رواية احتاج لك اذا ضيق الوقت صدري -45
سعود بفجعه: ايش فيكي؟
جمانا:راكان مات ونواف بغيبوبه
سعود:نعم؟؟!!؟
جمانا:انقلبت فيهم السيارا والشرطه كانت تلحقهم
سعود:انا لله وانا اليه راجعون
ام سعود سمعت سعود فتحت عليه باب غرفته : مين مات؟
سعود يكلم جمانا: والله مو عارف ايش اقول الي سويناه صح ولا غلط
جمانا:انا حاسه اني انا الي ذبحتهم
سعود يكلم جمانا بصيغه ولد عشان امه: لا تقول كذا هذا الي الله كاتبه وهذا عمره
جمانا موقادرا تتكلم
سميه:ايوا سعود خلاص نكلمك بعدين جمانا تعبانه
سعود يسكر الخط ويحط يده على وجهها:آآه
ام سعود تقرب من سعود وتنزل يده عن وجهه:مين؟
سعود: واحد من اصحاب اصاحبي
ام سعود:في حادث؟
سعود:ايوا
ام سعود:انا لله وانا اليه راجعون
سعود:ادعيله ترا محتاج دعواتك
ام سعود:كيف مات؟
سعود:كان بيسلم بضاعه ولحقته الشرطه وانقلبت فيه السياره
ام سعود:اللهم اني اسألك حسن الخاتمه
سعود: ادعيله امي ادعيله
في بيت سميه
يرن الجرس وتدخل صبا
صبا تحضن جمانا ويبكو الإثنين
صبا:شفتي ايش صار؟
جمانا:كيف ديمه؟
صبا:ديمه تعبانه مره تعبانه
سميه:فينها؟
صبا:تركتها في الشاليه ماقدرت اشوف حالهم تركي يبكي وماجد يبكي خلاص ماقدرت استحمل
جمانا تطالع في صبا وصبا تطالع في جمانا ويحضنو بعض بلهفه
سميه تطالع فيهم وتبتسم والدموع على خدها
في الشاليه
ديمه طلعت وهيا منهارا
ماجد وتركي طلعو وراحو للمستشفى يشوفو راكان في الثلاجه
كان الشاليه كله كاسات خمور وكله اشرطه اغاني وفيديو
وكله صور بنات وشباب
ولأول مره الشاليه يفضى ومايبقى فيه احد
ديمه تروح لبيتها بيت عمها
وتدق الجرس
بالصدفه كان عمها طالع بسيارته من الكراش
ويشوفها منهارا وجالسه بالأرض
العم:ديمه ايش فيكي؟
ديمه وتبكي بألم:حبيبي مات
العم:نعم؟!؟
ديمه:راكان راكان ياعمي مات
العم: ايش؟؟؟؟راكان لا لا مومعقول ولدي لا ولدي مايموت
ديمه:لو ربيته ماكان الي صار صار ياعمي
العم مصدوم
ديمه:انت هدمت ولدك وبابا هدمني
ليش؟
ليش هدمتونا ودمرتونا ليش؟؟
ليش ماعلمتونا الصح من الغلط؟؟؟
انتو بس اتفضيتو لأشغالكم وفلوسكم
هيا الفلوس الي خلتكم تنسونا وتنسو مين يكونو عيالكم
العم يحضن ديمه:تحبيه؟
ديمه:اعشق ولدك ياعمي اعشقه
في المستشفى
رائد وماجد وتركي يبكو بعد ماشافو راكان وهو متفحم في الثلاجه
رائد:يالطيف الطف علينا
يأذن المغرب
تركي يروح للمسجد ووراه ماجد ووراه رائد
يتوضوى ماجد وتركي
رايد:علموني الوضو
تركي وماجد يطالعو فيه وتزيد دموعهم
في المسجد
يكبر تركي ويصلي تحيه المسجد
رايد:ايش تقولو وايش تسوو علموني
تركي وهوا يصلي وتزيد دموعه
تقوم صلاة المغرب
ويقرا الإمام آية:؟
وإذا التفت الساق بالساق الا ربك يومئذ المساق
زادت دموع تركي ورايد وماجد وعليت اصواتهم لدرجه ان كل الموجودين في المسجد سمعو بكاهم
انتهت الصلاة والتفت الإمام عليهم وراح لهم وسألهم
الإمام:ليش تبكو؟
تركي:صاحبنا مات
الإمام:انا لله وانا اليه راجعون بس هذا امر ربكم مايصير تبكو وتسوو زي الحريم وهذا حراااام حراام
ماجد:المشكله مو بس في انه مات
الإمام:اجل
رايد:المشكله في انه عمره ماركع ركعه وحده
الإمام:اعوذ بالله
تركي:وكان يلعب على البنات وسكرجي
الإمام:لا حول ولا قوة الا بالله
ماجد:ولما شفناه ياشيخ في الثلاجه
ماكان هوا راكان الي نعرفه
مفحم ياشخ مفحم ومتغيره ملامح وجهه
الإمام:اعوذ بالله نسألك يالله حسن الخاتمة
ادعوله يمكن الله يغفرله ذنوبه
البركه فيكم
وانشاء الله يكونو عرفتو ربكم وخشيتوه
رايد:هذي اول صلاة اصليها ياشيخ
اليوم عرفت كيف اتوضأ وكيف اصلي
وانا ساجد حسيت بالراحه الي ماحسيتها طول حياتي
الإمام يبتسم ويحط يده على كتف رائد: الحمد لله
شفت كيف ربك ورحمته
ماجد:علمنا ياشيخ علمنا
في بيت سميه
سميه كانت تصلي فيهم المغرب
صبا تبكي وهيا تصلي تبكي بصوت عالي لين خلصو صلاة وهيا تبكي
سميه:صبا خلاص يكفي
صبا:ابكي من فرحتي
جمانا وسميه مستغربين
صبا:اتمنيت احس بالسعاده ولأول مره احس فيها يوم ماسجدت
جمانا وسميه يبتسمو
صبا:اول مره احس براحة في قلبي
فيني عن الصلاه من زمان
سجده وحده تغنيني عن الف ليله من الي عشتها من هذولا
جمانا تحضن صبا:اعرفي ربك ياصبا ترا ربك رحمن رحيم
سميه تبتسم
يرن الجرس
وتدخل ديمه
البنات يوقفو ويشوفو ديمه وهيا منهارا
جمانا تجري تحضنها وتبكي وجمانا كانت لابسه شرشف صلاه
ديمه:شفتو ايش صار لحبيبي؟
صبا تروح عند ديمه:خلاص حبيبتي هذا عمره
ديمه تطالع فيهم:انتو ليش لابسين هذا محسسيني كإني مت وانتو ملايكه
سميه:كنا نصلي
ديمه:ايش ؟تصلو؟
سميه:ماتعرفي تصلي؟
ديمه زادت من دموعها:لأ
صبا:صلي ياديمه وصدقيني برتاحي
سميه تاخذ ديمه على الحمام وتوضيها وتعطيها شرشف وتعلمها الصلاة
وتبدآ ديمه الصلاة
اول ماكبرت صار تبكي بقوه
كبرت وركعت وزاد بكاها رفعت من الركوع وهيا مبتسمة وتبكي
البنات مستغربين منها
سجدت وماعاد رفعت من السجدو
سميه:اشبها طولت؟
صبا:مدري
جمانا:ديمه ديمه
سميه:والله طولت لايكون صار فيها شي
صبا تحركها
الا ديمه تنسدح على الأرض وهيا مبتسمة ومازالت دموعها على خدها وكان وجهها منور
البنات:يصرخو لا ديمه
وصار يبكو
سميه:بنات لا تبكو ديمه ماتت ساجده ا تبكو عليها افرحولها
جمانا تبكي:لااا
صبا:ليش الي بيصر دا ليش؟
سميه:بنات حرام الي بتسووه ديمه ماتت ساجده كلنا نتمنى نموت زيها
صبا:بنات شوفو شكلها اتغير شوفو كيف صايرا بيضا اول مره اعرف ان ديمه حلوا
سميه تبتسم وتغمض عيون ديمه:انا لله وانا اليه راجعون
ديمه ميته لاكن مازالت دموع فراق حبيبها على خدها
حبيبها مات وهوا يسلم بضاعه وهيا ماتت وهيا ساجده
والإثنين بيوم واحد
البارت الـ 26
في الشاليه
ريم تمسك جوالها وتفتحه وتدق على سعود
سعود بلهفه:ريم
ريم:سعود كيفكم؟
سعود:احنا بخير انتي كيفك؟
ريم:الحمد لله
سعود:ريم ارجعي ياريم انا ماراح اسمح لرجوان ياخذك
وليا حساب معاه لما اشوفه وانتي كمان
ريم:سعود رجوان ماله دخل
انا الي كنت تعبانه ومالقيت نفسي غير عنده
سعود:طيب ارجعي
ريم:سعود انا هنا بنسى كل همومي بلييز ماتخليني افتكر شي
سعود:وانا مين ينسيني..انا خايف عليكي
ريم:ماتخاف وماتخاف من رجوان عليا
سعود:ريم الي بتسويه اكبر غلط
لو اخ غيري كان مسح بيكي الأرض
بس لأني انا اخ متفاهم بشوف نهاية الي سويتيه
ادري انك لما تشوفينا وترجعي البيت بتفتكري همك وتفتكري ميرا
بس الي سويتيه غلط
ريم تسكر الخط وتقفل الجوال
سعود يعصب ويرمي الجوال على السرير
ريم تحضن الجوال:آسفه ياسعود
رجوان يدق عليها الباب
ريم:ايوا
رجوان يدخل: ها حبيبتي يلا العشا جاهز
ريم:اوكي يلا
ريم تزل تطلع على الشاطئ وتلقى رجوان مسويلها جو
على التراب كان حاطط شموع على شكل قلب ووسط القلب كان العشى على الأرض
ريم تطالع فيه وتبتسم
رجوان:يلا
ريم تجلس ورجوان يجلس
ريم تحط يدها على يد رجوان على الطاوله: جوني
رجوان:يادلوعته
ريم:اتصلت في سعود وخاصمني
رجوان:ليش؟
ريم:لأني تركت البيت وجيتك.فعلا الي سويته غلط بس مو ذنبي لو إني لقيت راحتي معاك
رجوان:ماعليكي حبيبتي ارمي كل شي وراكي خلينا نتعشى الله يخليكي
بتعشى من قلبي عشان مااجوع بعد شويه
ريم ورجوان:هههههههههه
ريم:فعلا بيصير شي غريب وانا معاك
بس اجوع حتى وانا اكل جوعانه
رجوان:وانا نفس الشي
ماقلت لك انو الإحساس الي بنحسه واحنا مع بعض بيهضم بسرعه
ريم تضحك
رجوان:فديتك ياعمري لما تضحكي وتطلع نغزاتك
اقصد نغزتك وحده بس
ريم تأشر على خدها اليمين: بس وحده نغزة شفت كيف
التانيه خفيفه مو مره واضحه
رجوان:وانتي بوحده اوبنص اوبعشرة اومن غيرها تجنني في كل الحالات
فديتك وفديت نغزتك
ريم تبتسم
رجوان:حياتي عاجبك الجو هنا ولا تحبي نروح مكان تاني
ريم:لالا حلو وبعدين فين حنروح؟
رجوان:اي مكان لو تبغي نروح القمر اوديكي
ريم تبتسم:لا ياشيخ
رجوان:مايحتاج نطلع على القمر دام القمر قدامي
ريم تبتسم
ريم تقطع الإستيك من صحنها وتعطي لرجوان بالشوكه
رجوان يمسك يد ريم وهيا ماسكه الشوكه وياكل الإستيك
رجوان:الله الأكل من يدك له طعم تاني
ريم:جوني وبعدين خلاص بطل غزل
رجوان:ياحبيبتي والله ماأقدر تلقائي يطلع الكلام مني
الي يشوفك كلامه كله يكون غزل
ريم تبتسم:طيب يلا كل اكلك
رجوان: يدي تعورني ممكن تأكليني
ريم:واللهي !طيب سلامة يدك
رجوان يضحك
الفجر
صلو صلاة الفجر على راكان وديمه مع بعض
في بيت عم ديمه
ابو ديمه:آآه يابنتي كان نفسي اشوفها قبل ماتروح
من زمان ماشفتها ولا اتكمت معاها ولا سمعت صوتها
ابو راكان:بنتك راحت مع ولدي..بنتك كانت تحب راكان
ابو ديمه مستغرب
ابو راكان:اول مامات ولدي جاتني بنتك وكانت تعبانه وقالت على كل شي
ماقدرت تستحمل فراقه فراحت له
ابو ديمه يحاول يستوعب
ابو راكان:الفرق الي بين ولدي وبين بنتك
ان ولدي مات والشرطه تطارده لأنه كان تاجر وكان بيسلم البضاعه
وبنتك ماتت وهيا ساجده
ابو ديمه بتعجي ودهشة وصدمه:ديمه تصلي؟؟؟؟؟
ابو راكان:كانت اول سجده تسجدها على حسب ماقولولي صاحباتها
احنا ربيناهم على الغلط
بنتك صاحباتها الي علموها الصلاه
موعيب
المفروض احنا نعلمهم
ابو ديمه زادت دموعه
ابو راكان:عمري ماراح اسامح نفسي على الي سويته في ولدي
ابو ديمه:انا الغلطان
مين يترك بنته بالشهور مايدري عنها لمجرد انها هيا جالسه عند عمها في جده
واهلها في الشرقيه
ليش مامنعهتا انها تجلس عندك الصيفيه لما طلبت مني هذا الشي ليش؟
ابو راكان:ماعاد ينفع الندم والسؤال دحين خلاص
الإثنين راحو وتركونا بحسرتنا نتألم عليهم
في بيت سميه
سميه وصبا وجمانا في الصاله لابسين اسود وكل وحده جالسه تدمع
سمية:الله يرحمهم
جمانا:ويسكنهم جناته يارب
صبا:ويغفر لهم ويسامحهم يارب
سميه:يارب تنور قبورهم وتوسعها لهم
جمانا:يارب تشفي نواف
سميه:ماتدرو كيفه دحين؟
صبا:لسه بغيبوبه
سميه:الله يقومه بالسلامة
بنات ارتاحو تعالو نامو في غرفتي
جمانا:لا مايحتاج انا ماما لسه مكلمتني تقولي تعالي
صبا:وانا كمان شويه بروح البيت بس موقادرا ابعد عنكم
جمانا:ولا انا
جمانا وصبا يطالعو في سميه:الله لايحرمنا منك
صبا:دحين عرفت قيمتك من جد سامحيني على الي كنت اسويه فيكي انتي شي عظيم ياسميه
سميه تروح تجلس بينهم:بنات لا تقولو كذا انتو صاحباتي
سمية تحضن جمانا من يمينها وصبا من شمالها
في الشاليه
ريم كانت نايمة على السرير
ورجوان كان نايم في غرفته على السرير
يرن جوالها
ريم:اووف
ريم تشوف المتصله جمانا
ريم:وجع ايش تبغى بهذا الوقت
ريم تحط الجوال ع الصامت
ولأنها فضوليه لدرجه جدا كبيرا
الإتصال الثاني فتحت الخط
ريم :نعم
جمانا:السلام عليكم
ريم:وعليكم السلام
جمانا:اسفه لأني بتصل بهذا الوقت بس ماقدرت اصبر
ريم خافت:جمانا ايش فيكي؟
جمانا:ديمه ماتت ياريم
ريم بصدمه:ايش لأ تمزحي
جمانا:صلو اليوم عليها صلاة الفجر
اتصلت اقولك سامحيها البنت خلاص عند ربها
ريم:لااا لااا حرام الي بصير فيني ليش؟
ريم ترمي الجوال بالأرض وتبكي
ريم:رجواااان
ريم تجري تروح عند رجوان وهيا تبكي وتفتح الباب:رجوان
رجوان يقوم من الفجعه
وتروح له على السرير وتحضنه
رجوان مفجوع:ريم حبيبتي ايش فيكي؟
ريم:ديمه ماتت يارجوان
شوف يارجوان كيف الأيام مستقصدتني ماتخليني افرح
ترمي عليا المصايب ورا بعض انا مليييت خلاص
رجوان يحضن ريم:انا لله وانا اليه راجعون
ريم اهدي حبيبتي لا تبكي
ريم:خلاص رجوان انا موقادره حرام الي بيصير فيني ليش كذا ليش
ليش يحذف عليا المصايب كذا ورا بعض انا تعبت
رجوان:معليش حبيبتي بس انتي لا تقولي كذا هونيها
هونيها حبيبتي ولا تبكي
ريم وهيا في حضن رجوان:آآآآآه ياربي ارحمني خلاص تعبت
رجوان في باله:آآآخ يارب ترحمها وتهون عليها
مااقدر اشوفها تبكي
ريم تبكي
رجوان يمسح على شعرها:حبيبتي خلاص لا تبكي ادعيلها
ريم تضم يد رجوان بقوه:الناس بيبعدو من حولي انا خايفه من بكرا ايش بيصير فيه
خايفه يارجوان ولا تبعد عني
رجوان:حبيبتي لا تفكري في بكرا خليكي في اليوم
وانا ماراح ابعد عنك صدقيني
ولو بتفكري في بكرا صدقيني بتموتي نفسيا
ريم تبكي
رجوان يمسح على خدها:حبيبتي لا تزعليني منك دخيلك لا تتعبيني والله مااحب اشوف دموعك
ارحميني شويه وارحمي نفسك
نفسك ماتستاهل الزعل وعيونك ماتستاهل الدموع
ريم:رجوان خليك حاضني ماابغى احس بالفقد
ابغى احس انك معايا
رجوان يحط راسها على صدره ويضمها بقوه:مارااح اتركك بتكوني على طول في حضني
رجوان في نفسه:يارب ليش كل مااقول هانت تزيد
هونها يارب هونها ولاتزيدها
رجوان فضل حاضن ريم لين نامت في حضنه سدحها على السرسر وجلس يطالع فيها ويلعب بشعرها
رجوان في نفسه:الملاك الي زيك حرام فيه الدموع
باقي اثر الدموع على خدود ريم
رجوان يمسح على خد ريم الدموع
/\
عسي ربي يخليك لعيوني
وعسي ربي يخلينى لعيونك
انا مغرم يا غالي فيك
وادعي ربي يخليك
اذا عني بعدت يجن جنوني
لانك صرت اغلا من عيوني
عسي ربي يهنيني بغرامك
ولا يحرمني من رقة كلامك
يا اغلا انسان انا عندى
يا حزنى وفرحتي وسعدي
واخاف الناس عنك يبعدوني
حبيبي صرت اغلا من عيوني
حبيبي فيك راضاني زماني
لغيرك ما يطاوعني حناني
سكن حبك في وجدانى
وتعوض فيك حرمانى
غرامك غير احساسي ولونى
حبيب الروح يا اغلا من عيوني
/\
في بيت ابو سعود
سعود كان لسه داخل وحضر جنازة راكان
ام سعود تقابله وهيا لابسة شرشف الصلاة وكانت تصلي
ام سعود:هلا حبيبي اسويلك فطور
سعود:لا امي ماابغى بروح انام
سعود يطلع غرفته
في غرفة سعود سعود يكلم نفسه:لو مابلغت ماكان صار الي صار
مو عارف اندم على الي سويته ولا اشكر نفسي
آآه يارب
في بيت جمانا في غرفتها
جمانا دخلت غرفتها وسكرت الباب وارتكزت على الباب وتبكي
جمانا مع نفسها:آآآه يارب تصبرني
خسرت اغلى اثنين عندي
انا حبيت نواف حبيته حب كبير
بس هوا خذلني ولازم ياخذ جزاته لأني احبه وحفضل احبه
بس مايستاهل حبي
الله يرحمك ياديمه
بحياتك ماعرفتي الصلاة واول صلاة متي
ياسلام يابختك ولاذنب عندك
الله يرحمك ياراكان ويغفر لك ويسامحك ويعفو عنك يارب
جلست جمانا تفتكر في كل لحظة عاشتها في ذاك الشاليه مع نواف والشباب
وجلست تفتكر ايام الجامعه مع صاحباتها وديمه
في بيت صبا
صبا منسدحه على السرير ودموعها على خدها:يالله لهادرجه كنت غبيه وماعرفت فين راحتي
طول عمري كنت ادور السعاده مع الشباب والدشرات
واتاري السعاده في الصلاة
يالله
جلست ادور على السعاده سنين
ولقيتها في لحظه وحده
آآآه ياديمة لو مت موتتك
الله يرحمك بس
آآه ياراكان لو تبت ورجعت لربك ماكان مت وانت بهذا الحال
الله يرحمكم
وجلست تفتكر صبا ايام الجامعه والشاليه
في بيت سميه
كانت في المطبخ تسويلها قهوه وكانت سرحانه
سميه:موقادرا ادخل الصاله
اتخيل ديمه لما ماتت وهيا تصلي
اشوفها قدامي
آآه ياديمه الله يرحمك ويغفر لك ويسكنك فسيح جناته
وجلست سميه تفتكر ديمه ايام الجامعه
الظهرفي شاليه رجوان
رجوان خاف على ريم لأنها اول مره تطول بالنومه
رجوان يدخل الغرفه ويلقى ريم نايمة وحاضنه المخده
رجوان:ريم حياتي
ريم ماترد
رجوان:ياعمري...ريم
ريم بنبرة تعب:هممممممممممم
رجوان:يلا حياتي قومي جهزت لك الغدا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك