رواية ان كان له حق يخون حتى انا لي حق الخيانة -56
امجاد : يوووه رامي كيف تبيني افتح مخي توهم داقين يقولون ملكة رهف آخر الإسبوع فجأه تنقز لي روحي كلميها ! تستهبل انت !
رامي آخذ نفس عميق وزفره : امجججاد انتي مركزه معاي ابيك بسس تسسألينها
امجاد : وش اسسألها البنت محجوزة له من وهي صغيره آكيد انها تبيه !
رامي : بتخسرين شي ؟!
امجاد : لا بس
رامي قاطعها : دامك مو خسرانه شي اسأليها !
امجاد زفرت بقوه : طيب طيب
رفعت جوالها ودقت : هلا رهيفان .. هاه بنت وش فيك .. رههف استهدي بالله وش صاير مرت عمي فيها شي .. آججل وشو له هالبكا كله .. " بإستنكار " كككيف ! .. طيب طيب صلي على محمد .. طيب قولي لمشعل .. ره رههفف آسمعي بن
بعدت الجوال عنها وهي مستنكره وناظرت رامي
رامي بلهفه : ها وش قالت ؟!
امجاد بتعجب : قاعده تصيح مدري وش فيها وسكرت بوجهي !
رامي : بس
امجاد وقفت : بقوم اروح لها لازم اروح اشوف وش فيها توديني ؟!
رامي : آككيد آنتظرك تحت لا تطولين
امجاد : طيب طيب ما بطول
_______________________________
ابو رامي بإستنكار : بالمستشفى ؟!!!!
مشاري بهدوء : عشان آبوي وضعه الصحي ما يسمح له يطلع من المستشفى !
ابو رامي : مو مشكلة الله يتمم بالخير
مشاري : ماجد فتح لهاجر حساب هنا وانا نزلت لها المهر بحسابها " قال بإحراج " آلعذر والسموحه ما نقدر نسوي حفله بس شايف الظروف اللي احنا فيها وان شاء الله اذا رجعنا السعوديه ما بنقصر
ابو رامي : لا يا مشاري مابيك تشيل هم العرس انا اساسا ما جا ببالي ابدا وما اظن هي تبي و
قاطعه مشاري بهدوء : لا ياعمي بنتك مـآهي رخيصة واذا انت ترضاها انا ما ارضاها بنت آلـ...... تطلع من بيت اهلها بدون عرس !
ابو رامي آبتسم : آلله يخليكك يا ولدي الحين خلي الوالد يقوم بالسلامه وهي تقوم بالسلامه ونفكر بهالأمور كلها بعدين ! " قال براحه " والله اني تطمنت على بنتي عندك يا مشاري
مشاري بإبتسامه : بنتك بعيوني يا عمي لا تشيل هم
_________________________________
امجاد بهدوء : انتظر رآيك !
رهف بصدمه : بس بس
امجاد : ما بتسرع ولا بضغط عليك رامي كلمني اليوم وقال لي اكلمك واعطيك خبر عندك الين قبل الملكه بيون تعطيني خبر عشان اقول لرامي وعقلك براسك يا رهف تعرفين خلاصك فكري بالموضوع زين جاسم قال لرامي لو رفضتيه ما في احد يقدر يجبرك عليه وما بيتغير شي من العلاقه بين عوايلكم
رهف همست : جـآسم ورآمي !!
ناظرت رهف امجاد بصمت وحيره وهي ما تدري وش تقول
امجاد وقفت : انا عطيتك خبر وفكري زين قبل لا يرجع مشعل لأنهم بيملكون على طول لما يجي فكري زين !
رهف هزت راسها بالإيجاب : ان شاء الله
________________________________
نهـآية الإسبوع ..
ابو رامي : لا اوصيك يا مشاري
مشاري بإبتسامه هاديه : هاجر بعيوني يا عمي لا تخاف !
ماجد بإبتسامه : المفروض ما اقول لك انتبه عليها المفروض اقول لها هي تنتبه عليك بس مع هذا انتبه عليها وتحمل هالفتره بس من علاجها
مشاري بنفس الإبتسامه : آبشر لا توصي حريص
ماجد : بالتوفيق
ابو رامي : يلا يا ماجد بتروح الطياره !
قبل لا يمشي ماجد شد مشاري على كتفه وبهدوء : طمني عنك اول ما توصل
ماجد ابتسم : آبشر
بعد ما طـآرت الطيـآره ..
طلع مشاري متوجه للمستشفى
ما يدري اي حياة اللي بتوآجهه الحين !
رغم انه تزوج طليقة صديقه لكنه ما يحس انه غلط !
هي توها صغيره وآلحيـآة قدامها
غير انه حس انه مرتاح وانه ما سوآ شي غلط !
وآبوه رآضي تمام الرضآ ومقتنع بقراره !
اصعب خطوة بتكون يخبر راكان باللي صار !
وما يدري وش بتكون ردة فعله
في المستشفى ..
بعد ما تطمن ان ابوه نـآيم
آخذ نفس عميق وزفره بقوه غمض عيونه بقوه ودق الباب بهدوء
جاه صوتهـآ الإنثوي الهادي المايل للتعب : تفضل
دخل مشاري وعيونه بالأرض وبتوتر : السلام عليكم
هاجر وهي تفرك يدينها بإحراج همست بخجل : وعليكم السلام
هدوء عم المكـآن لثوآني عديده
همست هاجر بخجل : تفضل اقعد ليه وآقف
آبتسم بهدوء وجلس ورفع نظره لهـآ ظل يناظرها لثوآني وبعدها قال بهدوء : آخبـآرك ؟!
هاجر وهي تفرك يدينها بتوتر : الحمدلله
رجع الصمت يخيم على المكـآن
آثنينهم متوترين وآثنينهم ما يعرفون طرف الحديث اللي يعجب الثاني
مشاري بمرح وتودد : ترآني ما آكل وآنـآ بخير !
آبتسمت هاجر وبخجل : عساه دوم
مشاري سكت لثوآني يدور موضوع للحديث : آي سنة كنتي تدرسين جامعه ؟!
هاجر : سنه ثـآنيه
مشاري : وآيش كان تخصكك ؟!
هاجر : هندسة ديكور " سكتت لثوآني وبعدها قالت بتردد " تدري ان عندي عسر القرآءة صح ؟!
مشاري بإبتسامه هاديه : آي آدري .. هذا عمره ما كان عيب ولا يعتبر عيب يعتبر شي غير ملحوظ اساسا !
صمت عم لثوآني
رفعت هاجر نظرها له وكان مثبت نظره عليهـآ
آنحرجت وصدت عنه على طول
ابتسم ابتسامه جانبيه وقال بهدوء : آبيك تعرفين يا هاجر ان تجربة وحده فاشلة ما تعني ان كل التجارب بتكون مثل بعضها !
هاجر بهدوء : آن شاء الله !
آبتسم بهدوء وناظرها بصمت لثوآني
شخصيتهـآ غـآمضه وتحتاج انه يكتشفهـآ بهدوء !
امجاد ناظرت رهف وبهمس : متأكده من قرارك
رهف هزت راسها بالإيجاب : متأكده
قبل لا تتكلم امجاد قطعهم صوت مشعل : رهف
بدت رهف ترتجف بخوف
شدت امجاد على يدها : هذا قرارك ! لا تتراجعين لا عشان خاطري ولا عشان خاطر عمامي ولا غيرهم هذي حياتك انتي !
هزت راسها بالإيجاب ووقفت : جيت مشعل
طلعت رهف من الغرفه وناظرت مشعل : كل شي تم ؟!
مشعل : ما بقى الا موآفقتك " قال بهدوء " آو رفضك حتى " سكت لثوآني وبعدها قال " لا تتسرعين يا رهف وقلتها لك وآرجع اقولها للمره الألف اذا ما تبينه ما احد يقدر يجبرك عليه !
هزت راسها بالإيجاب : قراري ما بيغير شي صح ؟!
مشعل هز راسه : تأكدي ان قرارك ما بيغير شي الا حياتك اذا كان الإيجاب فـ آنتي بترتبطين فيه اذا كان الرفض لك الحق بإختيار غير جاسم شريك لك !
آبتسمت وبهدوء : ان شاء الله خير
نزلو للمجلس
وزاد توترها وهي تسمع كلام المأذون : بدون ضغوط او اجبار يا بنتي .. هل تقبلين بـ جـآسم بن فهد آلـ........ زوجا لك ؟!
بدت ترتجف آكثر وتزداد ضربات قلبها وكلام مشعل وامجاد يتكرر ببالها
سمعت المأذون يكرر سؤاله : يا بنتي هل تقبلين بجـآسم بن فهد آلـ....... زوجا لك ؟!
غمضت عيونها بشده وبقوه وثقه : لا !
مشعل ناظرها بصمت وكأنه متوقع ردها
ناظرت رهف مشعل وهمست : آسفه مشعل بس
قاطعها مشعل بهدوء : لا تعتذرين هذي حياتك يا رهف وما احد منا يقدر يتدخل او يعترض وانا مفهم كل اخواني وحتى عمي بهالشي مهما كان ردك لازم يتقبلون الموضوع لأن الزوآج عمره ما كان غصب !
آرتمت رهف بحضن مشعل وهمست : آلله يسعدكك يا مشعل ويريح بالك مثل ما ريحتني !
آبتسم جاسم وبهدوء : الرآي رآيهـآ وآلشور شورهـآ .. وتظلون عيال عمي وعزيزين علي وغـآلين وربي يشهد ما ينزل غلاكم عندي لو شوي هذي حياتهـآ وما احد يقدر يجبرها على شي الله يوفقهـآ !
ما احد علق واخوانها تبعو جاسم وعمهم بنظرهم وهم يطلعون من المجلس !
________________________________
ام مشعل بإستنكار : كككيف !
مشعل : يمه هدي آعصابك وآسمعيني زين الزواج مو غصب وآبوي كان موصيني برهف خير وهو عاد لي هالموضوع آكثر من مره آنهـآ لو مـآ تبي جاسم لا تقبل هذي عشرة عمر !
ام مشعل : بسس
مشعل : اذا على عمامي يمه عمامي مقتنعين لا تخافين شـآفو كيف الزواج لما يكون غصب آيش نهايته
آخذت نفس عميق وزفرته بهدوء : بس احنا ردينا ناس كثير تقدمو لرهف عشان جاسم
مشعل : وهي توها صغيره والحياة قدامها !
ام مشعل آخذت نفس عميق وزفرته : آلله يرزقها ولد الحلال اللي يسعدها ويسر خاطرها
مشعل : آمين يمه آممين
ام مشعل : بترجع تسافر ؟!
مشعل تنهد : آي يمه جيت يومين عشان ملكة رهف وبرجع بإذن الله بعد بكره
ام مشعل : ما طولت يمه
مشعل : ما اقدر اطول يالغاليه
ام مشعل تنهدت : الله يوفقك يمه
مشعل : آممين اجمعين
_______________________________
اليوم التـآلي ..
ابو سلطان : صاير شي يابو رامي ؟!
ابو رامي : ماجد اللي بيفهمك كل شي
ماجد بلع ريقه بصعوبه : آححم ابيك تسمعني للآخر يآعمي
ابو سلطان : تفضل يا ولدي انا آسمعك
ماجد آخذ نفس عميق وزفره وبتردد : انا قبل سفري انا وهاجر دخلت على هند
ابو سلطان بإستنكار : آييشش !!
ماجد بلع ريقه : ووهي حامل !
ابو سلطان فتح عيونه على وسعها : هننندد !
ابو رامي بإستدراك : يابو سلطان هند زوجة ماجد بالشرع يعني له الحق يطالب بحقوقه ومحد يمنعه !
ابو سلطان بلع ريقه وهو يتنفس بعمق
ماجد بهدوء : انا آقول ياعمي نسوي حفله بسيطه عائلية
ابو سلطان بهمس : يصير خير !
_______________________________
بعد فتره مرت على الأبطـآل ..
في المـآنيـآ ..
الدكتوره : لقد بدأ المرض يتقلص في جسدها سنضطر الى عمل جراحه حتى نستأصله تماما من جسدها !
مشاري : ومتى سيكون موعد العملية ؟!
الدكتوره : عند استعداد المريضه نفسيا ويفضل ان يكون بأقرب وقت !
مشاري هز راسه بالإيجاب : فليكون في آخر هذا الإسبوع !
الدكتوره هزت راسها بالإيجاب ومشت متوجهه لمكتبها
دق مشاري باب غرفة هاجر
ما جاه ردها فتح الباب بهدوء وشافها نايمه بعد جرعة الكيماوي اللي احتمال تكون آخر جرعه !
قرب ينتهي مرض آبوه ومرض هـآجر
تنهد برآحه وكأنه جبل وآنهد !
_______________________________
روتان بتعجب : كيف !
امجد : وشو كيف يحتاج آوضح آكثر !
روتان ضحكت : طيب ليه معصب ترآني بس مو مستوعبه آنت وسنـآء آنت آكبر من سنآء بكثير
امجد بهدوء : ومساعد آكبر منك بكثير ! فرق السن عمره ما كان مانع
روتان : طيب هي فيها الضغط ! بتتحمل مسؤولية مرضها !
امجد : بإذن الله آي !
روتان ضحكت : ما اتخيل انت وسناء !
امجد زفر بقوه : رووتـآن بلا استهبال !
روتان : آوكك آوكك خلاص بكلم خالتي نوآره وانت كلم مساعد " ضحكت " واذا وآفقت الله يعينك !
امجد ناظرها بحده : مادري كيف مساعد مستحملك انتي
روتان ضحكت وبدلع : عسسل على قلبه يحصصصل لك وحده مثلي
امجد : كم باقي لك ؟!
روتان : بآقي ثلاث اشهر
امجد : الله يتمم لك بالخير
_________________________________
نهـآية الإسبوع ..
خوف قلق وتوتر
كـآنت كلهـآ مشاعر مختلطه بهـآجر
رهبه ورغبة قوية بالبكـآء !
آنتهت كلهـآ بعد العملية
كانت تسمع اصوات لكن ما كانت وآضحه
الدكتوره : لقد تم استئصاله بنجاح لكن سنضطر الى ابقائها عندنا آسبوع او آكثر حتى نطمئن اكثر على صحتها
هز مشاري راسه بالإيجاب وآكتفى بالصمت
همس بهدوء : آلحمدلله !
_____________________________
ابو رامي : رهف !!
رامي بهدوء : آي يبه !
ابو رامي : آن شاء الله يا ولدي انا بكلم مشعل بس انت لازم تبدأ تبني نفسك وين بتسكنها من وين بتصرف عليها !
رامي هز راسه بالإيجاب : ان شاء الله هذا كله اقدر آدبره
ابو رامي : خلاص ان شاء الله انا اكلم مشعل ومـآ يصير الا اللي يسرك
رامي آبتسم : آن شاء الله " سكت لثواني وبعدها قال " كلمتو مشاري تطمنتو على هاجر ؟!
ابو رامي هز راسه بالإيجاب : آي يقول آنهـآ بخير والحمدلله استأصلو السرطان
رامي : مو المفروض نسـآفر نشوفها ونتطمن عليها ونكون حوآليهـآ
ابو رامي : هذا اللي بيصير انا قلت لإخوانك وخواتك وحجزت لألمانيا قريب
رامي : ان شاء الله خير
_____________________________
بعد يومين ..
هاجر بصوت مبحوح : لا الحمدلله الحين احسن
اصايل بإبتسامه : ومتى بتطلعين ؟!
هاجر : آن شـآء الله هالإسبوع
اصايل : ان شاء الله
اسيل : مشاري يقول ان الدكتوره وصفت لك دوآ عشان شعرك !
هاجر بإبتسامه : كان جبتو معكم دآبر آملا ينفع !
ضحكت امجاد : اقول يا ثقل طينتك
هاجر بإبتسامه : آدري قال لي مشاري عن الدوآ
اصايل : وبتظلون الين متى بألمانيا ؟!
هاجر : ما ادري !
اسيل : يعني بعد ما يخلص علاج ابوه ؟!
هاجر : لا ما اتوقع " قالت بهدوء " راكان مسلم مشاري الفرع اللي هنا فأتوقع نقعد كم سنه هنا
امجاد ضحكت : بيجونا عيال المانيين ؟!
هاجر : انتي ذا همك
بعد ما طلعو البنات
دخل ماجد عند هاجر
هاجر آبتسمت : هلا باللي زواجه بعد آسبوع
ماجد آبتسم بهدوء وجلس على الكرسي : آوش لا يسمعك آبوي بس صاير معاي مدري كيف ما يمديني اكلمه كلمه
هاجر : تستاهل !
ماجد : خليك مني " سكت لثواني وبعدها قال " بتقولين لمشاري عن اللي صار مع راكان ؟!
هاجر ناظرته وبهدوء : تقصد سالفة بشار ؟!
ماجد : آي المفروض يدري
هاجر صدت وبهدوء : ما ادري !
ماجد : يفضل تبدون على بر يا هاجر !
هاجر بهمس : يصير خير !
___________________________________
بعد مرور خمس سنوآت ..
هاجر بإنفعال : مششاري
مشاري ضحك : ططيب خلاص
هاجر وهي تجلس على الكنب وتتنفس بعمق
جلس مشاري جنبهـآ وآبتسم : ليه معصبه طيب !
هاجر وقفت وهي تتكتف : مـآفففيني شي وماني معصبه ززين
قطع عليهم صوت لمياء اللي بدت تبكي
هاجر : شفت شفت صحيتها
تبعها بنظره وهي تدخل الغرفه
استغرب توهم وآصلين السعوديه من يومين
ما يدري ليه منفعله كذا
يمكن لأن اهلها ما درو عن وصولهم
ولا عشانه دايم بعزآ عمه ولا آيش بالضبط
عشر دقايق وطلعت من الغرفه متجهه للمطبخ
آتجه للمطبخ وآستند عند الباب وبهدوء : هـآجر وش فيك معصبه !
هاجر تضبط اعصابها : مافيني شي آبي آطلع
سندها على الجدار وهمس بنبرة حانيه : هـآجر تخبين علي
ناظرته وهمست وعيونها تمتلي دموع : شوف بتسسوي فيها هرقل زمانك وتتزوج بنت عمك عشان آبوهـآ توفى والله مـآ آقعد هنـآ ثـآنية وحده سمعت
آبتسم وناظرها لثوآني وهمس : كم مره بقول لك " قرب من آذنهـآ " انا لك انتي وبس أمي توفت وآبوي توفى .. وقلت لك من قبل آنتي آمي وآبوي وتعوضيني عن الكل
آبتعد عنها لما نبههم صوت راكان الصغير : مآمآ لممياء مو مخليتني اننننام تعالي شوفيها
مشاري : عيالك ما يحبون يصفون جونـآ
ضحكت هاجر : عشان لا تسوي اشياء قليلة حيا
ضحك مشاري : قليلة حيآ هـآه ططيب طيب روحي آخلصي من عيالك وآنـآ آعلمك قلة الحيا كيف
ضحكت وهي تشيل راكان : يصير خير " كلمت راكان " اجل لمياء مو مخليتك تنام " ناظرت مشاري " آيه خليها بنت آبوهـآ على مين بتطلع غير عليه
مشاري : آقققول
هاجر : لالا خلاص لا تقققول رآيحه والله رآيحه
آتجهت للغرفه وسدحت راكان على السرير وآتجهت لسرير لمياء وناظرت راكان : هذي هي اختك نايمه
راكان بخجل : آبيك تنامين جنبي
ضحكت هاجر : آبد مو متحايل مثل آبوك آبد
آتجهت له وجلست جنبه وآستند عليهـآ
مسحت على شعره بحنان وآبتسمت
مرت عليها ذكرى مـآ تنسآهـآ مع مشاري
" كان ثاني يوم من طلعت من المستشفى
يومها خبرت مشاري بكل شي صار تبعا لكلام ماجد
ما علق آكتفى آنه ناظرها بصمت وطلع من الشقه تآركهـآ لحالهـآ
ومرت ساعه وثنتين وثلاث وآربع .. وخمس وست !
وهي تنتظره وقلق يغزوها
رفعت نظرها للباب ووقفت على طول لما انفتح
دخل مشاري وقال بهدوء وآستغراب : مـآ نمتي !
هاجر بسرعه : ككيف آنـآم وانت برى ! " قالت بتدارك " مشاري انا والله اللي صار
قاطعها مشاري بهدوء : آنتي زوجة مين الحين ؟!
هاجر بتعجب : زوجتك !
مشاري بهدوء : آجل شي صار بينك وبين رآكـآن شي مآآضي وآلمـآضي يندفن ومـآ نرجع نفتح آورآقه ! "
لفت على همس مشاري : ترى الولد نـآم من زمان بس آنتي بالك مو معاك اللي مآخذ عقلك
آبتسمت بهدوء : محد مآخذه غيرك انت اساسا خليت فيني عقل
ضحك مشاري : انا وش سويت
همست هاجر : قلتها لك مره وثنتين وثلاث وآربع وآرجع اعيدها مليون مره آنت آروع شي حطه القدر بحياتي
( آلحيـآة مستمرة .. مـآ تتوقف عن آي شخص
آلحيآة محطات .. آترك عند كل محطه ذكرى جميلة آو .. آنسـآهآ !
بدآية حياة كل شخصين .. تبدأ بنسيـآن مـآضيهم ! )
___________________________________
روتان : آوووششش آووشش لا آسمع صوتك زين
رنا تعلقت بيد امها : ممامما آسفه والله ما اعيدها !
روتان : آسسفه ها الحين آسفه
مساعد شال رنا : انتي دايم معصبه على هالمسكينه
رنا دفنت وجهها بكتف ابوها وهي تبكي : هي ما تححبني هي تحب فراس بس ما تحبني
مساعد بحنان : لا بابا من يقول
روتان وقفت وهي تشيل رنا من مساعد : رنآآ وش هالكلام
رنا بزعل : هو صصصياح وانتي تحبينه واجد انا من آصيح عصبتي علي
روتان آبتسمت : آنتي الكبيرة ماما لازم ما تصيحين
رنا بزعل : بس هو يشد شعري
روتان : لو ما تتعبثين بألعابه ما يشد شعرك " قالت بعتب " بعدين كذا تصارخين على ماما مو عيب !
رنا بخجل : انا مو قصدي بس
مساعد آبتسم : قولي لهآ آسفه
رنا باست روتان وبخجل : آسفه ماما والله ما اعيدها
ضحكت روتان وهي تبوسهـآ حيآآآتتتي البنوتات خلاص بسسامحك هالمره !
( آلعنـآد رغم صعوبته بين الطرفين آلا آنه يضفي نكهه مميزه !
كل شخص يستحق فرصه ثآنية وحتى آن كانت الحياة معاه آصعب مما نتصور
آلحب .. يختصر آطول آلمسافات ..
آلحب تضحية وصبر وآنتظـآر وتحمل وثقه
آلحب آسمى المعـآني .. تبـآدلهـآ مساعد وروتان بعد كل الصعاب اللي واجهوهـآ )
كل اللي تسسآلو عن نهال وطلال ..
وجودهم بالروآيه كان لتوضيح الفرق الشاسع بين شخصيات الإخوان ..
يعني تطبيق لمثل ( خلق أخين مَ خلق طبعين ) ..
يعني مَ كانو أبطال آسياسين أو حتى ثآنويين .. هم مجرد جزء بسيط لإكمال صورة الروآية ..
________________________________
فاطمه شوي وتبكي : جهـآآد والله لو يصير له شي بنتحر
جهاد بهدوء : فاطمه استهدي بالله وش له هالكلام
وقفو لما طلع الدكتور
جهاد : طمني دكتور
الدكتور : لا هو بخير الحمدلله مجرد كسر بسيط بذرآعه اليمين ان شاء الله كله شهر ونفكه
فاطمه همست : آلحمدلله يارب
جهاد آبتسم : تخوفين اللي عمره ما يخاف
فاطمه بإحراج : لا تستفزني ما تعرف الأم لا خافت وش يصير فيها
جهاد : عـآآآرف عارف آسف خلاص آسحب كلامي
فاطمه : آلاء وين وديتها ؟!
جهاد : خليتها عند آمي هالشيطونه ما يتأمن عليها مع الخدامه
ضحكت فاطمه : آخـآف تهج الخدامه منها
جهاد : آبدآ طالعه عليك انتي لا رحتي ولا جيتي
فاطمه ضحكت : وش زيني وانا صغيره مافي اهدأ مني !
جهاد سكت لثواني وبعدها قال : كلمتني خالتي ام بشار و
قاطعته فاطمه وبهدوء : جهاد كم مره قلت لك لا تفتح معاي هالموضوع اعتقد اني سويت لها كل شي تحتاجه استأجرت لها شقه آسبوعيا كل شي تبيه تلقاه وآزورها بين كل فتره وفتره ما اعتقد اقدر اعطيها اكثر من كذا
جهاد : بس
فاطمه : ما اقدر آزورها كل آسبوع رغم اني آحبهـآ صحيح لكن في اشياء كثير بداخلي منها ما اقدر آمحيها وهذي ثمار كل اللي حصدته فيني !
جهاد : برآحتكك !
( آلحيـآة السعيده تتطلب دآئمـآ ذآكرة ضعيفه
تسقط اساءات الغير لنـآ !
نسيـآن المـآضي من آهم الخصـآل التي يجب ان تبنى عليها العلاقه !
و آلثقه آسـآس الحب آن ضـآعت ضـآع كل شي ! )
___________________________________
تجمع العـآئلة ..
آنتقلت الأنظار لـ لمياء وراكان عيال هاجر ومشاري اللي دخلو للصاله بتردد
وتبعتهم هاجر
الكل وقف : هآآججر !
آبتسمت : السلام عليكم
الكل : وعليكم السلام
سلمت على الكل والكل بدأ يتحمد لها السلامه
والكل انتقلت انظارهم للقاء اللي بيكون بينها وبين دلال ( زوجة رآكـآن ! )
دلال ناظرت هاجر لثوآني وبهدوء : الحمدلله على السلامه
هاجر بإبتسامه بشوشه : الله يسلمك .. سمعت انك حامل مبروك !
دلال بإبتسامه : آلله يبارك فيك !
( راكان .. رجل شرقي بحت .. ممكن يتقبل اي شي الا خيانة زوجته له ! كمل حياته وتزوج دلال )
قطع الأجواء صوت ريم : هجججير تعالي هنآآآ يا خآيسسه ليه ما قلتي آنكك رجعتي
هاجر : رجعت من يومين بس مشاري عمه توفى وآضطرينا نكون بالعزا وكذا " تلفت ورجعت تثبت انظارها على ريم " التوأم الجميلين وينهم ولا بس بالصور ؟!
ريم ضحكت : لا والله بس يلعبون مع العيال برى !
( ريم .. تبنت توأم .. وقدرت تكمل حياتهـآ بدون مشعل وبدون اي رجـآل بحياتها آلحيـآة تستمر وما توقف على آي شخص حتى لو كان هالشخص آقرب من انفاسك لك !
ومشعل .. كمل درآسته وقدر ينهي منـآقشة الدكتورآه ورجع للسعودية ورجع لدوآمه بالمستشفى بنصب آعلى .. وقدر يكمل حياته حتى لو كان بعيد عن ريم !
مشعل مثل اي رجل شرقي ما بيقبل ريم ترجع له بعد اللي صار بينهم )
ثوآني ودخلت آنفـآل وهي معصبه : رووويممم بزرآنك جننوني !
ريم ضحكت : والله مساكين عيالي آقققول آنتي الملايكه حقينك وينهم ؟!
انفال ضحكت : عند سعد عساني فداه ياختي والله متحملهم مدري كيف !
فاطمه : سسسعد عياله مجانين مدري على مين طالعين
انفال ببراءة : آي تصدقين هدوووء انا وسعد على مين طالعين ما ادري !
فاطمه : للللحححد يسمعك ويصدق انك هـآديه
انفال : آوووووه هـآآجججر الحمدلله على السسسلامه
هاجر ضحكت وهي تسلم عليها : الله يسلمك حبيبتي
انفال : بآقي نجيد وتكتمل الشله
فاطمه : لا تتأملين وآججد جوآد قدآمه كم شي بالدكتورآه يا ماما
انفال : بس جد وآفق شن طبقه هي معاه آبد طنجره ولقت غطاها
فاطمه ضحكت : يعني وش تبين اكثر الرجال طاح فيها بالجامعه وجا خطبها بس جد جد انسان اخلاق !
هاجر : الله يوفقها !
( نجود .. خيبة توقعات العديد .. لا تزوجت سعد ولا تزوجت محمد .. نهـآيتهـآ طبيعيه مثلهـآ مثل اي بنت محافظه على شرفهـآ وآخلاقها ودينها آبتعثت تكمل درآستهـآ .. آعجب جوآد بأخلاقها لكنه ما تقرب منهـآ مثل محمد بالعكس سأل عنها وطلبهـآ من يد آبوهـآ على طول ! )
انفال : الا هند ما بتجي ؟!
ريم : لا مب تجي الإخت تعبآآآننه مع الحمل ما تقدر تجي
البنات بصوت واحد : يآآآآآآآآآآآآآآآآآي ما اقدر
ضحكت فاطمه : هند عاد تخف علينآ بس ثلاث ما شاء الله عاق عليها الرابع !
هاجر : آعوووووذ بالله من الخبث وآلخبآئث بتعطين مرت آخوي عين !
فاطمه : آسم الله عليها وششش قلت !
آنفال : طيب ورهيفآن مَ بتجي ؟!
ريم : لا مَ بتجي البنت توهآ وووالد !
هاجر : آلحمدلله والله وأخيرا فرحت هي ورآمي بولد !
ريم : آلحمدلله
( رهف .. وِآفقت على رآمي .. تزوجو بعد مَ خلصت جامعتها وتعسر حملها بالبداية لكنها تعالجت وحملت ..
أما جاسم .. كمل مشوار دراسته مثل ما كان يطمح )
( إخوان وخوات هاجر .. الجزء الحلو بالروآية .. كل وكانو شاهدين على معاناة إختهم وحاولو كثير يخلونها تتجاوز كل الصعاب والعثرات اللي كانت بدربها .. أنا عني كنت أحب تواجدهم جدا =$ آحسهم يعطون نكهه للروآيه ! )
_______________________________________
وآلحين .. آقدر آخط النهـآئية لروآيتنـآ ..
روآيتنا الرابعه تعبنـآ فيهـآ بشكل غير طبيعي
وكانت تجينـآ آحيـآن نفكر فيهـآ نقطع الروآيه آو حتى ما نكملها !
لأنهـآ بجد آتعبتنـآ آكثر مما تتصورون !
لكن مستحيل نسويها يعني =$
على آي حـآل ..
نتمنا آنهـآ تكون رآقت لذآئقكم
وان الفكره المطلوبة توصلكم وصلت ..
ومثل ما ذكرنـآ قبل .. آلروآية فيهـآ وآقعيه كثير !
وآحنا اضفنا عليهـآ بعض الأشيـآء ..
مع اننا ما كنا بنكتب روآية خامسه بس لخـآطركم والله بنكتب
تابعونا بروآيتنـآ آلخامسه وآلأخخخيرة حرفيـآ الأخيره =)) =$
( للأسف توي قدرت آفهم آني شخص عـآجز .. يعني بيني وبينكم مليون حاجز )
نشكر متابعتكم حبايبي ..
ولا تنسونـآ من دعائكم
تقبلو تحياتنا ..
فتو وشذاوي ..~
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / special Lady ..
اللهم لك الحمد حتى ترضى وإذا رضيت وبعد الرضى ,,, اضف تعليقك