رواية احتاج لك اذا ضيق الوقت صدري -67
سعود:اهلين انت جيت؟
ساري:لا لسه في البيت
ساري وسعود:ههههههههه
سعود:ياخفة دمك ياراجل
ساري:شفت كيف من الخفه قاعد اطير
سعود يضحك:اتفضل اتفضل
ساري:ها فين البنت
سعود:ياواد اصبر الله يفترك
ساري يضحك
ساري:السلام عليكم
الكل:وعليكم السلام
ريم:يلا حلوين موعد التورته في الغرفه التانيه
ريم تلبس عبايتها عشان بدر ومازن واصحاب سعود
ريم قدام المرايا:والله مافيني احط الطرحه على راسي اليوم عيد
البنات:هههههههههه
تالا كانت قلقانه لأنها تبغى تشوف ساري
لمار:مولازم اغطي شعري اوف
جمانا وسميه:احنا مرفوع عنا القلم مو لازم نغطي
البنات:يا سلام
الكل يضحك
خوله:انا صاحبة نوف وصديقه العيله من زمان يجوز لي ان اكشف
الكل :هههههههههههه
البنات يحطو طرحهم على كتوفهم ويطلعو
تشتغل اغنيه هابي بيرثدي تويو
يدخل سعود لغرفه الطعام ويدخلو كل الي في البيت
كانت الأنوار مسكره ومافي غير نور الشمع
سعود يبتسم
تالا تجي عينها بعين ساري
ساري يبتسم وتالا تبتسم
وجات عين ريم بعين ماهر
ماهر ابتسم لها وشال عيونه عنها وصار يطالع في لمار
لمار تبتسم وماهر يبتسم
سعود يطفي الشمع
الكل يصفق
ريم تروح تحضن سعود:كل عام وانت اخويا
سعود:على اساس اني السنه الجايه ممكن اصير ولد جيرانكم
الكل يضحك
ريم تضربه على كتفه:يابايخ
سعود يضحك:وانتي بخير يا احلى اخت بالدنيا كلها
ريم:على اساس اني انا دحين بنت جيرانكم يعني
الكل يضحك
سعود:ترا انا جيعان مره
ساري:احم احم
الكل يطالع في ساري
ساري:لالا انا مو جيعان
الكل يضحك
سعود ياخذ من الكريمه الي على التورته ويحطها على خشم ريم
ريم:لالا يابايخ
ماهر يضحك
ريم تطالع في ماهر بحقد عشان ضحك عليها
وماكان فيه صوت ضحك غير صوت ضحكته
ماهر حس بإحراج
الكل يضحك على ماهر حتى ريم
ريم تطالع في ماهر وتضحك
ماهر صار يضحك
وقت البوفيه
تالا كانت جالسه تحط في صحنها وجا وقف جمبها ساري
ساري مبتسم:اهلين
تالا ارتبكت:اه اه اهلين
تالا تطالع في ساري وتبتسم
ساري:طالعه غير كل البنات طالعه قمر
تالا صار قلبه يدق بسرعه وترتجف تركت الصحن وراحت الحمام
ضحك على شكلها ساري
ومن ناحيه تانيه
لمار جايه تاكل في الكيكه بأصباعها وتمص
ماهر يوقف جمبها ويسوي زيها
ماهر:اهممممم تصدقي اكلت التورته بالشوكه بس لها طعم تاني لما امصها بإصباعي
لمار تضحك
ماهر:فديت ضحكتك
لمار تعض على شفايفها وخدودها تصير حمرا وتنزل راسها
ماهر يبتسم ويرفع راسها
البارت الـ 39
انتهت الليله وانتهت الحفله الي سوتها ريم لسعود
ريم تنسدح على السرير وتمسك الدبدوب الأحمر:آآآآآه
"تنسدح يمينها نوف ويسارها رولا"
ريم:على قد حبي له على قد شوقي له وعلى قد حبي له على قدر جرحه ليا
مهما شغلتني الدنيا ماراح تشغلني عن جرحه او ممكن تداويه
نوف تطالع فيها:خلاص ياريم انسيه وارتاحي
ريم:موبيدي
رولا:مين قال بيدك هوا بعقلك انسيه بعقلك
ريم:طيب كيف انساه بقلبي
نوف:تعالي اسويلك غسيل قلب
رولا:ومخ
نوف:ومعده
رولا:ايش دخل المعده؟
نوف:مدري
ريم ونوف ورولا:ههههههههههه
ريم:الله لا يحرمني منكم يارب
نوف ورولا يرفعو يدهم:امين امين امين
عادل يبكي
ريم ترفع يدها:يارب ترزق نوف واحد زي عادل يطفشها حياتها
نوف ورولا:آمين
نوف تستوعب الدعاء:ايش لأ موآمين حرام عليكي
ريم ورولا:هههههههههه
رولا:عادل مو مزعج هوا بس كان جيعان
ريم:يارب تعطي نوف ولد بس يجوع عشان بس يبكي
نوف:حرام عليكي يارب انشاء الله لأ
ريم تضحك تضحك تضحك
لين قلب ضحكها بكا ودموع
نوف ورولا مستغربين
نوف:ريم ايش فيكي؟
ريم تبكي
رولا:رييم؟!؟
ريم:ليش يخونني ليش؟؟ انا اكثر شي بيوجعني الخيانه
انا حبيته بكل مافيني وشفته فارس احلامي وشريك حياتي
امنته على روحي
عطيته قلبي ورماه
عطيته عمري وأنهاه
عطيته نفسي وذبحها
ذبحني بجرحه رجوان قتلني
ونزف دمي
خلاني جريحه
خاني وهرب
نوف تحضن ريم:خلاص ياريم يكفي قلت لك انسيه
رجوان والي زييه مايستاهل دموعك
رولا:خلاص ريم خلي نفسك عزيزه انسيه زي مانساكي
ريم:اخلي نفسي عزيزه وانساه !انتي مجنونه
انساه!الحب الي بيننا صعب انه يزول مهما صار بيننا
الي بيننا شي كبير هوا هدمه الي بينا صعب على الزمن انه يمحيه
ماراح تفهموني مهما اتكلمت وقلت ماراح تحسو فيني
خليني ساكته احسن
"ريم تقوم وتوقف عند باب البلكونه وتطالع من البلكونه"
رولا ونوف يطالعو في بعض
في استراليا في سدني
رجوان يمشي بالشارع لوحده ويكلم نفسه وكان الجو بارد
وكان لابس تيشيرت ابيض وجاكيت اسود "جاكيت ريم الي اخذه منها"وشال صوف ملفوف على رقبته لونه سكري
وبنطلون اسود
رجوان يكلم نفسه:أتنفس بيكي واعيش بيكي واموت بيكي
ولو كان باقي في عمري عمر راح اعيشه بيكي
حتى لو كنتي ظانه اني خاين مااتمنى تعرفي اني ماخنتك
عشان لو عرفتي راح تحسي بألم اكثر من ألم الخيانه
راح تحسي بإنك ظلمتيني وخسرتيني وبيدك
وانا ماارضى انك تحسي بهذا الإحساس
راح اتحمل انا ظلمك وفراقك بس مااتحمل اشوفك بتتعذبي بفراقي
احبك يالي انكتب بإسمك الحب احبك يالي خليتي للحب روح
كان ممكن نكون روحين في جسد واحد
شريان في قلب واحد بس انتي ّانتي هدمتي كل شي بيننا لمجرد انك فهمتيني غلط ومارضيتي تسمعيني
كل لحظه حب ذبلت
وكل كلمه حب ذبلت
وكل حضن ولمسه وهمسه كلهم ذابو
مين يصدق الي انا فيه؟؟ حلمت فيكي قبل لا افقد ذاكرتي
وبعد مافقدت ذاكرتي مومفتكر غيرك في الحلم و شفتك حبيتك وعشقتك ورجعت لي ذاكرتي بس مانسيتك
شفتي قد ايش احبك؟لأني حبيتك بقلبي وشراييني مو بعقلي
آآآآآه بس آآآآه
في غرفة ريم
نوف تلبس عبايتها:والله بدر شكله بيذبحني اتأخرت عليه
رولا:هوا يقدر يذبحك ماني رولا اذا ماكان ملهوف على الي في بطنك
نوف ورولا وريم:هههههههههههه
رولا تلبس عبايتها:والله حتى انا اتأخرت مره
ريم:لااا بنات خليكم
رولا:والله حياتي بكرا تتزوجي وتعرفي انك مجبورا
ريم بحزن تنزل راسها
نوف:يلا ريمو حبيبي نشوفك مره تانهي يلا باي روحي
ريم بحزن وهيا جالسه على السرير:باي
ريم:لولو بليز طلبتك طلب مااتمنى انك ترديني فيه
رولا:آمري
ريم:خلي عدولي عندي انتي تعرفيني اني اموت في البيبيز
رولا تبتسم:مازن يذبحني
ريم:لا مااعتقد مازن بيسوي شي
رولا تفكر:مايهون عليا
ريم:يلا لولو الله يسعدك والله بنتبه عليه انتي ناسيه انو انا الي مكبره ليان اختي ترا اعرف اهتم بالبيبي والله اعرف لا تخافي عليه
رولا تبتسم:خلاص خليه اهو يوفرلنا وقت انا وابوه
ريم ورولا:هههههههههههه
ريم تاخذ عادل من يد رولا :يناسو يسعدو ربي
رولا:الله يستر اخاف مازن يزعل
ريم:ماعليكي منه
رولا تضحك
في سياره مازن
مازن:خير فين الولد؟
رولا تبتسم:تركته عند ريم
مازن:ليش؟
رولا:قالت لي خليه وخليته
مازن يطالع في رولا:طيب حلو عشان افتك من صراخه ابغى ارتااح ابغى انام
رولا:حرااام عليك
رولا ومازن:هههههههههه
مازن يطالع فيها بنظرات حب: عشان ماتنشغلي عني وآخذ راحتي
رولا تضحك
في غرفة ريم
ريم شايله عادل في يدها وتدور فيه في الغرفه:ياعومري ياروحي انت فديتك وه ياناسو على عدولي ياعمري عليك
ريم تبتسم وتطالع في شكلها في المرايا وهيا شايله عادل وتتخيل واقف جمبها رجوان
ريم تبعد عن المرايا وتحس بضيقه
ريم صارت تدمع ودموعها تنزل على خد عادل وعادل يضحك عجبته الدموع الي على خدوده
ريم صارت تضحك على عادل وتمسح دموعها
في بيت لمار
لمار:انا بقولها بكرا والي يصير يصير
ريم لازم تعرف ان رجوان مو خاين بقولها الحقيقه
تالا:لمور اعقلي بلا جنون
خالدين:انتي هبله ولا تستهبلي رجوان قال لا تقوليلها
لمار:مستحيل تظن ريم ان رجوان خاين هوا كيف مستحمل كذا لأ لأ لأ
تالا:يامجنونه يامجنونه اعقلي وبلا تهور
خالدين:والله رجوان بيزعل لو دري انك قلتيلها
لمار:المهم عندي ان ريم تعرف ان رجوان مو خاين
حرام اثنينهم يضيعو ويضيع الحب الي بينهم حرام والله حرام
تالا:صعبانين عليكي؟
خالدين:صح مره حرام
لمار:ايش دا ليش كذا..كان مره يعشقو بعض ليش صارو كذا؟
تالا:هوا دا الحب موكل قصه حب ناجحه
خالدين:الله يبعدني عنه
لمار تسرح
تالا:لاتخافي مو كلها موناجحه ياما كثير عشقو بعض وشوفيهم عندهم عيال وعايشين احلى حياه
لمار تطالع في تالا بحيره
الصباح الساعه 10:30
سعود يفتح الباب على ريم وهيا نايمه
ويشوف ريم منسدحه على ظهرها ونايمه وعلى بطنها كان نايم عادل وحاضنته
سعود يبتسم لما شاف ريم وحنانها وكأنها امه
ام سعود:ايش فيك تبتسم؟
سعود يأشر على ريم
ام سعود تدخل الغرفه وتشوف ريم وتبتسم
سعود:اموت واشوف ريم عندها عيال بشوف كيف بتعطيهم حنانها
ام سعود تبتسم
ليان تدخل الغرفه ولأنها تغار من اي احد يحضن ريم
ليان معصبه:شيلو الولد هدا من هنا
سعود:اسكتي ريمو عدول نايمين
ليام:انا قلت شيلوه يعني شيلوه
سعود وام سعود يضحكو
ريم تقوم من النوم:ايش فيكم؟
ليان:ايش هذا الشي
ليان تأشر على عادل
ريم تبتسم:غيرانه يابنت
ليان تطلع فوق السرير:شيليه من على بطنك؟
ريم طيب من عيوني
ريم تنزل عادل وتسدحه جمبها
ليان تبتسم:ايوا كذا
ليان تطلع فوق بطن ريم
ريم:آآي بطني بطني
سعود وام سعود:هههههههههههه
في ستار بوكس
ريم تبكي:معقول؟؟!؟
لمار:عشان كذا رجوان قرر انه يبعد ويتركك مع زوجك
بس صار الي صار وافترقتي انتي وماهر
بس بعد ماخلاص رجوان قرر وسافر
ريم تبكي بألم:يعني انا هدمت حياتي بيدي انا ضيعت نفسي بنفسي
لمار:رجوان حلفني اني مااقولك؟
ريم:طيب ليش ماقالي ليش مااستناني ليش اتسرع وسافر وتركني ؟؟
لمار:رجوان حلفني مااقولك وسافرو ماقالي ليش
ريم تبكي:انا مومصدقه شي..يعني رجوان موخاين رجوان ماخاني
لمار:انتي فهمتي غلط
كرستينا هذي من صديقات رجوان ايام الدراسه في استراليا
بس رجوان مايهتم لها
هيا الي جات عنده ورجوان قالها ترجع تاني بس قالت لها انها تبات عنده هذي الليه بس عشان ماعندها مكان تاني
ريم:وانا جيت وقتها وفهمت غلط؟ليش ليش ؟؟ليش مااستنيته يدافع عن نفسه ليش اتسرعت
لمار:ريم ..الندم ماراح ينفع
لمار تبكي:احنا ماندري فين رجوان كل الي نعرفه انه راح استراليا يشتغل هناك على طول
ريم:يعني بفقده على طول ماراح اشوفه تاني
انا ضيعت حبيبي بيدي انا ضيعته وضيعت الحب الي بيننا
ليش فكرت بهذا التفكير ليش مااخذت الموقف ببساطه
لمار:ماراح ينفع الندم حبيبتي خلاص كل شي انتهى
ريم :آآآآه ياربي انا تعبت تعبت تعبت خلاص من حياتي
يارب خذ عمري وريحني مافي عذاب اكثر من اني اكتشف اني هدمت حبي بيدي انا ظلمت حبيبي وخليته يبعد عني انا احبه والله احبه
ريم تعلي صوتها:والله احبه احبه
الناس يطالعو في ريم
لمار تقرب من ريم وتحضنها:بس ياريم بس يكفي
ريم تبكي في حضن لمار:احبه يالمار
لمار:ادري وادري انه هوا كمان يحبك
ريم:ليش سويت كذا ماراح اسامح نفسي ضيعته وضيعت نفسي
كان ممكن نكون دحين سوا
كان ممكن نكون سوا ليش سويت كذا؟؟آآآه ياربي
لمار:رجوان عمره ماخانك
عمره ماخانك ياريم
ريم:سامحني يارجوان سامحني انا غلطانه بس ارجع ارجعلي حبيبي
لمار:آخ لو ادري عنه لو بس اكلمه اطمن عليه حتى تلفون ماسبلنا رقمه
ريم:انا خليته يتعذب بعدي وعذبني بعده بليز لمار لو عرفتي عنه اي شي قوليلي
لمار:انشاء الله بس انتي اهدي ولا تبكي
في الصالون
جمانا وسميه:مبروك يااحلى عروسه
صبا تعض على شفايفها من الخجل:بس بنات لا تحرجوني
جمانا وسميه:ياعيني
البنات:ههههههههههههه
صبا:والله كبرنا يابنات
سميه:تفتكرو ايامنا في المتوسط
جمانا:يالله كنا صغااار
سميه:يالله وربي كانت ايام حلوا
صبا:وايام طيش وهبل
جمانا:وايام دشره وصياعه تفتكرو لما كنا نطلع من المدرسه ونروح بيت وحده فينا
البنات:ههههههههههه
سميه:افتكر ماما مره كشفتني وطاحت فيني تهزيء
البنات:ههههههههه
صبا:يالله كبرنا وصرنا عرايس وراح يصير عندنا اولاد ونصير حريم وامهات
سميه:واجداد
جمانا:لسه بدري على اجداد
البنات:ههههههههههههه
صبا:عن اذنكم بنات خلوني اخلص بدري
في غرفة ريم ريم تحضن الدبدوب وتبكي:ليش كذا ليش حظي كذا
ايش الحياة الزفت هذي ندمانه يارجوان والله ندمانه بس تعال لا تبعد عني ولا تحسسني بالذنب
لاتحسسني اني السبب في فقدك
لاتبعد عني انا احبك يارجوان
خلاص ارجع انا عرفت الحقيقه انت موخاين
سامحني انا آسفه وغلطانه حقك عليا بس ارجع لا تطول حبيبي
ارجع يارجوان انا محتاجتك
انا احتاجلك يارجوان احتاجلك كثير في حياتي
محتاجه انك تكون جمبي تطمني وتريحني ارجع حبيبي ارجع يارجوان
يرن جوال ريم
ريم تمسح دموعها:ايوا نوف
نوف:بجي عندك تسويلي شعري عشان شبكة صبا
ريم:اوكي استناكي
نوف:اوك يلا دقايق واكون عندك
يرن جوال ريم مره تانيه
رولا:اقول ريم
ريم:هاه
رولا:ابغاكي ترسميلي عيوني وبجي البس عندك اوكي
ريم تبتسم:اوكي تعالي
رولا:دقايق واكون عندك
ريم تسكر الخط وتبتسم وتمسح دموعها
ريم:مهما كانو النااس حولي راح احس بالوحده لأني بعيده عنك حبيبي
سعود يدخل على ريم:كيف الحلوا اليوم؟
ريم تبتسم:زي كل يوم
سعود:الله الله ايش النبره الحزينه دي
سعود يجلس جمب ريم على السرير
ريم:ابدا ولا شي
سعود:تخبي عني
ريم تكلم نفسها:لو بقولك بتطبق الدنيا فووق راسي
ريم:لابس الإجازه قربت نتتهي وشايله هم الدراسه
سعود:يالله من دحين يابنت خليها ع الله
ريم تبتسم من ورى جروح
سعود:طيب يلا قومي سويلي من الكابيتشينو تبعك
ريم تبتسم:اشمعنى تبعي؟
سعود:يعجبني تبعك.يابنت يلا اتحركي روحي سويلي
ريم تبتسم وتنزل المطبخ
سعود يطالع في الدبدوب الأحمر الي ارسله رجوان لريم ويبتسم
سعود يكلم نفسه:يابختك في مين يحبك؟؟
سامحيني لأني فرقتكم عن بعض
مااتمنيت تحسي بالي حسيته مع ميرا
الله يرحمك ياميرا
المغرب
في غرفة ريم
ريم منسدحه على السرير وحاضنه الدبدوب
وقدام المرايا رولا بتسشور شعرها
وعلى الكنبه نوف ماسكه عادل تنومه
رولا:ريم ماراح تقومي تسوي شعرك ترا المغرب ماعاد في وقت
نوف ورولا يطالعو في ريم
رولا:رييييم
ريم تستوعب:هاه
رولا:ولا معايا..بقول ماراح تسوي شعرك العن ابليسك مابقى وقت
ريم:البس واسشوره واطلع اصلا انا مالي نفس لهذ ي الطلعه
نوف:الله ريم تقول مالي نفس لهذي الطلعه لالا مو معقول
ريم:بقول من اليوم ورايح
رولا ونوف مستغربين
نوف:فيكي شي؟
ريم بكل جديه:لأ
رولا تكلم سيشوار شعرها ونوف تهز عادل عشان ينام وريم ترجع تنسدح وتحضن الدبدوب
ريم تكلم نفسها:لازم مايحسو بشي ولا زم مابين لهم اني حزناناه ومتضايقه وياليت اكتم في نفسي ومااقول لأحد على همومي انا اصلا مارتاح الا لما اشكي لرجوان وانا في حضنه وانا بعده لمين اشكي؟؟
رولا:انا خلصت سيشوار بروح البس
نوف:البسي وتعالي خذي ولدك
رولا:خلاص البس واجي
ريم تقوم تسشور شعرها
نوف:اي فستان راح تلبسي؟
ريم:الموف
نوف:اها
ريم:وانتي؟
نوف:الذهبي
رولا وهيا بتلبس:انا حاسه اني تخنانه بعد الولاده مدري بيدخل الفستان عليا ولا لأ
ريم:لا مو تخنانه مره اكيد بيدخل
رولا تلبس وتبتسم:لا دخل يعني ماتخنت كثير يعني مازن مابيشرد مني
البنات:هههههههههه
رولا تاخذ عادل من نوف وتروح نوف تلبس
نوف تلبس الفستان:ريم سكريلي السحاب
ريم تسشور شعرها وسرحانه
نوف:رريييييم
ريم تسكر السيشوار:هاه
نوف:ريم خليكي معانا
ريم:هااا طيب
نوف:سكريلي السحاب
ريم تسكر السحاب لنوف وتكمل سيشوار شعرها
في القاعه
نوف كانت لابسه فستان ذهبي ومن الوسط شريطه لونها سكري
ولبست شوز واكسسوار ذهبي لفلفت شعرها ونفخته من الوسط ونزلت غرتها بالإسبريه
وشنطه ذهبيه ولبست عدسات رمادي ومكياجها كان ناعم رسمت عيونها بالكحل الأسود وشادو درجات البيج والبني الخفيف
ورولا لبست فستان اصفر استرتش لين الصدر بس من غير رقبه وماسك عليها والين الفخذ ومن الصدر بروش فضي
سشورت شعرها وتركته على كتفها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك