رواية دموع اسقطت حصون القصور -39

رواية دموع اسقطت حصون القصور -39

فاطمه :جهزي حالش ترى من يدرون اهل القريه بيمسكونش دول

مشو لداخل المدرسه غرفهم وفاطمه تنقل عفشها مع خوياتها عشان ام ساره

سلطان :كلمتهم

مسعود:ايه طال عمرك وعلمتهم ان الطلب من صوبك وعلمته بعد هو تردد شوي وعقب ماعلمته انك صامل وافق وهم اطلبوه للمكله اليوم

سلطان بصوت واطي:زيين زين..ذا الي ابيه.. خذا تلفونه ودق عليه علمه بالموافقه واذا يبي المكله يجي ذلحين

بعد صلاة المغرب ادخل سلطان عليهم بالكتاب سلطان يجلس جنب النايفه الي تناظره بستغراب

سلطان :وقعي هنا..

النايفه :وشو هاذا..

سلطان :هذا كتب اكتابتس موب لازم حفله وشوشره اهم شي راس الرجال الطيب..

النايفه بخجل اسكتت ووقعت على المكان الي ياشر عليه

اطلع وامها تبارك لها

انزلت الهنوف:وشو تباركون عليه

ام سلطان :النايفه تملكت

الهنوف بضحكه تضمها :مبروك ياما رفض ياما على السريع.متى صار

النايفه :هههه قبل شوي

الهنوف:الله يوفقتس ...

النايفه :وياتس ..

اطلعو منه الرجاجيل وراحو ادخل عليهن داخل

سلطان يحب راسها وبهدؤ:مبروك عليتس بندر..

نهاية البارت السابع والعشرون

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت الثامن والعشرين

سلطان:بندر ولد عمتس متعب..

ام سلطان بصدمه:ليه ومحمد

سلطان ببرود:محمد ملك قبل تملكين

ابعدت النايفه عنه ورقت لفوق بسرعه

الهنوف :هاذي كذبه ولا خدعه

سلطان :لا هاذي ولا هاذي محمد مايصلح لها وانا اخبر بمصلحتها

ام سلطان تصد عنه بعتب والهنوف تلحق النايفه بتردد

افتحت الباب وادخلت عليها لفت النايفه لها وبعصبيه وبكى :اطلعي برى جايه تعذرين لي من رجلتس ..هذا عدو موب اخو ..

الهنوف جات بتكلم اقطعت عليها النايفه بقهر وصياح :هذا موب ابوي..ابوي نايف والله لاادعي عليه واروح لموضي غصب عنه ..اطلعي برى انتي اطلعي..لفت الهنوف بعتب واطلعت والنايفه تصكر الباب بقوه انكمشت الهنوف على صكت الباب وناظرت سلطان الي يناظرها ناظرته بعتب وراحت لجناحهم اتبعها وامسك الباب قبل تصكه

الهنوف بعتب:ليش.. صدمتها بقوه

سلطان يمسكها ويمشي فيها لحجرة المجلس اجلس وجلسها بجنبه

سلطان :محمد يبي بنت جماعته من زمان وجاي للوالده يبيها تفزع معه لااهلها يتوسط بها بس جاءه خبر انها تملكت وهو عند باب بيتي فخذاها فرصه انا منيب موجود والوالده تعزه وبعدها باايام تبين له ان خبر ملكتها كذبه

الهنوف :يعني مايبي النايفه يبي هاذيك

سلطان ينفخ بفمه:ايه يبيها مع انه خابر اني برفضه بس كان الامر خارج من سيطرته

الهنوف:طيب والنايفه زعلانه

سلطان يوقف وبقرف:اي اجدار بالبيت يعجبها تصك راسها فيه ..

الهنوف تبتسم ياروحي تبطي ماراضاها ولا انسحب من ملكتها..

...

في النعيريه بعد العشاء تمت ملكة لمياء

ابو فهد :عاد لارحتو لجده لاتنسونا

عمر بفرحه:والله مدري بشوف اهل امي قريب منا اذا فضينا بنروح لهم

ابو فهد:واهلها مالهم حق

عمر:بنشوف ..ياالله ياعم انترخص منكم

راح وابو فهد وفهد لداخل على البنات المجتمعات

ام فهد:ااااه بتروح لجده بعد

فهد :وينها هي

غزيل :راحت ترقد

فهد :خخخخ مستحيه

نوف :اكيد بتستحي

ابو فهد بقهر:لا ياليته مزين كلامه لنا

ام فهد :كانك زعلان

ابو فهد:ايه زعلان رايحه ترفض بدر ولد عمها وتوافق على عمر

منيره :نصيبها عاد

غزيل :اهم شي لاتقولن قدامها بتزعل..

فوق دق جوالها تنهدت وردت

لمياء :هلا

الهنوف بقهر:مبروك

لمياء ببرود:الله يبارك فيتس ..

الهنوف:الحين ارتحتي

لمياء :تبين الصدق والله اني ارتحت..احس ان راسي مرفوع واتحداه يغلط علي هالي يبي يغلط ويبينا نحبه ..

الهنوف بستنكار:مرتاحه لعمر

لمياء بكبر:ايه فرحانه عكس لو وافقت على هالي تبين ..

الهنوف :الله يهنيتس..مع السلامه

انفخت لمياء بفمها وصكته ..اناا تعبانه ياناس راسي احسه بينفجر ابي هواء او ابي اموت وانفك..

...

نوره تلبس عباتها وبقهر :تملكت

ام مفلح :ايه الله يوفقها..

نوره ترفع راسها لفوق وهي تسمع صوت الحجرة ينفتح :لو عندي وقت برقى لمفلح ..بس راشد برى

ام مفلح :وش تبين فيه ..

نوره تنهد:من زمان ماشفته :يالله مع السلامه

طفى تلفزيون حجرته واطلع لبرى نازل لتحت

شاف امه توقف عقب ماشافته

ام مفلح :انا بروح ارقد تبي شي

مفلح :سلامتس انا بجلس هناه

راحت امه وهو اجلس على الارض ونظره لسقف انا ماقدرت اصدق تملكت وراحت تمت ملكتها وانا اتفرج ..وش بيدي لا اقدر ارفض ولا اقدر اعترض ولا اقدر ارجع اخطبها ولي وجه انا وفعايلي..

من بكره باليل

في احدى مطاعم المتواضعه بالنعيريه بس حلوه وهاديه واجواءها ولا اروع خاصه بالشتاء بهذا الوقت ( من عاش بالنعيريه اضمن لكم معاد يطلع منها ..

مفلح بتردد:اسمع

محمد بؤجل:حاس ان وراك مشكله

مفلح يبتسم :الا قل مصيبه .

محمد :اها كلبوها مجتمعه فيك..

مفلح :محمد عمر تملك امس ..

محمد:الله يوفقهم

مفلح بقهر:الله لايوفقه ولا يوفقها

محمد براعه:انت مريض الله يشفيك

مفلح بعصبيه:ايه مريض مجنون فيني بلى ..الله ياخذه والي جابه للبر..

محمد يهدي:اهدى اهدى يارجال..عاد تملكو وش تبينا نسوي ..انت تحبها من جدك اجل

مفلح بقهر وغيض:مهوب حب قده اعناد فيها ماتصير الاخيره ..

محمد:اقسم بالله ان السلال خامك ..

مفلح بملل وتعب:اسمع بس ولا تقاطعني..

محمد بصبر:اسلم ..

بعد ربع ساعه محمد فاتح فمه على الاخير ويده على راسه

مفلح يتنهد :وبس

محمد :استخبل الرجال

مفلح :ابيك عارف بالموضوع وبس..

محمدبستهزاء:يعني تبي تستشيرني ولا كيف

مفلح :لا انا متمم الموضوع وخالص ..

محمد بعدم استيعاب:ماصدقت لذلحين

مفلح بعصبيه:صدق لانه صاير صاير

محمد :جعلك القوم انت قسم وقسم بالله ان اتدهور حالك

مفلح بقهر يوقف:عطيتك خبر لانك اقرب قريب لي وابيك على بينه وبس ..اما حركات النصح مالي بها ..بمشي..ابد الكرسي من وراءه بقوه وراح..

...

الساعه سبع الصبح قامت متسلله منه نايم طلعت لها ملابس من الدولاب واطلعت برى تروشت البست فستان وردي صوف لنص الساق وبوت واطي جففت شعرها من المجفف ارفعته فوق واطلعت من الحمام سيده لحجرة النايفه

طقت الباب انتظرت شوي وبتردد افتحته على النايفه المتمدده على الكنب وسرحانه

الهنووف بصوت قصير:صباح الخير

ناظرتها النايفه وارجعت تناظر السقف

الهنوف:كنت عارفه انتس صاحيه انا بقول لتس كلامي وبروح..

النايفه بهم وتعب :وش تبين تقولين.. خلاص انهاني رجلتس ضيع حياتي..

الهنوف:قصدتس عز مقامتس عند الي نزله ..محمد ماعمره فكر في الي تسوينه في نفستس

النايفه تبكي :لا تكذبين اخطبني هذي موب لعبه..

الهنوف بسرعه :محمد كلم امتس عشان تفزع معه لااهل هالبنت ارفضو وقهر منهم استغلتس عشان يرفع نفسه عندهم ويبين انه موب خسران

النايفه بهدؤ تمسح دموعها:ليش تقولين لي ذالكلام تبيني يعني ارضاء بولد عمي..

الهنوف بقهر:انتي غريبه اختي لمياء اتركها مفلح وهي تحبه وهو يحبها بعد اندم على فسخه للخطبه بس قد فاته الوقت وانخطبت لغيره بس انها ماعافت غيره في انتظاره عزت نفسها وتحملت اقبلت عمر وهي ماتبيه كله بس عشان تبين له انها عزيزة نفس..

النايفه بدموع:والله اني مادري وش اسوي ..

راحت لها الهنوف ضمتها :انتي تملكتي ومحمد ملك على البنت قبل اتملكين..

ناظرت لها النايفه بصدمه والهنوف تكمل:يعني المفروض تنسين اترابه وتعيشين مع ولد عمتس الي شاريتس ويبيتس لنفسه موب انتقام من غيره..

صاحت النايفه بالم وطاحت في حضن الهنوف الي تنهدت بحزن لها

النايفه بدموع:والحين وش اسوي بزعل سلطان ..

هزت الهنوف راسها لها :قومي معي اول.. قومتها تروح تغسل وتنزل معها تحت للفطور في الحديقه افطرن وبعد ماجات ام سلطان الهنوف رقت لجناحها

الساعه ثمان الصبح في مكاتب شرطة النعيريه

محمد يفكر في كلام مفلح البارح في المطعم تنهد بتعب ولف له

محمد::انت لذلحين مصمل ماترددت ..!!

مفلح :ولا لحظه .. وبتعب..ماقدرت يامحمد اصبر حتى النوم جفاني..

محمد بهدؤ:وتقول قده اعناد موب حب

تنهد مفلح ولف بوجهه عن محمد الي قام واطلع من مكتبه..

ام فهد تصك التلفون وتلف للمياء الى انزلت:حددو عرستس

لمياء:متى..

ام فهد:بعطلة الحج...

لمياء بهدؤ:باقي شهر..

ام فهد:ايه... يصلح لتس ولا اانوخرهم شوي

لمياء :لا عادي مناسب ..مستقر في جده صح

ام فهد بحزن:ايه ..بيروح يوم السبت وذاجاء وانتهئ وقت العرس روحتي معه

لمياء بالم احسن خلني ابعد منه ومن مدينته كلها:جده قريبه ..

ام فهد تبتسم :دقت امه بدري الظاهر قايل لها تقول لنا قبل يروح لكليته

لمياء تهز اكتافها بعدم مبالاه

ام فهد:متحمس ويبي يحط عندتس خبر بحجزه ..

لمياء تنهد وقامت من امها واطلعت للصور تمشي في هواء الشتاء البارد

...

ناظرت ساعتها تسع الصباح قامت من الصاله تحت ورقت له فوق افتحت الباب بهدؤ مشت بالسيب واقف ينشف شعره من المويه لف لها وابتسم

الهنوف ببتسامه حلوه:صباح الخير

سلطان :صباح النور قايمه بدري..والجو بارد

الهنوف بحيويه:عندي شغل ..احذف الفوطه على السرير واتجه لها

حطت يدها على صدره توقفه

الهنوف:الجؤ بارد وانت متروش البس بجهز فطورك

سلطان :مابي فطور.. تكفيني بوسه.. بطلع

الهنوف ابتسمت وقفت على روس اصابعها وباسته وابعدت :وبعد لازم تفطر

خذا فانيلته والبسها : طييييب ...خليه باالبلكونه ياقلبي..

الهنوف:من عيوني ..لفت منه دقت عليهم من تلفون المطبخ جابو الفطور وحطو عند الباب

خذته حطته بطاولة البلكونه لف لها وراح يجلس بكرسيه

الهنوف بتردد:مدري وش تحب كافي او حليب

سلطان يحضن كفها ويبوسه :ابي حليب يابعد عمري

الهنوف ببتسامه راحه:ابشر.. صبت له ومدته له ..الحمدالله انه حليب مايصلح كافي على الصبح..

سلطان ياخذه منها:هذي اول مره اشرب حليب على الصبح..

ناظرته بتساؤل .يعني كان تشرب كافي..

سلطان ببتسامه:ايه ..دريت انتس من اهل الحليب اشوفتس مع الفطور..

مدت يدها على كاسه وخذته منه حطته على الطاوله وصبت له كافي ومدته له

الهنوف تهز اكتافها بحراج:مادريت..

سلطان ببتسامه :عطيني كوب الحليب بشرب هالمره لخاطرتس

الهنوف تحط الكافي قدامه على الطاوله وبهدؤ:لا مابيك تخليه وانت نفسك فيه عشان خاطري ..انا بشرب الحليب..؟؟

ناظرها ونزل راسه يشرب قهوته بسرحان

سلطان فجاءه: الرجال الي كان تحترين وينه...

نهاية البارت الثامن والعشرون

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت التاسع والعشرون

الهنوف:مدري...

سلطان :لا تدرين ليش جيتي تطلبين ورقتتس!!..

لفت له بوجهها:طلبتها بعد ماارجع عبد العزيز يخطبني عقب ماجيت من البر...

سلطان :يعني كانو دارين انتس متزوجه..

الهنوف بهدؤ : ايه ..لانك قلت ليله وح..اسكتت ولفت منه

نزل فنجان القهوه الكبير ولف وجهها له

سلطان ببتسامه:انا ماسألتس عشان تضايقين ...طيب كملي لي وش صار!!.. انتظر

تنهدت بالم امسكت يده الي على خدها:اخطبني وانا جيتك ابي ورقتي لانه مستحيل اجلس معلقه وانت مادريت عني ..بس كانو يحسبوني مطلقه من الوقت الي الي خذيتني فيه..

سلطان برفعة حاجب:يعني اخطبوتس حتى وهم دارين انتس مطلقه..

الهنوف بغرور :ايه يقول ماعليه ..

سلطان بنرفزه:يعني يحبتس..

ناظرت فيه وتكلمت بستغراب:مدري ..مقد شافني في حياته ولا قد شفته..

سلطان يرجع لطبعه وبهدؤ:كان برسلها بس نسيت انشغلت مع الوالد في وقت المؤتمرات الخليجيه ..

الهنوف بقهر حاولت تخفيه :لانك تقدر على شي انا ماقدر عليه... طبيعي تنسى

سلطان ببرود:كانها ماثره عليتس بدايتي معتس...

اكبتت دموعها وبهدؤ:حطيتني في موقف محرج عندهم ..بانت العبره بصوتها وبكت..انحرجت من ابوي والبنات حتى اذا تخيلت ان كلن درى سواء رجاجيل ولا حريم..

اسحبها من مكانها وحطها بحضنه ويده على راسها

سلطان :انتي الحين تحبيني...

هزت راسها بايه

ابتسم وارفع وجهها له:وانا احبتس والله اني صادق.. انسي ذالامور كلها وخليني انبسط معتس وتنبسطين مهيب فايدتس بشي خاصتن اني معاد اقدر اتخلى عنتس

امسحي ادموعتس لعاد اشوفها.. مد يده وامسحها له باطراف اصابعه

ابتسمت وامسحت بقايا دموعها

الهنوف:جعل عيني ماتبكيك ..

ضمها لصدره وبهدؤ:ولا تبكيتس عيني..اليوم بعد الظهر بروح لاسطبلاتنا في الشمال عندي مشكله..كل مازان لتس الوقت دقي علي ..انتي تعرفين اني ماقدر اتصل

الهنوف تذكر رسالة اخوه له وبتوتر:تكفى ياسلطان والله ماتعيش نفسن بعدك قد ذاقت حبك..

ابتسم وامسح ظهرها وببتسامه مستغربه:ليه تقولين هالكلام مهوب صاير الا كل خير مجرد مشكله بين العمال

الهنوف بحراج:انا مارتحت لذا الروحه..خايفه عليك

سلطان يوقف ويوقفها معها:سلطانتس ذيب.. ارفع حواجبه لها بتاكيد

الهنوف بحزن ورجى:طلبتك ذالمره لاتروح

اعقد حاجبه وبشوق:لاتزهميني يالهنوف وانا لازمني المراح..

تنهدت بهدؤ :الله حافظ كل حبيب لحبيبه..

امسح خدها وضمها بقوه:ايه هاذ الكلام .. باسها وتنهد وهي بين يديه

سلطان :يالله ودعتتس الله...

ادخل للحجره البس ثوبه وهي واقفه عند باب البلكونه رتب اشماغه امسح وجهه والتفت عليها

سلطان ببتسامه تعب:لاتناظريني كذا..

نزلت راسها بالم :ياويلي ياسلطان...يوم صارت دنياي على الكيف خليتني..

سلطان بشك اعقد حواجبه راح لها وضمها :وش سامعه..وباصرار وقهر..وش فيتس منيب رايح لين تقولين ليه هالخوف كله..

الهنوف تنفس بعمق تخفي عبراتها :رسالة اخوك ..تحلمت في اليله نفسها انك مقتول...اسكت وهو يسمع صوت شهقاتها المتواصله..ابعدها منه وهو يرجع ينسف اشماغه

سلطان :اضغاث احلام ..امسحي ادموعتس والله انه غابني ان دموعتس تنزل وسببها بندر (اخوه الي اصغر منه من ابوه)..

الهنوف تمسح اعيونها:روح بدعي الله يحفظك من دعى الله مايخيبه..

سلطان:ونعم يالله ..اطلع بسرعه قبل لاتثنيه من رايه تنفست بألم وهي تذكر حلمها كان ماهمها جدا بس الحين وش الدنيا بلياه

.................

جالس في السياره :كم الساعه بالضبط

محمد وهو منزل نفسه:عشر حكم

طفى نور السياره ووقفها تحت العماره

محمد :كيف رضى الضابط عبدالله يحطك في المداهمه رقم عشره..

مفلح :قلت له عندي ظروف في المداهمه الي وراءها وبدل اماكنا

محمد بهدؤ:تسهل اولها الله يستر من تاليها..

مفلح وهو يناظر الرجال الي يدخل العماره وبعده اجنبيان

محمد:نتصل على فرقة محمود ولا لين يستقرون في شقتهم

مفلح برتباك من الي بيسويه :لا دق خلنا نخلص في الشقه ولا برى عادي اهم شي ممسكوين

دق محمد لهم نادى عمليات رقم فرقة محمود انزلو من سيارتهم بهدؤ داهمو العماره متقدمهم مفلح الي متحفز يكون اول من يمسكه

شافه يطلع من الشقه براعه وهو يصك بابها بسرعه

امسكه مفلح بسرعه وبقية الوحدات تهاجم الشقه

عمر براعه :وش الي يصير

مفلح يمثل المنصدم :عمر انت من اهل ذالاماكن ..

عمر يتبرى بصوت عالي:انا مدري عن شي ..وش صاير .تلفت على الشرطه الباقين وهم ينزلون الاجانب ومكبلينهم والشرطه محاوطه الاماكن

مسفر:مفلح اسعودي الي معك..

مفلح يناظر عمر بقرف:للاسف ايه ..بس خلوه بجيبه في سيارتي انا ومحمد..

مسفر:لازم كل المتهمين في سياره وحده

مفلح يناظر عمر ويقصر صوته :انا ماقدر اكبلك بخليهم ياخذونك هم وانا بجي اتصرف عند القسم

عمر بخوف:طلعني من ذالمشكله

مفلح وهو يناظره عقب ماخذاه مسفر وكبله مشى قدامهم

انزلو كلهم اركبو سيارات الشرطه ومفلح يترك محمد يرجع بسيارته ويركب مع المتهمين في سيارتهم

مفلح قريب من عمر المكبل ويرجف

مفلح بصوت قصير:وش جابك عند شقق ال***** ..سمعتك ماتهمك وقدك مملك كيف تسمح لك نفسك تسوي كذا ببنت خالتي

عمر برتباك:والله يامفلح اني برئ

مفلح بلعانه:برئ وانا اشوفك بعيني..

عمر بنهيار:والله ان واحد داق علي وماواعدني ذالعماره ومعطيني رقم الشقه مادريت عن شي

مفلح زم شفايفه ماسك فرحته بتمام كل شي وهو يتذكر تلفونه لعمر من كابينة في الشارع يواعده العماره بدعوى انه صديق قديم

مفلح يلف عنه:لازم يدرون اهل مرتك ومرتك بعد بما انها بنت خالتي ويهمني امرها ولاكيف تبيني اعيش عرضي مع واحد زيك...

عمر براعه :تفضحني وانا برئ يشهد الله

مفلح بهدؤ:خلص نفسك من ذالزواجه وعقبها بخلصك من الحكم...

عمر بضيقه :اخلص نفسي منها وانا برئ ..

مفلح بقهر:وش برئ وانت بشقة *****..

عمر :وش الحكم علي

مفلح يناظره بستهزاء:اربع سنين وسجل اسود لاي شهاده تقدمها الى اصحاب الاعمال

عمر بتوتر :اذا جينا اهناك بشوف وش اسوي

مفلح بغيض :ظنك انك بتقعد على ذالزواجه ...

عمر يناظره بقهر:انا عارف انك حاقد علي تبيها بس مانيب مطلقها...

ناظره مفلح ولف عنه يناظر لشارع ودمه يغلي اوصلو مركز الشرطه انزلو ووادعو السجن الى ان تبداء محاكمتهم

محمد برتباك:وش سويت..

مفلح واقف برى:هههههه مايبي يطلق مشكله الي مايعرف قدر نفسه ..خذا جواله وابعد من ازعاج الناس حوله شاف ساعته 11 اتصل الحين ولا بكره الصبح ..بس مافيني صبر ابد.. اتصل على ابو فهد بدون تردد

ابو فهد:مرحبا

مفلح :السلام عليكم

ابو فهد:وعليكم السلام

مفلح :ياعم ..صاير مشكله بسيطه نسيبكم ماسكينه في شقق الله يستر علينا وعليه..

ابو فهد براعه :وش نسيبنا

مفلح :عمر ..

ابو مفلح بخوف:وش يسوي فيها..

مفلح ببتسامه مذنب: والله ماودي انقل لكم ذالشي بس لازم يوصلكم العلم مارضاها لكم..مسكناه في شقق ***** بس هاا ياعم لايطلع العلم منك انت وصاحبة االامر رغبه ان نستر عليه..

ابو فهد:لا حول ولا قوة الابالله ...جعل امحق ارجال يملك ويروح صوب الحرام ..الله لايعينه ولا يجزيه خير

مفلح ينزل راسه تحت :عطيتك خبر ..اتمنى ان الامر مايقعد على حاله وتعينون لكم صرفه معه..

ابو فهد بغضب:يخسى يشدها بيده وذي اعلومه.. هو عندكم في المركز..؟؟

مفلح ابتسم بفرحه:ايه نعم..

ابو فهد:انا بجي بكره وان اطلع انها حقيقه ذالامور والله ان يطلق..

مفلح:انشالله ان ربي يفرج لكم..

صكه من ابو فهد وهو يستعد لخطته الثانيه انزع كبوسه من راسه امسد جبهته بفرحه وندم شوي راح لزنزانه واطلب عمر

عمر عند حديد السجن

مفلح :ابو فهد درى بمشكلتك وحالف ان يرفع قضيه عليك بشهادة الشرطه عدم صلاحك..

عمر براعه :مايحتاج يرفع .. ناقص ازيادة مشاكل..بطلق بطلق

مفلح بتمثيل:يقول معاد يبي يقابل وجهك...

عمر :وش اسوات دبرني تكفى..

مفلح :شف انا بحاول اني اطلعك بقول اني عنده يوم دق خويه واكذب عليه.. ووانا كنا انراقب المحل موب مع الموجودين اثناء المراقبه

عمر برجى:ايه طالبك

مفلح :بس موب اليوم. بكره الصبح الساعه سبع قبل يجي ابو فهد بجي واطلعك وانت على طول للمحكمه وتطلع اورقتها

عمر :صار بكره اجل وعدك ..

مفلح ببرود يناظره وبصوت خافت:انطقها ذلحين قدامي..وبكره طلع الورقه

عمر بحسره:وش اسوي..الي بيفديني بنفذه وش لازمني

مفلح يقرب من الحديد وبجمود :قول لمياء طالق..

عمر بدون مقدمات :لمياء طالق..

لف عنه مفلح بسرعه وهو يبلع ريقه اطلع من بوابة السجناء استاذن من دوامه واطلع لمحمد الي ينتظره في السياره

مفلح يفتح الباب ويصكه بقوه وبفرحه:فكني الله منه

محمد ببتسامه :وش نهاية الشيطان معك..

مفلح يضحك بسعاده:اول مره احب الشيطان .. وبفرحه...طلقها قدامي

محمد :طيب يعني ذا طلقها خذيتها..

مفلح بتفكير:اليوم الاربعاء يوم الجمعه بارك لي...

...........

سعود:هههههههههه هذا عشانش كلبه

صيته بزعل:فشلتني قدام خوياتي يامحق مدح

مضاوي :تستاهلين انا كم مره اقول لش لعاد تجينها

سعود مازل يضحك:انا ذالمره الي قلت لها قولي..

مضاوي بصدمه :وش قايل تقول وهي اخبيله طاعتك

سعود ببرائه:قلت قولي لها ان فيه واحد معجب بش واني سمعت جماعتنا يقولون انها قدها مخطوبه له

مضاوي براعه :ياويلي ياسعود عنكنك استخبلت وعساهي الكلبه ماقالت انه بعد انت

صيته بفشله:كان بقوله بس هي هزئتني توني اعلمها بكذبة خطبتها..

مضاوي:احسن هين ياسعود والله معاد اتدخل فيك

سعود وهو يقوم لها :لا طلبتش مالي غنى عنش ..اشر على صيته ..هذي بلى اتعبر بها

صيته بقهر:يعني كذا فشلتني عندها وتخليت عني

سعود:اسكتي بس ليش تطيعني وانتي عارفه اني مخربها

صيته تقوم وبغيض: بخليها تحبني وباثر عليها لين تكرهك وبلعب في عقلها

سعود يضحك ويستهزي فيها :ياويلي منش تكفين خليها تحبني ..يالله انقلعي من بيتنا وش جابش

صيته تفتح الباب بقوه الى ان اصقع الجدار وطلع صدى شافته يوم جاءها يركض اصرخت وانحاشت

اطلعت مضاوي اتوقف عند الباب وهي تشوفه يلحقها في الصور اطلعت واطلع وراءها في الشارع

يتبع ,,,

👇👇👇