رواية جمعتنا الصدف وفرقنا القدر -19
جلسوا البنات على مقاعدهم ..الابلة دخلت ومعاها اوراق لقت العفسة منصدمة:
الابلة: حسبي الله ونعم الوكيل منكم من بنات انتوا بنات
ريم تلعب بشعرها بدلاعة...
الأبلة:لآلآلآ شي ماينسكت عنه
الابلة نادت الناظره..ودخلتها الصف: شووفي شووفي بالله عليج
شراايج متأكدة انه انا في مدرسة بنات او أحلم
الناظرة ناظرت السبورة وهزت راسها: حسبي الله عليكم
شهد: أبلة هذا...
الناظرة قاطعتها: اشششش ولا كلمة وش تقوولين
الأبلة: لآلآ شي مو طبيعي انا طقة جبدي خلااص ماابي أدرس
هالصف تعبووني بيجلطوووني مآآقدر
الناظرة: كلكم وقفواا
البنات وقفوا...الناظرة: تدرون شنوا عقابكم اليوم
البنات: شنوا.....
@@@@@@@@@@@@@@@@@@@@@@@@@@@@@@@@@
لمآ بالجامعة من الصبح تضحك مع ربعها: اقوولج ايه هههههههههههه
ماسوينه سوايات
هيفاء: ههههههه اما عاد هالمقلب قوووي طيحتوه صج قوووية طلعتو ارجال هههه
لمآ: عمة بعينج ارجااال
هيفاء: يلا نروح الكفتيريا>>>>
ملاحظة : هيفاء مو متحجبة
لمآ : يلا..مشت لما وهيفاء مع بعض للكفتيريا والوناسة والضحك مو امفارقة شفاتهم
هيفاء ساندة نفسها على الطاولة: لا هنتي ورق عنب وكثري من الصلصة
لمآ: حلفي عآآد اشتغل عند رجلج و اؤنة مآدري كثري من الصلصة
لا شرايج بعد البس القبعة البيضة والقفازات واطبخ لج
هيفاء: أحلى بتكون من يدج
لمآ انحرجت: انجبي بس اقوول
هيفاء بمرح من خلفها امجودة كتفها: ههههه عمري زعلتي
لمآ: وخري شيلي يدج لآ مازعل وازعل من من؟ منج انتي يالهبلة يالخبلة عاآدي
تعودنه على بعض هههههههههههههه
هيفاء عضت شفاتها وضربتها بخفة على كتفها: يلا يالدفشة
لمآ: شايفتني انا الي اطبخ انتظري
هيفاء: تيييب..مشت هيفاء بتجلس على طاولة الكفتيريا بتدرس اصطدمت بشاب
وطاحت كتبها ..هيفاء انحرجت: آيم سو سوري
...نزل بياخذ الكتب بيعطيها اياه...ونفس الشي لمآ نزلت بتآخذ كتبها
واصطدم راسها براسها وتلامست يدها بيده اول مانزلت بتاخذ الكتب واصطدموا في بعض
هيفاء قلب وجها الوان حست باحراج مو طبيعي
...:أنا آسف
هيفاء أخذت الكتب ومشت عنه بصمت من زود الاحراج الي قلبها
..أخذ يمشي عنها ويلف لها يناظرها مو عارف يمشي
هيفاء تناظر الكتاب وتحس احد يطالعها..اختفت كل ملامحها وحست باحراج
لمآ وفي يدها الورق العنب: ووجع تعاالي شيليه من يدي
هيفاء: خليه على الطاولة
لمآ نزلت الورق عنب اشوي اشوي على الطاولة: شفيج
قلبتي وملامحج اختفت
هيفاء حملت كتبها بيدينها: يلا نمشي
لمآ وهيه تآكل الورق عنب: خلينه نقعد اشوي على شنوا مستعجلة
هيفاء: يلا اذا بتجين معاي براحتج ماتبين هم بعد نفس الشي
لمآ أخذت الأكل من فوق الطاولة: اففف الواحد مايرتاح
لمآ تستوقفها بنص الجامعة: تعآلي بيتنا
هيفاء: اوكي
............
@@@@@@@@@@@@@@@@@@@@@@@@@@@@@@@@@
الناظرة: اسبووع كاامل تنظفون المدرسة
نور: وشهووووو انا أنظف وأخم واشيل القاذورات
الناظرة بحزم وعصبية: لآلآآآآ والي سوويته مو قذارة
نور حقرتها بغرور صادتها....في هاللحظة طق جرس الفسحة
الناظرة بشدة: ماراح اطوفها راح أخليكم تطلعون بس العقاب
بيتطبق من بااجر والله ثم والله اذا ماشفت الساحة نظيفة
كلكم فصل مفهووم ولا لآلآ؟
الطالبات:....
الناظرة طلعت من الصف..الابلة: منتو بنات والله
البنات طلعوا من الصف وكل وحدة تضحك على الثانية
ريم: ههههههههه واااي وناااسة
نور قعدت جنب نافورة المدرسة: بنات تعالوا نقعد
ريم : ابتسامو تعالي
ابتسام: ماااني
ريم: واااي يا شين السرج على البقر تعاالي يلا تعاالي
شهد قدت جنب ريم
رهف تدور صديقتها..لقتها قاعدة مع بنات وكل وحدة تصفق بيدها
وتضحك ..تقدمت لها وهيه تتخصر: شهدو وصمة صار لي ساعة ادورج
شهد والضحكة في فمها: تعاالي قعدي معانا القعدة ماتنمل ونااسة
رهف: يصير
نور سحبتها وقعدتها جنبها: حيااج شسمج
رهف بخجل: رهف
نور: هاااه انضميتي لشلة بنضعفج فيج دبة صغنونة كانج بالشهر الأول
البنات: هههههههههههههههههه
شهد: لا تحرجينها
رهف: لآ عاااتي
دانا قعدت جنب ريم
ريم: شفيج تتخششين
نور لاحظت دانا واحتقرتها بنظرات قوية
شهد أخذت ماء النافورة ورمته على البنات: هي نبي نستاانس
نور: اوم مايقود انا تبللييني
ابتسام: وي عشتوا هههه ومن انتي حالج من حالنا وأخذت الموية
بيدها ورتها على نور
نور: خلاااص بدينه هههههه وأخذ الموية بيدها ورمتها على رهف
رهف: هيييييي انتي ..رهف أخذ العصير بللت فيه دانا وريم وابتسام
نور راحت ورى دانا بخفة ماتدري انها دانا وأخذتها رمتها بالمزرعة والرمل والورد
نور: هههههههههههه
دانا أخذت الرمل رمته على نور والابتسامة على وجها: ووجع ههههه
نور الي كانت تضحك وفجأة اختفت ابتسامتها وبداخلها يؤؤ انا مزحت مع البوية
اففف ماراح احسسها بشي الحين وبتسمت من جديد: يوجعج قولي آمين
دانا قامت من على الرمل وأخذت الرشاش رشته على البنات كلهم
ريم: اووووف عفستي لووكي واستاايلي
دانا أخذت الرشاش رشت فيه نور وكل البنات
نور: بنات هجووووووووم
دخلوا البنات كلهم على دانا وهجمو عليها وكل وحدة تضرب في الثانية وترمي
الرمل عليها
دانا الي أول مرة من دخلت الثانوية تكلمت بصوتها الأنوثي: بس ذبحتوني هههه
ريم اول مرة اسمعها تتكلم بصوتها الطبيعي : دانو انتي الي بديتي
السكرتيرة صادتهم: وه وه وه طلعواااا خربتوا الأزهار
طلعوا البنات وهمة متلعوزين من فوق لتحت
وقعدوا كل البنات جنب النافورة وطاقينها سوالف ودانا معاهم طبعا
السكرتيرة ناظرت لهم بحب وبداخلها ياحليلهم من بنات ...وتقدمت لهم
وقعدت معاهم جنب النافورة: انا الحين بقعد وبشوف شنهي سوالفكم
رهف: حيااج حيااج حبيبتي
البنات يدزون فيها: هههه هي مو اصغر عيالج
رهف : عاادي ههه
السكرتيرة: امووت وأعرف انتوا البنات شنوا سوالفكم
نور: سوالفنا كلا عن الموضات وهالاخرابيط والمسلسلات والمدبلجات
السكرتيرة: شنوا المدبلجات الي تطالعونها
نور: انا اتابع الحب المستحيل
دانا: انا نور ومهند
رهف: انا جوليانا
ابتسام: وانا روزليندا
السكرتيرة: اصلا هذي المدبلجات الي تطالعونها ماراح تجيب لكم
الا الخراب والدمار
نور:لآلآلآلآ بالعكس تابعي الحب المستحيل يجنن
السكرتيرة: لآ انا اتابع عاصي لانه مسلسل اجتماعي
نور بداخلها عشتوا اجتماعي: ايييه حتى مسلسلا عجيييب
تابعي الحب المستحيل وخبريني برايج شرط تقولين ذوقي رهيب
السكرتيرة: اليوم بتاابعها وبشووف عن شنوا يتكلم
نور: تييب
السكرتيرة: يلا اخليكم وراي شغل
نور: الله معاج
دق الجرس يلا على السبورة
ابتسام: يلا دق الجرس
نور تقوم وهيه تنفظ الرمل من مريولها: يلاا
واتجهوا للفصل لقوا المعلمة قدامهم
ريم: يلا بنااااااات الأبلة قدامنا
نور: عااتي
الابلة دخل والبنات وراها
دانا اتسوي بيدينها قراعين من ورى الأبلة
الأبلة: يلا دخلوااااا
نور دخلت بدلاعة ومياعة الصف ونفس الشي ريم..اما دانا دخلت بدلخ.....
الأبلة: يلا فتحوا دفااتركم ونقلوا الي على السبورة
البنات فتحوا دفاترهم بتعب بعد مارجعوا من الفسحة ونقلوا الي على السبورة
بكل هدوء .............. دق الباب
الابلة: تفضل
...: هذي الاوراق ورزعيها على الطالبات
الابلة: اووكي
الابلة ورزعت الاوراق
نور: رحلة
ريم: سياحة
الابلة: هدوووء
شهد: يوم المفضوح ههههه((المفتوح))
الابلة بصرخة: هدووووء والاوراق تجي باجر موقعة
....بعد كل الحصص انتهى دوام المدرسة ودق الجرس
سلطان مع محمد ولد خالته
سلطان: طفش والشمس ضاربة
محمد: دور لك وحدة
سلطان: انا ماعرف لهاسوالف
محمد: عجل شنوا تعرف
سلطان: اعرف بس للمغازل والرجة واخربط هههه ماحب اربط نفسي
محمد: اشلون تربط نفسك
سلطان: انا وين والحب وين ماحب اعور رااسي وثاانيا اخااف تخوني
وانا انسان أحب الحياة الحياة حلووة مآحب يوم من الأيام قلبي ينكسر
ولا احب الحزن ماحب اكون حزين ماحب العب ببنات الناس
ولا احب يلعب أحد في اخواتي انا ماعرف لهاسوالف لاتخربني هههه
محمد: هههه بسيطة احجزها من أهلها وبجذي بتضمن انها لك
سلطان: مآدري ..اقول لاتدخل الفكرة في بالي ههههه مو نااقص
محمد: بالعكس شي حلو انك تتزوج بنت قبل الزواج وتتتعرفون على بعض
واتشوفون اذا انتوا تصلحون لبعض ولا لا وتشتركون في بعض الاشياء وشخصيتكم
تتجاذب مع بعضها او لا يعني هيك افهم يالغبي
سلطان بتفكير: اممم اتهقى جذي
محمد: اييه وش تبي بالزواج التقليدي تاخذ وحدة وتنصم وحبكم يدوم سنة سنتين
بعدها يختفي وعواار راس وكل واحد يسب الثاني والميانة تطيح هههه
محمد: يعني اذا حبيت لك وحدة قبل الزواج بتكونون متعودين على بعض
وكل واحد يعرف طبع الثاني اما الزواج التقليدي ماتظمن روحك يا خوك
سلطان: لآ موشرط الزواج التقليدي نااااجح قصص الحب الي الواحد
مايضمن روحه
محمد:لآ على حسب شخصيتك شوف البنت الي تناسبك راقبها
كلمها مرة مرتين لقيتها مناسبة لك واصل مالقيتها مناسبة لك جهنم
سلطان والشيطان يلف ويدور: لآتخربني هااه هههه
محمد: لا مآخربك بس قصص الحب ماآ اقولك انها ناجحة
لآ في قصص الحب ناجحة وفي فاشلة وانت وطريقة حياتك واشلون تمشيها
والذكي يعرف يختار فهمت ولا لا
سلطان يناظر بنات الثانوية الي انتهى دوامهم وطلعوا من فصولهم
سلطان فتح الدريشة: هيييي
البنت: اتفووو عليك يا قليل التربية ..ومشت عنه
سلطان سكر الدريشة: اقولك مالنا حظ هههههه حظي ردي وين ماطقها عوجة
محمد ضربه على راسه: يالغبي مو جذي وهذا انت خبير تسوي جذي
سلطان رجع كرسي السيارة للخلف وبطح روحه: مآعرف لاتخربني انا احب الحياة
محمد قلد عليه: مآعرف لاتخربني انا احب الحياة مالت عليك ياطمطم
سلطان عدل قعدته: الحين انا ابي افهم انت وشلك بهسوالف وش تبي فيها هااه
محمد: هههه مشاعر وحب وقلب وتفاهم ووو ماقدر اوصف تقول شنوا
سلطان: اهاااااا
محمد: اكو البنات واايد اختار الي تبيه والي تعجبك
سلطان:لآلآلآ
محمد: شنو لآلآلآلآ
سلطان: مالي بالبنات هذولا عندهم أهل واعتبرهم خواتي محمد خلاااص
سكر الموضوووع انت ماااتفهم
محمد: جهنم الي تحرقك
سلطان: اييه خلاااص
ريم ونور وشلتها...طلعوا من الفصل
نور: اوووف حر مو طبيعي
ريم: وووع الا الحر مااطيقه ومايتناسب مع بشرتي الحسااسة
شهد: اشوي اشوي لايطب السانج يم بشرة حسااسة
نور: هييي لآ تتهاوشون لنا وين السواق
سلطان الي شاف نور ولا اراديا عدل قعدته: بلى بلى هذي هي بلىىىى
محمد: هاااه غيرت رايك
سلطان: اسكت اقول اسكت
دانا ورهف لقوا سواقهم: شهد تعالي نوصلج بيتكم مو بعيد عننا
شهد: اووكي يلا بيبااي بنات
نور وريم: بايات
شهد اول ماركبت السيارة: اف على طوول بسبح
رهف: ايه صددقتي يبي لنا سباحة
نور: اففففففففففف أكره ماعلي يتأخر السواق
ريم تتحرك يمين ويسار تحاتي بشرتها وخايفة امجودتها من الشمس
ريم: وااي اهئئ بشرتي السوااق بذبحه اهئئ الا بشري يااااي
نور: اثقلي اقوول وبلا خبال علي بشرتي وبشرتي الشمس اصلا لو تشوفج
تشرد مو انتي الي تخافين منها اهيه الي تخاف منج قل اعوذ برب الفلق
ريم ضربتها بمرح: ووجع يانورو ههههه
سلطان والانتقام يسري بدمه: انا للحين مانسيت آخر موقف و لآ راح أطوفه
محمد: سلطان عن شنوا تتكلم
نور شيلتها طاحت على كتفها وأخذت تعدلها ..طلعت موبايلها من الشنطة
نور: الووو
أحمد: هلاآ
نور:أحمد وين السوااق انذبحنه ترى
أحمد: يؤؤؤ نسيت اقوله يمر عليج لانة خبرج عطيته اجازة
نور: وووووووجع
أحمد: هيييي عرفي مع من تتكلمين
نور أخذت بخاطرها من أحمد وبحزن: تييب آسفة من الحين بيجيبني القصر
أحمد: ماعليه انا الي آسف راح اخلي سواقي الخاص يمر عليج
نور: تييب انا انتظر
ريم طلعت لها كلينكس من شنطتها الوردية: اوووف متى بيرحمونه
نور: ماآدري بس قريب تعالي نقعد بالمظلة
ريم: يلاا
سلطان نزل نظارته الشمسة ومسكها بيده اليسار: خاطري اسطرها
محمد: من ههههه
سلطان: طااالع شووف البنت الي لون عيونها عسلي
محمد: الي عيونهم عسلي وايد اي وحدة تقصد
سلطان : الي قاعدة بالمظلة
محمد لف له وعيونه تلمع: وش ناوي عليه
سلطان: بنزل بتعلف
محمد:غبي اعرف شلون تكسب البنت مو وقلد عليه بتعلف
سلطان نزل من السيارة واتجه لنور وريم الي قاعدين بالمظلة
محمد يصارخ عليه: لآلآ تتهور يا سلطااان ترى النار للحين بيدك
لاتتسرع وتندم بالآخير
سلطان وقف لحظات من كلام محمد وضغط على يده بقوة: اففففف
سلطان تراجع عن حركته ورد ركب السيارة: على قولتك
محمد: شفيك انت مااتفهم ولا بعد توك عاطني محاظرة عن البنات عندهم اهل
وووو الخ نسيت الكلام مدااه يتبخر
سلطان بتردد: مآدري بس
محمد: شنوا حبيتها
سلطان: هههه اقول حرك حرك خل نشتري لنا كولا نبرد على قلبنه
محمد: سلطان
سلطان يناظر نور الي مافارقت خياله: هااااه
سلطان يناظر نور الي مافارقت خياله: هااااه
محمد وهوا يحرك السيارة يناظر للخلف: فكر زين قبل اي خطوة
سلطان لا اراديا: دخلت مزآجي شسوي
محمد باستغراب وقف: شنوااااااااا
سلطان تبلعم: هاااه لآلآ ولشي اقصد ـ.. اقووول يلا حررررررك
محمد حرك: على رااحتك
نور وريم جالسين تحت المظلة جاء السواق
ريم: خاطري احط حرتي في واحد الحين
نور: اشوي اشوي هذا مو سواقنه سواق اخوي الخاص يعني نسكت وننطم
ريم بدلاعة: عشتووووا اشدخ راسه وينطم ويسكت بعد
نور بصوت هادء: يالخبلة شفيج هذا مو هندي او الماني او فرنسي هذا عربي
حاله من حالنا
ريم: يؤؤؤؤؤؤ
نور: ايه يالهبلة
ريم: اممم والله مآدري على كل عموم خل يوصلني انا اول
نور وهيه تفتح الشال اشوي تبي تتنفس: تييب
ريم : نسيت أسألج عن تركي
نور حست باحراج مو طبيعي ونبضات قلبها تتسارع من سمعت اسم تركي: هااه
السواق وقف عند فلة ريم: يلا تشااو اشوفج بالسكول تقولين لي كلشي
نور باحراج: تييب سيوو
بعد مرور خمس دقاايق من مرور الوقت والساايق الخاص بـ أحمد يسوق
ونور بعالم ثاني عالم تركي
دانيال:سيدة نور وصلنا
نور أخذت الشيلة رمتها على كتفها ونزلت من السيارة
دانيال: سيدة نور حقيبتج؟
نور مشت عنه: ارمها بالخمام وافكني اتسوي خير
دانيال ابتسم ابتسامة باهتة وأخذ الشنطة دخلها داخل الغرفة وخلاها بالصالة ....
سهام الي دوم معجبة بـ دانيال على الرغم انه موظف يشتغل عندهم
سهام بصوت انوثي ممزوج ببحة: دانيال
دانيال الي تنهد ولف لها امنزل راسه: نعم عمتي
سهام: لاتقول عمتي اسمي سهام
دانيال: انا عبد مأمور طال عمره أحمد قالي مآعآمل أحد رسمي
سهام: بس انا قلتلك تناديني سهام
دانيال رن موبايله: تأخرت عن اذنج
سهام ندمت على كلامها: اوكي اذنك معاك
دانيال طلع من القصر: ووه مابغيت ..واتجه لقصر أحمد.......
سهام: افففففف ووويع يعني انا الله يهداني مآعرف امسك نفسي
نور من فوق الدرج رمت السويت عليها : هاااه القلب محتار ههههه
سهام أخذت السويت الي انرمى على راسها وفتحته: عاادي
نور: يلا يا بنت العم انا بروح بنام قعدي بروحج
سهام: وين مناآلو
نور: اربعة وعشرين ساعة مقفلة على روحها الدار ماآدري شفيها
سهام: اهااا تييب انقلعي انتي بقعد بطالع التلفزيون
نور ركبت فوق الدرج وهيه تسوي لها مالت عليج....
سهام بلحست لهآ وقعدت تشآهد التلفزيون
@@@@@@@@@@@@@@@@@@@@@@@@@@@@@@
ملاك الي محبووسة اول ماقعدت ماتدري وين تروح والأبواب مقفلة عليها
دانيال: طال عمرك وصلت أختك مثل مآمرتني
أحمد وفي يده الأوراق يناظرها بتعب رماها على جنب: اهاا مآتقصر
دانيال امنزل راسه: هذا الواجب
أحمد: اقعد
دانيال منحرج من أحمد قعد على الكرسي والطاوله قباله عليها لعبة
شطرنجـ......
أحمد يبي يفرفش عن نفسه اشوي..قام من على كرسي مكتبه,,وجلس
قبال دانيال: يلا ورني شطارتك
دانيال: هههه مآتحداك ماني من قدك
أحمد : العب لا تخاف لهدرجة مستسلم من البداية هههه
ابراهيم واقف يناظرهم
أحمد: تعال اقعد ابراهيم
ابراهيم قعد بالوسط: يلا انا الحكم
أحمد: اووكي
ملاك : افففف مآدري استااذ أحمد بيتكرم علي وبيرحمني
أحمد حرك الوزير: بسويك كش ماوت
دانيال: قلتلك عطيتك ايااها من البداية انت الفايز
أحمد: خلك قووي هههه
ابرااهيم: طال عمرك اليوم السرك
أحمد الي وقف لا اراديا: انا اشلون نسيت
ابراهيم: شنوا
أحمد اتجه للباب ابسرعة وفتحه: هاااه بلا غش مفهووم وغمز لهم وطلع
ملاك صار لها اليوم الثاني عند أحمد فتحت الخزانة لقت ملابس تسبحت ولبست لها
بجامة وفتحة الثلاجة أخذت لها جوافة تآكل وقعدت فوق طاولة المطبخ تدندن
أحمد على طول بسرعة فتح الباب يدور ملاك: انا اشلون نسيتها
ملاك تغني اغنية أمريكية وهيه تآكل تنتظر الفرج عليهاآ.أحمد تقدم بخطوات
واطية ..ووقف خلف باب المطبخ يسمع صوتها
أحمد: تغني بعد
ملاك أخذت لها البرتقالة ترميها في الهواء وتلقفها
أحمد دخل اشوي اشوي من غير مايحدث اي ضجة ..مشى بخطوات ساكنة
وهوا يمشي اصطدم بالسكين وطاحت على الارض
ملاك تخرعت وعلى طول طاحت البرتقالة من يدها..على الأرض ولفت على ورى
ملاك بخوف:أحمد
أحمد بهدوء نزل بكل تواضع وأخذ السكينة من على الأرض وخلاها فوق الطاولة
أحمد وهوا يخلي يده بجيبه: هااااه تآكلين
ملاآك تناظر للجوافة الي بيدها وابتسمت: ليش تبيها
أحمد نظر لبرائتها وحلاوتها ابتسم بهدوء: لآ مشكورة بس تقدرين تطلعين
ملاك طلعت من المطبخ بسرعة ..أحمد طلع وراها شافها محتارة
أحمد: شدورين
ملاآك: عبايتي
أحمد: العبايات تارسين الخزانة اختاري الي تبينه
ملاك انحرجت من تصرفه معاها وكرمه: تيب بس برجعها في اقرب وقت
أحمد: حلال عليج ببلاش
ملاك قلب وجها الوان وأخذت لها عباية فيها كرستال أسود فخم من قدام
العباية والشيلة تبعها زخارفها ناعمة ومرصعة بالكرستال الفاخر
ملاك لبستها وطلعت أنيقة وستايل بها..
أحمد تقرب: لآيق عليج
ملاك حست بتقربه يزيد ابتعدت ونزلت راسها على الارض
ملاك: ممكن لو سمحت أحد من خدمك يوصلني الطريق بعيد
أحمد: مثل مآخذتج عندي راح اردج بنفسي يلا قدامي اشوف
ملاك بداخلها واااو غريب والله امس انسان واليوم انسان ثاني
هذا شكله مجنون ولا لآلآ جزء من المخ مفقود ههههه
أحمد لاحظ ابتسامتها الممزوجة بضحكة خفيفة
وابتسم على شكلها: ضحكينه
ملاك قلب وجها الوان وانحرجت: آسفة مو قصدي ..
أحمد: يلا قدام نمشي
ملاك انحرجت تقدمت قدامه واتحس نفسها ماتسوى قدام طوله وجسمه الرجولي
أحمد مشى خلفها ملاك ناظرت للخلف لقت أحمد وزاد احراجها واحد غريب
يمشي معاها
أحمد: شفيج موب عارفة تمشين
ملاك منحرجة لانها متقدمة عليه اشوي وصوت ممزوج بدلاعة:ولشي
أحمد: يلا ركبي
ملاك ركبت وهيه معاه
أحمد يبي يخوفها: تهقين وين بوديج
ملاك حست بخوف: شلون يعني وين بتوديني؟
أحمد:خمني..!
ملاك بطبعها خوافة وتنرفزت من اسلوبه: ابليييز أحمد
أحمد حط رجل على رجل وعطره الفواح امغطي معطر السيارة
أحمد: لآتصدقين عمرج مو انا أحمد اقرب من أشكالج
ملاك بعصبية: اقوول متى بووصل
أحمد: انتي المفروض تبوسين يدي وجبيني بعد انه انا أحمد المشهور
اركب معاج
ملاك: والله يا هانم انا ماعامل الناس مقامات وماتهمني مشهور
ومايهمني من تكون ولا ولد من حتى
أحمد ارتفع ضغطه انه وحده قللت من قيمته وحسسته انه ولشي وصغير
وفي نبرة صوته انتقام: اوكي
ملاك مستحيل اخليه يوديني بيتنه تالي يغربلني: مو هالفة
أحمد: وين
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك