رواية ياقاتلي هل لي بكلمة -8
كنت اناظرهم لاحظت في متعب حنان ماقد شفته لانه دايم معصب و برا البيت ماعرفه زين حتى يشبه ابوي خالد في طريقة كلامه
لفت لي رهف : سوس بجي معك كويس ما طلعتي
ياسمين : طيب جيبي عبايتك
متعب : بسرعة ولا بنرووح نخليك
ياسمين : متعب لا تتـ ..
متعب : اشششش مالك شغل بوصلكم وبتسوق معكم لازم اكشخ في ملكة اختي يمكن القى لي عرووس ما تدرين
ضحكنا من كلامه طلعت رهف ركض فديتها على خفتها وحركتها ما تنحف ... مدري وش السبب !
***
حبست عمري بغرفتي .. لا رائد ولا ناتالي ، عفوا دلال قدروا يغيرون رأيي
كنت محتاجه لهالوحده ابكي فرغت طاقتي بالبكاء ما قدرت اسامحه ولا قدرت انسى الم ودمعة ماما عشانه واصلا هو ليش سوا فينا كذا
رائد كان يقول لي لا تفتحتين على نفسك ابواب وتبين تعرفين كل شي يقول يمكن ابوك بعذره يوم سوا كذا وش عذره يا رائد وش عذره يوم ترك جنين ببطن امه ؟!
ودلال مو قادرة اسامحها ليش هي بعد خدعتني كانت معي طول الوقت 6 سنوات ما حكت ولا تكلمت ، تذكرت يوم اني سمعتها تحكي عربي بالليل في غرفتها
فتحت الباب طلعت بخفه لقيت دلال محزنه .. ورائد عابس بجنبها ~
***
مّنٌ أٌرٌوً۶ـ أًيَأَمَيّ مُعّ أِخُوّتُيّ ؛!
الساعة 10 يالله خلصنا تسوق بس باقي رهف تبي شوز وانتو بكرامه رحلة ممتعه جميلة ولا رحلات تسوقي مع هند و رؤى فقدتهم البشعات .. دخلنا آخر محل لنا اليوم
متعب : فوفا ها جا مقاسك ؟
رهف : اممم خليه يعطيني 38
متعب : لا بجيب 40
رهف بعصبية : اقولك 38 انا اعرف مقاسي
متعب يتمسخر : ايه بدليل بدينا من 36 اعترفي رجلك دبيه مثلك
رهف بمرح يخفي ألمها : مآلت كاشفني جيب 40
متعب : كان من بدري بلا هالحوسه دوختينا و دوختي الرجال
رهف : يووه ميتوو خلاص لا تقعدلي على الحركة وش دراك يممكن يدخل في رجلي
متعب : كذا سبحان الله بدون لا تنسمين ولا شي
رهف : ايه بعدين يا زيني من دبيه
متعب : فديتك يا روحي احلى دبية بس لاتكثري علينا هالحركات وتصيرين الاجمل على الاطلاق
كنت واقفة اناظرهم ابتسمت على كلامهم سوا رهف بجد مرحه و فرفوشه صح جمالها مو بذاك الزود و دبية بس تعرف تحلي عمرها و جاذبه الناس لها بعكس شذى رغم جمالها متكبرة و شايفه عمره منفرة الناس من حولها
متعب ماتوقعته ابد بهالاخلاق و هالروح شفته كذا مرة اختلف مع امه بس اللي اعرفه انه شديد ولا يقعد في البيت وبصراحة حقدت عليه يوم جا يغصبني انزل للرجال
انهينا التسوق و تعشينا في مطاعم السوق ، ورجعنا للبيت
***
خلصنا عشاء خلاص قمت الم الصحون و خالتي ام رؤى تساعدني
هند : خلاص خالتي ارتاحي انا بلمها
ام رؤى : خليني اساعدك يا بنتي
هند : لا خالتي تكفين عشان خاطري اقعدي انا متعودة على حوسة البنات
ام رؤى : لا تتعبين
هند : مو تعب كلها صحنين و كم ملعقة
ام رؤى : الله يحفظك يايمه و يعطيك القوة
قامت راحت لبنتها في الغرفة كانت سرحانه و واضح عليها الحزن
: رؤى يمه ماكليتي شي وراك وش اللي صاير معك
رؤى : مو مشتهية يمه
أم رؤى : فيك شي احكي لي
رؤى : يمه مافيني بس ضايق صدري على حالة عندي في القسم
ام رؤى : الله يشفيه
قامت طلعت متكدرة على بنتها .. رؤى كان شاغل بالها غالية و ظلمها لها من كم يوم بس عرفت الحقيقة ولا قدرت توصل لها عشان تعتذر منها
وبعد حزينة لان الوحيد اللي خفق قلبها له .. مو لها
.
.
.
.
.
تم الجزء الثاني عشر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الجزء الثالث عشر ~
ﺻ̶ﺑ̐ــﺈ̃פ̲ـيٓ ﻣ̉ﻌ̲ـﮪ̯ـﻣ̲ !
قمت بنشاط ومرح اليوم عندي امتحان مستعده له من كم يوم اكيد هذا ميد تيرم مو لعب نزلت أجهز لهم الفطور ادري فيهم كل من يقوم على دوامه وبتقوم حرب لو لوليتا ملخبطة لهم في الاصناف بعضهم سبحان الله يصيرون نباتيين على الصبح
سلمت على امي : كيفتس يمه اليوم
ام فارس : بخير طولما انا شايفتس بخير
شروق: جعلني ما ابكيتس حبيت على راسها
ام فارس : الله يرضى عليتس و اشوفتس معرسه وحولتس بنين و بنات
انحرجت كثير من دعوتها قلت بدلع : يمااااه تبين تخلصين مني
ام فارس : افااا من يقوله
شروق : يمه لاحقه الحين زوجي فارس و وليد و هنادي لاحقة علي
ام فارس : الله يبلغني فيكم يا رب
قمت بروح للمطبخ : يمه بروح اجهز البوفيه تعرفين بعد شوي كل من بيقوم و بتبدأ حرب ادري فيهم
ام فارس : عساتس على القوة يمه
نزلت مع الدرج لقيت شروق رايحه باتجاه المطبخ : صبح صبح يا قمييييييييل
رمت لي بوسه على الهوا : صباحك سكر يا سكر
ابوي دخل من الباب راجع من المسجد معه الشباب : اسمع ناس تتغزل على الصبح في بيتي
ضحكت وانا ابوس راسه : وانا اقدر يا حلو الا اني اتغزل فيك
معاذ : ايه اسطوانه المصلحة اطلبي وش تبين بسرعة
فارس : يالله صباح خير
ام فارس : دآم الكل مجتمع لا تتعبون اختكم رايحه تجهز لكم بوفيه افطار
وليد : فديتك يا شروق يا بعد عمري
معاذ : وش دراك انها شروق
وليد : من بتطلع يعني دام هنادي قدامك دانية مثلا ؟!
معاذ : بعيد الشر بس ما تدري ممكن تكبر فجأة
فارس : صدقني معاذووه دانية ما بتكبر فجأة الا يوم انت تكبر فجأة
ابو فارس يضحك : مدري متى بيعقل هالولد
معاذ : قلت لك تبيني اعقل ، زوجني
هنادي : يمه وش كنتِ تتوحمين فيه وانت حامل فيه
ام فارس : والله علمي من علمتس يمه كلكم نفس الوحام الا فارس
فارس بابتسامة : وآضحه يمه ما يحتاج أنا الكبير و الوسيم و الانيق و الدكتوور و ...
وليد : بس بس بس أكلت الجو علينا
ابو فارس : عيالي كلهم وسيمين !
معاذ : وشهد شاهد من اهلها
جات شروق ودخلت وراها دانية : السلام عليكم
الكل : وعليكم السلام
شروق : خلاص احط سفرة مو بوفيه
ابو فارس : ايه يا يبه بنفطر سوا اليوم دام الكل موجود
شروق : على امرك يبه
دانية صوتها تضخم من النووم : معاذ رسمت لي الخريطة ؟
معاذ : بسم الله انتِ بنت ولا ولد
دانية: وش شايف ان شاء الله
معاذ : والله اللوك بنت بس الصوت ولد
دانية بدلع : مآمي شوفيه
أم فارس : خل اختك في حالها
معاذ : هذا جزاي راسم لها خريطة الجغرافيا دولة تنزانيا بدقه متناهيـ ...
وليد : بس عاد ما صارت تذلها على رسمه
معاذ مد بوزه : طيب بسكت
دانية : هنودي صباحوو
هنادي : صباح القشطة
فارس : الله يالدنيا من بين هالحضور مافي الا يقلد صوتها " هنودي صباحوو " ؟؟
دانية : صباحوو كلكم
ابو فارس يضحك : شكلكم مطولين ما وراكم دوامات ؟
دخلت شروق على كلمته : السفرة جاهزة ، قآم الكل بيفطرون ويفترقوون ..~
***
لك غلاوة .. ماهي لغيرك من الناس
لوهي غيوم ...
هزت الدنيا برعدها
ما قدرت أنام الليل بس قدرت آخذ لي غفوة بسيطة بعد الفجر طلعت احسني جوعانه مآبي اللي صار يأثر على ولدي حبيبي ، نزلت الصالة لقيت دلال قاعده
وقفت : غالية
وقفت بدون ما الف عليها و لاتكلمت : ...
قربت مني وحسيتها متردده باللي تبي تقوله : أنا آســ ـفه سامحيـ ...
قلت وعيوني غرقانة بالدموع : ليش سويتي فيني كذا ؟ ليش ما علمتيني ليش ؟
حمر و جهها و لمعت عيونها تستعد لنزول دمعه : غالية أنا مجبورة ومضطرة
ماكنت ابي لا انا ولا انتي اني اعيش هالموقف بس هذا فوق طاقتي ، غالية كل اللي صار معك صار لي انا بعد عشت بعذاب و تعارضت رغباتي وسكت غصب عني
هذا سيف عبد العزيز ما تعرفينه ولا عمرك بتعرفيه !
غالية : ليش مو انتِ بنته ما يحق لك تتكلمين
دلال : السالفة غير عن اللي انتِ متوقعة
غالية : مو قادرة اتخيل انه فيه شي بالدنيا ممكن يخلي هالحواجز بين اب و بناته !
دلال : قصة هو الوحيد ممكن يفهمنا اياه
سكت ماعندي شي اقوله قلبي مو راضي عليه مو قادرة اشوفه !
دلال بحنان : غالية اليوم موعدك ما بتطمنين على ولدك ؟
غالية بحزن : ما كفاني الحزن و العذاب من ابوه يطلع لي جده بعده
دلال : هونيها وتهون ، شوفيني عايشه قدامك وانا اللي فقدت زوجي و ولدي لا تسوين مثلي
غالية مصدومة : وشو ؟!
دلال تحاول تخفي حزنها : لا تهتمين ماضي نسيته
غالية : مو قصدي اذكرك و ...
قطعت عليها حكيها وهي تحكي بمرح : يلا لا نتأخر على الموعد ، بشوف ولدي كيفه
رحت لها حضنتها قبلت راسها بصمت ، مشيت من عندها ..
***
المستشفى صاير كئيب بس مهون علينا وجود ياسر بروحه الملقووفة المرحه
لقيته واقف عند اللفت : ها ياسر وش عندك تضحك
ياسر : لا ابد بس روحي شوفي يزيد و سعود
رؤى : وش فيهم ؟!
ياسر : متورطين مع الدكتور لويس احسن يستاهلون
رؤى : هههههههه من جدك لويس
ياسر : ايه انا انحشت لا يضمني للقائمة مالي شغل الزم ما علي نفسي
رؤى : ياسر تكفى تعال معي لويس لو شافني لحالي بيهاوشني عشان تقرير حالة قدمته له رودي ناقص
ياسر : لا اسمعي بتهزأ عشانك مستحيل لو انك ليلى بعد عيني ممكن
فهيت : وش جاب طاريها الحين
رجع شعره على ورا وو ابتسم بخبث : ليش تغارين !
شهقت و فتحت عيني على آخرها : وليش ان شاء الله
ياسر : لا بس كنت ملاحظ نظراتك لي ولا تحسبين اني مانتبهت يوم ما باركتي لي ادري كانت عينك علي
بلهت اناظره لثوآني ثم انفجرت ضحك : من جدك ياسر هههههههههه ماتوقعت مهبوول لذي الدرجة
ياسر بحرج : ليه طيب وش فيني مآني قد المقام ولا مو رائد اللي خاقين عنده تراي اعرف حركاتكم وسمعت كلامكم عنه واصلا كل شي في المستشفى اعرف عنه
كشرت بوجهه : مالت عليك وخر من وجهي بروح لحالي لا تمن علي
ياسر : أحسن ومشى خلاني وهو يضحك
طلبت المصعد وأنا أفكر في رائد وطرت علي غالية !
ﻁَ̲ﻣُ̲ﻧً̲ﯾَ̃ يَّﺂ̲ ﺩَ̲ﮚ̷ﺗَ̲ﯙ̷ً̲رٌِ
كنا قاعدين على الكراسي في الممر ننتظر دوري للدخول قبله كنت معطيه تحاليل دم و بول ( تكرمون ) دلال تربت على كتفي و تناظرني وكأنها تطمني
طلعت الممرضة : غالية أحمد
دلال وقفت : يلا غالية دورك
دخلنا على الدكتورة : السلام عليكم
الدكتورة : وعليكم السلام تفضلوا وين المراجعه ؟
غالية : أنا غالية
رفعت الدكتورة اوراقي ونتايج تحاليلي من الملف : انتِ ما سويتي Ultrasound ( أشعة فوق صوتية )
غالية : لا اليوم جايينك عشان نشوف البيبي
رجعت عينها على الاوراق ثم رفعت راسها : بس انتِ في الشهر الثاني تونا على التحديد
دلال : لا تقصد صحه الجنين بغض النظر عن نوعه
الدكتورة : طيب شويات راجعه
طلعت الدكتورة وانا الف لدلال متوترة : دلال خايفة كثير
دلال : وبعدين غلاي لا تصيرين طفلة
غالية دمعت :...............
دلال : وبعدين غالية ؟؟؟؟
مسحت دمعتي و دخلت الدكتورة : تفضلي معي للغرفة الثانية
طالعت في دلال : قومي معي مو رايحه لحالي
قامت على حيلها : يلا قدامي
رقدت على السرير ساعدتني دلال وحطت الجل اسفل بطني بدت الدكتورة تمرر الجهاز علي وظهرت على الشاشة صورة صغيرة .. واضح انه النونو
انا ما كنت اشوفه بوضوح لاحظت ان دلال تغيرت ملامحها و بعد الدكتورة حسيت بشي لان دلال تفهم في النساء و الولادة وكنت دوم اشوفها تقرا كتب و تشوف افلام في هالمجال
قلت بفزع : دكتورة وش فيه ولدي فيه شي ؟!
الدكتورة : بسبقكم للمكتب وقامت طالعه
لفيت لدلال : دلال تكفين تكلمي فيه شي ولدي
دلال تتصنع ابتسامة : خلاص حياتي الحين بنروح نشوف الدكتورة
مشت غالية قبلي دخلت للدكتورة وقعدت : دكتورة ولدي فيه شي
سكتت شوي ثم تكلمت وهي تناظر صورة الجنين : ما اقدر اخبي عليك في هالموضوع لازم تهتمين اكثر بنفسك و تحافظين عليها انتِ روحين مو وحده
غالية علا صوتها : دكتورة وش صاير
الدكتورة : عندك بداية اجهاض
غالية : كيف يعني ؟
الدكتورة : ما راح اقولك تطمني ولا اقولك خافي بس لازم تنتبهين على نفسك وانفعالاتك اكثر عندك بداية اجهاض والحمل لازم يثبت وترتاحين راحه تامه لان مو من صالحك لو فقدتي الجنين ولا نسين ان حملك عزيز !
دلال : عزيز !!
الدكتورة : انتِ حملتي من قبل ؟
غالية : لآ
الدكتورة : وكم لك متزوجة ؟
ناظرت دلال بتوتر ولفيت للدكتورة : 11 سنة
الدكتورة : استخدمتي موانع ؟
غالية : لا
الدكتورة : عشان كذا اقولك لازم تحافظين عليه لانه لو راح مدري متى بتحملين بعده
دلال : دكتورة كيف مستوى الخطورة الحين عليها و على الجنين
الدكتورة : على الام مافي خطر ولله الحمد بس الجنين في خطر عشان كذا لازم تاخذ قدر كافي من الراحة وياليت لو تتمد 90 % من يومها على ظهرها وتقلل الحركة وتبعد عن الانفعال
دلال : مشكورة دكتورة يعطيك العافية
الدكتورة : هلا حبيبتي انا بالخدمة ، بعد اسبوعين اشوفك عشان اقيم حالة الجنين
غالية : ان شاء الله
طلعنا من عندها و انا قلبي يتقطع على ولدي اللي بيروح من بين يديني ...
"" الحمل العزيز للي ماتعرفه : هو الحمل اللي يصير بعد مده طويلة من الزواج او حتى يكون فيه فرق وآضح بالعمر بين الابناء وتكون الام سليمة و الاب سليم ولا تم استخدام أي موانع للحمل ""
***
مرت اسبوعين ما فيها جديد ..
غالية واضح سامحتني ابوي ما قام يدق علي رائد اختفى ما قمنا نشوفه وهذي حياتنا بالروتين .. طفل غالية كأنه تحسن الدكتورة لازالت على توصياتها و بصراحة نفس الدكتورة مو عاجبتني ودي اغير المستشفى بكبره و الدكتورة لازم اعطي غالية خبر لاتزعل صايرة حساسة هاليومين ...
***
فهد ( ابو سعد ) : عشاء بسيط في بيتهم
سيف : وليش ما تفرحها ؟
فهد : ودي بس هي رافضة ما ودي اضغط عليها عطيتها تكاليف الحفل
سيف : ومتى العشاء ان شاء الله
فهد : يوم الجمعة الرحلة ، قبله بنسوي العشاء
سيف : ما شاء الله على البركة
فهد : يبارك فيك عقبالك
سيف : لا يخليك لي ، أنا مو وجه زواج
فهد : وليه ان شاء الله
سيف : ودك تدعيلي ادعي لبناتي غيره لا
فهد : الله يحفظهم لك , الا وش صار على غالية
سيف : من رفضتني ماعرفت لها خبر حتى دلال ماعدت شفتها
فهد : الله يكون بعونك عاد انت حاول تلين قلبها و تكسبها لا تخليها كذا مصيرها تفهم كل شي
سيف : ادري بس انا بعد غلطان و اكبر غلطان مالي وجه اقابلها ثاني
فهد : لا بتروح ولو اضطر الامر ، انا بوديك لها بنفسي
سيف مو عارف وش يقول لآنه ببساطة عاش التشتت اللي يعيشه دوم في مسألة تتعلق ببنت قلبه غالية !
/
\
/
\
على الغداء اليوم كنا جالسين الكل ساكت وشكله سرحان بعآلم ثآني قطع سكوتنا وهو يحكي
: زواجي بيكون الأربعاء حفلة جداً مختصرة و إللي يبي يحضر حياه الله و الله ما بيبي عزيز و غالي تعرفون كلكم أولاد قلبي
كنا نناظر في بعض تكلم سعد : ألف مبروك يبه
رائد : أكيد بنحضر يالغالي
كنت ساكته ما علقت بشي ساره باركت لأبوي بعد
لين : بتسكن معنا ؟
أبو سعد : إحتراماً لكم و عشان تآخذون راحتكم و تاخذ راحتها لآ
لين : الحمد لله قامت من على السفرة و لاحد حاول يمنعها أبوي يعرف بحساسيتها كثير
ساره تلطف الجو : معقول بيصير عندكم أخ أصغر من عيالي
رفعت عيني أناظرها لاشعوري ثم ضحكت بصوت عالي
الجازي مبتسمة من عفوية ساره المنحرجه من ضِحكت رائد : اللي مكتوب بينشاف
حسيت أبوي تطمن من كلمة الجازي و ابتسامتها تذكرت غالية وحملها من أمس مدري عنها ' لو تدرون إنه كم شهر بس و أصير أب ما تصدقون '
سعد : يبه وين مسافر شهر العسل ؟
ابو سعد : ما راح اطول اسبوعين بس وراجع بنروح النمسا و جنوب افريقيا
سعد : يووه يبه لا تخليني أتهور و اروح معكم ودي اسوي مغامرة بداخل ادغال افريقيا بس بعض الناس مو راضيين
ابو سعد : جرب حظك قال يبي يجي معنا
رائد : هههههههههههه فك نفسك أبو فواز
سعد : شكله مآيمدي
الجازي : اخواني مهبل
ساره بهمس : توك تدرين
الجازي بعفوية : اسم الله عليهم
سعد يضحك : مجنونة وهبلة وكل شي
حسيتها منحرجة وبتغير السالفة : ساره وين عيالك
سارة بانزعاج : الله اكبر عيالي كلهم اثنين قالت عيالي
رائد : الحين فواز كم عمره ؟
سعد : سبع سنوات و عبد الإله 4 سنوات
رائد : ما شاء الله ، وسرح بفكره بعيد شوي !!
الجازي : الله يخليهم لكم
الكل : آمين
***
ملكتي تأجلت لان بابا كان عنده شغل و ضغط الفترة الماضية مو مكلة تأجلت بس اسبوعين .. زين لي حتى جهزت نفسي كويس يالله مو مصدقة بكرة ملكتي بكرة بس بصير حرم فؤاد ......
.
.
.
.
.
تم الجزء الثالث عشر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم حفل الملكة ~
من قال ان الحب في لحظه يضيعـ
من قال ان الورد يذبل في الربيعـ
دام الامل باقي برغبه واقتناعـ
ماجفت اوراقي ولا اهتز الشراعـ
اليوم يوم ملكتي كنت أبيها عائلية بس بابا يبي يفرح فيني يلا ما علينا اهم شي املك واخلص فايزة لو ودها ماتزوجت بس الحمدلله مو بايدها أبوي كان فرحان كثير لأن اللي فهمته مؤخراً إن أبو ناصر يصير صديق أبووي و يشتغل معه بعد ، دخلت علي رهف
: أنتِ قاعده للحين قومي وريني طولك سوي أي شي
ياسمين : طيب بقوم لا تنفخين
رهف : متى الكوافيرة توصل مو كأنها تأخرت
ياسمين : لا هي قالت بتتأخر شوي بتجي الساعة 6
رهف : الساعة 6 ليه وقتها تلقين حتى المعازيم مخلصين قبلنا
ياسمين : يمدي إن شاء الله إلا صديقاتك متى بيجون ؟
رهف : مدري بس انا لازم اخلص بسرعة عشان استقبل الخلق
ياسمين : طيب وش فيك مطفوقة كذا اركدي
رهف : اختي بتعرس كم مرة تصير في الحياة بشعه مآحبك
ياسمين : أفا ليه ؟
رهف : متى جيتي حتى تبين تروحين ماتهنيت فيك
ياسمين : ولا يهمك بزوجك اخوه الصغير و نصير قراب كثير
رهف راحت لعالم الأحلام : الله فديتك سوسو متى بس
ياسمين : مو بصاحية ابد الله يخلف عليك
طلعت من عندي يوم سمعت امها تناديها ودخل علي متعب
: كيف العرووس
ابتسمت له : بخير
متعب : مستعده
نزلت راسي أفكر مو متحمسة كثير على إني اموت في فؤاد
متعب : وين رحتي انا هنا
ياسمين : متعب من بيحضر الملكة
متعب بتفكير: اممممم عمي فهد و عمي ناصر وعمتي منيرة و المعارف واصدقاء العائلة و صديقاتك يعني فيه حضور لا تخافين
ياسمين : طيب
متعب : ليش قاعده متى بتجهزين صح اني ما افهمم في اموركم بس مو المفروض تخلصين بدري
ابتسمت وقلت : لسى الكوافيرة ماجت تسبحت و انتظرها ورؤى بتجي بعد شوي و بعد البنات
متعب : لا اوصيك أبي قمر وغمز لي
ضحكت : مو صاحي
قام بيطلع : بمر اشوفك وبتصور معك يعني لازم تكشخين سمعتي
طلع و دخلت شذى ، وش عندها العائلة بالدور
: مبرووك يا عروس
ياسمين : يبارك فيك وعقبالك
حركت شعرها بغرور : ياحظه اللي بيآخذني
ما علقت عليها
شذى : اقول ياسمين
ياسمين : هلا
شذى : المفروض تكونين تتجهزين الحين وين الكوافيرة عنك
ياسمين : بتجي بس اعتذرت صار لها ظرف
شذى وقفت : طيب انا بروح اجهز لازم اطلع شي مو حيالله شي
ياسمين تناظرها بغرابة وش عندها تنازلت وتلطفت معي !!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك