رواية ياقاتلي هل لي بكلمة -24
كان واقف قدامي واضح له فترة ما انتبهت له : هلا نواف تعال اقعد
جا صوبي وباسني على راسي و سحب كرسي وقعد عليه
: وش فيك شي مضايقك ؟
غالية : لا بس انتظر الاخصائية عشان الجلسة
نواف : الله يسهل عليك ، طيب وينه ولدي ما اشوفه
غالية : لحظات تجيبه هند توها راجعه من دوامها واخذته معها
نواف : زين يلا عجلي فيه واحد يبي يشوفه ويتصور معه
عقدت حواجبي : ولدي مشهور لذي الدرجة !! من ذا ؟
نواف : فارس الدكتور وتراه يسلم عليك
ما رديت عليه ولا ابديت اي ردة فعل ، نواف وفارس مهتمين فيني وفي ولدي كثير حتى هند لآحظت هالشي
***
أمي زعلانة علي عشاني تزوجت هند .. مدري ليش رافضتها
: يمه أنتِ قلتي لي تبين تزوجيني أحد وقلت لا ؟
رشا : لا
عبد العزيز : طيب ليش كل ذا ما باركتِ لي ولا انت اللي تكلميني مثل الناس
رشا : على الاقل كنت اخذت شوري و قلت لابوك على الاقل يشوف لك بنت مثل الناس
عبد العزيز : وش فيها هند مثل الحيوانات سمح الله يمه هند زينة البنات
رشا : انت حر بحياتك بس لا تعكر علي و الحين اطلع برا بيتي لا اشوفك هنا
عبد العزيز : يمه من جدك !
رشا : متى مزحت معك ؟ ولو صرت تبي تجي عطني خبر اغراضك بلمها لك وتعال خذها
عبد العزيز : يمه واعية انتِ وش تقولين
رشا : من اكثر الاوقات اللي اكون واعية فيها اطلع برا تسمع انت
طردتني من بيتها ! ماقدرت استوعب حتى اصدق
***
اذا اليوم الجمعة معناه بكرة السبت يعني بكرة كآبه بكرة دراسة وش ذا الحال ما اقدر اتهنى بويك اند حتى يبدا الاسبوع !
: فواز وربي وربي بارميك من هالشباك
عبد الإله : عمتي لين ابوي قال طقيه عادي
فواز : عبيد و وجع
عبد الإله : احسن من قالك تخرب لي رسمتي
لين : بس انت وياه فواز اقعد عشان اقوم عليك
فواز : عمتي رياضة
لين : مو ابوك قالك وقت فراغك صلح الكمبيوتر ؟
فواز : ماعرفت وبعدين وشلون اقعد اركبه مهندس انا !!
لين : بس يجي ابوك بعلمه اقوله انك مازلت تطمر المراتب وتجادلني بعد
نزلت سارا معها رائد واضح انها تبي تطلع من البيت قمت لها
: تعالي تعالي يالاخت
سارا : تكلميني أنا !
لين : وش رايك ، على وين ان شاء الله طالعة ولا باي مع السلامة ولا شي
سارا : والله عاد كيفي اذن رجلي يكفيني وبعدين ما انتبهت لكم
لين : كل هالازعاج ولا انتبهتي يا رب لا تصمنا
سارا : لين وبعدين معك خليني في حالي ماقدر اسوي شي الا وانت في وجهي جارتي مو حماتي !
لين : والله كيفي
سارا : روحي ادرسي بس يا بزر
ضحك علي فواز و عبد الإله وحضرتها ابتسمت ومشت
قلت بقهر : تعالي يالرفله وين مخليه لي هالشياطين
سارا وهي ماشيه : اسم الله عليهم بعدين مو اولاد اخوك اقعدي معهم
قهرتني زيادة اخذت المخده سطرت الولدين وطلعت غرفتي ابرك
***
مو قادرة استوعب كلام معاذ للحين هو من جده يحكي ! وش دخل هالفكرة في باله فارس كان يمزح بعدين انا وياه ياما تهاوشنا وسطرني
وش صار واللي تغير معقولة كبر ! لا ما اصدق هو مخه صغير ويحب المطاقق مع دانية ومعي
كانت الايام الماضية دانية تكلمني ولا ارد عليها اكيد تحسبني تغيرت عليها بس ما بايدي شي أخاف اسمع صوته صار طاري هالعائلة يرعبني حتى امي سألتني ذاك اليوم تقول ليش ما عاد صجيتيني بدانية ؟
: الله يسامحك معاذ كله منك
***
اليوم عدا على الحادث اربعة اشهر مات رائد واختفى طلال اللي سمعت بعدها انه انمسك في قضية مخدرات
خفت كثير اولا من اللي سويته وثانيا انهم يراقبون شقة طلال خفت اروح لها ويمسكوني ابي اعيش حياتي ولازم اكمل اللي بديته
:باقي فارس و غالية و الله لأرجع لكم و اعلمكم من هو سعود
.
.
.
.
تم الجزء الثالث و الثلاثون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الجزء الرابع و الثلاثون ~
ﻣ̝̚ژآﭴﯾﭠھَہّﺂ ﺻﻋﺑة .. ﺑﺳ ﭠﻅﻟ ﺂﻣ̝̚ﯾ
اليوم كملت اسبوع من خلصت الحداد و مازلت في جلسات العلاج الطبيعي على اني اقدر امشي و اتحرك بس احتاج لجلسة كل اسبوع ...
ولدي سيف اسم الله عليه صار عمره سبعة أشهر يقعد ويقدر يقلب على بطنه ويأشر ويضحك الله لايحرمني منه تركته نايم بغرفته
نواف بعد الله يسعده مو مخليني قايم فيني ويشوف طلباتي حتى من يومين جاني واخذ طلباتي مثل ما كان رائد يسوي يوم يجيب لي ثيابي
عبد العزيز و هند كان زواجهم في نهاية شهر صفر الله يوفقهم ويخليهم لبعض
ماعندي شي اسويه دلال رجعت للمعهد تبعها تكمل في دوراتها اللي بدتها من العام الماضي و ما انتهت للحين ورتني من كم يوم لوحة كانت راسمتها لي انا ورائد ايام كنا متزاعلين قالت كنت ابهديكم اياها بس اشوفكم متصالحين وراحت لجدتها و لا تصالحنا ويوم تصالحنا ما امداها ترجع الا ورائد مات ، الله يرحمه
***
وليد سفراته كثيرة يحتاج وحده تدرايه وتحط بالها عليها انتبهت لهالشي متأخر بس لسى فيه وقت ، بعد عمري اليوم الصبح وصل من السفر ونايم للحين بيصير وقت الغدا لازم اقومه اقعد معه شوي قبل الغدا طقيت بابه
: يمه وليد
وليد : قاعد يمه شويات بجيك
أم فارس : انتظرك لا تبطي علي ودي احكي معك
وليد : جآي يمه جاي
مرهق كثير مافيني اتحرك مدري وش صابني احس بتعب في كل جسمي حاولت اقوم سميت وقمت حسيت راسي يلف بقوة ما قدرت اسند نفسي على شي طحت على الارض هذا اللي اذكره
***
بابا ما صدق من خلصت حداد يقولي تعالي اسكني عندي تعالي .. كنت ابي اظل في بيتي بس هو صادق أنا و دلال بناته وهو ساكن لحاله قلت طيب ؛؛ كنت اجمع أغراضي اللي احتاجها و الباقي بخليه لين أشوف وش بسوي بالبيت بعدين ، رحت لم غرفة رائد اللي كان يحرص علي ما اقرب منها بس مرة دخلني لها وعرفني على بعض محتوياتها تذكرته مسكت نفسي حتى ما ابكي
فتحت الصندوق وطلعت البوم الصور فتحته ورجعت اتفرج فيه شفت اشكال كنت ماعرفها بس صرت اعرفها اللي هم اهل رائد و اخواني عزوز ونواف الا حرمة كانت قاعدة بجنب ماما ماعرفتها دققت في ملامحها كانت تشبه هند بس مو مرة ، اخذت بعض الرسايل وقريتها كان منها بخط بابا وبعضها خطها غريب لفتتني رسالة كانت من بابا لماما عبير كان طلب و بصورة ادق رجاء ما قدرت افهمها كلها ، تعجبت وفاجأني صوت بابا
: غالية
غالية : سم بابا
سيف : وش تسوين هنا وش ذا اللي في ايدك وش هالمكان ؟
غالية : هذي غرفة رائد و هذي اغراض محتفظ فيها في هالصندوق وهذا البوم صور اخواني
سيف : وريني اشوف .. اقترب وتصفح الالبوم وشاف الرسايل بانت عليه علامات التعجب
: كيف جابها لهنا ؟!
غالية : مدري من تقريبا 4 سنوات كانت لرائد هالغرفة مايبيني اقرب منها ولاحتى افكر ادخلها ؛ كثير يحرص علي بس قبل فترة وراني اياه يحاول يصالحني بس ما اهتميت فيها و الحين جيت الم هالاغراض تفاجأت من اللي فيها
سيف وعيونه على الرسايل يقرا : وما تكلم معك او حاول يشرح لك شي عنها
رفعت الالبوم وفتحت صورة عبد العزيز و نواف : لا بس وراني اخواني وقال كل منهم بديرة
سيف مشغول يقرا الرسايل :........
: بابا ممكن اعرف من ذي ، كنت مأشرة على الحرمة اللي فيها شبه هند
سيف : هذي صديقة امك من تزوجت ماعرفنا عنها شي
غالية بسرحان : تشبه هند صح
دلال من عند الباب : لأنها أمها
غالية : أمها !!
سيف : أنتِ وش دراك
دلال : خالتي رشا علمتني
ما تكلمت لا انا لا بابا كلنا سكتنا أنا ما كنت افكر بس واضح ان بابا يفكر
دلال : غالية معليش آخذ سيف معي معزومة على الغدا عند خالتي رشا
غالية : معليش حبيبتي
ابتسمت لي وراحت للحين رسمية معي على انا خفت عن اول ، الشي اللي ما توقعته حركة بابا يوم اخذ الصورة مني وصار يناظرها ، قلت نفسي خير وش يحس به وهو يتفرج على حرمة الناس لو انها ميته !!
لانت ملامحه كثير وجهه احمر صار يتحسس الصورة ما تجرأت اسأله عرفت انه يناظر لماما
: وربي حاسه فيك أتألم مثلك
سيف : لها سنين وجرحي ما طاب كيف انتِ
غالية : الحمد لله على كل حال
سيف : غالية أحتاج احكي معك لا تمنعيني
غالية : طيب ما راح امنعك بس اشوف ولدي قبل يطلع واجيك
سيف : جيبيه معك ابشوفه
***
بصراحة أنا ماتعودت على اكل البيت حتى الفترة اللي قضيتها ببيت أمي ما كنت آكل عندها كل يوم وللحين غداي برا البيت اليوم هند عندها اوف قالت اطبخ لك قلت لا أنا عازمك
مآبيها تتعب يوم راحتها ، قاعدين تتنظر الطلب الجو بينا هدوء كثير على غير العادة
هند : حبيبي
عبد العزيز : عيونه وقلبه
خفت افتح معه السالفة بس توكلت على الله : كيفها خالتي
لاحظت ملامحه تغيرت : مدري
هند : ما يصير لازم تعرف
عبد العزيز : كيف وهي رافضة
هند : حاول بس وان شاء الله بتضبط
عبد العزيز : هند انتِ ماتعرفين من هي رشا مزاجية بشكل وتستغربين كثير من فعلها
هند : ما فهمت !
عبد العزيز : شوفي ابوي تحبه وتموت فيه ومع ذلك مأذيته شوفي نواف بعد تموت فيه هو مو هين ولا يطيعها في كل شي ولا كان حاله غير شوفي غالية تكرهها وتكره امها بس تموت في ولدها سيف أنا عندك ولدها من زمان احسها ماتحبني وفي نفس الوقت تموت في دلال اللي هي مو بنتها !! شفتي كيف هي مليانة تناقضات
هند : تظل امك ولها حق عليك احرص انها ترضى بأي طريقة اكسب رضاها لو الثمن انا
عبد العزيز : مجنونة انت ِ لايمكن افرط فيك
هند : أنت ماتعرف وش معنى امك لأنك ببساطة ما فقدتها مثلي ولا انت وحيدها ولا عذبك فرقاها
عبد العزيز : حبيبتي خلاص قفلي هالموضوع واوعدك أنا اجيب لك خبر حلو فيه
هند : وعد !
حطتني في موقف صعب مع امي اللي ما تشتهي طاري اسمي : أوعدك
الله يقدرني انفذه ....
***
أنا و دلال وأمي على السفرة كان بحضنها سيف توكله ونست نفسها تآكل
: خالتي عطيني عنك واكلي ما كليتي شي
رشا : لا ما يخصك أنا عاجبني مو جوعانه
نواف : يمه كلي الاكل برد وبعدين لازم تآخذين علاجك
عطتني نظرة طولت فيها ثم لفت على دلال : امسكيه شويات بآخذه
من عطتنيه قآم يبكي الدب يبيها !
رشا : شفتي حبيبي ذا يبيني
نواف : عطيني دلال أوريك فيك ؛ من أخذته صار يلعب ويضحك
دلال : وش قصته هالولد الحين صار ما يبيني
نواف : تستهبلين دلال ولدي ذا اسم الله عليه
سكت اناظر لهم تذكرت غالية وابوي
: خالتي ام هند كانت تشبه لها ؟
رشا بلامبالاه : يعني مو كثير
دلال : طيب بسألك بس ماتعرفين امها من بنته
رشا : ما يهم ليش تبين تعرفين
دلال : خالتي الله يخليك لو عندك معلومة قوليها عشان عبد العزيز
رشا : عبد العزيز فضل مرته علي وينه عني والحين تبيني افيده باللي عندي
نواف : يمه انت طردتيه وعدتيها يوم جاب لك زوجته وش تبينه يسوي
رشا : انا اسوي كذا عشان يحس فيني
نواف : مو لازم تسوين كذا حتى يحس ، انا حاس فيك وعارف وش فيك بس ما بايدي شي اسويه لك
رشا : وليش مو انا امك
نواف : امي بس ما تركتي احد ما اذيتيه حتى انا ولدك
دلال : خلاص نواف مو وقته
نواف : الا وقته و متأخر بعد ، يمه اللي يحب ما يسوي اللي انتِ سويتيه وعلى فكرة انتِ عمرك ما حبيتي عزوز ولا تنكرين هالشي
رشا : ايه ما راح انكر مآحبه ولا راح احبه لا هو لا زوجته في حريقة ان شاء الله
نواف : ما راح اطلب منك تحبينه بكيفك بس بسألك ليش ؟
رشا : ببساطة لأنه سبب بعدي عن ابوك وتبي ازود احب دلال لانها سبب قربي من ابوك و اللي جد الحين احب هالصغير لان اسمه على ابوك ارتحت الحين عرفت ليش
قالت كلامها وطلعت خلتنا أنا عارف من قبل انها تموت في ابوي سيف بس دلال هي اللي مبينه على الصدمة
***
ﯾﺑھَہّ ﻗ̮ـ̃ﻋﮃﭠﯾ ﻣ̝̚ﻋﮑ ﺳآﻋة .. ﭠﺳۆـﮯ ﺂﻟﮃﻧﯾﺂ ۆﻣ̝̚آ ﭬﯾھَہّآ
قاعده مع بابا بعد ما خلصنا غدا يسولف معي عن الماضي الغامض بالنسبة لي وليش كان بابا مسوي كل ذا معي تحديدا من بين اولاده
: خلصت دراستي ورجعت السعودية بس قبلها تزوجت جوليا ام ناتالي عرف ابوي وقال اما طلقها ولا مالك قعدة بالبيت اوهمتهم اني طلقتها وانا ما طلقتها كنت متعلق فيها حبيتها بصدق ، ابوي زوجني في نفس الفترة بسرعة يقال انه ينسيني زوجتي الاولى كانت جوليا معي في الرياض لين جا الوقت اللي تولد فيه دلال وقتها كانت ضعيفة وجسمها ضعيف توفت ، اخذت دلال مثل ما سجلتها بالمواليد و ناتالي مثل ما امها تبي ابوي رفض البنت بس امي كانت تبيها طردني من البيت لاني كذبت عليه
غالية : وش سويت طيب
سيف : اخذتها لجدتها في يورك كنت موظف بسيط ولا فيني أفتح بيا ثاني حالتي ما تسمح رشا ظلت ببيت ابوي ما كانت تهمني في شي ، أنا كنت مقدم طلب وظيفة من قبل في بريطانيا .. وفعلا جاني قبول بنفس المدينة اللي كنت فيها ما ترددت رجعت لعند بنتي واشتغلت هناك
غالية : وخليت زوجتك و اهلك
سيف : ابوي رفضني في الاخير حتى يوم رشا جابت عبد العزيز ما كان متقبلني جيت له خلصت اموره ورجعت ما كنت احب النظرة اللي بعينه لي كان يشوفني ولد عاق ما يستحق الحياة و كان عبد الرحمن كل شي بالنسبة له
غالية : عبد الرحمن ؟
سيف : هذا اخوي الوحيد .. هو بعد له قصة بس انه توفى تصدقين غالية كان متزوج وزوجته حامل بس مات قبل تولد و اختفت الحرمه ماعرفنا لها طريق في حياتي كثير ناس اعرفها تختفي بس مدري وين تروح !!
غالية : وشلون مات عمي عبد الرحمن
سيف : فجأة ... يوم سمعت الخبر ما قدرت اتوازن هذا اخوي الوحيد كان كل حياتي حافظ سري رجعت و وقفت في دفنه و عزاه على ان ابوي مو راضي علي للحين يوم جيت ارجع طلب يحكي معي ما عارضت رحت له على اني كنت عنيد واللي براسي اسويه
غالية : يعني سامحك ؟
سيف : تقدرين تقولين عرض علي ارجع بس بدون بنتي لأن عبد العزيز قاعد يكبر و محتاج وجودي وقتها كمل سنتين
غالية : طيب ودلال ؟
سيف : أنا ما رجعت استقريت في الرياض كنت ازورهم بس لأني بديت في تجارة هناك خال دلال كان واقف معي وفعلا كبرت وكنت في مرحلة حساسة ما اقدر اترك الشغل ولا بخسر كل شي بس قدرت آخذ رضا ابوي اذكر انه مات راضي عني بس لسى وقته ما رجعت الرياض
اضطريت اترك شغلي هناك ورجعت الرياض اهلي ماعندهم رجال عبد العزيز ولد سنتين بس خليت دلال عند جدتها بديت اشتغل بعد في الرياض وشغلي اخذ كل وقتي وهالشي مو عاجب رشا بس ما تقدر تسوي شي ، كانت جدة دلال مريضة وخالها رجال ما يقدر عليها توكلت على الله وجبتها امي ماعارضت ورشا رحبت فيها استغربت السبب بس ما قلت شي
غالية : انا ملاحظة للحين تحبها
سيف : حتى انا وهي تفضلها على عبد العزيز الى اليوم
غالية : ليش طيب
سيف : علمي من علمك ، المهم بديت شغلي في الرياض وفتحت مكتب نسائي وكانت امك مديرته
غالية : ماما عبير !
سيف : اعجبتني في حبها للشغل وحماسها كنت اراقبها عرفت شخصيتها وحياتها كل شي عنها ما ترددت اني اطلبها من اخوها
رفضت في البداية لكنها وافقت في النهاية عرفت بمشاكل بينها وبين اهلها اخوها احمد هو اللي كان واقف معها ، يحز بخاطرك لو احد تكلم فيك و سبب لك مشاكل وهو من اقرب الناس لك
غالية : ليش بابا من سبب لك مشاكل
سيف : مو لي لأمك ولد عمها كان زوجها وعمها شخص صعب كثير مدري وش مزاجه كان يطلع عليها كلام باطل انا اعرفها واعرف اخلاقها هي خافت اني اصدق كانت تبكي ليلها ونهارها لين مرضت من راسها واثر على الرؤية عندها
غالية : عشان كذا ماما ما كانت تشوف زين !
سيف : ايه حاولت اعالجها في كل مكان بس ما تعالجت واستمرت على النظارة الخاصة
في آخر سفرة لنا لأوروبا ورجعنا بعدها كانت رشا لعبت لعبتها سمعت كلام و نشبت وحفرت وقدرت تجيب كلام هو شايع بس انه كذب فرت عقلي امي اللي قالت طلقها و لا ما راح ارضى عليك يكفي ابوي حسستني انه مات وهو مو راضي علي على اني اعرف العكس ما قدرت على زعلها طلقت امك يحق لها تنقهر وتزعل راحت مع اخوها اختفت عني رجعتها بدون علمها لاني ما تحملت بعدها عني
غالية : طيب انا وش ذنبي في هذا كله انت ما تخليت عن دلال ولا عبد العزيز وحتى نواف كان تحت رعايتك
سيف : ما كنت اعرفك بوجودك الا يوم صار عمرك سنتين وقتها امي توفت واجتهدت لين لقيت امك اللي هي حبيبتي وقته كانت لحالها شفتك وسألتها قالت هذي بنتك ما انكرت ، كانت بدون اخوها هو ما مات بنفس الوقت مدري وينه
غالية : طيب ليش ما خذيتنا على الاقل عرفتك من بدري
سيف : رفضتني امك حلفت و اقسمت بالله سبحانه لو قربت منها او من بنتها راح تقتل نفسها وهي عارفة انها نقطة ضعفي ماتحمل عدم وجودها سجلتك باسم اخوها لانه هو اللي كان واقف معها ومساندها وعارف كل الحقيقة
غالية : يعني انت ما انكرتيني ؟
سيف : بالعكس انا كنت اتمنى بيوم اشيلك بين يديني مثل اي اب يشيل بنته كنت اتمنى تقعدين بحضني و تدلعين علي تطلبين وانا انفذ غالية كان قلبي يتقطع عليك
غالية : ليش طيب ما اذكر ان امي قاسية حتى تحرمك مني وتحرمني منك
سيف : أكيد لآني قهرتها يوم طلقتها ماتبي هالشي يتكرر كانت تقول كلكم سوا رفضت تسمع لي
غالية وعيونها غرقانة : ماما كانت دووم تقول الله يرضى عنك و ييسر لك امرك ويسعدك عمري ما سمعتها قالت كلمه موزينة عليك ماما تحبك حتى يوم كنت اقولها وينه بابا ليش ماشوفه كانت تقول الله يسامحه الله يسامحه ،، يا بابا ماما ماتت بقهرها عليك كانت مقهورة حتى جدي رحنا له كثير وكان دوم يقولها اطلعي برا مالك مكان عندي ليش !!
سيف : و الله مو بايدي حاولت وحاولت بس هي رفضت وعيشتها لحالها صعب اضطريت اتفق معها عشان تقدر تعيش وتعيشين معها واتفقنا ما اطالب فيك ولا اقرب منها وهي تقبل اللي انا اعطيها اياه
وفعلا هذا اللي صار ظلينا على هالحال ما حنت علي في يوم انا استاهل اللي صار لي لين صار الحادث اللي توفت فيه وقتها كرهت الدنيا و كل شي تركت العالم اسبوع كامل واللي خلاني ابعد اكثر اتصال وصلني يقول صاحبه ان رشا ام عبد العزيز هي المسوؤلة عن الحادث بس كان فيه سبب اقوى رجعني انتِ ايه انتِ غالية بنتي كنت مهزوز ما افكر كان صاحبي فهد اقرب شخص لي و عارف قصتي
كنت بدون وعي طلبت منه يزوجك لواحد من اولاده وفعلا وافق بدون تردد وكان رائد هو المناسب لك رغم صغره قلت له ابي كل شي سري ما اطلع في الصورة و لا اهل رائد ما يطلعون ما كنت مستعد اطلع بحياتك رائد كان كتوم وفيه مسؤولية بعكس سعد اللي عايش لحظته في وقتها
غالية : الله يرحمك ماما الله يرحمك رائد
وانا اسولف لها تذكرت حياتي مع امها كانت جدا جميلة بس وش اللي تغير وش صار حتى افترقنا .. رجعت احكي لها
: ما كان مفروض اني ازوجك لرائد هذا اكبر غلط سويته بس لا تلوميني كنت خايف خايف ترفضيني انا ما راح اتحمل اكون بعيد عنك انتِ اللي بقيتي لي من عبير مابي افرط فيك كنت راضي اسمع بس اخبارك واشوف صورك حتى لو شفتك من بعيد او تعالجت عندك
قمت قربت منه حبيت راسه : راضية باختيارك واعجبني بابا أنا حبيت رائد كثير لاني اعرف قلبه وش فيه ، بس وشلون اعالجك ما اذكر انك مريضي
ابتسم : كنت احرص على ابرة الانفلونزا عشانها الوحيدة تخليني في اقرب صورة لك لو انها ثواني بس احس اني املك الدنيا بعدها
غالية : يعني انا ما كذبت يوم كنت اقول لنفسي انا شايفتك قبل بس مدري وين !!
سيف : الله يرضى عليك انتبهى على نفسك و ولدك ولا تسوين الا اللي تبين وتشوفينه صح
خفت من طريقة كلامه ما اتخيل كيف بعيش لو فقدته ، دفنت راسي بحضنه وصرت ابكي
: جعل يومي قبل يومك بابا
***
وعيت لقيت حولي بياض مشبكين بايدي ابرة مغذي ويني أنا احس راسي يفر للحين تذكرت اني قمت أبروح لأمي قالت تبي تحكي معي بس مدري وش صار لقيتني هنا الحين
مسكت راسي بألم بعده فتحت عيوني تلفت حولي ما لقيت احد عرفت اني في المستشفى من الاثاث كان على الطاولة فيه جوالي اخذته ودقيت على فارس
: فارس وينك وين حاطيني ؟!
فارس : يلا يلا جاي لا تتحرك ولا تنزل من سريرك
قفلت منه و صرت اناظر السقف هو الوحيد اللي اقدر اشوفه وانا منسدح بهالوضعية !
ما طول علي زاح الستارة ودخل فارس معه ممرضه
: خير وليش جايبيني هنا وش فيني
فارس : انت في الملاحظة طحت عليهم في البيت و جابوك لنا انا استلمت حالتك
صار يلعب بحواجبه : و الحين بعطيك ابر مثل ما ابي ما تقدر تقول لا
وليد : وربي فارس لو ما تبعد عني بقوم اسطرك
فارس : اششش انت هنا مريض وش فارس ذا أنا الدكتور فارس الحين
وليد : اقول فكنا يرحم والديك وخر بطلع
فارس : اقعد يا بطل ولازم نجيب لك حلاو مصاص حتى تهجد
وليد : فارس بعلم ابوي عليك
فارس : خلاص آسف بس نحتاج نآخذ منك تحاليل
وليد : ليش ؟
فارس : وليد انت جاي هنا حالة طوارئ لآزم نعرف وش فيك وليش فقدت وعيك
وليد : طيب بس انت ما تقرب من ايدي
فارس : انا دكتور الممرضة بتسحب لك
وليد : لو توجعني الابر بكسر راسك في البيت
فارس : اسكت خل نشوف شغلنا فيه مرضى غيرك يا بزر
***
ﺳﯾﭬ ... آﻧﭠَ ﺣﯾﺂﭠﯾ
وانا احكي لغالية وش صار في الماضي عرفت اني لازم اتكلم مع رشا احتاج منها توضيحات لأمور كثيرة .. طلعت من عند غالية يوم رجعت دلال و سيف الصغير و تأكدت ان نواف في الشركة
رحت لها البيت ، استقبلتني على انها تفاجأت من زيارتي واقف عند سيارتي وهي عند بابها المسافة مو بعيدة بينا
سيف : ليش انتِ كذا ليش هذا طبعك و هذي افعالك
رشا : انت اللي خليني كذا انت اللي وصلتني لهالمرحلة
سيف : ما سويت لك شي وانت اللي بديتي لعب
رشا : لاني حبيتك وانت لا صرت بديت لعب ! ليش ما تحس فيني ليش ؟!
سيف : ما جيت احكي معك في هالسالفة
لفت عطتني ظهرها وتكتفت : أجل !!
سيف : ليش قتلتي عبير
رشا : أنا مو قاتلة و الله شاهد مالي علاقة
سيف : بس تعرفين القصة
رشا : ولد عمها انا ما يخصني في شي وهو يعرف وين اخوها
سيف : ليش ما قلتِ
رشا : ما سألتني
سيف : و هند
رشا : وش فيها بعد
سيف : من بنته ؟
رشا : وش دراني ؟
سيف : لا تدرين بكل شي احكي ماعندي وقت اضيعه وجودي هنا مريب
رشا : ليش مريب انا زوجتك سيف !!
سيف : على ورق ، الحين اخلصي علي هند بنت من ؟
رشا : اخت الدكتور
سيف : اي دكتور
رشا : الدكتور فارس ولد محمد صديق ولدك نواف
سيف : متأكدة ! مآبي اطلع كذاب
رشا : تطمن مو رشا اللي تحطك في هالموقف البايخ
سيف : أتمنى احفظ لك جميل
رشا : امها صديقة زوجتك اللي مرت ابوها حكت فيها
سيف : من وين تعرفين كل ذا ؟
رشا : عشانك عرفت اكثر من ذا لو تبي اي معلومة لا تتردد أنا موجودة
سيف : طيب ممكن اطلب طلب لنفسك مو لي
رشا : انت تآمرني يا سيف ما تطلب
سيف : عبد العزيز ، لا يضيع منك
رشا : ابشر من عيوني
ما رفعت عيني عنها و لاهي جيت امشي وقفني صوتها
: ولد عبد الرحمن ضيع نفسه
سيف : ولد اخوي ! من هو وينه من وين تعرفينه
رشا : جدته كانت عندي من كم شهر خافت يكون عرف اهله
سيف : بارجع لك قريب ... ركبت سيارتي و طلعت
***
طلعت نتايج التحاليل .. رحت لوليد اطمنه واعطيه وصفة العلاج واقدم نصايح
: وليد اسمع قبل لا تقول كلمة انا الدكتور وانت مجبور تسمع كلامي ماعندك حل
وليد : فارس اخلص علي مو رايق يكفي هالسجن
فارس : انت عندك فقر دم عطيتك علاج وفيتامينات خذها بانتظام و لا تفرط في الاكل وخل عنك الغازيات اعرفك انا
وليد : وش دخل طييب
فارس : وش اللي وش دخل قم يرحم والديك
وليد : وين بتوصلني ؟
فارس : ايه خلص دوامي قاعد عشان حضرتك
وليد : زين يلا امي قلقانه علي ابي اطمنها
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك