رواية ياقاتلي هل لي بكلمة -7
رائد : انا في البيت جاني مغص والجازي منعتني اداوم
غالية مو مصدقة : طيب كيفك الحين
رائد : ممغوص واحس بغصة
غالية : ليته فيني ولا فيك
رائد لا شعوورياً : اسم الله عليك
لحظات صمت الصوت المسموع انفاسهم وكأنها تحكي قصة عذاب بين الاثنين
غالية عيونها تلمع : رائد بقفل
رائد : انتبهي لنفسك امنتك .. مع السلامة
قفلت وانا كلي الم وش قصده بكلامه حسيت فيه شي مو طبيعي خفت عليه وفي نفس الوقت طمني وجوده عند الجازي !
/
\
/
دخلت علي الجازي بصحن شوربة : يلا حبيبي عشان توخر الزفرة وتطيب
رائد : تكفين يمه مو مشتهي
الجازي : لاتزعلني منك
رائد قرب منها : سامحيني يمه سامحيني
الجازي متعجبة منه : مسموح بشرط تخلص الصحن كله الحين
ابتسمت غصب : ان شاء الله يمه
الجازي حاسه بشي بس ماتبي تضغط عليه : ترى برجع لك خلك ما تآكل بوريك النجوم
ضحك رائد عليها وهي اللي انسحبت تشوف احوال البيت .. كبيرة يالجازي ~
***
اليوم طفش ولا اقدر اسحب على الدوام راسلين لي انذار عساهم الموت طلعت من قسم الطوارئ داخل للمستشفى لي كم يوم ماشفت غالية ولا لمحتها بروح اشوفها غصب عليها ولازم آخذ اللي ابيه ..
نزلت من مريضي في قسم التنويم رحت غرفتنا بعد الحاح من هند وبصراحة أحس بتعب دخلت استقبلتني هند وكانت لحالها : انا مو قلت لك ما تطلعين من الغرفة ماتسمعين والله لأعلم الدكتور فارس و انتِ بكيفك ازعلي وانفجري لو تبين
ماعطتني فرصة اتكلم : انطقي هنا زين بروح اطلع حالة من الاسعاف وجايه لك
غالية : طيب لا تتأخرين وأنا بروح عند الاستشاري بندر بستشيره بشغلة
لفيت وماشية من الغرفة طلعت جوالي و دقيت على الدكتور فارس علمته وينها ونزلت للإسعاف ............
.
.
.
.
.
.
تم الجزء العاشر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الحادي عشر ~
سَئِمْتُه .. مُعَذّبِي
اليوم طفش ولا اقدر اسحب على الدوام راسلين لي انذار عساهم الموت طلعت من قسم الطوارئ داخل للمستشفى لي كم يوم ماشفت غالية ولا لمحتها بروح اشوفها غصب عليها ولازم آخذ اللي ابيه ..
نزلت من مريضي في قسم التنويم رحت غرفتنا بعد الحاح من هند وبصراحة أحس بتعب دخلت استقبلتني هند وكانت لحالها : انا مو قلت لك ما تطلعين من الغرفة ماتسمعين والله لأعلم الدكتور فارس و انتِ بكيفك ازعلي وانفجري لو تبين
ماعطتني فرصة اتكلم : انطقي هنا زين بروح اطلع حالة من الاسعاف وجايه لك
غالية : طيب لا تتأخرين وأنا بروح عند الاستشاري بندر بستشيره بشغلة
لفيت ماشية من الغرفة طلعت جوالي و دقيت على الدكتور فارس علمته وينها ونزلت للإسعاف ............
/
\
/
\
كنت اريح بالغرفة شوي بعدت نقابي وطرحتي وقعدت اناظر الطاولة بسرحان هند راحت تنادي الدكتور فارس أنا استحي منه خصوصا معاملته معي و اعترافه لي انه كان يعتقدني اخته و القصة اللي حكاها لي تقطع قلبي حتى انا للحظة تمنيتني اخته يمكن اعيش حياة اكرم من ذي ،، قعدت افكر و افكر وتعمقت في عالمي غرقانه في بحر افكاري صحيت على يدينه اللي حوطتني و همسه الحار باذني كان يناديني لفيت اناظره صرخت فيه : بعد عني يا حقير
سعود بابتسامة : افااا شكلي ما جزت لك ياحلو بس صدقيني بعجبك
غالية : اطلع برا مابي اشوفك هنا
سعود : ليش رائد أحسن مني في وش ولا فارس اللي ما يندرى وش مسويه له
جمعت قوتي بايدي وعطيته كف ، صرخ فيني : يالـ ××××
قرب مني واخذني لحضنه بالقوة حاولت افلت منه ما قدرت صرخت بأعلى صوتي : يــا واطــي يــا حقــييييييير
حسيت الباب ينفتح بقوة دخل ما لمحته الا وهو فكه مني شفت سعود طايح على الارض من قوة الضرب انفجرت باكية
فارس يصرخ فيه وهو يسدد له ضربات : يا عديم التربية تهجم على بنات الناس وين دينك وين مبادئك
سعود وهو يتحاشى الضربات ويحاول يدافع عن نفسه : هه خليتها لك ولا حلال عليك حرام على غيرك
سكته بكف و ثاني يبي يطلع حرته فيه .. انفتح الباب رؤى و ياسمين ، كآن وقت بريكهم !
***
كنت واقف في البلكونه بعدما خلصت الشوربه وسمعت نصايح أناظر على جهة المسبح و الحديقة ورا البيت وبالي مشغول كنت افكر تذكرت الموقف اللي صار يوم رحت لعمي في شركته ....
دخلت عليه بشكل أشبه ما اكون مجنون كان في اجتماع مغلق ما طول فيه انتظرت حول 10 دقايق او اقل ودخلني سكرتيره عليه ..
: عمي سيف ليش سويت كذا فيني ليش دمرتنا ليش ليش ؟
سيف : وش سويت انا و دمرت مين
رائد : أنا و غالية و ... دلال
انصدم سيف بس ما وضح : اقعد يا رائد ارتاح
جلست وكلي اسئلة وحيرة : قولي فهمني اليوم مو طالع من عندك الا وانا عارف السالفة
سيف : قلي وش تعرف بالضبط عشان اقدر اتكلم
رائد : لا تقعد تلف وتدور علي ولا وربي ما عاد راح تسمع خبر عن غالية وحتى دلال
سيف ببرود رجع ظهره على كرسيه : أولا مو انت اللي تهددني فاهم والحين انطق وش تعرف عشان ابين لك .. تكلم
رائد : ليش دلال ساكنة ببيتي .. وش تبي فيها عند غالية ؟؟!!
سيف : ببساطة عشان اعرف اخبار بنتي و عشان تنقل لي وش يصير بينكم وش تسوي في بنتي وانا اقدر انتقم لها من معاملتك السيئة لها
رائد : انت اللي تحدني على السوء لها حتى مافكرت بتعاملك معي تخليني احبها كزوجة لي وش ذنبها وش ذنبي وش ذنب دلال اللي انحرمت ابسط حقوقها واشتغلت عند اختها والاذى الجسدي و النفسي اللي تحصله منك
سيف : لا تدخل في امور مالك فيها وعليك في غالية وبس
رائد : عمي ما راح اسألك انت وش كثر تحب غالية بس بسألك ليش تحبها هالكثر وليش سويت اللي سويته عشانها ؟
سيف : ما يخصك ويكون في علمك اني ما زوجتك اياها الا وانا واثق انك بتحميها من الدنيا لو انت ضريتها بنفسك
رائد : كل هذا حب لغالية ؟ وش مخليك واثق ؟
سيف : الاجابة داخلك انت جاوب نفسك لان انت بنفسك ما تقدر تأذيها و تخاف عليها بعد ولا لك نية تبعد عنها
رائد : تحبها ومعيشها بهالشكل على الاقل عرفها على ابوها ومنهم اهلها خل تفرح باقي حياتها 7 شهور وبتصير ام انت واعي وش اللي صاير !!
سيف : عارف وعارف اللي انت ما تشوفه وبنتظر الوقت المناسب عشان الخطوة حيل صعبة
رائد : لازم تفكر تطلع بناتك من اللي هم فيه لحق عليهم قبل يجي اليوم اللي ما تلقاهم فيه
سيف وقف ولف على الشباك : رائد دلال حكت لك ؟
رائد : يا عمي دلال فضلت غالية عليها قالت على الاقل وحده فينا تعيش حياة كريمة ماهمتني نفسي لو اضمن ان غالية و ولدها بيعيشون بسعادة .. عمي سيف بناتك اتقي الله فيهم
اذكر اني طلعت من بعدها و جيت للبيت .. بردآن !
منظري فوق سعود بكا غالية صدمت رؤى و ياسمين حسستني ببشاعة الموقف ما لقيت الا اني اقوم عنه دخلت في هاللحظة هند ومن يلومها لو تفاجأت هي الأخرى
هند بأعلى صوتها : وش فيكم وش صاير ، ناظرت في رؤى وياسمين اللي مبهتات في اماكنهم فارس متلخبط و سعود حالته حالة والادهى الدم ركضت لغالية اللي تبكي بشده وقهر حضنتها تشبثت فيني ..
لفيت اناظر حركة سعود اللي كان يمسح الدم من فمه : مانتهينا يا رخيصة !
بعدتني غالية بكل قوتها وصرخت فيه وهي تمسح دمعتها : روح الله لا يسامحك الله لا يسامحك
طلع فارس من الغرفة وهو ساحبه معه حاولت اهديها و افهم منها السالفة وهي تزيد في بكاها ومن بين شهقاتها : جاني بـ شَرّ !!
كل أنواع التعجب والاستفهام ظهرت علي معقولة وصلت فيه هالمواصيل ؟
رؤى بنفاد صبر : وقفت عليه كل هالمناحة لا تسوين انا الحساسه
ياسمين تهديها بهمس : مو وقته رؤى
صرخت فيها : الا وقته لمتى بنظل ساكتين وهي مسويه انا الـ ...
سكتها كف هند اللي عمرها بيوم ماتوقعته
كانت تبكي بشكل هستيري حاولت تهدي نفسها طلعت جوالها يا عمري رحمتها دموعها مو مخليتها تناظر الشاشة زين بعد جهد ، عدلت نبرة صوتها ومسحت دموعها رفعت الجوال على اذنها : رائد !
رائد : هلا
غالية : أنا حبيت اخبرك بس اني تعبت شوي برجع البيت
رائد : ليش وش صاير
غالية : لا مو شر بس ارهاق ظهري يألمني ماتحمل الوقفة بروح ارتاح
رائد : طيب وانتبهي على نفسك
غالية : خلاص ان شاء الله مع السلامة
حطت جوالها بقهر رجعت تبكي وتمسح دموعها وقامت ساهر تحت ينتظرها عدلت نفسها ولبست عبايتها
هند : غلو ريحي نفسك مايصير كل هذا يأثر عليك وعلى الجنين اهتمي بحالك عدل
غالية : بصير زينة ان شاء الله لا تخافين ناتالي تهتم فيني كأني بنتها
هند : اتطمن يعني
أومات براسها بايه ومشت .. وقفت شوي عند رؤى : آخر وحده توقعتها تشك بأخلاقي انتِ ، يا رؤى رائد زوجي !
مشت تاركه رؤى بكل انواع الصدمات وقفها صوت هند : غالية
لفت بدون ما ترد
هند : لا تداومين بينا تلفون
غالية : مع السلامة ، طلعت وقفلت الباب وراها ...~
***
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هُــمـــوم !
اخذت الكائن اللي معي مدري وش نوعه بصراحة بس الأكيد انه مو انسان ، نزلته للطوارئ وطلعت مكتبي قعدت بزهق ماتوقعت حياة المستشفى تكون كذا بغير المرضى و التعب معها مشاكل بين الممرضين بصراحة قرف ومشاكل اخلاقية بعد
سعود هذا من يومي ما اطيقه الله يصلحه يحسب كل الناس منحرفة مثله مر علي الوقت وانا مستغرق في تفكيري
انتبهت للساعة .. كانت نهاية الدوام ..~
***
دخلت البيت ناتالي لاحظت انهياري تعودت منها الحنان اخذتني لحضنها الشي الوحيد اللي اقدر اسويه ابكي وافرغ كل طاقة بكاي في حضنها ما تسألني ولا حاولت طول ما انا ما اقول لها بس اليوم حسيت اني ابي احكي لها
: ناتالي
ناتالي تناظرني بنظرة غريبة كأن اللي وراها شي
مآهتميت اللي فيني اكبر : تعالي بحكي معك
جلست بقربها وقلت بكل الحنان اللي عندي : احكي بس لا ترهقين عمرك عشانك وعشان البيبي مو زين لك
غالية بدت تحكي وتوقف تمسح دموعها وقلب دلال يتقطع لحال اختها اللي ما ذاقت الفرح و الراحة مثل الناس
ناتالي : قومي حبيبتي ارتاحي بغرفتك وبجيب لك شي خفيف تآكلينه
غالية : لا مابي مو مشتهية
ناتالي : مو لازم اعلمك انتِ ممرضة وادرى مني لازم تاكلين بجيب لك تفاحه
غالية : حسيتك ممرضتي
تغيرت ملامح ناتالي و كانت بتقوم حسيت فيها شديت على ايدها : صدقيني انتِ اختي اللي ما جابتها امي ابتسمت وقربت حيل مني ... ضمتني ..~
***
بعد صلاة العشاء كنت قاعد بغرفتي .. طفشآن حالتي حالة
طق علي باب الغرفة : تفضل
دخلت بخفه : اعتذر فارس بس العشاء جاهز
فارس : ان شاء الله اسبيقني بلحق عليك
شروق : لا ما فيه الحين
فارس : خلاص عاد شروق قلت لك بلحق عليك
شروق : no ، رجلي على رجلك ننزل سوا
بصراحه مالي نفس عشاء : بجي معك بس شويات
شروق تقعد مقابله : وهذي جلسة خلص شوياتك و ننزل سوا
ابتسمت في داخلي يا ربي وش كثر هالبنت نعومة وذوق ومرحه ياحظه اللي بياخذها امه داعية له
شروق : ليش تتأملني يلا اخلص علي ترى العشاء انا سويته اليوم
فارس : بجد طيب روحي لا يخلص عليك تعرفين اخوانك مهبل مفاجيع
شروق بتفكير : فارس وش شاغلك علمني ؟
فارس : موضوع اختنا المفقودة
شروق وقفت : لا تخآف فيه الله سبحانه بيظهرها لو بعد حين
فارس : آمين
***
من بعد ذاك اليوم رائد عرف وش صار في المستشفى ما خلاني اروح بس هند صارت تتواصل معي قالت لي إن سعود ما عاد ينشاف لانه راح قسم العناية المركزة ومحجرين عليه ما يطلع صارت علاقتي فيها جدا حلوة وتتطور تدق علي تطمن تسأل عن حالي اشتقت لها ودي اعرض عليها تجيني البيت بس اخاف اطرح الفكرة على رائد
على طاريه قال من حوالي اسبوع تجهزي فيه ضيوف بيزورنا بالبيت بس مدري بالضبط متى ومضى الاسبوع و انا انتظر
فرحانه ياعالم بطني برز شوي اشوفه بكره موعدي عندي دكتورتي اتفقت مع ناتالي بس ادخل الشهر السابع نروح نتقضى له ياعمري ناتالي فرحانه لي تقولون ولدها الله يقدرني اردها لها بعض اللي تسويه لي
رائد ما صار يحكي مع ناتالي و لايأمرها بشي بعكس اول حتى اول كنت اشوف نظراتهم لبعض عدم ارتياح ، انا لاحظت فيه تغيير بسيط بشخصيته بس لاحظت تغير كبير مع ناتالي ما علي منه اهم شي بدت تتحسن اخلاقه في البيت اتوقع هذا نضج لأنه بيصير أب فديته .. رن جوآلي رديت
: غالية تجهزي نص ساعة بجي معي الضيوف اللي قلت لك عنهم
غالية : طيب كم عددهم
رائد : ما عليك أنا متكلف بكل شي بيوصل من بره استقبليهم عدل هذا الاهم
غالية : طيب
رائد : صح وخلي ناتالي معك أنا يمكن اتأخر في الوصول عنهم
غالية : ان شاء الله اهم شي انتبه لنفسك
قفل مني ، قمت أتجهز ..~
***
هنادي : يمه ورا ما نسآفر صرنا ربيع و الناس معطلين
دانية : الله و العطلة كلها اسبوع
معاذ : احمدي ربك ولا تدرسين اربع شهور صف واحد
دانية : مايخصك
معاذ : يمه حاكي ابوي نبي نسافر كلّنا "شد على كلمة كلنا"
أم فارس : ابوك قال انت ما تروح ولا مكان وتستاهل
معاذ بضجر : يـــمــــه
دانية تضحك عليه : احسن
دخلت شروق : السلام عليكم
الكل : وعليكم السلام .. جلست معها كوب حليب بالفراولة تشربه
معاذ : وانتِ مثل الاطفال حليب فراولة ؟
أم فارس : وانت وش عليك من بنيتي ؟
دانية : يمه ما تعرفينه ما يقدر يمسك نفسه شوي
شروق : اسم الله علي حلال ابوي مو حلالك
أم فارس : شروق يمه وش الغداء اليوم ؟
شروق : اممم مفاجأة دآم وليد بيوصل بعد شوي لا تخافون بيعجبكم
دانية : ايه الحب و الدلع حق وليد بس ولا غيره مافيه
شروق : لا و انت الصادقه الحب للكل لوليد ولغيره
هنادي : ما شفنا هالغيره من ؟ اعطي امثله
شروق : ليش يعني أنا طآبخه صحن بس لوليد وسآحبه عليكم
معاذ : تسوينها خبز ايدي
ام فارس : يلا عاد احمدوا ربكم عندكم ان هالاخت صدق ما تستحون
هنادي : يمه متى بالضبط بيوصل وليد ؟
معاذ : ان شاء الله وحده ونص بيوصل المطار
دانية : من بيستقبله ؟
شروق : فارس
دانية بسرعة : لا لا وش رايكم نروح نستقبله حنا
معاذ : ايه يمه تكفين خل نستقبله
ام فارس : لا اخوكم بيجيبه
هنادي : يعني بيجي العصر
شروق : ايه يمه تكفين خليهم يروحون حرام يقعد كل هالوقت
ام فارس : خلاص بكلم فارس اشوف شوره .. طلعت وخلتهم
دانية : يا رب توافق يا رب
هنادي : وش كل ذا حب لوليد و لا الطلعه ؟
معاذ : هنادي بلاك ما جربتي الحبسة وقسم بيطلع لي نخل
رجعت ام فارس : خلاص بتروحون بس انتبهوا على انفسكم
معاذ و دانية يطامرون و يحضنون بعض : وه فديتك مآمتي
طلعوا مسرعين يبدلون
أم فارس و بناتها يضحكون : الله يكملهم بالعقل ...~
.
.
.
.
تم الجزء الحادي عشر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثاني عشر ~
ﯾﺂ ﻗ̮ـ̃ﻟﺑ ﻟﺂ ﭠﻗ̮ـ̃ﺳـﮯ ﭠگـﭬـﮯ
تجهزت انتظر الضيوف لبست بنطلون جينز أسود مع بلوزة حرير واسعة ملونه مابين اصفر و اخضر فاتح وخطوط رفيعة اسود فليت شعري اللي جعدته حطيت عليه طوق بورده كبيرة و اكتفيت بقلوس لشفايفي بس .. ما اشغلت بالي في التفكير جاتني ناتالي في الصالة قالت لي الضيوف وصلوا قمت وقفت وهي راحت تفتح الباب عشان يدخلون دخل رائد بالاول وقف بعيد عني تعجبت منه : رائد انت جيت
ما نطق ظل يناظرني و ناتالي واقفة ماسكه الباب وهو مفتوح معناه فيه احد بيدخل
قربت من رائد وفجأة دخل شخص ، صرت اناظر في الشخص ما جا في بالي اي تفسير ناظرته ناظرت رائد ناظرت ناتالي وكأنهم اللي يتحاشون بنظرهم عني ؛ من هذا ؟؟
رائد : حيآك يا عم تفضل
قفلت ناتالي الباب ،
: السلام عليكم
ناتالي رائد : وعليكم السلام
أنا لازلت بصدمتي اللي اشتدت علي يوم نطق رائد : أعرفك سيف بن عبدالعزيز ............ أبوك يا غالية
حست بسكاكين تغرس في بطني مو قادرة اوقف اكثر انحيت ورفعت راسي لرائد
: وش تقول انت !! نزلت دموعي بدون لا احس : ابوي ؟
سيف : غالية أنا ابوك
صرخت فيهم : لا تكذب علي انا ماعندي اب رائد ليش تسوي فيني كذا ليش
انهرت طحت على الارض موجوعة ومنهاره وكل شي قاعده ابكي بهستريا قربت مني ناتالي رفعتني على الكرسي وانا لازلت ابكي جابت لي كوب مويه هدتني : بس خلاص عشان البيبي ما يتحمل منك الزعل
صرخت فيها : شلون تبيني اهدى شلون
ما نطقت ظلت تتأملني رائد بعد عني بينما هالشخص يناظرني بنظرات عجزت افهمها
بعد دقايق صمت مرت كأنها ساعات ..
رائد : تفضل عمي ، دخلنا كلنا الصالة الداخلية المرتفعه بدرجتين
قبل لا يجلس همس لي : ما راح تسلمين على ابوك
رفعت راسي ناظرته : توك تعرف انك ابوي وينك عني من زمان ليش توك تعرف انك ابوي وينك وينك ؟
سيف بهدوء : أنا جاي اعلمك كل شي اتمنى تسامحيني انا قسيت عليك وعذبتك بعد بس كله غصب علي يوم كان تركي لامك صدقيني اني تركتكم بجسدي بس روحي وقلبي وعقلي معكم كنت البي طلباتها وطلباتك مابغيتكم تحتاجون احد ، جيت لك يوم زوجتك لرائد اللي بعدك عني ولا قام يوصل لي اخبارك قلبي انفطر عليك اضطريت اجيب ناتالي عفوا اختك دلال !
فتحت عيوني : ناتالي ... دلال ... اختي ... أنا عندي اخت !!
رائد : غالية ناتالي اسمها دلال وهي اختك بنت ابوك الكبيرة
حسيتني باطيح منهاره ثبتني رائد ناظرته ولفيت نظري لـ .. سيف و ناظرتها ناظرتني بترقب تشوف ردة فعلي ثم نزلت عينها
غالية : ناتالي انتِ دلال وتصيرين اختي ؟
ما رفعت راسها و جهها صاير احمر رحت لها رفعت راسها : احكي انت اختي احكي
رفعت راسها تناظر فيه عيونها غرقانة بالدموع صوتها اقرب لهمس هادئ : why you did it with me " ليش سويت فيني كذا ليش "
سيف : خلاص كافي ماعدت اتحمل
غالية تبكي : انا اللي مافيني اتحمل وش قاعد يصير وش كل هذا ؟
رائد : اهدي غالية الله يخليك شوي بس
جابت لي مويه وشربتني : سامحيني غالية مابيدي شي
سيف : غالية سامحي اختك هي مالها ذنب أنتم خوات الله يخليكم لبعض انا بنسحب من حياتكم ، لف على رائد : أمنتك الله ببناتي لا تضيعهم مثلي ....
لف يطلع من البيت واضح فيه الانكسار أنا عشت معه فترة وكنت اشوفه باجازاتي طول عمره قوي صلب مايهزه شي حتى يوم تضررت شركته بالبرازيل بسبب نواف ما انكسر كذا ولا حتى اهتز ....
أول مرة في حياتي قلبي يقسى .. و على أبوي !!!
***
الساعة 2:50 تأخرت المفروض من قبل اكون بالبيت ادري تأخرت على الغدا بس مو بايدي اضطريت ادخل بمريضة لجراحه العملية انتهت بنجاح بعدما تطمنت على المريضة انها بصحة واستقرت حالتها طلعت بروح البيت ... نص ساعة كانت تكفي اني ادخل البيت بعدها بسلامة ، فديتها شروق ما رضت احد يتغدا حتى وليد وابوي صبرته بخفايف تعرفون مرضى السكري
كانت تنتظرني وقفت يوم شافتني : هلا وغلا ابوي
فارس : هلا بك آسف تأخرت عليكم
نزل معاذ ناوي لي بهواش لاني سبب جوعهم خصوصا ان الاكل طبخ شروق لا يعلى عليه وسمع الكل منه بوصولي نزلوا للغدا ...
معاذ برفعة حاجب : أخيراً سيد فارس كنت ماجيت بعد
ابتسمت له : وش اسوي عاد عملية طارئه
دانية : وليش ماخليتنا نتغدا جوعانين كله منك
شروق : معاذ دانية خلاص عاد فارس حبيبي روح بدل و اغسل و تعال ننتظرك
دانية سكتت بينما معاذ بقهر: لا وش رايك روحي جهزي اوضاعه بعد مسكين يمكن مايعرف يبدل و يغسل بنفسه
وليد : معاذ لم لسانك كلنا جوعانين على الاقل انا واصل من السفر انت وش سويت
فارس : شفت كيف !
وليد : بزران و يظلون بزران
نزلت هنادي بركض وهي اللي كانت سامعة كلامنا من قبل
: فويرس وجع مت جووع و المشكلة الاكل يشهي ريحته واصله آخر الشارع
فارس : هههههههه آسف والله آسف بس دخلت جراحه عاجلة
وليد : الحمد لله على السلامة يلا عاد لا تطولونها
دانية : ايه بسرعه امي و ابوي ينتظروون في السفرة ...~
***
طلعت من المستشفى على طول للمطار استقبل امي فرحتي مو مصدقة انها خلاص بتعيش معي في الرياض في شقتنا .. كنا في طريقنا للبيت
أم رؤى : كيفك يمه وش مسويه بدنياك
رؤى : بخير يمه بخير من شفتك نسيت كل اللي راح
أم رؤى : الله يخليك لي يا يمه كنت اتمنى ترجعين الطائف اهون من القعده هنا
رؤى : يمه خلاص انسي ما راح يوصلون لنا يكفي وضعنا بعدين ماعندنا شي نخسره بعد شوفة عينك كل اللي عندي راتبي و ما ينتهي الشهر الا وهو مخلص قبله
أم رؤى : الله كريم يا بنتي الله كريم بيفتحها بوجهك يوم ويفرجها عليك
رؤى : آمين ايه يمه هذا اللي نبيه بس دعوآتك ورضاك
عآد فلتها امي ما صدقت خبر : يا جعلني اشوفك مع ولد الحلال على كوشتك و اشوف بناتك وعيالك يا رب
ابتسمت لها لفيت وجهي جهة الشباك تذكرت رائد .. و غالية ! ..~
***
ھَہّــۆ .... ﺂﺧـﯾ !
بعد صلاة المغرب كنت نازلة بروح السوق ملكتي نهاية هالاسبوع طبعا اخذت اذن بابا ، كان متعب طالع باتجاه الدرج مريت من جنبه ولا كلمته انا ماختلط فيهم كثير بعكس رهف لانها فرضت نفسها علي
متعب بحده : ما تسلمين ولا تسألين ؟
ياسمين : كيف حالك
متعب : بعد وش ..
ياسمين : آسفة ،، جيت بروح مسك ايدي استغربت حركته
: ياسمين انا آسف على ذاك اليوم واني جبرتـ ...
قطعت كلامه و انا ابوس راسه : ادري انك تبي مصلحتي
تفاجأ من حركتي و بصراحة حتى انا تفاجأت من نفسي
متعب : راضية علي ما زعلتي
ياسمين : متعب انت اخوي و مهما صار ما ترضالي الا اني اكون سعيدة وانا واثقة من اختيارك لي
ابتسم بوجهي : معناه اقدر اوديك للسوق
رديت له الابتسامة : لا تتعب عمرك بيوصلني السواق
نزلت رهف مسرعه كثير لدرجة انها طاحت على متعب اللي فقد توازنه و طاح
رفعها و قام : وش ذا حشى قبيلة مو وحده خفي اكل و خفي طفاقه بغيتي تذبحيني
انحرجت كثير : امممم متعب ما شفتك معليش
خرب لي شعري : دبه فديتك
كنت اناظرهم لاحظت في متعب حنان ماقد شفته لانه دايم معصب و برا البيت ماعرفه زين حتى يشبه ابوي خالد في طريقة كلامه
لفت لي رهف : سوس بجي معك كويس ما طلعتي
ياسمين : طيب جيبي عبايتك
متعب : بسرعة ولا بنرووح نخليك
ياسمين : متعب لا تتـ ..
متعب : اشششش مالك شغل بوصلكم وبتسوق معكم لازم اكشخ في ملكة اختي يمكن القى لي عرووس ما تدرين
ضحكنا من كلامه طلعت رهف ركض فديتها على خفتها وحركتها ما تنحف ... مدري وش السبب !
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك