزيون
نايف : ايوا انا
مهران: طيب ليش خفت ونزلت تحت
نايف يضحك: والله مدري اصلا كيف نزلت فجأه القى نفسي تحت الكنبه
الكل يضحك
نادر: هذي آخرة النذاله
نايف: ولله مونذاله بس شفت الجو رايق حبيت اسوي جو
ماهر:وانقلب عليك الجو
نايف يبتسم:شفت كيف
في غرفه نوف
يرن جوالها على نغمه:
}حبيبي وانا جمبك تعرف بحس بإيه
وانا بحضن قلبك ببقى عايز اقولك ايه
يامحلى الدنيا وانا جمبك
ياكل الي ليك محتاجلك
حبيبي ياعمري ماتسبنيش وحياة اغلى حاجه عندك{
نوف:هلا والله
خوله:هلا فيك حياتي ..كيفك؟
نوف: نص ونص
خوله: خير ليش نص ونص؟؟
نوف: خالتي ياخوله صار لها حادث هي وزوجها وهما دحين بالعنايه
خوله:خالتك رانيا؟؟؟!! ياحرااام وكيف ريم
نوف: لا تسأليني عن ريم..ريم حالتها حاله
خوله:ياحياتي
نوف: حالتها تحزن
خوله: اجل بروح ازورها
نوف:هيا عندنا بالبيت تعالي عندنا
خوله:خلاص بجي
نوف: بتجي من ينبع على هنا دحين
خوله: يووه نسيت اقولك جيت اليوم جده وانا دحين ببيتنا
نوف: يو لا انتي هنا مو معقول يالله يابنت نفسي اشوفك لك فتره مايتجي جده
خوله تطالع في ساعتها:اوه لأ دحين الوقت متأخر مدري ماما بتوافق ولا لأ
نوف: الا بتوافق قوليلها انك بتزوري ريم
خوله:احاول فيها انشاء الله ترضى
في لندن
في المستشفى في غرفه الدكتور
بدر:ها دكتور كيف حالتها
الدكتور:ميرا لازم تتعالج نفسيا اول شي لأن حاتلها النفسيه جدا سيئه
لازم تحسسوها انكم حولها وانكم اهلها لااحد يبعد عنها بالذات انتو اهلها وكل الي تحبهم
بدر يطالع في امه
بدر:انشاء الله بس بيكون فيه تحسن؟؟
الدكتور: يمكن لو عالجناها نفسيا بتقدر تتكلم تاني لأن الي هيا فيه حاله نفسيه
ام بدر: يعني بنتي بترجع تتكلم
الدكتور:املنا كبير وانشاء الله والله يوفقنا ويفقكم ونقدر نعالجها بدقه
بدر يوقف:مشكور دكتور يعطيك العافيه
الدكتور: العفو الله يعافيك
بدر وام بدر يطلعو من غرفه الدكتور
بدر: كيف بنعالجها نفسيا وسعود بعيد عنها
ام بدر: احنا موجودين يابدر موجودين بحياتها
بدر: الله يقدرنا
يدخلو الغرفه عند ميرا ومروان
..السلام عليكم
مروان: وعليكم اسلام
يرن جوال بدر على نغمه: احمد حسين
وش تمنى..ابي تبقى معاي وفيك انا اتهنى
وش تمنى..ابي ارتوي حبك ولا انحرم منه
وش طاري سؤالك ..حيرني سؤالك
ولو طال فيني العمر ..ماغيرك اتمنى
بدر: هلا حبيبتي
نوف: هلا حبيبي كيفك؟ وميرا وخالتي؟
بدر: الحمد لله كلو بخير..وانتي كيفك؟ وعمتي رنا كيفها؟واخوانك
نوف: احنا الحمد لله بخير بس..وسكتت نوف
بدر:بس ايش؟
نوف: خالتي رانيا وزوجها
بدر: ايش فيهم؟
نوف: صار معاهم حادث وهما دحين بالعنايه وعيالهم حالتهم مرا حاله
بدريوطي صوته: لا حول ولا قوه الابالله الله يقومهم بالسلامه
لا تسمعني ميرا والله تحوس الدنيا علينا
نوف: الله يعين يابدر.سلملي عليها مرا وحشتني
بدر: يوصل انشاء الله حياتي
نوف:بدر
بدر: آمري حبي
نوف حابسه دموعها:وحشتني
بدر يبتسم ويقوم يطلع من الغرفه ويوقف عند الباب
بدر: وانتي اكثر ياقلبي..كذا تركتيني لوحدي تايه موعارف احلي اوقاتي
نوف تبتسم:لاتخليني اندم اني جلست
بدر يبتسم:مابخليكي تندمي حياتي انتي
نوف: والله اشتقت اتكلم معاك احس اني من زمان عنك
بدر:والله وانا اشتقك لعيونك الحلوا
نوف تضحك بدلع
بدر: فديييييتك شوفيني متشقق
نوف:يلا عاد تراني ميته انا منها ذبت شوفني كيف سحت
بدر:ههههههههههه ايش بسوي اشتقت اغازلك
نوف تبتسم
نوف:طيب يلا خليني اروح اتجهز خوله بتجيني
بدر:اوكي حياتي راح توحشيني
نوف:وانت كمان
بدر:يلا مع السلامه
نوف:مع السلامه حبيبي
نوف تسكر الخط وتضم الجوال
وتغني :والله واحشني موت اخاف بعدك اموت
قلبي لو من حديد ذاب وانت بعيد
نوف تروح تفتح دولاب ملابسها
وتطلع برمودا ابيض وكاجيت موف غامق ومكتوب من الظهر بالرمادي
Girl Power
طق طق طق
نوف وهي تحط روج: ميين؟؟
ريم بصوت نااعم وواطي: انا ريم يانوف
نوف تحط الروج وتجري تفتح الباب
نوف:هلا حبيبتي تعالي تعالي
ريم تدخل الغرفه:رايحه مكان ؟؟
نوف:لا بس تخيلي مين جايه؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك