رواية اهات جروح حزينة -19
أم وليد: صعبه ياأم بندر صحيح أن بكره العرس لاكن صعبه على البنت والله أنها كانت حاجزه عند الكوافير اليوم وزينت أظافيرها ويدينها وجسمها وشكلنا بنوديها بكره لأنها أشتغلت وشغل الكوافيره كله خرب.
أم بندرفي بالها خطه: طيب تعالومعي ننزل للمجلس اللي تحت ونسولف ليما يجي ولدكم وياعروس أنتظريني هنا عندي سالفه بقولها لك.
طلعوا كلهم وشهد وقفت تنتظر أم بندرفجأه أنفتح الباب وسمعته يتقفل قفلتين طلعت تشوف من اللي جاء شافت قبالها بندر وفي يده مفتاح الجناح.
شهدأرتبكت وبدت تنتفض:بندر ليه قفلت الباب ووين خالتي تقول أن عندها سالفه بتقولها .
بندربإبتسامه: أنا السالفه اللي كانت أمي بتقولها لك بصراحه انا طلبت منها تسوي كذا أبي أعرف ليه ماتردين على إتصالاتي.
شهد:بكره العرس.
بندر:وليه مانخليه اليوم.
شهد: لا مايصلح ماجهزت.
بندر وهو يقرب منها طيب وش رايك في الجناح.
شهد بخوف: حلو.
بندربخبث: بس حلو.
شهد: إيه.
بندر: تعالي أوريك الجناح.
شهد:مايحتاج شفته.
بندر: عندي لك هديه حلوه ياالله تعالي.
مسك يدها وصار يوريها الجناح ويشرح لها كيف سوى الديكورات ووصلو لغرفه النوم .
شهد: ياالله تأخرت لازم أروح.
بندر: لحظه عندي لك هديه.
شهدوهي واقفه عند باب غرفه النوم:طيب بوقف هنا جبها بنتظرك هنا.
بندر: لاياقلبي مايصلح لازم تدخلين ودخلت وأول مادخلت قفل وراه الباب خافت: وش فيك حبيبتي عادي أنا زوجك وبكره بتنامين هنا معي على هذا السرير.
شهد ودموعها بدت تنزل: أفتح الباب.
بندر:شهد ليه تبكين .
شهد: بندرأفتح الباب.
لاحظ أنهاخايفه ومن خوفها تبكي وترتجف حب يطمنها قرب يبي يضمها أرفضت.
فتح الباب وراح للمطبخ أخذ كاس مويه ومده لها.
أرفضت تاخذه: ماأبيه.
بندر:ليه.
شهد:أخاف تكون حاط فيه منوم.
بندرتفاجأ من تفكيرها:شكلك متاثره بالأفلام خذي أشربيه.
أرفضت شرب منه عشان يطمنها ويوم شرب شربت جلس يمسح دموعها: لايكون بكره بتسوين كذا.
سكتت.
ضمها حاولت تبتعد ماقدرت ضمها أكثريبي يهديها لاكنه ضعف يوم ضمها وبدأ يبوسها بطريقه جنونيه شهد خافت وأبعدته قرب منها يبي يسدحها على السريرفجأه وبدون أي سابق إنذار أصفقته كف صحاه من اللي هو فيه وقف مصدوم
بندر:ليه ياشهد.
شهد:لأنك متهور وماتقدر تسيطر على عواطفك.
راحت للمغسله غسلت وجهها ولأنها رتبت أغراضها في الغرفه فتحت درج من الدروج وأخذت علبه مكياج وعدلت مكياجها وفجأه رن جوالها ردت: هلاسامي , أوكيه جايه باي.
بندر:بتروحين.
شهد: إيه.
بندر:ويهون عليك قلبك.
شهد: إذا كانت تصرفات كذا إيه.
بندر:بس أنا فاقد أشياء كثير أبيك تعوضينياها.
شهد:بكره نتفاهم أنت نام الحين لأن بكره زواجناأناغلطت يوم جيت عندكم.
بندر:شهد.
شهد وهي تلبس عباتها لازمه الصمت أنصدمت من بندر ماتوقعته كذا.
بندر:لاتلومين قلب تولع ومات وسط ناره.
أطلعت من الجناح مسرعه شافت نوره ضحكت لها وكن شي ماصار وسولفت معها لين وصلت للباب وطلعت وأنصدمت يوم شافت مافيه مكان لها بالسياره:يعني وين أركب انا.
سامي: بالشنطه.
شهد: يمه من جد بتروحون عني.
سامي: إيه خلاص بدال العرس والخربطه نامي عندهم.
بندركان واقف عند الشباك يسمع الحوار
شهد:لا والله أقول دبرو لي مكان ولاأقول رح وقف لي تكسي نصنا معك والنص الأخر معك.
أم وليد:مشكلتنا أننا جينا بالجمس وأنت ياسامي سيارتك صغيره ومافيه مكان لشهد.
شهد تهورت وفتحت الباب وقالت: بأجلس على رجل وحده منكم زي البزران.
هزئوها خواتها فجأه أنفتح الباب طل بندر وسلم على سامي وقال: خلاص روحو وبجيبها لكم.
أم وليد:لا مايحتاج بنوقف تاكسي ونصنا معه ونصنا مع سامي.
بندربإصرار: لاياخالتي أنتو روحو وبجيب شهد لأن عندي مشوار بسيط حول بيتكم.
ماقدرت أم وليد ترده لأنه أصر على رايه.
راحوا أهلها وقلبها بدى يخفق حست بخوف فضيع دخل بندروطلع سيارته ونزل وفتح لها الباب اللي قدام أنحرجت كانت تفكر تركب ورا
ركبت ورجولها ترجف حط يده على فخذها يبي يهدها ومسك يدها وباسها: أسف.
لزمت الصمت.
بندر:شهدماكان ودي أسوي كذا بس مدري ليه من أشوفك أحس بإحساس غريب لاتسأليني وش هذا الإحساس بس مدري وش هو اناأسف.
شهدكانت تبكي لاكن بدون صوت حس أنها تبكي وبما أن السياره مظلله رفع برقعها وغطت وجهها بسرعه.
بندر:تبكين ياشهد ليه هذا وأنا زوجك حبيبك.
يوم قال هالكلمه بكت زياده تذكر انها تحب الكفي مع الجالكسي لأنها قالت له من زمان: لوزعل الدنيا كلها بقلبي وشفت الكفي والجالكسي أنسى كل شي وأرضى.
وقف عند دكتور كيف وشرا لها وله كفي ووقف عند البقاله وشرا لها كرتون جالكسي ساده وهي من دموعها ماأنتبهت لأنها كانت منزله راسها وتبكي فجأه مد لها الكوب.
أخذته وهي ترجف شمت ريحته أبتسمت شافت الجالكسي وصرخت: أااااااااااااااااااااااا.
بندر:لين الحين زعلانه.
شهد:إيه.
وبدت تذوب الجالكسي في الكفي وتشرب وهي في قمه السعاده نست زعلها بس مازال في خاطرها أشياء كثيره مزعلتها من بندر.
وصلو للبيت أعطاها كرتون الجالكسي أرفضت تاخذه:أجل خذي لك منه والباقي بحطه بثلاجه بيتنا لأن بكره العرس جهزي نفسك.
نزلت وهي مبسوطه ودخلت البيت ومحد قال لها شي لأنهم يعرفون أنها راكبه مع زوجها وبكره زواجهم.
جت الساعه 3ولا جاها النوم فجأه رن جوالها ردت: هلا.
بندر: نمتي.
شهد:مافيني نوم.
بندر:حتى انا.
شهد:لي نص ساعه أتقلب على السريرولانمت.
بندر:حتى انا مثلك.
شهد:ياالله لازم أروح للكوافير الساعه 8ونص ولازم اقوم الساعه 7عشان أتروش.
بندر:وليه تتروشين.
شهد:لأني حاطه في شعري زيت.
بندر:من يصدق أن بكره زواجنا.
شهد:تبي الصراحه محد توقع أني بتزوج لأني كنت ماأفكر فيه أبد.
بندر: عساك مطمأنه من كل النواحي.
شهد:الحمدالله.
بندر: ومن ناحيه الليله الحمراء.
ألزمت الصمت.
بندر:عادي تراه شي مايخوف بالعكس أكثر الحريم يتمنونه وتراهم حاسدينك بعد.
شهد:على أيش.
بندر:من قدك ماخذه بندر بن خالد أل.......
شهد:ياشين الغرور.
بندر تغيرت نبره صوته وقال: تبين تعرفين وش بسوي لك الليله.
شهد:لا شكرآ.
المسكين لويدري أن عندها عذرشرعي كان أنهبل.
طالت المكالمه وأذن الفجر وبندر نسى يصلي أماشهد فعندها عذر شرعي وطالت المكالمه وصارت الساعه 6ونص طلعت الشمس شهقت شهد شهقه خوف بندر:وش فيك حبيبتي خليني أكمل لك .
شهد:خلاص جاني النوم.
بندرتثاوب: كم الساعه.
شهد:ست ونص.
بندر:الصلاه الله يهديك نسيتيني حتى الصلاه خلاص عمري وعدك الليله.
شهد:الله يستر.
بندر:مادام أنك معي فانتي بأمان بس فتره وتعدي يالله عمري باي.
سكرت ونامت ويافرحه ماتمت يوم غفت جاها سامي لنه هواللي بيوديها للمشغل قامت تصارح النعاس تروشت ولاأفطرت
ونفسها بطرف خشمها لأنها مانامت وزياده على كذا أنها متوتره موت وخايفه من هالليله
وش بيصير في الزواج وعهود على أيش مخططه هل بتخرب الزواج ولابتقنع بندر يكنسل الزواج وشهد الخوف لأي درجه بيوصلها وهل بتسعد بندر مثل ماوعدته وش بيصير
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعدماسكرت شهد من بندر ونامت ويافرحه ماتمت يوم غفت جاها سامي لنه هواللي بيوديها للمشغل قامت تصارح النعاس تروشت ولاأفطرت وراحت للمشغل وبدو يسوون لها أقنعه للوجه لاكن ماقدرو يسوون لها حمام بخار للجسم بسبب العذر الشرعي.
أنتهوا من تجهيزها العصروماأكلت شي وهي متوتره وميته من الخوف راحو للفندق وجلست بغرفه العروس وبدأ المعازيم بالتوافد من كل مكان بسبب معرفتهم باابو بندروصل العريس الساعه 11 وسلمو عليه المعازيم وشهد على أعصابها وبألحاح من أم بندر قررويسوون الزفه بدري لأنها تبي ولدها ينبسط على قولتها دخل بندر غرفه العروس وسلم على شهد وأنبهر من شكلها لأنها حاطه مكياج عروس وجلسو يصورون فجأه سمع صوت وحده قالت:مبروك يابندر منك المال ومنها العيال.
عرفها عهود بس كانت متغطيه.
أنزفت شهد على موسيقه كلاسيكيه وبندر رفض ينزف مايبي يشوف وجه عهود وبينما كان الكل منشغل بالزفه دخلت عهود وهي متلثمه غرفه العروس شافت بندر جالس يطالع الساعه وماعنده أحد قربت منه:لا بأس بها كزوجه بس أتوقع أن كثره مكياجها مومبينه ملامحها.
رفع راسه عرفها من صوتها نفس الصوت ونفس العيون ونفس النظره هذي هي عهود ماتغير يبي ينزل راسه ماقدر يصد عنها رجعت له الذاكره لورا اول لقى اللي صار بمطبخ بيتهم الكبير.
عهودكشفت وجهها لبندر:من احلا انا ولاهي أكيد أنا خساره يابندرتوقعت ذوقك رفيع تصدق لوتلف الكون ماتلاقي وحده بجمالي.
غمزت له وتلثمت وطلعت وخلته في وسط حيرته.
قال بينه وبين نفسه: ليتني ماتسرعت ليتني ماتزوجت.
وجلس يندب حظه لأنه شاف الوجه اللي خلى عينه مايملاها شي.
وبعدالزفه الوحوسه رجعت العروس لغرفه العروس وبدو يصورون صوركثيره فجأه المصوره طلعت الكل وخلت العريس والعروس يسوون حركات رومنسيه وبدت تصور كان بندر شارد الذهن رجعت الذاكره لذكريات طواها من زمان.
ليه ياعهود تجرحيني
تجرحين بأسم المحبه وبعدغيبه تسألين
يااللي بجروحك كريمه من متى قلبك علي
الوداع أخرحروفآ في خفوقي شلتها
ياتموت بوسط قلبي ياأموت أن قلتها
يااللي حبك في خفوقي كان حلم وأنتهى
أنتهى أنتهى خلاص يابندرفلها الليله خلاص مايحتاج تذكرماضي أنتهى
قطع عليه حبل أفكاره أمه:بندر ياالله السياره عند الباب تسهل أنت وحرمتك.
وكل واحد بدأ يودع أهله وأحبابها ومن بين دموع الفرح أنطلقو العرسان بالسياره لحياه مايدرون وش بيصير لهم فيها.
كان بندر يسوق وهي ميته من الخوف وفي بالها أكثر من سؤال وأولهم:
وين بيوديني هذا الأدمي لايكون بينتقم مني لأني وافقت عليه؟
2- ياترى بيذبحني والله صرت أخاف منه؟.
3- شهد أنتي متأثره بأفلام الأكشن بس جايزيذبحني يالله لوتركني في مكان وش أسوي؟.
أحيانآ الواحد إذا صار متوتريطرى على باله أمور سخيفه مايدري من وين يجيب الأفكار.
بندر:مبروك ياعروسه خلاص ماعادفيه انافي بيت أهلي والله أخاف أن أحد يشوفنا خلاص ههههههههههه من بيفكك مني.
شهدخافت ولزمت الصمت.
شغل بندرأغنيه وأهداها لها وكان يسوي حركات كأنه يتوعدها بشيء.
ناوي لك على نيه بس أنت أصبرشويه إذا ماأعلقك فيني وهواك يصير بيديا
ناوي لك على نيه
كان قلبها ميت من الرعب خلاص ماتقدر تتحمل خفقان قلبها زاد بشكل غير طبيعي لزمت الصمت وجلست تطالع الطريق وحست انهم ابتعدو كثير عن الحي اللي هم ساكنين فيه كانت العبره خانقتها ماتخيلت في يوم انها بتروح مع واحد القدر خلاه في طريقها وأخذها معه لمكان هي تجهله كانت تفكر في نفسهاوتقول:ياليتني ماتسرعت وافقت عليه كنت بجرب كيف يكون شعور البنت المخطوبه وماتوقعت أن في يوم أروح مع واحد كلمته 7شهور وفي يوم وليليه صار زوجي ياالله وين بيوديني ليش يطالعني بهالنظرات الغريبه اناميته خوف وهوطاير من الفرحه ويرقص على الأغاني اللي مشغلها والمشكله أنه مافصخ بشته.
لاحظت شهد أن وراهم موكب سيارات حست أنها شخص مهم كان الموكب محاوطهم بشكل غير طبيعي والرجال اللي بالسياره معهم أسلحه هذا الشي الوحيد اللي خلاها تتعجب وضحكت بينها وبين نفسها لأنها حست أنها في فيلم أكشن فجأه أرتاعت وصرخت ضحك بندر:وش فيك حبيبتي.
شهدوهي ترجف:ولاشي بس أبعد يدك.
بندر:فيها شي هذي حطيت يدي على ركبتك عادي أنا زوجك.
شهدلزمت الصمت فجأه لقت نفسها قدام بوابه كبيره أول مره تشوف بوابه بحجمها.
وقف بندر:ياالله وصلنا.
شهدبخوف واضح: وصلنا لوين وين بتوديني بندر إذا أنت بتتركني وتروح لأني رفضت أنفصل عنك يوم طلبت مني خلاص مستعده أكلم أبوي وأطلب منك الطلاق بس لاتخليني أنا......قطع صوتها البكاء.... أنا أأأ... خخ....خاااااا يييفف....ففففه.
بندرمسك يدها وباسها:قلبي حنا في المطار بنسافر ورانا شهرعسل ياالله مابقى شي على الطياره وإذا على الأنفصال أنسي هالموضوع خلاص أنتي لي وانالك وأناراضي يالله حبيبتي.
فجأه أنفتح باب السياره بندر:محمد وبعدين معاك.
محمد: ندري أنك توك متزوج ومتلهف لحرمتك بس أخلص علينا وريح قلب أبوي تراه مب مرتاح إلى إذا سافرت تعرف الأعداء مايتسلطون على الرجال إلافي وقت عرسه.
بندرشاف الساعه ووقف:ياالله ياشهد.
نزلت ولاتدري وين بتروح كانت تمشي وراه حست أنها غريبه عنه ماكأنه بندراللي كان يكلمها أيام الملكه مشت وراه وهي ترتجف وكانت ماسكه جوالها بيدهاوهي خايفه كانت تمشي ورجال محاوطينها هي وبندر ظنت أنهم شرطه لأنها شافت معهم أسلحه وكانو متأهبين لأي هجوم وصلوا لنقطه التفتيش طلب منها بندرتروح لتفتيش النساء ويوم راحت مشو وراها خمس رجال من اللي كانو يمشون وراها هي وبندر وقفو عند الباب وكل واحد يتكلم عبرسماعه البلوتوث كانو يتلقون اوامر من بندر طلعت ومشو وراها كانولابسين فنيله سوداء كت وأجسامهم معضله هم بدي قارد بس شهد ظنت انهم شرطه كانت تقول بينها وبين نفسها:ياالله الناس كلهم يطالعوني أحس أني شخص مهم طيب ليه الشرطه محاوطتني ومحاوطه بندر وكل شوي يتكلمون بلاسلكي شكل بندر مسوي شي صح أذكر فلم كان يتكلم عن مجرم خطيركان خارج عن القانون والحكومه الأميريكيه حاوطوه بحرس مثل اللي محاوطيني أنا وبندر ووصلوه لباب الطياره ومنعوه من دخول أمريكا مدى الحياه لايكون بندر مجرم وأنا ماأدري ياربيه ليش وهقت عمري بواحد مدري من يكون.
بندر:شهد وش فيك سرحانه .
شهد: هاه اااا لاولاشي.
وصلو للطياره وركبوها وجلسو في الدرجه الأولى جت المضيفه ومعها عربيه فيها خمر وثلج ووقفت عندهم وكانت تتكلم أنجليزي لأن الطياره موسعوديه.
طبعأ راح أترجم لكم كلامها لأكن بالفصحى: طاب صباحك ياسيدي هل تريد بعضآ من النبيذ.
بندر: لاشكرآ أنا لااشرب.
المضيفه بإبتسامه: جربه أنه رائع.
بندر:شكرآ لاأريد لاكن هل لي بطلب.
المضيفه بتغنج وبإبتسامه ساحره:تفضل يا..... أوه ماأسمك.
بندرعصب لأنها تسوي إغرائات لأي أحد تكلمه لاكنها زادت الأغراء يوم شافت جمال وجهه بس ماحب يهزئها لأنه عارف أن هالمضيفه بتدلع وبتزيد بالكلام معها فاختصر الكلام وقال: لا اريد منك شيئآ فقط أريد أن يأتي لخدمتي مضيف وليس مضيفه.
المضيفه:لماذا ياسيدي هل شكلي لايعجبك.
بندر: نعم ولأنك ساقطه وأنا لاأتحدث مع أشكالك.
عصبت المضيفه بس ماقدرت تقاوم جماله:أنت رجل وسيم ورائع.
بندر:أنا أعامل الناس على قدر مقامهم وهذا هو قدرك ولوقمت بعمل أنواع الأغرائات فلن تغريني أبدآ .
المضيفه:أستطيع ذلك.
بندر: لوطرت للسماء ووقعت لن تصلي إلى مرادك .
توها بتردقاطعها بندربنظرات إستحقار:رجائآ لاتزعجيني فكلامي واضح وأرجوأن تحترمي نفسك وتبتعدي لأني حديث الزواج وزوجتي بجانبي وأنا مسافر لقضاء شهر العسل وأريد أن أنفرد بحبيبتي لأني أحبها ولاأطيق الأبتعاد عنها دقيقه واحده لأني مغرم بها.
عصبت وراحت لصديقاتها المضيفات وهي تتمتم بكلامات القهر.
شهد في هاللحظه كانت تفكر: ماشاء الله يرطن أنجليزي مالت علي بس وش كان يقول لها بس الحيوانه كانت تسوي حركات وصخه قدامه تبي تغريه ووجع انشاء الله جعلها العمى اللي يعميها بنت اليهود ولابسه صليب بعد جعلها الطاعون أنشاء الله بنت الكلب صدق وقحه وقحه وش قله اللأدب لابسه تنوره نصف الفخذ وفاتحه الصدر اللي كنه صدر هيفاء وهبي جهله ينفقع بوجهها خخخخخ وش فيها عصبت شكلها حست اني أدعي عليها بندريتكلم معها بقرف شكله متقرف منها أحسن والمصيبه تتمايع قدامه وهو يستحقرها صدق وجهها مغسول بمرق يوه بندر ليش يمسك يدي ويلزق فيني حرام عليك بندر والله أستحي بس لحظه عصبت الأنسه يوم قرب مني بندرومسك يدي أحسن طست جعلها روحه مابعدها رجعه هي كافره ويجوز أدعي عليها.
دخلت المضيفه وهي تردد: أحمق أحمق.
المضيفه2: مابك.
المضيفه1:ذلك الشاب الوسيم اللي جنن عقولنا كلنا ذهبت إليه وفعلت كل شي قد يثير أي رجل ولم يعطني أي وجه يناديني بالساقطه.
المضيفه:هل فعلت كل الطرق معه.
المضيفه2: لم يعطني فرصه فقد كان يلتصق بالمرأه اللتي بجانبه ويقبل يديها وهي كالصنم صامته لم تتحرك أبدآ وتلبس عبائه سوداء حتى وجهها قد غطته بهذه العبائه وأنااللتي جميع الرجال يقعون تحت قدمي من أجل نظره مني فلماذا يفعل بي ذلك.
المضيفه2:لماذا تبكين.
المضيفه1: حرق قلبي عندما قال أنها زوجته وهوذاهب لقضاء شهرالعسل معها.
المضيفه2:أنت تعلمين أن السيد بندرمنذ أن كان أعزب لايعطي أحدآ بال فكما تعلمين سفراته على هذه الطائره متكرره وأنت منذ خمس سنوات تحاولين الأقتراب منه ولاكنه كان لايلتفت لك لأنه كان يعمل على أوراق وملفات فلماذا اليوم بالذات تحرشتي به.
المضيفه1:أنها المره الأولى اللتي يسافر على هذه الطائره وهولم يحمل أوراق أويقوم بأي عمل فقلت هذه فرصتي فكما تعلمين في السابق كان يقول ضعي القهوه على الطاوله وهو عينه على الأوراق واليوم جالس بدون عمل أنها المره الأولى اللتي يتحدث معي فيهاوهو ينظر إلي أنها فرصه لاتعوض.
المضيفه2:أنت مجنونه تعلمين أنه مسلم والمسلم لاينظر إلى امرأها عاهره .
المضيفه1:لايهم يكفي أنه حقق ثروه وهوصغير بالسن لوتزوجني لملكت ثروته.
المضيف2:تحلمين فدينه يمنعه من الزواج بك.
المضيفه1:أعلم لاكن تعجبت من الفتاه اللتي تجلس بجانبه صامته ومع ذلك يتحدث معها ويتكلم بطلاقه ويضحك معها وهي لاتبادره الحديث.
المضيفه2:هي أيضآ مسلمه ودينها يحثها على الحياء الرجل المسلم يعشق المرأه اللتي يبدو عليها الحياء لايهم المهم متى ستقابلين جون.
المضيفه1: لاأعلم.
وفي الجهه الثانيه من الطياره كان بندريشرب قهوه وهومبسوط من قده عريس
بندر:حبيبتي وش فيك ماتكلمتي من اليوم وأنااللي أسولف تصدقين توني أكتشف أني بربار.
شهدتطالع الشاشه اللي قدامها كانت تراقب الوقت مرت أربع ساعات على وجودهم بالطياره وماوصلو.
بندر:تبين تعرفين لوين حنا رايحين.
شهد: إيه.
بندر:لفرنسا تدرين ليه لأنها بلدالرومنسيه.
شهدلازمه الصمت فجأه جت مطبات هوائيه قويه وعاصفه جويه بأسباب الأمطارخافت وتمسكت في بندر وبندرضمها يبي يطمنها وبعد ساعه من الرعب والقلق تعدت الطائره مرحلت الخطروواصلت رحلتها بندرأستغرب من شهد لأنها مازالت حاضنته همس:شهدخلاص قلبي.
ماردت عليه حركها ماردت قرب منها وأبتسم لأنها كانت نايمه فخلاها تنام وهي راسها على صدره وكان مبسوط من الحركه وبعد سفرطويل ومتعب أستقرت الطائره وبسلام في أراضي فرنسا.
بندرماتحرك من مكانه مايبي يصحي شهد إلاإذا فضت الطياره لأنها مزحومه بالناس ومايبيها تتضايق لأن هنا عادي الرجال يلصق في الحرمه أويتكلم معها غير التحرشات وقله الأدب اللي تصير عند باب الطياره.
فضت الطياره ومابقى فيها غير المضيفات .
بندر:شهد حبيبتي وصلنا.
وبدأ يهمس: قلبي حبي ياالله قومي.
جت المضيفه: يبدو أن فتاتك لاتتحمل السفر.
بندر:اللهم طولك ياروح.
أنقهرت لأن بندرمارد عليها: مرحبا أناأتحدث معك.
ماألتفت عليها:نعم ماذا تريدين.
المضيفه:أريدك أنت.
بندرقرب من شهد وجلس يبوس فيها يبي يقهر المضيفه:وأنا أريد زوجتي.
المضيفه: إذا كنت تريدها فلماذا لاتذهب.
بندر:أريد أن يخلو الجومن الحثاله لأني لاأطيق الحديث معهم.
المضيفه:أنت رجل وقح.
ضحك بندرضحكه أستهزاء وجلس يصحي شهد بهدوء والمضيفه تسب فيه وهو ماأعطاها وجه.
صحت شهد وهي متعجبه من ذي اللي تصارخ وهي معصبه.
شهد:بندر ذي وش بلاها تصارخ وش ترطن.
بندرضحك على كلمه ترطن اللي قالتها شهد بدون ماتنتبه.
بندر:حبيبتي ياالله الطياره فضت خلينا ننزل.
شهد: وأخيرآ.
وقفت ودها تتمغط بس أنحرجت من بندر لأن ععيونه تطالعها من فوق لتحت.
وبأبتسامه قال:ياالله عمري بس قبل لاننزل أفصخي عباتك وأفتشي وجهك.
شهد:ليه.
بندر:تعرفين هنا مايعترفون بالحجاب ولولبستيه بيقولون عننا أرهاب أو أنهم بيحولونا للتحقيق شي طبيعي لأنهم كفار والكفار يكرهون المسلمين فياريت تفصخينهم.
بعدتردد نزلت من الطياره وشافت الناس يطالعونها لأنها مازالت بفستان ناعم وبتسريحه وبمكياج العرس.
بندرأبتسم لاكن في قلبه شبت نار الغيره لاكن لأنها عروس لزم الصمت.
وصلو الفندق وأول ماوصلوشهد جلست على الكنبه من الإرهاق وحست بدوخه لأنها رفضت تاكل شي في الطياره أصفر لون وجهها.
بندر:فاتتنا صلاه الفجروش رايك نصلي جماعه بروح أتوضى وأجي.
شهدبلعت ريقها وشلون بتقول له أنها ماتصلي.
جاء بندربإبتسامه:ماغيرتي الفستان.
شهد:روح صل وأنابروح غرفه النوم.
غمزلها:لها الدرجه مستعجله.
شهدأنحرجت وجههاصار طماطه:لابس أبي أغير ملابسي.
بندر:إيه على طاري الملابس ترا ملابسك ماعجبتني كلها ساتره .
شهد:أنت مفتش بأغراضي.
بندر:إيه وشفت الملابس ولاعجبتني عشان كذا شريت لك ملابس على ذوق خواتي بس ياهي فاصخه شي يهول.
ضاقت وأنقهرت ودخلت غرفه النوم وسكرت الباب وفصخت الفستان ولبست قميص نوم أسود حرير طويل ماله أكمام ومعه روب شفاف ومعه طقم شبشب حريرفيه فرو أسود.
دخلت الحمام وطلعت منه وجلست قدام التسريحه تحاول تفك التسريحه لاكن مع كثره البنسات والسبرت طولت وهي تفك فيها وتعبت وهي توها عصبت وجلست تدعي على العامله اللي سوت لها هذي التسريحه ولأنها كانت لاهيه ماأنتبهت للي واقف عند الباب ويتأملها من بعيد.
بندربينه وبين نفسه:صراحه شفتها تأخرت في الغرفه ومالها حس فقلت أدخل يمكن نامت بس أستغربت لأنها ماصلت بس كانت لابسه أسود أنقهرت فيه عروس ليله زواجها تلبس قميص نوم أسود وطويل بعد كنها بعزاء بس رحمتها يوم شفتها تعاني في فك تسريحه شعرها كنت بأقرب لاكن شفت علامات الضيق بوجهها تعكر مزاجها لأن شعرها متعقد وصعب فكه توني بأدخل شفتها تاخذ جوالها وماأنتبهت لوجودي وأتصلت على أحد بس مدري من فقلت أسمع المكالمه وهي ماتدري.
شهد:هلا سلافوه كيفك.
سلافه:وااااااااااااااااااو شهد من جد أنتي شهد ولا أحلم.
شهد: لابنت جيرانهم إيه أنا شهد المهم قولي لأمي أني وصلت لفرنسا.
سلافه:واو فرنسا مره وحده.
شهد: شفتي عاد تصدقين أنا ميته من الخوف ماأدري كيف باقول له أن فيني العذر الشرعي من شوي قال خلينا نصلي جماعه.
سلافه:ههههه شكله متأثر بالمسجد.
شهد: ياحياتي من يوم العرس وهو طاير من الفرحه ويتبسم ويوعدني بليله ماعمري راح أعيش مثلها ويقول بتشوفين الرومنسيه على أصولها ياقلبي عليه أجل لو درى بالعذر وش بيسوي أخاف تجيه صدمه عاطفيه لاماأتحمل هذا حبيبي بندوري.
سلافه:أسكتي لايسمعك, أقول فيني النوم بروح أنام.
شهد:ياسخفك سلافوه لاتسكرين أناشهوده خالتك حبيبتك.
سلافه: هذاك أول الحين بندرالكل بالكل خليه يعطيك الحب والحنان وال....... واللي أنتي خابرته.
شهد:كلي تراب ياقليله الأدب المهم سلمي لي على الكل وبوسيهم لي واحد واحد.
سلافه: وأنامالي بوسه.
شهد:بعد قلبي أنتي أنتي عاد بوستي لك شي ثاني أممممممممموه حبيبه قلب خالتك.
بندربينه وبين نفسه:بصراحه كنت مصدوم من كلامها ليه ماقالت لي عن العذرالشرعي كنت متحمس كثير خساره بس كبر راسي يوم قالت هذا حبيبي بندوري بس ليه تدلع بنت أختها وتعطيها بوسات بالسماعه وأنا أطرها عشان بوسه وحده وياليتها تنسمع طيب ياشهد أما أحرجتك ماأكون بندر.
دخل بندروشهدمن شافتها صرفت سلافه وسكرت.
بندر بإبتسامه:حنا في شهر عسل فجوالي وجوالك لازم نقفلهم .
شهدرجعت تفك التسريحه.
بندر:أساعدك.
شهد: شكرآ مايحتاج.
قرب بندرأكثرلدرجه أن شهد صارت تحس بحراره أنفاسه عند أرقبتها:لا خليني أساعدك.
شهدبربكه:مايحتاج.
بندر:أنا زوجك.
شهد:ممكن توخر.
بندر: لا ماراح أحديقدر يردني عنك إلارب العالمين.
شهد:طيب لاتلصق فيني كذا أنت تربكني.
بندر:أموت أناعلى المرتبكين.
وبدأ يسوي لها حركات غير طبيعيه شهد:ممكن توخرأبي أتنفس.
بندر:ليه.
قرب حط يده على جهه قلبها كان ينبض بسرعه.
بندر:عز الطلب ياالله قومي معي.
شهد بخوف:وين.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك