رواية احتاج لك اذا ضيق الوقت صدري -68
في القاعه
نوف كانت لابسه فستان ذهبي ومن الوسط شريطه لونها سكري
ولبست شوز واكسسوار ذهبي لفلفت شعرها ونفخته من الوسط ونزلت غرتها بالإسبريه
وشنطه ذهبيه ولبست عدسات رمادي ومكياجها كان ناعم رسمت عيونها بالكحل الأسود وشادو درجات البيج والبني الخفيف
ورولا لبست فستان اصفر استرتش لين الصدر بس من غير رقبه وماسك عليها والين الفخذ ومن الصدر بروش فضي
سشورت شعرها وتركته على كتفها
لبست اكسسوار فضي وشوز فضي وشنطه فضيه
حطت روج وردي ورسمت عيونها بالكحل الأسود
وكان عادل لابس بدله لونها لولي
اما ريم لبست فستان لين الفخذ
من قماش حرير لونه موف غامق
مفتوح لآخر الظهر ونازله من الرقبه لآخر الظهر سلسله بلون الوردي
ومن قدام كان عادي وماسك
لبست شوز واكسسوار وشنطه باللون الوردي
حطت رودج وردي
سشورت شعرها وزلت غرتها ونزلت خصل على وجهها
ريم:كلهم حريم
نوف:انتي حاضرة زواج يعني تبغيهم كلهم بنات
ريم ورولا ونوف:ههههههههه
رولا:شكلي غلط وانا عادل بيدي
نوف:يوووه وخري عنا
ريم ورولا ونوف:ههههههههه
ريم:وانتي كمان يانوف وخري انتي وكرشك
نوف تضرب ريم على كتفها:انا لسه بالأول وماطلعتلي كرش
ريم ونوف ورولا:ههههههههه
ريم:شوفو لمار هناك
ريم تأشر للمار ولمار تأشر لريم
يروحو البنات عند طاوله لمار
ريم ورولا ونوف:سلام
تالا ولمار وخالدين واسرار وراجين:وعليكم السلام اتفضلو
يجلسو البنات وتجلس ريم جمب لمار
لمار تكلم ريم بصوت واطي:تالا وخالدين مايدرو اني قلت لك لا تقوليلهم على موضوع رجوان
ريم"آآآه جبتيها ع الجرح":والي يخليكي ماتجيبي سيرة رجوان تاني انا ماصدقت اطلع وافك عن نفسي شويه
انا مليت من حالتي دخيلك خليني ارفه عن نفسي
لمار:اوكي بس حبيت اقولك
ريم:انشاء الله
خالدين:ايش عندكم تتوشوشو؟
ريم:كلام بنات
خالدين:يعني اانا الولد بينكم
البنات:ههههههههههه
اسرار:يالله بنات من زمان عن جمعاتكم احس اني فقدتكم
راجين:انا كل يوم في بيتكم مايحتاج تقولي كذا
اسرار:ومين قال اني بتكلم عنك
البنات يضحكو:كشمه ههههههههههه
راجين تضحك:وجع ماتستحو
لمار:تصدقو بنات مااعرف ارقص على دق طيران لازم ديجي
ريم:العريس مطوع يابنت
اسرار:وإذا يعني على نفسو انا كيف ارقص دحين
البنات:هههههههههههههه
ريم تبتسم ابتسامة مجامله
لأن عقلها وقلبها وروحهها مع رجوان مو معاهم
جمانا تجي عند ريم:ريم
ريم سرحانه
جمانا:يابنت فين وصلتي ارحمي نفسك
ريم تستوعب
البنات يضحكو
ريم:هاه
جمانا:اقول صباح الخير
ريم حست بإحراج
البنات:ههههههههه
جمانا:كيفك يابنت؟
ريم:تمام الحمد لله وانتي؟
جمانا:بخير
ريم:كيفك سميه؟
سميه:بخير الله يسلمك
جمانا:يالله عقبالك
ريم نزلت راسها وابتسمت ابتسامة خجل
سميه:عقبالكم كلكم بنات
البنات:آمين ههههههههههههههه
جات اغنية خليلوه
جمانا:الله يسعدك ريم قومي معايا نرقص
ريم :لالا معليش مافيني
البنات استغربو من ريم لأن ريم اول مره تقول مافيها للرقص
البنات:مو معقول
لمار:ريم ماتبغى ترقص؟
ريم:الزمن يسوي كل شي
اسرار:محسستني انك وحده محطمه
ريم:ومين قال اني غير كذا؟
نوف تدق ريم بكوعها
البنات بصوت واحد:ريم ريم ريم ريم ريم
ريم:بنات اسكتو
راجين:ماراح نسكت لين تقومي ترقصي
البنات يصفقو ويصفرو
ريم تبتسم ابتسامه مجامله وتقوم ترقص
البنات يصرخو
ريم:وربي مجانين مو صاحيين البنات
جمانا تضحك
ع البحر
سعود كان يتمشى مع ساري
ساري:يابو الشباب ارحمني من زمان وانا قلت لك كلم اختك على موضوع البنت
سعود:والله كل مره يصير شي بس ماعليك انشاء الله اليوم
ساري:ترا انا موقادر اصبر
سعود يبتسم:لااصبر وعناد فيك ماني قايلها عشان تتأخر في الزواجه
ساري:امها ياشيخ من نذاله
ساري وسعود:هههههههههههههه
سعود يلمح بنت من بعيد لابسه عبايه ولافه طرحتها وتمشي لوحدها وشكلها حزين
لفتت نظر سعود وصار يطالع فيها
ساري:المهم تقولها اليوم لأني من جد مستعجل البنت مره دخلت مزاجي
حتى يوم عيد ميلادك ماادري ايش منعني وماخلاني اكلمها
ساري ينتبه ان سعود مو معاه مع البنت
ساري يبتسم:الله الله عشقنا ..حب من اول نظره
ساري يضحك
سعود كان يطالع في البنت نظرات تعجب ونظرات استفهاميه ونظرات حيره ونظرات غريبه مالها تفسير
سعود يطالع في البنت:اسكت اسكت
ساري:لهالدرجه عشقتها
سعود يقرب من البنت
البنت تشوف سعود جاي عليها تبعد عنه وتمشي خطوات اسرع عشان تبعد عن سعود
سعود:لحظة استني
البنت تمشي بخطوات اسرع لين اختفت عن عيون سعود وساري
سعود:ليش ليش؟
ساري استغرب:سعود ايش فيك ؟انت تعرفها؟
سعود:سبحان الله يخلق من الشبه اربعين
شبه فظيع ياساري انا مو مصدق انا احس انها هيا شخصيا مو شبها بس الله يرحمها
ساري:مين هيا؟
سعود:ميرا الي كانت خطيبتي
ساري:اها
سعود:سبحان الله نفس الجسم نفس الملامح نفس النظرات نفس المشيه نفس لفة الطرحه سبحان الله
ساري:سبحان الله
سعود مازال يفكر في البنت الي تشبه ميرا
سعود:كان نفسي اقرب منها اكثر واشوفها يمكن احس انها ميرا واشوفها ميرا ومااحس بإني فقدتها
ساري:الله يرحمها
وقت الزفه
صبا انزفت لوحدها بدون تركي
صبا كانت لابسه فستان احمر وبلمسات ذهبيه
انزفت على موسيقى رايقه واول ماوصلت على الكوشه اشتغلت اغنيه تامر قرب كمان
ريم اول ماسمعت الأغنيه افتكرت يوم كانت في الشاليه مع رجوان ورقصت معاه سلو
على نفس هذي الأغنيه
ريم ماقدرت تستحمل
ريم صارت تبكي
البنات:ريم ايش فيكي؟
ريم تبكي بصوت عالي لدرجه ان صوتها كان اعلى من الأغنيه
البنات خافو عليها
لمار:ريم حياتي ايش فيكي؟
نوف:لاتخوفيني عليكي فيكي شي
رولا:حبيبتي ريم بإيش حاسه؟
ريم:حاسه بإحساس الندم حاسه بفقد روحي
لمار تحضن ريم:حياتي مو وقته خلاص اهدي
ريم:مااقدر مااقدر
ريم تجري وتروح للحمامات
تجي وراها لمار ونوف ورولا
ريم توقف عند المغسله وتبكي بصوت عالي وكان الصدى واضح في الحمام
لمار تحضن ريم:خلاص حياتي خلاص ياروحي
ريم:احساس الندم صعب صعب مره
نوف ورولا يطالعو في بعض
لمار:الي راح راح ياعمري
لمار تمسح دموع ريم:خلاص حبيبتي دموعك والندم ماراح يرجعو شي
ريم:بس كان ممكن يكون معايا دحين لو ماسويت الي سويته
نوف:خلاص ياريم لا تتعبي نفسك زياده شوفي حالك كيف صاير؟
رولا:حرام الي تسويه في نفسك؟؟
ريم:آخ لو تحسو فيني شويه بس وتحسو بالندم الي حاسه فيه
انا بيدي ضيعت حب كبير عشناه سوا انا ورجوان
ضيعت بيدي حياتي
هدمتها
محيتها
دمرتها
مااعطيته فرصه يدافع فيها عن نفسه ولما قالي الحقيقه كذبته
قلت له كلام ماينقال
زعلته مني
خليته يهرب ويتركني
لمار تمسح على شعر ريم:بيرجع صدقيني بيرجع مابيتركك لوحدك
ريم:ياريت يرجع من راح وانا روحي راحت معاه
نوف ورولا:ماشفنا الزفه
لمار تبتسم:شوفة ريم تسوى الدنيا ومافيها
ريم تمسح دموعها
ريم:مهما صار مافي شي بيعوضني عنه
انا محتاجه حضنه محتاجه انه يحضني يطمني يحسسني بالحب
بنات ماتتصورو جرح موت ميرا واثره فيني
ورب الكون نسيته وانا مع رجوان
بس بعد ماراح رجوان كل الجروح زادت فيني
لو كانت ميرا هنا ماكنت حسيت بكبر الجرح
نوف ورولا ولمار:الله يرحمها
ريم:ليش كل مااحب احد واتعلق فيه يبعد عني
ليش كل افرح ينقلب ضدي
لمار:ياروحي خلاص اهدي كذا وروقي ولا تفكر في شي
نوف تمسح دموع ريم:شوفي مكياجك خرب
رولا:والحكل ساح ونزل وخرب اللوك تبعك
رولا تعطي عادل لريم:امسكي امسكي عدول
رولا تفتح شنطتها وتحط كحل لريم
البارت الـ 40
الساعه4:00الفجر في سيارة سعود
ريم كانت مسدحه الكنبه شويه ومنسدحه عليها وكانت تطالع الشباك وسرحانه وملامحها ملاح حزن
"سعود يطالع في ريم"
سعود بعد تردد:اقول ريم
ريم تلتف يسارها وتطالع في سعود وبنبرة حزن:هاه
سعود:متى مره طلعتي على ستار بوكس وكان هناك ساري
ريم تفتكر:مادري
سعود:لأ افتكري
ريم تفتكر:ايوا ايوا افتكرت ليش؟
سعود:مين كان معاكي؟
ريم:بنات كثير لمار وراجين واسرار وتالا وجمانا وسميه بس ليش؟
سعود:بقولك موضوع عن وحده منهم ماادري مين بس يمكن تعرفيها
ريم حست بالموضوع :عن ساري؟
سعود يطالع في ريم:ايوا
ريم:خلاص عرفت
سعود:ليش انتي حسيتي بشي من ناحيتهم
ريم:باين عليهم
سعود يبتسم:طيب ساري كان يبغاكي تكلميها
ريم:تالا
سعود:ماادري عن اسمها بس هوا معجب فيها
ريم:طيب وبعدين معجب وبعدين
سعود:لا لايروح بالك بعيد الولد بيخطب
ريم تبتسم: من جد؟!؟ واخيرا الولد دا بيتزوج
سعود يبتسم:شفتي كيف
ريم:يعني اكلمها ؟ّ؟
سعود:ياريت لأنها مستعجل البنت لحست مخه
ريم تبتسم
ريم:عقبالك
سعود يطالع في ريم ويفتكر البنت الي شافها على البحر
سعود:اي والله صح..شفت شي اليوم وربي لو يقولولي هيا اصدق
ريم:مين؟
سعود يطالع في ريم:ميرا
ريم متعجبه:نعم؟!؟
سعود:شبه كبير كبير ماتتصوريه تشبهها وكأنها توأمها كأنها هيا
ريم:الله يرحمها ياسعود
سعود:وربي شكيت يعني سبحان الله مره تشبها شكيت انها تكون هيا
ريم:ياريت ياريت تكون عايشه ميرا وماماتت عشان انا ماعاد بقى لي احد في حياتي بعدها
سعود:رحت اكلمها هربت مني البنت ماادري ليش انا اغخوف يعني
ريم تضحك:خافت منك البنت
سعود يبتسم:تصدقي انا صرت اخوف
ريم:يامامي
ريم وسعود:هههههههههههه
في السياره
تركي:ايش رايك في هذي الليله ياأحلى عروسة بالدنيا
صبا وهيا منزله راسها وخجلانه وتبتسم
تركي:موناويه تردي عليا
صبا خجلانه
تركي يبتسم
صبا:تركي
تركي:هلا
صبا:بسألك سؤال بس تجاوبني بكل صراحه
تركي:انا لك
صبا:انت قررت تتزوجني لأنك تحبني ولا انتقام مني ولا انت لسه في ذيك السكه؟
تركي يبتسم:صبا حبيبتي الله لايعيد هذيك الأيام
صبا تبتسم:حبيبتي!!اول مره اسمعها منك مع اني احبك من زمان وانت تعرف هالشي
تركي:بفضل ارددها لين مااموت
صبا:سلامتك من الموت
تركي:شوفي ياستي..بعد موت راكان الله يرحمه انا مره اتغيرت وعرفت ربي والحمد لله عل كل حال والله الهادي
انا صحيح ماكنت احبك وكنت العب عليكي زيك زي اي بنت عرفتها واعوذ بالله من ذيك الأيام
بس صدقيني ياصبا بعد ما بعدتي عني حسيت بشي غريب ناحيتك
صرت اشتاقلك واحس بفقدك لين عرفت اني احبك
صبا تبتسم:يعني تحبني من جد
تركي يبتسم:في احد يشوفك ومايحبك...احبك يابنت الناس
صبا تبتسم
وتمر الأيام والأسابيع ومابقى على الدراسه غير اسبوعين
الحال نفس الحال
ريم تستنى اليوم الي بيرجع فيه رجوان
ورجوان يستنى اليوم الي يشوف فيه ريم
ريم ندمانه
ورجوان مسامح
عاشو سوا احلى ايامهم
عطرو حياتهم من عطر الحب
نسجو حبهم من العشق
ورسمو قدام عيونهم حياتهم سوا
شافو ان الحياه في بعدهم ماتنعاش
وكل واحد انفاس الثاني كيف بيعوشو بدون انفاس؟؟
رجوان عشق ريم مع انها كل يوم تكبر ظروفها ومشاكلها
كان يعشها اكثر لما تبكي عشان يمسح دموعها
كان يعشقها اكثر لما تزعل عشان يراضيها
كان يعشقها اكثر لما تكون مهمومه عشان يسعدها
كان يزيد عشقهم كل ثانيه
ويعيشو الحب بكل ثانيه وثانيه
ريم عشقت هوا رجوان وانفاسه قبل لاتعشقه شخصيا
حبته بكل مافيه
حست معاه الإحساس الي اتمنته طول حياتها
شافته الإنسان الي عاشت سنينها تدور عليه وتستناه
شافته الإنسان الي غير حياتها شافته فارس احلامها
نسيت معاه همها وحزنها
نسيت معاه كل دنيتها
وهيا معاه تحس بالأمان الي عاشت حياتها ماحست فيه الا مع رجوان
وهيا معاه بتحس انها ملكت بين يدها اجمل رجال العالم
تحضنه وتشم في صدره ريحة الحب والعشق
تلمس يده ويحرك فيها مشاعرها
تشكيله همها وكان يحسسها بإبتسامته بالراحه
مهما كانت الظروف
كان حبهم اقوى من كل شي
ريم ورجوان عشقو بعض في ظروف تمنعهم من بعض بس مامنعهم من انهم يعشقو بعض
حلم جمعهم سوا
واتحقق الحلم
واجتمع قلبين ع الهوا وصار قلب واحد
صارو روحين بجسد واحد
صارو للحب عنوان
بس الزمن غدار يقدر يفرق قلبين ويفرق حبيبين
كل واحد راح في حاله والسبب سوؤ فهم
ريم فهمت رجوان غلط لما شافته مع كريستينا وغلطت غلطه اكبر منها هيا انها مااعطت رجوان فرصه انه يدافع عن نفسه
ورجوان كمان غلط مولأنه كان مع كريستينا لأ؟!لأنه قرر انه يبعد عن ريم لما ريم صدت عنه وقالت عنه خاين
ولأنه زعل من ريم ومن الكلام الي قالته عليه
لأنهم اثنينهم عنيدين ريم حكمت على رجوان انه خاين من غير ماتسمعه ورجوان قرر انه يبعد عن ريم وبسرعه من غير مايقولها الحقيقه
من عنادهم خسرو كل شي في حياتهم
خسرو الحب الي عاشوه سوا
وخسرو الأيام الحلوا الي عاشوها سوا
وخسرو كل كلمه حب اتنطقت بإسمهم
خسرو كل شي
لكن هل بيعوضو الخساره الي خسروها؟؟ولابيخسرو اكثر؟؟
في بيت ابو سعود الساعه 3:0 الفجر
ريم في البلكونه تكلم نفسها:آآآه يارجوان لو بس اسمع صوتك عودتني انام على صوتك وانا بعدك ماذقت النوم
ابغى ارتاح ابغى احس بالراحه ماابغى احس بالقلق والندم والحيره
ارجع حبيبي ..ارجع وريحني ..طمني..حسسني بوجودك..لاتعذبني
طيب لو ليله بس ليله خليني اسمع صوتك وانام
ابغى ارتاااااااااااااح
ريحني عساك تكون مرتاح
//
ما هو من حقي أطلبـــك
ما هو من حقي أزعجـك
لأنك الغـــالي ولا غيــرك أحــــد
لأنك اللي لا ذكرتــه
غصـــب همـــي يبتعـــــــــد
-----
بس !! من حقــي
أحـــــبــــــــــــــك .. وأحتـــريك
بس !! من حقــي
أكتـــب الأشـعـــــــار فيــــــــــك
-----
ودي .. مــا ترحـــــــــل أبـــــــد
قلــــــــبي بعـــــدك ما صــــــمد
وربي .. إنــي مجتــهــــــــــــــد
حتــــى فــــي جــوك تـــــــــــرد
-----
وأطلــــــب القـــــــلب الحنـــــون
ما تضـــيعـــــه الظنـــــــــــــــون
ولا يهمـــه دمعتـــــين
بالعيـــــــــــــــــــــــــــــــــون
-----
بس !! أبيــــــــــــــــــه لا جلس
فــي جـــــــــــــــو هــــــــــــادي
يــرفـــــــــع أغلـــــــى راس
ولـــــروحـــــي ينــــــــــــــــادي
وإذا شــــاف القـمــــر
كـــــــــــــامــل وبـــــــــــــــادي
يــــــــدري .. إنـــي حـــالــــتي
مثــــــــــــــــلــه وأنـــــــــــادي
-----
بس !! أبيــــــــــه
يذكــــر إزعـــــــاجي وعنادي
ويذكــــر إنــي ما نســـيتــه
ولـــو قســـى حتــى ونســـى
وإن دمــعـــي من فقـــــدتــه
ما امتنـــــع عنــــه وعصى
-----
ويـــدري إنــه فـــــــــــدوته
كــــــــــــــــل الــلــــي
حصـــــــــل بيــني وبــينــــه
//
في استراليا
رجوان جالس على الكرسي الهزاز وكان لابس بنطلون جينز ومولابس بلوزه
وكان ماسك بيده كوب قهوه
رجوان يكلم نفسه:آآآآه ياريم لو بس اسمع صوتك ..عودتيني انام على صوتك وانا بعدك ماذقت طعم النوم
حاس بتعب وقلق وابغى ارتاح
اخاف اكون غلطان يوم اني قررت ابعد عنك
بس انتي جرحتيني بكلامك
انا وجه نحس عليكي؟انا من يوم ماشفتيني والمصايب تنزل عليكي؟؟
انامسامحك حبيبتي مسامحك
وانت حبيبتي وانا ماازعل منك
بس خايف عليكي من نار الخيانه تحرقك
انا ماخنتك..ياريت اقدر اقولها لك بنفسي واكون قدامك
ياريت ماتعرفي بالحقيقه وانا بعيد عنك عشان ماتندمي
الله لايوريكي الندم ياروحي
خايف تتعذبني اكثر
ياريت تنسيني وتمحيني من ذكرياتك عشان ترتاحي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك