رواية ان كان له حق يخون حتى انا لي حق الخيانة -55
خلاص بتزوج بس الخوف تطلع زوجتي قشرا وما تحبني بعد عاد ذاك الوقت ارووح لمممين على قولت ام كلثوم
ام رياض : لا اله الا الله تحب تطولها وهي قصيرة
الوليد : خلاص فهمنا فهمنا
ومشى متجه لغرفته
ام رياض ناظرت مساعد : الحين قول لي وش فيك !
مساعد بهدوء : مو صاير شي يالغاليه لا تشغلين بالك
ام رياض : مسساعد لا تكذب صاير شي بينك وبين روتان !؟
قبل لا يتكلم مساعد نزلت روتان وبهدوء : السلام عليكم
نقل نظره لها وشافها جلست على كنب بعيد عنه وجلست وهي تفرك يدينها بقوه
وقف وبهدوء : يمه انا بطلع ارتاح شوي
ام رياض ناظرت مساعد ونقلت نظرها لروتان : بتجننوني انتو !
مساعد باس راسها : مو صاير شي يالغاليه لا تشغلين بالك بأمور مالها داعي بس انا تعبان وآبي آرتاح
ام رياض : طيب طيب خلاص اطلع ارتاح
بعد ما طلع مساعد
ام رياض ناظرت روتان : بدون لف ودوران وش صاير بينكم ؟!
روتان وهي تفرك يدينها وبتردد : يممه " عضت طرف شفتها وبإحراج " انا مو متعوده على مساعد الا كل طيب بس مدري احس
ام رياض : ها يمه وش شايفه على مساعد ؟!
روتان بإحراج وهي تفرك يدينها : صار لي يومين اشم فيه ريحة مو زينة " قالت بسرعه " مع انه يآخذ شاور اكثر من مره بس مدري يمه
ام رياض ابتسمت : وكم صار لك على هالحال ؟!
روتان : صار لي اسبوع بس هاليومين اححسس الريحة مو طبيعيه
ضحكت ام رياض وهي تتساند على عصاتها وتقوم : قومي قومي يا امك دقي على السواق وآلبسي عبايتك خلينا نروح للدكتورة
روتان بإستغراب : عسى ما شر يمه
ام رياض : الظاهر انك حامل ووحامك طالع بمساعد
روتان بإحراج : لا يممه ما
قاطعتها ام رياض : قومي لا تنقاشيني
روتان وقفت : طيب طيب
__________________________________
جلس على الكرسي وهو يهمس : يآآرب انك تقومها بالسلامه
لف على صوت نورة اللي جات وهي تركض : ها يمه وش صار
جهاد وقف بسرعه وبقلق : يمممه آسمعي صصراخها
نورة وهي تهديه : آهدى شوي وش فيك كذا متصروع ما فيها الا العافيه ان شاء الله
جلس وهو يتمتم بقلق : ان شاء الله
رجع وقف وبتوتر : كلمتي آبوي ؟! ككلمتي امها ؟! " ضرب جبهته " لالا لا تكلمين امها
نورة بحزم : ججهاد آهدى لك شوي كذا بتتوتر وبتوترني معاك
آخذ جهاد نفس عميق وجلس على الكرسي
نورة بهدوء : اهدى وانا امك ان شاء الله ما بيكون فيها الا الخير
جهاد تنهد : ان شاء الله
بعد ساعه وشوي طلعت الدكتوره
وقف جهاد بسرعه : طمنيني دكتورة
آبتسمت الدكتورة : الحمدلله كل شي تمام
جهاد : البنت وامها !؟
الدكتوره : آي الحمدلله على سلامتهم
تنهد جهاد براحه : الله يسلمك والبنت وينها ؟!
الدكتوره : بننقلها للحضانة
جهاد : اقدر ادخل ؟!
الدكتوره : اي طبعا
نورة بإبتسامة : انا بشوف البنت
هز جهاد راسه ودخل لغرفة فاطمه
آبتسم وبهدوء : الحمدلله على السلامه
فاطمه بتعب وهمس : الله يسلمك
جلس على الكرسي : كيفك الحين ؟!
فاطمه بهمس : احس كل جزء فيني مكسر حتى مو قادره احرك اصبع " قالت وهي تبتسم " شفت البنت ؟!
جهاد : لا لسه امي راحت تشوفها " مسك يدها وناظرها وبحنان " قلتي وش تبين نسميها ؟!
فاطمه ناظرته : الاء
جهاد رفع يدها وطبع بوسه عليها ووقف : بروح اسوي اجراءات الاء واطل عليها واجيك
فاطمه وهي تغمض عيونها وبتعب : طيب
_________________________________
مشاري بهدوء : صاير شي ماجد ؟!
ماجد اللي بعالم ثاني غمض عيونه بقوه
وش يسوي بالضبط ما يقدر يترك هاجر ولا يقدر يترك هند تواجه اهله وآهلها لحالها !
نبهه صوت مشاري : ماجد الأهل فيهم شي ؟!
ماجد اكتفى يهز راسه بالنفي ووقف : آسمح لي مشاري بشوف اختي
مشاري بإستغراب : خذ راحتك
دخل ماجد لغرفة هاجر اللي كانت على اول غفوتها
فتحت عيونها بفزع على صوت الباب اللي تسكر
هاجر بعصبيه : مماجد شفيك عاد الواحد شوي شوي يسكر الباب خوفتني !
ماجد جلس على الكرسي ومسك راسه بين يدينه
هاجر بتعجب : ماجد صار شي ؟!
ماجد ناظرها فتره وبعدها قال بتردد : هند حامل !
هاجر شهقت : آيششش !
ماجد تنهد : ادري وش بتقولين ع
قاطعته هاجر وهي تحاول تمسك اعصابها : ما بققول شي بس وش بتسوي ؟!
ماجد بهمس : ما ادري !
_____________________________
ام خالد : يمه انتي متأكده
ريم بإبتسامة : اي يمه ليه لا كفالة اليتيم نأجر عليها !
ام خالد : ريم تراها مسؤولية !
ريم : ادري يا يمه لا تحاتين !
ام خالد : بس انتي توك صغيره يا ريم والعمر قدامك ومن الحين رجعو يتقدمون لك !
ريم بهدوء : لا يمه انا ما بغير رايي زواج ما عاد لي خاطر فيه خليني اكفل يتيم وآخذ لي آجر !
ام خالد : خلاص يمه ولا يهمك نروح دار الأيتام نشوف
ريم : ملكة عبدالرحمن وريماس متى بتصير ؟!
ام خالد : والله علمي علمك " تنهدت " هذا احنا ننتظرك عيال عمك يرجعون من المانيا
ريم بهدوء : يمه عيال عمي وعلى راسي بس ماهم مضطرين يوقفون حياتهم عشانهم وهم اساسا ما بيمانعون !
ام خالد : يصير خير يا يمه
ريم : يمه ترى مرض هاجر خطير ومو بالسهوله بينحل !
ام خالد : كلام الرجال يمه ما نقدر نتدخل فيه ! " سكتت ثواني وبعدها قالت " تحسين بالذنب ؟!
ريم بهدوء : يمه صدقيني ما كان لي نصيب معاه لو لي نصيب معاه كنت ما تزوجت مشعل وحتى مشعل لو لي نصيب معاه كملنا حياتنا بس مالنا نصيب وما نقدر نعترض على اقدار الله !
ام خالد : الله يكملك بعقلك يا بنتي
________________________________
بعد يومين ..
مشاري : يعني انت الحين مضطر ترجع !
ماجد تنهد : آي !
مشاري : واختك !
ماجد : مححتار مدري وش اسوي !
مشاري سكت لثوآني وبعدها قال : طيب خلي واحد من اخوانك يجي بدالك
ماجد زفر بقوه : هنا المشكلة لو كلمت ابوي ولا واحد منهم بيشك بالموضوع وانا ابي امهد لهم قبل لأن اذا قلت لهم على الجوال بيطيح الموضوع فوق راسها
مشاري : طيب ما قالت لك الدكتوره كم باقي لعلاج اختك ؟!
ماجد : تقول الموضوع يبي له وقت هذا سرطان مو بسهوله يتعالج !
مشاري : طيب احجز لزوجتك خليها تجي هنا !
ماجد : هنا المشكله الكل بيشك بالموضوع
مشاري زفر بقوه : الموضوع معقد بزياده !
ماجد تنهد : آتسرع وانا ما اعرف اتصرف بهالموآقف !
مشاري : بس انت لازم ترجع السعوديه قبل لا يبان الحمل على زوجتك !
ماجد : بحاول افكر بالموضوع يمكن القى حل !
_______________________________
خلود بإستنكار : بس كذا غللط !
محمد بقهر : آبيهـآ يا خلود ابيها !
خلود : بس مع هذا اللي تسويه غلط اكبر غلط انك تاخذ فلوس ابوها حجة ما تعبت هالتعب كله عشان فلوس ابوها وانت تدري اساسا انها ما تحبك بتتعب كثير بتاخذها غصب وهي ما تحبك صدقني بتكرهك زياده ولا تفكر انها بتتقبلك !
محمد تنهد : وش اسسوي !
خلود بهدوء : اتركها بحالها يا محمد خلاص البنت مو من نصيبك !
محمد تنهد وهمس : الله يوفقها !
خلود : على بداية السنه قدم على جامعة هنا احسن لك
محمد : بروح لأمريكا بآخذ اوراقي من هناك وبجي اكمل هنا
خلود : الله يصلح حالك !
محمد : آمين الجميع !
________________________________
مساعد ضحك : يقولون لك اللي يطلع وحامها بزوجها معناه تحبه
روتان وهي ترمي عليه المخده : لا ما تححبه يلا اطلع
ضحك مساعد : شف طرده !
روتان : مسسسسسااعععد
مساعد : خخلاص بططلع انتي ووحامك ذا كم شهر يبي لك !
روتان رفعت حاجب : اللي يبي الدح لازم يقول اح مدري كم شهر بس خالتي ام رياض تقريبا اذا دخلت بالرابع
مساعد : يآآآآرب صبرركك !
روتان : يلا آططلع
مساعد ضحك : ططالع " مشى متجه للباب ووقف ولف عليها " طيب ما تبين شي قبل لا اطلع " قال وهو يكتم ضحكته " هق مثلا ولا بوسه كذا و
قاطعته روتان : تتحححححب تلعب بأعصصابي !
مساعد آبتسم : خخخلاصص اتوب اتوب طالع انا والله اني مسكين !
روتان : اي لحد يسمعك ويصصصدق
مساعد : اوف اوف شايفتني غير كذا
روتان بعصبيه : مسسسسساعد وبعدين
مساعد : خلاص هذا انا طالع " قال بهدوء " انتبهي لنفسك وكلي كويس !
روتان آبتسمت : يا زينك كذا طيب ولا يهمك
مساعد : والله احترت معاك لا مزحت معاك عصبتي ولا صرت رومنسي لاعت كبدك ما عرفنا لك
روتان ضحكت : تحمل بس هالشهرين على ما يخلص وحامي !
مساعد آبتسم : اوكك يلا حبيبتي سلام
روتان وهي تنسدح : سلام !
مرت فتره على ابطالنا ..
مشاري آخذ نفس عميق وسلم وبعدها لم سجادته وشالها
ابو مشاري بهدوء : ها يبه وش قررت ؟!
مشاري بإبتسامه : خليها مفاجأه احسن !
ابو مشاري : وانا قادر يابوك اتحمل !
مشاري بإبتسامه : وش فيك يالغالي تراك توك شباب بكره بس تخلص علاجك ونرجع السعوديه بزوجك بس صبرك علي
ابو مشاري ضحك : زوج نفسك بعدين زوجني ويصير خير
مشاري آبتسم ابتسامه جانبيه : يصير خير
بعد ما نام ابو مشاري طلع مشاري من الغرفه
صادف ماجد اللي جاي وبيدخل لغرفة هاجر
مشاري بهدوء : ماجد
ماجد لف : آمرني
مشاري : صار معاك شي جديد ؟!
ماجد تنهد : لا لسه !
مشاري : طيب تعال ابي اكلمك
ماجد على الكرسي : تفضل !
مشاري آبتسم : لا هنا ما يصلح خلينا ننزل لكوفي المستشفى
ماجد وقف : يلا
بالكوفي ..
ماجد : آقلقتني مشاري الوالد فيه شي ؟!
مشاري بهدوء : آبيك تسمعني للأخير ولا تتسرع بقرارك
ماجد بتعجب : تفضل
مشاري بنفس الهدوء : صار لي فتره افكر واستخرت اكثر مره " ناظر ماجد " آنا آبي آطلب يد اختك !
ماجد بإستنكار : آي اخت !
مشاري : ماجد ركز معاي خواتك كلهم مخطوبات مافي غير اختك اللي هنا !
ماجد : مششاري اذا كنت شفقت على حالي فاعتذر انا مو موافق !
مشاري بهدوء : آخر ما افكر آني آسويه اني آرتبط بوحده لأني آشفق عليها والا على اخوها ما تربيت على هالشي !
ماجد : ........
مشاري : لا تتسرع وهذا مو قرارك لحالك شوف اختك وش تقول ورد لي خبر !
ماجد بهدوء : يصير خير
___________________________________
جهاد : خلاص ارتاحي
فاطمه : لالا انا مافيني شي خلاص
جهاد : فاطمه بلا هالعناد ما صار لك من ولدتي
فاطمه : جآتني كآبة من السرير
جهاد : كآبة ولا غيره روحي ارجعي ارتاحي
فاطمه : بس
قاطعها صوت الاء اللي بدت تبكي
جهاد : ها شفتي بنتك بدت تبكي روحي خلك عندها
فاطمه : انت وبنتك متفقين علي حالفين علي ما اقوم من السرير
جهاد ضحك : والله مشكلتك
فاطمه : الله يعيني عليكم بكرة لا كبرت الله يستر شكلها بتكون من حزبك
جهاد وهو يلعب بحواجبه : جيبي ولد ويصير من حزبك
شهقت : حرام عليك
جهاد ضحك : آممزح والله امزح
فاطمه : ناوي علي
جهاد : روحي ارتاحي حبيبتي
__________________________________
ودنـآ لكم =$
الـبـآرت الـثـآلـث والأربـعـون ( 43 ) والأخير ..
_______________________________
اصايل بإستنكار : ممين !
رامي بهدوء : رهف بنت عمي !
اصايل : بس هي مخطوبة !
رامي بخيبة امل : مين خاطبها ؟!
اصايل : جاسم ولد عمي !
رامي سند ظهره وفضل الصمت
اصايل بتعجب : وانت من وين عرفتها ؟!
رامي : آول مره طلعنا المزرعه سمعتها تكلم بالجوال ثاني مره شفتها آخر مره طلعنا المزرعه كانت معاكم عند المسبح بالليل وشكلها زهقت وجات بتدخل وكنت انا مع عمتي ونادتها
اصايل : رآمي انت اكبر من انك تنعجب فيها بس عشانك شفتها ولا سمعت صوتها !
تنهد رامي : فهمتيني غلط لما سمعتها تتكلم كلامها يحسسك انها عاقله
اصايل : رامي كبر عقلك ما اعتقد لك نصيب فيها
آستند رامي وهو يفكر وفضل الصمت !
___________________________________
بعد آسبوعين ..
غمضت هاجر عيونها بقوه وهمست : موآفقه !
ماجد بهدوء : متأكده ؟!
هاجر بهدوء وهي تفتح عيونها وتصد عن ماجد : آي
ماجد زفر بقوه : مابيك تتسرعين !
هاجر آخذت نفس عميق وزفرته : رآجعت نفسي اكثر من مره وفكرت وآستخرت ربي وحسيت براحه " قالت بهدوء " على اي حال اذا ظليت عـآيشه كملت حياتي معاه اذا غير كذا رحت عند ربي وريحته من همي !
ماجد بإستنكار : وش هالككلام انتي !
هاجر : ماجد آسمعني آبيك تكلمه قبل لا تعطيه خبر موآفقتي وتسأله اذا كان متأكد من هالخطوه واذا تراجع وربك انا ما بتضايق ولا بيحز بخاطري !
ماجد وقف : بروحح آكلم مشاري وآعطيه خبر ولا اسمعك تقولين هالكلام السخيف مره ثانيه !
طلع من عند هاجر قبل لا يسمع ردها
سكر الباب وآخذ نفس عميق وزفره
كان يخاف انه يكون تسرع آو حتى ورط مشاري آو اي شي من هالقبيل
مشى بالمرر متجه لخارج المستشفى
صادف مشاري اللي كان راجع لغرفة ابوه
مشاري آبتسم وكان بيكمل مشيه استوقفه صوت ماجد : مشاري
مشاري لف : آمرني
ماجد بهدوء : آبي آكلمك
مشاري : آوك خلينا ننزل للكوفي
في كوفي المستشفى ..
مشاري : عسى ما شر يا ماجد صار شي ؟!
ماجد : ماشر ماشر " سكت لثوآني وبعدها قال " هي موآفقه !
مشاري سكت لثوآني بعدهـآ آبتسم برآحه وبهدوء : انت لازم ترجع للسعوديه قريب ويبي لنا شاهدين على الزواج وآبوك اساسا لازم يعرف بالموضوع !
ماجد آخذ نفس عميق وزفره : فكرت بكل هذا بخلي آبوي يجي منها يعرف بموضوع الملكه ومنها آقدر امهد له الموضوع الثاني ويكون الشاهد الأول وانا الشاهد الثاني " سكت لثوآني وبعدها قال " بس قبل هذا كله متأكد انك ما تبي تتراجع ؟!
مشاري رفع حاجب وبإستنكار : مـآهي من سلومنـآ يا ماجد نعطي الرجاجيل كلمه ونسحبهـآ بعدين ومـآني مشاري ولد عبدالله اذا سويتها ! وبعدين انا مقتنع بقراري والوالد آيدني وانا اتسخرت وحسيت برآحه ! ما يحتاج نعيد الكلام مره وثنتين وثلاث !
ماجد هز راسه بالإيجاب وبهدوء : على بركة الله !
__________________________________
بعد عدة ساعات ..
ابو رامي بإستنكار : ماججد هاجر صاير معها شي ؟!
ماجد : لا يبه مو صاير شي
ابو رامي : آكيد يا ماجد !
ماجد : يبه آحجز لك على اقرب طياره ولمآ تجي تعرف كل شي !
ابو رامي تنهد : خلاص بشوف اقرب طياره وآجيك
ماجد : ان شاء الله لا تطول !
ابو رآمي : طيب عسى ما يكون ورآك بلى يا ماجد
ماجد تنهد : ان شاء الله خير !
ابو رامي : على خير بحاول على اقرب حجز آجيكم انتبه لنفسك ولإختك
ماجد : ان شاء الله
ابو رامي : في امان الله
ماجد : في امان الكريم
__________________________________
بالفعل .. مـآهي الا عدة ايام وآنطلقت الطيـآرة اللي تحمل على متنهـآ آبو رآمي متوجه لألمـآنيـآ !
هاجر : مـآجد هدي اعصابك كذا ما بتقدر تتفاهم مع ابوي !
ماجد آخذ نفس عميق وزفره : متوتر خـآيف آبوي مـآ يسمع مني آبوي تفكيره مختلف خوفي انه ما يتفهمني !
هاجر : ان شاء الله بيتفهم تأمل بربك خير يا ماجد
ماجد بهمس : ان شاء الله خير
هاجر : قال بيجي ولا بتروح تستقبله !
ماجد : لا بروح استقبله
هاجر : لا تكلمه بشي الين يرتاح الحين بيكون تعبان من السفر
ماجد هز راسه بالإيجاب : ان شاء الله
_________________________________
وسام بإستنكار : جاسم ! ليه ؟!
رامي : آبي آكلمه بموضوع !
وسام بتعجب : رآمي وش هالموضوع اللي جا فجأه ولجـآسسم ! وبعدين وش هالموضوع اللي ما تقدر تقوله لي ؟!
رامي آخذ نفس عميق وزفره بهدوء : وسام لا تطول الموضوع وهو قصير !
وسام آخذ نفس عميق وزفره وبهدوء : آوكك بس على الأقل
قاطعه رامي : وسام كله رقم ! وين المشكله !
وسام : طيب خلاص آنقله لجوالك .............0 " سكت لثوآني " انا واثق انك ما بتسوي شي غلط !
رامي : بإذن الله ما بسوي شي غلط !
__________________________________
ابو رامي بإستنكار : ككيف كيف !
ماجد بهدوء : آي يبه وش رآيك ؟!
ابو رامي : بس احنا ما نعرفه ولا نعرف اخلاق الولد ولا سمعته بعدين مـآهو من عايلتنا لا تدخلني بسوالف مع عمامك يا ماجد
ماجد رفع حاجب : وزواجها من ولد عمها وش فـآدها ؟! هذي هي تطلقت منه ولا استفادت شي هذا واحد اثنين الرجال اخلاق والدليل انه مسافر مع ابوه وتـآرك كل شي ورآه بالسعوديه وغير كذا هو شاري هاجر حتى وهي مريضه الرجال مصلي ويخاف ربه ليه نرده دام البنت موآفقه !
ابو رامي : كلامك منطقي وعلى راسي بس
ماجد قاطعه وبهدوء : مـآ آقصد اقاطعك يالغالي بس دام كلامي منطقي ما اعتقد بعده كلام !
ابو رامي سكت لثوآني وبعدها قال : وش آقول لعمامك !
ماجد بحده : قول لهم مثل ما ولد عمها من لحمها ودمها بآعها غيره قرر يشتريهـآ غير كذا الين متى بنظل نحكم حياتنا بعمامي ووش بيقولون ! خلاص يبه خلاص بنات عمامي على عيني ورآسي بس كل واحد منا له رآيه واختياره ما بنظل على هالوضع على طول
ابو رامي : طيب موضوع هاجر وخلصناه ! وش الموضوع الثاني اللي بتكلمني فيه
ماجد آخذ نفس عميق وبدأ يزداد تنفسه وضربات قلبه تزداد : قبل سفري انا وهاجر لألمانيا
ابو رامي : آيه
ماجد بلع ريقه بصعوبه وبتردد : دخلت على هند
ابو رامي وقف وبإستنكار : آييييييييششش !!
ماجد بلع ريقه وكمل : وهي حامل
ابو رامي جلس وهو يتنفس بعمق وهمس : حسبي الله على ابليسك يا ماجد كانك بتجيب آخخرتي !
ماجد : آسسسم الله عليك يبه بس
ابو رامي بعصبيه : بسسسس آييششش يا سويد الوجه هذي عمله تعمملها ببنت عمككك حسبي الله ونعم الوكيل يآرب انك ترحمني برحمتك هالولد بيجنني !
ماجد : يبه الموضوع ما ينحل كذا
ابو رامي : آجل كيف تبيه ينحححل
ماجد وهو يضبط اعصابه : يبه هند زوجتي ولي آلحق آني آخذهـآ لبيتي متى ما بغيت وآقدر اطالبها بحقوقي كلها وما تقدر تمنعني بشي وهذا شرع الله بتعترض عليه يبه !
آبو رآمي وهو يتنفس بعمق : استغفر الله العظيم من كل ذنب عظيم بس محد يدري عن زواجكم يا ماجد !
ماجد : وين المشكلة نرجع السعوديه ونسوي حفله عائلية
ابو رامي : وبنت عمكك اللي توها صغيره وانت اللي لسه ما امنت نفسك وحتى جامعتك ما خلصتها وخلك من هذا كله بنت عمك ما تبي تفرح مثلها مثل اي بنت بعمرها ؟! ما فكرت بهذا كله ؟!
ماجد آخذ نفس عميق وزفره بهدوء : يبه انا فكرت بهالموضوع وقلت آني بحاول أأمن نفسي واذا انت تقدر تساعدني لو بمبلغ بسيط وانا مستعد آرجع لك كل فلس تدفعه علي بعدين
ابو رامي بعصبيه : انا وين وانت وين يا ماجد " تنهد " بكلم عمك لما نرجع وان شاء الله ما يصير شي الله يسامحك كانك حطيتني بموقف مع عمك الله يستر
ماجد بهدوء : على اي حال يبه .. مشاري قال يبي يملك على هاجر قريب عشان يمدينا نرجع السعوديه !
ابو رامي تنهد : خلاص خلنا بموضوع هاجر الحين وموضوعك انت وهند خليه الين ارتب الكلام اللي بقوله لعمك
___________________________________
جاسم بهدوء : آي رآمي عرفتك " قال ببشاشه " آمرني يالغالي
رامي آخذ نفس عميق وبهدوء : آبيك تسمعني للآخر !
جاسم : تفضل آسمعك
رامي بتردد : رهف بنت عمي
جاسم بهدوء : عسى ما شر وش فيها !
رامي حس ببجاحة طلبه لكنه قال بهدوء : دامكم على بر انا ابيها
جاسم بتعجب وآستنكار : كيف يعني تبيها
رامي بهدوء : يعني ابيها على سنة الله ورسوله !
جاسم سكت لثواني وقال بهدوء : ما اخفيك انا بتزوجها عشان آبي آرضي آمي وآبوي لكن هي بنت عمي وما ارضى عليها بعد والبنت ردت اكثر من واحد بسبب اني حاجزها مو حلوه عند عيال عمامي ابو مشعل اني كذا آفسخ الخطوبه حتى لو ما كانت رسمية !
رامي : بس
جاسم قاطعه وبهدوء : آعذرني على المقاطعه لكنك ما خليتني اكمل كلامي .. يمكن انت تعطيها اكثر مما اعطيها بس دام الرفض ما جا من جهتها اعتذر انا ما اقدر ارفضها دام ما فيها عيب حتى لو ما كانت روحي متعلقه فيها
رامي بهدوء : يعني الموضوع كله على الرفض ؟!
جاسم : آي !
رامي بغموض : يعني لو جا الرفض من طرفها
قاطعه جاسم : لو جا الرفض من طرفها ما اعتقد احد بيقدر يجبرها دام وراها مشعل يحميها ومـآهي بنت آلـ......... اللي تنغصب على احد ماتبيه !
رامي بهدوء : متى آقرب فرصة تقدر تجي فيها السعودية ؟!
جاسم بتعجب : ما ادري ليه !
رامي : ............
___________________________________
بعد يومين ..
امجاد : كيف يعني !!
رامي : امجاد افتحي مخك معاي ششوي !
امجاد : يوووه رامي كيف تبيني افتح مخي توهم داقين يقولون ملكة رهف آخر الإسبوع فجأه تنقز لي روحي كلميها ! تستهبل انت !
رامي آخذ نفس عميق وزفره : امجججاد انتي مركزه معاي ابيك بسس تسسألينها
امجاد : وش اسسألها البنت محجوزة له من وهي صغيره آكيد انها تبيه !
رامي : بتخسرين شي ؟!
امجاد : لا بس
رامي قاطعها : دامك مو خسرانه شي اسأليها !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك