رواية ابصرخ بكل مافيني ياناس مجنون فيها -4
طلعوا الشله ينتضرون غرااام وصعدت في فوق ترتاااح ؛ خطوات من الدرج الرخامي جاايه .. ياترى من ؟؟؟!
كانت خطوات مشعل حبيب غرام كان جالس من النوم ولابس بجامة النوم وهو نازل يتثاوب شاف غرام قدامه إستغرب كثييير بس ماطلع إي صوت عشان ماتحس فيه
غرام:ههههههه تصدقين الدكتوره صفيه تبينا .....
ملاك تقاطعها:هلالالالالا مشعل حيييياك أخوي ،،، قامت لها وسلمت عليه وضمته وباسته
غرام بصوت واطي:هاه مشعل ؟! رفعت عيونها شافته قدامها يسلم على ملاك وإنضاره طايحه عليها ولمن شافت ملاك بحضن أخوها حست بالغيرة وهي تتمنى انها مكان ملاك ..
غرام تهمس: يلا انا إحين ماااشيه...........
ملاك تتنهد من كلام صديقتها : يعني غرآم حرام عليك ... شوفة أخوي مشعل بتخليكِ تمشييين ؟ .... تكلم أخوها مشعل:سمعت شتقول لإنك جيت بتقوم تمشششي !!!
مشعل:أفا أفا ... لا إذا كذا أنا بطلع ...
غرام:لا بس ملاك نسيتي الشلة ينتضروني بررره ...
ملاك:يوووه نسيناهم طيب خليهم يدخلون...
غرام:لا ماراح يرضون لان عندهم مشاوير لازم يقضونها إحين...
ملاك:أهمممم عدل
غرام:يلا باي إشوفك بالجامعة
ملاك:على خييير
سلموا على بعض وغرام وهي تطلع ناضرت مشعل الحزين ... في نفسها:شسوي يامشعل مو بيدي ولا لو بودي كان ضليت معاك ليما تزهق وتمل مني ...
طلعت غرام مشعل كان يناضر الباب الي طلعت منه غرام ويتأمل فيه وهو فكره عند غرام
ملاك:هي مشعل شفيك تناضر الباب
مشعل:لا لا لا لا ولا شي سلامتك ........
ملاك:إلا في شي وآنآ متأكدة يامشعل قووول ترآني أختكـ وأسمعكـ إسمعكـ .
مشعل:...........
ملاك:يلا عاد مشعل قوووول وغلاتي عندك ياخوي ... قولي احس اني تحمسسست
مشعل:ههه ماعليه صبري بتعرفين بكره ليه انا إناضر الباب ..! ومشى عنها .
ملاك:هيه إصبر ...
مشعل يلف وجهه لملاك وهو يمشي:الوعد بكره_ويغمز_
ملاك:شنو بكرة ؟! أممم براحتك يصير خييير ان شاء الله ؛ ماشغلت ملاك فكرها بكلام إخوها ... صعدت فوق غرفتها ... سمعت صوت جوالها يرررن يرررن فتحته كان المتصل عبد العزيز لكن ماردت
رسل لها رساله :
افا ياملاك يعني ماتبغين تكلميني ؟! فكرت إني لي معزة بقلبك وبتردين :(
ملاك قرت المسج :
والله إنك غالي ياعبووود بس شسوي ما إقدر ما إقدر عزتي إهم من حبك !! في نفسها:إتصل ؟!!! لا لا ماراح إتصل ... انا ملاك مو إي وحده واحد يقول لها كلمتين وتحبه وتترك عزتها وكرامتها ليما تخطبني ياعبود كلام ثاني ... ...؟ راحت وخذت الاب حقها وفتحت على الماسنجر ... حطت الضهور دون إتصال كان عندها إيميل عبود لكن عبود مو سهل يعرف شلون هي داخله ولا لا !!
فتحت علبة الوارد شافت 20 رسالة غرام لها من عبود كل رساله فيها إهداء ... إو شعر ... إو صور فيها إسمها ولقبها...
كان عبود داخل وحاط النك حقه ... لو كتبت بحبر و بمداد البحر ما قلت إلا أحبك ... أحبك ياملاكي الطاهر ...m ... و الصورة الرمزية حرف ملاك ... الي هو الـ m
ملاك في نفسها: معقول كل هذا الي كاتبه عشاني ... ؛ محادثة جايه من
... لو كتبت بحبر وبمداد البحر ما قلت إلا أحبك ... أحبك ياملاكي الطاهر ...m ...:
السلام عليكم :$
((ملاك هنا إستغربت الله ياعبود تلاحقني تليحق بس ماعليه ماردت عليه))
،،
... لو كتبت بحر وكبر مدام البحر ما قلت إلا أحبك ... أحبك ياملاكي الطاهر ...m ...:
إدري إنك ياملاك موجوده ... بلييز كلميني حسي فيني يآملاكـ ...
،،
((ملاك حز بخاطرها عليه وكلمته))
... ملاك وعيوني هلاك ...:
وعليكم السلام ... هلا إخوي عبود وش تبي ؟!
،،
... لو كتبت بحر وكبر مدام البحر ما قلت إلا أحبك ... أحبك ياملاكي الطاهر ...m ...:
إبي قلبك إبي حبك إبي حتى دموع عينك .... إبي قربك ... إبي روحك ... إبي حتى دفى إيدك ... إبي قلبي يصير قلبك .. إبي إيدي تضل بيدك ..
لا تسألني بعد وشو إبي ..
،،
...ملاك وعيوني هلاك ((خجلت من كلام عبود الجذاب بس ماردت عليه)) ....:
.....................
،،
... لو كتبت بحر وكبر مدام البحر ما قلت إلا أحبك ... أحبك ياملاكي الطاهر ...m ...:
ملاك وينك إنا إكلمك ... بليز ردي علي حسي إني إحبك ولا حبيت إحد غيرك ولا راح أحب إحد غيرك
،،
...
ملاك وعيوني هلاك...:
سوري ياعبود إنا ماني البنت الي تقولها كلمتين تحبك وتتعلق فيك إنا كرامتي تغلبني على هذا الشي
،،
... لو كتبت بحر وكبر مدام البحر ما قلت إلا أحبك ... أحبك ياملاكي الطاهر ...m ...:
طيب ... شنو تبيني إسوي لك عشان تعرفين إني أحبك موووووووووووت
،،
...ملاك وعيوني هلاك...:
ذيك الساعة إلي تجي فيها وتخطبني وتكون قد المسؤولية راح أهنيك بحبي لك ... لا تفكرني ما أعزك لا ياعبود إعزك بس مو احبك ...وكرامتي إهم ... وإنا ما أرضاها على نفسي إني أنذل أحبك وإتعلق فيك وفي النهاية تروح لبنت ثانية وآنآ بعدها راح انقهر واضل مجروحة واتندم اني بالإساس حبيتك انا ماراح احبكـ الا لمن اضمن مستقبلي ونفسي ... اسمح لي يا أخوي
،،
... لو كتبت بحر وكبر مدام البحر ما قلت إلا أحبك ... أحبك ياملاكي الطاهر ...m ...:
:d
إذا على كذا ياملاك انتظريني قريب راح اخلي الوالدة تجي بيتكم تخطبك لي اذا ربي سهل.. و إذا على اني اروح لبنت ثانيه هذا شي مستحيل ياملاك انا ماعمري حبيت احد غيرك ولا راح احب لو يصير الي يصير
،،
ملاك فرحت ...
،،
...ملاك وعيوني هلاك...:
طيب عبود مآ أطول عليييك ... انا قايمة أنام
،،
... لو كتبت بحر وكبر مدام البحر ما قلت إلا أحبك ... أحبك ياملاكي الطاهر ...m ...:
إحلام سعيدة :d
سكرت ملاك الاب حقها وهي فرحااانه و راحت على السرير حقها وهي تحضن المخده الحمرآ الي على شكل قلب الحوووب... وتتسائل اسئله وتجيها افكار هني وهناااك
ملاك في نفسها : ياترى صج عبود قريب راح يخلي امه تخطبني ولا اهو يبي يمشي السالفه كذا لالا عبود واحد وافي ما اظن انه يتليعب علي بس احس بصعوبه اني راح احبه مدري لييه يالله اذا هو من نصيبي راح اخذه
يارب ابعد عني اضرار هذا الشي وقرب مني نوافعه ...
ملاك بسرعه نامت وهي تفكر واهي مو حاسه بحالها وش قاعد يصير وياها و وش قاعده تقول كل شوي تقول شي وتنتظر اذا بيجي ذاك اليوم ولا لا .. تنتظر اذا هو صج راح ينفذ وعده ولا راح يخليه مجرد كلام ويمر
غطت ملاك بنوووم عميق والاحلام تصارعها ! ودوم بحلمها عبود ماكان يفارقها
صارت الساعه 8ونص .. الجوال يرن المنبه ملاك ترفع راسها عن المخده وهي تتثاوب
ملاك : افلح من اصبح .. يالله عسااه صباح خير .،
مر على بالها عبوود وبتسمت ابتسامه إستفهاميه بعض الشيء
ملاك .. : اوه لا يتأخر الوقت يلا خل اقووم اتروش شور خفييف واغير ملابسي
قامت من على السرير والنوم مااالي عيونها اتجهت للحمام بعد ما اخذت ملابسها واخذت شور بسييط خلى النوم يروح عن عيونها ... نزلت وشافت امها وابوها واختها في ع طاولة الاكل
ملاك : صباح الخير ....
الجميع : صباح النور ..
ملاك جلست على الكرسي الي يم في
ملاك : يمه عطيني حليب
ام ملاك : طيب حبيبتي
وعطتها الحليب
و استغرقوا كل الوقت بصمــــــــــــــــــــــــــــــت
ملاك : يوووووووووووووووووه صآرت الساعه 8:50 دقيقه ولا قمت
الكل :................................
قامت ملاك من ع الكرسي و راحت غرفتها ع طوول .. لبست عباية الكتف حقتها والطرحه واخذت اللثام والشنطه ونزلت لتحت وشافت السواق ينتظرها مشت ملاك بسرعه وركبت السياره
ملاك : اوووه ياربي استوت الساعه 9 وربع وانا ماوصلت الجامعه ،
راجو: ..........
ملاك:راجو بسرعه امش ترااني تأخرت
راجو : جيين ماما
وصلت ملاك الجامعه وهي متوتره و ع طوول دخلت للجامعه وكاان عندها محاظره دخلت ع طووول القاعه
و كان الكرسي الي قدامها جالسه فيه غرام
ملاك بتوتر وحووسه : صبآآح الخير غراام
غرام : صبااح الورد ، وش فييك منحاسه ؟
ملاك : لا بس تأخرت وخفت ان الدكتووره بدت المحاظره
غرام : لا لا كااهي وصلت ..
الدكتوره : السلام عليكم
بعض الطالبات الجامعيين : وعليكم السلام
الدكتوره بدت المحاظره وهي فيها نشاط و مركزه حيييل
و ملاك وغرام مو عاطيينها وجه
مسكينة ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
|[ البــــــــــــــــــــــــــــــآرت التـــــــــــــــــــــآسع]|
وقــــــــــــــــــت البريـــــــــــــك
ملاك وغرام طلعوا من القاعه مع بعض وهم مالهم خلق شي.. وشافوا الشله تنتظرهم .. طبعاً مو موجوده في مايدروا وين رايحه وهم بيروحون للشله
رانيا كآنت جالسه جنب صآحبتها ... نور
رانيا بصوت خفيف وهي متنرفزه : جاوا العاشقات السحليات
نور تكزهآ بإيدهآ : أسكتي لييه تقولي كذآ عيب عليييك ؛ هلحين يسمعونكـ ويآخذون على خآطرهم ...
رآنيا : مايهم عادي ~
نور تضايقت من اسلوب رفيقتها كانت راح تتخانق معاها لكن فضلت السكوت .
وفي هالوقت وصلوا غرآم ومــــــلآك ... نور تبتسم ابتسامة توتر ... نور : هلا والله تو ما نور المكان بوجودكم يالغوآآلي
رانيا بقلبها وهي تناظرهم نظرات حقد : ألآ والله تو ما ظلم المكاااااااااان بوجودكم ياسحليااات
ملاك ، غرآم : منوور بوجودك
ملاك : يووه وين في وينها عنكم .... ؟؟
نور :مدري والله عنها الحين ماشفتها يمكن رايحه مع بنوتات ثانيين او عندها شي تجهزه ماشفتها قطعاً اليوم
ساره ...... خلال هالفتره الصمت مخآويها وطول الوقت ساااكته وعلامات الضييقه واضحه ع وجهها
بعد صمت الشلــــــــــــــــه ..
ملاك حست بسآآره ماااهيب طبيعييييييييييييه أبد: سآروونه حبيبتي وش فيييييييييييك ؟ أحس كل هموم الدنيا بدآآخل قلبك .. بس آنكـ ماتبغين تبيني ؟!
غراام : إيه سوور حبيبتي شبلاك اليوم حتى انا حااسه ان فييك شي ... شصااااير لك ,,، خبريييني تكفيين
ســــآآآره بتنهد وألم وصووت واااطي: مآفيني شي سلامتكم
ملاك قربت منها : ساره حبيبتي انا افهمك وش مضااايقك ميين قاهرك لا تحاولي تخبي علي
ساره وهي تصنع الإبتاسمة : لآ سلآمتك أبد ...
ملاك : قولي لي فضفضي لي وش بلاك متغيره مين سوى فيك كذا ؟؟؟
ساااره بتنرفز وعصبيه: خلاص ملاك مافيني شي قلت لك مافيني شي خلااااااااااااص
ملاك : .................... طبعا ملاك بهل الوقت تضااايقت شوي اهي تبي صديقتها تفضفض لها وتفتح قلبها لها لعلها تنزااح همومها وصديقتها تتهمج عليها كذا لكن ملاكـ إنسانة طيبة وتفهم امور الغييير قالت إن شكلها من الضيقة صرخت كذا عذرتها و مشتها لها
ساره هنا حست ان ملاك تضايقت شوي بس مااا اختقت لها أبداً لفت وجهها عن ملاك
الكل ساااكت ولا احد يتكلم وكل علامات التساؤل فاااكه رااسهم عن حال ساره الا رانيا ... ما همتها وش فيها صاحبتها ولا حست فيها مع انها معاها بنفس القاعه وهي اقرب وحده لها
في هل الوقت خلصصص آلبــــــــريك .. ،
ملاك قبل ما تقوم حبت توجه كلمتيين لساره
ملاك : ساره حبيبتي لا تخلي اي شي بهل الدنيا يضايقك او ينزل دموعك لان الدنيا ما تستاهل وانا وخيتك ..،.. ألعني بليس وبعدي الهموم الي بقلبك عن طريقك
رانيا ابتسمت ابتسامة سخريه وهي تطالع ساره ؛ ساره حست فيها ولا بالت لها نضراتها
ساره بهل الوقت تكلمت بنفس ضييق/ : ملالالالالالالالالالاك انتي ما تدري وش صاااير فيني ماتدري وش صاااير لي لو تدري وش فيني كاان تعذريني !
ملاك بإبتسامه تبعث الامل في القلوب: عااد انتِي الله يهداك صااار لي زمآن وانا احن عليك ابغاكِ تقولي وش فيك ولا أنتي راضيه تقولي وش فيك
ساااره سكتت: ,.,,...........................
وبعد كم لحظه تكلمت ... ساره : انا طبعي كذا ما احب اقول الي بقلبي لأحد احب اخلي همومي لحالي افهمي عاد
ملاك وعلامات الضيييق واظحه على وجهها من كلام ساره : طيب طيب خلاص براحتك لا تقولي
بهل الوقت فضى المكان من الطالبات ؛ الاغلبيه رااحوا
غرام بتوتر: يووو ملوووك حبيبتي يلا بسرعه تأخرنا خلينا نرووح للقآعه اكيييد بدى الدكتور المحاظره..
ملاك : يوووووووووه هموم ساااره خلتني انسي المحاظره الله يهداكِ ياساره
ملاك وغرام وهم يمشوا بإتجااه القاعه ؛ ملاك : باااااااااااااي بنااات اشوفكم ع خير
البنات : باااااااااااااااي
دخلوا ملاك وغرام القاعه الا الدكتور بادي المحاظره والكل يناظرهم نظرات مو شي ملاك وغرام جلسوا يم بعض وهم منهووسين بكتااابة المحاظره لعلهم يلحقوون<< أسم صج
،
طبعاً الدكتور مصري وهو يسرع ؛ وملاك تكتب كلمه وتترك الثانيه ؛ ملاك وهي تكتب بسرعه حتى الخط ماينفهم : اوووف تعبت حس ياخي تعبنا
غرام وهي مروووقه بقوه: وهذا احنا تأخرنا أجل كييف لو جينا بالبدااايه وش راااح تسووي ياحلوه
ملاك : اقول اكتبي اكتبي انتي الثانيه تبربرين علي زياااده ع هالدكتوور ؛ اظن انه يتكلم روووسي وربي ماينفهم كلامه عدل من كثر ما يسرع يفكرنا الات قدااامه
استغرقوا وقت طوويل وهم يكتبون ؛ و وقت خلص الدكتور
الدكتور وهو طالع ع الشاشه:واخيراً يا صبايا داحنا انتهينا بس بآئي كتيير ماخلصناااش بس دانآ أوولت اني بريحكم اليوم وبوكرا الصباح فلاح راح اخليكم تكتبوا اكتر واكتر دانا واللهي خفيفت عليكووم كتير
ملاك وهي منقهره شوي وتصييح هههه: آآخ إيدي تكسرت وهالرجآل الله يهديه الي قدامنا يقول ان ريحنا وبكرآ أدهى وأكثر آ ه آه ربي يعييين!
غرام : اقول حمدي ربك في بعض التخصصات الثانيه يكتبوا ضعف الي نكتب
ملاك وهي مو عاجبها الوضع : يالله الحمد لله
غرام يالله اليوم فكه ماعلينا الا محاظرتيين خل نطلع يلا الكل طلع من القاعه ما لاعت كبدك؟
ملاك وهم بيطلعوا من القاااعه .: ألآآ طقت نفسي حيييل
غرام حدها مروقه : ههههه ليه صابه عليها كلوريكس ولا شالسالفة ...؟
ملاك بعصبيييه : اقووول مالي خلق كلامك الاهبل هذا اسكتي بس يرحم والديك ...
غرام ماخذه الامر إيزي لانها مروقه حيل : ههه طيب طيب ~
ملاك
:يلا سرينا ...
غرآم تبتسم :سرينا سرينا
طلعوا من القاعة ،، إتصلت ملاك على راجو مشان يجي لها ... ملاك تكلم نفسها : بس في وينها ؟!!! ~ من على الفطور ماشفتها ... تصبر بالبيت بعلمها الشغل العدل الكريهه
يآترى وش فيها سارة وش الي مغيرها كثييير ...
شنو صآير معاها؟! ...
و في وينها ؟!!!
عبود راح يخطب ملاك ولا هو يلعب عليها ؟!!!
مشعل و غرام وش مصيرهم راح يتزوجون ولا في إحد بيعترض ؟!!!
في البيت ... الساعة 12
دخلت ملاك غرفتها توضت وصلت صلاة ربها بعد الصلاة غيرت ملابسها ولبست ملابس البيييت .. ؛ في نفسها:أنا إحين لازم إروح حق إم كشة في إشوف شبلاها ...
ملاك طلعت من غرفتها توجهت لغرفة في شافتها تكلم تلفون ومندمجة والضحك والسوالف وصوتها العالي ؛ ملاك وهي تدخل:حمدلله و الشكر على العقل ...
تكلم في:هي يابنت هدي ...
في تأشر على الباب تبغى ملاك تطلع
ملاك:نعم ... نعم ... تبيني إطلع ... ماعليه ياحقيره الحسسساب بعدين إنا أوريج
في ما إهتمت لها وكملت المكالمة ...
ملاك وهي تطلع:والله إخر زمن هالنزغة تطردني إنا أوريها إذا ماصرت ملوووك هيين يافي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البــــــــــــآرت العآآآآآآآآشر
على الغدآآ
في كان كرسيها جنب كرسي ملاك بالضبط ...
في:ملوووك حياتي مآآآي ممكن ؟!
ملاك ماعطتها وجه وكملت آكلها وهي تسوي حالها تفكر وفكرها مشغول بشي ثاني
في:هيي ياهو ... إنا أكلمك مو حآسه فيني ...
ملاك سآكته ولا كآنو الي جنبها يكلمها .......
في:ملاااااااااااك شفيك كذا مو معطيتني وجهه كأني أكلم احد ثاني ما أكلمك انتي ...
ملاك:إنتي تذكري شنو سويتي مساعة وقولي لي شفيك
في تتذكر بدلع... : أممم أمممممم أممممممم ماذكر سويت شي كلي خير
مشعل كآن جالس قدآم آخته في وهو يكلمها :هههههه لا تتدلعين ترى الدلع مو لاآيق لك
ملاك:إقول شوي شوي على حآلكـ أخت في
في مستغربة من ردة فعل ملاكـ هي حبيبتها ولا تكلمها بهل الطريقة : هييييي إنتوا كل واحد من جهه يتطنز سكتوا إحسن لكم ....
شيخة إم ملاك : هو ياعيال شفيكم ؟!!!
بو ملاكـ بندر : يا ام ملاكـ ماعليييكـ منهم هذا اهم عيالكـ 24 ساعة مناجر هذا الي فالحين فيه
ملاك : سلامتج يايمه مافينا شي إبد ... كل شي تمآم ~
في : إلا فينا ... إقول لو سمحتي آختي العزيزه آبي كآس مآآآآآي ريقي ناشف حيل
ملاك : موووووستحيل حلمي يآشآطرة ...
في : ليييييش يالبطة انا شسويت ... قولي لي ذكريني ... بعد بني آدم ينسى ~
ملاك:تذكري مساعة لمن جيت لك في الغرفة بكلمك شنو سويتي ...
في بدون نفس : آممممممم ... كنت مشغولة آعذريني ....
ملاكـ : كأنك بزنز قيرل على غفلة
مشعل:هههههههههههه ذي بزنز قيرل لالالا غلطانة
في عصبت والشرار يطلع من عيونها على اخوانها الي ماخذينها مسخرة ما كأنها اختهم :لا باللهِ فلحت إنا من وراكم إقول كل واحد يبلع لسانه إحسن
مشعل:إقول إقول ياحلوة ... إنتي بلعي لسانك وإكلي وإنتي ساكته ...
ملاك هنآ بدأت تضحك على أخوآنها وعلى الي يصير بينهم : ههههههههههههههههه
في تقلد على ضحكة ملاك : هههههههه ترى مو لايق عليك الضحك ...
ملاك : ههههاي منحرررررة آدري ؛ مو قادرة تشوفين الضحكة بعيوني هههههاي
في عصبت وقامت وهي تدز الكرسي وهي معصبه :هي خلاص أنتوا الله لا يسامحكم ... ترى طفح الكييييييييل
بندر بو ملاكـ يمسك يد بنته في : يبى في ماعليك منهم ضلي كملي غداكـ
في وهي دموعها وسط عينها : لا يبا انا بروح اصعد داري احسن لي عشان اريحكم شوي
مشعل: يكون احسن تدرين
في ماعطته وجهه
بندر : يبا في انا طلبتك ... ترديني وانا أبوكـ ؛ جلسي عشاني مو عشانهم ..
في : بس يبا
شيخة : في خلاص حبيبتي ابوكـ قال لكـ جلسي سمعي كلامه
في : عشانكـم بس بالغوالي ؛ (وهي تناضر ملاك ومشعل الي ميتين عليها ضحك) ولا في نآس مايستاهلون.
كملت غداها وبعدها صعدت في غرفتها وهي متنرفزه بقوة ؛ ومالها خلق فتحت اللاب حقها ودخلت على المسن ؛ وكلمت البنات والضحك و الوناسه نساها خناقها مع إختها الفرست في قلبها ملاك ... صعدت ملاك لغرفة في ..
الباب:طق طق طق
في:تفضل منو ورى الباب ... ؟
ملاك وهي تبين بس راسها من ورى الباب:إختك وحبيبتك ملووووكه
في:خييير شتبين
ملاك وهي تدخل وتجي إتجاه اختها: هو هو هو ... يعني زعلانة؟
في : اكيد يعني الي سويتوه شويه ياملاك والله يقهر
ملاك:المفروض انا الي إزعل ... وبعدين عادي احنا اخوان ولا تعودتي على هذي الحركات مزح بس ~
في:طيب إحين شنو المطلوب ؟
ملاك: المطلوب اني ابي اعرف ان إنتي اليوم وين رحتي حاتيناك يالبطة ولا شفتك؟
في:يعني اهمكـ انا ولا شالسالفة ؟
ملاك قربت من إختها: اكيد يافي انتي تهميني ؛ يلا عاد في قولي لي وين رحتي ...؟
في:لقيت لي ربع إحسن منكم
ملاك بإستغراب وتعجب:عدل عدل ... ربي يخليهم لك ؛ ملاك طلعت من غرفت إختها وهي تقول: والله ولقيتي لك ربع يافي ... بس مردك لي هههههاي
راحت ملاك غرفتها وجلست على سريرها الدآآفي وبدأت تذاكر وماحست في روحها وعلى قولتهم النوم سلطان مسرع غمضت عيونها.
جلست الساعة 9 اليل ..
توضت وصلت ونزلت للعشآآآآآ وهي مالها نفس شي .. جلست على الطآآآولة هي وإمها بسسس وبعد صمت طووويل
إم ملاك بتردد:إقول يمه ملوك
ملاك وهي تحرك الشوكة بدون نفسس ابداً :سمي يمه ...
إم ملاك : بكرة المغرب رآح تجي رفيقتي إم عبد العزيز
ملاك إستغربت:أهممم بس ليه؟
إم ملاك:مادري زيارة عاديه يمكن تعرفين ولدها البكر عبد العزيز صديق مشعل أخوك!!
ملاك إستغربت :اها عدل ..
قامت ملاك من على الطاولة وصعدت لغرفتها ؛ شافت في تنتضرها جنب باب الغرفة .. ملاك تطالعها بنص عين:خير إختي وش تبين أي آوآمر ؟!
في:ملوك إبي الاب حقك شوي ...
ملاك روقت شوي بعد هذا الخبر : هههاي قلت لك مردك لي
في:طيب إحين بتعطيني إيااه ولا ؟!
ملاك تحرك خصلات شعرها بدلع:أممممم أمممم إفكر
في بقلة صبر : ننتضر ...
ملاك:بما إنك إختي راح أعطيك إياه .. بس لمدة نص ساعة تقل بس مآتزيد
في : طيب شكراً
خذت في اللاب حق ملاك وطيران لغرفتها ... تتفحص فيه تشوف فيه شي يخص عبد العزيز دورت و دورت و دورت بس مالقت في مع نفسها:مالي إلا سجل المحادثات .. فتحت سجل المحادثات وقرت المحادثه:ههههههههاي والله وبتنخطبين ياملوووك وإخيراً لاعت جبدي منك ..
ملاك صدفة كانت جاية تبغى الاب حقها سمعت في تكلم حالها جات بتدخل بس لا غيرت رايها وصارت تتسمع من ورى الباب فتحت الباب برجولها بعصبيه:في يالحقييييييييره شتسوين
في بتوتر وهي تسكر الاب حق ملاك:إبد .......... ولا حاااجه
ملاك راحت جهت اللاب وفتحته وشافت الصفحه الي تخصها وتخص عبدالعزيز ومسكت اللاب وخذته : هيين يافي إنا أوريك مره ثانيه طلبي شي هذا وجهي إذا عطيتك
في :.......
ملاك:شفيك ساكته قولي عادي ترى ..... إعترفي ......... ومرة ثانية يا إخت في لا تتدخلين بخصوصيات الناس
في ضلت ساكته مو عارفة شنو تقول شنو تبرر:............
مشعل كان يصعد على الدرج ... وسمع صوتت ملاك وهي من جهة غرفة في : الله يستر شكلهم متخانقييين ههههه ملاك مع ام كشه
مشعل يدخل غرفة في على صراخ ملاك : ملاك شفيك هدي هدي صراخك واصل لتحت
ملاك بعصبية وقلة صبر : طيب عذراً إخوي الغالي إزعجتك ...
في إلى الأن ساكته وخجلانه من نفسها وحست إن الي سوته غلط:........
مشعل:ملاك ...
ملاك تبتسم لإخوها : سم يآلغالي آمر ~
مشعل:تعالي معاي إبغاك شوي ... ممكن إذا مآنكـ بمشغولة ؟!
ملاك:تيب .. لا عادي إفضى لكـ إذا مشغولة ؛ راحت ملاك مع إخوها مشعل وتركت في لحالها
في الصالة الجانبية
ملاك هدت شوي :آآمر أخوي تدلل يآحلى مشعل بالكون..
مشعل:احم احم ما يامر عليك عدو
ملاك تبتسم:........
مشعل يعدل جلسته : آحم آحم آحم ... ملاكـ تذكرتي لمن قلت لك إمس الوعد بكرة ؟!
ملاك بحمآآآس :إيه آكيد اتذكر آح تقول لي إحين
مشعل متونس : نعم بقولك يالغالية
ملاك : كلُ إذانٍ لك صاغية تفضل يالغالي مشعووول ؛ والله انكـ حمستني بقوة ونآسة ~
مشعل : آحممممم صديقتك غرام
ملاكـ هنآ إستغربت بالحيل ورفعت حاجب وآحد وهي تناضر اخوها مشعل: إيوووه وشو فيها ؟
مشعل وهو متونس : آحم .... عزمت آني إخطبها
ملاك فرحت بقوة : قوووول واللــــــــه ؛ صدق لا مشعل تكذب عليًّ ؟؟؟؟؟؟؟؟
مشعل:خفضي صوتك لا تسمعنا في ...
ملاكـ : لا صحيح مشعل متى عزمت ومتى حبيتها يامشعل عشان تخطبها .....
مشعل وهو يتنهد و وآضح عليه بالحيييل :آهـ ... ياملاك من إول مره شفتها حبيتها بس مابيييينت
ملاك:يآآآي شهل الحركات إخوي يحب _ترفع حاجب_بس مايقول ...
مشعل:أقول تحسين شرايها غرام فيني _ويتبختر_ ...
ملاك : يوه يامشعل تذوب فيك ... وربكـ تدري بس نطري إسمك تخق هذي الإنسانة ... فديتها شحلاتها
مشعل إرتاح وإخذ نفس عمييييييق : .............
ملاكـ وهي تقوم من جنب أخوها من على القنفه ...
مشعل:وين رآآآيحه يآشيخة ؟!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك