رواية ياقاتلي هل لي بكلمة -14
الجزء العشرون ~
ﭑﻧ̲ﺂ̴ ﺻ͡ﺣ̲ ﯙ̷ًﻟ̲ﺈ̃ ..!
صمت هدوء .. هذي أجواء السيارة أبوي من طلع من عند امي ما نطق بحرف واضح عليه انه متضايق قال اوصله بيته بس ما اقدر اشوفه بذي الحالة
: يبه
سيف ما رد : ........
عبد العزيز : لا تسكت ادري انت مقهور قول اللي تبي حتى لو تسبني بس تكون بخير
سيف : الصبح تروح تخلص اشغالك في السويد وترجع تقعد عند امك و هالشي ينطبق على نواف بعد
عبد العزيز : بس يا ....
سيف : خلاص كلمتي وحده عندك اسبوع بس و راح يبدا دوامك معي بعدها
ليتني ما قلت له تكلم : على امرك
رجع الصمت طول الطريق لين وصلنا بيته
: يبه كنت بقولك ان امي ماتقصد اللي قالته بس هي عصبت منك
سيف : غالية لا تقربها وتكون بخير
نزل خلاني ... ما اقدر الحقه !
اليوم الصبح كلمتني مشاعل في الجامعة ، قالت بنفطر سوا بكرة ولازم تكونين معنا
ما قدرت ارفض لانها ماتركت مجال امري لله برووح معهم كويس البنات مو مداومات الدكتورات معتذرات مآبي تعليقاهم لي ، الله يعدي بكرة على خير
لفيت قفلت نور الاباجورة حطيت راسي على مخدتي و رحت بنوم عميق ..
***
كنت أقلب بطاقة هويتي الجديدة اللي اسمي فيها غالية بنت سيف فرحانه كثير فيها حطيتها على الطاولة ورقدت بنام ...
كنت مو نآيمه و بصراحة ماستغربت يوم حسيت بحركته داخل الغرفة لأنه صاير يلتزق كثير هالفترة ما كان لي نفس اتحرك ولا حتى اقوم اشوفه لانه صاير لا يطاق انفعلت بما يكفي سامحني ماما ادري اذيتك كثير بس وش اسوي حظي وحظك هذا
سويت نفسي نايمة مابي احتك دخل بدل ثيابه و هذا خلاني استغرب رائد ما ينام عندي وش صار اكيد شي مو هين فضلت اني اكمل نومتي بس حركته ما خلتني توترت انا من غير شي اتوتر هالايام صحاني بطريقة غريبة عليه ما تعودتها منه
: غلو حياتي قومي
ما رديت عليه : ............
رائد : غالية قومي بس عاد ادري انك قاعده مو نايمة
مسح على شعري و كتفي ، ما قدرت اعاند اكثر قمت بعدت شعري و ربطته قعدت نص قعده على السرير : نعم !؟
رائد : نعم الله عليك .. ممكن نحكي
غالية : اسمع لك تفضل
رائد : وش كثر تحبيني غالية
آهـ يا رائد كل هالسنين و متحمله العذاب منك والحين جآي تسأل هالسؤال ؟
: يكفيك لو قلت لك أحبك أنا أعنيها و متحملة نتايجها ، بس مستغربة سؤالك مو بالعادة و ليش الحين بالذات !!
رائد بعد صمت : انتِ ما تزوجتيني برضاك ؛ ودك تتطلقين ؟
غالية : رائد أنـ...
رائد : خليني أكمل كلامي أنا ادري اني اذيتك و عذبتك في الوقت اللي المفروض اكون سند و امان لك انتِ ما تزوجتي برضاك بس على الاقل الحين تقدرين لو تبين تتطلقين برضاك
غالية : رائد لا تلف وتدور علي .. قول ابي اطلقك ، مو مشكلة صدقني بتقبل هالشي و الحياة ما راح توقف بس لي رجا خل ولدي معي و تقدر تشوفه لو بنص الليل
رائد : غالية أنا تعودت وجودك في حياتي ماقدر اتخيلني بدونك وربي راح اضيع
غالية : انت ما همك الا انت وبس انا و ولدك ما هميناك .. رائد انت أناني
هي صادقة ماعندي رد لاني أناني ؛ دخلت احكي معها بموضوع طلعت بموضوع ثاني !
***
الصباح هذا جميل لعدة أسباب ، أولا الصحة و العافية اللي قمت فيها أحس بالرضا و إن كل شي بيكون تمام مثل ما هو متوقع .. ملكة هنادي و أحمد
عندي محاضرتين اليوم و أخلص 12 كنت ما ودي أروح بس مابي افوت علي هالمحاضرتين لانها جميلة و أنا استمتع فيها هنادي مآخذه اجازة كم يوم دانية مستانسة ولا كانت تبي تروح المدرسة بس الوالدة عرفت لها قالت اما تداومين ولا اليوم بتطلعين الملكة بدون ميكآب عاد خبركم لازم تكشخ زين دانية تبي العرس هههههههه وليد اسم الله عليه هالولد قايم وقاعد بالوالد مدري يلحق على وش ولا وش و الله ميسر له اشوفه مستانس ولا يتشكى مع ان حتى نوم مثل الاوادم ماشوفه يناام معاذ تحسنت نفسيته الحمد لله بدا يرجع مثل اول بس بعد فيه هدوء فارس تغير دوامه صار مسائي و على حسب ما قال انهم حاطينه في الطوارئ بس هو رافض هالشي لان تخصصه قلب !
نزلت الصالة افطر بعدها بروح للجامعة ابي اخلص محاضراتي و اطلع لقيت فارس توه داخل البيت
: السلام عليكم
شروق : وعليكم السلام دكتور
فارس : وش مصحيك الحين بدري على الكرف
شروق : ورآي جامعة شكلك مضيع
فارس : لا والله مو مضيع بس اليوم الملكة ولا نسيتي
شروق : أفاا عليك ياخوي بس محاضراتي مهمة لازم احضرها و ان شاء الله مو تعب لا تشيل هم انت روح ريح بس
فارس : ان شاء الله
ابتسمت لي رديت لها الابتسامة مشيت متعديها بطلع للدرج كنت مرهق تذكرت مشعل والله كبرتي شروق ، لفيت عليها
: شوشو
ردت لي : لبيه
فارس : لبيتي حاجة ، انتبهي لنفسك
من ابتسامتها عرفت انها حاسه انه فيه شي .. كلمتي مو غريبة بس طريقتها اللي تعمتدها لانها هالمرة غير مرسوله لها بطريقة غير مباشرة وحبيت اوصلها بطريقة غير مباشرة
كملت طريقي اللي ما اشوفه زين ، أبي وسادتي
***
بابا جاني بدري تقريبا 6 ونص مدري وش فيه واضح انه ضايق دق علي قبلها إذا كان يقدر يجيني ألحين ، قلت له ما عندك مشكلة رائد لسى كان نايم وحتى دلال
كنا قاعدين في الصالة المرتفعة محل اجتماعنا الدائم
سيف : معليش بابا قطعت نومتك
غالية : انا اصلا مو نايمة مثل هالوقت اكون في المستشفى بس تعرف لي شهرين ما داومت
سيف : الله يسهل عليك
حسيت بوجهه ضيق ودي اخفف عنه لو اقدر .. قمت من مكاني رحت له كان منزل راسه حاطه بين يدينه مسحت على شعره
: بابا
مازال على وضعه : عيون بابا
غالية : بابا فيك شي مآحب اشوفك ضايق كذا الله يسعدك
سيف بضعف اول مرة يبين عليه : تعبان يا غالية تعبان
غالية : سلامتك من التعب جعله فيني ولا فيك
سيف : اسم الله عليك حبيبتي لا تقولين كذا
غالية : طيب احكي لي وش متعبك
رجع نزل راسه ولا رد
قربت منه اكثر حطيت راسه على صدري وصرت امسح على شعره كأنه استانس من حركتي حسيت جسمه ارتخى كأنه طفل يدور حضن دافي يحتمي فيه
سيف : تعبت من نفسي و الدنيا و كل شي
ماعرفت وش اقوله .. ظليت اسمع له
سيف : جوليا و عبير ماعمري شفت مثلهم بالدنيا بس كلهم راحوا و خلوني وحيد ما سألوا عن حالي جوليا توفت بدري مررة توفت وانا مالي سنتين معها و عبير تركتني بعدت عني بالحياة كل وحده منهم تركت لي بنت نسخة منها شوفتي لدلال تعذبني بذكرى جوليا و الحين تضاعف علي العذاب يا غالية بذكرى امك اللي عمري ما نسيتها انا صح غلطت بس هي ما سمحت لي اصحح غلطي غلطت يوم سمعت الكلام اللي انقال عنها من اهلها و امي و زوجتي .. بس هي راحت عني ولا قالت لي بوجودك عرفت من خالك رفضت قربي وهددتني بتقتل نفسها ليت الموت اخذني ببدالها ...
سكت ما نطق بحرف قام وقف راح بعيد عني عطاني ظهره ؛ أنا بعد صديت اموت ولا اشوف بابا يبكي عندي وغير كذا كلامه اللي قاله ماتوقعته على اني ابي اعرفه
طلعت أنادي دلال أنا مو عارفة اتصرف في هالموقف ... لقيت بوجهي رائد واضح ان له فترة واقف هنا !
: وش صاير ؟
غالية : بابا ضايق شوي بنادي له دلال
رائد : لا خليها انتِ اقعدي معه
غالية : بس انا ماتحمل اشوفه كذا
رائد : معليش تحملي عشانه هو جالك انتِ ما جا لدلال
غالية : تشوف كذا
رائد : يبي يفضفض اسمعي له
ابتسمت له أول مرة احس رائد طيب مع بابا ، رحت وقفت جنب بابا ما شاء الله طويل رفعت راسي حتى شفت وجهه أو أنا قصيرة بعدت هالفكرة من بالي و بسرعة
نفسي اسأله عن صندوق رائد ؛ ودي اعرف الحقيقة لو استمر راح يحكي بس بصراحة أنا خايفة ، قررت اغير الموضوع : بابا نطلع للحديقة الجو حلو كثير
سيف : نطلع
مسكت ايده بيديني ابتسمت بوجهه و مشيت معه ، احاول امثل دور ماعمري عشته بس لعله يضبط !
وصلت لكليتي بعليشة .. يالله راح افقدها هذا ترم التخرج لي محاضراتي مو كل يوم الجزء العملي اكثر مريت دايت سنتر آخذ لي سلطة مآحب آكل ثقيل على الصبح وانا في طريقي شفت شلة بنات استغفر الله بس اللي استغربته كيف هالبنت دخلت معهم بسرعة أثرت عليها الشلة يعني بجد ناويين على خطتهم مدري وش صار لي .. بس ناديتها
: لين
وقفت البنات يناظروني وهي معهم
قربت أكثر منهم ؛ ناظرتها : مو أنت لين ؟
لين : إيه أنا آمري
شروق : ممكن أحكي معك شوي بعد اذنك
جات لي وحده منهم : معليش تخلينها وقت ثاني الحين مستعجلين
أنا بصراحة كنت خايفة و متوترة اني بقعد معهم لقيتها فرصة للهرب على أني ماعرف البنت ولا بينا ميانة
: اممم خلاص بنات انا بروح معها شويات وبجيكم
نورة : لا تتاخرين ما راح نفطر الا بوجودك
لين : طيب
لفيت ومشيت معها كنت عارفة ان البنات يراقبونا بنظراتهم بس ما همني والجد اني ما كنت اعرف ليش ناديتها بس اللي اعرفه انه مالمفروض تمشي معهم
لين : آمري وش بغيتي
شروق : انتِ ماتعرفيني يا لين بس اعتبريني ناصحة لك هالبنات مو زين لك تمشين معهم
لين : وليش ان شاء الله
شروق : مشاعل ناوية لك بنية مو كويسه كانك تبين عمرك أنا اعرفك حتى لو انتِ ماتعرفيني لا تضيعين نفسك
هي قالت مشاعل ولا ما قالت انا قلبي دق بقوة حسيه بيطلع : وانتِ وش دراك
شروق : بالصدفة سمعتهم ... مو انتِ مرت اخوك رائد اسمها غالية
لين : مرت رائد ... اسمها غالية !!!!!
***
ړُﺂﺿﯾة ﻋﻧ ﻧﭬﺳﯾ
فضلت افطر مع بابا في الحديقة الخلفية رائد مدري عنه يمكن طلع ناتالي ما راح تداوم اليوم .. أنا اشرب شاهيي المفضل بالتوت
سيف : غالية ما ودك تعرفين عن امك و اهلها
غالية : أنا اعرف اللي يكفيني
سيف : تعرفين ليش انا تركتك وليش اسمك كان غالية احمد
غالية : بابا مآبي اتعذب زيادة الله يخليك
سيف : برآحتك بس متى ما بغيتي الحقيقة انا موجود ماودي تعرفين من غيري
غالية بعد صمت وتفكير ؛ بألم : ليش من بين كل البشر اخترت لي رائد ليش ذبحتني يا يبه !
حسيت بألهما و الدليل اول مرة تقول لي يبه : أنا عارف كيف كنتِ تتعذبين من رائد طوال السنوات الماضية انا كنت اعقله بطريقتي كنت اضعط عليه واربيه بامور بس يطلع لي باشياء جديدة بعضها اخليه بهواه بس البعض اوقفه عند حده أنا آسف بابا لاني ظلمتك وزوجتك اياه ادري ما قام فيك مثل الناس بش بقولك شي ماتعرفينه ولا حتى رائد يعرفه او مايبي يعرفه
: غالية : وش بابا ؟
سيف : رائد يحبك ويموت فيك صدقيني ما يقدر على فراقك
غالية : انت وش تقول بابا رائد احيان احسه يكرهني وده يذبحني كيف يصير يحبني
سيف : هذا رائد ما يعرف يعبر عن مشاعره خصوصا عندك عشان كذا دووم تلقينه منفس و حالته حاله وفيه مواقف كثير اثبتت لي هالشي خليه هو يحكي لك وش صار بعد سنتين من زواجكم اساليه وش صار قبل لا يكتشف حملك اسأليه ليش كان يخبيك عن العالم ما يبيك تحتكين باحد ليش كان محافظ عليك ... لو تفكرين شوي بس تلقين اجابات الاسئلة اللي هو ما يبي يعترف بحقيقتها !
سكت ماعندي رد عليه ....
شرب شوي من كوبه ورجعه لمكانه ، لف وجهه للجهة الثانية : ودك تتطلقين منه
وش فيهم علي امس الليل قالها رائد و اليوم الصبح قالها بابا : لا مآبي ولدي يذوق اللي ذقته !
***
ماحضرت ولا محاضرة اليوم قضيت وقتي مع لين اللي بكت شوي من الحقيقة اللي كان لازم تعرفها استغربت ما شفت احد من صديقاتها سألتها
: وين صديقاتك لين
لين : اليوم عندنا اووف
شروق : وجيتي عشان تقعدين مع هالشلة
لين : ايه
شروق : وصديقاتك عندهم خبر ؟
لين : لا لانهم ما راح يسمحون لي
شروق : يعني مو انا لحالي اللي احذرك من هالبنات و القرار في الاخير لك
لين : أنا بس فكري لصداقة مو شي ثاني
شروق : و الحين عرفتي الحقيقة ابعدي عنهم
لين : .....
شروق : انتِ كذا راح تنهين زواج رائد اخوك و راح تأثرين على عائلتك فكري زين
لين : انت وش دراك ان عندي اخ اسمه رائد و شلون تعرفين بغالية زوجته
شروق : بصراحة انا ماعرف لا غالية ولا رائد ، بس سمعت مشاعل تحكي عنهم وقالت ان رائد يصير اخوك وهي في الاساس تبي توصل لغالية عن طريقك
لين : طيب مشكورة الله يعطيك العافية بجد شكراً لك
شروق : لا تشكريني بكلامك اشكريني بفعلك ابعدي عنهم
لين : ان شاء الله واعتذر اليوم ما حضري محاضراتك بسببي
شروق : مو مشكلة تتعوض اصلا اليوم ملكة اختي يمكن الله ارسلني اداوم حتى انبهك
مسكت ايديني وشدت عليها وابتسمت : مبرووك الله يوفقها و يوفقك
رديت لها الابتسامة بدون تعليق .....
***
ما رحت للمعهد اليوم قعدت في البيت رائد فطر من زمان وطلع لدوامه غالية كانت مع بابا كنت في مرسمي ارسم لوحتي اللي مفكرة اهديها لغالية ورائد في الوقت اللي اشوفهم متصالحين فيه دخل علي بابا معه دلوعته ..
: وش تسوين ناتالي
دلال : اهلن بابا نورت
غالية : بس بابا نور يعني انا اظلمت
دلال : ايه اطلعي بسرعة ما عدت اشوف من الظلام
غالية : انتِ بشعة ماحبك .. طلعت خليتهم وانا اسمع صوت ضحكاتهم في اذني
سيف : حرام عليك ليش زعليتها
دلال : عشان تلتفت لي شوي غالية اكلت الجو علي
سيف : ايه مو بس غالية حتى عبد العزيز بيآكله عليك
دلال : ايه جد بابا عبد العزيز كلمني من تقريبا اسبوع قال انه في الرياض يبي يشوفني وللحين ما كلمني وجواله مقفل
سيف : ايه هذا اللي بقولك بيرجع يعيش في الرياض و بزوجه أبيك تشوفين له عروس على ذوقك
دلال : جد يبه الله يبشرك بالخير و الله فقدته الدب
سيف : وحتى نواف
دلال بحذر : وش فيه نواف ؟
سيف : بيرجع الرياض خلاص
دلال : وخالتي رشا
سيف : هي السبب
دلال : يعني بتزوجهم الاثنين ؟
سيف : لا بس عزوز نواف خليه دلوع امه
دلال : هههههههههههه بابا حركاتك ما تبطلها
ابتسمت وقرب مني اخذ الفرشاه من ايدي حطها واخذني معها قعدني جنبه على الصوفا : دلال ابيك تسامحيني على كل شي
دلال : يبه أنا كبيرة و واعية اعرف كل شي و مسامحتك من غير لا تقول
سيف : تعرفين اني كنت بيوم اكرهك
نزلت راسي مابيه يشوفه لمعة عيوني : ايه اعرف بس مابيدي شي اسوي
سيف : تعرفين ان اليوم انا اموت فيك مثلك مثل غالية
هنا نزلت دمعتي صدق .. ماعندي اي تعليق او اضافة اقولها له
رفع راسي ومسح دمعتي بطرف اصبعه : خالك يبي يشوفك مشتاق لك
ابتسمت وهزيت راسي : إن شاء الله
سيف : سلمي عليه و على جدتك ، بكرة رحلتك بعد العصر أنا بجيك نهاية الاسبوع ان شاء الله
دخلت غالية : اشوفكم ما فقدتوني ادري ما تحبوني بشعين
سيف : وش جابك طيب
غالية : جيت بس اقولكم وش تبون غدا
دلال : اسألي رائد لا تسألينا
مدري وش قصدها بهالكلمة على اني نافرة من رائد بس خجلت من طريقتها خصوصا قدام بابا هين يا دلال
غالية : بابا عقل بنتك تراي مجنونة
سيف : الا دبه فديتك تعالي
رحت له قعدت بحضنه حسيتني طفلة صغيرة : بابا احبك
الظاهر حتى دلال حست اني طفلة : كيف نونو يصير عنده نونو
زل لساني بمفاجأتي اللي مخبيتها عنهم : ابشرك نونو اثنين مو واحد
سيف ودلال : نعم وش قلتِ
قفلت فمي بسرعة وقمت طالعة : ولا شي ولا شي
لازلت اسمع ضحكاتهم في اذني ... ؛ خربتها مفاجأتي !!
***
رجعت البيت بعد المدرسة اللي مآعرف وش قالوا فيها اليوم كنت دآيخه رحت انام عشان اقوم العصر عشان اتجهز قبل ما يبدون الناس يجوون وه رهف بتجي بعد قلبي فقدتها من زمان ما شفتها ...
مريت على غرفة معاذ من زمان ما تحرش فيني ولا انا رحت له ابي اخرعه دخلت شوي شوي كان معاذ نايم نطيت على فراشه
: مودي قووم
معاذ : دانية طسي لا اقوم اكسر راسك
دانية : مآبي مآبي مآبي مآبي مو لازم تنام
معاذ : عن السماجة قوم فارقيني ولا بوريك النجوم الحين
دانية : مودي تعال معي بوريك لبسي اللي بلبسه اليوم
معاذ : بشوفه بعدين يلا وخري
دانية : لا تعال الحين
ناظرني بطريقة غريبة حسيت بألم في عيونه همس لي بضعف : روحي تكفين ابي اقعد لحالي
قمت مستسلمة طلعت مسرعة قبل لا ابدأ ابكي .. حسيت بشي ماودي احس فيه
: مآبي افقدك معاذ مابي افقدك ....
رحت قفلت الباب وراها : سامحيني دودي سامحيني مو بايدي !
.
.
.
.
تم الجزء العشرون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الحادي و العشرون ~
ﻏ̲رُﯾ̃̐ﺑ̐ة يٓﺂ̴ﺂ̶̶̶̶̲̲̲ﻧ̲ﭠِ̲
كنت قاعده مع الناس بالي مو معي صح اغلبهم اعرفهم مو غريبين بس معاذ شغلني مدري وش فيه ... تراودني فكرة اني راح افقده كثير هالايام همست
: الله لا يحرمني منك يا بعدي عمري
شروق : دودي يلا قومي عطي هالكيس لفارس رهف روحي معها
رهف : وين
ياسمين : وين بتخطفين اختي شوشو
شروق : بخليها توقع في الكتاب هي و فارس
ياسمين تحوط اختها : اقول يلا بس هذا اللي بقى تتزوج دكتوري
رهف : وخري انتِ قتلتيني ابعدي بروح اشوف نصيبي
دانية : وين وين يا حلو قال تشوفين نصيبك مآتاخين فارس لين آخذ متعب
شروق : بنات آخر زمن ، قدامي يلا
دانية : لا مآبي فارس مهاوشني اليوم الظهر
رهف : من جد هاوشك هين بآخذ لك حقك يوم نعرس
شروق : هيه انتِ وهي بعلم عليكم وفارس بيشوف شغلة معكم يا ورعات
مشيت من عندهم باتجاه الباب بطلع رايحة عند البارك فارس هناك ينتظر .. لقيتها لقيت مشاعل بوجهي !
: هي كلمتين يا شروق ما راح ازيد وبعدها قد اعذر من أنذر ، ابعدي عن لين و خلك في حالك طول اليوم انتِ معها كان فيني أجي و آخذها بكل سهولة بس تركتك عشان تشوفيني هنا في بيتكم يوم ملكة اختك
شروق : انتِ وش تبين من لين وش مسوية لك حرام عليك تضيعين البنت
مشاعل : مايخصك وهذاني احذرك ولا بتنقلب حياتك انتِ بعد
شروق : وش هالوقاحة اللي تعرفينها جاية لبيتي و تهدديني اطلعي برا ارجعي مكان ما جيتي بسرعة
مشاعل : زين يا بنت محمد لا تبعدي عن طريقي وشوفي وش بيصير لك
اختفت من نظري .. كملت طريقي حسيت اني سويت خطوة مستحيل اندم عليها ماهمتني مشاعل
***
اول مرة انتظر رجعة رائد للبيت أبي اعرف وش سالفة غالية معقولة مشاعل تكذب أو مشبهه علي من هي غالية وش بينها وبين مشاعل ليش مشاعل مستخدمتني في النص
كنت قاعده في الصالة اللي تحت سارا قاعده مع اولادها يقولون ذي حامل بس أنا اللي شفته ماعندها ولا نقطة بطن ولا طرا للانتفاخ يسير عليها ! عبد الإله هادي بس فواز مشاغب وش من مشاغبة نفسي اكسره عاد أنا متوترة تهاوشت مع سارا قبل شوي صرخت
: فواز يا بشع وربي لو ما تقعد بقوم عليك الحين
لفت سارا مستغربة مني : وش فيك عليه ؟
لين : وترني مابي حركته هجديه
سارا : ما سوا شي مجرد يلعب ولا حرام يلعب بعد
لين : لا قومي طقيني احسن اصلا من دخلك انا اكلم فواز
سارا : وفواز ولدي !
لين : ولد اخوي لو ذبحته ماتفتحين فمك بحرف
سارا : جربي حظك
الجازي : بس انتِ ويآها متى بتعلقون كأنكم جارات وحده عندها ولدين الثالث في الطريق و الثانية اطول مني
سارا : شوفي اختك مدري وش فيها على ولدي
الجازي : وبعدين يا لين خلاص خليهم في حالهم
لين : اولاد اخوي وكيفي
ما كملت هوآش معهم تركت لهم الجلسة .. اللي انتظره وصل
: وعليكم السلام رويد اهلا وسهلا نور البيت
استغربت منها رحت اتحسس حرارتها معقول ذي لين : فيك شي ؟
لين : لا بس ابي احكي معك في موضوع
رائد : مافيني حيل مناقر و هواش يلا روحي من وجهي
ما اقتنعت الا يوم لمست الجديه في نبرتها : قلت لك أبي احكي معك في موضوع
رائد : يلا تعالي غرفتي
طلعت وهي ورآي .. متعجب منها من متى لين عندها مواضيع
قعدت على طرف سريري وخليتها واقفة : اختصري
لين : من هي غالية
رفعت حاجب : من غالية ؟
لين : غالية مرت رائد اخوي
رائد : من قالك ؟
لين : ما يهم بس اللي ابي اعرفه ليش متزوج بدون احد يدري
رائد : يكون اسمي رائد لين وانا مدري
لين : رائد أبي اشوفها
رائد : وليش ان شاء الله
لين : تكفى رائد انت من جد متزوج غالية ؟
رائد : ايه ارتحتي
لين : خذني لها و اللي يسلم عمرك ابي احكي معها في موضوع
رائد : انت وش فيك بالضبط توك تسألين عنها وصار بينكم موضوع !!
لين : بس اخلص اقولك السالفة
رائد : طيب اوعدك اشوف لك يوم اوديك
لين : ليش مو اليوم
رائد : خلاص لين انا جيت تعبان مابي تزيدين علي
لين : اوصف لي بيتها انا بروح
رائد : لين الوضع الحالي ما يسمح انك تشوفينها انا بالاول لازم اصلح علاقتي فيها بعدين راح اعرفكم عليها
لين : طيب واللي تصلح لك علاقتك فيها توديها ولا لا
تعجبت اصرارها : اكيد اوديها
لين : راح اجيب عبايتي ، مشيت طالعة من الغرفة بس ووقفني صوته
: ترى الكل يعرف بزواجي ، بس محد شافها
استئت لأنهم مخبيين سر عني بس فرحت لاني بوصل للحقيقة وراح اعرف ش تبي مشاعل بالضبط !
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك