رواية احتاج لك اذا ضيق الوقت صدري -70
البارت الـ 41
ريم تروح غرفتها وتسكر الباب وترتكز على الباب وتبكي:آآه يا
ميرا ياروحي انتي وحشتيني يااغلى شي بحياتي
ياريت القاكي تاني وترجعيلي موعارفه القاها منك ولا من رجوان
فقدت اغلى اثنين ملكتهم في حياتي
فقدت حبكم الي عيشني سنين كيف بعيش من دونكم لحظه؟؟
آآآه ياربي
لو اشوف هذي البنت الي تشبه ميرا بحضنها واكسر ضلوعها
الله يرحمك ياميرا "وتتنهد"ويرجعك ليا يارجوان
العصر ع الكورنيش
ريم وسعود ينزلو من السياره
ريم :فينها فينها؟؟
سعود:اصبري
ريم وسعود يلتفتو حوليهم
ريم تروح للمكان الي كانت دايما تمشي فيه هيا وميرا
تروح وتلقى بنت جالسه ومعطيتها ظهرها وتطالع في البحر
ريم تقرب من البنت وقلبها يرجف وتلتفت وراها وتطالع في سعود
ريم تقرب من البنت:ميرا
البنت تلتفت وتطالع في ريم بدهشه
ريم تدمع وتبتسم:ميرا
البنت توقف
ريم:ميرا
البنت تبعد عن ريم وتمشي بسرعه
ريم تبكي:لا تروح دخيلك لا تروحي
سعود يقرب من ريم:ريم ايش فيكي؟
ريم:ميرا ياسعود والله كنها ميرا هذا موشبه اكيد هذي ميرا
سعود:خلاص ريم الله يرحمها لا تخليني اندم اني وريتك البنت
ريم تبكي
سعود:يلا يلا خلينا نمشي
المغرب في بيت ماهر
ماهر يلبس شماغ وغتره ويتكشخ
يدق الباب
ماهر:ادخل
مهران مبتسم:الله الله ايش هالكشخه والريحه الحلوا
ماهر يبتسم:عريس
مهران:لو كل العرسان زيك كان ماتو البنات
ماهر ومهران:ههههههههههههه
مهران:دحين مااقدر اعاتبك انت كذا اخترت البنت الصح
ماهر :بس لسه حاسس بالذنب انا دمرت حياة ريم
مهران:ادري بإنك ارتكبت غلط كبير بس خلاص انسى ولا تفكر فيه لأنك مستحيل ترجع شي ماضي
ماهر يبتسم
مهران يبتسم ويضم اخوه:مبروك عليك حبيبتك
ماهر :الله يبارك فيك وعقبالك
في بيت لمار
في الصاله
قتيبه:الله والله وكبرو بناتك ياامي وانخطبو
ام قتيبه تبتسم:الله يوفقهم بس
قتيبه:ايش اسمو الي جاي يخطب لمار ترا انا ماادري عن الهرجه
خالدين تبتسم:ماهر
تالا :ولد خالة ريم
قتيبه منصدم:نعم؟؟!!؟
الكل يطالع في قتيبه بتعجب تالا وخالدين يطالعو في بعض
ابو قتيبه:تعرفه؟؟!؟
قتيبه:وله عين يجي ويخطب لمار
ام قتيبه:ليش ايش صار؟؟
قتيبه يطالع في البنات
خالدين وتالا فهمو قصده انه ماهر خطف لمار اول
والي مايعرفوه انه هوا الي ضرب رجوان اكثر من مره وانه هوا سبب سفر رجوان
قتيبه يتركهم ويطلع غرفة لمار
قتيبه يدق الباب
لمار:ادخل
قتيبه يدخل ويجلس جمب لمار:انتي عارفه مين الي جاي يخطبك؟
لمار تنزل راسها
قتيبه:جاوبيني؟؟
لمار تهز راسها
قتيبه:موافقه؟؟!!
لمار:ماادري
قتيبه:مستحيل ارضى ازوج اختي واحد خطاف بنات
لمار ترفع راسها وتطالع في قتيبه وعيوها تلمع
قتيبه:ونسونجي"وشدد عليها"..وانتي تدري بإنه كان متزوج ريم وحبها
وتدري كمان انه هوا سبب سفر رجوان
لمار تطالع في عيون قتيبه ونظراتها تترجى قتيبه انه يوافق
قتيبه:لمار انتي اختي وانا ادري بمصلحتك لو كنتي تبغيه قوليلي؟؟
لمار :مادري مادري
قتيبه:لمار رجوان لو عرف ترا ممكن يدبح ماهر
بقولك شي مافي احد يدري عنه غيري انا ورجوان وريم
لمار تطالع في قتيبه بتعجب:ايش؟
قتيبه:الي ضرب رجوان اكثر من مره هوا ماهر
لمار تشهق:معقول
ماهر:شفتي قد ايش هوا مايصلح وقد ايش هوا انسان دنيئ
انا قلت الي عندي وانتي براحتك بس انا حذرتك
لمار تهز راسها
قتيبه يطلع
لمار تكلم نفسها وتبكي وترمي نفسها على مخدها:ادري والله ادري انه شرير وعدواني بس احبه والله احبه ياناس
لاتحرمني منه ياقتيبه
في بيت ابو سعود عند الباب
ريم كانت تعبانه وسعود لاحظها
سعود:ريم انتي بخير؟
ريم تمسك راسها وكانت يالله تمشي:تمام تمام
ريم وسعود يدخلو البيت ويروحو الصاله
ريم تجلس على الكنبة وتنسدح
ام ريم:حبيبتي فيكي شي؟
ريم:لالا
سعود:باين عليكي تعبانه
ريم:لا مو تعبانه
ريم تشوف امها لابسه عبايتها
ريم:ماما فين رايحه؟؟
ام ريم:يوه نسيت اقولك رايحة مع خالتك نخطب لماهر
ريم تقوم تجلس:نعم
سعود:ماهر!؟!؟
ريم:مين؟
ام ريم:غريبه!لمار ماقالت لك
ريم:لمار!!؟لأ ماقالت لي
سعود:لمار صاحبتك؟
ريم:ايوا
ريم حست بإحباط وحزن بس ماكانت تدري ليش زعلت لما عرفت ان ماهر بيخطب لمار
ريم تمسك راسها
ريم تقوم وتوقف:آآه
سعود وام ريم:ريم؟؟!؟
ريم تمسك في ثوب سعود
سعود:ريم اوديكي المستشفى؟
ام سعود:امشي نوديها المستشفى ياسعود
ريم تطيح بالأرض ويمسكها سعود
في بيت ابو مازن
ام مازن:سلامتها ماتشوف شر انشاء الله تكون بخير الله يطمنك
ام سعود:معليش رنا سامحيني مااقدر اجي معاكم واتركها
ام مازن:لا عادي هذي بنتك انشاء الله تطلع بالسلامه بس
ام سعود:انشاء الله يالله اكلمك بعدين مع السلامه
ام مازن:مع السلامه
رولا وهيا ماسك ة عادل:ايش فيها ريم؟
ام مازن:طاحت عليهم
رولا ونوف:ياعمري
نوف:طيب كيفها دحين؟
ام مازن:لسه الدكتور ماطلع
رولا:يالله على هذي البنت ماصارت تهتم بنفسها دايما تعبانه
نوف:ياروحي بروح لها
رولا:اقول طقي هنا وامسكي عدول على مانجي من عند الناس
نوف:اوووف
ام مازن:بكرا لما بيجيكي ولد بنشفو ايش بتسوي
نوف ورولا يبتسمو
مازن:ها أمي يلا؟
ام مازن:يلا حبيبي
مازن:بنمر على خالتي ولا كيف؟
ام مازن:لا خالتك مو جايه بنتها في المستشفى طاحت عليهم
مازن:يالله!!؟ايش فيها هذي البنت كل شويه في المستشفى
ام مازن:الله يهديها مره متغيره
مازن:ماتشوف شر ..يلا امي يلا رولا ويقرب وجهه من وجه نوف ويحط اصباعه السبابه هلى خشمها:وانت انهطقي هنا وياويل اسمع صراخ ولدي
رولا وام مازن:ههههههههههههه
نوف تصرخ:الدادا شايفني
في غرفة لمار
لمار تبكي
تالا:لالا انشاء الله بيغير رايه قتيبه مايرضى على زعلك
خالدين:مااتوقعت انه شرير لهالدرجه
تالا:يالا عاد انتي كمان لا تشعلليها
لمار:ادري انه انسان اناني وشرير وعدواني ومصيبه وداهيه بس الي ماتدرو عنه اني احبه وهوا كمان يحبني
تالا:مادام تحبو بعض راح تكونو مع بعض
لمار:مو شرط شوفي ريم ورجوان"وصارت تشهق من البكى"
تالا بنبرة حزن وتطالع في خالدين:هذول حاله خاصه
لمار:انا حاسه اني بيصر لي زي ماصار لهم
خالدين:اهل العقول في راحه ..مين قالك تحبيه
تالا:ياروحي الحب يجي في اي لحظه آآه بس
خالدين:خليكي انتي في ساري هذا
تالا تبتسم
في المستشفى
ام سعود:ها دكتور طمني على بنتي
الدكتور:خير انشاء الله..بنتك مرضها نفسي لازم ترفه عن نفسها تغير جو لازم ماتزعل
ام سعود:بنتي مافيها شي مافي شي مضايقها
سعود يغير الموضوع:دكتور نقدر نشوفها؟
الدكتور:اتفضلو
سعود وام سعود يدخلو الغرفه
ام سعود:ريم
ريم كانت شبه نايمه
سعود يطالع في ريم
ريم ماكانت تدري عن نفسها وكانت تتكلم وهيا ماتدري
ريم:حرمتوني منه وانا احبه وروحي فيه
سعود وام سعود يطالعو في بعض
ريم:ماهر هوا الي دمرني ..سعود..سعود خلى ماهر يدمرني
انا تعبانه
ام ريم:سلامتك حبيبتي من التعب
ريم:ماما انا تعبانه ياماما تعبااانه
ريم صارت تدمع
سعود:ريم ارتاحي لا تفكري بشي
ريم:روحي معاه وقلبي معاه راح وتركني واخد كل شي معاه
ام ريم:مين هوا؟
ريم:حبيبي ..حبيبي ياماما الي حرمتوني منه
ام سعود تطالع في سعود
سعود:امي تراها مو صاحيه ريم نايمه
ام ريم:بس باين عليها تعبانه
ريم:انا تعبانه
سعود يطالع في ريم بحزن
ريم:لو تركتونا سوا عشنا ماكنت تعبت انا خلاص ملييت
ليش انتو انانيين
سعود موعارف يعصب ولا يحزن عليها:ريم اسكتي وارتاحي انتي تعبانه
ريم:انت ياسعود الي دمرتني دمرت حياتي ليش ماخلتني اعيش معاه
سعود بإنفعال:ريم نامي وارتاحي
ريم:ليش خليت ماهر يسوي فيا كذا ليش؟
ام سعود:خلاص حبيبتي خلاص
ريم تدمع
سعود يتركهم ويطلع وهوا يتحسر
في بيت لمار
في المجلس
ابو رجوان:والله يشرفنا ياولدي
ماهر:مشكور عمي
قتيبه يطالع في ماهر وبنظرات حقد ماهر لاحظ قتيبه
ابو مازن:ماهر اختار بنتكم من دون كل البنات
ابو رجوان:واحنا يشرفنا اننا نناسبكم
في مجلس الحريم
ام مازن:والله هذا الجيل غير جيلنا
ام لمار:بس هذا الجيل جيل عيالنا لازم نحترمه عشان عيالنا بس
رولا:خالتي فين لمار زاد الدلع خلاص خليها تجي
ام مازن تدق رولا بكتفها
رولا:انا مااعرف اسكت
أم لمار وام مازن:هههههههههه
ام لمار:دحين انا ديها لكم
ام لمار تروح تنادي لمار
لمار طاح قلبها:ها ماما
لمار: جيبي العصير من المطبخ وتعالي
لمار:استحي
ام لمار:يابنت مو اغرباء هذول اهل ريم
لمار:ايوا بس
تالا وخالدين يضحكو بطوت واطي
لمار تطالع فيهم بحقد
ام لمار:يلا يابنت بلا دلع
لمار تروح المطبخ تجيب العصير
تالا:رووميووو يافتى احلامي كم اشتقت إليك
لمار:مسختيها
خالدين:كم اهواك ياعنتر
لمار:بنااتتت بلييز لا توتروني
البنات:هههههههههههه
لمار تدخل المجلس:السلام عليكم
الكل:وعليكم السلام
رولا:اهلين والله
لمار تبتسم ابتسامة خجل
في المستشفى ريم تقوم
ريم:انا فين؟
سعود يبتسم:الحمد لله على سلامتك
ام ريم:الحمد لله على سلامتك حبيبتي
ريم:ايش صار؟
سعود:لا بس طحتي علينا وجبناكي المستشفى
ريم تطالع فيهم بحزن
سعود:ماتشوفي شر
ريم:الشر مايجيك..
ريم تطالع في الغرفه وتفتكر انها نفس الغرفه الي دخل فيها رجوان يوم انضرب من ماهر
ريم صارت تتذكر وتدمع
سعود وام ريم:ريم ايش فيكي؟
ريم:تعبانه
سعود:انادي الدكتور
ريم:لالا مايحتاج ..انا بس ابغى اطلع من هنا
ام ريم:لا ماتطلعي انتي تعبانه
ريم:ابغى اطلع ماابغى اجلس هنا ولا دقيقه الله يخليكم طلعوني من هذي الغرفه
سعود متعجب :ليش؟
ريم:بس كذا انتو طلعوني وبس دخيلكم طلعوني انا تعبانه
سعود:خلاص خلاص اهدي وانا بشوف الدكتور
في غرفة الدكتور
الدكتور:اختك محتاجه علاج نفسي في شي معكر عليها مزاجها
لازم تتخلص عليه
سعود:انشاء الله..يعني نطلع احنا دحين؟؟
الدكتور:اتفضلو والحمد لله على سلامتها
سعود:الله يسلمك دكتور مشكور ماقصرت
الدكتور:العفو هذا واجبي
في استراليا
رجوان كان في ديسكو
كان جالس وحزنان يطالع في البنات ومافي وحده فيهم ملت عينه اكثر من ريم
كان كل مايشوف بنت يشوف ريم قدامه
ماكان يقدر يسوي شي الا ويفتكر ريم
تجيه كرستينا وتمسكه من كتفه:رجوان
رجوان يرفع راسه ويطالع فيها بألم
كرستينا:ليش زعلان؟
رجوان يوقف ويطالع في كرستينا بحقد
كرستينا:ايش فيك؟
رجوان يعصب:انتي الي خربتي علينا حياتنا
الكل يطالع في رجوان
كرستينا:رجوان لا تصرخ
رجوان يصرخ:جيتك خربت كل شي بنيناه سوا حطمتي الحلم الي حلمناه سوا انتي مو لازم تعيشي
كرستينا:لاتصرخ رجوان
رجوان يكسر كل الكاسات الي كانت على الطاوله
رجوان:انتي حقيرا وخري عني ومااابغى اشوف وجهك ابعدي عني لاارتكب فيكي جريمه
كرستينا تضرب رجوان كف وتروح
في بيت لمار
في غرفة لمار
لمار:خايفه بنات قتيبه مايوافق
تالا:اممممممم والله ماادري ايش اقولك
خالدين تبرد اظافرها:والله يا لموري ماهر هذا واحد مجرم
لمار تقوم تمشي بالغرفه وبنبرة حزن:ادري بس احبه
خالدين:حبتك القراده في احد يحب مجرم
لمار ترمي المخده على خالدين:قراده تحبك انتي
تالا تضحك:اشكالكم تحفه وانتو تتضاربو
لمار:وربي مره متوتره
يدق جوال لمار وتشوف المتصل ماهر
لمار تبتسم ويدق قلبها بسرعه
لمار:حبيباتي خلص الكلام يلا برا
خالدين وتالا يتربعو على السرير
لمار:بقول برا
خالدين:انا مو طالعه
تالا:انا باخد خبرة منك وانتي تكلميه
لمار:لالا هذا مو ماهر
خالدين وتالا يغمزو:علييينااا
لمار عصبت:يلا برا برا
لمار تفتح الباب وتطلعهم
لمار تفتح الخط:الو
ماهر:فديت هالصوت
لمار تبتسم
ماهر:كيفك؟
لمار:بخير وانت؟
ماهر:اكيد بخير لأني سمعت صوتك
لمار تبتسم
ماهر:اليوم كان احلى يوم في حياتي
لمار:بس خايفه ياماهر
ماهر:من ايش؟؟
لمار:قتيبه
ماهر:ايش فيه؟
لمار:ماهر قتيبه رافضك
ماهر مصدوم:ليش؟
لمار:لأنه كارهك بالي سويته في ريم ورجوان
ماهر:ياناس ندمان والله ندمان خلاص الي فات مات
لمار:ياليت يقتنع قتيبه
ماهر:ماعليكي انا بقنعه
الساعه 3:30 الفجر
في بيت ابو سعود في غرفة ريم
النور مسكر ومافي الا نور بسيط نور الأبجورا
ريم جالسه على السرير وحاضنه رجولها ومرتكزه ظهرها على السرير
ريم ودموعها على خدها:شفت كيف حياتي بعدك يارجوان
شفت ايش سويت فيني بعد مارحت وتركتني
حتى ماادري فينك ؟انت بخير ولا لأ؟؟ طمني عنك لا تخليني قلقانه
شغلت فكري وبالي
رحت واخدت معاك روحي وعمري كله اخذت فرحي وضحكي والأيام الحلوا ماخليت لي غير دموعي واحزاني
انا بعدك انتهيت وانتهت حياتي مالي اي قيمه من غيرك
احس ان حياتي زي موتي مالي داعي وانت بعيد عني
اسمع صوتك؟؟اطمن عليك؟؟ احس بوجودك
ارجعلي وحسسني بكل احساس عيشتني فيه من قبل
ليش فجأة دخلت حياتي وغيرت كل مافيا وفجأة رحلت بدون وداع وتركت كل جرح ينزف تركته ينزف وياعالم متى بيخلص دمي او يجف واموت لأني انا بعدك مااعيش
كيف عايش حياتك ؟؟مبسوط ولا من غيري مو عايش؟؟
متهني؟؟ ولا من غيري متضايقك ومتكدر؟؟
في سدني
ع البحر رجوان كان يمشي وكان منتهي ومنهار
رجوان يطالع في القمر:انا ملييييييييييت خلاص
انا مااقدر اعيش من دونها يارب ياربي عيني عينني وخليني انساها
احس روحي تطلع لما اقول انساها يارب هون عليا وعليها
لمتى بفضل كذا حالتي اتدهورت اكثر لهالدرجه كنت احبها ..جنون هالحب جنووون ملعون ابوه من حب الي نهايته كذا
احنا ايش سوينا بحياتنا عشان يصير فينا كذا
يارب احنا حبينا بعض حب صادق عشق
خلاص انا مااتحمل مااقدر اعيش من غيرها هيا الي كانت الهوا الي اتنفسه
كانت روحي الي بلاها ماعيش
كانت دمي الي بعروقي ونبض قلبي
كيف تبغوني ياناس عايش من غيرها كيف
"رجوان يجلس على ركبه وينزل راسها ويبكي"
رجوان:آآآآآآه يالله ليش حبيتها ليش
كنت عايش من قبلها بس بعدها مااعيش مااعيش
في بيت نوف نوف تكلم نفسها:احس بدر مخبي شي عني ومايبغى يقوله
معقول عنده شي ومايبغا يقولي؟؟
بدر كان نايم جمبها على السرير
نوف تطالع في بدر وتكلم نفسها:ايش عندك يابدر احس انه شي كبير ومخبيه عليا
الله يستر منك والله خايفه يابدر
صرت تتأخر بعد ماتجي من دوامك وصرت تروح الدوام متأخر
لمار اتصل فيك يقولولي لسه ماجا ولمار اتصل في جوالك تقولي بالعمل ليش تكذب عليا؟؟
ايش عندك ومخبيه ؟؟
الله يستر منك يابدر
نوف تحط يدها على بطنها على البيبي وتبتسم "تعرف بابتك فين بيروح؟؟"
العصر
ريم تقوم من النوم على رنة جوالها
ريم:الو
تالا:ايش دا النوم كله يابنت يالا قومي بسرعه
ريم:ايش فيه؟
تالا:اليوم عيد ميلادي والبنات مسويلي حفله قومي يلا اتجهزي
ريم:طيب كان قلتي من اول
تالا:انا ماادري لمار وخالدين دوبهم يقولولي بنسويلك حفله
ريم:في بيتكم؟
تالا:لالا في الشاليه
ريم:اها
تالا"يلا قومي اتحممي وسشوري شعرك والبسي يلا
ريم تبتسم:دحين؟
تالا:ايوا بنروح من دحين الكبينه مع بعض كلنا بنات بس ونجلس لآخر الليل
ريم تبتسم:اوكي يلا
تالا:باي
ريم:بايات
ريم تنزل تحت:ماما ماما سعود بابا
ريم تدخل الصاله
ام ريم:خير؟
ريم:عيد ميلاد صاحبتي اليوم بلييز ابغى اروح
سعود:انتي تعبانه
ريم:بتعب اكثر لو جلست في البيت
ابو سعود:حبيبتي انتي روحي
ريم تبتسم وتسلم على راس ابوها:مره شكرا بابا
سعود:احم احم روحي روحي اختي العزيزه
ريم تحط يدها على خصرها:مااابغى ابوس راسك
الكل يضحك
سعود يروح عندها ويسحبها من بلوزتها وترتفع وتبان بطنها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك