رواية ان كان له حق يخون حتى انا لي حق الخيانة -14
رسمت ابتسامه رايقه على شفايفها وبدت تسلم على البنات
وآنتبهت لخواتها ينادونها تجلس جنبهم
امجاد : قسم اني صادقه لمن قلت انها بتغطي على خشيشكم كلكم
اسيل : سمي بالله على البنت لا يصير لها شي يوديكم راكان بداهيه
اصايل : آوص انتي وياها خليني اعرفها على البنات " قالت وهي تأشر " اول شي بعرفك على خطيبات آخوآنك شوفي هذي البتول خطيبة وسام وهذي هند خطيبة ماجد
البتول : انا لو اني مكان راكان بدال شهر عسل خليتهم شهرين بلا شركه بلا هم
هند : من جد صدقتي الله يحميك
البتول كملت عليها : ويبقيك لعيون ترجيك
هاجر بإبتسامه خجوله : تسلمون
صرخت نجد : بسم اللللله عليك تستحين ي حلوها والله طلعت بينا وحده خجوله
امجاد غطت وجهها : خربتي الوضع علينا وش بتقول البنت
نجد بعدم اهتمام : تتعود
اصايل تكمل : المهم وهذي ريم عاد انتي وياها بتتفقون على طول
هاجر بتعجب : ليه !
امجاد : لأن المحروسه ريم وحضرتك متزوجات طبعا بينا كلنا
ريم بإبتسامه : حيـآك حبيبتي ومبروك
هاجر بادلتها الإبتسامه : الله يحيك يبـآرك بعمرك
اصايل : وهذي المطفوقه نجد وهذي رهف وهذي يا اختي العزيزه شادن وهذي الجوري وآشجان والبندري
هاجر قاطعتها وهي تأشر لها يعني انتظري : ثوآني خليني آحفظهم ما شاء الله اللهم زيد وبارك كثـآر
اصايل ضحكت : يا حبيبتي ترى هم بس بنات عمي اللزم يعني آخوآن آبوي اما الباقي قرابتهم مثل قرابة راكان لنا يعني مو بنات عمنا من قريب شفتي ابوي عيال عمامه بناتهم
هاجر : آيه فهمت عليك
اصايل : المهم اكمل لك وهذي لينا وتوأمها ليان ورنا ورشا هواجس ودانه طبعا هؤلاءات بس بنات عمامي يعني اخوان ابوي
هاجر همست لأصايل : بالضبط كم عم عندي
هنا ما قدرت اصايل تمسك نفسها وانفجرت ضحك وهي تأشر لهاجر بمعنى 6
هاجر بعدم استيعاب : وآبوي السابع !
اصايل هزت لها بالإيجاب
هاجر : ما شاء الله
اصايل كملت لها بنات عمامها => مابي آخربطكم لأن مالهم ظهور كثير الا كم بطله بس
هاجر تعدد على اصابعها وهي تردد ورى اصايل الأسامي : آيه بس وصلو عسى ما انساهم بس
خذتهم السوآلف واندمجو مع بعض بسهوله خصوصا تقارب اعمارهم
كانت القعده ما ينمل منها آبد كلها ضحك
اسيل : صدق جور ذكرتيني ليه ما تكلمين رامي يجي !
هاجر : لا ما اتوقع يجي
اصايل : جد وآلله خليه يجي يتعرف على عيال عمامي
هاجر : آخـآف يجي شي اذا انتو كيذا كيف العيال
امجاد : هههههههههههـآي ما ينلام العيال زايدين علينا بـ اثنين
اسيل : يووووووه دقي طيب كلميه واللي يسلمك وشو اخونا بالإسم
اصايل : ايه وآلله ججد
هاجر بتردد : اوك بدق
نجد : قومو روحو غرفه ثانيه مب بنسكت
اسيل : يلا عاد بلا سماجه
اصايل : عشان تسمعون صوته يمكن وحده تهون شي من هنا من هناك ما تدرون
ضحكو البنات
ريم : لا انا اضمن لك بس شوفي لك كم وحده ما ينضمنون هاه مشاعر
مشاعر : وش انا وش سويت
ضحكت اصايل : حرآآم عليك البنت ملكتها بعد آسبوعين لا تخليها تهون
مشاعر : لا وين آهون آنقلعو انتي وهي والله هذا القاصر دحوم بيذبحني لو هونت
رهف تصفر : لا ي دحححوم وينك ي الدحمي تسمعها
مشاعر : انقلعي بس
ضحكت رهف : هيه ترآه آخوي انا اللي بسوي لك اكشنات عنده
مشاعر تقرب منها : رهووف حبيبتي تبين شي تـآمرين على شي مشـآعر كلها تحت خدمتك
رهف : ضفي هالخشه وانقلعي مابي منك شي
مشاعر تسوي نفسها تبكي : كيذآ تسكرين بخـآطري بعلم دحوم
امجاد : ي ليل بدا المسلسل دقي يلا
هاجر : لالا بكلمه واقول له اذا رضى يجي مو مشكله ما رضى عاد بكيفكم
اسيل : طيب خلصي
دقت هاجر على رامي وقامت من عند البنات
رامي : يا هلا والله
هاجر : هلا بك زود
رامي : تدرين اول شي جا ببالي لما تتعرفين على بنات عمامي بتسحبين علي
هاجر ضحكت : لا وش شايفني مب جاحده لهدرجه
رامي : ايه ادري بك المهم اخبارك عسـآك مرتاحه
هاجر : انا تمام وانت اخبارك وانا بعيده عنك
رامي : آحلآ حيـآة بدون حنتك
هاجر : انقلع بس
رامي ضحك : هاه وش تبين ؟!
هاجر : ابسلم وآخذ شوية معلومات
رامي : امي بخير وانا بخير وكلنا بألف صحه وسلامه
هاجر ضحكت : بسم الله لا مب على امي كلمتها مب منتظرتك بس تدري انه لنا اخوان وخوات
رامي : يوه يا قدمكك
هاجر بإستغراب : جد تدري ؟!
رامي ببرود : آيه عندنا 5 غيرنا وسام واصايل واسيل وامجاد وماجد
هاجر بذهول : وش دراك !!!!
رامي : لا احلفي عاد ترى كنا ساكنين بنفس البيت
هاجر : ايه صصح طيب واللي يقول لك انه الثلاثي المرح يبونك تجي
رامي : كلمني ابوي قبل شوي عشان اجي
هاجر بحماس : وش قلت
رامي : ما اقدر امك من يقعد معها
هاجر تنهدت : صدق اوكك خلآص مره ثانيه
رامي : آوك انتبهي لنفسك
هاجر ابتسمت : وانت بعد وانتبه لماما
رامي : كبرتي وتزوجتي ولسه تقولين ماما اعقلي ترآ بكره بيجونك عيال يقولون لك ماما
هاجر بخجل : انقلع عن وجهي اقلب وجهك بـآي
ضحك رامي : بـآي
سكرت واتجهت للبنات
امجاد بحماس : وش قال
هاجر : امي مافي احد يقعد عندها
اسيل : يا ربي خليه يجيبها طيب
هاجر : لا وين مستحيل امي تجي
اصايل : ياحبي له رامي تدرين هجير لنا صور مع بعض يوم احنا صغار
اسيل : آيه ججد
امجاد ناظرت هاجر اللي كانت ساكته وهمست لخواتها : جب انتي وياها شوفو البنت كيف صار حالها
انتبهو لرنين جوال ريم
لفو كلهم عليها
اصايل صفرت : آيييييييييييييه بدينا بدينا يا العرسان
رفعت هاجر نظرها وتلفتت
اسيل : وش تدورين !
هاجر : تقولين العرسـآن ! عبالي راكان دخل
ضحكو البنات
اصايل : لا يا روحي ريم ومشعل نسميهم العرسان
ريم كشت عليهم : مالت
البنات : عليكك
طلعت ريم من عندهم تشوف مشعل
هاجر بإبتسامه : آلله يوفقهم ويخليهم لبعض
وجدان : من جد احلآ ثنائي
اصايل : لا يا حبيبتي جور وراكان بيخبون عليهم
رهف : هيييييييه لا ما فلحتي شعول مافي زيه بالرومنسيه
انوار : آه ي قلبي تعلميني بأخوك
رهف رفعت حاجب : لا والله
ضحكت انوار : بسم الله كليني والله ما قصدت شي " ناظرت شيرين " عسى بس فيصل رومنسي
شيرين ضحكت : آييييييه يصير رومنسي اذا زايد صار رومنسي
انوار شهقت : عز الله ما عرفتي اخوي
شيرين : لا لا فصول رومنسي احسن من جسوم الدآفور
نرجس : استغفر الله تحشين بأخوك وخطيبته ساكته
تنكدت رهف من هالطاري وقالت مجامله : يلا بس لحد يغلط على خطيبي
شيرين : لنا الله
ريماس : لا يالتمسكن مب لايق
اصايل : بس انتي وهي قوومو نشوف العرسان وش يهببون
اسيل ضحكت : لا لا انا من بعد اخر مره غسلت يديني منهم
امجاد انفجرت ضحك : شفتو وجه رويم كيف صار
رهف ضحكت : محد اكلها غيري
نجد : هذا سلمك الله احنا بكل مره نطلع مزرعه توقيذر لازم مشعل يدق على ريم
نوال : وبكل مره يدق عليها نطلع وراها وشوفي وش يهببون " قالت وهي تلعب بحواجبها " وانتي اخبر
استحت هاجر : وش تحسون فيه
اصايل تتنهد وهي تنسدح على اسيل : آخخخخ ي قلبي
اسيل تكمل : مشعل ياهو زين واخلاق ومثقف ودكتور بعد وفوق ذا كله رومنسي جيبي لي واحد سعودي بهالمواصفات
ضحكت افنان : يوسسسسسسسسف اخخوي
اسيل بحالميه : لالا اسكتي لا تخلين خيالي يسرح به آه يا يوسف بس
ضحكت اصايل : ذابت البنت قومو عنها
وقفت الجوري : قومو امانه نشوفهم
وقفو البنات : يلآ سرينا
هاجر قاعده : لا مب رايحه آسفه
اصايل تأففت : انتي بنت بتسوين يعني ما تعرفين هالحرككات تراك آولنا عارفه
انحرجت هاجر وبنرفزه : آنقلعي عن وجهي مب رايحه
امجاد : خلوها براحتها لا بغيتينا ترانا بره
طلعو البنات ورى بعض
انتبهت لصوت ام سعد يناديها : هاجر
رفعت راسها : آمريني
ام سعد : ما يآمر عليك ظالم وين البنات عنك ؟!
هاجر ترقع : طلعو يقعدون برى شوي
ام سعد : تعالي اجلسي معنا يمه
هاجر وقفت : ان شاء الله
مشت ام سعد ووراها هاجر متجهين لمجلس الحريم
ام سعد وهي مبتسمه : وهـآذي هـآجر مرت راكان
الحريم ناظروها بإعجاب
ام مشعل : الله يحميها ما شاء الله عليها
ام ناصر : عرفتي تختارين له والله
ام فيصل : دره الله يحميها
بدت تسلم هاجر عليهم وحده وحده
وعيون ام سعد تلحقها وتسمي عليها بداخلها
اما الشبـآب ..
ابو سعد : جهاد
وقف جهاد بتعب : سم عمي
ابو سعد : سلمت قم صب القهوه لعمامك
ناظر براكان ووسام بحقد ولف وراكان ووسام ضحكو عليه
راكان : دوآه
وسام : والله رحمته ما يمديه يجلس الا يقوم
راكان : يستاهل
فيصل : شباب سؤال احد شاف مشيعل ؟!
ماجد : داج مثل العاده
جلس جهاد جنب راكان وهمس له : صصبرك علي ي ركين حسابك عندي
ناصر : صدق متى اخر مره كلمتو سعد ؟!
جهاد : خالتي ام سعد تكلمه بين فتره وفتره
عبدالرحمن : هانت ما بقى الا سنه ويتخرج بإذن الله
عبدالله : الا جد وجآسم متى بيرجع
فيصل : باقي له سنتين ويتخرج ان شاء الله
الكل : ان شاء الله
ابو سعد : راكان
راكان : امرني
ابو سعد : ما يـآمر عليك ظالم مريت امس لشركة آبوك ؟!
راكان : آيه الأوضاع الحمدلله تمام دام مشاري فيها بإذن الله كل شي بيمشي
ابو سعد : ومتى بترجع تداوم وانا ابوك
راكان : ان شاء الله بعد رجعتنا من المزرعه على طول
جهاد بهمس : تسسسسستاهل هذا فود انك تصير محبوب عند الشياب
راكان ناظر جهاد ولف على ابو سعد : الا عمي ما ودك بقهوه
ابو سعد ناظر جهاد وقبل لا يتكلم وقف : ان شاء الله
ضحك وسام وهمس لراكان : الله يعينك
راكان : لسه ما شاف شي
__________________________________________________ ____
brb
على طاولة الفطور بمطبخ جناحهم
جلست روتان على الطاوله : مساعد
مساعد نزل الكوفي وقال ببرود : خير
روتان تفرك يدينها : تذكر انت يوم تقول انه يوم تـآخذ حقوقك بتطلع امجد من السجن
مساعد بنفس البرود : طيب ؟!
روتان : يعني بما انك آخذت حقوقك ما بتطلعه
مساعد بعدم اهتمام : آفكر بالموضوع
روتان بضيقه : واللي يسلمك خلآص مو ككـآفيه هو ما سوآ شي
رفع حاجب وببرود : انتي لسه هنا اصلا
عصبت روتان : انت على ايش شايف نفسك
مساعد ببرود بعد ما كان معصب وعلى نفس رفعت الحاجب : على نفس اللي شايفه نفسك عليه
روتان بنرفزه : انا مو شايفه نفسي
ضحك مساعد : آجل ولا انا
روتان متنرفزه من اسلوبه وبعصبيه : وبعديييييين
سند ظهره وهو يشرب الكوفي بقمة البرود : ولآ قبلين
روتان تتمتم بينها وبين نفسها : مريض وربي مريض
ناظر ساعته مطنشها : آسمعي برجع 1 ونص بلقى الغدا جاهز بالجناح وانتي اللي مسويته زهقت من آكل المطاعم والطبـآخه سامعه !
روتان : لا وآلله انت متزوجني عشان آخدمكك
مساعد : شي من هالقبيل
روتان بعصبيه قالت من قلب : آكرهـكك
ضحك بصخب وقال وهو بين ضحكاته : لا انا اللي ميت عليك الحين
حست انها لو قعدت عنده زياده بتنفجر فطلعت من المطبخ
تاركه مساعد يضحك عليها وهو مروق على الآخر ومستانس انه نرفزها
__________________________________________________ ____
ام بشار بعصبيه : ما تسافرين لو على قطع رقبتي سامعععه ما عندي بنات يسافرون بدون محرم وش بيقولون عني الناس
نجود ببرود : اول شي بسـآفر ثـآني شي انا بسـآفر مع آبوي وثالث شي وهو الأهم الناس بتتكلم عني مو عنكك انا وبشار وفاطمه مب انتي احنا كل واحد فينا له حياته مو كككلنا انتي وحياتنا احنا احرار نسوي فيها اللي نبي ما راح نغير كل مخططاتنا عشان كلام صديقاتك اللي ما همهم الا آخر ماركه نزلت وآخر طلعه وآخر سفره ما بحطططم آحلآمي من وانا صغيره عشان عجـآيز مرآهقـآت
طلعت لغرفتها متجاهله امها وتاركتها بصدمه
ام بشار جلست على الكنب مصدومه من كلامها
آصرت بداخلها على عدم سفرتها وبداخلها : يا انا يا انتي يا نجود
دخلت فاطمه للبيت وهي تضحك
نبهها صوت امها بصراخ : وين كنتي انتي الثانيه
رفعت حاجبها مستغربه وجود امها وقالت بتعجب : طالعه م
قاطعتها بعصبيه : وبأي حق تطلعين بدون ما تـآخذين رآي آحد انتي مو عايشه بالبيت هذا لحالك
كانت بترد عليها لكن فضلت السكوت آحترآما لأمها
دخل بشار : لا عاد تزنين طلعني
آبتسمت فاطمه بهدوء وناظرت امها : كنت طالعه مع بشار والبيت اللي تتكلمين عنه هو اساسا انا عايشه فيه لحالي
انسحبت بهدوء وطلعت لغرفتها
ناظرت ام بشار بشار وبعصبيه : وانت بعد ما عندك كلمتين حلوين تقولهم
بشار بشبه ابتسامة استهزاء : صباح الخير
قبل لا ترد آنسحب وطلع من البيت تارك امه بدوآمه تـآكل نفسها فيها
مقهوره من عيالها تدور الإهتمام منهم وهي ما عطت نفسها آدنى فكره تهتم فيهم !!
ولا سألت نفسها اذا بالفعل تستحق كلمة ام ! لأن الأم مو بس اللي تولد الأم اللي تتعب وتربي !
وهذا اللي ما وفرته آم بشـآر لعيالها آللي من وهم صغار حاسين بنقص وكأنهم يتيمين الأم
لكن لـ الأسف امهم عـآيشه =")
وهذآ آغلب الحال بمجتمعاتنا !!
___________________________________________
العصر في المزرعه ..
بين تعليقات البنات وكلامهم
وسوآلفهم ومزحهم اللي ما ينتهي
هدوء عم الأرجاء على رنين جوآل هاجر
لفو كلهم تجاهها
اصايل بضحكه : راكان ؟!
امجاد : وآخخخيرآ تكرم ودق ما بغى
طنشتهم هاجر ووقفت وردت : هلآ
راكان : هلآ بك !
طلعت هاجر من عند البنات وبإسلوب استفزازي : عندك كلام قوله ؟!
راكان بتعجب : بسم الله سبحانه يغير ولا يتغير !
هاجر ببرود : بلا هالإسلوب السامج عندك كلام قوله
راكان : كنت بقول لك اطلعي بمشيك بالمزرعه بس طلعتي منتي كفو
كانت بترد عليه بنرفزه بس سكتت لثوآني اذا على البنات ما خلوها تروق وهي تتأمل المزرعه بس راكان اكيد بيكون ساكت وهم يتمشون
هاجر : بلبس عباتي واطلع
آبتسم وقال ببرود : بس انا غيرت رآيي
هاجر بنرفزه من اسلوبه : بجد ما عندك سالفه
قال بنفس الإسلوب : وش رآيك بالإسلوب !
هاجر بعصبيه : بلآ هالإسلوب البـآيخ جد تركنا هالحركات للبزرآن
راكان ببرود : لا ما شاء الله معترفه انك بزر
سكتت تستوعب قصده وآنحرجت من نفسها من ثوآني كانت تستخدم نفس الإسلوب معاه
هاجر بنفاذ صبر : آلبس عباتي ولا لا ؟!
سكت ثوآني ثم قال : لا تطولين
هاجر ما صدقت على الله : آووووك طيرآن
سكرت بسرعه وركضت تلبس عبـآتها
لبست عباتها ولفت الطرحه وتسحبت لا ينتبهون لها البنات
بس عيون اسيل كانت تراقبها بصمت الين طلعت
لفت على البنات : وشكل عندنا عرسان جدد يبي لنا نشوف حركاتهم
اصايل : مين فيه شوفي رويم متخزبقه عندنا
ريم طنشتها
رهف : لا متحسنه رويم صايره نفس اسلوب مشيعل
ريم : آستغفر الله يا ربي احنا لا سكتنا ما خلصنا من لسانكم ولا تكلمنا ما خلصنا بعد وش الحل معكم تكفون آرحموني
وجدان : لا عاد كل شي ولا اختي آسكتو عنها بس
اسيل : يوووووه بيروح علينا مقطع رومنسي وانتو معلقين على ريم شكل موضتها ماتت بدت موضة هجور وركين
امجاد : وين هجت تراها راحت تكلمه بس
اسيل ضحكت : توها لبست عباتها وطلعت
اصايل : ايا اختي الخبله شلون طلعت ذي قطوه حشى
البندري : خل ندج ونروح نشوفها
اصايل : انتي يالبزر انثبري جد هذا القاصر
وجدان : ما تعديتي السن القانوني
البندري : لا وآلله ! ترآني صكيت 17 سنه انقلعو عن وجهي
ضحكو البنات
رشا وقفت : خلصونا خل نروح لا يروح علينا شي
طلو البنات من النافذه منتظرين آي موقف ممكن يجمع هـآجر ورآكـآن !
اما هاجر وراكان
طلعت هاجر شافته واقف بعيد شوي ومعطي ظهره للباب ويوزع نظره على العشب والورود الصغيره اللي فيه
تقربت له : راكان
لف عليها : نمشي
هاجر : آيه يلآ
ابتدت خطواتهم تتسابق واثنينهم سـآكتين !
قطع السكوت صوته وهو يقول : ارتحتي مع البنات ؟!
هاجر بإختصار : آيه
رجع السكوت يخيم على المكان
كل منهم يحمل شايل بخاطره على الثاني
مو كأنهم اللي قبل كم يوم يضحكون مع بعض
مو كأنها هاجر اللي كانت تدور الدفـآ بحضن راكان
ولا كأنه راكان اللي كان يدور الفرصه يتقرب من هاجر
كل واحد فيهم يحاول يستفز الثاني بأي حركه لعل وعسى يرضي كرآمته وكبريـآءه
كل واحد منهم ينفي مشاعره تجاه الثاني ويدفن نفسه بمـآضي وآحلآم صارت الحين صعبة المنـآل آكثر من آول
ما زالو يدفنون نفسهم بأمل انهم يجتمعون مع من " يظنون " انهم يحبون !
انتبهت هاجر انهم بدو يبعدون عن الفيلا قالت : راكان كأنه بدينا نبعد
راكان : مو مشكله ! هذي الفيلا ما بنبعد كثير
ما علقت وكملو طريقهم
آنتبهت هاجر لـ اسطبل الخيل ووقفت
آنتبه لها راكان ووقف ولف عليها متعجب
ونقل نظره للمكان اللي مثبته نظرها فيه
آبتسم وقال : تبين تركبين
هاجر والحماس آخذها : آيه وآللي يسلمك من زمان ودي آركب خيل
رجع متجه لها : اوك تعالي
اتجه لباب الإسطبل وآخذ المفتاح المعلق عند العتبه وفتح الباب ودخلو
آبتسم وآشر لخيل آبيض يمتاز بشعره الكثيف المايل لـ البيجي آكثر منه لـ الأبيض
صهل الخيل وآتجه لراكان
آبتسم راكان ومسح على شعره بخفه
انتبه لهاجر اللي ما زالت واقفه مكانها
آشر لها : مو تبين تجربين الخيل تعالي قربي
آتجهت له بتردد
وقفت جنبه وبخوف مدت يدها للخيل تمسح على شعره
هاجر بتودد : شككله طايع معاك
قال والإبتسامه ما فارقت شفايفه : آكيد ! احنا تربينا سوآ
هاجر بتعجب : كيف !!
راكان : هالخيل كان هديه من آبوي آلله يرحمه لما تخرجت من ابتدائي لأنه كان يعرف بحبي للخيول
هاجر : اها ! شكله متعود عليك
راكان : آيه آكيد ! قلتي تبين تركبين غيرتي رآيك ؟!
هاجر بإندفاع : لآ
آبتسم : آجل تعـآلي
مشت ورآه ومد لها خوذه ووآقي للركب وساعدها تلبسهم
آبتسمت ضحك راكان على شكلها : لالا مو لآيق كيذآ
تقرب منها وفك آزآرير عبـآيتها ونزلها عنها
وهاجر مصدومه من حركاته
وبخفه سحب طرحتها وتناثر شعرها على آكتـآفها
قال بإعجاب : قريتي المعوذات على نفسك قبل لا تطلعين ؟!
هاجر بهمس : آيه وخالتي ام سعد ما قصرت
جمدت مكانها لما قرب من اذنها وهمس : كلهم شافوك كيذا
قالت بتوتر : آيه
قربها له وقال بتملك وغيره وآضحه بصوته : ترآك لي ومابي احد يشوفكك بهالجمال غيري !
زادت جملته توترها قالت تخفف من توتر الجو : ما بنركب ؟!
آبتسم وآبتعد عنها وعلق عباتها وساعدها من جديد تلبس الخوذه والوآقي
هاجر : بطلع كيذآ ! آخـآف آحد من الشباب يمر ولا شي
راكان : لا لا تخافين الشياب مستلمينهم
ركب راكان على الخيل ومد يده لهاجر
ترددت لثوآني لكن مدت يدها بعدها وكأن الموضوع ما عاد يهمها
ساعدها تصعد
توترت لما حاوطها بيدينها عشان يمسك اللجام
بس نفت هالشعور لأنها تدري انه مو متقصد
بدا يحرك الخيل بخفيف لكنه سرعان ما بدت تزيد سرعته
دفنت نفسها بحضنه بخوف وانفاسها بدت تتسارع
وصوتها يهمس له يخفف سرعة الخيل لكن همسها ما كان كافي لأنه يوصل لأسماع راكان
خفف السرعه لما حس بأنفاسها تخف لكن الخيل كان عنيد ورفض يوقف
بدت اعصاب راكان تتلف وهو يشوفها مغمضه عيونها ومتمسكه فيه وانفاسها المتسارعه تقل ناداها اكثر من مره لكنها عيت ترد
شد اللجام بقوه كان الخيل جامح وعنيد
آرتفع الخيل وطـآح راكان وفوقه هاجر
رفع راسه يتابع سير الخيل اللي صار يجري لـ الآ مكان !
ما اهتم لأن اكيد الحارس بيشوفه
وقف وشال هاجر بين يدينه وآتجه لجهة الحريم
البنات اللي كانو وآقفين عند النافذه متابعين الموقف من اوله
ركضو الثلاثي يتغطون عشان يشوفون هاجر
وفتحو الباب بسرعه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك