رواية احتاج لك اذا ضيق الوقت صدري -43
ريم تلتفت على رجوان وتحط كفوفها على خدود رجوان:الله لا يحرمني منك" ريم تحضن رجوان"
رجوان: حياتي انا مره جيعان ايش رايك ناكل؟
ريم تبتسم:اوكي
رجوان:طيب تعالي انتي جهزي الأكل كل مره كنت انا الي بجهز يلا جا دورك ياحلوا
ريم تبتسم: اوكي خلاص
ريم تروح
رجوان مع نفسه: لما جيت ابغى اتقرب منك اكثر يصير الي صار يعني ع الأقل كان خطبتك عشان احس انك ليا انا
انا ماصدقت توافقي آآآخ بس
في بيت ابو سعود
سعود وهوا جاي بيركب سيارته
توقف قدامه جمانا وماتخليه يركب السيارة
سعود يطالع في جمانا بحقد
سعود بعصبيه:انتي ايش جابك هنا..انتي لو مارحتي من هنا انا بذبحك زي ماخليتيني اذبح ميرا
جمانا:سعود اسمعني
سعود:اسمع ايش الله لا يبارك فيكي هدمتيني وذبحتي ميرا
جمانا:سعود اسمعني اول شي خليني اتكلم
سعود يطالع في جمانا بقهر
جمانا بصوت مخنوق:نواف
سعود يرفع حواجبه: ومين يطلع؟
جمانا: الي عمل البلوتوث انت لازم تنتقم منه هوا الي هدم حياتك مو انا
وانا بعرف كيف بس انت تعال معايا وبتشوف
سعود: وهذا ملعوب من ألاعيبك الجديده ياست جمانا
جمانا:ياسعود افهمني انت لازم ماتخلي نواف والي زيه يستمرو ويهدمو حياة ناس كثير
انت لازم توقفه عند حده
لازم تاخذ بثار ميرا
وثار ريم كمان
سعود يطالع في جمانا بصدمه: ايش دخل ريم؟
جمانا: سعود نواف هوا الي خطف ريم
سعود: نعم؟؟؟!!؟؟
جمانا: شفت كيف؟ يعني انت لازم تاخذ بثارهم
جمانا:بعد صمت:يلا مشينا بوريك هوا ايش بسوي
جمانا تركب سيارتها وسعود يركب سيارته
كان نواف وراكان ومعاهم واحد من المدمنين
وكان نواف وراكان يبيعو لهم البضايع
جمانا وسعود كانو مندسين ورا الجدار
جمانا:ها عرفت نواف ايش يشتغل؟
سعود بدهشه:انا ممكن اوديه في دهيه بس كيف ؟ابغاه يضبطوه متلبس
جمانا:ولا يهمك انا متجسسه عليه وبكرا موعد تسليم البضاعه الكبيره بس مو هنا
سعود:فين؟
جمانا :راح اقولك بالطريق بس اول شي طلع جوالك وصره وهاو يلم البضاعه بسرعه"سعود يطلع الجوال ويصوره" يلا روح بلغ دحين على موعد التسليم
سعود:انتي بتجي تبلغي معايا
جمانا:لأ لو نواف دري ان لي يد بالموضوع مابيتركني يكفي الي سواه فيني
سعود: خلاص يلا
في بيت سميه
جمانا بفرح: سميه سميه سميه
سميه: خير
جمانا: سعود بلغ على نواف
سميه بفرح وتحضن جمان: من جد الحمد لله
جمانا: انا مره فرحانه اخيرا بنتقم منه
سميه: الحمدلله
جمانا تطالع في سميه: لولا الله وبعدين انتي كان انا ميته من قهري وناري
سميه تحضن جمانا:لاتقولي كذا انتي جمانا هيا دي جمانا الي اول ماعرفتها
بس انتي مدري ايش جالك هالفتره
جمانا:تصدقي ديمه وصبآ وحشوني بس مايستاهلو
سميه:مصيرهم بيعرفو ويندمو ويرجعولنا
جمانا وسميه يبتسمو
جمانا تفتكر وتحط يدها على بطنها وتنزل دموعها:بكرا الصباح موعد العمليه
سميه:آآآآه حرام تذبحي الجنين
جمانا:بس هوا ولد حرام وانا مستحيل اتخيل ان نواف يكون اب لعيالي
سميه:انا بكون معاكي بكرا انشاء الله لا تخافي
جمانا تبكي وتحضن سميه
في الشاليه
الجو كان مره بارد
ورجوان وريم كان بيشعلو حطب وجالسين عنده يتدفو
ريم كانت لابسه تي شيرت اسود وفيه كلمات بالفوشي
وبنطلون جينز وشعرها كان مفتوح ويلعب فيه الهوا
كانت جالسه حاضنه نفسها يعني متكتفه
ورجل جالسه عليها ورجل مادتها
وكانت تطالع في الحطب والشعله وسرحانه
رجوان يطالع فيها ويبتسم
ينزل رجوان جاكيته ويحطه على كتف ريم ويجلس جمبها
ريم تطالع في رجوان وتبتسم
ريم تحط راسها على فخذ رجوان وتنسدح
رجوان يطالع في ريم وهوا مبتسم
ويمسك يدها ويبوسها ويلعب في شعرها
•:°:••:°:فديت إللي يحاكيني إذا ضاق صدري ويواسيني:°:•
•:°:• فديت عيونه إللي تدمع لدمعت عيني •:°:•
•:°:•يسولف لي عن أحواله عن أخباره ويفرحني•:°:•
•:°:• بسمه من شفاته تموتني وتحييني •:°:•
•:°:• فديته لما يجي يكلمني يحاول يضحكني •:°:•
•:°:• ابتسم له شوي يزعل ويبتعد عني •:
•:°:• اروح بسرعه ارضيه ومايقدر يفارقني •:°:•
•:°:• فديته بروحي وعمري ودمي وكل مافيني •:°:•
•:°:• هذا الأنسان إللي لو أموت يفديني •:°:•
•:°:• أحبه حييييييل وحبه بس يرويني •:°
•:°:• وترى كل ذا العذال مايهموني •:°:•
•:°:•اببقى أحبك وأحبك وأحبك ألين ماالله يوافيني•:°:•
ريم تطالع في رجوان: رجوان غنيلي
صوتك يدفيني
رجوان يبتسم:من عيوني ياغلى من عيوني
رجوان يغني:؟
××××××××××
سنين وانا بحلم ابقي معاك
سنين من عمري بستناك
ولما حبيبي شوفت عينيك
بقيت يا حبيبي ملك ايديك
ايامي معاك انا عايش علشان بهواك
انا عاشق وبموت في هواك
انا ناسي في حضنك انا مين
جوايا غرام
ولا يمكن احكيه با كلام
من يقدر يوصف احلام
كان عايش يحلمها سنين
ريم تغني معاه:؟
ايامي معاك انا عايش علشان بهواك
انا عاشق وبموت في هواك
انا ناسي في حضنك انا مين
جوايا غرام
ولا يمكن احكيه با كلام
من يقدر يوصف احلام
كان عايش يحلمها سنين
××××××××
ريم تغني لوحدها:؟
بكلمة منك .. تنسينى الى عدى قوام .. تخلينى احس بقيمة الايام .. تطمنى السنين قدام
بكلمة منك .. تورينى الى مش شيفاه .. تريحنى من الهم الى انا شايلاه .. تعيشنى الى مش عايشاه
كان فين هواك من بدرى ياحبيبى .. وكل دا فين .. دا انا من قبلك انا عايشة مع العايشين
بكلم نفسى بالواحدة بقالى سنين .. وانا فى ضيقتى مكنتش عارفة اشكى لمين
ودلوقت وانا بعمل حساب بعدين .. ودلوقت عرفت ابدء حياتى
بكلمة منك .. عرفت انا دنيا معرفهاش .. عشان خاطرك بحب حاجات محبتهاش .. لو تندهلى بستناك
بكلمة منك .. لاقيت كل الى مش لاقياه .. ولو فى حد زعلنى انا مسامحاه .. ولو فى جرح انا هنساه
رجوان:*آحـــــــبــــكـ* ياشاغله باللي
يامالكه روحي
*آحــبــــكـ*
ياطبي ودوا جروحي
انتي هوايا وانفاسي
تغنيني عن كل اهلي وناسي
ريم تبتسم:حسيت معاك بالي عمري ماحسيت فيه
حسيت بالشي الي اتمنيت احسه فيه سنين
حسيت معاك..........
ريم بعد صمت: بالأمان
رجوان يبتسم ويلعب في شعر ريم وهيا منسدحه على فخذه
ريم:حسستني بكل احساس اتمنيت احس فيه
غيرت لون الحياة فيني
خليت عيني ماتشوف غيرك
وقلبي مايهوا غيرك
ولساني ماينطق غير اسمك
ولاجيت اقول احبك اقول اسمك
اشوف نفسي في المرايا اشوفك
اشوفك جمبي
اشوفك معايا
رجوان:حبك ليا يحييّ فيني الروح
احس روحي وانا معاكي بيتجدد بكل كلمه تطلع من شفايفك
اسمعي قلبي
رجوان يأشر على قلبه
رجوان: اسمعي اسمك مع كل نبضه
شوفي عروقي..روحك تجري فيها
وشوفي عيوني لو فيها غيرك
ريم تبتسم وتلعب بأصابعها
****
معك ..
لآخر نبضه بقلبي
لآخر خطوة بدربي
لآخر حرف ...لأصعب ظرف
لآخر صوت ...لحد الموت
مقصر لو جمعت من عظام
جسمي لبردك حطب
مقصر لو فديتك بقلبي
و روحي و الجسد..
إلا انت
إلا انت من بد الملا
ما أقدر أنساك ..
أبقى بليا ذاكرة لو نسيتك ..
*****
يرن جوال ريم وكان في جيب البنطلون من ورى
وهيا كانت منسدحه
رفعت نفسها شويه وطلعت الجوال
رجوان يطالع فيها ويبتسم
وريم حست بإحراج
ريم تشوف المتصل سعود
ريم اتغيرت ملامح الحب والفرح لملامح حزن
رجوان:مين؟
ريم:سعود
رجوان:ردي ياريم ترا خايفين عليكي
ريم تفتح الخط:همممممم
ام سعود:ريم حبيبتي
ريم:ماما
ام سعود: حبيبتي انتي بخير؟
ريم تبكي:انا بخير ياماما بس ابغى اكون لوحدي شويه برجع لا تخافي عليا
ام سعود: انتي مرتاحه حبيبتي؟
ريم تطالع في رجوان: مرتاحه ماما بس خلوني لوحدي شويه
سعود ياخذ الجوال من امه: ريم
ريم:سعود
سعود: كيفك ؟
ريم: ليا الله
سعود: ريم قوليلي فينك انا خايف عليكي ريم مايصير تجلسي برا البيت
ريم: ياسعودانا بجلس لوحدي شويه لا تتعبني زياده بلييز
رجوان شاف ريم تبكي
اخذ الجوال وسكر الخط وقفل الجوال
رجوان يمسح دموع ريم: خلاص حبيبتي ماصار شي ليش الدموع دحين
ريم وهيا تبكي: جوعانه
ريم تطالع في رجوان ورجوان يطالع في ريم ويضحكو
في بيت ابو سعود:سعود:قفلت الخط
ابو سعود: اتركو البنت
ريم تعبانه لا تزيدو عليها
سعود:ياابويا ريم عند واحد غريب وتبغاني اتركها
ابو سعود: البنت تعبانه
وماراحت لرجوان الا لأنها ارتاحتله وحست انه هوا الي يعالجها من همها حزنها
ماراحت عنده لشي تاني ياسعود وانت تعرف انا ايش اقصد؟؟
سعود: بس ياابويا
ابو سعود يقاطعه:لا بس ولا شي
رجوان انا عرفته ومو ممكن يسوي فيها شي صدقني
ولا اختك ممكن تسوي شي غلط انا مربيها
ومادام لقيت الراحه مع احد انا ماراح امنعها
سعود: خلاص ابويا الي تشوفه"قالها والغيره ذابحته"
في غرفة ام سعود
ام سعود تكلم جوال
ام سعود: شفتي يارنا شفتي
رنا:معليش يارانيا انتي بس اهدي بنتك لسه مصدومه
رانيا:آآآآه ياربي ارحمني
رنا: رانيا لاتزعلي نفسك انتبهي على نفسك انتي كمان
رانيا:مادري ايش جالس يصير معايا دا وربي تعبت
رنا:يارانيا اهدي خليها على الله هونيها وتهون
في بيت ابو مازن نوف كانت تسمع كلام امها
ومستغربه
سكرت ام مازن الخط
نوف: خير لقيو ريم
ام مازن: لقيوها بس تدري فين؟
نوف: فين؟
ام مازن: عند ذاك الولد الي كانت عنده اول يوم ماانخطفت
نوف بصدمه: رجوان؟
ام مازن: تعرفيه؟
نوف: لالا بس ..ايش وداها هناك؟
ام مازن:نوف انتي تعرفي شي عن رجوان؟
نوف بإرتباك:لالا ماما لا ايش يعني..بس هيا عنده دحين
ام رجوان: ايوا عنده وتقول تبغى تجلس لوحده شويه ماتبغى احد
رولآ:مجنونه وربي هذي البنت ليش سوت كذا؟
نوف ورولآ يطالعو في بعض
ام مازن: انا حاسه انو عندكم شي
نوف ورولا:لالا مافي شي
مازن:اكيد
نوف: ايش يعني؟
مازن: يعني يمكن يكون بينهم شي
رولا: لامافي شي مازن
مازن:ع العموم الولد هذا ترا مره محترم مااعتقد انو في شي بينهم
قابلته كم مره
ام مازن: انشاء الله بس
نوف تاخذ رولا وتطلع غرفتها
رولآ: بشويش يابنت
نوف ورولا يدخلو الغرفه
نوف: شفتي المجنونه ايش سوت دحين الكل يشك فيها
رولآ: ليش سوت ريم كذا؟
نوف:مادري سعود ايش سوا
رولآ: ريم تعبانه يانوف اكيد لأنها حست بالراحه مع رجوان فراحت له
نوف: مافكرت ايش ممكن يصير؟
رولآ: اكيد لأ لأن كل الي في بالها تنسى ميرا
نوف تفكر: ياعمري عليها
رولا تاخذ الجوال وتدق عليها: مقفله الجوال
نوف:كمان!؟
رولا:انشاء الله بس تكون بخير
نوف: مع رجوان يختي اكيد بتكون بخير
رولا تضحك
نوف: انا ماامزح اكيد مبسوطه وهيا مع حبيب القلب
رولآ:يابختها
نوف: نعم يختي مو انتي متزوجه؟
رولآ: لا اقصد حلو انك تكوني مع واحد مو متزوجته
رولا ونوف يضحكو
نوف: شكلك لما كنتي مخطوبه لمازن سويتي الهوايل
رولا تضحك: مو لازم تعرفي
نوف: باللهي
رولا ونوف يضحكو
في الشاليه
في الصاله قدام التلفزيون ريم كانت لابسه جاكيت رجوان عشان بردانه
وكانت جالسه على الكنبه وضامة رجولها لصدرها وماسك كوب كابيتشينو
يجي رجوان وجلس جمب ريم
يجلس على رجل ورجل يمدها على الأرض ويتلفت على ريم
ريم تلتفت يمينها وتطالع في رجوان وتبتسم
رجوان: بردانه
ريم: لايعني انا اصلا احب االبرد
انت بردان اعطيك الجاكيت
ريم تنزل الجاكيت
رجوان يرجع الجاكيت: لالا انا كمان مو بردان لأني احب البرد زييك
ريم تحط يدها على يدر رجوان: يدك باردا مره
ريم تمسك يدين رجوان الإثنين وتضمها بقوه بيديها: بدفيها لك
ريم تبتسم ورجوان يبستم
رجوان:ياريت ابغى احس بالدفى وانا معاكي
ريم ترفع كفوف رجوان وتنفخ فيها
ريم تبتسم: ها حسيت بالدفى؟
رجوان عجبته الحركه: سويها تاني
ريم تبتسم وتنفخ تاني
ريم: وكذا؟
رجوان يغمز:مره تانيه
ريم تبتسم وتنفخ تاني
ريم:ها؟
رجوانحابس الضحكه: كمان مره
ريم بدلع:رجواااان
رجوان يضحك:ياقلب رجوان انتي
ريم تبتسم
رجوان يضحك
رجوان يمسك يد ريم: يدك حارا
ببردلك هيا
رجوان يرفع يد ريم الإثنين ويبوسها
ريم :برررررد
رجوان وريم يضحكو
رجوان يحط جبهته بجبهة ريم
ريم تبعد عنه
رجوان حست ان ريم انحرجت
رجوان:اقول حياتي
ريم:قول
رجوان :نسيت ..مشكله وربي كل مااتكلم انسى
انسى كل شي وانا معاكي بس تغيبي عني
نفسي اقول لك كلام مايوزنه جبال
بس مدري ايش يصير لما اشوفك
ريم: تفقد الذاكره يعني
رجوان:موبس الذاكره انا بفقد كل شي حتى احساسي
ريم تبتسم
البارت الـ 25
العصر في بيت ابو مازن
في مجلس الحريم
نوف وخوله ورولآ واسرار وراجين وخالدين ولمار
نوف: بنات تفتكرو فين قالت الشاليه الي كانت فيه
لمار: الا انا افتكر قالتـــــ:.....؟
رولا:لا يكونــ؟
نوف: هوا الي بسويه
خوله: نوف من جدك
نوف: من جدي بروح لهناك واشوفها مابخليها تشوفني بس انا اشوفها بتجو ولا لا
خوله:انا معاكي
لمار وخالدين:لا احنا مانقدر
رولا: ليش؟
لمار: احنا اليوم عندنا عزومه عند جيراننا
نوف:يووه ..طيب اسرار وراجين
اسرار وراجين:اوكي
نوف: رولآ انتي خليكي انتي وكرشك هنا
رولا تضرب نوف: اقول اسكتي
البنات يضحكو
نوف اجل انا وخوله وارسراروراجين بس
البنات:ايوا
نوف: يلا جهزو نفسكم بس لا تقولو لأحد انا بقولهم راحين اي كوفي او اي مكان تاني اوكي
البنت:اوكي
عند الشاليهات
نوف: دحين ايش يدرينا اي شاليه؟
راجين: بنات خلينا نمشي ع الشاطئ ونشوف كل الكباين
اسرار: باللهي تبغينا نمشي هذا كلو
نوف: منها نتمشى يلا قومو
خوله: بلا جنان بتدورو عليها في هذا كله
نوف تنزل من السيارا: ايوا والي وماتبغى تجي معايا بكيفها
نوف تنزل وتروح من بين الكباين وتروح للشاطئ وتمشي وتطالع في كل كبينه يمكن تشوف ريم
نزلت اسرار وراجين وخوله ولحقوها
جلسو البنات يدورو على ريم ويلعبو مع بعض بالمويه والتراب
وبعد ساعه
خوله جلست على التراب: خلااص انا تعبت
تجلس جمبها اسرار : من جد
وتجلس معاهم راجين:وانا كمان
ونوف توقف ومعطيتهم ظهرها
تطالع وكأنها مشبهه على ريم
نوف تشوف وحده وتحاول تدقق فيها كانت واقفه على الشاطئ لوحدها وسرحانه والهوا يلعب في شعرها
نوف:ريم
البنات يطالعو فيها
نوف بصوت عالي :ريييم
ريم تلتفت ولاكإنها تشوف نوف
نوف تقرب من ريم
ريم :نوف
ريم ونوف يجرو يحضنو بعض
ريم تبكي ونوف تبكي
يطلع رجوان ويشوف ريم حاضنه نوف
البنات يطالعو فيهم
نوف: وحشتيني ليش رحتي؟
ريم: انا تعبانه يانوف تعبانه
نوف:انتي مافيكي شي حبيبتي احنا خفنا عليكي
ريم:نوف لا تقولي لأحد اني هنا وبليز ماتجي تاني
نوف:لا ياريم انتي بتجي معايا
ريم:نوف اتركيني لوحدي بلييز بلييز
يجي رجوان
رجوان:ريم تعالي
ريم تروح مع رجوان
نوف:ريم ارجعي
ريم دخلت الشاليه
البنات يروحو عند نوف: خلاص نوف المهم انها بخير
خوله:خلاص مو اتطمني عليها وشفتيها ليش البكا
نوف:انا خايفه عليها
راجين:باين انها مرتاحه مره مع رجوان
اسرار:لاتقولي لأهلها حرام هيا مرتاحه هنا
نوف:اكيد مابقول لحد لأني اعرف انها مرتاحه
خوله تبتسم:يلا مشينا ولا عجبتكم اشكالنا واحنا ملطخين بالتراب
البنات يضحكو
اسرار تسوي كوره بالطين وترميها على بطن نوف
نوف:آآآه ياحيوانه
نوف تجري ورا اسرار
نوف تسدح اسرار على التراب وترمي عليها بالطين
يمر واحد من الشباب: حرام عليكي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك