رواية احتاج لك اذا ضيق الوقت صدري -44
البنات يروحو عند نوف: خلاص نوف المهم انها بخير
خوله:خلاص مو اتطمني عليها وشفتيها ليش البكا
نوف:انا خايفه عليها
راجين:باين انها مرتاحه مره مع رجوان
اسرار:لاتقولي لأهلها حرام هيا مرتاحه هنا
نوف:اكيد مابقول لحد لأني اعرف انها مرتاحه
خوله تبتسم:يلا مشينا ولا عجبتكم اشكالنا واحنا ملطخين بالتراب
البنات يضحكو
اسرار تسوي كوره بالطين وترميها على بطن نوف
نوف:آآآه ياحيوانه
نوف تجري ورا اسرار
نوف تسدح اسرار على التراب وترمي عليها بالطين
يمر واحد من الشباب: حرام عليكي
يجتمعو البنات جمب بعض: نعم ياخويا
الشاب:حرام وحده احلى من القمر تتوسخ بالطين
البنات يسو كوره بالطين ويرموها عليه ويضحكو
راجين تقلد صوته:حرام عليكم
خوله كمان تقلد صوته:حرام واحد زي الزباله يكون نظيف
البنات يضحكو
في الشاليه
رجوان:ريم وبعدين يعني ماراح نخلص ياحياتي
ريم تمسح دموعها:خلاص رجوان خلاص
رجوان:تصدقي جوعان
ريم:ايش حكاية الجوع معانا؟
رجوان وريم يضحكو
رجوان:مدري بس يمكن من الإحساس الي بنحسه واحنا مع بعض بيهضم الأكل بسرعه
ريم تضحك
رجوان يبتسم:الله لا يحرمني صوت ضحكتك
اذا سمعتها يحي فيني شعور غريب
ريم تبتسم
رجوان:لالا دخيلك لا تبتسمي
ريم انفجعت:ليش؟
رجوان:يكفي خلاص احس روحي بتطلع" رجوان يضحك"
ريم :واللهي
رجوان وريم كانو واقفين جمب المسبح
ريم دفت رجوان ع المسبح وجلست تضحك
رجوان: ماشي يابنت والله لا اوريكي
رجوان يسوي نفسه انه غرق ومايعرف يسبح وغاص لتحت
ريم نقزت في المسبح وهيا اصلا ماتعرف تسبح بس عشان خافت على رجوان
رجوان يرفع ريم ويطلعو لسطح المويه
رجوان يضحك
ريم تضرب رجوان على صدره:يابايخ يابايخ
رجوان يصقع جبهته بجبهة ريم:خفتي عليا
ريم:وإذا ماخفت عليك اخاف على مين؟
رجوان:خافي على نفسك لأني انا احتاجها
ريم: طيب مو انت انا
رجوان وريم يبتسمو
ريم تطلع وتجلس على الأرض وتمد رجولها في المسبح
ريم: لسه جوعان
رجوان: يكفي شبعت من المويه الي شربتها
ريم تضحك
رجوان: تضحكي
رجوان يرش على ريم مويه
ريم تصرخ :كفايه خلااص جووني
جووني بليييز
رجوان:ياعيون جوني انتي
رجوان يشوف ريم ترتعش
رجوان يطلع من المسبح
رجوان:ادخلي جوا برد
رجوان وريم يدخلو
رجوان:ملابسك الي اشتريتيها اول لسه موجوده
ريم بتعجب: نعم!انا مااخذتها اول
رجوان:لأ
ريم: بالله من جد!يالله على بالي اخذتها
رجوان: طيب يلا اطلعي غيري ملابسك لا تبردي
رجوان يقرب من ريم ويحط يده على جبهتها: اشوه الحمد لله خفت الحراره
رجوان يجيب منشفه ويحطها على كتف ريم: يابنت اتحركي لا تبردي
ريم تشيل المنشفه: انت كمان لا تبرد
ريم تطلع تغير ملابسها
ورجوان يروح يغير ملابسه
ريم لبست بنطلون جينز برمودا
وبلوزه حمرا ومرسوم فيها بنت بالإكليل الأسود
تنزل على الصاله وتلقى رجوان منسدح على الكنبة قدام التلفزيون ونايم
وكان لابس بنطلون ومو لابس بلوزه
ريم قربت من رجوان وجلست على ركبها وحطت يدها على يده ومسكت ريشه وجلست تلعب فيها على وجه رجوان
رجوان يقوم ويطالع في ريم
ريم تبتسم: صباح الخير ياكبتن
رجوان يبتسم:مسا الخير
ريم:ايش النوم دا لسه بدري
ريم تشوف ساعتها:الساعه 9
رجوان يبتسم:والله اخذت لي شور بارد وجبلي النوم
ريم:اهااا
ريم بعد صمت وهيا تلعب بأصابع رجوان:طيب تعال نروح ع السقاله نشرب كوفي انا مره طفشانه
رجوان:من عيوني يااغلى من عيوني
ريم تبتسم: يعني يلا
رجوان:يلا بس اروح البس بلوزتي ولا تبغيني اطلع كذا
ريم تبتسم وتنزل راسها
ريم تروح وتلبس عبايتها وتلف الطرحه: ها رجوان يلا
رجوان يطالع في ريم
ريم: شو؟ مو عاجبتك العباية؟
رجوان: لا براحتك يلا يلا
ريم ورجوان يطلعو برا
رجوان يمسك يد ريم
ريم تبتسم
رجوان:بنروح مشي نتمشى شويه
ريم:اوكي ماشي ماعندي مانع
في بيت لمار بعد مارجعو من العزيمة
لمار: يعني شفتوها طيب حلو
راجين:ايوة بس فااتك منظر ريم ونوف لما حضنو بعض وربي يحزنو
لمار:ياعمري
راجين:ولافاتك ايش سوت نوف في اسرار
لمار:ايش؟
راجين:نوف طرحت اسرار على الأرض وقامت ترمي عليها الطين
لمار تضحك:اموت واشوف شكلها
راجين:بتفطسي ضحك
لمار:مسكينه هذي البنت دايما يصير فيها كذا
راجين:خليها احسن هيا الي بدأت
لمار تضحك
تدخل تالا
تالا: لمار
لمار: لحظة تالا
تالا:يووه انتي على طول ماسكة الجوال وتتكلمي
لمار:تالااسكتي
راجين تضحك:اقول لمار اخاف يجيني من اختك كف من الجوال
لمار تضحك
راجين: خليني اهرب احسن لي يلا اتصل بعد ماتروح السحليه
لمار تضحك: حلوا سحليه..يلا باي
لمار تضحك:تالا راجين تقول عليكي سحليه
تالا:انا سحليه ياضب انتي وهيا
لمار تضحك:حلوا ضب
تالا:انتي مو فالحه غير في الشماته
لمار:ها ايش تبغي؟
تالا:لا بس كنت طفشانا وبجلس معاكي
تدخل خالدين: وانا كمان وانا وانا وانا
تالا ولمار :وانتي ايش؟
خالدين: مدري شفتكم تتكلمو قلت انا
تالا ولمار:واللهي
كلهم الثلاثه كانو جالسين فوق السرير
تالا ولمار يسدحو خالدين ويقرصوها في بطنها
خالدين تصرخ
يدخل قتيبه: ليش الصراخ؟؟
كلهم خافو وسكتو ويطالعو في قتيبه
خالدين:يقرصوني
تالا ولمار يشهقو:احنا؟! لالا انتي اختنا مافي احد يسوي في اختو كذا بلا بكش
خالدين: قتيبه والله
قتيبه يأشر على خالدين: انتي دايما تتضاربي مع الي في البيت كلهم
تالا ولمار يضحكو
قتيبه: تدرو كيف انا بريحكم منها
تالا ولمار:ياريت
خالدين:يامجنون ايش بتسوي
قتيبه يقرب من خالدين ويشيلها ويخلي راسها تحت ورجولها فق وماسكها من بطنها
ويطلع برا الغرفه ويوديها غرفتها
لمار وتالا يضحكو
خالدين:مااامااااا شوفي عيالك
ع السقاله في الكوفي
ريم ورجوان كانو جالسين على الطاوله
رجوان:حياتي
ريم:همممم
رجوان:ايش رايك بمنظر البحر من هنا؟
ريم:مره حلو
ريم تطالع في القمر
رجوان يطالع في القمر
ريم تأشر على القمر:حتى القمر يجنن
رجوان:الليله ليلة 15
ريم:اها عشان كذا القمر يجنن
رجوان يفكر
ريم:في ايش تفكر؟
رجوان يقوم ويمسك يد ريم: يلا تعالي
ريم:على فين؟
رجوان:انتي تعالي
رجوان يروح للنش تبعو
رجوان يطلع اللنش:يلا تعالي ليش خايفه؟
ريم: خايفه اطيح في البحر
رجوان يمسك ريم من خصرها ويشيلها ويركبها اللنش
رجوان يحرك اللنش
ريم تقرب من رجوان:رجوان انا خايفه شوف كيف ظلام احنا بنبعد مره
رجوان:ماتخافي وانا معاكي
يوقف رجوان اللنش في وسط البحر وكان ظلام مافي الا نورالقمر ومافي حولهم احد
رجوان ياخذ ريم ويروحو اول اللنش في المقدمه ويجلسو
ريم تبتسم:انت ايش تبغى بالضبط؟؟
رجوان يلعب بشعر ريم الي نازل على وجهها:ابغى ليله حلوا تسوى كل اليالي الي راحت بدونك
ريم تبتسم
رجوان كان جالس وممد رجوله
ريم تنسدح على فخذه
ريم: ويعني؟!؟
رجوان: ابغاكي تقولي كل الي في خاطرك
ريم تلعب بأصابعها
رجوان يطالع في ريم ويبوس جبهتها
ريم تطالع في رجوان:ماني عارفه ايش اقول
بس؟!؟
بس كل الحكايه إني...إني...إني احبك
رجوان يبتسم
ريم:حبيتك ..وعشقتك ..وماشفت زيك انسان
من يصدق اني اشوف فارس احلامي بحلمي وبعدين القاه حقيقه
انا نفسي مو مصدقه ان انت دحين قدامي وعيوني بعيونك ويدي تلمس يدك
لوكان للحب روح فإنت روحها
وان كان لها انفاس انا انفاسها
وان كال لها قلب انت قلبها
وان كان لها نبض انا نبضها
رجوان:احلى كلام سمعه في حياتي
اتمنيت في حياتي تكون حبيبتي رومانسيه
وانتي طلعتي رومانسيه فوق الفظيع
اكثر مما اتمنيت
احس وانتي تتكلمي تطلع من بين شفايفك كلمة احبك
واحس عيونك تناديني وتقول ضمني بعيونك
واحس خدودك لما تورد تقول ارحمني
ويدك لما المسها تصرخ تقول لا تتركني
ولما احضنك احس روحي تقول لا تبعد ولاأطلع
ريم تبتسم: سلامه روحك
رجوان يبتسم:انتي روحي
ريم تطالع فوق في السما وتشوف القمر: اتمنيت اعيش ليله تحت القمر مع فارس احلامي
احس امنياتي بتحقق وانا معاك
انت بتحقق كل احلامي في ايام الي عشت سنين احلم فيها
من يوم ماحبيتك ماعاد لأحزاني مكان في حياتي
بنسى كل شي وانا معاك
نسيت حزني الي لولا الله وبعدين وجودك في حياتي كان انا منتحرة وميته
رجوان يبوس يد ريم: حياتي لاتقولي كذا بسم الله عليكي من الموت
ريم تبتسم
رجوان:انتي البنت الوحيده الي اتمنيتها تشاركني حياتي
وتعوضني عن ايامي الي عشتها بدونها
انتي البنت الوحيده الي سلمت لها قلبي وعقلي وكياني
وروحي وكل شي فيني لين صرت ملك لها
ملكـتيني وصرت لكي
انا مملكتك وعرشك
احكميني انا بين يدك
تطيح عيون ريم على جيتار ريم تقوم وتروح تجيبه وتحطه عند رجوان
ريم:علمني
رجوان ياخذ الجيتا ويبدا يعزف
رجوان:طيب اول شي بعزف لك لحن انا الفته لك ومره احبه
ريم تبتسم:اوكي
رجوان يعزف عزف رومنسي ورايق
ريم تبتسم ومره عجبها
رجوان انتهى من العزف
رجوان:ها ايش رايك؟؟
ريم: وي بسم الله عليك مااقدر اوصفك بكلام
رجوان يبتسم
ريم:يلا علمني
رجوان:عارفه حبيبتي انا اتعلمته بنفسي
يعني اغني وعلى لحن الأغنيه ابدا اعزف
ريم:كيف يعني؟
رجوان:بوريكي
رجوان بدا يغني اغنيه:حد بيحب
دا كان لى فين ومين كان يقول انا اعيش
لحد طول حياته ماقبلنيش ولسه عارفه من مفيش
قوام قوام لقيت نفسى يومها جريت عليه
وليه يوميها روحت حكيت كلام كبير ميتحكيش
انا اللى ياما قلت انا وانا وانا
نسيت فى يوم اللى قولته كام سنه
وانا اللى يعرفنى من بعيد شافنى يومها ماعرفنيش
فى حد بيحب حد قوى كده .. فين انا كان لى بس كل ده
ماكنت انا بعقلى واللى انا حصلى قبلة ماحصليش
ايه اللى فى ايديا هقدر اعمله غير انى اسيب نفسى لما ابصله
ده لما كلمنى قلبى راح منى ليه ومرجعليش
\\
ريم تبتسم
رجوان يطالع في ريم ويبتسم
رجوان يعطي ريم الجيتار :غني وجربي تعزفي مع لحن الأغنيه
ريم:لا مااعرف
رجوان:لا تعرفي صدقيني بتعرفي
ريم تاخذ الجيتار
ريم:طيب صوتي مو حلو
رجوان:لو كان صوتك مو حلو ماكان سحرتيني بيه
يوم ماغنيتي اغنيه بكلمة منك
كنت حاس بشعور مو قادر اوصفه
ريم تبتسم:تصدق ماادري كيف غنيت خطرت على بالي وغنيتها
رجوان:طيب اشوه انك غنيتيلي وسمعت صوتك الي فيه سحر لو تغني لأطرش كان سمع
ريم تضحك
رجوان:يلا حبيبتي يلا حياتي
ريم تمسك الجيتار
رجوان:لا موكذا تمسكيها كذا وخليه يدك هذي كيذا..يلا
ريم تغني اغنيه اجمل قصة حب /حسام حبيب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وبدأت تعزف شويه
ريم انتهت وتطالع في رجوان وتبتسم
رجوان يحط يده على خد ريم:الله لا يحرمني منك ولا من صوتك
الصباح الساعه 10:00
تقوم ريم وتلقى نفسها نايمة على فخذ رجوان ورجوان منسدح ونايم
وكانو نايمين في اللنش
ريم:يووه احنا نمنا هنا
ريم وقفت وتشوف البحر
ريم نزلت يدها في البحر وملت يدها بالمويه وغسلت وجهها
ريم:يعع مويه مالحه
ريم راحت تقوم رجوان
ريم:جووني..جووني
رجوان:هممممممممم
ريم:جووني قوم خلينا نرجع
رجوان يقوم ويستوعب:احنا نمنا هنا
ريم :تخيل
رجوان:الساعه كم؟
ريم تشوف ساعتها:الساعه 10
رجوان:يالله !!
ريم:شفت كيف
ريم تقوم رجوان:يلا يلا قوم رجعني
رجوان:طيب بشويش خلاص بنرجع لا تخافي
ريم:اخاف نتوه
رجوان:اتوه انا في بحر عيونك
ريم تبتسم:غزل من الصبح
رجوان:الي زيك بتغزل فيه بكل وقت
ريم :طيب يالله يالمغزلجي قوم مشينا من هنا
رجوان:من عيوني
ريم:تسلملي عيونك
العصر
موعد تسليم البضاعه
كان المكان صحرى وخالي ومافيه احد
المشتري:البضاعه جاهزة؟
نواف:انت الي جاهز؟
المشتري يرفع الشنطة الي فيها الفلوس:جاهز
نواف يطالع في راكان:اعطوه البضاعه
نواف يمد يده
والمشتري يعطيه الفلوس
نواف يخدع المشتري ومايعطيه البضاعه ويشرد
وتجي الشرطه وتحاصرهم
نواف مصدوم مو عارف ايش يسوي
راكان كان راكب السيارة يمر من عند نواف: نواف اطلع
نواف وفي يده الشنطة يطلع السيارة ويحركو
والشرطه تلحقهم
وتنقلب السياره فيهم
والشرطه يطلبو الإسعاف
على مايجي الإسعاف راكان فقد انفاسه
ونواف كان في غيبوبه
في الشاليه
ماجد وهو ماسك الجوال ويصرخ:لاااااااا
راكان
لااا مستحيييل
ماجد يجلس بالأرض ويبكي
تركي ورائد:ايش فيه راكان؟
ماجد وهو يبكي: راكان مات مات
تركي ورايد بصدمه:ايش؟
رائد يطلع وهوا مصدوم ودموعه على خده وياخذ السياره ويحرك
تركي جلس على الكنبه منهار ودموعه على خده
تجي صبا وديمه ويلقو باب الشاليه مفتوح
تدخل ديمه وتدخل صبا ويلقو تركي وماجد يبكو ومنهارين
ديمه: ايش صار؟؟
صبا:اتكلمو ايش فيه؟
ماجد يرفع راسه ويطالع في ديمه ويبكي
ديمه:فين راكان؟
ماجد وتركي يطالعو فيها
ديمه:اتكلمو صار شي
تركي:راكان مات
ديمه تصرخ:لاااااااااا راكان لااااااااا
ديمه تجلس على الأرض :لااا يارب لاااااااا
صبا ودموعها على خدها:ونواف؟
تركي:بغيبوبه
صبا تحضن ديمه
ديمه:لا حبيبي لا تروح انا احبك لا تخليني
صبا تتركهم وتطلع وهيا منهارا
في المستشفى بعد ماجمانا سقطت الجنين
جمانا توقف وكانت ماسكة الجوال: ايش؟؟؟
جمانا دموعها نزلت
جمانا تترك الجوال ويطيح بالأرض
سميه: جمانا ايش فيكي؟
جمانا: راكان مات ونواف بغيبوبه
سميه تشهق
جمانا:كانت تلحقهم الشرطه وانقلبت فيهم السيارا
انا الي ذبحتهم انا
سميه: انا لله وانا اليه راجعون
جمانا لا تقولي كذا هذا قضاء ربك
جمانا تبكي:بس لو مافكرت في الإنتقام ماكان راكان مات
سميه:استغفري ربك هوا الي كاتب له عمره خلص
جمانا تاخذ الجوال وتدق على سعود
سعود من غير نفس :الو
جمانا وهيا تبكي
سعود بفجعه: ايش فيكي؟
جمانا:راكان مات ونواف بغيبوبه
سعود:نعم؟؟!!؟
جمانا:انقلبت فيهم السيارا والشرطه كانت تلحقهم
سعود:انا لله وانا اليه راجعون
ام سعود سمعت سعود فتحت عليه باب غرفته : مين مات؟
سعود يكلم جمانا: والله مو عارف ايش اقول الي سويناه صح ولا غلط
جمانا:انا حاسه اني انا الي ذبحتهم
سعود يكلم جمانا بصيغه ولد عشان امه: لا تقول كذا هذا الي الله كاتبه وهذا عمره
جمانا موقادرا تتكلم
سميه:ايوا سعود خلاص نكلمك بعدين جمانا تعبانه
سعود يسكر الخط ويحط يده على وجهها:آآه
ام سعود تقرب من سعود وتنزل يده عن وجهه:مين؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك