رواية جمعتنا الصدف وفرقنا القدر -20
ملاك بطبعها خوافة وتنرفزت من اسلوبه: ابليييز أحمد
أحمد حط رجل على رجل وعطره الفواح امغطي معطر السيارة
أحمد: لآتصدقين عمرج مو انا أحمد اقرب من أشكالج
ملاك بعصبية: اقوول متى بووصل
أحمد: انتي المفروض تبوسين يدي وجبيني بعد انه انا أحمد المشهور
اركب معاج
ملاك: والله يا هانم انا ماعامل الناس مقامات وماتهمني مشهور
ومايهمني من تكون ولا ولد من حتى
أحمد ارتفع ضغطه انه وحده قللت من قيمته وحسسته انه ولشي وصغير
وفي نبرة صوته انتقام: اوكي
ملاك مستحيل اخليه يوديني بيتنه تالي يغربلني: مو هالفة
أحمد: وين
ملاك: تاخذ هالطريق
أحمد بتفكير غزير: اوممممممم اووكي
ملاك حاسة نفسها لايعة جبدها من أحمد بس ماتدري شسبب
أحمد لقى زقاير بعلبة السيارة الشيطان يلف عليه آخذ اشرب
لآلآلآ مضر لآلآلآ بطير بعالم الخيال
أحمد ناظر لعلبة الزقاير ومد يده بتردد..مد يده للعلبة وأخذ زقارة بيطلعها
ملاك لا اراديا ضربت يده..أحمد ارتعش من ضربتها وصحة على نفسه
ملاك انحرررجت وبداخلها انا ليش سويت جذي وش يفكني الحين
ملاك: مو قصدي اضرب يدك بس الزقارة مضرة
أحمد لمسة يدها والضربة مافارقت خياله اول مرة بنت تمد يدها عليه
أحمد متعجب والتزم الصمت
ملاك:آآآآآسفة
أحمد التفت لها ناظرها ناظرة استغراب وبعد عينه عنها بحقارة
ملاك حست بخوف من نظراته ونزلت من السيارة: مشكوور
أحمد صك الدريشة من غير مايرد عليها وحرك السيارة بسرعة وبريك قوي
والرمل تطاير على ملاك
ملاك بقهرر: اهئئئ مالت عليه وعلى الي يركضون وراه فوقه
ودقت الجرس...
ام لمآ فتحت الباب لقت ملاك وسحبتها بالأحضان: ملوووووووكة
حبيبتي انتي وووحشتيني شخباااركم شعلوومكم شمسووين
ملاك انحرجت ماعرفت شتقول وخصوصا وهيه واقفة على الباب
ملاك باست خالتها: هلا خالة وحشتووني موووووووووووت
ام لمآ لاحظت وقفتهم على الباب والي رايح والي جاي يشوفهم
ام لمآ: هههه آسفة ي قلبي بس والله ماعرفت شقوول من زمان عنكم وآخر مرة شفتكم
بالمزرعة وصار الي صار حيااج حبيبتي حيااج
ملاج منحرجة: مشكورة خالة ..ودخلت مع خالتها..و ركبوا مع بعص لصالة العلوية
ام لمآ دخلت المطبخ وأخذت كاسين عصير برتقال و قدمتهم لملآك: حي الله من جانا
ملاك بالعباية المطرزة من قدام بالكرستال الفخم الآمع بكل نعومة آخذت الكاس
ملاك بكل ذوق : الله يحيج خالة
ام محمد...ام لمآ رفعت جلابيتها خفيفة وناعمة في نفس الوقت وقعدت على الكرسي
ام محمد: شخبااركم شمسووين
ملاك ببتسامة: الحمدالله تمام نسأل عنكم..بس
ام محمد تناظر لملاآك بحب: بس شنوا حبيبتي؟
ملاك: خالة انا راح اصارحج بشي بس اوعديني ماتقولين لحد
محمد الي توه واصل من الهياتة بالشوارع
ركب بكل تعب لدرج ...وهوا يسمع أصوات وقف ثواني خلف الصالة
ملاك: خالة انا اتعرضت لحادث بس محد يدري من أهلي ولاآ ابي احد يدري
والحمدالله انا الحين بخير بفضل رب العالمين بس الي ابيه منج شي وآحد وهذي امنية
لو حققتيها بكون ممنونة لج طول عمري
ام محمد باستغراب: اعيوني لج تدللي
ملاك منحرجة: ابيج تقولين لهم اني من البارحة لليوم كنت عندج وانج طلبتيني
الله يخليج ..وتقدمت لخالتها بعبايتها الثقيلة بالكرستال ونزلت قعدت على الأرض
وباست يدها ودمعتها طاحت ...ارجوج خالتي هذي امنيتي مابيج تخبرين أحد
ابيه يكون سر بيني وبينج ودفنت راسها بحضن ام محمد تبي تعوض حنان الأم الي مفتقدته
ام محمد شالت راسها: اووعدج بس انتي الحين قوومي
ملاك ببتسامة مثل السوار الي تقيد كل ناظر لهآ: هههه جد والله انتي احلى خالة
بالكون كله
ام محمد: انتي مثل بنتي واذا الارض ما شالتج اعيوني تشيلج بس شسالفة
ملاك أخذت يد خالتها ومسكتها: مآقدر
ام محمد: ليش؟
ملاك: مآدري بس اذا جا الوقت الي اقول راح اقول
محمد خلف الجدار الي يفصل بينهم فقط الجدار وسمع كلمة كلمة قالتها ملاك
محمد ابتسم بخبث وبهمسات مايسمعها الا هو: وآخيرا بيتحقق حلمي
وبتكونين لي يا ملاك لقيت شي امسكه عليج يسسسسسسس
ملاك: اقول خالة عمري وين لموي
محمد نزل اشوي كم طبقة من الدرج سو نفسه توه واصل يركب الدرج ويتحمحم
ملاك عدلت نفسها وقعدت بسرعة على الكراسي
محمد لقى ملاك بستايل فظيع جذااب وفوق هذا لايق عليهآ: سلام عليكم
ملاك امنزلة راسها بحياء: وعليكم السلام
محمد: شخبارج؟
ملاك بصوت خافت قالب لونها أحمر: الحمدالله تمام
محمد: يلا اخليكم بروح داري
ام محمد تضرب نغزات لولدها عن ملاك: خذ راحتك
محمد فهم لهآ وابتسم ابتسامة باهته ودخل غرفته....
ملاك انحرجت من نظراتهم ورفعت راسها: خالة ممكن ادخل غرفة لمآ
اذا ممكن...
ام محمد ضحكة على شكلها: ههههه البيت بيتج يا عيوني سوي الي تبيه عنوني
محمد قعد على السرير: في هالجمال وهالدلال والولع اشهد انج منتي بسهلة
ملاك فتحت غرفة لمآ لقتها عفسة: ههه هذي لميو ماتتغير..فصخت عبايتها ورمتها
على السرير.... أخذت ملاك ترتب الغرفة وتعدلها وخلت كلشي بمكانه ونظفتها
وشغلت انارة خفيفة وبعد كل هالتنظيف..لقت العطر الفواحه مرمي خلف جهاز الكمبيوتر
أخذته ونظفته لانه اشوي عليه غبار..وشغلته علشان يعطي الغرفة رائحة أزكى
لمآ اول ماوصلت من الجامعة فتحت غرفتها وانصدمت وأخذت تحك عيونها
لمآ: هذي غرفتي وبصرخة من الي ررررررتبهاآ
ملاك: انتي متى بتترتبين هاااه حتى يوم رحتي الجامعة ماعقلتي
لمآ: لآ وثاانيا انا ماحب اشوف غرفتي جذي مرتبة
ملاك: ووووويع لوعتي جبدي خلج أنيقة اشوي انزين مو مهم ماهو موضوعنه المهم
لمآ رمت نفسها على السرير: هاه عجل
ملاك: انا شفت جذي من كم يوم ااعلان عن السرك بتجين معااي
لمآ: شورانة نجي نجي
ملاك: تيييب شمسوية بالجامعة
لمآ: سكتي للكتب الحين فوق راسج كفاية هيفائو بنت الذين عصبتني ماخلتني اتهنى
سدي موضوع الجامعة الله يخليج
ملاك: ههههه تييب يا طايحين الحظ
لمآ: هااه جايتنه اشوف
ملاك ارتبكت وغيرت الموضع:ممكن موبايلج
لمآ: اخذيه خذه الله روحج ان شالله
ملاك: مشكلة الي كبروا وبالجامعة وعقولهم للحين صغيرة
لمآ: سكتي للحين آعيرج بالكرديت هههه
ملاك ضغطت الرقم: هههه
سلطان شاف الرقم استغرب ورد: الووو
ملاك: هلاآ
سلطآن مو ميز الصوت: ملاك...!
ملاك: يب سلطعون
سلطان اول ماصحى من النوم ماكلم اخته ملاك ولا راح لغرفتها وعلى طول
طلع مع ولد خالته محمد: عسى ماشر
ملاك: سلطانو حبيبي بطلعني اليوم
سلطان: وه وه قلبي بينجلط ههههه ايه يالعسل
ملاك: ههه واي منك يالعيار
سلطان: رقم من ذي
ملاك: بنت خالتي لمآ
سلطان مآركز على الرقم: اهااا
ملاك: سلطونة ودني السيرك
سلطان: حاضر
ملاك: سلطان وين انت الحين
سلطان: ماكو كنت اهايت بعدها وصلت ولد الخالة والحين قاعد بالمول افرفر
بالمحلات ادور لي ثياب كشخة
ملاك : اهااا خذ راحتك بس عقب ماتخلص مر علي علشان نطلع
سلطان: سيو لايتر...وسكر منها
ملاك أخذت مخدة من على سرير لمآ وبطحت نفسها على الأرض
لمآ:ملاااكو
ملاك: هلاآ
لمآ: شتفكرين فيه
ملاك: مافكر في شي
لمآ: من شاغل البال اعترفي حبيب القلب
ملاك بتعب لفت وجه للجهة الثانية من غير ماتعطيها وجه: كلمن يرى الناس بعين طبعه
لمآ: مالت خلني اشوف هيافئو ابرك لي
ملاك وقفت وأخذت عبايتها ولبستها
لمآ: ليش بتمشين
ملاك: بروح البيت خلاص
لمآ: دلاعة قعدي اقول قعدي الحين بتجي هيفاء بتلطف الجو
ملاك: لا عندي اشوية اشغال لازم اروح لنا لقى بالسرك
لمآ نطت لها وباست خذها وتالي سطرتها: اوكي يالبزي
ملاك: هههه اوكي سيو
لمآ استوقفتها: بخلي اخوي محمد يوصلج
ملاك استوقفتها:لآلآ مايحتاج
لمآ: ووووويع مابياكلج
ملاك: ادري بس انا بتصل ..
لما:...!
ملاك بغت تذكر اسم شاهر اخوها الي من لحمها ودمها بس وقفت كل
الكلمات عاجزة عن قول اخوي شاهر....
ملاك: بتصل لسلطان اخوي ..واخذت موبايلها
لمآ حست بالفرحة لمى سمعت اسم سلطان
ملاك: سلطان تعال ودني البيت
سلطان بملل مالقى الموديل الي يبيه: اوكي جاي
..ملاك نزلت من الدرج وخلفها لمآ تطحن فوق راسها
لمآ: قعدددي بتصير القعدة أحلى وبتصل لغزل تجي وتحلي القعدة
ملاك ابتسمت لهآ: لا يا قلبي انا بمشي
محمد بينزل من الدرج وهوا لابس شورت قصير وفي يده سبورتس
لمآ: وش ذا على الاقل خلي اخوي يوصلج ليش تغربلين الرجال
على الدرج
محمد: وش تحشون فيني
ملاك لفت وجها ونزلت
لمآ: بياختها متصله لخوها يجي وانت اهني تقدر توصلها
محمد: افااااااااااا شدددعوة
محمد استوقف ملاك: افا يبنت الخالة مايصير
ملاك: اخوي سلطان بيجي عادي احسن له من الهياتة
محمد بمزح: بفتن بقوله ههههههه
ملاك منزله راسها مستحيه ماردت عليه ماسمعت الا هرن قوي وعرفت انه سلطان
ملاك باست راس ام محمد: مع السلامة
الكل: الله يسلمج
ملاك طلعت وركبت السيارة: رحمتني
سلطان مارد عليها وتفكيره مشغوول
ملاك بمزح: سلطانو نبي نفرح فيك متى بتتزوج
سلطان: توني صغير هههه
ملاك: في بنوتة اعرفها ولا بعد لايقين على بعض نفس الخبال
سلطان رفسها: وعمى
ملاك: ههه جد والله
سلطان: مابي
ملاك تفكر في نور: بطير من يدك
سلطان وهوا يفكر بنور ومايدري انه ملاك تتكلم عن نور:خلها تطير
@@@@@@@@@@@@@@@@@@@@@@@@@@@@@@@
نورس وأحمد راكبين طراد في البحر والحراس امحاوطينهم من جميع الجهات
أحمد الي يبي يتنفس ويغير جو: خلااص رجعني
سايق الطراد: اووكي
نورس بطناز: ماشبعنه منك
أحمد خله رجله اليسار ورى رجله اليمين..ولا رد عليه..رن موبايله
أحمد: الوووو
ابراهيم: الووو
أحمد: بشر
ابراهيم: طال عمرك احنه ماقدرنه نطلع كل المعلومات بس طلعنه جزء بسيط
أحمد: وان شالله متى بتعطوني تقريرها الشامل
ابرااهيم: عطني مهلة نراقبها ولك منا كل الي يرضيك
أحمد بتفهم: اووكي.......وسكر
نورس نط من الطراد بخبال وبلحس على اخوه: نزلت قبلك
أحمد مانسى يوم نورس فكر يطعنه بس ابتسم له وماحب يزيد الحقد
الي في قلب نورس له: يلا مد يدك نزلني
نورس بطبعه حذر بس مد يده: يلا كام هير
نورس سحب يد أحمد بمزح يبي يطيحه
أحمد بطبعه ثقيل ومتزن ظبط نفسه: عبالك ماآعرف حركآتك ههههه
نورس: منت سهل هههه
أحمد قعد على الكرسي المخطط بالأبيض والأزرق
نورس أخذ صدفة رماها على أحمد: أحمدووو
أحمد كان يسترخي وانزعج من اخوه الدفش: هلاآ نورس
نورس: قوم نتسابق
أحمد بنص عين وبتسامة جانبية: تقدر علي..!؟
نورس: اخاف يطيح خشمك من الغرور وآنا مآدري
أحمد: هههه انت ماتخلي الواحد يسترخي اشوي
نورس بمزح: بتسترخي مع زوجتك مستقبلا بس يلا قوم نستانس الحين
أحمد تحسس من هالكلمة وقام: يلا
نورس: تعااال تعاال يالغشااش اوقف عند هالجهة ولا تتعداني ايه انت كلا تفوز بالغش
أحمد: قصدك بالفن ههه
نورس قلد عليه: بالفن اقول يلا انزل على كيفية هيئة الاستعداد واستعد وبلا هرار علينا
أحمد: ههههه نزل على هيئة الاستعداد: يلا واحد اثنين
نورس: ثلاثة
واثنينهم ركضوا والسباق حامي كل واحد يتحدى الثاني...نورس الي قرب لخط
النهاية أحمد بغش سحب نورس من فانيلته وطيحه علشان يسبقه وتقدم ..نورس
انقهر وقام بسرعة ركض وراها وطيحعه على وجهه: يالغشااش هههههه
أحمد: خلااص محد بيفوز ههههه
نورس: غشااااااااش
أحمد: ايه مآرضى بالخسارة بعد اشلوون
نورس بتحمية ونشااط: احمد قم بس قم خآطري آكل قووم خل نتغدى
رن موبايل أحمد شاف المتصل تركي: الوو
تركي يتحمحم: احم احم الووو
أحمد: شفيه سووطك قالب
تركي: ماكو بس احس اشوية بلاعيمي تعورني احس احتقان
أحمد: روح المستشفى قبل مايتأزم الوضع وبلاعيمك تتفجر
تركي: تطنز علي ههههه
أحمد: شسوي فيك هههه بعد منت جاهل كم مرة اقولك لادخن..أحمد بالحظة
الي تكلم فيها عن الدخان ذكر ملاك وهيه تتسارع بضرب يده
تركي: اوهووووو يلا عاااد الحين انا وش يفكني
أحمد: براحتك بس بيجي لك يوم
تركي: اسكت لاحطيت حرة البلاعيم فيك
أحمد بتحدي: يلاآ هههه
تركي: مو موضوعنه بس ابي اطلع بر
أحمد: وشلك بالبر
تركي: ابي اغير جو
أحمد: مو منك من عقلك الي طاير المطر يطيح وانت تقول بر بر في عز المطر..!
تركي امجود بلاعيمه ومغمض عينه متألم: اوكي
أحمد ضحك على تركي لانه تركي مايدري وين الله قاطنه: هههه..طيب بتجي اليوم ولآ؟
تركي: اكييد
أحمد: اشوفك على خير
تركي: على طول سكر منه وعينه تدمع من الألم
تركي بالشركة يصرخ:آآآآآآآآآي احتقااااااااااااان
الحارس دخل عليه فجأة متخرع من صرخته
تركي: ماكو ماكو ههه بس اشوية تعب
الحارس:آسفين..ماتشوف شر
تركي مارد عليه وأخذ الجاكيت لبسه وطلع من الشركة تعبان و وجهه محمر بقوة ..
أحمد طلع الخاتم من جيبه الي يدل على ذوق صاحبته
أحمد: ما لآزم اكون بهضعف لازم ادوسها واعلمها قدرها بس دواها عندي
ملاك اول ماضربت يد أحمد طاح خاتمها من صبعتها من غير مآتحس طاح في الهند بريك
وأحمد قبل ماينزل من السيارة لفت نظره خاتم لامع بزمرد وياقوت وخلاه في جيبه....
أحمد تأمل في الخاتم وباين عليه بااهظ الثمن ونااااااادر جدا: هذي من وين لها خاتم
مثل هالخاتم النادر المرصع بالزمرد والياقوت الغاالي لازم اخلي اياد..قاطع كلامه نورس
نورس: يؤؤؤ أحمد مادريت انك مجنون تكلم خاتم هااه هذا خاتم من
أحمد تبلعم ودخل الخاتم ورى جيبه: يلا امش
نورس يلف خلفه:لآلآلآ اول الخاتم
أحمد لف له: نورس يلا بلا دفااشة
نورس: مانه
أحمد يلف ونورس يلف نورس حاول يمسك جيب أحمد أحمد دفه بمزح: يبه وخر هههه
أحمد طب عليه وتعلق فيه: الخاتم ثم الخاتم هههه
وطب أحمد ونورس على الأرض
أحمد يباعد نورس ونورس فوق أحمد بحضانه
أحمد بثقل يبي يتوازن: قم يلا قم
نورس: اول الخاتم
أحمد: وانت وشلك خص قووم عني ذبحتني ههه
بو أحمد يناظر نورس وأحمد بحب: ياجعل هالأخوة والحب مايفارقهم للأبد
ولايفرق ويشتت شملهم آمين ويبلغني فيهم يارب ..
نورس: بجيب لك ابووي هااااه زمرد بعد وكشخة من قدها الآنسة يلا قولي مابقول لحد
أحمد: ههههه والله حالة ابتلشت اتباعد
نورس في أحضان أحمد: اولـ... قاطعهم بو أحمد
بو أحمد: يلا ياولادي قومو وقت الغذاء الحين
أحمد رفع ارجوله وباعد نورس ووقف: يآكرهي لدفشين
نورس: يبه شووووفه
أحمد خله يده وره ارقبت نورس بمزح يبي يسكته وخلاه جانب صدره
أحمد: يلأآآآآآآآآ الوالد قال غذاء يعني غذاااء
بو أحمد مشى عنهم واتجه للقصر بسيارة الخاصة فيه الروز رايس
أحمد أخذ نورس وباعده عنه ونظف ملابسه..نورس رفسه بمزح: تعرف تصرف هااه
أحمد عدل ثيابه: امش بس امش فضيحة انت
نورس مشى خلف أحمدوفلصه من الخلف
أحمد لف له: نووووورس
نورس ركض ودخل السيارة وهوا يضحك: ههههه
أحمد دخل بعده: انت ماراح نزوجك بنت نعومة ورقيقة تالي تاكلها
بنزوجكك وحدة مثلك علشان المثل يطبق الطيور على اشكالها تقع
نورس: مووت حررررررة حررررررة
أحمد مآرد لانه يعرف عقليه المراهق شلون يفكر ويبي يكون دايما اهوا الاحسن
والغيرة أحيانا تتحول لشيطان مفترس وكره: حرررك
السواق حرك...واتجه للقصر
نورس يتعلف بـ أحمد
أحمد ابتسم له واخذ راسه خلاه بحضنه و قعد يلعب بشعره
نورس: هيييي يلا مناك عبالك جاهل
أحمد بداخله راح أنزل لمستواه اشوي: عادي هههه يلا اسحبني لصدرك شصار
نورس ابتعد عنه اشوي وهوا يذكر آخر موقف بينهم صار:لآ مانه
أحمد:محتاج شي نورس
نورس محتاج اشياء ماتقدر تعوضني اياها ولا تقدر تغير النقص الي بداخلي
نورس: لآ الحمدالله
أحمد سحب يده: يلا ننزل
نورس لاحظ يد أحمد الرجولية الجميلة بتفحص..ونزل معاه وهوا يناظر بآناقته
وجماله الذباح الممزوج بتواضع وكبرياء وثقة ماتهتز:أحمد
أحمد: هلا نورس
نورس: انت جميل
أحمد : فااضي عبالي عندك موضوع هههه تعال ندخل
نورس ابتسم ابتسامة باهته: يلاآ
على طاولة الطعام
بو أحمد: اقول ماتفكرون تتصلون لخوكم وتسألون عنه
أحمد: ليش اهوا يتصل او عطانه رقمه علشان نتواصل معاها
بو أحمد: عيااار لو تبي توصل لرقمه وصلت له لو بالمريخ
أحمد وقف: شبعت
بو أحمد رفع راسه: مآكلت شي
أحمد: بروح برتاآح بنآم عندي أشغال الليل
بو أحمد: بالتوفيق
نورس وقف أكل:أحمد وين بتطلع الليل
أحمد: رآح آخذك معاي انت بس اجهز على تسع ونصف
نورس:اووكي
@@@@@@@@@@@@@@@@@@@@@@@@@@@@@@@
ملاك دخلت البيت..وعلى طول بطحت نفسها على السرير لقت جنب السرير
على الطاولة روايـة أخذتها وبدأت تقرأ لمى.. سقط الكتاب على وجها ونامت..
سلطان بتعب رمى نفسه على سريره: افففف ياليت بس لو اقدر أشيلها من مخي
بس مآدري يمكن عجبني اعنادها يمكن عجبني تحديها ولا يمكن عجبتني اخلاقها
ونزاهة نفسها واشلون بغة تمد يدها علي وتوقفني عند حدي آآخ ان شالله يارب
تكون من البنات الي ماتحب ولا تهتم لهالخرابيط وتكون بس لي بس اشلون اوضح لها مشاعري
وهي شكلها مآطيقني من آخر موقف ياااااارب ابيهاآآآآ ليييي عجبتين موووت ودخلت مزاجي
سلطان أخذ راسه ودفنه بالمخده والتفكير ذابحني ويوديه يمين وشمال
سلطان شال راسه من المخده وشعره كش: اهيه صح اخت أحمد يعني اقدر اشوفها ههههه
سلطان رمى نفسه على المخدة بشوق وهوا يحضنها بقووة وباس المخده: امواااااااه
اما عند تركي..
تركي في قصره الخاص فيه يعاطس ويون من بلاعيمه: اهئئئ بلاعيمي
ماانه بلاااعيمي
الخدامه استأذنت من تركي تحط الحبة والماء فوق الطاولة وطلعت
تركي أخذ الحبة ورماها في فمه:آآه آآخ عدددتني ام الساااااان بطني وبلاعيمي اهئ
تركي وقف من الأن ((وقف من تأوهاته من الألم)) وتبلعم ومر صمت دقايق
بس لهاآ وحشة تعودت عليهآ وعلى السانها وبرائتها..وبطح نفسه على السرير
بتفكير غززير وعميق وأخذت رموشه ترمش ببطئ
تركي: انا مآدري اذا كان هذا الحب او مجرد لحظات ومشاعر على الطاير
وتختفي هالمشاعر.. لازم اتأكد وبعدين رآح اقرر انا ماآدري شلي غيرني
انا مآحب البنات ولا أحب اقعد معاهم بس مآدري لقيت نفسي فجأة أحب أمزح
واضحك احب الانوثة الناعمة الخجولة الغشمرجية((المرحة المزوحة)) وفوق كل
ذي عمري مآقعدت مع بنت ودرستهآ قعدت معاهآ هي الوحيدة وأول وحدة فتحت معاها
الكتاب ودرست معاهآ ..مشآعر حلوة...بس مو لعبة المشآعر ..يبيلي وقت كآفي
وبعدين افتح لنفسي كتآب المشقة والعشق تركي ضحك على نفسه اول مرة يتكلم مع نفسه
عن حب ومشاآعر :ههههه انا اتكلم عن هالسوالف الي كنت طول عمري اذم الي يحبون
واطنز عليهم صرت من ضمن قائمتهم اييه صج الحب عمي الواحد مايلاحظ لنفسه الا غرقان
تركي صحى على نفسه وسطر نفسه: شقاعد اخربط انا اصحى يا تركي اصحى
.................................................. .................................................. .................................................. .................................................. .................................................. .................................................. ....................................
في المساء الساعة التاسعة والنصف
أحيانا ودي من صرخة الشوق والألم والغدر...!..ودي أصرخ وأقول قلبي ينآديك قلبي مشتاق هيمآن
ودي أضمك ..بأحضاني..ودي أطفي نار الشوق والوله على صدرك ..بس دخيلك..لآتقول مشتا لك..ولا تبرر..ابي بس شي واحـــ1ــد اطفي النار....وأنت عارف وش اقصد..بس رجيتك..دخيلك! / بقلمي الاليت القدر
تصميمي:
فراس يعدل كرفتت قميصه
مهند: جهززت
فراس: هااه صير ثقيل مو مني مناك انا رايح لسيرك واحد ملياردير
مو تفشلني بس ماشالله تصدق مافي أحد الا ومابيروح له يبون بس منه اشارة
علشان الكل يتجه لانجازاته مبدع ماشالله
مهند: ادري فهمت ...اممم الله يزيد خيره ويوفقه
فراس:آآمين الله يوفقه..فراس مر عليه لحظات ايام الحب الي عاشها
وبداخلها ابي بس نظرة والشارة وأنا لبيه مآدري ياليت عطيتا فرصة بس
مآدري يمكن هذا يكون عاقبة الخاين بس ..! الله يوفق الجميع
مهند وشهد: يلا فروووس
فراس بتنفس تعبان وعشقان: يلاآ
شهد: وامي
فراس: امي نايمة قالت ماتبي أحد يزعجها
شهد: يلاآ
,,,,,,,,,
أحمد أخذ يرش له من عطره الأمريكي الفآخر وعطره الفرنسي
أحمد: جهزت
نورس: اييه
أحمد لاحظ شكل نورس اشلون مخطوف قرب اشوي ونورس بعد بخوف
نورس: يلاااآ نمشي تأخرنه
أحمد بشك وتحري بدآخله مو علي غيرك كآن أشطر: اوكي يلاآ
أحمد باس راس ابوه
بو أحمد: مووفق ان شالله
أحمد: كله من بركآت فضلك يا يبه
بو أحمد: الله يحفظك ولا يغير عليك
أحمد:آآمين..وين هذولا تأخروا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك