رواية ياقاتلي هل لي بكلمة -13
سعد : وش عندك تتغزلين في نفسك ليش مآخذه هالمقلب !!
لفت على ابوها : بابا بكرة الصبح نفطر سوا و نروح نتسوق و نتغدا و نرجع الظهر
ابو سعد : إن شاء الله
رائد : يبه سلمني هالبنت يوم وقسم لا ترجع لك بشنب
الجازي تضحك : حرام عليك رويد وش تبي تسوي فيها
رائد لف وجهه : رافعه ضغطي بدلعها الماصخ ذا
ابو سعد : يا رب عيشني للوقت اللي اشوف كيف تعامل بنتك
ابتسم رائد و رفع الملعقه يآكل ابتسم معه يعد وهمس له ، الجازي كانت تناظرهم
: الحمد لله
ابو سعد : وين يبه ما كليتي
الجازي : الحمد لله شبعت لفت لرائد : بس تخلص تعال ابيك في غرفتي
رائد اللي يناظر سعد : إن شاء الله
سعد بهمس لرائد : وش السالفة
رائد : علمي علمك
سعد : الله يعينك شكلها جاده أنا بروح أجيب سوسو يعني لا تنتظر فزعتي
رائد : من قال افزع روح لسوسو هههههههه
/
\
/
\
خلصت عشاي وترددت اروح لها بصراحة احس الموضوع زواجي مدري ليش
طقيت بابها بعد لحظات من الهدوء و الانتظار ، فتحت
: تفضل
دخلت وقعدت على الكنبة اللي اشرت لي عليها : سمي يمه
الجازي : انت محتاج تحكي و انا اسمع
رائد : عن ؟
الجازي : حياتك
رائد : عادي حياتي ما فيه شي كل شي تمام ولله الحمد
الجازي : و غالية
ما انصدمت تبون الجد حسيت بهالشي : وش فيها غالية
الجازي رفعت حاجب : يعني معترف ؟!
رائد : ما راح اكذب عليك
الجازي : ليش خبيت عني
رائد : من قالك
الجازي : مو مهم المهم اني عرفت
رائد بعد صمت : كنت بقولك بس انتظر ولدي
الجازي : كم باقي له ؟
رائد : حول 6 شهور
الجازي : رائد لهنا خلاص كافي ... لازم اشوفها
رائد : تآمرين
لحظات صمت قطعها صوتي : الجازي
الجازي : هلا
رائد : ما زعلتي ؟
الجازي : عارفه بكل شي
رائد : مِنْ ؟
الجازي : سمعتك تحكي لـ سعد
رائد وقف : أنا آسف
الجازي : مسموح
رائد : تصبحين على خير
طلعت مستغرب رده فعلها و سعيد بالهم اللي انزاح ~
***
اليوم ماعندي دوام في المستشفى حلو عشان اخلص اشغال معلقة بعد أول شي راح اسويه بمر مشعل اشوف آخر الاخبار معاذ ما بقى له شي و يخلص كورس علاج هذا اهم شي شاغلني في الوقت الحالي ركنت سالفة اختي على جنب الفترة الماضية تبون الجد تعبت من البحث هذي السنة الرابعه لي انا ابحث تجيني فكرة انها ممكن ماتت بس انفضها من مخي بسرعة بسبب حلم الوالد اللي يتكرر و الواضح ان البنت قريبة مو بعيدة بس كيف نوصل لها !
ودي اكمل دراستي في تخصص جراحة القلب بس الظروف المحيطة ما تساعد ابد
وصلت لمشعل في مكتبه ما كان موجود انتظره دقايق و هو عندي سلمت وقعدت
: هاااه وش صار معك ؟
مشعل : و الله يا فارس هالقصة وصلتنا لخيوط ما كنا متوقعينها في قضية لها 7 سنوات دخلت معهم فيها من شهرين بس و الحمد لله جمعنا معلومات كبيرة و باقي شوي و ينعرضون للعدالة
فارس : الله يبشرك بالخير الله يقويكم
مشعل : آمين
فارس : ترى غداك عندنا و ما نقبل اي اعتذار
مشعل : يا فارس و بعدين معك توني من كم يوم عندكم
فارس : خلاص عاد هذا بيت عمتك ننتظرك
مشعل : وش صار على معاذ متى بيطلع
فارس : باقي له شوي على كلام دكتوره
مشعل : الله يقومه بالسلامة
.
.
.
.
.
تم الجزء الثامن عشر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء التاسع عشر ~
آﻟﺑﯾﭠ ﻟﯾ ﯾﺂ ړُآئـﮃ ؛
أنا بصراحة مدري من اللي حول دوام رائد عندي في البيت من الصبح وهو عندي متعجبة منه جا وحط شماغه وفتح قلابه و حط رجل على رجل افطر و قعد يقرا الجرايد ما تعودت منه هالحركة ، هي حركته عادية ولا انا مدري وش فيني بس احس بثقل بوجوده ، مخليني جنبه و لا هو اللي معبرني بابا امس ارسلي مسج ان موعدنا مو اليوم بكرة صاير يعني ماعندي شي اف طفشت صراحة أفكر اسأله بس مو عارفه قلت خل احكي يطلع الكلام لحاله بعدين
: اممممم رائد
لف علي بدون اي حرف عليه نظرة ساخرة : .....
رفعت حاجبي : وش فيك
رائد : مافيني شي ليش شايفة شي انتِ
غالية : ماعندك دوام اشوفك قاعد الساعة بتصير عشره
هجم علي شوي يآكلني : بكيفي اداوم وقت ما بغيت و اترك متى ما بغيت لايكون على بالك بتطرديني من بيتي امس سكت لك بمزاجي لاني انا اللي قلت للبنت تجي
غالية : طيب انا وش قلت اسم الله عليك
رائد : لا ، بس اجاوب على اسئلة في داخلك وبعدين انا قاعد احرس بيتي اشوف من ناوية تجيبين لي اليوم بعد
حز في نفسها كلامه : أنا طالعة أنام تبي شي
رائد : انطقي هنا ولا حركة وش دراني ما تروحين من وراي تحكين له
قعدت مكرهه ما نطقت وش اقول هذا بيذبحني !
رائد : غالية
لفيت بدون ما انطق : ......
قرب مني ومسك يديني : غالية ليش تعصيني
فتحت عيني على آخرها : أنا عصيتك ؟
رائد : أنا ما قلت بمنعك ابوك بس فيه شغلة بيني و بينه انت خربيتها علي قلت لك لا تقربين منه
غالية : ليش ما وضحت لي أنت هددتني بولدي
رائد : عشانه نقطة ضعفك
غالية و عيونها غرقانه : مو حرام عليك
رائد : من جدك انا اسويها !!
غالية : تبي الجد .. ايه تسويها
قام وقف وقفني معه مشينا باتجاه غرفته اللي دايم يحرص علي ما اقرب منها عمري ما عرفت منها الا لون بابها الخارجي
فتح الباب ولف علي : الحين بتعرفين كل شي
دخلني ودخل وراي كنت مذهولة من الغرفة كل الحرص عليها و التشديد في النهاية ثلاثة ادراج كبيرة في الزاوية وطاولة وكرسي في نص الغرفة بس !!!! كانت الغرفة لونها بني ممزوج ببيج كان اللون رايق ~
سحب الكرسي و قعدني عليه مشى باتجاه الأدراج وطلع صندوق حطه قدامي على الطاولة : افتحيه و تفحصي اللي فيه
بس سمعت كلامه و ناظرت في الصندوق ... توترت !
***
أمس من رجعت البيت ما لحقت احكي مع رؤى كانت نفسيتها ما تسمح خليتها براحتها ... كنت في رعاية آخر مريض لي قبل البريك الوقت مر بسرعة اليوم
فقدت البنات بجد ياسمين وهبالها أخذهم منا فؤاد رؤى و لقافتها أخذهم رائد ... سعاد و ابرار وشروق الخايسات من زمان عنهم بعد اشوف يوم تتحسن رؤى باعزمهم ... خلصت مريضي ونزلت لقيت رؤى قاعده في الغرفة ما تترك عوايدها مآخذه بريك قبل وقته جلست بجنبها
: رؤى
رؤى : هلا
هند : وش فيك ؟
رؤى : امس اتفقنا بنعمل الزواج بعد 6 اسابيع
ماعرفت ابارك لها ولا اعزيها : الله يوفقك يا رؤى
ابتسمت في وجهي : يبارك فيك
ماحسيتها مستاءة كثير رديت لها الابتسامة : الله يتمم على خير
رؤى : هند مستحيل اروح مكان بدونك كان شرطي لعبد المجيد انت و امي اهم من اي شي ثاني وافق عليه
هند : لا يا رؤى انا ما راح اجي معك
رؤى : ليه ؟
هند : ببساطة أنا ماقدر و اذا انت ترضينها لي انا لا
رؤى : افهميني يا هند مو قصدي يـ ...
هند : ادري و الله ادري بس خليني براحتي
رؤى : انا ما اقصد اهانة لك او شي بس ابيك بجنبي ما اقدر على بعدك
هند : صدقيني بس تنشغلين بحياتك بتشوفينه عادي
رؤى : الله يفتحها عليك يا حياتي
ابتسمت لها و غرقت بحر افكاري ...
***
كتابات على الجدار بخط رائد في الصندوق صور ماما وبابا و دلال و رائد صور اولاد ماعرفتهم صورة ماما معها وحده وجهها مو غريب علي رسايل بعضها مفتوح و البعض لا استفهامات منعتني انطق رفعت عيني له اناظره بذهول
رائد : هذي حقيقتك
غالية : وضح لي مافهمت
رائد : ابوك وامك اختك و .... اخوك
غالية : اخوي ؟!
رائد : ايه
غالية : كيف وشلون ما قالي بابا شي
رائد : اسأليه كل الاجابات عنده أنا سويت اللي علي
غالية : الله يخليك قولي اللي فيني كافيني
رائد رافع حاجبه : اعزميه على الغدا وهو يقولك اظن ما تنتظرين اذني حتى تعزمينه ولا ..؟!
غالية : طيب بعزمه وانت بتكون موجود
رائد : ما ودك تتعرفين على اخوك ؟
غالية : ودي ليش لا
رائد : طيب هالفرصة ما بتتعوض خليه يجي بعد قبل لا يرجع السويد
غالية : هو عايش هناك ؟
رائد : ابوك ناطله هناك ما يندرى وش نهاية هالاب كل ولد في ديره
غالية بتعجب : ليش في غيره ؟
رائد : هههههههههههه ايه فيه واحد في البرازيل
قمت وقفت ناظرت فيه وهو يضحك طلعت و قفلت الباب : صاير لايطاق !
***
أخيراً خلصت المحاضرة الغثيثة بابا ينتظرني برا بنروح نكمل جولتنا اليوم نتغدا و نرجع البيت ، كنت ماشية باتجاه البوابة ألبس عبايتي و اطلع حطيت شنطتي على الكرسي بقوة مانتبهت الا و هي طايحه على البنت انحرجت جيت بشيلها
: آسفة مانتبهت
شلتها ماسمعت رد استغربت رفعت راسي اناظر البنت .. انصعقت مشاعل !
ما قدرت اخفي ردي تجاه الموقف شلت اغراضي بسرعة بنحاش من عندها حسيتني سخيفة مسكتني من ايدي
: على وين ؟
قلت بتوتر واضح : ابـ .. ابوي يـ ينتظرني برا
مشاعل مبتسمة : بدري ما قعدنا سوا
لين : ممـ مرة ثانية الحين لازم اروح
مشاعل انتظرك الصبح مقابل المصلى !
كنت متعجبة وخايفة : احاول
طلعت ركض يالله لبست عبايتي ولا قفلتها و لفيت طرحتي وانا بالشارع .. مو وقتك ابد يا مشاعل ~
على طاولة الغدا كنت أنا و رائد و دلال الصمت كان سيد الموقف الكل ياكل بهدوء كنت اناظر في صحني وانا في الحقيقة اراقب رائد ومنتبهه لدلال اللي موزعه نظرها بينا
دلال بابتسامة : ليش ساكتين
رائد بسخرية : ابد انا ماعندي شي بس بعض الناس زعلانين عشان بابا مو على الغدا اليوم
سبحان مغير الاحوال ، ما قدرت امسك نفسي ضحكت : هههههههههههههههه
دعمني رائد بالضحكة : ههههههههههههه عساه دوووم
احسني هبلة بينهم بس مافي شي يضحك هم المهبولين !
غالية بقهر : سمعتوا كلمة لا يكثر
دلال : خلاص عاد غلو
رائد : اقول غالية
غالية : سم
رائد : كم باقي لك تولدين أبي اشوف ولدي
غالية بابتسامة كبيرة : اليوم اول يوم في الرابع
دلال : الله يسهل عليك
رائد : آمين
***
شذى بلكاعه : أنا قلت لك ماني بموافقة على عبد الله
متعب بحده : اقدر افهم السبب
شذى : كذا من الله ما ارتحت له يوووه
متعب ماسك نفسه : يا بنت الناس فكري زين و استخيري ما تدرين
شذى : استخير وانا ما ابيه خلاص قلت ما ابيه
متعب بعصبية : لا تبينه و غصب عليك
شذى : مو على كيفك ما تقدر تغصبني على شي ما أبيه ، صارت تصرخ تنادي امها : مــــامــــــا
متعب : قصري صوتك يا وقحه و عبد الله بتآخذينه ان شاء الله
شذى تبكي : قلت لك مابيه مابيه
متعب : فيه أحد واعدك بشي احد لاعب عليك
: وش هالكلام اللي اسمعه يا متعب
لف يناظر جهة الباب و شذى راحت بركض ورا ابوها
خالد : وش هالكلام اللي قلته
متعب : اسألها هي من اليوم احاول فيها ولا تنسى انه مو اول ولا ثاني واحد ترفضه
خالد : ليش يا بابا مو موافقة عليه الولد ما فيه شي
شذى : بس أنا ما ارتحت له واحس ماراح اكون سعيدة معه
خالد : خلاص عاد يا بابا انا اعطيت الرجال كلمه و بيجي يشوفك نهاية الاسبوع
وصلت فايزة : هذي بنتي يا خالد مو بنت سحر
خالد : واذا خير يا طير لا يكون ناسية انها بنتي
فايزة : مانسيت بس ما تقدر تجبرها على شي ماتبيه لأني معها
خالد : وجودك مو مهم أنا ادرى بمصلحتها ولو رفضت اللي قبل هذا برضاي بس أنا موافق على عبد الله وش اللي بيمنع
فايزة : أنا بمنع تبي بنتك تعيش بتعاسة يا خالد
متعب : هذي ياسمين يا يمه مو ناقصها شي
فايزة : وانت وش دراك وبعدين للحين ما راحت بيتها
خالد : كلمتي وحده شذى لعبد الله وخلاص ؛ طلع
شذى تبكي بحضن امها : ماما مابيه مابيه
فايزة : خلاص ماما ما راح تآخذينه وانا حيه
متعب : تجهزي يوم الاربعا بيشوفك طلع هو الآخر
رهف من عند الباب بطفولة و مشاغبة : مبرووك يا عروس ،، انحاشت !
***
ﻟۆ ﭠﺑﯾ ﺂﻟﭴﮃ ؛ ﺂﯾھَہّ ھَہّۆ ﺳآﺣړُ !
بعد صلاة المغرب كنت انتظره في الحديقة لازم احكي معه ، طلبت اشوفه بدون ماتعرف غالية ما ابيها تحسس صايرة حساسة بزيادة ؛ كنت اقرا في رواية شكسبير hamlet
رائد : السلام عليكم
دلال : و عليكم السلام تفضل رائد استريح
رائد : هلا دلال ش الموضوع المهم
دلال : أبي اكلمك في موضوع غالية ... انت وش قصدك بتصرفاتك معها ليش تسوي معها كذا
رائد : وش قصدك ؟
دلال : أقصد ليش تحب تشوفها متنرفزة ؟ وليش تبي تبعدها عن سيف ؟
رائد : شوفي يا دلال أنا بقولك كل شي لاني اثق فيك و عارفك زين ابوك يا دلال معذبني في حياتي هو يستمتع كذا بالاول كان يسوي معي كذا عشان غالية بس الحين يسوي كذا لانه تعود على هالوضع أدمنه ما يرتاح لين يتناقر معي أحاول اسعى اني اصلح الامور بس هو رافض < ليش الكذب يا رائد ؟!
يقولي ببعدك عن غالية لا تفرح انها معك الحين بيجي يم تتخلى عنك عشان كذا أنا الحين ابي ابعدها عنه ابي اكسبها مرة ثانية لاني ملاحظ أنها تغيرت علي كثير بعد بعدها مو مشكلة لو تقربت منه لاني بكون كسبتها مرة ثانية
دلال : وش اللي بينك وبينه
رائد : انتِ عارفة من قبل انه طلب مني اختار اما اني ابقى مع غالــ ..
ضحكت في نفسي عليه أنا اعرف كل السالفة قطعت كلامه : رائد اسألك بالله تتوقع سيف يسويها ؟
رائد : ايه ليش لا وش اللي يخليه ما يسويها
دلال : انت مجنون كيف يقتل سعادة بنت روحه بنفسه لا يمكن يسويها يا رائد صدقني ومثل ما قلت هو يطقطق عليك و يتسلى كذا و انت قاعد تساعده
رائد : ما فهمت !
دلال : أنا اقولك الحين هو يوم زوجك لغالية وش قالك ؟
رائد : قال انا واثق انك بتحميها من الناس لو ضريتها بنفسك
دلال : ما فهمت شي من هالكلام ؟!
رائد : وش دراني ابوك يقول طلاسم مع احترامي احسه مشعوذ
دلال : ههههههههههههههه مشعوذ مرة وحده
رائد : مدري عنه ما تشوفين كيف غالية قلبت علي يوم شافته
دلال : هو ساحر بس بكلامه و اسلوبه و أمير بكلمته الله لا يغير عليه ليتك تتعلم منه
رائد : طيب فهميني وش قصده
دلال : المفروض تحمد ربك لان من بين الخلق اختارك وأمنك على غالية انت ما تعرف وش غالية وليش كل الحب لها
رائد : اعرف الحب اللي لها بس ما عرف سببه
دلال : أنا أقولك بس اوعدني تخف على غالية لين تتغير ، لو مرة ما تقدر خفف جياتك هنا لا تقعد على قلبها عى الاقل لين تولد
رائد : أنا الحين صرت قاعد على قلبها
دلال : أنا هنا مو عشان اجاملك احكي لك الواقع
رائد : أوعدك ... احكي
بديت أحكي له القصة .. كل القصة من زواج ماما الى لحظة زواجه من غالية .... ~
***
: يا طلال اقولك أخذ حبيبتي تفهم انت
طلال : فاهمك و الله فاهمك
سعود : طيب و الحل معه أنا ابي انتقم منهم ومنها
طلال : افااا عليك لو انا ما عاونتك من بيعاونك
سعود : عندك خطة
طلال : بسيطة نخطفها
سعود : لا مابيها كذا مابي شي بالغصب خصوصا منها ابيها برضاها وهذا ما بيصير الا يوم اذلها و انتقم من رائد و فارس
طلال : طيب رائد و فارس بمن نبدأ
سعود بتفكير : اممممم مو مشكلة اهم شي نخلص منهم
طلال اللي حول نظره على الجهه الثانية وعليه ابتسامة خبيثة : ماشي ...
***
بعد اسبوع وزيادة ، ما استجد شي غير شوفة شذى اللي انهارت بعدها لانه رافضة صارت بس تبكي ..
طلعت مسرعة لغرفة اختها فتحت الباب بقوة
: يمه اسم الله علي ما تعرفين تفتحينه بشويش
دانية : هههههههه قومي دبه تعالي مفاجأة تحت
فزت بسرعة : مفاجأة وااااااااو يلا يلا مشينا
مسكت ايدي و ركض وعيت وانا في نص الصالة اللي تحت مقابلي كرتون كبير ، ما تعبت مخي عشان اعرف وش اللي فيه جات شروق ومعها مقص
: يلا بنات ساعدوني نفكه
كل وحده منا مسكت طرف و كانت شروق تقص
دانية : وااااااااااااو يجنن احلى من الصورة المعروضة
رفعته على يديني شكله فعلا حلو وكله كان متغير عن الصورة بجد لدرجة شكيت انه نفس اللي طلبته
شروق : الفستان يجنن و بيطلع عليك احلى لبيسه بسرعه
هنادي : بنات خايفه
شروق : اذكري ربك ولا تخافين ولا شي ما بصير الا كل خير
دانية : تراها ملكة مو زواج هاااا
: ألف مبرووووك هنودي
لفوا لمصدر لصوت دانية قامت بركض : معاذ حبيبي
اسرع لها و صاير يضحك شالها و لفها في الهوا : كبرتي وثقلتي دبيه
تمسكت فيه مآبي افكه افقده ثاني : الحمد لله على سلامتك
بعدتني شروق : الحمد لله على سلامتك ياخوي
معاذ : الله يسلمك فديتك
كنت لسى ابي استوعب معاذ اللي قدامي صرخت : يا قليل الادب لك وحشه
جاي يسلم علي : مبرووك يا عروس
: الله يبارك فيك لا تخوفنا عليك مرة ثانية
كنت اتأمل ملامحه متغيره كثير و التعب هد حيله نحفان و اضح انه عانى من ألم مو طبيعي معقول هذا ورم مسوي فيه كذا ... استغرقت في تفكيري نبهتني نبرة الصوت هذي اعرفها زين
: السلام عليكم
لفيت ... صرخت : وليييييييييييد
ما حسيت بنفسي الا وانا طايره في الهوا طيرني
شروق : الحمد لله على سلامتك ياخوي
وليد : الله يسلمك
سلمت على خواتي و امي اللي نزلت على اصواتنا ، جلسنا كلنا في جلسة من زمان ما قعدناها ...~
***
هديل و لين على الجوال ..
هديل : ايه وش بتسوين ؟
لين : مدري متوترة
هديل : زين لا تروحين
لين : بس اخاف تفكر غلط
هديل : الا قصدك تفكر صح وخري عن هالبنت نصيحة لو انك تبين حياتك صافية بانصحك على انك اختي مو غير وانتِ براحتك
لين : بس أنـ ...
هديل : لا بس ولا شي يا لين الندم مو زين ماودي تجربينه فكري بعقلك
لين : طيب
هديل : أنا بقفل الحين طالعه مشوار اشوفك الصبح
لين : طيب لحظة خليه بيني وبينك لاتقولين لفوز
هديل : ابشري ، باي
***
مدري وش كان على مخي يوم وافقت اروح معه لامه الله يستر و تعدي الليلة على خير بدون مشاكل الله يصلحك يا عبد العزيز ، كنت سرحان وانا بجنب عبد العزيز في السيارة بروح بيت امه هي طلبتني في موضوع و عبد العزيز ما قصر لين اقنعني لان ردي الاولي كان الرفض ......
عبد العزيز : يبه
سيف : هلا
عبد العزيز : ما بتنزل وصلنا !
سيف : طيب ..
نزلت معه دخلنا داخل البيت ... بناء على طلبي قعدنا في الحديقة
رشا : أهلا و سهلا نور البيت يا ابو عبد العزيز
سيف : منور بأهله .. يقول ولدك بغيتيني آمري
رشا : ما يآمرك ظالم أنا بس بغيت احكي معك بخصوص عيالي
سيف : وش فيهم عيالك عايشين باحسن ما يكون
رشا : لا من يقول شوفة عينك عبد العزيز متشلوط ولا اشوفه الا بالسنة حسنة
ونواف بعد قلبي لي سنتين ما شفته فيها الا 3 ايام بس
سيف : اولادك عندك مو صغار شوفيهم اصغرهم بطولي او اطول وبعدين لو واحد منهم ما جالك أنا ما منعته هو بكيفه
رشا : أجل وش معنى تصرفك يوم ارسلت واحد للسويد و الثاني للبرازيل ؟
سيف ببرود : ما قصدت شي بس هم يبون و هذا واحد منهم اسأليه
رشا : مافي داعي انا عارفة اولادي زين
سيف : نسيتي نواف وش سوا في فرع البرازيل من 3 سنوات ولا اعيد لك ؛ نسيتي كيف كان يترجاني ارجعه بعدما رجعته الرياض و حطيته موظف عادي و الحين شوفيه وين وصل وكيف صار
رشا : لا ما نسيت بس انت السبب انت اللي حرمتني عيالي من قبل وهذا عقاب الله فيك يوم حرمك غاليتك
وقف سيف : ما اسمح لك تجيبين اسمها على لسانك
رشا : هه اكيد ما بتسمح بعذرك مسحور ليومك ولا بنت الشوارع هذي تفضلها على عيالي
وعيت بس و انا احس بحرارة في ايدي من الكف اللي عطيتها اياه كان عبد العزيز ماخذها بحضنه لفيت عطيتهم ظهري
: عبد العزيز رجعني بيتي .. مشيت للسيارة
ببساطة هذي هي رشا ماتغيرت ولا راح تتغير ..!.
.
.
.
.
.
تم الجزء التاسع عشر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء العشرون ~
ﭑﻧ̲ﺂ̴ ﺻ͡ﺣ̲ ﯙ̷ًﻟ̲ﺈ̃ ..!
صمت هدوء .. هذي أجواء السيارة أبوي من طلع من عند امي ما نطق بحرف واضح عليه انه متضايق قال اوصله بيته بس ما اقدر اشوفه بذي الحالة
: يبه
سيف ما رد : ........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك