رواية ياقاتلي هل لي بكلمة -15
رائد : لين الوضع الحالي ما يسمح انك تشوفينها انا بالاول لازم اصلح علاقتي فيها بعدين راح اعرفكم عليها
لين : طيب واللي تصلح لك علاقتك فيها توديها ولا لا
تعجبت اصرارها : اكيد اوديها
لين : راح اجيب عبايتي ، مشيت طالعة من الغرفة بس ووقفني صوته
: ترى الكل يعرف بزواجي ، بس محد شافها
استئت لأنهم مخبيين سر عني بس فرحت لاني بوصل للحقيقة وراح اعرف ش تبي مشاعل بالضبط !
***
زفينا هنادي بعدما وقعت وصلناها لكرسيها اسم الله عليها كانت جميلة مررة فسانها البنفسجي اللي يتخلله القماش الذهبي بشكله الجميل و القصة الخرافية اعلى الصدر ميكأبها كان رايق دمج بين ثلاثة الوان من الابيض و البنفسجي و الذهبي حول العيون الرمادية الواسعة واكيد الاسود فرض وجوده حولها لون الروج البنفسجي الغامق المطفي و الخدود المورده لها اعطت وجهها الطفولي شكل جذاب اكثر اعطاها الرضا و الثقة بنفسجها خصوصا وهي تشوف نظرة امها لها و عيونها المبتسمة المليئة بالفخر وكأنها تقول هذي بنتي اسم الله عليها ...
كانت قاعده في نص الصالة كرسيها غير شكل مزين بطريقة غريبة فيه ألوان الذهبي و البنفسجي الفاتح و ظل اسود مع لمعه غير شكل كان شكله بجد واااو ... دانية اللي لبست مثل ما رغبت تنورة بنوتية بلون رصاصي وشكلها جميل ومرتب ومثل ما قالت راح تطلع حلوة .. ما تركت اغنية ما رقصت فيها و سحبت معها رهف و لفوا على الحريم يسلمون خلصوا من الاقارب ولفوا لاهل رجل هنادي بنات ما يستحون كان من الحضور مرت خالي أبو مشعل لمياء و بنتها جنان حاولت ابتعد قدر الامكان بس لا مفر ....
: أقول شوشه
شروق : اسمي شروق
جنان : امممم مو مشكلة شروق كنت بس اسأل الحين ضاقت عليكم يوم مسويين الملكة في البيت ؟
وش تحس به ذي : ايه ضاقت
جنان : يوووه عاد انتم وضعكم مررة زين حتى اذكر الوالد من فترة يقول ان وليد كبر وصار يسافر يشوف اشغال ابوه برا كيف ضاقت عليكم فجأة صاير شي مانعرفه
ما لقيت تعليق صراحة : اذكري ربك جنان بعدين حنا بغينا الحفل كذا عائلي بس مثل ما تشوفين
جنان : وليش طيب مو حرام ما تفرحون البنت في يوم ملكتها
اللهم طولك يا روح ، كنت برد بس امها جت وانقذتني اتحمل تحرجني بس ما اتحمل بثارة بنتها
ام مشعل : ما شاء الله كبرتِ وصرتِ عروس اسم الله عليك الله يفرح ميمتك بك قريب
هذي هي خالتي لمياء دووم كذا من يمكن كنت في بطن امي بس تشوفني تعيد علي اسطوانتها : خالتي ارتاحي مع الوالدة سولفوا ما بقى شي على العشاء
لمياء وهي تناظر شروق بتفحص : بروح اشوف مشعل مع الرجال برا اسم الله عليه هالولد كبر ونبي نزوجه
جنان اللي ما اعجبتها نظرات امها لشروق : ايه صح و راح نستغل الفترة الجاية و ندور له عروس تناسبه
شروق : الله يوفقه زين انتظري خالتي بروح اكلم وليد لو يقدر يدخله احسن ما تطلعين برا البيت
لمياء : ايه ياليت يا عيوني
رحت هاربة من مرت خالي و بنتها وحده تحرج وحده تبثر !
***
هّلُ صِحٌيًحً هّوَ يَقًصًدّنّيٌ ؟
اخذت جوالي اكلم وليد اللي ما رج علي رحت للمطبخ ابطلع منه للباب الخلفي اشوف البوفيه وش صار عليه .. ما بقى شي ونعشي المعازيم ؛ طلعت بكل ثقة
: مارلين وش باقي حتى يصير جاهز كله
مارلين : بس شوي
شروق : اوووك بآخذ جولة عليه
كنت ماشية اتنقل بين الاصناف اشوف وضعها ما دريت عن اللي حولي ......
/
\
/
كنت اسولف معهم أبي اختهم كنا ماشيين باتجاه البوفيه كنوع من اللقافة
: لا تقعد تذلني انت اسألها وهي تقرر مو انت
فارس : مآنيب سآئل انا عطيتك اجابة يآخي مانبيك وش ذي النشبة
مشعل : شوف انا للحين ساكت انت من اليوم تطردني ترآي ابي شروق مو فارس
فارس : لا و الله يوم يصير اسمها في بطاقة العائلة عندك وقتها قل مو شروق شوشو بعد !
مشعل بحالمية : فديت شوشو
وليد بعد نظرة سآخره : تعرف لا يكثر !
مشعل : وش اسوي لكم من اليوم اقولكم ابيها انتم رافضين
وليد : لا انت استخفيت
مشعل : لا اللي تشوفه مو استخفاف
فارس يضحك : خلنا نشوف الاستخفاف طيب
مشعل بصوت مسموع مو عالي كثير : فديتك شروق احبك
رفعت راسي اشوف من اللي قال هالجملة لا اسمي وسطها بعد !
كانوا مقابليني بينا 3 او 4 امتار قريبين جداً بس ما انتبهولي الا يوم طاح من ايدي الغطا ...
شفت الدنيا انورت بعيوني كيف مآعرفها وهذي شروق اللي سكنت قلبي من طفولتي ودي اركض لها اسألها بنفسي انت موافقة علي .. حسيت اطرافي جمدت مو قادر ابدي اي ردة فعل نظري كان موجه لها
\
ناظرت فيهم واحد واحد مدري وش صار لي ولا الكلام اللي سمعته معقولة هذا مشعل ولد خالي يقصدني بكلامه ؟ يقصدني أنا شروق حملت نفسي وصرت اركض ابي اداري احراجي لين شفتني بنص المطبخ حاولت اهدي نفسي
دخلت دانية ورهف : وش فيك شوشو
شروق : ما صار شي .. شفت البوفيه ودخلت
دانية : تعالي شوشو خل نرقص ما تدرين يمكن يطلع لك نصيب شفت عمتي خلود تسولف مع ماما ويناظروني و يبتسمون اكيد تبيني لولدها بس انا مآبيه دلوع شوي
ناظرتها و ابتسمت على كلامها ولعلي اخفف توتري واحراج الموقف البايخ قمت فتحت الثلاجة وشربت مويه وانا فكر في الموقف البايخ وش نظرة اخواني وش نظرة مشعل بعد
: يلا بنات .. العشاء ، هنادي بتروح تتعشى مع زوجها
/
ماعمر حياتي توقعت هالموقف يصير وتبون الجد حسيت بخجل مدري بس يمكن اشارك اختي الشعور مدري وش احس به !!!
موقف مضحك صراحة وفي نفس الوقت محرج بس جميل ما قدرت امسك نفسي من الضحك : ههههههههه ليش وجهك قلب طماطه ههههههههههههه
مشعل : تعرف لا يكثر
فارس : ههههههه يعني لو فرضا قلنا بنزوجكم هذي الشوفه الشرعية لا تطلب بعدها ما راح تشوفها لو تفرفر
مشعل محرج : تتوقعون سمعتني ؟!
فارس لا زآل يضحك : وش فيك تقولها مستحي طيب ههههههههههههههه
مشعل : كل هوا .. اشوف فيك يوم يا رب عاجلا غير آجل
قمت بغير السالفة : مشعل فارس يلا العشاء ~
رائد اللي قعد و حط رجل على رجل : يلا ست لين سمعينا وش عندك
لين : طيب خلني اسلم عليها على الاقل بجد انت ماعندك ذوق
رائد : لا خليته لك فديتك احكي ولا بترجعين البيت الحين
كنت واقفة اناظر لهم ماتوقعت اليوم اللي بعرف فيه احد من اهل رائد قريب كذا والتعارف يكون بهالشكل ، قعدت لين وسحبتني معها وقعدت
: تبي الجد رائد .. مافي لا سالفة ولا شي بس حبيت اشوف غالية
وخرت بسرعة اصد عن علبة الفاين اللي رماها لي رائد تخبيت ورا غالية اللي سحبتها بحركة سريعة صرخ فيني
: يا قليلة الـ .... استوعب ويني جاني بطريقة وحشية خفت منه بصراحة خصوصا انه بعدني بكل قوته
: ناوية تذبحين ولدي
بلهت اناظر فيه : اي ولد ما شفت ولد انا
لفيت نظري لزوجته و استقريت فيه على بطنها شفت فيه نوعا ما بروز هي بعد حامل ! عل الاقل اهون من سارا حكيت حواجبي باحراج : طيب قول من اول
سمعت ضحكتها هادية وناعمة انا صرت اناظر فيها وشلون تضحك : رائد الحين انت متقرف مني انا ودلعي الماصخ وعندك ذي الريشة انا حسيتني ابو الشباب عندها
ابتسمت وقعدت بجنب غالية : دووم الضحكة
تلاشت ابتسامتي وصديت تذكرت اني زعلانة منه ، ما خفت على لين الحركة
لين : اصلا انا اليوم جايه كمصلح اجتماعي راح اصلح ذات البين
رائد : احلفي بس وش تنتظرين للحين شوفي شغلك
لين : طيب شوي شوي بآخذ نفس ، بعدين ممكن تخلينا لحالنا ابي احكي بانفراد
رائد : تراها مو مجرمة مافي داعي للانفراد
لين : براحتك ، لفيت على غالية : ايه حبيبتي اخبارك و اخبار النونو عساه مو متعبك
غالية : الحمد لله بس النونو مشاغب شوي
لين : ايه وش عليه طالع على ابوه
خزني رائد بنظره وانا متقصده كلامي عنه : يووه لو تدرين وش كثر مشاغب حتى اختي الجازي الكبيرة احيان ما تقدر عليه ما يحشم احد
رائد بسخرية : ايه وش عليه كلن يرى الناس بعين طبعه
لين : شفت كيف سبحان الله ما عليك فيه غالية تراه عيار
طنش ما رد : اقول غالية متى بنتعشى اليوم ولا عشان بابا مو هنا بتسحبين علينا
ابتسمت ابتسامة واسعة وانا اشوف القهر و الشرر في عينه : بابا تغدا و تعشى و راح من زمان وأنا الي طبخت
رائد بقهر : ليه الساعة كم كليتو ؟
غالية : ثمان
رائد : حشى دجاج مو اوادم
نزلت دلال : اسم الله علينا من قالك لا تقول انك بتجي
طيرت عيوني على البنت من هذي معقول رائد متزوج ثنتين بس لحظة هي كأنها اوروبية وش عند اهلها تحكي سعودي !
رائد : وهذاني جيت روحي حطي لي عشاء مو مشكلة لو كان لشخص واحد المهم اني أنا آكل وبس
وانا ما زلت اراقب الاوربية ذي : يا سلام وانا اموت جوع صح
ابتسمت من كلامه و غالية الصامته و منظر اخته قربت منها ، وسلمت عليها
.
.
.
.
.
تم الجزء الحادي و العشرون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثاني و العشرون ~
ﻟ̯يٓﺷ̶͠ ؟
طول الطريق وانا افكر من هالاوروبية اللي عند اخوي و لا تحكي سعودي بطلاقة ودي اسأله بس مو عارفة كيف .. ياربي بسأل صريح ولا يكثر اهم شي اعرف
: اقول رائد
من نبرة صوته حسيت انه مستخف فيني : قولي يا بعدي
لين : وش تطلع ذي الشقرا ؟
رائد : أي شقرا
لين : رائد انت متزوج ثنتين
ابتسم بخفة : ايه اعجبك ذوقي
طيرت عيوني : وبعد بابا و اخواني يعرفون انك متزوجها
رائد : لا الثانية بالسر عنهم بس غالية تعرف لاني مسكنهم سوا
لين : آهااا .. طيب ما تخاف ردة فعل بابا
رائد : ما راح يعرف الا لو قلتي له ، لا تخليني اندم
لفيت للجهة الثانية اناظر الطريق بعدما شفت ابتسامة جانبية خفيفة لرائد اكيد فيه سر ...
رجعت عيوني بتركيز على الطريق قلت في سري مجنونة هالبنت !
***
قالت لي دلال عن سفرتها لبريطانيا اللي كانت لها مفاجأة زايرة اهل امها فرحت لها على الاقل تغير جو الفترة الماضية كانت كلها ضغوط علينا بس الحمد لله بدت تنحل شوي شوي .. و ما بقى الكثير ، رائد امس كان جايب لي اخته يطلب مني الصلح سويت ثقل ، قلت افكر وارد خبر ,, هند راح تزورني اليوم كل يوم علاقتي فيها تقوى اكثر و اكثر الله يديمها
رحلة دلال اليوم و الله بفقدها تعودت عليها 6 سنوات هذي السابعة ما فارقتني فيها الله يعيني اتحمل بثارة رائد لحالي ، رحت لغرفة دلال
كانت نبرتي حزينة وصوتي يدل على اقتراب نزول كم دمعة : ليش ما تصبرين لبعد ولادتي
دلال : حبيبتي انتِ انا مو مطولة بعدين بابا بيجيني يقعد كم يوم يخلص اشغاله مع خالي ونرجع سوا
غالية : لا حتى بابا بيخليني لحالي بعد
دلال باستنكار : غالية ! انتِ مو لحالك ليش تتعمدين تهمشين وجود رائد
يا ماما اسم الله علي وش فيها ذي قلبت علي : دلال انتِ تعرفين رائد زين وتعرفين انه مزاجي
دلال : لو انك ذكية استغلي هالوقت فرصة ما تتعوض .. بتكونين لحالك معه هو يبي رضاك عطيه اياه ، أمنيه لا تنفريه
غالية : و النهاية مثل كل مرة رائد مزاجي مزاجي
دلال : طيعيني انا اول مرة اشور عليك في علآقتك معه غالية انا اكبر و افهم منك عشت مع الناس و القدره على تقييمهم عندي بعكسك تماما
غالية : تشوفين كذا دلال
دلال : لو ما كنت واثقة وشفت الندم في عينه ما راح اشور عليك لسراب
غالية : اللي تشوفينه
دلال : لا اللي يشوفه عقلك و قبله قلبك شايفه من زمان
ابتسمت بتوتر ... هذي انا دوم متوتره : الله يكتب الخير
***
كنا على طاولة الافطار اول مرة نجتمع كلنا ومعنا متعب أنا لاحظت ان ابوي و متعب لهم نفس طريقة التفكير بس الطريقة في التعبير هي اللي تختلف بابا هادي و لسانه يقطر عسل اما متعب يجيك دمه يغلي بس قلبه حيل طيب
كنت اراقب نظرات شذى له شكلها كثير حاقده عليه وبابا ما كانت تناظر له حتى لو كلمها اما عينها في الارض او على صحنها ، معليش يا شذى هم يبون سعادتك فايزة كارهتني بس استغربت منها من يوم شوفة بنتها و هي مبتعده عني ، يالله عساه دووم رهف فديتها ذي الدبيه كل يوم تقرب مني اكثر
خالد : ليش ما تآكلين سوسو
انتبهت على صوته : هااه .. اممم لا بس كنت افكر
ابتسم : نقدر نشاركك الا لو كان خاص
بتعجب : خاص !!
متعب : مثلا فؤاد على هالصبح ابتسم : يالله وش هالرومنسيات
تنحت فيهم وفي نفس الوقت انا خجلانة : متعب وش مواصفات عروسك
ناظرتني فايزة بسرعة : وليش ان شاء الله
يمه بسمك اللهم سكنهم في مساكنهم والله هونت ماني بمدوره له : هاااه لا هو قال ادور له
قلتها بطريقة خلت رهف و متعب يضحكون علي شاركهم بابا بابتسامة جميلة : وش فيها البنت تبي تخطب لأخوها
فايزة : بس يا خالد انا امه و اولى
خالد : الولد عنس بيصك الثلاثين ولا ناظرتي فيه خليها تشوف له رزقه
فايزة : بالاول نزوج شذى و ياسمين
خالد : زواج متعب قبل ياسمين وشذى
فرحت كثير يعني باتأخر في قربي من عبد الله يالله جعلك ما تلقى عروس يا متعب ..
نعم ياالوالد العزيز الحين انا لي كم شهر اتجهز ويوم باقي شوي تبي تأجله وينك يا فؤاد اسمع !!!
قامت فايزة من السفرة انقهرت من كلام ابوي ، وه فكه
خالد مبتسم : وش فيها ذي ما صارت قلنا كلمة مانمزح يعني
شذى باندفاع : بابا انت صايره كلماتك كلها اوامر واجب تتنفذ على اكمل وجه ما تراعي حنا وش نبي و ش ما نبي انا مابي عبد الله اللي انت جبرتني عليه
متعب ببرود : ابوك يدور مصلحتك
شذى : انا كبيرة لدرجة اعرف مصحلتي
خالد : شذى يا بابا انا لو ما شفت في عبد الله مواصفات الرجال اللي بيسعدك صدقيني ما اعطيك اياه لانه ببساطة ما يستاهلك
شذى : بس انا موافقه أنا ما احلم في عبد الله
ياسمين بسرحان : بتصيرين تحلمين فيه
قلت جملتي اللي ماستوعبت اني قلتها الايوم قرصتني رهف خجلت كثير نزلت راسي بعدما شفت ابتسامة متعب
ناظرني بابا نظرة لها معنى من اول انا حاسه انه يعرف بعلاقتي بفؤاد من قبل بس الحين تأكدت ... عشان كذا جبرني عليه من قبل لا اعرف انه هو ، بس شذى وش سببه ؟
لف على شذى : كم واحد رفضتي من قبل وانا رديته معك ؟ كم مرة مشيت كلمتك من بين اخوانك كلهم على حساب كلمتي اللي المفروض ما اتراجع فيها كم وكم وكم .... و الحين يوم اني ابي مصلحتك يطلع منك هالكلام ؛ على امرك ما راح اجبرك لانه ما يحق لي اصلا ؛ لو جاك حلمك عطيني خبر
متعب : يبه من جدك تحكي وش نقول للناس هذي تبي تفضحنا بين الناس
خالد : مابي اكون سبب تعاسة عائلة ، بنتي و امها اعرفهم
قآم من على السفرة وانا متعجبة من كلامه .. صار فيني تساؤل ، وش يقصد !!
***
ﮬ̲̌ذُيٓ ﭑﻧ̲ﺂ̲
رؤى طلعت من حالة الانطواء اللي كانت فيها صارت تسولف وتضحك مثل قبل بس انا ملاحظة انها تخفي الم كبير لو وش ما سويتي مو علي يا رؤى من بين كل الناس اقدر اعرف ان فيه شي مو طبيعي ... ياسمين مشغولة بزواجها ما بقى على الصيف كثير وهو في بداية العطلة الصيفية ,,,, من بديت دوام وانا في اقسام التنويم الداخلي مع البنات بس تعبت الروتين طلبت نقل لقسم الطوارئ ابي اتطور اكثر و اشوف حالات اكثر مرضى التنويم حفظتهم حفظ بس للأسف الشفت فيه بيصير مسائي بس مافي مشكلة التغيير كويس
اليوم بزور غالية .. ودي افتح لها قلبي لاني اثق فيها خلآص ماعدت اتحمل احتاج احد افضفض له ~
***
اليوم خميس ... الظاهر الكل نآيم بعد تعب امس ما ينلامون مدري وش هالنشاط اللي فيني نزلت اشوف البيت بعد امس كان كل شي نظيف ومرتب ,, شلت كتبي نزلت الصالة اقرا شوي اضيع فراغي ... ما حسيت بالوقت الا يوم نزل علي وليد
: شوشو وش تسوين هنا ؟
شروق : ابد كنت ادرس شوي انت ما رحت الشركة اليوم
وليد : لا و الله استئذنت من الوالد امس سهرنا انا و فارس و مشعل ولد خالي قالها وابتسم بعدها تنحت فيه ثم استوعبت وش صار امس حمرت و لفيت وجهي للجهه الثانية
وليد : شروق ابي احكي معك في موضوع انسب وقت بالنسبة لك تعرفينه الحين بعدما خلصنا من ملكة هنادي
شروق : وش فيك وليد خوفتني
وليد مبتسم : لا تخافين شوشو أنا ماعرف للمقدمات الطويلة العريضة بس بسألك سؤال واتمنى تجآوبيني خذي وقتك بس لا تطولين بعد !
شروق : خير وليد قولي
وليد : شروق مشعل ولد خالي طالبك و اتوقع امس سمعتيه باذنك وش قال .. الولد شاريك فكري زين بس تأكدي انها فرصة ثمينة ما تتعوض مو عشانه ولد خالي ، بس انا ماعرف عنه الا كل خير
ماعرفت انطق بس قال طالبك رحت لعالم ثاني .. رجعت لايام طفولتنا يوم قال لي
اصبريني بس اكبر انا اصير معرس و عروسي انتِ
وعيت على نفسي بصوت وليد : بنت شوشو نحن هنا
شروق : هلا سم
وليد : ما صارت عاد من اليوم احاكيك و اوصف لك الشخص و انت غارقة هناك على العموم انتظر ردك
شروق : شور علي يآخوي
وليد : ما ودي اظلمك ؛ استخيري
قام وقف بيطلع وقفت معه ومشينا لين الباب بكل هدوء وقف طبع بوسه على جبيني : يبي يعرف ردك بعده بيكلم الوآلد
شروق : الله يكتب الخير
طلع وخلاني ... مو عارفة افرح ولا وش اسوي بالضبط
***
ما امداها تصير الساعة ثنتين الا و دلال لابسه عبايتها قالت وش رايحة الحين للمطار
: لا اقعدي يوم يأذن العصر صلي وروحي
دلال : يا بنت الناس ما يصير لازم اروح مبكر
غالية : طيب وش بيفرق تراها طيارة الوالد
دلال : حتى لو هذي رحلة دولية
غالية : الله يخليك اقعدي بعد
دلال : تدرين شي يلا تعالي نروح سوا
غالية بحماس : طيب طيب بس اجيب عبايتي
وقف رائد : لا ما تروح اقعدي انتِ مهبولة
غالية : ما يخصك بروح مع اختي يعني بروح
عصبت وتجمع الدم فيني بس مسكت نفسي .. لآحظت غالية في الفترة الاخيرة تصدر منها تصرفات اطفال وفي نفس الوقت نافرة مني
: طيب يصير خير يا غالية .. راح اتفاهم معك يوم تقومين بالسلامة
دلال : الحين لآخر لحظة لي بينكم لازم هوآش !! نفسي اشوفكم يوم متحابين
رائد بعد زفرة قهر : هذي اختك مدري وش في راسها طلبتها تسامحني رافضة حتى اختي جبتها لها ورافضة وش اسوي بنفسي انا
ناظرتني دلال نظرة اول مرة اشوفها عليها فسرتها انها نظرة غضب وفعلا ، لهجتها غريبة وصوتها حاد : غالية وبعدين معك وش انا كنت اقولك من قبل ؟
رائد : خلاص دلال لا تضغطين عليها ان شاء الله كل شي بيزين
غمز لها بعد جملته يحسب اني ما اشوف ، قربت مني وضمتني بقوة بعدت عني وهي تضحك فيه مشاغب رفسها حسيت بحركته
دلال تهمس لي : غالية نصيحة لاني احبك رائد لا يضيع
ابتسمت لها : ان شاء الله
كان بابا توه واصل .. هو بيآخذها للمطار و بعد الحاح قدرت اروح معهم ^_^
***
من راحت دلال و انا احس بطفش ..
رائد ما فتح معي اي موضوع نزلني في البيت و راح و بابا اللي ما رجع معنا اصلا عنده اشغال ادري ان الفترة الماضية اشغتله بس بعذري لا تلوموني ... هند كانت جايتني هذا خفف علي ، بطني كبر بشكل الواحد يقدر يلاحظه اكيد فيه اثنين كنت مخليتها مفاجأة بس لساني نطق فيها احترت وش البس كل ملابسي ضاقت وحتى ملابسي هالشهر وصلتني صغيرة علي مالي شغل بقول لرائد يوديني السوق ، لبست جلابية كانت واسعة علي فليت شعري رسمت عيوني بقلم اخضر كان ملائم للون الجلابية و حطيت مجرد غلوس تعطرت و لبست لي صندل خفيف ,,, ما قدرت انزل طلبتها تطلع لي فوق الصالة العلوية المفتوحة تطل على حديقتي الصغيرة بزجاج عاكس كان منظر الغروب شي جميل منه حضرناه سوا كانت توقف بجنبي ...
: فقدت امي
حسيت بقشعريرة سرت بجسمي وش هالطاري يا هند ، ماعندي لها رد استرسلت
هند : غالية انا فقدتها بين ساعه وثانية طلعت ولا رجعت قالت لي بروح اشوف صديقتي و بعدين بآخذك معي تلعبين مع بنتها راحت بس ما جت ظليت انتظرها وانتظرها بس ما ..... فضفضت بكل قصتها وبكت ، ترتاح
كل كلآمها صدمني معقولة هذي هند وشايله كل ذا بداخلها ماعرفت شلون اتصرف يا الله وش هالمواقف اللي قاعده انحط فيها الايام
.
.
.
.
تم الجزء الثاني و العشرون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثالث و العشرون ~
ﭠﺑﯾ ﺷۆړُﯾ
كنت قاعد في غرفتي سرحان بغالية و ولدي وعلاقتي فيهم , أنا لازم اضبط الوضع لازم لين هي اللي راح تساعدني طلعت من غرفتي توجهت مسرع للين اللي كانت نايمة
: لين قومي قومي بسرعة
لين : هاااا رائد خلني توني رقدت ما امداني
رائد : لين الله يخليك قومي اسمعيني و ارجعي نآمي
قمت قعدت بضجر ابيه يفكني منه : اخلص
رائد : لين ابيك تكلمين غالية قولي لها رائد تعبان ولا يآكل ولا يحكي
فتحت عيني على آخرها بعد شهقتي : تبيني اكذب على البنت و هي شايله ولد
رائد : لا كلميها باسلوب ما يروعها ابي يحن قلبها علي
لين : آسفة هالشي مستحيل اسويه
رائد : وش تشورين طيب ؟
لين : اممم خلها علي انا بحنن قلبها عليك و ساعتها تسمي بنتك لين
رائد : شوفي لين وربي لو ترضى علي غالية بسمي لين بعد رضا غالية لانها تبي عبير
لين : مو مشكلة انا مو مستعجلة
قرب مني وضمني انحرجت ماتعودت هالحركة من رائد اللي لاحظت عليه له فترة متغير ..
رائد : تعرفين شي لين
لين : سم
رائد : خلي زوجتي علي أنا براضيها
ابتسمت له : موفق يآخوي
رائد : فديتك لين
***
فضلت كل شي يصير على ذوقي امي في يوم زواجي احسه افضل و اللي تقوله بسويه بدون تردد
: يمه وش تفضلين البس الابيض ولا السكري ؟
ام رؤى : لا البسي الابيض الهادي احسن
انت تصميمه جدا رايق مجرد فستان ابيض نفشته خفيفة جدا من الاسفل
رؤى : طيب تسريحة الشعر ينفع علي المجعد ولا اخليه سايح
ام رؤى : لا يمه لميه و حطي تسريحه من هالمجلات اللي عندك
رؤى : طيب وشكل المكآب ... وش تشوفين خفيف ولا ثقيل فيني
ام رؤى : تبين الجد قمر بدونه بس لانه لازم حطي خفيف عشان لا تختفي ملامحك الحلوة
خجلت من كلامها ... ما قد سمعت احد يقولي كذا
***
مرت كم يوم بابا سافر اليوم الصبح يورك ( المدينة اللي درس فيها سيف ) يخلص اشغاله رائد ما شفته اختفى بس كانت اخته لين تكلمني وتسأل عن حالي حبيتها وربي هالبنت امس الليل وصلتني ثيابي اللي طلبتهم من رائد بمقاس اكبر ما خلآني اروح السوق خايف علي اتعب ....
كنت كعادتي قاعده في الصالة المرتفعة اشرب شآي التوت وسرحانه حسيت برائد يوم طبع بوسته في خدي ومسك ايديني ضغط عليها وهو يقعد
: لازم تسمعيني و تطيعيني غالية أنا زوجك ولي حقوق عليك
غالية : طيب سمعني بالاول
رائد : أبي آخذك بيتنا لازم تتعرفين على اهلي
غالية : وش الطاري الحين يا رائد ؟
رائد : خلاص تعبت اخبي كم شهر و اصير اب لازم يفرحون معي
سكت ماعندي رد : .................
رائد : السكوت يعني رضا ؟!
غالية : مثل ما تبي
رائد مبتسم : تم اجهزي غالية أنا بجيك بعد المغرب انتِ جاهزة وشوي شوي على ولدي
ابتسمت بتوتر همست : إن شاء الله
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك