رواية احتاج لك اذا ضيق الوقت صدري -69
اخاف اكون غلطان يوم اني قررت ابعد عنك
بس انتي جرحتيني بكلامك
انا وجه نحس عليكي؟انا من يوم ماشفتيني والمصايب تنزل عليكي؟؟
انامسامحك حبيبتي مسامحك
وانت حبيبتي وانا ماازعل منك
بس خايف عليكي من نار الخيانه تحرقك
انا ماخنتك..ياريت اقدر اقولها لك بنفسي واكون قدامك
ياريت ماتعرفي بالحقيقه وانا بعيد عنك عشان ماتندمي
الله لايوريكي الندم ياروحي
خايف تتعذبني اكثر
ياريت تنسيني وتمحيني من ذكرياتك عشان ترتاحي
//
أنساك..؟!؟ انت جنيت؟!؟ آسف حبيبي مااقدر انساك
كيف انساك وانت انفاسي ..اهلي وكل ناسي
كيف انسى الدفى والعشق والهوا
تبيني انسى عمري الي عشته معاك؟تبيني انسى انفاسك ولهيبك؟؟
انت جنيت؟؟!؟
كيف انسى حضنك الي دفى بردي وكيف انسى نارك الي سهرتني ليالي
يااحلى ما لمست يدي واحلى حضن حضنه صدري ونمت فيه
يااغلى شي بحياتي وبكوني ياعلم من احساسي
يانصفي التاني ياقطعه مني
انت جنيت؟؟!!؟
جنونك قطع انفاسي ..جنونك طلع الروح..جنونك نساني مين انا ومين اهلي وناسي.. جنونك يصرخ فيني ينوح
معقول انسى ليالي سهرتها معاك
معقول تبيني انسى عمري الي عشته معاك
تبيني انسى حلم حياتي
تبيني انساك يااغلى من حياتي
بالله عليك تقولي كيف؟؟كيف اقدر على هالجريمه
حبيبي انت جنيت؟؟
//
ريم:لو انسى نفسي مين انا وفين مانساك يارجوان
انت نصفي التاني..انت كلي
انت كل ذكرى حلوه في حياتي
صعب ..صعب يارجوان انساك والله صعب
رجوان:جربي حياتي جربي تنسيني ومااخطر على بالك يمكن ترتاحي
مااحب اشوفك قلقانه ومشغول بالك
روقي وريحي بالك ياعمري انا حبيتك كذا واحب اشوفك كذا
عسى الله يهنيكي وتلقي مين يسعدك غيري
الأيام جايه لاتخافي..بتلقي الإنسان الي يسعدك والي يحبك
الي يوفي بوعده!؟
الي زيك ينحب بسرعه انتي لو كل الناس تعرفك كان كلهم طاحو في عشقك
رجوان يبتسم:فاكره يوم ما ماتت صاحبت ميرا وجيتيني
ريم تبتسم:وهذا يوم يتنسي انا ماادري كيف سويتها
بس سويتها؟!؟
سويتها لأني كنت حاسه ان بقلى عندك الأمان والراحة
وفعلا لقيتهم
ونسيتني جرحي الي كان ممكن ينهي حياتي وكان انا دحين تحت التراب
ريم تبتسم:طيب فاكر يوم جيتني عند البيت ونزلت لك عند الباب
رجوان يبتسم:ماادري كيف سويتها؟
بس سويتها؟؟!؟
سويتها لأني كنت خايف عليكي
وقتها كنت راقد بالمستشفى طلعت منها وتركت كل شي عشانك ياروحي
كنت خايف لا تكوني زعلانه ومتضايقه
كنت خايف تكون دمعاتك على خدك ومين يمسحها لكي؟
كنت خايف من صرخات يدك تدور لمسة يدي
ياحياتي ادري مالك غيري
ايش بتسوي بعدي؟؟راح تشكي لمين ؟؟مين راح يمسح دمعاتك؟؟
انا خايف وقلقان عليكي مره
راح تكوني بخير بعدي؟؟
ريم تبكي:ليش ماسألت نفسك هذي الأسئله قبل لاتروح وتبعد عني
انت مافكرت فيني ولافكرت بالجرح الي تركته فيني
انا اتعذبت في حبك كثير
اتعذبت كثير يارجوان
اتألمت لما عرفت اني بكون لغيرك وراح ابعدك عنك اتألمت كثير
وأتألمت كثير لما انتهت حياتي معاك كان يوم زواجي على ماهر
وانجرحت لما شفتك تخوني
ونزف جرحي لما ندمت
ندمت لأني خوّنتك وخليتك تبعد عني
بس انت اتسرعت..اتسرعت وقررت تبعد عني فجأة
رجوان:ادري غلطان بس الي صار صار
ومااقدر ارجع تاني خلاص انا بعيش هنا
واوعدك بس هالمره وعد من جد وبوفي بوعدي صدقيني بخلص لك طول حياتي وماراح احب غيرك
او ممكن تشاركني حياتي اي وحده بعدك
ادري الخيانه موسهله وتركتك تنزفي وبعدت عنك
بس صدقيني لوعرفتي الحقيقه وانا بعيد عنك بتتعبي اكثر
احنا حبنا ماانتهى حبنا كل يوم بيكبر اكثر واكثر حتى لو قلتي عني خاين
انااعرف قلبك
قلبك مافيه زيه بالوجود ربي خلق قلبك وماخلق قلب زيه
ادري لسه تحبيني رغم الجرح الي تركته ينزف فيكي
ريم:ماتتصور قد ايش احبك مهما صار بيننا
ومستحيل انساك او اتخلى عن حبك
نفسي اصرخ واقول لكل الناس اني اعشقك
بس ارجعلي ..ارجعلي حبيبي انا محتاجتلك كثير في حياتي محتاجه اترمي على صدرك واشكيك همي
محتاجه المس يدك محتاجه تخاطب عيوني عيونك
محتاجه نبضات قلبك تحيي قلبي
ومحتاجه دمك يجري بعروقي
محتاجتك تحييني من جديد
رجوان:آسف حبيبتي مااقدر ارجع
سامحيني حبيبتي سامحيني ياعمري كلللله
ريم تبكي
الظهر في بيت بدر
نوف تتصل في جوال بدر
نوف:الو
بدر:هلا حبيبتي
نوف:حبيبي انت في العمل؟
بدر بتردد:ايوا ايوا
بدر كان في بيت اهله بس ماقال لنوف
نوف:طيب حبيبي معليش اليوم تعبانه مافيني اطبخ جيب معاك غدا
بدر:انشاء الله حبيبتي
نوف:يلا بروح انام تعبانه مدري ايش فيني
بدر:سلامتك حياتي تبغى تروحي المستشفى
نوف:لالا مايحتاج بس نومه وبكون بخير
بدر:انشاء الله
نوف:يلا مع السلامه
بدر:مع السلامه
ام بدر:هذي نوف؟
بدر:ايوا
ام بدر تبتسم:ياروحي ابغى اشوفها وهيا حامل في حفيدي
بدر يبتسم:لسه بالشهر الأول
ام بدر:الله يحفظو لكم
بدر:آمين
مروان:والله جو لندن حلو احنا ايش جابنا هنا
بدر:عجبك جو لندن ولابنات لندن
مروان :اخويا وتعرف مقصدي
ام بدر:ماترك بنت الا وماشبك معاها مجنن البنات هناك
بدر:اخويا
في غرفة ريم
ريم تقوم من النوم وتروح الحمام تتحمم وهيا طالعه من الحمام تقابل سعود
سعود يبتسم:صباح الخير
ريم تبتسم:صباح الخير
ريم تروح غرفتها وتمشط شعرها
سعود ينزل للصاله:صباح الخير
ام سعود وابو سعود:صباح الخير
سعود:ابويا مو رايح العمل؟
ابو سعود:والله حاسس بتعب مافيني
سعود:طيب سلامتك
ابو سعود:الله يسلمك
سعود:طيب عن اذنكم انا طالع
ام سعود:فين؟
سعود:مع ساري ع البحر
ريم تنزل وتطالع في ساعتها:في هذا الوقت الساعه 10:00
سعود:احلى شي البحر قبل الظهر
ام سعود:الله معاك حبيبي
ريم:انت ماتفتر
سعود :فتّر الله ابليسك افتري انتي وبطلي حسد
سعود يضرب ريم على راسها
ريم:آآآي ماما شوفي ولدك
ام سعود تبتسم:تعالي حبيبتي ماعليكي منه
ريم تمد لسانها على سعود وتروح تجلس جمب امها
سعود:مع السلامه
الكل:مع السلامه
ريم تنسدح على الكنبه وتحط راسها على فخذ امها
ليان تجي:نيمو حبيبي
ريم :ياروح نيمو انتي تعالي
ليان تقرب من ريم
ريم تبوس ليان في خدها
ليان:تعالي معايا
ريم:فين؟
ليان:برا في الحوش نلعب
الله يخليكي الله يخليكي الله يخليكي
ريم تبتسم:مااقدر ارفض لك طلب ياروحي انتي
ليان بفرح:هييييه
ريم تقوم وتاخذ ليان وتروح برا الحوش من خلف البيت
ريم تجلس على المرجيحه
ليان تجيب الكوره وترميها على ريم
ليان:نيم نيم انا اعطيكي الكورة وانتي اعطيني هيا
ريم تبتسم:اوكي
ليان تعطي ريم الكوره وريم تعطي ليان الكوره
يرن جوال ريم المتصله لمار
ريم:الو
لمار:سلام
ريم:وعليكم السلام
لمار:كيفك ايش مسويه ايش اخبارك ؟
ريم:تمام وانتي؟
لمار:بخير الحمد لله اسمعي
ريم:هاه
لمار:تعالي عندي اليوم
ريم:كل مره انا اجي عندك تعالي انتي هذي المره
لمار:معليش خليها مره تانيه تعالي انتي اليوم والمره الجايه انا بجي
ريم تبتسم:ماشي لعيونك بس
لمار تبتسم:تسلملي عيونك حبيبتي
ريم تدخل البيت:ماما ماما
ام ريم:نعم
ريم:بروح اليوم بيت لمار اوكي
ام ريم:ايش عندك؟
ريم:بس كذا البنت دوبها اتصلت وقالت لي تعالي
ام ريم:متى بتروحي
ريم:العصر
ام ريم:طيب خلاص بس لاتتأخري
ريم:اوكي
ع البحر
ساري:يعني انت ساحبني معاك السحبه هذي وجايبنتي البحر بهذا الوقت عشان تبغى تشوف هذيك البنت
طيب افرض ماجات
سعود:انا حاسس انها بتجي وبنفس المكان الي شفتها فيه
ساري:طيب يا ابو الأحساس لنا اكثر من ساعه بنستنى وبعدين مين دا المجنون الي بجي البحر بهذا الوقت شمس يابن الناس
سعود:بالعكس الجو مغيم والهوا بارد ويجنن وشوف الناس كلهم ع البحر مع ذا الجو الحلو
ساري:الله يصبرني
سعود:آمين
ساري يبتسم
سعود يلتفت حوله يدور البنت الي تشبه ميرا ومايلقاها
سعود يكلم نفسه:لازم القاها لازم القاها
بكلمها هذي المره لازم اشوفها
في بيت لمار
يرن جوال لمار
لمار تشوف المتصل وتبتسم
لمار:الو
ماهر:سلام
لمار:وعليكم السلام
ماهر:كيفك اليوم؟
لمار:الحمد لله تمام وانت؟
ماهر:بخير دامك بخير
لمار تبتسم
ماهر:لمار ممكن افتح معاكي موضوع شويه جاد
لمار:اوكي عادي
ماهر: اوكي ..انا بدخل في الموضوع على طول
لمار:اها
ماهر:لمار انا..انا
انا بجي لأهلك واخطبك انتي موافقه؟
لمار تعض على شفايفها من الخجل
ماهر:موافقه ؟؟برجع اسألك الف مره
سبق وقلت لك قبل كذا بس فكرت صح؟؟ايش قلتي؟
لمار:ماهر انا مادري ايش هوا احساسي ناحيتك
بس كل الي اعرفه اني اني اني ابغى اكون معاك وبس
ماهر يبتسم:يعني موافقه؟؟خلاص اتقدم لأهلك ولا لأ؟
لمار تعض على شفايفها من الخجل:اوكي
ماهر يبتسم:اوكي
ماهر بعد صمت:تتوقعي رجوان راح يوافق ؟؟
لمار:رجوان؟!؟رجوان فينه ياحسره رجوان رحل ولن يعود
ماهر:ليش؟
لمار:من يوم زواجك على ريم وهوا ضب اغراضه وسافر استراليا يشتغل هناك على طول
ومافي اي فرصه تخليه يرجع تاني هنا
ماهر:معقول
لمار:شفت ايش سويت؟؟
ماهر:احس اني ارتكبت جريمه بفضل طول حياتي اعاقب نفسي عليها
لمار:مومهم انك تتعاقب عليها المهم انك حسيت فيها
ماهر:حسيت ..حسيت فيها سامحيني لأني حرمتك من اخوكي
لمار نزلت دمعتها بس مابينت لماهر:لا ماعليك لاتاخذ في خاطرك
..اقول ماهر اكلمك تاني اوكي
ماهر:اوكي
لمار سكرت الخط وجلست تبكي
ماهر يكلم نفسه:معقولا الي صار يعني ريم دحين ...وسكت ماهر
انا دمرت حياتهم كانو عايشين بسلام بس جيت انا وخربت عليهم الجو
ماهر ياخذ الجوال ويتصل
ريم تشوف جوالها المتصل ماهر وكانت تشرب قهوه وشرقت
ام ريم:بسم الله عليكي
ريم تكح
ام ريم:يابنت ايش فيكي بسم الله
ريم تشوف الجوال:لا خلاص الحمد لله
يفصل الخط
ويرجع ماهر يدق مره تانيه
ريم تطلع الحوش
ريم بعد تردد تفتح الخط بس ماتتكلم
ماهر:السلام عليكم
ريم ساكته
ماهر:لاتفهميني غلط من اتصالي
انا اتصلت اعتذر
ريم:انت ماتبغى تبطل
ماهر:قلت لاتفهميني غلط
ريم:ايش تبغى مني اكثر من انك دمرت حياتي
ماهر:اناآسف ماكان قصدي ادمر لك حياتك انتي ورجوان
ريم بعصبيه:واهو رجوان راح وترك لك الدنيا ومافيها صفالك الجو
ماهر:ادري وادري انك تحبيه ياريم وادري انك تعاني بعده
عشان كذا اتصلت عشان اعتذر وتسامحيني
ادري غلطان وغلطتي كبيره
حاسس بالذنب والندم
ريم:حرام عليك هدمت حلمي الي عشت سنين ابنيه
الحلم الي اتمنيته طول حياتي
هيا امنيه وحده اتمنيتها تتحق في حياتي وانت دمرتها وحطمتها
ماهر:لك حق تعاتبيني ماراح الومك بس ارجوكي تسامحيني والله ماكنت اقصد الخبط لك حياتك
ريم:بعد ايش بعد مالخبطتها ودمرتها
انت انسان انت انت ماعندك قلب ولا تحس انت اناني ماتحب غير نفسك وبس
ماهر:كنت اعرف اني كنت ..بس كنت يعني شي راح وانتهى
ريم ادري انك تعشقي رجوان بجنون وادري انك تعاني دحين وانا السبب في شتاتكم
بس شي واحد ابغاه منك ..ابغاكي تسامحيني
سامحيني ياريم
ريم تدمع:ماني عارفه ايش اقول
ماهر:مولازم تقولي المهم تسامحيني بقلبك قبل لسانك
ريم انا حبيتك بس انتي ماحبيتيني بس اليوم لقيت الإنسانه الي تحبني واحبها
ريم:انت تنحب؟؟
ماهر:تصوري صارت
ريم:الدنيا حظوظ
ماهر:ابغاكي تعرفي اني انا موماهر الي عرفتيه انا من بعد ماحبيتها وانا صرت شي تاني
ريم:انت ماشي وتحب في بنات الناس
ماهر:لالالا هالمره من جد حب ودحين اتأكدت اني كنت معجب فيكي بس موحب
ريم:اخيرا عرفت واقتنعت اخيرا عرفت تفرق بين الحب والإعجاب بس بعد مادمرت كل شي
ماهر:المهم اني عرفت وانتي الي خليتيني كذا
ريم:ماادري اسامحك ولا لأ
ماهر:سامحيني ياريم
ريم:روح الله يسهلك ويوفقك مع حبيبتك
ماهر:يعني مسامحتني
ريم:روح ياماهر الله يهنيك في حياتك الله يسامحك ياشيخ
هذا شي مكتوب لي ورجوان مو مكتوب لي ولا انت مكتوب لي
انكتب لي اني اعيش لوحدي في دنيا غداره
ماهر:لاتقولي كذا الأيام جايه والدنيا دواره ايش دراكي يمكن ربي يجمعك مع رجوان
او يمكن تلقي الإنسان الي يسعدك ويفضل معاكي باقي حياتك
ريم:لنا الله
ماهر:المهم انك صفيتي قلبي ناحيتي
ريم:انا مااشيل على احد صحيح انت دمرتني بس انا قلبي مايشيل شي ابدا على احد يمكن هذي مشكلتي
مهما صار بيننا وعمري ماكرهت صحيح قلتها بس كان مجرد كلام
روح ياماهر لحبيبتك ولا تبعد عنها خليك جمبها حسسها بوجودك
روح الحقها واخطبها قبل لا يجي ولد الحرام ويطيرها منك
ماهر:قريب انشاء الله يالله ع الله انا سويت الي عليا
والله لايحرم الناس من طيبة قلبك
ع البحر
ساري:يوه يوه يوه الشمس ذبحتني
سعود يلمح بنت تمشي وهيا متكتفه يلمحها ويتأكد انها نفس البنت الي تشبه ميرا
سعود:جات شوفهاا ساري مو هذيك
ساري يشوفها:والله انا ماشفت خطيبتك
سعود يروح عند البنت البنت كانت معطيته ظهرها وتمشي لوحدها
سعود:لوسمحتي؟!؟
تلتفت البنت على سعود
سعود يشوفها ميرا كل شي فيها ميرا صار قلبه يدق بسرعه
سعود انصدم
سعود:ميرا
البنت:لا اخويا غلطان
البنت تعطي سعود ظهرها وتمشي
سعود تنح
ساري:سعود ..سعود..ياسعود
سعود:صوت ميرا والله صوت ميرا ساري انا بتجنن شبه فظيع بينهم
ساري:ناقص تقولي طلعت من قبرها ولا هذي روحها
سعود:انا مااكذب نفس ريحة عطرها ونفس صوتها ونفس العيون والشفايف والخدود
سبحان الله انا حاسس ان الي قدامي ميرا مو شبيهتها
ساري:سبحان الله..خلاص شفتها يلا نروح البيت عشان اانا حاسس اني صرت فروج مشوي
سعو:امشي ياشيخ عليتني الله يعل ابليسك
ساري يضحك
في بيت جمانا
جمانا تكلم نفسها:آآه يا نواف فينك؟؟ ليش اختفيت؟؟
خسارة فيك حبي انا ليش شاغله بالي بيك وانت ولا داري عني؟؟
انا لازم انساك خلاص انا تعبت احب واحد ماادري عنه
أما إني غبيه بشكل ليش افكر في واحد مجنون مايفكر فيني ولايسأل عني
ولا ادري عن ارضه
لازم انساه لازم
في بيت ابو سعود ع الغدا
سعود كل شويه يطالع في ريم
ريم لاحظت نظرات سعود المتكرره عليها
ريم تاكل وتطالع في سعود وسعود ياكل ويطالع في ريم
ام سعود لاحظت نظراتهم
ريم تقوم وتطالع في سعود:الحمد لله شبعت
سعود يطالع في ريم
ريم تروح الحمام
سعود يقوم:الحمد لله وانا كمان شبعت
سعود يقوم ويستنى ريم عند باب الحمام
ريم تطلع وتنفجع من سعود:بسم الله
سعود:مو وقته تنفجعي اسمعي اطلعي غرفتي وانا دحين بجيكي
ريم:خير
سعود:انتي اطلعي بغسل يدي واجي
ريم تطلع غرفة سعود
وسعود يغسل يده ويلحقها
سعود يدخل الغرفه
ريم:قلقتني
سعود:اجلسي اجلسي
ريم:شووو؟؟
سعود:ماراح تصدقي الي راح اقوله
ريم:لاتلعب بإعصابي
سعود:لو تشوفيها ماتقولي ماتت
ريم:مين الي مات سعود لا تجنني
سعود:ميرا ياريم
ريم متعجبه:ايش فيها؟
سعود:شفت وحدها تشبهها وكإنها ميرا صوتها ابتسامتها جسمها طريقة كلامها وحتى ريحة عطرها
ريم مستغربه
سعود:واللهي شكيت انها ماماتت من كثر الشبه
ريم:الله يرحمها
سعود يطالع في ريم:كل مااشوفها احس ان ميرا عايشه ماماتت ماادري ليش؟
ريم تفكر مع نفسها
سعود:ليش ساكته
ريم:ابغى اشوفها؟؟
سعود:دايما القاها ع البحر في مكان واحد تمشي فيه ماتغيره
ريم تفتكر يوم كانت تمشي هيا وميرا ع البحر كانو يحبو مكان واحد ودايما يمشو فيه
ريم:ع الممشى
سعود:ايوا
ريم تستغرب:معقول
سعود:ايش هوا الي معقول؟؟
ريم تطالع في سعود وسعود يطالع في ريم
ريم:لألألأ انا بس بتخيل..اسمع سعود انا لازم اشوفها بأقرب وقت
سعود:انا لسه شايفها الصبح ع البحر
ريم:تتوقع العصر بتجي
سعود:ليش لأ؟
البارت الـ 41
ريم تروح غرفتها وتسكر الباب وترتكز على الباب وتبكي:آآه يا
ميرا ياروحي انتي وحشتيني يااغلى شي بحياتي
ياريت القاكي تاني وترجعيلي موعارفه القاها منك ولا من رجوان
فقدت اغلى اثنين ملكتهم في حياتي
فقدت حبكم الي عيشني سنين كيف بعيش من دونكم لحظه؟؟
آآآه ياربي
لو اشوف هذي البنت الي تشبه ميرا بحضنها واكسر ضلوعها
الله يرحمك ياميرا "وتتنهد"ويرجعك ليا يارجوان
العصر ع الكورنيش
ريم وسعود ينزلو من السياره
ريم :فينها فينها؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك