رواية اهات جروح حزينة -24
شهد وقفت وطلعت من المكان وراحت للجناح ودخلت غرفتها وخبطت بالباب.
أم بندر:عاجبك كذا ليه تزعلها.
بندرمن عرف أن عهود تطلقت صارت شهد ماعاد تهمه: لاتخافين دلع بنات المهم هي ماتبي تتزوج.
أم بندربصدمه:وش عليك منها في بليس.
بندر:يمه أبيك تخطبينها لي.
نوره:خير لاعيوني هذي ماتاخذها.
بندر:انتي لايكثر المهم يمه طلبتك أخطبيها لي الشرع محلل لي الأربع.
نوره: لوتاخذها بتدمر بيتك.
بندر:أنابأعدل بينها وبين شهد يمه أناأحبها من زمان.
أم بندروقفت:أدري أنك تحبها وأدري أنك تمثل علينا أنك تحب شهد واضح هذا الشي بعينك وأنت عارف عهود أيش وشهد أيش شهد دخلت قلبي من شفتها وعهود ماعمرها دخلت قلبي حتى يوم خطبتها لبدر عمري ماحبيتها حاولت أقنعه بغيرها رفض والنتيجه مات والسبب انه عرف بعلاقتك فيها كيف بتامن بيتك مع وحده خاينه خانت أهلها وثقتهم فيها وكلمت واحد ماهو محرم لها كيف تبيني أرضى بوحده مثلها.
بندر:يمه أنامصمم على الزواج وبعد بكره بأكلم أبوي وعمي هذا أخر كلام.
نوره:صدق أن الرجاجيل أنانيين ماتبيها عشان شكلها ماتبيها لأنها موبيضا ولاجميله طيب هي مالها ذنب الله خلقها كذا ليه الرجال مايحسون ليه دايم يجرحون الحرمه في الصميم ولايلتفتون لها ترا حنا مولعبه بيدينكم مره تبونا ومره ترمونا بس صدقني يابندر وأمي شاهده على كلامي والله لتندم والله بتندم طول عمرك لأنك بعت شهد عشان حثاله.
بندر:أحترمي نفسك.
نوره:ياعيني والله وبدينا ندافع عنها .
أم بندر:فكر أول قبل ماتتخذ قرار لاتدمر بيتك بدون أي تفكير.
بندر:أنشاء الله بأعدل بينهم.
نوره وقفت وطالعته من فوق لتحت:أشك في هذا ماتوقعت أنك كذا كنت مثلي الأعلى وكنت دايم تنصحني بالدين والخوف من الله لاكن بعد اللي سمعته طحت من عيني يمه تلقينها هي متصله عليه لاتستبعدين شي من عهود الله ياخذها.
بندركان بيرد عليها لاكن مسك أعصابه وماأهتم كل همه أنه يتزوج عهود.
دخل الجناح لقاها تلحق خلودي تحاول تأكله ومسكته وجلست تأكله وهي ساكته كانت معصبه لأنها سمعت بندر يدافع عن عهود فلزمت الصمت لاحظت شي على بندر مبسوط ووجهه منور وطاير من الفرحه سألته:وش فيك مبسوط.
بندرمب يمها كان سرحان وقف وأنسدح على السرير وقرر ينام ولاتكلم معها ولاقال لها أي شي.
بعد مرور أسبوع من ألحاح بندر على أمه وأبوه قررت أمه تخطبها له رغم كرهها للموضوع وتمت الخطبه وبعدها بأسبوع الملكه وتمت الملكه وفي يوم من الأيام أكتشفت شهد أنها حامل فرحت كثير أتصلت على جوال بندر طول الوقت مشغول فحبت تسوي له مفاجأه راحت للبيت وأول مادخلت شهد للجناح وبندر مايدري انها جت من بيت أهلهاكانت تسمعه يضحك حبت تتسمع والصدمه انه يكلم وحده.
بندر:أه ياقلبي أخيرآ صار حلمي حقيقه من يصدق أني بأتزوج حبيبه قلبي عهود , عهود أحس أني بحلم.
عهود: لاياقلبي بعلم بعلم ومابقى إلا أسبوعين على زواجنا.
بندر:والله لأحط لك أحلى عرس بالعالم لأخلي كل الجرايد تتكلم عنه.
عهود:ياالله من يصدق أني رجعت لك ياه قد أيش مشتاقه لك.
بندر:وأناأموت فيك ياقلب بندر.
شهد أنزلت دموعها وحطت يدها على بطنها وقررت ماتعلمه بموضوع حملها وأتصلت بسامي وجاء عند الباب قبل ماتطلع قررت تدخل شافت بندر منسدح على بطنه ويبوس الجوال مثل المجنون ويقول أحبك موت والله موت ياعهود.
أنتبه لشهد تعدل بجلسته وسكرالجوال بوجه عهود أنصدم بوجودها:أنتي من متى جيتي.
شاف عيونها حمرقرب منها: شهد وش فيك.
شهد:ماتوقعت أنك دنىء لهالدرجه.
بندر:أسمعيني بس.
شهد:أنت اللي أسمعني ورقه طلاقي توصل لي بكره مثل مادخلنا بالمعروف نطلع بالمعروف.
بندر:لحظه شهد أسمعي.
نزلت وبندر كان يلحقها:لحظه شهد.
مرت بالصاله وقفت كان الكل مجتمع أخوانه وخواته وحتى امه وابوه قربت من خالتها خذت خالد وطالعتهم .
أم بندرقلبها ناغزها:شهد وش فيك.
شهد:ولاشي بس الظاهر أن أحنا مانصلح لبعض.
ابوبندر:شهد وش ذا الكلام.
شهد: خالي مانصلح لبعض.
أبوبندر:ليه.
شهد:هوخلاص ماعاد له حاجه فيني مادام أنه خذا حبيبه قلبه.
طالعت بندر بنظرات توصف كل شي بداخلها نظره كره وحقد وإشمئزازوألم وحزن واسى على حظها اللي طيحها بواحد مايبيها.
صرخت:بندرطلقني ولاترا بأفضحك عند أهلك.
بندر:مستحيل.
شهد:منت رجال وطول عمرك بتكون رخمه تفوه على وجهك ياحقير.
بندرظل واقف بمكانه والكل أنصدم يوم شاف شهد تتفل بوجه بندر وتطلع أبوبندرعرف أنها متضايقه ماحب ينكد عليها
طلعت والكل عذرها أما بندرفوقف مصدوم مايدري وش يسوي رجع لجناحه وقفل عليه الباب ورجع يكلم عهود وماأهتم بشهد.
مرت الأيام بسرعه ومابقى على العرس غيريوم واحد وأم بندر رفضت أن عهود تسكن عندهم ماتبي تشوفها لاكن إصرار أبو بندر خلاها توافق.
بندرنسى شهد وتناساها كلما فكر يتصل عليها تتصل عليه عهود وتنسيه اللي حوله
أهدى لها هدايا كثيره أكثر من الهدايا اللي قدمها لشهد وأهدى لها أربع أطقم ألماس في الشبكه وأعطاها 300 ألف مهر وحط الزواج في أفخم فنادق الرياض ومن الفرحه جاب فنانه مشهوره وجاب فرقه إستعراض عالميه وأختار لها أغلى الكوش كانت الترتيبات قمه بالإبداع الكل عرف أن بندر يحب عهود بسبب تصرفاته المجنونه.
لونتذكر كيف كان عرس بندر وشهد كان المهر30 ألف وماأعطاها شبكه أعطاها طقم عادي بالعرس ويوم يراضيها أما طقم الصباحيه من أمه بس هذا اللي قدمه بندر لشهد وماننسى 3هدايا فقط أهداها لشهد من عرفها.
ويوم العرس قاعه أقل من عاديه والكوشه قيمتها رخيصه وشهد أنزفت ألحالها بدون بندر.
صح فرق شاسع
نرجع للأحداث.
بندرقلبه ناغزه على شهد لأنه حلم بها حلم مرعب فطلب من أمه تكلمها وترجاها تعزمها للعرس أم بندر رفضت لاكنه ألح ورضت وأتصلت أم بندر ترجت شهد تجي ورفضت وكلمها أبوبندروترجاها تحضر ماحبت تكسر بخاطرهم واقفت.
في ليله العرس الكل مبسوط إلا أهل المعرس لاحظ بندرالحزن بوجه خواته وأمه حس انهم حضرو وهم كارهين الحضور.
نوره منحرق قلبها ومقهور وأم بندرعورها قلبها على شهد ونجود جالسه وكارهه تسلم على أحد دخلت شهد وكانت لابسه عباتها وملبسه خلودي دقله ظمتها أم بندر وجلست تصيح هي والبنات فجأه جاء وقت الزفه وأم بندر قلبها يزيد ألم تحس أن في شي ناغزها.
أنزفت العروس ودخل المعرس ومن فرحته كان يمشي مسرع وأول ماوصل للكوشه باس جبين عهود ونسى نفسه وضمها.
شهد تطالعه أول مره بحياتها تشوفه مبسوط للدرجه هذي كانت تطالعه وهي مقهوره ودها تذبحه هو وياها, دخل أبوه وعمامه وامه عيت تسلم عليه أبوبندر أنتبه لشهد راح لهاوباس راسها وشهد بكت بكى قهر
راح خالد للمنصه قرب من أبوه كانت يده مليانه كاكاو أعطى أبوه ورقه وقبل مايمشي مسح يده في فستان عهود وأنحاش.
عهود سبته:الله ياخذك أنت وأمك. سمعهابندروأنصدم بس لزم الصمت.
فتح الرساله كانت طويله فجأه سمع صوت صراخ برا القاعه.
جاء أبوبندر يصرخ:ألحق يابندر شهد ماتتحرك.
بندرمايدري ليش قام وترك عهود ألحالها على المنصه قدام كل الناس وراح مسرع لشهد أتصلو بالإسعاف أنقلوها للطوارىء.
في القاعه كانت عهود على المنصه معصبه وتبكي المعازيم يطالعونها ويتكلمون وبعضهم يضحكون من فشيله عهود تفشلت قدامهم تركها عريسها بليله عرسها وراح لزوجته الأولى.
خذتها أمها لغرفه العروس وأهلها كلهم حولها.
عهود:شفتي يمه راح لها.
عهود: كان كل شي زين فجأه طلعت ذى الحيوانه ودمرت كل شي فشلني قدام الحريم واللي قاهرني أمه وخواته وخالاته ولاأحد منهم سلم علي.
ريم:طبخآ طبختيه يالرفلا أكليه.
عهود:أناناقصتك أنتي بعد.
نوف:والله محد قالك أخذيه مرده لحرمته الأولى ويمكن تكون نزوه ويطلقك.
أم نايف:فال الله ولافالك, أنا قلت لك وش لك بالزواج من واحد متزوج رفضتي تحملي النتايج حتى أم فهد شكلها مارضت عن هالزواج.
عهود:أوف أنتو أهل أنتو بدال ماتتصلون عليه تنقدون علي.
عند صاله الطعام
أم بندرأتصلت على بندر وأبو بندر ولاأحد رد قلبها ناغزها صارت تروح وتجي تنتظر أحد يطمنها ولا في رد.
بالمستشفى
سامي:بشر يافواز.
فواز وهو يطالع بندربحقد: هي في غيبوبه.
أبوبندر:وش السبب.
فواز بضيقه:أسأل أولدك هو ابخص.
أبوبندر:بندر وش صاير.
فواز:أنامليون مره حذرتك لاتعذبها لاتجرحها وكني أحاكي جدار.
بندرلازم الصمت تذكر الكابوس اللي حلمه اليوم في شهد مسك راسه وضغط عليه بقوه.
سامي بسخريه: رح لعروستك تنتظرك.
فواز من سمع ذي الكلمه أنفجر غضب مسك بندرمن ثوبه: وتقول ماسويت شي أطلع برا برا أنت واحد ماعندك ضمير جاي عشان أيش تمثل دور المسكين اللي خايف على زوجته .
بندر مارفع عيونه ظل ساكت أما أبو بندرضاقت به الدنيا حس أنه السبب لأنه كلم شهد وأقنعها تجي.
فوازنادى الأمن وطلعو بندر من المستشفى كان يحاول يدخل ومنعوه سب نفسه وسب عهود وسب دنيته على اللي سواه.
راح للفندق أخذ عهود وراحو للفندق اللي هم بيباتون فيه دخل من دون نفس جلس على الأريكه كانت عهود مبسوطه ومقهوره
عهود:بندر وش فيك.
بندر:ولاشي.
عهود:طيب ليه محزن.
بندر: مصدوم من نفسي.
عهود:ليه.
بندر:ولا شي.
وقف حس ان الدنيا ضايقه به لدرجه أنه صار حزين كأنه بعزاء طالع عهود اللي كانت متزينه وصاير جمالها يبهر أبتسم لها مجامله وراح للباب وطلع.
عهود عصبت:اليوم عرسي ويتركني.
غيرت فستانها ويوم شافت بقعه الشوكولاته في فستانها دعت على خالد
دخل بندروهو مايدري وش يسوي شافها لبست قميص نوم لاكن إحساسه بالذنب تجاه شهد معذبه طالعها من فوق لتحت وغمض عيونه وتنهد مايدري ليش هو متضايق طلب عشاء لهم وأنسدت نفسه عن الأكل وقام عهود عصبت لأنه ماعبرها
عهود:لهاالدرجه يهمك أمرها.
بندر:هي زوجتي مثل ماأنتي زوجتي.
عهود:ليه ضايق صدرك.
بندر:عهود والله مالي خلق لأحد.
عهود:حتى أنا.
بندر:أوف عهود خليني بحالي .
عهود:طيب اناعروس.
بندر:عروس والله أدري أنك عروس ولا بعد مستعمله يعني مجربه الوضع مرتين فلاتضايقيني لاحقه خير بس خليني بحالي.
عهودعصبت ودخلت الغرفه وخبطت بالباب وراها.
تذكر الرساله اللي عطاه إياهاخالد أخذهاوبدأ يقرأها
بسم الله الرحمن الرحيم
إلى هادم سعادتي ومدمرقلبي بندر
أبعث لك هذه الرساله وقد كتبتها بدم قلبي وبإحساس روحي
إليك يامن هدم روحي وعلق قلبي به وجرحه
طعنتني بكل مافيني وزدت طعناتك لين مات خفوقي
تعبت أفكر ليه أنت ماتبيني
تعبت أفكرليه تجرح قلبي
تعبت أفكر كيف أهون عليك
أدري الشرع حلل لك
لاكن انت جبتها بالصميم
جبتها عالجرح وكنك مادريت وأنت قاصد ماهي عني أصدفت
والدليل أنك تبسمت ومشيت وأناأناديلك ولايمي ألتفتت
من عرفتك وأنت تجرح ماأكتفيت
دنيتي وهي دنيتي منك أكتفت
أقوى صدماتي من يدينك خذيت وهذي صدمه ومن جديد شرفت
تعبت ليماقلت بس وحالي تردت بأسبابك
ليه تطعني ليه تحرق قلبي خيانتك لي بالإستراحه معها عند المسبح عمرها مافارقت عيني
أدري أني مقصره وأدبشه وغبيه أدري اني ماأنفع لشي
أدري أني صعب أستوعب وأدري أني مهمله بكل شي لاكن هذا مايغفر لك تاخذ علي وحده مثل عهود
لوطلبت وحده غيرها أخترت لك بنفسي أحسن البنات لاكن خاب ظني فيك
طحت من عيني بعد ماكنت غالي.
تدري وش أمنيتي أموت في نفس الليله اللي تنزف فيها مع عهود يارب خذ روحي قبل لايدخل عليها
ياليت تحط نفسك مكاني ساعتها ماراح تلومني لوأطلب الطلاق
بتقول بأعدل بينكم بأقول ماأعتقد تدري ليش لأنك من تملكت عليها وجوالك مشغول بشكل يومي طايح معها غراميات ومتجاهلني وتاركني في بيت أهلي ولاسألت عني فكيف بتعدل وأنت تغليها أكثر مني كيف بتعدل وأنت تحبها وتكهرني تذكر كلامك لي في أيام ملكتنا كنت تقول لي دايم مانصلح لبعض خلينا نفترق كان هذا الموال اللي تكرره
في كل مكالمه تذكر كيف كنت تطالع الحريم وتناظرني بنظرات حزينه وتتحسف على حظك خلاص أنت خذت اللي تبي ماعاد لك رغبه فيني
أتذكر كلامك يوم طلبت منك 1000 ريال بس عشان أطلع فستان من المشغل رفضت وهزئتني
أماعهود عطيتها 300,000 مهر لها وأنا بس 30 وتقول بأعدل إذا هذي هي البدايه فأتوقع أنك بتظلمني لأنك تبي عهود وتحبها أماأنا فاالله يوفقني بأحد غيرك يبيني لنفسي مو لشكلي
زوجتك:
بقايا قلب محطم
(شهد)
حط يده على راسه يبي يستوعب المكتوب قراها مره وثنتين وعشر وتذكرشكلها يوم كانت طايحه ماتحمل وقرريدخل الغرفه
ودخل وجلس على السرير يبي ينام ماقدرصوره شهد مازالت بوجهه.
راح للحمام عهود فرحت لاكنها أنصدمت يوم ماألتفت لها توضى وصلى ودعى ربه يشفيها.
وراح نام وترك عهود وهي متضايقه من تصرفاته.
مرت ثلاث أيام وبندر مالمس عهود كان من يصحى من النوم يروح للمستشفى
ومازالت شهد بغيبوبه.
راح لبيت أهله الجو كئيب سمع أمه وخواته يتكلمون وماأنتبهو لوجوده.
أم بندر: تزوج ذي اللي ماتتسمى جتنا المصايب والله أن قلبي محروق على شهد يقول أبوكم أنها في غيبوبه عساها تطيب.
نوره:محد بيتحسف غير بندر تلقينه طاير من الفرحه معها حسبي الله عليها.
نجود:قلت له لاتاخذها ماسمع الكلام.
ضاقت به الدنيا وطلع من بيت أهله قرر يودي عهود لبيت أهلها دخلت عندهم وهي تصيح وتدعي على شهد بالموت
مرشهرعلى حاله شهد فواز عرف أنها حامل بس ماحب يخبر بندرقبل مايعرف وش السالفه
وبندركل يوم يسأل عنها ولافيه فايده مازالت بغيبوبه
عهود منقهره من تزوجت وبندر تاركها شهر عند أهلها ولالمسها أبدآ.
فجأه في يوم من الأيام دخلت النيرس عند الدكتور فواز وهي تركض:صحت من الغيبوبه شهد صحت.
طمر فواز مثل المجنون راح لها دخل عندها مسك يدها:سلامتك ياقلب خالك هاه كيفك الحين.
شهد حركت راسها عورها : وش السالفه.
فواز: لك شهر وانتي بغيبوبه قولي لي وش صاير.
شهدوهي تتذكر أنزلت دموعها لاشعوريآ.
مسك يدها فواز:شهد مافيه داعي تخبين بقلبك قولي لي .
شهدهزت راسها بمعنى لا.
وصل الخبر للكل وفرح بندر وفرحو أهله وأهلها وبدأ العلاج مع الطبيب النفسي واللي هو الدكتور فواز
بندركان يجي كل يوم يستمع من ورا الباب لأن فواز حالف أن شافه داخل عند شهد ليذبحه.
وفي يوم من الأيام كان أبوبندر وفوازعند شهدلأنها طلبت تشوفهم لأنها قررت تتكلم.
أبوبندريطالعها صارت نحيفه مره من الهم توها صغيره على الهم لاكن بندر ماقدر صغر سنها.
أبو بندر:وش فيك ياشهد.
شهد:خالي ابي الطلاق.
أبوبندر:ليه.
شهد:تبون تعرفون ليه أبي الطلاق لأن ولدكم ماراعى مشاعري .
بدت تتكلم عن كل المواقف اللي صارت لها مع بندر عن كل موقف حزين تكلمت عن إنتقاداته لها أبوبندرمنصدم.
وتكلمت عن إهاناته لها من الملكه إلى أخرلقاء بينهم وتكلمت عن خيانه لها في الإستراحه وعن قله أدب عهود يوم تغريه بالمايوه الأسود وكيف بندر جلس يبوس فيها وقالت له أن بندر طلب منها تنزل الطفل والإنهيار العصبي الأول والثاني والثالث والرابع اللي سبب لها غيبوبه أنتهت من الكلام مسحت دموعها طلع أبوبندر وهو متضايق ماتوقع أن ولده لهالدرجه وقح وحيوان
وفواز عصب وحلف يخلي بندر غصب طيب يطلق شهد.
دخل أبو بندرالبيت وراح لجناح عهود وبندرطق الباب فتح له بندرالباب وهومتضايق أبوبندر صفق بندركف.
عهود طلعت: عمي وش صاير؟.
أبوبندرهجم عليها وضربها وهي تبكي بندر حاول يفك أبوه ماقدر وبعد محاوله قدر يفك عهود من ضرب أبوه وقال:خير يبه ليه تتهجم عليها.
أبوبندر:لأنها حيوانه ياقليله الأدب فيه وحده عاقله تطلع لولد عمها بمايوه أسود تراني عرفت كل شي عذبت البنت كانت تحبك وكذا تجازيها .
عهود قلبها يخفق من الخوف خلاص حست أنها بتروح فيها بماأن عمها درى فأن أبوها وأخوانها وعيالهم بيدرون وبيذبحونها.
بندرساكت سحبه أبوه معه وهويتوعد بعهود ونزلو تحت حلف بندر لأبوه يراضيها وحلف أنه ماراح يزعلها سكت أبوبندر يبي يعطي بندر فرصه مايبي يظلم شهد.
مرأسبوعين وطلعت شهد من المستشفى كانت حامل ومحد يدري غير فوازخالها فقط حبست نفسها بغرفتها وولدها خالد كان ينوم مع سامي وأحيانآ مع أم وليد.
كانت منسدحه على السرير رن جوالها ردت بدون ماتشوف المتصل:هلا.
بندر:هلاحبيبتي.
شهد:هههههه ضحكتني قال حبيبتي قال خلنا صريحين لاأنت تحبني ولاشي فخلنا ننفصل احسن لنا أنت خذت اللي تبي خلاص حبيبتك عندك وش تبي فيني.
بندر:طيب وأنتي.
شهد:الله يعوضني بغيرك.
بندرعصب: غيري من تقصدين.
شهد:ياالله صدق كلآ يرى الناس بعين طبعه بابا ترا أنا موزيك أنت وعهود وخل في بالك أني أبي الطلاق بأيه طريقه.
بندر:وخالدمايهون عليك.
شهد:مثل ماهان عليك بيهون علي الله بيعوضه بأب رحوم مايفكر بنفسه غيرك.
بندر:أنتي من جدك تبين الطلاق بأكون صريح معك كنت بخليك على ذمتي عشان خالد وأمي بس مادامك تبين الطلاق
بيجيك أساسآ أنتي اللي في النهايه الخسرانه..
شهد:بندر بأمانه أنت تبيني.
بندر:بصراحه لا وزواجي منك غلطه شوفي تبين تتمين على ذمتي أهلآ وسهلآ ماتبين روحي ماراح أخسر شي حبيبتي وعندي والحمدالله وأنتي تعرفين كيف كانت حياتي معك أول ماتزوجتك أنتي عارفه أننا مانصلح لبعض ولاراح نصلح لبعض مثل مادخلنا بالمعروف نطلع بالمعروف أفضل لي ولك.
سمعته أغنيه
بريحك مني خلاص وأغيب عن عينك مادام هذا مطلبك لازم أحققها
وبطلبك اخر طلب الله لايهينك قل لي أحبك حبيبي بخاطري أسمعها
،،،،،،،،،،،،،،،،،،،،،،،،،،،،،،،،،،،،،،
وسمعته قصيده
هذا هواللي تبيه أني أرحل من حياتي واشعل عيوني بليه
بس خلاص بذمتك هذا كلام أني أرجع من جديد أرجع أفرش كل تعب عمري وأنام
زين لحظه لوسألوني الناس وينك وأن درو ضحكه عيونك عن عيوني سافرت وردت لعينك
بذمتك قول وش أقول
قول قول الله يخرب بيت بيتك توني يادوبي بديت بعت عمري وأشتريتك خطوه خطوه واشتريتك
توني باطراف البدايه مدري وشلون أنتهيت
ياخي حس والله عيب اللي تبيه أني أرحل من حياتك واشعل عيوني بليه
لاجبينك شمس واحساسك مطر
لاعيونك شوق وشعوري دفا جبت لك بيدي إبتسامات العمر ليه تكسرها على أطراف الشفا
ولاأنا مثل النهر ابقى نهر من تحوسه ترجع تشوفه صفا
هذا هو اللي تبيه وهذا هو اللي قدرته
روح هذا هو اللي تبيه
سكرت بوجهه عرف أنها خلاص ماتبيه حاول معها لاكنها قالت لفواز يتصرف لأنها تعرف أن فواز قول وفعل
وفعلآ أقنع أبوبندر يقنع ولده يطلق شهد وطلقها بسبب أنه ماعادت تهمه كان يبي يخليها على ذمته عشان ولده لاكن يوم شاف إصرارها بالطلاق ومن سمعت بالخبرأنهارت وجلست تبكي ليل نهار وتدعي ربها ينصرها على عهود وبندر وبعد مرور شهور من الحزن قرر فواز يعالجها ويبعد عنها الإكتئاب وبدأ يقنعها تعيد حساباتها بنفسها وبعد علاجات نفسيه قررت تصير ناجحه وتقهر بندر مثل ماقهرها يوم سماها بالفاشله وصممت تنجح وتقهر العذال.
ولدت شهد وجابت توأمين أولاد سمتهم نايف ونواف وبندر نساها لأن عهود أغرته في كل شي وخلته يصرف ثروات على تفاهاتها وخسرته مبالغ على أمور تافهه وخلته ينسى ولده خالد.
مرت سنتين على الأحداث وشهد قررت تكمل دراستها لأنها بالجامعه وبقى لها سنه وتتخرج وقررت تنسى الماضي وتبدأ صفحه جديده
أمابندرمن طلق شهد والمصايب تجيه من كل مكان الله بلاه بعهود اللي خسرته كل ثروته بطلباتها دلعها دلع ماكانت تحلم بزيه كانت مهمله عيالها ومهتمه بنفسها.
في أحدى القصور الفخمه في دبي كان حمد جالس ومصدوم من الخبر اللي سمعه وموقادر يصدق الخبر
حمد:معقوله مستحيل يكون عندي ولد يحمل أسمي.
الدكتور:للأسف طال عمرك التحاليل كلها أثبتت أنك عقيم مسأله الإنجاب مستحيله.
أم حمد:يعني خلاص ماراح أشوف حفيد منه أبد.
الدكتور:للاسف مستحيل يحصل هذا الشي لأنه يوم كان صغير طاح من فوق الحصان وطيحته هي سبب العقم.
حمدوقف وطلع من المكان وهومعصب.
أعرفكم بعائله حمد.
أم حمد:44سنه أسمها شيخه طيبه لاكن فيها شويه عصبيه صعب إقناعها صارمه ماتعرف اللف والدوران همها سعاده عيالها.
الأخ الأكبرحمد:28سنه تزوج أكثر من مره وكل زوجاته أطلبو الطلاق لأنهم يبون أطفال تزوج وحده وحملت وبعد ماولدت جابت ولد كان مبسوط لاكن بعد سنتين أكتشف ان الولد مو ولده وأن زوجته حملت بالحرام عشان تتنعم بالعز والفلوس فطلقها ومن عقبها قرر مايتزوج أبد ومن مات أبوه وهو متحمل مسؤوليه الكل.
حمدان:26سنه اعزب يشتغل بشركه العائله.
هنادي:24سنه تدرس بالجامعه.
هذي العائله غنيه جدآ وأصلهم من أغنياء الإمارات لاكنهم عاشوا بالسعوديه سنوات وأخذو جنسيه سعوديه وصار كلامهم سعودي ميه بالميه وفي كل عطله يروحون لدبي يزورون أقاربهم ويرجعون للسعوديه لأن هنادي تدرس بالجامعه وحمد وحمدان يشتغلون بشركتهم.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد إنتهاء الإجازه رجع الكل يداوم
الساعه 8صباحآ
(في جامعه الملك سعود للبنات):
كانت شهد جالسه تلف عباته مرت من عندها وحده مستعجله ومن العجله طاح منها جوالها.
شهدخذت الجوال ونادت البنت لاكن للأسف البنت أختفت.
سمر:هااااااي.
شهدأرتاعت:هلا وأنتي ماتعرفين تهدين صوتك روعتيني.
سمر:هههههههه معليش ياشهوده ماأقصد شفتك سرحانه فقلت أخرعك هههههههه.
شهد:صدق بايخه.
سمر:تعالي البنات مجتمعين في نفس المكان اللي دايم نجلس فيه ومجهزين الحلا والقهوه جبتي الفطاير.
شهد:إيه خذي ذا الكيس .
سمر:واو كاكاوات وفطاير وشيبسات البنات بينهبلون.
شهد:خلينا نروح لهم أحسن.
خبت شهد الجوال بشنطتها وجلست مع البنات.
سلمت على الكل وأجلست فجأه رن جوال البنت شافت الشاشه المتصل حمد ردت عليه يمكن يعرف صاحبه الجوال.
شهد:ألو.
حمد: هنوده كيفك.
شهدأرتبكت.
حمد: حبيبتي نسيتي بوكك مع السواق هو واقف برا روحي خذيه وثاني مره لاتنسينه أوكيه.
شهد تنحنحت:السلام عليكم أخوي أنت تعرف صاحبه هذا الجوال.
حمدتعجب:من أنتي وين هنادي.
شهد:والله أنا كنت واقفه ومرت وحده مستعجله وطاح منها جوالها وأنا ماأدري منهي.
حمد: حصل خير.
شهد:ممكن تعلمني أسمها وباي قسم عشان أوصل لها جوالها.
حمد:أنتي تدرسين بالجامعه.
شهد بحده صوت:ممكن تعطيني أسمها.
حمد:هنادي محمد زايد أل.......قسم محاسبه.
شهد:مشكور مع السلامه.
سكرت قبل لايتكلم وماعطته فرصه يشكرها.
سمر:وش فيك وجهك محمر.
ساره:ههههههههه شكلك مضحك.
شهدقالت لهم كل السالفه وضحكو عليها.
جواهر:أنتي تعرفين البنت.
شهد:إيه هي في نفس قاعتي نسيتوأني أدرس محاسبه.
سمر:شكلها متأخره على المحاضره إلا على فكره ليه ماحضرتي محاضرتك.
شهد:أنتو السبب أغريتوني بالقهوه وأقنعتوني ماأحضرها.
جواهر:هههههههههههه صدق خبله.
شهد:طالعه عليكم هههههههه.
وكملوجلستهم بسوالف وضحك.
الساعه 10 صباحأ أتجهت شهد للقاعه وسألت عن هنادي وشافتها جالسه تبكي.
شهد:عفوآ الأخت هنادي.
هنادي:إيه أناهنادي.
شهد:أنتي هنادي بنت من.
هنادي: بنت محمدزايدأل....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك