رواية ياقاتلي هل لي بكلمة -16
كنت كعادتي قاعده في الصالة المرتفعة اشرب شآي التوت وسرحانه حسيت برائد يوم طبع بوسته في خدي ومسك ايديني ضغط عليها وهو يقعد
: لازم تسمعيني و تطيعيني غالية أنا زوجك ولي حقوق عليك
غالية : طيب سمعني بالاول
رائد : أبي آخذك بيتنا لازم تتعرفين على اهلي
غالية : وش الطاري الحين يا رائد ؟
رائد : خلاص تعبت اخبي كم شهر و اصير اب لازم يفرحون معي
سكت ماعندي رد : .................
رائد : السكوت يعني رضا ؟!
غالية : مثل ما تبي
رائد مبتسم : تم اجهزي غالية أنا بجيك بعد المغرب انتِ جاهزة وشوي شوي على ولدي
ابتسمت بتوتر همست : إن شاء الله
***
طول الايام الماضية و انا متوترة خايفة اشوف مشاعل او نورة او اي احد من الشلة .. صرت اذا قعدت في مكان ما ودي اقوم محاضراتي اليوم كلها محضرة من قبل الدكتورات الله يصلحك يا مشاعل ؛ رن جوالي
فوز : وينك يا بشعه
لين : أنا في قاعتي أنتظر اخوي بيجي بعد شوي
فوز : تعالي وش في القاعة اقعدي معنا
لين : مابي احتك تعرفين
فوز : اقول تعالي بلا خرابيط
لين : لا مانيب جايه ما ابي احد يشوفني
فوز : اووك .. باي
لين : باي ؛ قفلت منها وصرت العب بجوالي ؛ دخلت علي .. مشاعل .... وش تبي ذي !
***
بعد الغدا طلعت غرفتي ارتاح لين يجي وقت الشاي طق علي الباب مرتين بخفه
: ممكن ادخل شوشو
حسيت وش يبي : حياك وليد تفضل
وليد : كيف العسل
شروق : نسأل عنك
وليد : ليش تسألين عني أنا اسألي عن بعض الناس أنا جاي ابي ردك
شروق : أنا فكرت زين واستخرت ... موافقة
وليد : مبرووك يا قلبي مبرووك
شروق : بس لي طلب
وليد : آمري
شروق : ما يصير شي الحين ابي اتخرج بمعدل
وليد : بس يا حبيبتي لازم على الاقل نخطي خطوة جادة
شروق : معليش وليد هذا طلبي
وليد : اوووك راح اوصل له طلبك على اني مو مقتنع فيه
شروق : تسلم يآخوي
***
ﻣ̝̚ﭠۆﭠړُة
تجهزت قاعدة بالصالة انتظر رائد يجي .. كنت متوتره لين وصل ورحت معه !
كنا في صمت طول الطريق .. لين وصلنا
رائد : يلا غلاي انزلي
غالية : رائد الله يخليك لا تتركني
رائد : في عيوني انتِ صدق لو بايدي اقدم نفسي للموت بدالك
غالية : رائد لا تكذب علي انت ما تحبني
طبع قبلة على ايدي اللي شد عليها : انزلي غلاي
نزلت معه .. هو أمني و أماني ...
/
\
/
كنت قاعده صح متوترة بس خف توتري ، يالله ناس ذوق و فعلا اخته الجازي كبيرة اخلاقها و تعاملها ما شاء الله رائد غير بكل معنى الكلمة عن تعامله معي في البيت سعد ما كان موجود سارا مرت سعد ههههه لا تعليق هي ولين كأنهم جارات لين حسيت فيها دلع بزيادة مو مثل ما كانت عندي ما قدرت امسك نفسي همست له
: ما كأنها دلوعة بزيادة
ما عطاني اي ردة فعل كانت لحظة صمت منه ثم انفجر ضاحك !! انحرجت كثير ما توقعته يسويها معي وجهي تقلب و تلون
قرب مني و رد لي بنفس همسي : بينا امور مشتركة
بعدت عنه وبصوت مسموع : توك تلاحظ انا من زمان منتبهه لهالشي بس انت لاهي
لين : ايواا يا عتاب انتَ
ضحك كل من بالجلسة أما أنا دوروني ما تلقوني ودي يغمى علي واتخلص من الاحراج ....
: السلام عليكم
صوت رجالي واضح فيه الرزانة وهيبة صاحبه ، قمت وقفت من شدة توتري
الكل : وعليكم السلام
رائد : حياك
كان عمي ابو رائد و زوجته ، مسكني من ايدي ضغط عليها وكأنه يهديني مشى و مشاني معه باتجاه ... ابوه !
مشاعري ما توصف انا في موقف لا احسد عليه ... أول مرة اكون ضيفة !!
***
على طاولة العشاء اليوم ابوي مرتاح و كذلك ماما عساه دوووم
دانية : وليد متى مسافر ؟
وليد : لحقتي تزهقين مني
دانية : لا والله بس مآبيك تروح فجأة بدون لا ادري مثل هالمرة
وليد : لا تطمني لسى قاعد الا لو جد طارئ
ام فارس : الله يعينك ويسهل عليك يا يمه
فارس : ايه يا ام فارس الدعاوي بس لوليد ساحبة علينا
دانية : قام يغار المعرس
رمش بعينه كذا مره يبي يستوعب : أنا !!
دانية : ايه مو اتفقنا على رهف ذاك اليوم
وليد : من ورانا على البركة ابو محمد
فارس يضحك محرج : هههههههه يبارك فيك عقبالك
غص وليد بلقمته قامت له شروق بكوب مويه : اسم الله عليك
كان يكح ولا فيه يشرب او يرد
معاذ : ههههههههههه راح فيها الولد
ام فارس : اسم الله عليك وليدي ولا يهمك بخطب لك قبل فارس بعد
وليد زاد احراجه وزادت كحته : الحمد لله قام عن السفرة .. لسى ما اكل !
كنت ساكته ولا هية بتفكري عنهم اللي رايح مع احمد وحياتي معه
تعشينا ولله الحمد عمي فهد اخذ زوجته لبيتها و رائد قام بينوم بعد قومني معه
: يلا يا سيدات انا وراي دوام الصبح نشوفكم في وقت لاحق
لين : لا رائد خلوكم هنا نبي نسهر
رائد : لا لا لا ، بس ما كفاك سوالف و هذره تعبتي مرتي و ولدي
لين : اووووف ليه انت راسك ناشف حاسدني على السوالف
رائد : حاسدك اجل يلا غلو قومي معي أنا اوريها الحسد شلون
الجازي : شوي شوي عليها رائد
رائد : اشوف اخذت الجو علينا غالية
الجازي : ايه فديت قلبها واضح انها سنعه وتدخل القلب بسرعة
وجهي حمر استحيت من كلامها واضح انهم حبوني و انا بعد .. حبيتهم
رائد : مرة ثانية بجيكم لحالي بدونها
لين : رائد ما تسويها
رائد : يا واثق ، وخري عني ابي انام وراي دوام الصبح
لين : و اللي يسلمك رويد اطلع فوق نام وخلها هنا نسولف شويات و بتجيك
رائد : احلفي بس !!
لين بدلع : والله
رائد : عشان يقلد صوتها : والله ، ما راح اخليها
الجازي : ههههه روح الله معك بس انتبه شوي شوي وانت تسوق لا تنام في الطريق
رائد : ان شاء الله على امرك
طلعنا متوجهين لبيتنا ... ~
***
/
قبل لاندخل البيت كنا وافقين بالحوش مقابل الباب ..
مسكني رائد و لفني له : اليوم ما راح ادخل البيت هذا لين اسمعك تقولينها .. سامحتك
بدون ما افكر : مسامحتك ومحللتك
طبع بوسته على جبيني ، فتح الباب و دخلنا .. كان البيت طافي من كل الانوار الا نور الاباجورة في الصالة المرتفعة رحت باتجاها
شلت عبايتي ورميتها على الكنبه كنت اناظر في الجهة اللي دلال قعد فيها دووم
رائد من وراي : اشتقتي لها
غالية : كثير
رائد : ما امداها توصل بيتهم تونا مكلمينها
غالية : بس اشتقت لها
رائد : خلاص عاد كلها كم يوم وتشوفينها عندك
ما رديت ؛ تقدم رائد وصار وراي و بحركة مفاجأة منه شالني تمسكت فيه ، طلعني لغرفتي حطني على طرف السرير و قعد بجنبي
: من قلبك ولا لأنها طلبي ؟
غالية : تدري اني ماعمري شلت عليك
قرب مني اكثر مسك ايدي وشد عليها ، عمري ماتوقعت بيوم اسمع هالكلمة منه بس قالها : غالية أحبك ؛؛ كلمته أخذتني لعالم بعيد مافيه الا انا و هو ......
.
.
.
.
تم الجزء الثالث و العشرون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الرابع و العشرون ~
ﺣﺑﯾﭠھَہّ ﺑﺳ ﻟآﻧھَہّ آﻟﺣﺑ
لي كم يوم من دخلت الشهر السابع ودلال ما جات للحين تقول جدتها تعبانة وتبيها قربها الله يشفيها بس بعد انا محتاجتها الحين اصلا هي وعدتني بس ادخل الشهر السابع راح تآخذني السوق نتقضى للبيبي ... لين صارت تقريبا ساكنة عندي كل يوم واحيان كل شوي ناطه علي بس ما يكون رائد موجود لان الجد انا تعبانة كثير
رائد بعد عمري تغير معي كثير وللاحسن ولا يرد لي اي طلب ابيه حتى لو كان غريب
اولاد ابوي عبد العزيز حيل طيووب و روحه خفيفة مرحه يجيني بين فترة وفترة يسولف علي و يآخذ اخباري عرفت انه كان في السويد بس الحين رجع للرياض نفس الشي نواف الله يسامحه مدري وش سويت له انا جاني و طقني في نص بيتي بابا منعه انه يقرب مني وحلف عليه بيسوي له شي ما يرضيه الله يصلحك يا نواف
***
لنا شهرين نداوم مع الوالد عن نفسي تأقلمت بس نواف واضح انه لا و لو وده يفجر في البيت فينا طبعا بعدما ينحاش .. نزلت افطر مع امي ونواف و كالعادة نتهاوش لين اطلعه من البيت افضل اسمع اسطوانة كل يوم من الوالدة ولا اسمع موال يوم واحد من الوالد !
نواف ضايق : الله يسامحك يا يبه وش حياة الشقا ذي
عبد العزيز : احمد ربك
رشا : الحين قربي صار شقا
نواف : مو قصدي يمه بس ليش يجيبنا هنا من مدير شركة لموظف حتى لو اني عضو في مجلس الادارة للشركة !
رشا : هذا اخوك ما قال شي بعدين لمتى انت بتقعد في الغربة ما اشوفك الا بين وبين
نواف : من قالك يمه انه مستانس هنا لف عليه : قولها وش تحس
عبد العزيز : وش احس ؟
نواف : انك تختنق بوجودك في الرياض
حولت نظرها علي : من جد ؟!
خزيته بنظرة لعله يفهم ويسكت : لا سلامتك يمه يلا نواف مشينا
نواف : ما تشوف قاعد افطر !!
رشا : الشغل مو طاير و بعدين ابوك ذا .............. ؛ بدت الاسطوانة !
***
طلعنا من المحكمة ... اليوم كانت ملكتي خلاص صرت حرم عبد الله بناء على طلبي رجعت مع ابوي للبيت ما رحنا أفطرنا مثل ما طلب ، ما تعرفون شي عن عبد الله راح احكي لكم وش كانت تقولي اخته ام مساعد
ام مساعد : اسمعيني يالجازي الكلام اللي بقوله لك عن عبد الله مو عشانه اخوي بالعكس انا فخورة لشخصه هو كان بار بامه رفض يتزوج كان خايف يجيب لها وحده تطين حياتها وامي الله يرحمها من النوع اللي ما يشكي و يخليها بنفسه !
الجازي : هذا السبب اللي مخليه ما تزوج للحين
ام مساعد : ايه ، بعدما صار وحيد في البيت و محتاج اللي ترعاه ما شفت قدامي الا انتِ ولا تفهميني غلط كل شي مقدر
الجازي : لا اكيد احكي خذي راحتك
ام مساعد : اخوي عمره 36 يبي زوجة وهذا سبب اختاري لك مايبي طفلة يربيها يبي وحده تشاركه الحياة و بصراحة ماعرفت عنكم الا كل خير وانا تمنيتك له من زمان بس هذا المكتوب
كلمنا سوالفنا ذاك اليوم .. استخرت ربي و اللي ظهر لي الراحة
خبرت ابوي عن موافقتي من اسبوع وزيادة ، و اليوم كان موعدنا في المحكمة عشان الملكة ...
***
ترددت كثير قبل ادخل عنده في مكتبه بس صار ودخلت
: السلام عليكم
سيف : وعليكم السلام
نواف : يبه ودي احكي معك في موضوع
سيف : بخوصوص
نواف : الشغل
سيف: اسمعك تفضل ارتاح
قعدت وانا مقتنع باللي ودي اقوله في نفس الوقت مابي ردة فعله
: يبه شراكتنا مع شركة عمي فهد ما لها داعي مو قاعدين نستفيد من بعض
سيف : وعلى اي اساس قلت هالكلام
نواف : الارباح في نهاية كل شهر نفسها و التطور للشركة في الرياض يمشي شوي شوي بعكس فرع البرازيل و غير كذا هنا فيه رائد اللي مدري وش يسوي في الحياة
ابتسم واخذ قلمه ورجع ظهره على الكرسي : وش بينك وبين رائد
نواف : ......
سيف : لانه رجل غالية ؟
نواف : يبه انا احكي معك في شغل لا تخلط المسائل
سيف : أنت اللي خلطت ولا وش الطاري اللي جيتني فيه طيب احكي مو انت كارهه لانه رجل اختك لانك تكرهها وتهجمت عليها في بيتها تطقها بزعمك ان كل الحب لها و اكيد انها راح تاخذ كل هالحلال اللي انت و اخوك تعبتوا فيه صح ولا لا انطق
نواف بانفعال : ايه صح انت ما تشوف نفسك وشلون صاير كل شي غالية كل اهتمامك في غالية حتى رائد ما كنت مخبرنا انه زوجها خايف نوصلها و نغير خططك اللي انت راسمها كل هذا وش تسميه
سيف ببرود : وانت وش عليك نقص منك شي نقص من قدرك شي
نواف : بس التفت لنا حنا اولادك نفس الشي مو بس هي طيب حنا رجال ناتالي ليش ما تحبها مثلها و لا كل واحد وامه ومع نفسه ! ايه اصلا هذا الحاصل انت تكره رشا اللي هي امي و ام عبد العزيز
سيف يحاول يضبط اعصابه بكل هدوء : نواف اطلع برا
نواف : بعد تطردني و عشانها صدقت امي يوم قالت ساحرة
غيور وقوي عين : قلت لك اطلع برا لا يجيك شي ماعمرك شفته
هذا اللي بيذبحني هين ان ما وريتك انت و غاليتك ما اكون نواف ولدك يا سيف ؛ طلعت من عنده و من مبنى الشركة ككل .....
***
الاسبوع الجاي تبدأ الامتحانات النهائية يالله مو قادرة اصدق بنفتك من المدرسة و نسهر و ننام على كيفنا و الله لاعزم رهف عندنا كل يوم اصلا وناسة زواج هنادي و ملكة شروق كلها بذي الاجازة ... معاذ صاير غريب بس انا اوريه ان ما طلعته من هالحالة اللي هو فيها ما اكون دانية بنت محمد بس يصبر
نزلت من غرفتي رايحة الصالة تعبت و انا ادرس لامتحاناتي ودي اتفرج اي شي لقيت مامتي و معاذ و وليد قاعدين
: السلام عليكم
: وعليكم االسلام
ام فارس : وش منزلتس يا يمه اطلعي اقري لتس كلمتين تنفعتس
دانية : يووه يا يمه تعبت من الكتب بيطلع لي نخل ما غير مقابلتها هي و الجدار
وليد : بس تكبرين بتعرفين قيمه التعب اللي تعبتيه الحين
دانية : ما عليه خل اشم هوا لي اسبوع بالبيت مقابلة الكتب درست كل المواد وباقي اراجع
وليد : الله يوفقك يا رب و عشانك شطورة بطلعك اليوم الملاهي تروحين
دانية بحماس : وااااو اكيد بروح
ام فارس : ليش يا يمه الملاهي الحين خلها بعد ما تخلص
وليد : ما عليه يالغالية تجدد نشاطها شوي
دانية : ايه يمه و حتى معاذ بيجي معنا نحتاج نتنفس
وليد : اكيد هذي يبي لها كلام ولو تبين هنادي و شروق بعد مو مشكلة
دانية : والله فكرة حتى انتِ يمه قومي معنا
معاذ : وش رايك نقول لفارس وابوي بعد
دانية : يا حماس طلعه عائلية
معاذ : دانية لا يكثر و التهي في نفسك انا مو رايح مكان
دانية : لا بتجي معنا مو بكيفك
معاذ : نشوف
وليد : خلاص قلبتوها حرب انتم
دانية : مدري عنه اخوك ذا اللي راسه ناشف من طلع من المستشفى وهو ما يسولف ولا يضحك ولا شي
ناظرني وليد بنظرة ما فهمتها : خلاص معاذ بتجي معنا صح
قلت بتردد : مدري اشوف
وليد : وش تشوف ؟ خلاص رتب امورك بعد المغرب بنطلع
معاذ : بس لسى انا ما خلصت الجغرافيا للحين
ام فارس : لا تضغط على اخوك يمكن يحس بتعب او شي
وليد : ما فيه الا العافية صح معاذ
هزيت راسي بايه وانا متوتر وش يطلعني للناس وانا كنت مدمن !
***
ﺳآﻟۆﻧﯾ .. ﻣ̝̚ﻧ ھَہّۆ ؟ ﻗ̮ـ̃ﻟﭠ : פﯾآﭠـﯾ !
رؤى صار لها تقريباً اسبوعين من تزوجت ولد عمها امها انتقلت معها لبيتها فقدتها وفقدت حسها بالبيت الله يوفقها ... البيت صار فاضي علي بس زين اني اداوم فترة مسائية الدكتور فارس معي في الطوارئ مهون علي احس بالامان بوجوده مدري ليش ... ياسمين للحين تداوم في الصبح بس الفترة الماضية انشغلت عني كثير عشان زواجها مالي الا غالية اقضي معها فترة الصبح احيان لين تجي اخت زوجها الدلوعه
كنت قاعده مافيه حالات اليوم الطوارئ هادي عساه دووم بعض الحالات تقطع قلبي خصوصا لو جابها الاسعاف الله يعين
***
سعود : وبعدين معك يا طلال متى تبي تتصرف ترى انا حامت كبدي من هالرائد قولي انك مو مسوي شي عشان انا اتصرف
طلال : اصبر شوي يا سعود في عملية تبادل بتصير خلنا نورطه فيها احسن من اننا نطلق عليه تصيب او تخيب
سعود : متى هالكلام شوف كم لك من شهر تماطل فيني
طلال : كم يوم بس اصبر علي
سعود : بعطيك اسبوع بس بعده انا راح اتصرف لحالي
طلال : اقل من اسبوع لعيونك
سعود : نشوف !
***
بعد صلاة المغرب رجعت للبيت ابي ابدل حامت كبدي من لبسي اللي من الصبح لقيت امي و عبد العزيز ابد مو وقتهم
عبد العزيز : وينك من اليوم و جوالك مقفل
نواف : وش دخلك فيني ان شاء الله اروح في جهنم و افككم مني
عبد العزيز : احترم نفسك يوم تتكلم معي هذا اولاً و ثانياً تدري انك تغيبت عن اجتماع مالمفروض تغيب عنه
يالله انا وشلون نسيت الاجتماع : طيب وش صار خلصت الدنيا
عبد العزيز : شوفة عينك ما خلصت بس يكون بعلمك ان الوالد اصدر قراره مخصوم عليك اسبوع
نواف : لا زين كثر خيره خصم بس اسبوع
عبد العزيز : وهالاسبوع ما يبي يشوف وجهك فيه
رفعت حاجب ايه قول كذا : طيب مو مشكلة اسبوع ما راح يشوف وجهي اوامر ثانية
عبد العزيز : رجع مخك لراسك ولا تتحداه
نواف : اووووف وش القرف هذا لا تتحداه ولا تتحداه عدوي هذا مو ابوي
عبد العزيز : براحتك بس كنت انصحك
نواف : نصايحك لك بلا قرف .... طلع وقفل الباب وراه
رشا : كذا طفشت اخوك
عبد العزيز : هو اللي يبي يطفش ما شفتي شلون داخل و شلون يحكي معي تقولين اصغر عياله ولا عامل عنده
رشا : كله من ابوك وبنته حسبي الله عليهم
عبد العزيز مستنكر : يمه وش دخل ابوي و غالية الحين هذا اخلاق ولدك مالاحد تأثير !
رشا : الا لهم ما شفت شلون يعامل اخوك عشان بنت الساحرة ذيك ولا عاجبك الوضع
عبد العزيز : استغفر الله يمه المره ميته و بعدين غالية ما لها دخل في شي ولا تنسين ولدك وش مسوي فيها
رشا : تستاهل جزاها و اقل بعد
عبد العزيز : يمه ترى سبب رجعتنا لك هو ابوي ولا صدقيني انت تطفشين اللي ما يتطفش ابوي اللي هو ابوي جامع برود الدنيا ما قدر يتحملك حتى نواف اللي طايرة فيه ما سلم منك اذيتيه في نفسه وشوفة عينك هذا هو صاير لا يطاق دلال طفشتيها من قبل و انا ,, ولا بلاش
ما ودي احكي اكثر طلعت غرفتي وقفلت علي الباب ...
***
وش هالحياة القرف اللي انا عايشها هنا الله يسامحك يا يبه كنت خليتني هناك على الاقل بعيد عن هالعذاب اللي انا فيه
كنت ماشي بسرعة عالية مدري وين رايح بس تفكيري مستحوذ علي وهذا السبب اللي خلاني ما اركز و ارتطمت بعمود الاضاءة ولا عدت اذكر شي
\
\
\
طلع من عنده الدكتور وقفت مقابله
: طمني يا دكتور وش فيه ولدي
الدكتور : ولدك بخير نحمد الله انه طلع من هالحادث باقل الاضرار مجرد كسر في يده اليسرى و رضوض في مناطق من جسمه
سيف : طيب وش تشوف في حالته ؟ يقدر يطلع ؟
الدكتور : في الحقيقة افضل انه يقعد عندنا كم يوم تحت الملاحظة
سيف : وانا ماعندي مشكلة سوي اللي تشوفه بس طمني عنه اول باول كل جديد ابي اعرفه
الدكتور : ان شاء الله
سيف : تسلم يا دكتور
هذي نهاية افعالك يا نواف ... اتمنى ما تقول غالية هي سبب الحادث !
***
من دخلنا لمدينة الملاهي وانا اراقب معاذ و طريقة تعامل دانية معه احس في رسها شي تبي تسويه لو كان في صالح معاذ ماعندي مشكلة اساعدها
دانية : وليد نبي نركب تصادم الله يخليك
معاذ : السيارات مو للبنات
دانية : الا لنا وعندنا قسم خاص بعد
معاذ : والله .. مبروك عليك روحي العبي
دانية : لا مابي ابيك معي
معاذ : انا ما راح العب
وليد : معاذ وش فيك صاير كذا خلاص العب كلها دوره وحده
معاذ : بس ...
وليد : لا بس ولا شي الحين باقطع لكم التذاكر
دانية : يس يس يعيش وليد مودي من الحين اقولك ترى كل من بسيارة
معاذ مبتسم : ما طلبتي شي
الله يعطيك على نيتك يا دودي ... رحت اجيب لهم التذاكر
***
الجازي ولين جوني اليوم وكل وحده فيهم كانت جايبة لي ملابس اطفال جميلة وكذا شغلة للنونو كنا نشوف الاغراض عند رائد اللي اشوف في عيونه فرحة مو طبيعية جعلها دووم
لين اللي كانت ماخذه بيديها طقم لون ابيض موديله جميل : شوفي غلو انا مالي شغل اول ما يلبس هذا
رائد : وليه ان شاء الله اول ما يلبس اللي يجيبه ابوه له
لين : لا انا عمته يعني يلبس اللي جبته
رائد : وش رايك اسجله باسمك يكون احسن
لين : لا لا ما له داعي بس سمه خالد
رائد :هذا اللي بقى والله ما سميته لو خلصت الاسامي
لين : ليش رويد مـ ...
رائد : قالت رويد قال بيصير عندي ولد وتقولينها لي اصغر عيالك تقولين رويد وربي لو تعيدينها بعد اليوم بقص لسانك بعدين وش معنى خالد ؟!
لين : براحتك ان شاء الله سميته شرشبيل وجبت له سنافر بعد براحتك
رائد : اكيد براحتي يلا قومي طسي بيت بابيك
حطت رجل على رجل : انا في بيت اخوي مو بيت غريب
الجازي : رائد تطردنا يعني
رائد : يا يمه يسعدلي اياك انا اكلم هالعصلة
لين : وانا بقعد مع جوج
الجازي : خلاص رائد عشاني هالمرة
رائد : عشانك هالمرة وكل مرة بس اشوف آخرتها شين وقوي عين !
اللي مصبرني هالايام على بعد دلال وجود رائد و لين في مكان واحد قدامي مرة ضحكت لين حسيت ولادتي قربت هههههه
.
.
.
.
تم الجزء الرابع والعشرون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الخامس و العشرون ~
ھَہّۆ ﻏ̣̐ﻏ̣̐ﯾړُ ۆ ﻗ̮ـ̃ﻟﺑھَہّ ﻏ̣̐ﯾړُ .. ﭬﮃﯾﭠھَہّ
صح لي اسبوعين وشوي زوجته بس احس لي سنتين اخذت عليه بسرعة وتعودت و الواضح طيبة قلبه حتى عمي زيد ما توقعته يكون معي بهالطيب ولا حتى مع أمي ؛ طفشت من جلسة البيت و باقي لي اسبوعين في اجازتي بعد بس مو مشكلة بستغل وقتي بعمل حفلاتي و بعزم البنات وبسوي اللي ودي في قسمي الخاص ادري ان امه راافضة هالشي بس كيفي قسمي .... لمحته توه مخلص شور قمت رحت له أساعده بلبسه
وانا آخذ منه المنشفة : نعيماً
عبد المجيد : نعم الله عليك
رؤى : أنت طالع الحين صح
عبد المجيد : ايه مشوار سريع بعده راجع
رؤى : امممم طيب معليش اعزم صديقاتي من زمان عنهم
عبد المجيد : معليش حياتي تخلينها يوم ثاني
رؤى : ليش مو اليوم ؟؟
عبد المجيد : اليوم بعد العشاء عمي زياد راح يجي ولازم تطلعين له
رؤى : لا تحطني في هالموقف الله يسعد لي ياك
عبد المجيد : رؤى يا حبيبتي اسمعيني بقولك شي أتمنى تسمعيني
رؤى : تفضل
عبد المجيد : أنا ماعرفت عنك و عن قصتك شي الا قبل زواجي بك بشهر وقتها انصدمت كثير من ابوي و اعمامي ما توقعت قلوبهم متحجرة لذي الدرجة
في البداية ما ابديت اي ردة فعل سكت يتأملني عرفت في نفسه شي بس ماقدرت اخمن وش هو بس سألته
: وش السبب اللي خلاك تعرفني ؟؟
عبد المجيد : راح اكون معك صريح مآبي شي يكدر علينا حياتنا و أنتِ بعد لا تتضايقين لأن السالفة انحلت من قبل بس هذي مجرد سالفة لو صار و انتشرت ما تسمعين من بعيد
رؤى : أبي الحقيقة بس الحقيقة
قعدني على الكرسي وقعد على ركبتيه مقابلي وهو شاد على يديني يتأمل ملامح وجهي : ظهر لك ورث ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك