رواية اهات جروح حزينة -23
سامي : أوه بندر هنا معليش يالنسيب ماشفتك ياالله السياره قريبه بروح أجيبها عند البوابه.
راح سامي بندر: شهد وش فيك.
شهد:أه مافيني شي أبي أرتاح أحس أن ظهري مكسر من الألم.
بندر: تحسين بشي.
شهد:ودي أنام تعبانه أنا بروح لأهلي .
بندر: وبيتنا.
شهد:والله مالي خلق بندر أحس أن الدنيا تدور بي.
وقف سامي السياره عند البوابه وحط بندر في بيته وراح لبيت أهله ومعه شهد
بندردخل بيتهم وهوتعبان يبي ينام شاف أمه بالصاله سلم عليها وراح للجناح حقه ورمى نفسه على السرير ونام بدون مايحس بنفسه.
أماشهد كان الكل مجتمعين في بيتهم لأنهم يدرون بجيتها
دخلت وأنسدحت على اول كنبه من التعب ماقدرت تسلم عليهم.
أم وليد: شهد وش فيك.
شهد:تعبانه يمه أبي أرتاح.
أم وليد:طيب قومي روحي غرفتك.
شهد: مافيني حيل.
جابو لها بطانيه وحطوها عليها وأتركوها تنام لأنها تعبانه.
وفي يوم الأثنين جاها طلق الصبح الساعه ست سامي قام مفزوع من صراخها طمرمن مكانه وشغل السياره وراح للمستشفى قسم طوارىء دخلوها غرفه العمليات ولأنها بكر بتولد بعد 12ساعه وجلست تصارخ سامي ماتحمل أتصل على بندر جاء مسرع وأصر يدخل غرفه العمليات أمنعوه وخلوه يجلس عند الباب كان يسمعها تصارخ ماتحمل صار يدور بالممررايح جاي
أم وليد:هد اعصابك وأناخالتك.
بندر:خالتي لها ساعتين وهي تصارخ ولاولدت.
أم وليد:لاتنسى انها بكر بتولد بعد10 ساعات .
بندرخاف وصار يقرآ قرآن وكلما صرخت وقف ويوم سمعها تقول بموت راح مسرع عند الباب يتسمع عل وعسى يسمع صوت الطفل ولاكن مافاد أنتظر ومل من الإنتظار كان متوتر ووتر خالته معه : خالتي تأخرو.
أم وليد:هد أعصابك كلها كم ساعه وتولد.
أم وليد جلست تدعي ربها وتقرأ قرأن بعد صراخ دام 12 ساعه سمعو صوت طفل طلعت النيرس مبروك ولد.
بندرمن الفرحه سجد لله شكر وأتصل على أبوه , أبوه مافهم شي من بندر لأن بندر كان مبسوط ويذب خيط وخيط فالأخير فهم ان شهد جابت ولد الكل بارك لبندر دخل يبي يشوف شهد وشافها تتنفس بصعوبه بندر:وش فيها.
الدكتوره: شي طبيعي لاتخاف.
بندر:أكيد.
الدكتوره:إيه عن اذنك .
شافها قرب منها: الحمدالله على السلامه ياأم خالد.
أبتسمت : بتسميه خالد.
بندر:اكيد على الوالد وينه أبي أشوفه.
كان الولد لونه أحمروكان سعنون مره الكل فرح به وأنبسط به ومرت مرحله النفاس كئيبه على شهد لاكن خالها فواز أخرجها من الكأبه بطريقته الخاصه
لاكن بندر نكد عليها كالعاده من شاف وجه ولده وهو متضايق لأن الولد صار لونه أسمر فقال:ليه لونه أسمر متاكده أنه ولدي.
شهدعصبت:لاولد الجيران أبي أفهم ليه أنت كذا همك الشكل توه صغير وإذا كبر بيوضح وجهه .
بندر:لا المساله فيها أن شكلهم لخبطو بالأولاد وعطونا ولد ناس مانعرفهم.
شهد:والله موأنا اللي خلقته أساسآ الكلام معك في هذا الموضوع فاضي أسكت أحسن لي.
وهذي حالتهم من أنولد الطفل بندر ينتقد شكله ويعاير شهد بأم الإسيود ومع مرور الأيام بدى يفتح لون وجهه طبعآ شهد ماسلمت من نقد الحريم لولدها كان الكل ينظر له على أنه منبوذ لأنه أسمر مرت الأشهر ورى الأشهر وبدأ خالد يكبر وكل يوم مسبب قلق لأمه اللي صارت تتجاهل الناس وبندر كانت تدعي بدعاء دايم تردده:(اللهم أنصرني على كل من حقربي وبولدي).
مرت خمس سنوات بسرعه البرق وكبر خالد وصار أبيضاني كأنه سوري وجميل وصار الكل يسمي عليه ويذكر الله لأنه جميل وشهد ربته تربيه صالحه حفظته القرأن صار يحترم الكل والناس مستغربين منه رغم صغر سنه إلاأن أسلوبه محترم.
وفي يوم من الأيام كان عم بندروعياله جايين يتغدون عند أهل بندروكان كل شي جاهز الحريم بالمجلس يتقهوون والرجال بالمجلس وبندرطول ومانزل عند الرجال لأنه مايبي ينزل.
(في جناح شهد وبندر):
شهد:خلودي تعال البسك.
خالد: ماما ماأبي.
شهد:بندر طفح الكيل مع ولدك شف له صرفه.
بندر:حبيبي أسمع كلام ماما.
خالد:لالالالا.
شهد سوت نفسها زعلانه قرب خالد:ماما لاتزعلين أناأحبت.
شهد:إذا تحبني البس.
أخذ الفنيله من نفسه ولبسها.
شهد جلست تبوس فيه: ياناس أحبه موت.
بندر:منهو أنا.
خالد: لاأنا.
شهد:ههههههههه أقول يالله خلونا ننزل عمك وأهله وصلو.
خالد طلع من الجناح مسرع يبي يروح لجدته بندر لصق في شهد: وأخيرآ خلانا ألحالنا.
شهد: اللي يسمعك يقول جالس على قلبك.
بندر:كلما جلست معك نط بوجهي أوف لزقه المهم وش رايك بس نكنسل كل شي ونجلس مع بعض بندر وهويبوس رقبت شهد.
شهد:بعدين لاحق الحين الناس جو فشله خالد نزل وأحنا مانزلنا بيقولون صرفو ولدهم وجلسو مع بعض.
بندر:يقولون اللي يقولون مومهم وبعدين هم عمي وعياله من كنت بزر وهم يزوروننا عادي البيت بيتهم.
شهدأبعدت عنه وعدلت نفسها وتوها طالعه بندرمسك خصرها:على وين.
شهد:بندربعدين الناس تحت لازم أساعد خالتي.
بندر:طيب توعديني الليله.
شهدباسته على خده:أوعدك.
تركها ونزلت كانت الأنظارعليها.
عهود تهمس بأذن ريم: من زينها ويا وجهها نازله وكاشخه.
ريم:أسكتي لايسمعك أحد.
شهد:حياالله من جانا.
أم نايف:الله يحييك.
شهد سلمت على الكل وقربت من أم بندر:خالتي تبين شي.
أم بندر:وين بندر.
شهد:فوق.
أم بندربدهشه:مانزل للرجال.
شهد:الحين يلبس.
أم بندربضحكه:جننتي الرجال شكله ماصدق خبر أن خالد ينزل عندي هههههههه.
شهد أنحرجت وعهود عصبت لأنها سمعت كلام أم بندر.
عهود كانت متشخصه تبي تقهر شهد فكانت تقوم وتصب القهوه تسوي نفسها سنعه نزل خالد وبصوت عالي: ماما بابا يبيك.
أم بندر:قل له مافيه عشان يصك عليها ومايطلعها.
شهد ولع وجهها من الحرج.
راح خالد مسرع وجاء : يقول بسرعه تعالي.
أم بندر: وش يبي.
خالد وهو يبلع ريقه:يقول خلها تجي عيب أقول عند الحريم.
أم بندرطلعت عيونها قدام:وشو وش تقول.
خالد:ماما ياالله هويقول نادها وبوديك الملاهي إذا جت.
أم بندر:قله لا.
عهود معصبه أشتعلت عندها الغيره (شكلها قلبت عقله لازم أتصرف) .
فجأه رن جوال شهد:هلابك , إيه لابالدرج الثاني طيب شوف اللي جمبه لاياالله يابندر ترا بذبحك خلاص خلودي يعرف مكانه طيب.
نزل خالد مسرع:ماما بابا حاس الدولاب كله يدور شرابه وين حطيتيه.
أم بندر:خلاص روحي شوفي وش يبي ولدك فشلنا.
رن جوال شهد حطته عند خالتها ورقت أم بندرردت : هاه خلاص جتك لاتزعجنا يالله لاتتأخرعلى الرجال مع السلامه.
فجأه رن جوال شهد أم بندر:نوره تعالي شوفي منهو.
نوره: هذا سامي.
خالد:جيبي الجوال.
نوره: خذه وده لماما بس لاترد.
أخذ خالد الجوال ورد : ألو سامي.
سامي:خلودي حبيبي وشلونك.
خالد:زين.
سامي:حبيبي وين ماما.
خالد:فوق.
سامي:نادها.
خالد:وش تبي.
أم بندر: عيب ياولد .
سامي:خلودي تروح معنا.
خالد بفرحه: وين.
سامي:الثمامه .
خالد: إيه تعال خذني.
سامي: إذا جت ماما بقول لها.
خالد:لالا تعال.
سامي: مع السلامه.
خالد:أوريك.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(في جناح شهد وبندر):
دخلت شهد الغرفه:هاه وش بغيت.
بندرقفل الباب بالمفتاح ولصق فيها بندر: بغيتك أنتي.
شهد: بندروالله مووقته ليه تستلعن علي إذا جونا ضيوف.
بندر:لأنك متشخصه وبتشخيصك تثيريني.
شهد:أبعد لايجي خالد ويفضحنا.
بندر:لاماراح أبعد وتوه بيبوسها دخل خالد مسرع: ماما ماما ماما ماما.
بندربضيقه:خير وش تبي.
خالد خاف:سسسس ساااااااا مممي داق يبيك.
شهد: طيب وين جوالي.
خالد: تحت ترا جدتي معصبه على ابوي.
بندروتوه يتذكر: طلعي لي ملابس وانزلي شوفي ليه سامي داق أنتوتنكدون على الواحد فرحته.
يوم طلعت له ملابس وضفت الحوسه اللي سواها لصق فيها.
شهد: وبعدين معك.
بندر:خلاص.
نزلت شهد وجوالها ماسكت من الرن.
عهود متضايقه لأن أم بندرتحب شهد .
شهد قربت من أم بندروخذت جوالها:هلا سموي.
سامي:أصغرعيالك أنا.
شهد:وشلونك.
سامي:الحمدالله.
شهد:وشعندك داق.
سامي:العائله مجتمعين في الثمامه وانتي معزومه.
شهد:والله مدري وش اقول لك بس بسأل بندروأرد لك.
سامي:أسألي بندروردي علينا.
شهد:أوكيه باي.
سامي:باي.
أم بندر: شهد عسى بندربينزل.
شهد:ألحين يلبس وبينزل.
أم بندر: المهم الأكل جاهز.
نوره: إيه يمه.
نزل بندرومربالصاله وهو منزل راسه: السلام عليكم وشلونك خالتي أم نايف.
أم نايف:الحمدالله أنت وشلونك عساك بخير.
بندر:الحمدالله عن أذنكم مضطر أروح شهد تعالي.
وطلع
عهود بهمس:شفتي وشلون حتى مارفع عيونه لأحد.
ريم:خلاص أنسيه.
عهود:والله لأردله الصاع صاعين.
ريم:الرجال مبسوط بحرمته وولده من يصدق الولد الأسود يصير جميل وأجمل من عيالنا.
عهود:أوص أسكتي لاترفعين ضغطي.
أم بندرضاقت من تصرفات ولدها اللي كل شوي ينادي حرمته كنه مايبيها تجلس معهم.
لحقته شهد:بغيت شي.
بندر:وش فيك المهم كنت أقول لاتنسين موعدنا الليله.
شهد عصبت:صدق بايخ وماتنعطى وجه.
ضحك بصوت عالي متعمد يبي يقهر عهود وطلع للرجال مر الوقت وتغدى الكل الحريم جلسوبالصاله والرجال بالمجلس وبدو يشربون شاي ونعناع.
رن جوال شهد: هلابك.
عهود تحاول تتسمع من بعيد.
بندر:هلا والله بهالصوت.
بندر:شهد.
شهد: لبيه.
بندر:وش كان يبي سامي.
شهد توها تتذكر:إيه صح ترا أهلي كلهم مجتمعين بالثمامه ويبوني أروح معهم.
بندر:هم بيخيمون.
شهد:إيه بيخيمون.
بندر:بكره أوديك.
شهد:ليه أبي أروح حرام عليك.
بندر:لا نسيتي وعدك لي.
شهد:طيب نأجلها.
بندر:لاموبكيفك.
شهد:طيب هم الحين بيمروني.
بندر:لا مافيه روحه.
شهد:طيب خلودي يبي يروح.
بندر:لا.
شهد:خالتي شوفي بندر جنني.
أم بندرخذت السماعه: وش تبي كل شوي مشغل حرمتك كنك بزر أسمع البنت مالك شغل بها.
بندر:طيب يمه عطينياها .
أم بندر:لا مافيه.
خالد:ماما أبي أروح فمامه.
ام بندر:حتى ولدك يبي يروح.
بندر:طيب عطيني حرمتي اتفاهم وياها.
أم بندر: خذ كلمها.
شهد: هلا.
بندر: طيب خليهم يمرون خالد أنتي بكره تروحين.
شهد: طيب.
قاطعها:اليوم حنا معزومين عند خويي اللي قلت لك عنه.
شهد: تذكرت إيه صح الناس بينتظروننا.
بندر: خليهم يمرون خالد هذا أخركلام وجهزي له ملابس تعرفين خلودي راعي حوسه .
شهد:انشاء الله.
أذن العصردخل خالد مسرع:ماماماماماماماماماماما سامي جاء جاااااااااااااااء.
أم بندر:وش فيه ذى .
أم نايف:لايكون أستخف.
عهود حبيت تسوي نفسها مهتمه لأمر خالد فقالت: خلودي حبيبي وش فيك.
طالعها بطرف عين وقال: مالك دخل ماما تعالي.
عهود:طيب تعال حبني ماسلمت علي.
خالد: لا وع ماأبي.
ضاقت عهود منه أم بندر:حبيبي سلم على عهود.
خالد: مابي.
وصرخ:ماما.
شهد وهي نازله ومعها شنطه خالد: سمعتك والله سمعتك ياالله تعال.
أم بندر: على وين .
شهد: والله أهلي مجتمعين الليله في الثمامه ويبوني أجي لاكن ماأقدر لأني معزومه أنا وبندر عند صديقه اللي توه متزوج وتعرفين خالد عاد من درى بموضوع الثمامه ألح وأزعجنا بصياحه فوافق بندريخليه يروح مع أخوي.
أم بندر: فيه أحد بيهتم فيه هناك.
شهد:إيه فيه أمي وخواتي وبناتهم اللي يموتون عليه.
خالد وهويسحب يد أمه:ياالله ماما لايروح عني.
شهد ضحكت وطلعت لسامي ونبهته ينتبه على ولدها وأتصلت على أهلها ووصتهم على ولدها وسكرت السماعه .
راح خالد وجلست شهد مع الحريم بالصاله.
أم بندر: من اللي عازمكم.
شهد:محمد ولدسعد ال.....
أم بندر:ماشاء الله أجل رجع من شهرالعسل.
شهد:إيه.
عهود حشرت نفسها بالموضوع:موحلوه تروحون لناس توهم متزوجين عيب والله فشله أكيد الحرمه بتتضايق.
شهد:والله الحرمه هي من نفسها أتصلت وعزمتني وزوجها عزم بندر موحلوه نردها.
عهود:طيب متى بتروحين.
شهد:والله إذا أبوخالد أتصل علي.
نوره حست أن عهود تبي تتمشكل مع شهد فقالت:شهد ترا بندر بيجي بعد شوي روحي أجهزي عشان تروحون للجماعه.
شهدطالعت الساعه ووقفت:عن أذنكم مضطره أروح أجهز نفسي.
عهودبينها وبين نفسها:لوتملين وجهك مكياج ماراح تصيرين زينه الله يعين ولد عمي عليها.
رقت شهد فوق تنحنح بندر بيدخل يبي يرقا للجناح
أم بندر:وش عندك فوق.
بندرأنحرج وهومنزل راسه قال:نسيت بوكي .
أم بندر:أثقل مب زين كل شوي ناط بوجه حرمتك.
بندرأنحرج حس بأن كل الأنظار حوله أستأذن وراح للجناح.
دخلت شهد الجناح وتروشت وطلعت وهي لافه الفوطه على جسمها نشفت جسمها وبدت تلبس ملابسها الداخليه
دخل بندر وهي تلبس ملابسها: أموت انا على الجسم الحلو.
شهد: أطلع برا.
بندروهويقرب:ليه.
شهد: مومن عوايدك تدلعني وش عندك من الصبح وأنت مشتاق لي وتدلعني حتى تناديني بأحلى الأسامي بندر مب علي هالكلام أنت ماسويت كذا إلا إذا كنت ناوي شي.
بندر:يعني إذا كنت ناوي شي أدلعك.
شهد:إيه من تزوجتك ماتناديني بأحلى الأسامي ولاتلصق فيني إلا إذا كنت تبي شي وأنت عارف وش أقصد.
بندر:هههههههه زوجتي وعادي أدلعها.
شهد: مب حب فيني يالمصلحجي.
بندر:طيب ياالله أجهزي بسرعه أنتظرك بالصاله.
بندربينه وبين نفسه: ماسويت كذا إلاعشان أوضح لعهود أني نسيتها عشان كذا أتصل على شهد وأرسل رسايل لها إذا جت عهودعندنا.
نزلت شهد وهي لابسه عباتها أستأذنت من خالتها وطلعت ركبت السياره
وراحوا للناس وأطلعو يوم أذن العشاء ماحبو يطولون خاصه أنهم معاريس موحلوه يضايقونهم.
وفاجأها بندر بليله رومنسيه في أحدى الفنادق.
بعد أسبوع من الأحداث وفي بيت عهود
ماجدبعصبيه:أنتي ليه ماتفهمين.
عهودبعصبيه:أناولاأنت اللي تبي تاخذ فلوسي.
ماجد: لاتنسين أني خسرت الشركه حقتي وديوني بالملايين وأناالحين أسدد ديوني وأنتي ماشاء الله حسابك اللي في البنك اللي هو خمسه وعشرين مليار ورافضه تساعديني به أناقلت لك ساعديني وأردها لك حتى دالوبك مليان أطقم ذهب وألماس لوتبيعينهم جابو150,000ليه ماتبيعينهم أبي أسدد وأول ماأخلص ديني بأشتري لك ألماس وذهب بالقيمه اللي تبينها.
عهودبعصبيه:لا تحلم تاخذ مني فلس واحد.
ماجد:لاتنسين أن كل الفلوس اللي في رصيدك وكل الذهب والألماس اللي عندك كله من خيري حتى ملابسك اللي أنتي تبجخين بها كله من خيري.
عهود:تتمنن علي حضرتك.
ماجد: لاتحديني الحين احرمك من كل شي عشان تعرفين قيمه الفلس, كلما عطيتك فلوس تصرفينها على تفاهات ملابس وذهب وألماس ومكياجات والمشكله تلبسين اللبس لبسه وحده وترمينه .
عهود:أنت مالك دخل فيني.
ماجد: الشرهه مب عليك علي أنااللي يتكلم معك.
عهود: ماراح أعطيك شي من فلوسي لوتموت.
ماجد:ههههههههه قالت فلوسي قالت ترا كل شي تملكينه من خيري.
عهود:أصلآ لوانك رجال ماطلبت فلوس من حرمه تبي تسدد دينك تسلف.
ماجد:هذا أخركلام عندك.
عهود:إيه واللي تبي تسويه سوه ماهميتني.
ماجد:عهود لاتحديني أحرمك من الفلوس.
عهود:تحلم تشم شي من ريحه فلوسي حامض على بوزك.
ماجدماتحمل عنده ضغوطات نفسيه وضغوطات عصبيه كل الطرق وقفت بوجهه وكل التجار اللي يعرفهم تخلو عنه ويوم طلب زوجته أرفضت وغيركذا تقول له منت رجال
تغيرالحواراللي بينهم من حوار هادىء إلى مشكله كبيره وعهود أغلطت عليه وسبته ومن الضيق ماتحمل وسطرها كف وقفت بوجهه: طلقني ياحيوان طلقني.
ماجد:خلينا نتفاهم.
عهود:مافيه تفاهم بيننا أساسآ أنت حيوان وحقيرولاأنت رجال.
ماجد عصب:موأناالي حرمه تصرخ بوجهي ولابعد تقولين حيوان وحقير ومورجال.
لقتها فرصه ترفع ضغطه عشان يطلقها:طلقني طلقني.
ماجد: تحلمين .
عهود:لوأنك رجال طلقني.
ماجد:رجال غصبآ عنك رضيتي أم أبيتي.
عهود:منت رجال.
عصب ماجد:أوريك منهو الرجال والله لأحرمك من كل فلس خذتيه مني.
عهود:أقول لك طلقني.
ماجد:أوكيه بطلقك بس بشرط واحد كل الأملاك اللي خذتيها مني ترجع لي ومن ضمنها الرصيد والذهب والألماس كل شي مثل مادخلتي هنا بدون شي بتطلعين بدون شي.
عهودأنصدمت تبي الطلاق بس ماتبي تخسر العز.
ماجدوصل للباب وألتفت لها:أنتي طالق وبأرسل لك ورقه الطلاق إذا رجعتي لي كل أملاكي اللي أخذتيها.
طلع وسكر الباب وراه بقوه تركها وهي مصدومه هي كانت تبي الطلاق بس ماكانت تتوقع أنها راح تتطلق وتخسر الفلوس والذهب والألماس كانت تعشق الفلوس والذهب والألماس لاكن من بين صدمتها ضحكت:أخيرآ أرتحت من هذا السجن عادي ياخذ كل شي بكيفه أساسآ بندر من يعرف أني تطلقت بيتزوجني ههههههههههه يكفي أنه مليارديرهههههههههه قرب إنتقامي منك ياشهد وهذي هي الخطوه الأولى.
وفعلآ رجعت بيت أهلها وأخذ منها ماجد كل شي الفلوس الذهب العمارات والبيوت والأرصده والأراضي اللي بأسمها خسرت كل الثروه بسبب حقد وتفكير للأنتقام كانت أنانيه مع زوجها من رجع بندر من السفر وهي تخطط تخلي زوجها يطلقها ماجد كان عارف أن عهود تحب بندر ولاحظ عليها شي واحد كلما جاء طاريه تدافع عنه وتسأل عنه وعرف انها تحبه لأنه شاف صور بندر عند عهود فقرر يحرق قلبها مثل ماحرقت قلبه بخيانتها له لأنه كان حاط أشرطه تسجيل في التلفون وسمع كل حرف وكل مكالمه هاتفيه وعرف ان عهود كانت تبي تتطلق عشان ترجع لبندر حب يقهرها تركها على ذمته إلين ماتزوج بندر ومرت خمس سنوات
أمامسأله خساره الشركه كانت إختبار من ماجد لعهود وفشلت في الإختبار كذب عليها بسالفه الديون يبي يعرف هل هي تحبه ولا هل بتضحي بالأملاك لأجله ولا لا وهنا الصدمه ماحبت تمد يدها له وتساعده وعاقبها بالطلاق والحرمان من عيشه العز
بعد أسبوع من طلاقها أتصلت على بندروسمعته أغنيه وقالت له الخبروهو فرح فصار يكلمها يوميى وقرر يتزوجها وأهمل زوجته وماصار يتقبل وجودها صار طول الوقت جواله مشغول حن قلبه لأيامه القديمه اللي عاشها مع عهود وصارمايقدر يستغني عنها دقيقه وحده.
وفي يوم من الأيام
في بيت أهل بندر:
نوره:ههههههههه اللهم لاشماته.
أم بندر:وشعليك منها.
نوره:حتى زوجها طفش منها أنا قلت لكم موالجمال كل شي ماصدقتوني.
أم بندر:الحمد لله اللذي عافانا ممابلاها به.
دخل بندر وشهد:السلام عليكم.
أم بندر ونوره: وعليكم السلام.
نوره:شهد مادريتي أن عهود تطلقت.
بندريدري بالموضوع لاكن من تذكرعهود نغزه قلبه وتغيرت ملامح وجهه والكل لاحظ عليه وشهد حست بهاالشي وعصبت.
شهد: والسبب.
نوره: يقولون أنه أختبرها وسوى نفسه مهموم وكأنه خسر كل شي وقال لها أني صرت مفلس عاد عهود من سمعت بكلمه مفلس أنهبلت قال لها بأخذ من أملاكك عشان أسدد رفضت واغلطت عليه وماوقفت معه فطلقها وأخذ منها كل الفلوس والأملاك وأخته تقول أنها كانت تخونه.
بندرعصب:لا من قال طول عمرها أصيله.
أنتبه لزلته وسكت.
شهد شبت في قلبها حريقه الغيره وودها تقوم وتذبح عهود:إيه واضح.
طالعت بندر من فوق لتحت بنظرات إستحقار وصدت عنه بندر عرف ان شهد تذكرت موقف خيانته قبل خمس سنين.
أم بندر:من يقول أنها أصيله البنت غلطانه هذا إختبار من زوجها وفشلت فيه لوتحبه مابدت الفلوس عليه تستاهل ماجاها رجعت لأهلها بدون أي فلس.
نوره:يعني بترجع تلبس لبس عادي مثل أول ههههههه تحفه والله صدق مسخره كانت تشوف نفسها علينا أحسن تستاهل.
بندر:خلاص عاد.
شهد وقفت وطلعت من المكان وراحت للجناح ودخلت غرفتها وخبطت بالباب.
أم بندر:عاجبك كذا ليه تزعلها.
بندرمن عرف أن عهود تطلقت صارت شهد ماعاد تهمه: لاتخافين دلع بنات المهم هي ماتبي تتزوج.
أم بندربصدمه:وش عليك منها في بليس.
بندر:يمه أبيك تخطبينها لي.
نوره:خير لاعيوني هذي ماتاخذها.
بندر:انتي لايكثر المهم يمه طلبتك أخطبيها لي الشرع محلل لي الأربع.
نوره: لوتاخذها بتدمر بيتك.
بندر:أنابأعدل بينها وبين شهد يمه أناأحبها من زمان.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك