رواية ان كان له حق يخون حتى انا لي حق الخيانة -13
راكان : صحيح رابطة الدم تلعب دور بس البنت ابد مو طالعه عليكم
قبل ما احد يعلق دخلو شابين
ماجد : ياخي انت وياها بتكونون طفره جينيه بينا ترى يعني احنا اصايل واسيل وماجد وامجاد ما تحس اساميكم داخله عرض
تأفف وسام بضجر : ياخخي صجيت راسسي
ماجد ووسام : السلام عليكم
الكل : وعليكم السلام
اصايل : صدق يا هاجر اول شي ما قلتي لنا كم عمرك بعدين ما تكلمتي من دخلتي طرمه شوو ؟!
اسيل دفتها : الله ياخذك فشلتينا
ابتسمت هاجر واخيرا تكلمت : عمري 19 بدخل بالعشرين ادرس هندسة ديكور
امجاد : تكككلمت واخيرا
اسيل : لالا عندي احساس انها الحين تكلمت تالي مب بتسكت
اصايل : يا حليل انا تخرجت وافتكيت من الهندسه
اسيل : يعني ماجد وامجاد اكبر من هاجر بسنتين
وسام : لالا ابد مو باين عليك انك بتدخلين بالعشرين
ناظر ابو رامي بساعته ووقف : انا بمشي هاجر البيت بيتك ترى راكان متعود
هاجر بهمس : ان شاء الله
ابو رامي : يلا نشوفكم على خير والحمدلله على السلامه
هاجر وراكان : الله يسلمك
بعد ما طلع ابو رامي
اصايل : صدق بابا قال انه عندك اخو ؟!
هاجر : آيه فيه رآمي
امجاد بتفهي : اييه من عذر يسمون بابا ابو رامي
ماجد : يالييييييييييل التفهي اللي فيك
هاجر : دقيقه انت ماجد صح ؟!
ماجد : آيه
هاجر لفت على وسام : واكيد انت وسام اتوقع رامي آكبر منك
ماجد : لا تقولين رامي بعد يدرس طب
هاجر : لا رامي خلص دراسه بس يكمل بكلريوس
اصايل : زين والله طلع فيه احد ناجح بالعايله ومكمل دراسه
وسام : لا بالله مو عاجبك انا آدرس طب
اسيل : تككلم دودة الكتب انت اصلا آبد مو من العايله
اصايل : عما يعمي العدو قولي ما شاء الله لا تصكين الولد عين
اسيل : بسسم الله خمسه وخميسه من عيني بس تراها بارده
امجاد : صدق بنت انتي درستي ثانوي برى كيف دراستهم وناسه ولا ؟!
ماجد : ذي اللي بتفضحنا بنت ترى نص عايلتنا دارسه برى
امجاد : اووووص اسمع عاد هي دارسه ثانوي برى كيف كانت مختلطه ولا لا
ضربها ماجد على راسها بخفيف : هذا همكك
امجاد تمسح مكان الضربه : آححترم العشر دقايق اللي بينا ياخي
ماجد : استغفر الله يمه ليه ولدتيها قبلي ذلتنا
لفو كلهم على ام وسام اللي ما علقت من اول الجلسه
ابتسمت هاجر وبخجل : كيفك خالتي ام وسام
اصايل تصفر : يالأدب انا زوجات عمامي اناديهم بأساميهم
ام وسام طنشت اصايل : بخير حبيبتي انتي آخبـآرك
هاجر بإبتسامه : بخير دامك بخير
راكان همس لهاجر : آرتحتي ؟! آقدر امشي
هاجر بنفس الهمس : آيه بس بتطول ؟!
راكان : على الأغلب ساعه ونص وارجع بمر الشركه وآرجع
هاجر : آوكك
__________________________________________________ _______
في غرفة هـآديه
صوت العفاسي يملى المكان بسورة يس
عدلت الكتاب اللي بين يدينها
كانت تقرا الكلمات ولا تدري وش تقرا بالضبط
كان تفكيرها بعيد متشتت
حددت الصفحه اللي تقرا فيها وسكرت الكتاب وحطته جنبها
تنهدت وبداخلها : يالله وش كثر اتمنى اكون مثل صديقاتي هم اللي يحددون مستقبلهم مو غيرهم يحدده لهم مثل اي وحده بعمري اتمنى اني اعيش حيـآتي مثل ما انا ابيها مو هم يقررونها لي عمامي بكل شي متحكمين فارضين شخصيتهم على حياة كل واحد فينا مو عاطينه مجال الإختيار البعض تقبل الموضوع والبعض عارض مثلي العله مو بجاسم انا آبد ما آكرهه بس مابيهم يفرضون حياتي ولا يقررونها على كيفهم آبي آحلم وآخطط وآرسم للشخص اللي انا آبيه وآحححبه جـآسم اعتبره مثل اخوآني خاصه انه كان حيل مع مشعل وناصر وعبدالرحمن وعبدالله يعني مو بيدي كان يعاملني مثل رنده ولمار ورشا لا اكثر ولا آقل كنت اتهاوش معاه مثل ما اتهاوش مع عبدالله ويضربني مثل ما يضربني ناصر يعصب علي مثل عبدالرحمن ويرشدني مثل مشعل ما كنت اشوفه الا مثلهم يالله شلون كيذا بعيش معاه مدري كيف غيري تقبل الوضع ليه انا مو قادره آتقبله ي ربي احس صدري ضايق بشكل مو طبيعي خاصه تنغيزات خالتي ام فيصل على الموضوع على انه جاسم باقي له سنتين ويرجع من استراليا اللي مبتعث هناك يا ربي يا مجيب الدعاء تفرج كربتي وتزيح ضيقتي
قامت توضت وصلت لها ركعتين ودعت فيهم من قلبها
ختمت دعاها بإبتسامه آمل بالله
هذي بطلتنا رهف
عمرها 19 سنه
بتدخل سنه ثانيه آدب عربي
مثقفه ووآعيه بس رجتها تغلب على طبعها
دايم مبتسمه رغم رفضها لجاسم الا انها كانت دايم تقول " لو لها نصيب وخيره معاه مالها الا هو لو ربها بيصرفه عنها ولها نصيب مع غيره ما بتـآخذه لو كانت بليلة عرسها عليه "
قنوعه ودآيمة المنـآجآة لربها
هذي هي رهف بإختصـآر . .
__________________________________________________ ____
صبـآح جديد
وآحدآث جديده
فتحت عيونها بتعب وظهرها يألمها حيل
تقلبت بنعس شديد وما حست بنفسها الا طايحه على الأرض
فتحت عيونها بخوف انتبهت انها كانت نايمه على الكنب
حطت يدها على ظهرها ومسحت بخفيف من الألم وهي تتأفف
رفعت شعرها وتمددت وقامت
مرت على الغرفه شافت مساعد نايم
ناظرت الساعه كانت 3 الفجر
يوووه شكلي نايمه كثير آمس
وهو اصلا ما رجع من الدوام العصر كمل الين الليل لأنه تأخر الين طلع من البيت
خذت لها شاور ينعشها ولبست بنطلون كاريينا بني وفوقه تي شيرت آحمر يوصل لنص الفخذ آطول من الكم بشوي وعليه آزرآر من عند الكم وعليه بنت انمي مغطيه وجهها وفوقه صديري آبيض
رفعت شعرها بإهمال وحطت لها عطر وطلعت من الغرفه
آتجهت لمطبخ الجناح سوت لها كوفي وقعدت بالصاله وافكارها تاخذها وتجيبها
روتان بداخلها : ليه ما اكتب الورث لمساعد وآرتاح منه آبي آرجع مثل اول ما احد يهمني بس الحين مساعد مسكني من يدي اللي توجعني اكره هالإنسان بشكل مو طبيعي ليه هالقسوه والظلم معقول فيه انسان مثله
سندت راسها وهي تحس بضيق يالله مثل ذيك السنه بنفس هالوقت
كان كل همي وش بشوف فلم بالليل انا ونهال ووش بقول لأمجد يجيب لنا تشكيلة حلويات وشبسات السهره
آمججد !! صح كيف راح عن بالي
هذا مساعد اخذ حقوقه المفروض يطلع امجد من السجن
آخذت نفس عميق وناظرت السقف بسرحان
وش النهايه ! وش نهاية حياتي مع مساعد
بيطلقني بعدين ؟! ابي ارتاح
ليه ما اسسجل الورث وآرتـآح
لالالا مستحيل آسجل له الورث
هذا تعب ابوي وعناه ما بعطيه اللي يبيه وانا روتان
صبـآح في بيت ثـآني !
البيت مليان صرآخ
وطبعا مثل العاده " ماجد وآمجاد " آلسبب
ماجد : لا بالله وانتي وش دخلك
امجاد : لا ما شاء الله عليكك ذبحتنا ياخي من الصبح متى بنمشي اعتتتتتترف تبي تشوف هنيد
ماجد دفها : آنقلعي عن وجهي بس ولا تجيبين طاريها على لسانكك الا بإذني هذا القاصر وآلله
امجاد : هيه انت يالنزغه انا آكبر منكك وآلله حاله
وسام بضجر : لا حول الله انتو ما غير تتهاوشون نقطونا بسكوتكم على هالصبح
ام وسام : احمد ربك الثنتين المهبل لسه نايمين ولا كان كملت الشله
ابو رامي : وسام
وسام : سم يبه
ابو رامي : سلمت وانا آبوك حسيت هاجر ارتاحت امس ؟!
وسام : آيه بس شخصيتها واضحه خجوله بس لما تتأقلم مع الوضع بتـآخذ راحتها
صفقت امجاد وصفر ماجد والإثنين بنفس الوقت : عاش الدكتور النفسي وسـآم
ضحك وسام : عاد انتو آقتنعو اعالجكم نفتك من جنونكم
امجاد : لا وين هذا وانا اختكك اخاف تجننا زياده تخرج ويصير خير
لف وسام على ابوه وآبوه فهم عليه ووقف : وسام لا خلصت تعال لي المجلس
الكل سكت وناظر وسام اللي آكتفى انه يهز راسه بالإيجاب ويقول : ان شاء الله
بعد ما دخل ابو وسام للمجلس
امجاد : يالله ودي ودي ودي مره بسسس آفهم انت لا ناظرت ابوي عيونك وش تقول مآلك مجال اي احد تطالع بعيونه فهم انه فيه كلام بتقوله مححححححد يفهمك وانت فاهم الكل الله يعين بتول عليك
وسام آبتسم ورفع حاجب : وش ضارك انتي خايفه اصيد عليك شي يعني
آرتاعت امجاد : ليه انا وش آسوي
وسام غمز لها : آبد
امجاد بخجل : يلا عاد ترى انا مو لم هالحركات
ضحك وسام ووقف : آيه نشوف بس هاه لا هببتي شي لا تطالعيني عشان لا افضحك
امجاد ضحكت : لا مو مطالعه فيك اصلا موب بطلع من غرفتي الين اضمن انك طلعت من البيت
آبتسم وسام : آحسن تريحيني منك ومن دوشتك
امجاد بصراخ وهي تشوفه يمشي : مـــــــآآآلت يصلح لك
طنشها وسام ودخل لمكتب آبوه بعد ما دق الباب وسمح له آبوه بالدخول
ابو رامي نزل الأورآق من يدينه وشال نظارته الطبيه وسكرها وحطها على المكتب : آجلس يبه
جلس وسام : آمرني يالغالي
ابو رامي : قول وش عندك وانا ابوك احد من آخوآنك متضايق امك متضايقه انت فيك شي ؟!
وسام بهدوء : انت متأكد من ان زواج هاجر من راكان شي زين لها ؟!
ابو رامي بتأنييب ضمير : والله اني كنت حاس انه فيها شي راكان طبعه صعب مو آي احد يفهم له
وسام : احنا لا نتسرع ونحكم بس هاجر عيونها فاضحتها مبين انها مو مرتاحه مع راكان وتصرفاتهم آكبر دليل شكلهم آبد مو متفاهمين
ابو رامي تنهد : كنت آبي مصلحتها وابي آحد يعوضها عن الحرمان اللي عاشته
وسام : ادري يا يبه بس مو بهالطريقه انت شفت الصدمه اللي بعيون اخوآني لما درو انك كنت متزوج وعندهم آخوآن
ابو رامي : آيوه ؟!
وسام : هي نفسها نظرة هاجر لما درت ان راكان تقدم لها لا وفوق هذا بتجبرونها عليه وهي ما عاشت معاه مثلنا كلنا يعني يبه انا عشت مع بتول ماجد عاش مع هند امجاد عاشت مع الوليد كل واحد منا شاف طبايع الثاني وأقلم نفسه من كنا صغار الين كبرنا لكن هاجر فجأه ملكت وفجاه تزوجت وكل شي صار بسرعه ومحد كان معها احنا كلنا دخلنا عالمها فجأه ولا هي ما كانت تعرف الا امها ورامي صح ولا لا ؟!
ابو رامي آخذ نفس عميق : دايم تغلبني يا وسام ولا اقدر اغلبك ادري اني غلطت بتزويجي هاجر لراكان لكني كنت خايف عليها مثلي مثل اي اب يبي مصلحة بنته خاصه انه هاجر مو مأمن عليها وبعيده عن حضني طبيعي بخاف عليها وعلى مستقبلها
وسام بهدوء : بس لو جينا للواقع انت تخليت عنها وعن رامي صح ؟!
ابو رامي : مو هذا موضوعنا يا وسام
وسام وقف : برآحتكك يبه على آي حال حبيت آوضح لك ان احتمالية ان هاجر تكون مرتاحه قليله بس يمكن احساسي يخيب وهذا اللي اتمناه اسمح لي يبه بروح آتجهز
ابو رامي بتفكير عميق : خذ رآحتك
__________________________________________________ ____
توقعاتكم مثل البارت اللي رآح لكل ثنـآئي = )
آلبـــــــآرت الحـآدي عشر (11)
______________________________________________
في مكان ثـآني
احتارت تصحي راكان ولا لا
لكن قررت تطنش
بس تراجعت
هم مو بباريس عشان تـآخذ راحتها
هنا فيه من يراقب تصرفاتهم
يووووووه شلون نسيت بعد جهاد آكيد فيه
انتبهت للباب ينفتح
رفعت راسها شافت راكان دخل للصاله : صبـآح الخير
هاجر بتعجب : صباح النور عبالي نايم !! المكيف شغال بغرفتك !!
قال وهو متجه للحمام آكرمكم الله : آيه لأني باخذ شاور
هاجر بإندفاع : وبتقعد تحت المكيف جنيت !!!!
لف عليها مستغرب ردة فعلها : آيه وش فيك
هاجر بعصبيه : راكان عـآقل انت ولا شارب لك شي على الصبح ! آحد يـآخذ شاور ويقعد بغرفه بارده ما تخاف تنتكس ولا يصير لك شي
راكان ببرود يستفزها : عادي " رفع حاجب وبمكر " يهمك يعني
ارتبكت هاجر ولفت وببرود : لآ ما يهمني
راكان : على اي حال تقدرين تطلعين بس آلبسي جلالك جهاد فيه روححي آفطري وبعدها تجهزي لأنه بنمشي
هاجر : يصير خير
لبست جلالها وطلعت من الملحق متجهه للبيت
دخلت بعد ما فتحت لها الخدامه
هاجر بإبتسامه : صباح الخير
الكل : صباح النور
باست راس ابو سعد وام سعد
آنحرجت من وجود جهاد وجلست بعيد
آنتبهت لصوت جهاد : يممه عاد والله زهقت انا ما صارت
ام سعد : دوآك عشان لا تتصرف من شورك
جهاد : يلا عاد يمه بس قلت له اني بكلمه بموضوع ولا فتحت له الموضوع ححتى اقدر آصرفه
ام سعد : قلت لا يعني لا تصصصبر الين بعد رمضان وكيفك عاد
جهاد يستنجد بأبو سعد : يبه قول كلمه عاد ما صارت
ابو سعد تنهد : وانا عمك ما اقدر اقول شي بس يا ام سعد هونيها عاد مو بعد رمضان وش يصبر الولد وبعدين البنت اككيد بتكمل دراستها
ام سعد : خلينا ناخذ رآي البنت آول " وجهت كلامها لهاجر " هـآجر يمه
رفعت راسها وبخجل : آمريني يمه
ام سعد : ما يـآمر عليك ظالم اذا رجعنا ان شاء الله من المزرعه والتقيتي بفاطمه لمحي لها بالموضوع اذا حسيتيها تقبلت الموضوع كلميني
جهاد رفع راسه على طول وناظر هاجر : لا تسحبينها اسبوع اول ما نرجع على ططول كلميها
آبتسمت هاجر : ان شاء الله
جهاد : عسى بس زوجة سعد تكون سنعه مثل زوجة راكان
ابو سعد رفع حاجب : لا والله وانت وش دخلك بحريم اخوانك
جهاد بإحراج : يوه يبه وش فيك علي عاد والله ما قلت شي
هاجر سكتت تستوعب وبداخلها : كيف كيذا جهاد وسعد وراكان اخوان !! بس راكان قال لي ما عنده اخوان ولا خوات يبي لي اسأله
ام سعد : هاجر حبيبتي قومي آفطري لا تستحين
هاحر بإبتسامه : لا والله يمه توني شربت كوفي ماودي بشي
ام سعد بعتب : يا يمه مو زين لك تكثرين كافيين انتي الحين
سكتت ام سعد لما انتبهت لوجود جهاد ولفت عليه ورفعت حاجب : وانت ليه للحين قاعد هاه !! ما تستحي تشوف مرت آخوك جالسه وتجلس بعد
جهاد مرتاع : وش بك يمه وآلله عبالي سويت شي هذا انا قايم ام سعد اليوم آبد مو رآضيه علينا
ام سعد : آيه عشان تعرف تتصرف بدون ما تـآخذ شوري بهالموضوع
جهاد : يا يممممه تووووووبه وربي توبه
ام سعد رفعت حاجب : لسسسه واقف انت
جهاد : مـآآآآآآآآآشي خلآص وآلله مـآششي " كلم هاجر " راكان بالملحق ؟!
هزت راسها بالإيجاب
طلع جهاد
ابو سعد وقف : وانا استأذن بروح اتأكد اذا وصلت الأغرآض والذبايح للمزرعه
ام سعد وهاجر : آذنك معاك
طلع آبو سعد
ام سعد : يا يمه يا هاجر الحين لازم تهتمين بصحتكك بكره تحملين ومو زين للحامل ولا للمرضعه انها تكثر من الكافيين
هاجر بخجل ووجها تلون همست : ان شاء الله يمه
ام سعد : ميسا يا ميسا
ميسا " الخدامه " : يس ماما
ام سعد : جيبي فطور لمدام هاجر
انحرجت زود من كلمة مدام وفضلت السكوت ونزلت راسها منحرجه
وقفت هاجر : لا يمه ما يحتاج بروح اشوف اذا راكان محتاج شي ولا شي
ام سعد : آقعدي وانا امك تلقين جهاد يهذر فوق راسه تربيتي تراهم ما غير يتهاوشون هالإثنين من يومهم هالكبر وهم ما غير يتهاوشون
آبتسمت هاجر وجلست وودها تسمع عن راكان اكثر : ابد مو واضح عليهم
ضحكت ام سعد : آجل ما عرفتيهم لسه كانو يومهم صغار يقعدون يتلعبون بالمطبخ ويحوسونه حوس يتهاوشون بالماي ويرمون على بعض الملاعق وعلب المطبخ الفاضيه احيانا توصل فيهم يطبعون على آوجه بعض بالجبنه والزيت
ضحكت هاجر : مو مبين على رآكان آبدآ
ام سعد آبتسمت : للحين هالشطانه فيهم شوفيهم اليوم لما يروحون المزرعه كيف كل واحد يتسابق من يدف الثاني بالمسبح هالإثنين حاسونا حوس من هم وصغار ليمن كبرو
هاجر : شكله سعد كان اعقلهم
ام سعد تنهدت : سعد غيرهم كان هـآدي بس فيه شطانه مع مشعل وفيصل تطلع شطانته صح بس صـآر آهدأ من لما كان صغير
هاجر سكتت
ام سعد لما شافتها مستمعه ومندمجه معها كملت لها كلآم عن طفولة راكان ايام كانو ساكنين قريب من بعض
_______________________________________________
طله على بيت جديد لأحدى بطلآتي . .
بندر : يلآ عاد هنيد والله ميب حاله ذي رايحين نستانس احنا
هند بعصبيه : قلت لك آطلع وروحه مو رآيحه
البندري : هند ترى عنادكك احنا اللي بنـآكله بعدين واحنا اللي بننحرم الروحه وبيقولون لنا اقعدو معها
بندر : بعدين ليه مصره ما تروحين انتي مو متضرره
البندري : بعدين تشوفين حبيب القلب
انفعلت هند وبعصبيه : آطططططططططلعو برى آبي آقعد بروحي
سكتو الإثنين احتراما لها لأنها آكبر منهم ولا يقدرون يرفعون صوتهم عليها
وقفت البندري : بنيدر آمش خلينا نطلع شكلها مب رايحه وبتخرب علينا الروحه نروح نلعب بليستيشن احسن ما يجي ابوي ويحطمنا ويقول خلكم مع هند لا تظل بروحها
بندر وقف متنرفز : آووووووووووفيه دايم كيذآ احنا عمرنا ما رحنا ولا استانسنا وغيرنا جو
طلعو الإثنين وهم متنرفزين
تنهدت هند والود ودها انها تروح بس ما تبي تشوفه
وهي تدري انه عنيد ولو يبي يشوفها يقدر يشوفها برضاها ولا غصب
آنتبهت لدقات الباب
هند : آدخل
دخل سلطان وهو مبتسم : صباح الخير
هند ابتسمت : صباح النور
دخل وسكر الباب وجلس قبالها على الكرسي : وش فيهم بندر والبندري طلعو معصبين ؟!
هند بنرفزه : بزرآن
سلطان : وبعدين ؟! بتظلين عايشه بالشك اللي انتي فيه الحين واجهيه واسأليه
هند بإنفعال : آسأل مين سلطان شفته بعيوني ولما شافني ما حاول ينكر حتى
سلطان : اسمحي لي ما اقدر اصدق الكل يعرف بحب ماجد الجنوني لك
هند : هو يمكن يحبني صحيح لكن عنده مممرض الخيانه وانا مو مستعده ارتبط فيه ومابي احد يجبرني عليه لأنه هذي حياتي ومحد يعرف ماجد كثري
سلطان : طيب شيلينا من ماجد بندر والبندري وش ذنبهم ما يروحون ؟! وانتي تدرين بطبع ابوي
هند : اكره معاملة ابوي الخاصه لي هذا انا طلعت من الحادث ولا فيني شي الحمدلله ليه للحين يخاف علي مو بزر انا على اي حال لو بروح بروح عشانهم لا آكثر وهاه سلطان تراني اعرفك واعرف حركاتكك
ضحك سلطان : لا مو مسوي شي ولا بكلمه بشي وبتصرف معاه عادي بس اذا مسكت نفسي عاد اذا ما مسكت نفسي صارت علوم
هند ضحكت : لا امسك نفسك لا تتهور علينا بس هو ما يدري انك تدري بالموضوع
سلطان : قومي لمي اغراضك زين يكفيك الوقت
هند وقفت : هذا انا ببقوم بس ساعدني عاد تدري فيني حوسه ولازم اقعد افكر وش آخذ وش ما آخذ
سلطان يتمدد :يلآ طيب
هند بطله جديده من ابطالنا
عمرها 19 سنه
سنه اولى جامعه احياء مع امجاد بالجامعه
حساسه وعقلها اللي يمشيها اكثر من قلبها
آعتقد عرفتوها ! بطلتنا اللي ما كشفنا عنها بالجزء السابق
حنونه بس عصبيه وتنفعل بسرعه
اخوها سلطان اقرب اخوانها لها ومتعلقه فيه حيل
خاصه انه مافي فارق سن كبير بينهم الا سنه
________________________________________________
آجتمعو في المزرعه
البنـآت . .
اصايل تكلم وسام : آوك آوك سـآم بجي الحين آخذها .. هههههههههههههههههههههه لا مب بيهبلون فيها لا تخاف .. في امان الله
البنات نطو وبصوت واحد : جات ؟!
اصايل تلعب بحواجبها : يب روح آجيبها
بتول ومريم : بنروح معاك
اصايل : خير تروعون البنت اقعدو اقعدو بروح بروحي ولا تخوفون البنت وسام يقول
بتول بخجل : دام وسام يقول كلكم تصيرون رقيقات معها
ضحكو البنات عليها
اصايل : يلآ انا بطلع تعدلو وتكشخو لا تخوفون البنت من اولها
طلعت اصايل متجهه للمدخل تستقبل هاجر
آبتسمت لما شافت راكان : هلآ وآلله بولد العم آخبـآرك
راكان بإبتسامه : بخير آلله يسلمك وآنتو آخبـآركم
اصايل : نمشششي الوضع كلو تمام يلآ جور آمشي تتعرفين على الوفد العائلي حقنا
راكان : شوي شوي على البنت بتجيها صدمه
اصايل : لا قلت لهم يتعدلون لا يخوفونها
راكان : آنتبهو لها اجل
اصايل : توصيني بإختي طير مناك يلا يلا انتي بعد استغفر الله قبال بعض طول الوقت الحين صارو يبون يتأملون ببعض
هاجر رفعت حاجب دلاله على الإنتقاد والإستهزاء : لا بالله !!
اصايل تناظر راكان : يمه منها ما تسوى علي كلمه
هاجر ما زالت رافعه حاجب
اصايل ضحكت : آمشي آمشي وآلله ما اقصد شي اكلتيني يلآ بـآآي
قال راكان وهو يناظر بهاجر : في امان الله
لفت هاجر بعدم اهتمام ومشت ورى اصايل
رفع حاجبه بتحدي وبداخله : مثل ما كسبتك قبل بكسبك من جديد وانا رآكـآن ولد فهد
آرتسمت على شفايفه آبتسـآمه جانبيه وآتجه لمجلس الرجال
اتجهو اصايل وهاجر لجهة البنات
اصايل : غمضي عيونك من اللي بتشوفينه آلله يعينك اذا ما قعدوك على الأرض ما اكون اصايل
ضحكت هاجر : يلا عاد مو لهدرجه
اصايل : آلله يعينك ما شفتي شي آمشي يلا
دخلو عند البنات ووقفت هاجر عند المرايه اللي عند المدخل تعدل شكلها
اصايل مدت يدها : جيبي العبايه خليني اعلقها
شالت عبايتها وعدلت فستانها وشعرها آللي مسويته كيرلي بشكل حلو ومرتب
لفت على اصايل : يلآ آجل
آبتسمت اصايل وهي تشوفها وقالت : بسم الله عليك آلله يحفظك من عيون الحاسدين ما شاء الله
كانت هاجر لآبسه فستان آسود بقماش ساتان ماسك من كتفها اليمين على شكل 4 خيوط تنتهي ببداية الفستان على آشكـآل مثلثات مو مسكره يعني شكل 7 لكل خيط كانت بداية الفستان مرصع بالكرستالات الفضيه بشكل حلو ضيق من عند الصدر ومن عند البطن الين فوق الخصر بشوي وآسع وبعدها يتضيق آلين آلفخذ كأنه تنوره ضيقه
وتحته كعب اسود ينربط على الساق بحيث يصير ربطه دائريه من قدام ومن ورى على شكل فيونكه
كانت محاطه شادو اسود خفيف وقلوس آحمر صـآرخ ومكحله عيونها ومكثفه رموشها وشادو آحمر خفيف على وجنتينها الممتليه
طلعت من شنطتها عطر وتعطرت من جديد
اصايل : يلآ ندخل
صدى صوت كعب هـآجر لفت انتباه البنات اللي كانو ينتظرونها
وقفو كلهم اول ما دخلت الصاله
الكل مبهور واللي كان معترض انهم مـآخذين له وحده امها مطلقه تغيرت نظرتهم لها من شافوها
وما لامو ام سعد بإختيارها هي بالذات لراكان
رسمت ابتسامه رايقه على شفايفها وبدت تسلم على البنات
وآنتبهت لخواتها ينادونها تجلس جنبهم
امجاد : قسم اني صادقه لمن قلت انها بتغطي على خشيشكم كلكم
اسيل : سمي بالله على البنت لا يصير لها شي يوديكم راكان بداهيه
اصايل : آوص انتي وياها خليني اعرفها على البنات " قالت وهي تأشر " اول شي بعرفك على خطيبات آخوآنك شوفي هذي البتول خطيبة وسام وهذي هند خطيبة ماجد
البتول : انا لو اني مكان راكان بدال شهر عسل خليتهم شهرين بلا شركه بلا هم
هند : من جد صدقتي الله يحميك
البتول كملت عليها : ويبقيك لعيون ترجيك
هاجر بإبتسامه خجوله : تسلمون
صرخت نجد : بسم اللللله عليك تستحين ي حلوها والله طلعت بينا وحده خجوله
امجاد غطت وجهها : خربتي الوضع علينا وش بتقول البنت
نجد بعدم اهتمام : تتعود
اصايل تكمل : المهم وهذي ريم عاد انتي وياها بتتفقون على طول
هاجر بتعجب : ليه !
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك