رواية اهات جروح حزينة -20
قرب بندرأكثرلدرجه أن شهد صارت تحس بحراره أنفاسه عند أرقبتها:لا خليني أساعدك.
شهدبربكه:مايحتاج.
بندر:أنا زوجك.
شهد:ممكن توخر.
بندر: لا ماراح أحديقدر يردني عنك إلارب العالمين.
شهد:طيب لاتلصق فيني كذا أنت تربكني.
بندر:أموت أناعلى المرتبكين.
وبدأ يسوي لها حركات غير طبيعيه شهد:ممكن توخرأبي أتنفس.
بندر:ليه.
قرب حط يده على جهه قلبها كان ينبض بسرعه.
بندر:عز الطلب ياالله قومي معي.
شهد بخوف:وين.
بندرباغتها وشالها وهي تصرخ:نزلني.
ورجفته وأضربت يده بقوه عشان يفكها رماها على السرير بقوه بدت تبكي ضاق صدره كان يبي يمزح معها:أسف حبيبتي كنت أمزح معك.
شهد:هذا مومزح هذا إغتصاب.
بندر:طيب أنا ماأغتصبتك مزحت معك أبيك تضحكين.
شهد بكت وطالعته بنظره إستحقار أنصدم من نظرتها وقف وقال: أناأدري أن فيك عذرشرعي بس حبيت أمزح معك أنا أسف.
قامت وراحت للحمام وقفلت عليها الباب وكملت صياحها وعشان تهدأ تروشت بمويه بارده.
نروح لبندر:كنت جالس على السرير وأطالع باب الحمام أنتظرها تطلع وطال جلوسها بالحمام فجأه سمعت صوت الدش عرفت أنها تتروش فرحت يمكن تكون طهرت بس أنصدمت يوم شفتها واقفه بطريقه غيرطبيعيه فجأه.
طاحت قدام باب الحمام ركضت لها حركتها يمين يسار صرخت شهد قومي ولاتحركت كان قلبها يدق ببطء مدري وش أسوي شلتها وحطيتها على السريروركضت مثل المجنون أتصل على الريسبشن وطلبت يحضرون دكتور جاء الدكتور وكشف عليها
كنت خايف لاكن أرتحت يوم قال لي مجرد إرهاق لأنها ماأكلت شي من الصبح تركتها تنام ووصلت الدكتور للباب وأنسدت نفسي عن الأكل ونمت جمبها .
شهد: مدري وش صار لي صحيت وأنا أحس بتعب وإرهاق واحس أن راسي مصدع شفت بندرنايم جمبي وحاط راسه على صدري أبي أقوم أصلي أها تذكرت إيه ماوراي صلاه خلاص أجل أكمل نومتي أحسن.
بندر: حسيت أنها صحت رفعت راسي عن صدرها شفتها نامت وقمت عشان أطلب من الريسبشن أكل ووصل الأكل حطيته على الطاوله انتظرها تقوم وماقامت تركتها تنام وجلست أطالع التلفزيون.
شهد:أساسآ أنا مانمت بس مثلت عليه أني نايمه عشان مايبدى يمزح معي لأني أكتشفت أن مزح بندر ثقيل ولايطاق وسمعته يطالع التلفزيون كنت أسمع موسيقه رومنسيه شكله يطالع فلم رومنسي وقفت عند الباب وطليت لقيته منسجم وأنصدمت يوم شفته يبكي.
بندر: بكيت لاشعوريآ لأن قصه الفلم تشبه قصتي مع عهود ماأدري وش صار لي وأنا أشوف البطله تترجى البطل يرجع لها لاكنه رفض وتزوج غيرها وهي تحاول تتقرب منه وهو رافض وقرريتزوجها ورمى زوجته السابقه برا البيت وأنصدم من نفسه اللي صارت تحب زوجته اللي رماها ويوم راح يبي يرجعها وصل له خبرموتها وظل طول عمره يبكي ويتندم على فعلته ومات من كثره الحزن أنتهى الفلم .
شهد:بندروش فيك.
بندرشارد الذهن وماأنتبه لشهد.
شهد:حسيت أن الفلم فتح جرح بقلبه وأكبر دليل أنه يبكي بكاء غير طبيعي وكان ماسك شعره وحاط يده على قلبه ويردد خلاص أنساها أنساها اني فضول أعرف وش السالفه فقلت:بندر وش فيك.
أنتبه لي وقال:مافيني شي.
كانت عيونه حمراء شكله من زمان وهو يبكي فقلت له:أنت تحب صح.
بندر:وش دراك.
شهد:واضح من عيونك.
بندر:لابس تذكرت المرحوم أخوي بدر.
شهد:أنت تحب .
بندر:لا.
شهد ألحت وأصرت وبندر ينكرويلف ويدور وبعد إلحاح حس بندر أن مافيه مفر وغلط غلطه كبيره وهي الأعتراف بالماضي وقص لها قصته مع عهود من البدايه إلين كلامها له يوم العرس شهد في هاللحظه كانت تطالعه ضاق صدرها عليه قربت منه وكان يتكلم وهو يبكي قربت وضمته ومسحت على شعرها رفع راسه وقال:شهد لوقلت لك بروح لها تقبلين.
شهد:ماراح أمنعك.
قالت هذي الأجابه لأنها مابعد تعلقت فيه كان بندر بالنسبه لها شخص عادي مابعد دخل قلبها ولأنه ماسوى لها شي يعني توها بنت لوطلقها بتتزوج غيره على طول.
ومرت الأيام عليهم حلوه وممتعه وأكتشف بندر أن شهد ماتطيق مزحه وماينمزح معهالأنها بعد كل مزح تسبب له مشكله وتزعل زعل لايطاق فصار مايمزح معها وأكتشف فيها الغيره كانت تنكد عليه بغيرتها ماتبيه يطالع أحد غيرها وتضايق لأنها ماتخليه يقرب منها وفي يوم من الأيام كانت شهد جالسه بالفندق اللي يطل على البحرفي ماليزيا وكانت مطفيه اللمبات ومشغله الأباجورات الخافته جلست ببنطلون برموده ضيق لونه أسود وبلوزه حمرا كت مفتوحه جهه الصدركانت تطالع التلفزيون اللي بالصاله وكان الفلم فلم تايتنك وكانت متحمسه معه دخل بندر وماحست بوجوده لأنها إذا انسجمت مع شي لويصرخ أحد جمبها ماألتفتت له.
بندر:قلت لها أني بتأخرلاكن صديقي ماحضرالإجتماع رجعت بدري ماتوقعت أنها بتخلي الجو رومنسي جلست جمبها ولاحست فيني كانت تشوف فلم تايتنك ياقدمه ذا الفلم المهم جلست أتأملها وهي مندمجه بالفلم من يصدق ان بندر تزوج ذا البنت وين بندراللي يقول ماأتزوج أحد إلاعهود أو ملكه جمال وطحت بذي اللي أستغفرالله المهم يابندر وش بتسوي معها من تزوجتها مادخلت عليها مرشهرين ولادخلت عليها والله لويدرون الشباب بياخذوني مسخره ولاأمي المسكينه دايم تقول ورا ماحملت شهد ماتدري أنها ألين الحين بنت ماأدري وش أسوي أقول أشوف الفلم أحسن.
أندمجومع الفلم وهاضت مشاعرهم في اللحظات الحميميه اللي بين جاك وروز, ويوم مات جاك دمعت عين بندروشهد ويوم خلص الفلم جلسو يستمعون لموسيقه الفلم وتأججت مشاعرهم وهاضت الأحاسيس بسبب الأغنيه والجو الرومنسي فجأه بندربدون مايحس ضم شهد بقوه شهد ضاعت خلاص ماقدرت تقاومه شالها للغرفه وخلع ملابسها وصار اللي صار بعد مرورأربع شهوركانو مسافرين لجزر الهند كانت شهد تركض على الشاطىء وتنطط مبسوطه نست نفسها وراحت للملاهي وألعبت ألين داخت كان بندر يحاول ينسى عهود كل ماشاف شهد تذكرعهود عهود شغلت باله قرر ينساها ويمتع عمره.
بندر:من تزوجتك وأنتي عنيده طفشتيني أضحك لك تعبسين أسولف معك تزعلين.
شهد:والله وش أسوي لك كلما شفتك شفت عيونك على الحريم البيض وتتنهد ومتضايق لهالدرجه الجمال صارأهم شي.
بندر:أنتي تعرفين أناوش كنت أبي بس خلاص أخذتك وصار اللي صار وش أسوي يعني .
شهد: مشكلتك أنك تقارن بيني وبين الكلبه والوقحه عهود اللي هي في نظري أنجس من الكلب.
بندر:أحترمي نفسك.
شهد:ماعمرك حسيت فيني همك الشكل والمظهر الخارجي وأهم شي اللون ليه يابشر ليه حنا بشر نحس اللي وهبك الجمال وهبني هذا الشكل وش أسوي يعني هاه قول وش أسوي.
بندر: الشكل وعديناه واللون وعديناه طيب التصرفات شهد أنتي تنفريني منك بتصرفاتك من نطلع عيونك على عيوني ماتبيني أطالع أحد.
شهد: لأن عينك ماتجي إلاعلى الحريم الزينات والبيض والمشكله أنبهك وكني أحاكي جدار.
بندر: لاتحرقين قلبي خلاص والله قهر وين شهد اللي تقول بدلعك وبكشخك وبخليك أسعد إنسان وين شهد اللي تقول بوريك أنواع الدلع والدلال وين شهد اللي تقول بأفرش لك الدنيا ورود كل غلطه تغلطينها تذكرني بعهود تدرين وش كانت تقول والله ماراح تشوف علي غلطه وحده وفعلآ ماشفت منها الغلط خلتني أسعد أنسان على وجه الأرض وجيتي أنتي و....... خلني ساكت أحسن.
شهد:الحكي معك ضايع.
وطلعت قبل لايكمل كلامه لحقها بندرلأنه ماأنهى كلامه مسك يدها وسحبها طالعته بنظره قهر: لاتحرق قلبي يابندر يكفي سالفه عهود اللي أذبحتني.
بندر:مابعد أنهيت كلامي.
شهد: مشكلتك مومشكلتي.
بندروالشرر يتطايرمن عيونه:شهد لاتتحديني.
شهد: اتحداك بأيش أصلآ أنت أنسان عديم إحساس ماتخاف ربك كنت أظن أنك رجال لاكن طلعت غلطانه الرجال لاقال شي صدق فيه لاكن أنت مورجال مورجال عهود خلتك مثل شبشبها وطتك لين قلت بس ولاعندك كرامه المفروض اللي باعك برخيص تبيعه بتراب.
بندر:بس خلاص.
شهد: من تزوجنا وحنا خارج المملكه متى تنهي أشغالك أشتقت لأهلي تصدق بعد اللي شفته منك خلاص مالي عيشه عندك خلاص يكفي تجريح يابندر أنابشر أحس قهرتني وحرقت قلبي بزلاتك ياليتني وافقت يوم أنك طلبت الأنفصال.
وراحت لغرفه النوم وجمعت أغراضها.
بندر:شهد أسف.
شهد:لوالأسف يفيد كان فادك من زمان.
بندر:طيب أنا ماخلصت من أشغالي.
شهد: وصلني المطار وإذا ركبت الطياره أرجع وأهلي بيستقبلوني لاتخاف بقول لهم أني أشتقت لهم وماراح أبين أني زعلانه وبعد ماترجع أرسل لي ورقه الطلاق أوكيه.
هل بندر بيطلق شهد وعهود وش بتسوي عشان يميل قلب بندر لها كل هذا بتعرفونه قريب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شهد كانت معصبه من بندر وهو يتأسف ولاقبلت أسفه فجأه حست بغثيان أركضت للحمام أستفرغت ويوم طلعت دارت بها الدنيا فجأه طاحت على الأرض مغمى عليها دخل بندر شافها وأسرع لها يبي يشيلها ومن التوتر ماعرف وشلون يشيلها خاف أنها ماتت ولاصار لها شي لأنه عارف أنها متضايقه راح طلب أسعاف أنقلوها للمستشفى.
بندر:مدري وين اروح خفت تكون ماتت أوجاها إنهيار عصبي لأني قتلتها بكلامي ياالله أستر يارب أستر طلع لي الدكتور مبسوط قال مبروك المدام حامل تمنيت الأرض تنشق وتبلعني ولاأسمع هذا الخبر ضاقت بي الدنيا مدري ليه ماأبي يجيني عيال أمهم شهد كيف بيصير أشكالهم لا لازم تنزله ماأبيه قررت أدخل عندها قلت : الحمد الله على السلامه , شفتها مبسوطه وحاطه يدها على بطنها تتحسسه كنها مومصدقه بتصير أم طالعتني أدمعت عينها وبإبتسامه قالت بتصير أبو وأناأم ماأدري كيف تجرأت وقلت لها لازم تنزلينه شفت أبتسامتها بدت تذوب قالت ليه قلت ماأستعديت لمسأله اني أكون أب , عصبت وقالت: ماتبيه كيفك أنا أبيه وبتطلق طلق مايهم أهم شي أولدي مايموت فاهم مايموت . قلت:حسي بموقفي . قالت:أطلع برا انت واحد أناني همه نفسه وقلبه لاكن حط في بالك أن هذا الطفل يوم القيامه بيوقف بوجهك أمام الله والله مايضيع حق مظلوم. أنصدمت من كلامها فصرخت علي وقالت: توديني الحين للمطار برجع للرياض.
وافق يرجعها للرياض ألحالها وصلها للمطار وودعها وطارت الطياره ويوم طلع من المطار حس بوحده غريبه راح للفندق هدوء قاتل من تزوجها ماأفترق عنها توه يحس بقيمتها ليه مانحس بقيمه الشي إلا إذا فقدناه جلس على الكرسي حس بوحده قاتله شغل التلفزيون كان فيها أغنيه:
كل شي حولي يذكرني بشي حتى صوتي وضحكتي لك فيها شي
لوتغيب الدنيا عمرك ماتغيب شوف حالي أه من تطري علي
الأماكن كلها مشتاقه لك.
جلس يسمع الأغنيه حس بضيقه سكر التلفزيون ياالله قد أيش الوحده شينه.
بندر: من فارقتها وأناأحس بوحده وتأنيب ضمير شهد راحت وهي رافضه تنزل اللي في بطنها ليه تبيه أخاف يصيرشين مثلها عهود السبب أه ياعهود لوماعرفتك كان أحسن أه وش أسوي أطلع من الفندق أحسن لي بروح للشركه اكمل أشغالي بسرعه وأرجع للرياض لازم أراضيها.
في الطياره شهد:جن هذا الرجال صدق مجنون فيه أحد يبي يتخلص من ضناه أه ياقلبي ماكنت أعرف الهم كنت دايم أضحك ومن عرفته وأنا عايشه بحزن ليتني وافقت على الإنفصال, المهم اهم شي ولدي لاتخاف ياماما ماراح أتخلى عنك أبد.
جلست طول الوقت تسولف مع الطفل اللي في بطنها كان عمره شهرين توها تدري أنها حامل.
وصلت للرياض وماعلمت أحد بحملها غير أمها .
وفي اليوم الثاني رجع بندر للرياض ماتحمل الوحده في ماليزيا كان الكل مبسوط به من تزوج مارجع وتوه يجي لأنه 7شهور وهوبخارج المملكه بسبب أشغاله.
وفي اليوم اللي بعده كانت عائله بندرمجتمعه بالأستراحه وأم بندرألحت على شهد تحضر معهم وافقت غصبآ عنها رغم كرهها للروحه وكانوا البنات يسولفون وشهد كانت تبي تشوف عهود وشافتها أنبهرت من جمالها لاكن أنقهرت حست أنها ولاشي بالنسبه لعهود عذرت بندر يوم تعلق بها ولأن الجمعه عائليه كان الكل لابس لبس عادي لاكن شهد كانت متشخصه لأنها العروس
عهود:أنقهرت يوم شفت زوجته ماتوقعت أنك يابندر غبي صدق غبي وش يبي بذي الشيفه اللي لوتملا وجهها مكياج ماصار حلو الله لايبلانا لازم أسوي شي يحرق قلبها.
قامت عهود وأخذت جوال شهد وشهد ماتدري وأرسلت لبندر رساله كتبت فيها: قلبي تعال عند المسبح أبيك ضروري.
كانت الأستراحه كبيره والمسبح بعيد عن قسم الرجال والحريم راحت عهود وألبست مايوه أسود وطبت بالمسبح.
بندر: تعجبت يوم شفت رسالتها ماتوقعت أنها تكلمني بعد اللي صار بماليزيا قررت أروح وصلت شفت وحده وياليتني ماشفتها مدري ليه ماقدرت أبعد عيني عنها كانت لابسه مايوه أسود عرفتها من أول مالمحتها عهود ليه تسوين كذا والله فرق كبير بينك وبين شهد ليتني ضليت عزوبي أه ياقلبي.
عهود حست أن بندر واقف بعيد طلعت من المسبح ومشت وهي تسوي حركات إغراء خذت جوالها وأرسلت لشهد رساله:شوفي زوجك وش يسوي عند المسبح.
وحطت الجوال على جمب ورمت نفسها بالمسبح وسوت نفسها كأنها تغرق وبدت تصارخ بندر جاء يبي ينقذها طب بالمسبح وشالها وحطها على الأرض كانت تمثل عليه كأنها مغمى عليها ماعرف وش يسوي قرر يعطيها تنفس صناعي.
بندر: حسيت أن روحي طلعت يوم شفتها تغرق قلت لازم أنقذها لاكن هي اغمى عليها وهذا اللي خوفني عليها قررت أعطيها تنفس صناعي.
عهود:كنت مستمتعه وأنابين أحضانه وزياده على كذا كنت لابسه مايوه تعمدت البسه عشان يرجع لي أعرفه مايقاوم الجمال.
شهد:جتني رساله من رقم غريب رحت للمكان شفت بندريطلع عهود من المسبح ويبوس شفتها وهوحاضنها ماتحملت الموقف رحت له وأنامصدومه.
بندر:صحت عهود وضمتني مدري وش صارلي ماقدرت أتحمل أنصدمت واناأشوف شهد واقفه قدامي.
شهد:ماشاء الله عسى ماقاطعتكم.
بندرقام بسرعه:كانت غرقانه.
شهد:ماشاء الله غرقانه وحاضنها وطايح فيها تبويس ياليتني صورتك عشان تشوف بعينك.
عهود:كنت مبسوطه موت وانا أشوفها تهاوشه ياليت تطلب الطلاق.
شهد:لوأقول عنك زاني وعنها زانيه قليله عليكم صدق وقحه هذي بنت عمك اللي تمدح أخلاقها ونعم التربيه.
بندر:شهد خلاص يكفي.
عهود:أحترمي نفسك.
شهد:ماأدري من وين جايبه الوقاحه لاولين ألحين جالسه قدام الرجال بدون غطاء لاكن الشرهه موعليك الشرهه على الرخمه اللي جمبك لوأنه فعلآ رجال كان ردعك.
بندر: كنت أسمعها وأناأعرف أن معها حق ماقدرت أرفع عيني لها لأني أعرف أن نظرات الإستحقار بتحرقني.
عهود: تمنيت أقوم أتوطى في بطنها بس أستغربت بندر ماتكلم ولادافع عني.
شهد:هذا هواللي تبيه يابندرجالسه قدامك بمايوه بكل وقاحه وأنت تحرم عليها من رأى منكم منكر فليغيره يوم القيامه كل شي موجود في هذا المكان بيشهد على اللي صارحتى ذرات المويه بتشهد والله على ماأقول شهيد, استحي على وجهك وغطي نفسك لاكن شكلك من بنات أخر الليل اللي يجمعون الفلوس بالحرام وماليقيتي احد يشبعك غير بندر لأن زوجك ماجد مسافر من 9شهور ولاسير عليك لاكن حسافه على الشنب اللي أنت خاطه على وجهك لأنك ماتستاهله.
بندر:أنتي أرسلتي رساله طلبتي أني أجي هنا.
شهد:ماأرسلت شي لاتبرر أخطائك وتحط اللوم علي .
بندر:شوفي الرسائل المرسله .
فتحت شهد جوالها وشافت الرساله : وفيه رقم غريب قال لي أجي هنا .
دقت شهد على هذا الرقم فجأه رن جوال عهود حاولت تخبيه لاكن بندر أسرع منها شاف الرساله عرف أنه مغفل ألعبت عليه
شهد وهي مقهوره:هذي اللي تمدحها غرك وجهها وهي أنجس من الكلب.
عهود: عن الغلط.
بندر:ماقدرت أتحمل الصدمه أخدعتني صدمه والله صدمه عهود تسوي كذا ماأصدق .
شهد:هلاسامي كيفك أنت قريب طيب ممكن تجيني الحين أوكيه حبيبي باي.
مشت شهد خطوات فجأه سمعت صوت عالي رجعت شافت بندرضرب عهود كف فقالت:بدري تو الناس توضميرك يصحى لاكن خساره يابندر ماتوقعتك دنيء.
رن جوالها وراحت وهي مسرعه ماتبي تضعف قدامه خلاص دموعها بتنزل من القهرودعت الكل وطلعت بسرعه لحقهابندروأتصل أكثر من مره ولاردت عليه ركبت وهي تبكي من القهر سامي ماأنتبه أنها تبكي لأنه مطول على صوت المسجل وصلوالبيت وهي نازله أنتبه سامي أنها غيرطبيعيه شاف مشيتها غريبه وصلت للباب توها بتفتحه فجأه طاحت باللأرض.
شهد: كنت أسمعه يناديني وأسمع عهود تصارخ بندر لاتخليني لاكن بندر تركها ولحقني ماأدري وش صار لي كتمت عبرتي ودست على قلبي وطلعت بسرعه لأن دموعي بدت تنزل ويوم وصلت البيت حسيت ان الدنيا تدور بي ودي أصرخ ودي أشكي محد يمي كل إنسان له طاقه وتنفذ وأنا طاقتي نفذت كل شي يدور حولي مدري وش فيني فجأه شفت سامي يصارخ وغمضت عيني.
سامي:من ركبت معي وهي ساكته جوالها رن ألاف المرات ولاردت وفي الأخير قفلته وش فيها يوم وصلنا للبيت شفت مشيتها مثل مشيه السكران فجأه طاحت قدامي ماقدرت أتحمل أشوف حالتها كذا صرخت أناديها تذكرت كلام أمي يوم قالت أنها حامل لاتسرع بها شلتها ومدري وشلون قدرت أشيلها وركبتها السياره ورحت بها للطوارىء كانت غير طبيعيه.
بندر:جاني أتصال من سامي من قال شهد بالمستشفى جن جنوني أنا السبب أنا السبب ركضت مثل المجنون مدري وش اللي خلاني أرجع للمسبح مره ثانيه وضربت عهود كف ثاني عل وعسى تبرد حره قلبي ورحت للسياره وعلى طول للطوارىء كنت أتذكر كل كلمه قالتها: فيه أحد يتخلى عن ضناه هذي كلمتها اللي ذبحتني قابلت سامي قال لي:جاها إنهيار عصبي حاد مدري وش صار لي صرت أبكي مثل الطفل اللي ماتت أمه لأني أنا السبب طلع الدكتور يركض جابو لها نقاله ركضت مثل المجنون وش صايرقال لي: حاله الجنين والأم في خطر لازم ننقذ الأم جاها نزيف أطلبو لها الرحمه والشفاء لأن حالتها خطيره.
سامي:أنصدمت وأناأشوف بندريبكي ماتوقعت أنه يحب شهد .
بندر:نقلوها لغرفه العمليات ألحيت أدخل أبي أشوفها لازم أشوفها دخلت كنت أشوف الممرضات كل شوي يغيرون المفرش اللي حاطينه على رجولها ماقدرت أتحمل كنت أشوف الدم ينزل منها بكثره خفت أفقدها قلت شهد تسمعيني ماردت علي كانت تبكي بقهر حاطه يدها على بطنها ماتبي تفقده لاكن لازم تفقده عشان تعيش كانت تصارخ خذو عمري بس خلو أولدي كانت تصرخ من الألم وكل شوي يغمى عليها وتضعف دقات قلبها فجأه وقف قلبها.
هل شهد بتموت وبندرماهو مصيره وعهود هل بتنتقم من بندرلأنه أعطاها كفين
كل هذا بتعرفونه في البارت القادم
رجعت لكم من جديد
بندر:نقلوها لغرفه العمليات ألحيت أدخل أبي أشوفها لازم أشوفها دخلت كنت أشوف الممرضات كل شوي يغيرون المفرش اللي حاطينه على رجولها ماقدرت أتحمل كنت أشوف الدم ينزل منها بكثره خفت أفقدها قلت شهد تسمعيني ماردت علي كانت تبكي بقهر حاطه يدها على بطنها ماتبي تفقده لاكن لازم تفقده عشان تعيش كانت تصارخ خذو عمري بس خلو أولدي كانت تصرخ من الألم وكل شوي يغمى عليها وتضعف دقات قلبها فجأه وقف قلبها.
بندر:صرخت شهد أصحي ياشهد ولاشعوريآ حركتها أبعدوني عنها وجابو أله غريبه وحطوها على صدرها الظاهرأنها أله صعق كهربائيه كانو يحاولون إنعاشها وكنت أصارخ مثل المجنون:شهد أصحي عشاني أصحي والله ماراح أضايقك أأنااا راضي بك بعيبك بزينك بشينك راضي بس بس أصحي شهد لااااااااااااااااااااااا.
وجلس يبكي ويبكي وهويردد:تكفين أصحي عشاني والله لأعوضك عن الطفل عشره بس أصحي شهد لازم تصحين تكفين لازم تصحين.
وركض لها مثل المجنون حركها بقوه وهويردد أصحي شهد أصحي أدري أنك تمزحين معي أدري أنك زعلانه بس والله والله موبيدي.
فجأه زاد النزيف ورجعت دقات قلبها تنبض فتحت عيونها وبدت تصرخ من قوه الألم أبعدو بندر عنها بس مسك يدها رافض يتركها أصرخت عليه:أطلع برا أكرهك أكرهكم كلكم أكرهك أكرك أاااااااااااااااااا أكرك أطلع برا.
بندر:شهد أناأبيك.
شهد: براااا ياحيوان برا أكرهك أطلع برا.
الدكتور:لازم تساعدين نفسك.
شهد:اولدي لايموت خذو عمري بس لاتاخذونه أنا لومت محد مهتم لأمري محد يبيني.
بندر:اناأبيك وراضي فيك بس قومي بالسلامه .
هزت راسها بمعنى لا شهد:خلني أموت أخسر دنيتي ولاأحديذلني .
وبدت تصرخ مع الألم وجابو أجهزه وأدوات حاده كان بندر يشوفها وعيونه تدمع توه يحس بقيمتها وهم يحاولون ينزلون الجنين
شهدكانت تصارخ الألم فضيع وبزوجها اللي خانها يشوفها في حاله ضعفها أصرخت:برا أطلع برا أكرهك.
فجأه أنفعلت شهد ومن كثر ماتصارخ على بندر جاها إنهيار عصبي مره ثانيه أضطر الدكتور يطلعه من غرفه العمليات ,
كان جالس على الكراسي وكلما صرخت وقف وصار يدور مره رايح مره جاي أنفلتت أعصابه وكل شوي يصارخ على الممرضات لأن أعصابه تلفت وأستمرصراخها مده ساعتين وكانوبالنسبه لبندركأنها قرنين فجأه قدر الدكتور ينزل الجنين وحطه بكيس صغير وبدأ يسوي تنظيف لشهد
طلعت النيرس تطمنه دخل غصب عنهم لغرفه العمليات قرب بندرباس راسها:أسف والله ماقصدت أاذيك. شهد غمضت عينها بألم وطالعته بنظره كلها حقد وكراهيه فجأه حست بنعاس ونامت لأن الألم وقف لأن الدكتور أعطاها أبراه منومه.
حطوها بغرفه تحت الملاحظه وأستقرت حالتها دخل الطبيب النفسي طلب من بندر يطلع لاكن بندر رفض كانت عيونه مورمه من الصياح ومحمره .
طلع الدكتور وترك بندر بوسط حزنه .
كان يطالعها ويتذكر كل كلامها كل شي:
فيه أحد يتخلى عن ضناه, قتلت قلبي, جرحتني بكلامك أنابشر أحس اللي خلقك هو نفسه اللي خلقني, أنت واحد أناني همه نفسه وبس يعذب اللي حوله بكلامه الجارح ولايهتم بمشاعرهم, منت رجال.
حط يده على راسه وضغط عليه بقوه يحس أنه بحلم يبي يصحى من هالحلم لاكن هذا واقع هي نايمه على السرير وجسمها موصل بأجهزه غريبه مايدري ليش حطو هذي الأجهزه قرب منها باس جبينها نزلت دمعه من عينه على خدها مسحها بأطراف أصابعه وهو بتذكركلامها كانت تقول:وش بتقول لربك لوسألك يوم القيامه وش بتسوي ساعتها لوشفت صحيفه أعمالك , منت عارف قيمتي إلاإذا فقدتني يابندر ماراح تعرف قيمه شهد إلاإذا فقتها للأبد.
جلس على الكرسي قرب من أذنها همس : أدري غلطان بس سامحيني سامحيني الشيطان أعماني .
سكت وجلس يفكر بينه وبين نفسه:أنت غبي طول عمرك غبي لاكن هي اللي أختارتني أنا قد خيرتها بالزواج أوالإنفصال لاكن هي اللي طلبت الزواج هي السبب بكل شي.
فجأه دخلت أم شهد: يمه بنتي وش فيها.
بندرأرتاع وبلع ريقه ماعرف وش يقول سامي حس بموقفه فشرح لأمه السالفه كلها.
أم وليد:ياويلي عليك يابنتي أبي أعرف ليه جاها الإنهيار من السبب والله أن قلبي ناغزني من يوم قالت لي بروح للأستراحه كانت كارهه الروحه بس أم بندرالله يهديها ألحت عليها تجي وهذي هي النتيجه.
سامي:حصل خير أهم شي أنها بخير.
دخل الدكتور:وجودكم ماله أي لزمه أعطيناها منوم وماأعتقد انها بتصحى اليوم يمكن تصحى بكره فمن الأفضل أنكم تروحون للبيت .
سامي:طيب نقدر نشوفها بكره.
الدكتور:لا الأفضل تخلونها ترتاح لأن عندها أنهيار عصبي ونفسيتها راح تكون تعبانه وأي أنفعالات بتضرها فأنا راح أمنع عنها الزياره لحد ماتتحسن نفسيتها.
بندر:يعني محد بيزورها أبد.
الدكتور:تقدر تقول كذا الحمد الله على سلامتهاوالحمدالله أن ماجتها غيبوبه لأن الأنهيار أحيانآ يسبب غيبوبه, تقدرون الأن تمشون جلستكم مالها أي لزوم.
راحت ام شهد مع ولدها سامي أمابندررفض يتركها
الدكتور:جلستك مالهاأي داعي فنصيحه مني لك تروح تريح لأنك من أمس وأنت هنا والأرهاق واضح عليك.
بندر:طيب بجلس نص ساعه وبطلع.
الدكتور: زوجتك ماراح تصحى إلا بكره ماله داعي وجودك ولاتنسى أن عندها إنهيار عصبي حاد إذا أنت سبب أنهيارها يمكن تنفعل إذا شافت وجهك وهذا خطر على صحتها فأعتبر أن الزيارات عنها ممنوعه إلا أن تتحسن صحتها النفسيه انا راح أستدعي لها طبيب نفسي متخصص بمثل هالحالات أحمد ربك أن الله ستر ولاكان زوجتك راحت فيها.
بندر:الحمدالله.
الدكتور:مضطر أتركك الأن ومثل ماقلت نصف ساعه فقط وتطلع.
بندرهز راسه بمعنى إيه.
بندر:كان الدكتور يتكلم وأنامب يمه كان همي أنها تصحى كنت أطالع عيونها عل وعسى تنفتح مافي أمل كانت الأجهزه حولها ومثبتين على جسمها أسلاك غريبه وحاطين لها أكثر من مغذي بيدها الثنتين وغير كذا حاطين لها أكسجين وجهاز تخطيط قلب كنت أشوف الجهاز كان تخطيط قلبها ضعيف ضاق صدري أناالسبب المسكينه مالها ذنب يصير لها كذا بس هي السبب بكل شي أناقلت لها في أيام الملكه خلينا ننفصل مانصلح لبعض ماسمعت كلامي وهذي هي النتيجه.
مسك يدها وضغط عليها بقوه يبيها تفتح عيونها فقال:شهد حبيبتي شهد أصحي اناهنا جمبك.
لاحظ أنه إذا تكلم شهد تعقد حواجبها كانها معصبه وإذا سكت صارت ملامحها عاديه.
جلس يتحسس وجهها وهومهموم شعوره بالذنب ذابحه عشان كذا بكى يوم حس أنه بيفقدها.
مر يومين على وجود شهد بالمستشفى والطبيب مانع عنها الزيارات بسبب الأنهيار العصبي يخاف أنها تقابل أحد سبب لها الأنهيار وتنهار مره ثانيه صحت من النوم وهي تحس أن جسمها متكسر والصداع ذابحها عدلت المخدات وحاولت تتحرك تبي تجلس ماقدرت الألم بيذبحها .
شهد: شميت ريحه غريبه أعرف هذي الريحه ريحه مستشفى فتحت عيوني عرفت أني بالمستشفى يوم شفت الأجهزه حولي أستغربت مدري وش اللي جابني هنا فجأه حسيت بصداع فضيع وحسيت بألام فضيعه في أسفل بطني أبي أتحرك ماقدرت كنت أدور على الجهاز اللي يستدعي الممرضات فجأه دخلت علي ممرضه وهي تبتسم: كيفك اليوم شهد.
شهد:أه الحمدالله.
الممرضه: ليه شلتي الأكسجين.
شهد:لو أحطه أستفرغت.
الممرضه:ليه.
شهد: مدري يوم أستنشقته حسيت أن كبدي لاعت خلاص ماأبيه.
شهد حطت يدها على بطنها وتوها تتذكر حملها: وش صار لي ليه أنا هنا.
الممرضه:راح أنادي الدكتوروراح يشرح لك.
بندر: طلعت من البيت من الصبح وأنا بالمستشفى لي يومين أجي للمستشفى ويقولون لي أنها ماصحت بس شعوري بالذنب ذابحني فرحت لمكتب الدكتوراللي يشرف على حالتها كان أسمه محمد أماالدكتور النفسي اسمه فواز.
دخلت على الدكتور محمد وكان جالس مع الدكتور فواز.
الدكتورمحمد: هلابك بندر هذا الدكتور فواز اللي قلت لك عنه.
بندر:تشرفنا.
الدكتورفواز: أحنا نعرف أنك من أكبر رجال الأعمال بصراحه توقعتك كبير بالسن ماتوقعت أن الملياردير بندربن خالدأل..... صغير بالسن. ولذلك أقول لك تشرفنا بمعرفتك.
بندر:مومهم المهم زوجتي وش صار عليها.
فوازبإستغراب:شهد تصير زوجتك.
محمد:إيه زوجته مادريت.
فواز:أسف بس توني الأن أستلم ملفها ماتوقعت أنك متزوج.
محمد: مثل ماانت عارف يابندر شهد الأن تعبانه نفسيآ فمستحيل نسمح لأحد يزورها عشان ماتنفعل مره ثانيه.
فواز: حنا بنجلس معها اليوم إذا صحت ويمكن تصحى بأي وقت.
بندر:ممكن أشوفها.
محمد: لا طبعآ ممنوع.
فوازلأنه طبيب نفسي فيعرف حاله الإنسان من النظره الأولى.
فواز: كنت أشوف وجهه باين عليه الندم والحسره وواضح أنه حاس بتأنيب ضمير ومن نبره صوته واضح أنه هو السبب باللي صار لشهد وهوالأن خايف عليها وخايف من رده فعلها بندريخاف يصير لها شي لأنه هو السبب باللي صار فحبيت أسأله
أخ بندرمتى أخر مره صار بينك وبين شهد خلاف .
بندرلزم الصمت ونزل راسه بالأرض وتنهد بقوه .
الدكتور فواز:مثل ماتوقعت هوالسبب في اللي صار لزوجته.
جت النيرس: دكتور مدام شهد.
بندرقام مرتاع وقاطعها: وش فيها.
النيرس:مافيها شي بس راح مفعول المخدر وصحت لاكنها تحس بصداع وألام بأسفل البطن.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك