رواية اهات جروح حزينة -27
شهد بسخريه:لاتحسبني مثلك ومثل المدام المصون,تقصد عهود.
شهد:أناعندي حدود ونقط حمراء والشرع حرم أجلس مع واحد غريب.
بندركلما فتح موضوع مع شهد سكرته بإجابه وحده وكلما حاول يناقشها بشي أنهت الحديث بسرعه حجرت له وماعرف كيف يناقشها جاها من كل الطرق وماقدر يفتح معها أي نقاش.
جته فكره:شهد هل فيه إمكانيه تقومين بتغيير ديكور مكتبي الخاص.
شهد:أسفه ماأقدر انا مرتبطه باالمره ومضغوطه وماعندي أي وقت حتى نفسي مافضيت لها.
بندر:طيب وأن قلت بادفع لك أكثر.
شهد:أنا لوكنت أدري أنك صاحب هذي الشركه كان مازينت ذي الغرفه لك.
بندر:أدري عشان كذا خليت السكرتيره تتعامل معاك بس في مجال العمل مافيه أمور شخصيه.
شهد:أدري بس من شفت وجهك وأناودي أذبحك والله لوتموت ماراح أحللك أبد يابندر.
طلعت وسكرت الباب بقوه وتركته بوسط حزنه وضيقته.
شغل الكمبيوتر الخاص بالمراقبات وكان يراقبها وهي بالأنصرصير ويوم أتجهت للإستقبال جلست على الكراسي كان يراقبها وهو حزين شافها تشتغل على اللاب توب وجوالها مانزل من أذنها عرف أنها تشتغل ابتسم بحزن تذكر يوم يسميها الفاشله وكيف كانت تقوله انا مب فاشله الله ينصرني على كل من حقربي.
فعرف أنها سوت كذا عشان تبين له أنها ناجحه وفعلآ صارت ناجحه
ومرت الأيام بسرعه وشهد صممت التصاميم لكل الزباين اللي واعدتهم وأنهت أشغالها وقفلت جوالها الخاص بالأشغال وريحت نفسها وكملت جهازها بسرعه طبعى هنادي سوت نذاله في شهد خلتها تشتري ملابس كلها إغرائات وأكثرها عاريه وشهد لأنها مشغوله بالزباين كانت تدفع وهي ماتدري وش شرت لأنها واثقه في هنادي وذوقها أماشهد ماردت على حمد طنشته أسبوعين وتعب من كثر مايدق وهي ماترد , اماحمد من تملك عليها وهو مهتم بعيالها يمشيهم يلعبهم سوى لهم كل شي يتمنونه وجاب لهم مربيه تهتم بهم وبملابسهم وجاب لهم أخصائيه تغذيه تهتم بأكلهم وشربهم ورياضتهم فقط وحمد كل يوم يزيد إعجابها بحمد لأنه ماخلا عيالها يحتاجون شي.
وجاء يوم العرس كان بندر واقف قبال بيت أهل شهد, جت سياره فخمه مزينه بالجوري الأحمر والشرايط البيض والحمر كانت فخمه بالمره ووراها موكب سيارت فخمه أنبهر بندر من هالموكب الحاره تسكرت والشرطه بكل مكان والحرس منتشر أنفتح باب بيت أهل شهد وطلعو 3أولاد صغار لابسين دقلات واضح عليهم أنهم عيال نعمه ماعرف ولده خالديوم شافه وشاف شهد وهي لابسه عباتها ومتغطيه وواضح أنها متشخصه بالمره فجأه جاء سواق وفرش سجاده حمرا قدام شهد ممتده من باب الشارع للسياره الفخمه مشت شهد ووراها أربع حريم سوريات كانو ماسكين لها فستانها وركبوها السياره وأركبو في سياره ورا السياره اللي فيها شهد والأولا الثلاثه ركبو مع شهد وبدت البواري تعلا وبدأ الموكب بالمسير كان مسبب زحمه كانت السيارات عددها 40سياره والحرس حولهم راكبين في 10 سيارات والياره اللي فيها شهد كانت بالنص.
بندرنزلت دمعته للمره الولى مايدري ليش تذكر ليله زواجهم اللي كان أقل من عادي حرمها من العز فيها وتذكر زواجه بعهود ضاق صدره وقال:جاء من يعوضها عن كل شي .
وصلولفندق المملكه الكل أستقبل العروس وكانوا خدمها كلهم سوريات وكانو يشيلون معها الذيل من خلف ويساعدونها بفستانها وصلت لغرفه العروس كانت الساعه 10 بالليل وصل المعرس بنفس الموكب كان بندر يطالعه كان مبسوط بالمره ومتشقق من الفرحه لأنه تزوج شهد بندرأشتعلت نار الغيره وهويشوف زوج شهد طاير من الفرحه وكل شوي يطالع الساعه ويكلم بالجوال وكان يضحك مع أبو شهد وخوانها واضح أنه مبسوط تذكر يوم زواجه كأنه بعزاء حتى أنه ماضحك مع أحد حتى مع أهلها ودمعت عينه :أنا السبب الله عوضها فيه.
مر الزواج بسرعه واهل بندر ماقدرو يحضررون الزواج بسبب الزحمه والحراسات والتفتيش لأن في ذاك اليوم حضرت شخصيات معروفه وغنيه ومن كبار الشخصيات لأن حمد واصل والكل يعرفه في المجتمع.
انتهى الزواج كان بندر يراقب بوابه الفندق من بعيد فجأه طلع ولد صغيرعرف انه خالد ولده كان وده يضمه توه بيقرب سمعه يقول : بابا السياره جت ياالله ماما بسرعه.
وقف مكانه قربت السياره وحاوطوها الحرس من كل جهه شاف شهد وهي تمشي وجنبها زوجها كان ماسك يدها ويضحك ويهمس بأذنها وهي تضحك له وخالد مبسوط ويناديه بابا, بندر حس أن غريب بالنسبه لهم ففضل يراقب من بعيد
ومشى الموكب ووصل لفندق الفيصليه ودخلت شهد وحمد ومعهم خالد ومربيته بندر دخل وهومتلطم كان يشوف شهد تضحك على خالد وهويسولف وحمد مره طاير من الفرحه مسك يد شهد وقال:ياالله حبيبتي.
شهد:وخلودي.
خالد:أنا بروح أرجع للعرس برقص وبروح مع أمي شمسه البيت هنادي بعد بتلعب معي.
حمد:تطمني هو بخير.
المربيه:ماتخافي مدام راح أحطوه بعيوني أنتي هلا روحي أنبسطي مع جوزك.
حمد:ياالله مشينا.
شهد:أوكيه.
جاء واحد من الحراس:أي أوامر ثانيه طال عمرك.
حمد سوا حركه بيده فهمها الحارس وركبت المربيه مع خالد ومشى الموكب للفندق ووصل خالد وراح عند هنادي.
وأنتهى العرس بسلام.
بندرلحقهم إلين ماوصلو لغرفتهم كان يسمع حمد يتغزل بشهد وهم يمشون للجناح كانت خجوله وهو يدلعها وماسك يدها وماأهتم بااللي حوله وصلو للجناح دخلت شهد ووراها دخل حمد وسكر الباب وراه.
وقف بندر وهو متضايق حس انه يسوي شي غلط قرر يرجع لبيتهم أحسن له.
رجع للبيت وراح للجناح وهومقهور ويوم شاف عهود انقهر زياده ونام وهومتضايق وماتكلم بولا كلمه.
في الفندق:
شهد جالسه على الكنبه وحمد ماسكت من كثر مايتغزل فيها ومافيه كلمه غزل وماقالها وشهد منزله راسها ومستحيه تذكرت بندر
ضاق صدرها ونزلت دمعتها.
حمد:وش فيك حبيبتي.
شهد:مدري بس من زمان ماسمعت كلمه حلوه وكلامك أثر فيني .
حمد:بتسمعينهم كل يوم واوعدك أني ماراح أحرمك من كل كلمه حلوه بخلي كل لحظاتك حلوه ياقمر.
أستحت شهد ويوم وقفت حمد:على وين.
شهد:أبي أغيرالفستان لأنه مضايقني.
حمد:بس على شرط أختارلك اللبس اللي بتلبسينه.
راح للغرفه فتح شنطه شهد وأبتسم إبتسامه خبيثه لأنه متفق مع هنادي تحط لها بشنطتها ملابس قصيره وطلع قميص نوم لونه أحمر شفاف له سيور وهو طويل وفيه فتحات كثيره القميض كله شفاف مايستر شي أبد.
حطه على السرير وقال:تلبسين اللي طلعته لك وبدون ملابس داخليه ولاترا بزعل عليك.
شهد نفذت اللي يبيه ووجها أحمر وحالتها حاله دخل شافها جالسه على التسريحه ومعطيته ظهرها وتحاول ماتخليه يشوفها لأن جسمها باين بالمره جلست تفك تسريحتها قرب منها :أساعدك.
هي غطت جهه صدرها بيدها لأنه باين مره أبعد يدها خليه كذا أحلا .
شهدأستحت وماعاد تقدر تحط عينها بعينه حمد: ممكن تزحفين لي بجلس جمبك.
شهد نفذت كلامه وهي خايفه وكملت فك التسريحه وهي ساكته فجأه حست بيده على ظهرها ارتبكت وبدى يسوي حركات غريبه خافت أنتهت من فك التسريحه ووقفت .
حمد:اموت انا على الجسم الفتان.
انحرجت وأجلست ضحك ووقف ومسك يدها وقومها ألتقت عينه بعينها فقال: أدري أنك خايفه مني تطمني تراني ماأعض.
وبدى يتكلم زي البزران: سهوده أناوالله أحبت ليه تستحين مني.
شهد ضحكت غصب عنها لأن شكله مضحك ومالاق عليه حركات البزران لأنه جسمه عريض وهو طويل وملامحه جميله رغم حدتها.
حمدشافها سرحت حط يده على جسمها وبدى يتحسس جسمها كله ويبوس رقبتها شهد أنحرجت:حمد.
حمد حط يده على فمها:أوششششش الليله ليلتك ياعروس.
قاطعها ببوسه على شفتها وبهذي البوسه سيطر عليها حمد وقدر يمتعها بليلتها وينسيها حزنها وألامها.
مرت الأيام والشهور بسرعه وشهد أصبحت إمرأه أعمال ناجحه ومعروفه في العالم
ساعدها حمد في أمور كثيره وصارت مليارديره وصارت تمتلك شركات عالميه وفي كل بلد في العالم تمتلك شركه وقصور وبيوت كثيره , ساعدت أهلها وسددت ديون أبوها وأخوانها وخواتها كلهم خالد صار عمره10سنوات وعيالها التوأم صارت أعمارهم5سنوات وشبههم واحد صعب التفريق بينهم .
شهد شرت لها مزرعه كبيره بالإمارات وأسكنت بها وملتها خيول وحيوانات وخدم وحرس وكل خدمها سواريا وكل خادم معه زوجته وعياله كانت المزرعه كبيره التجوال فيها صعب من كبر حجمها وسكنت معها أم حمد وأخته هنادي وأخوه حمدان لأن شهد ألحت عليهم يسكنون معها.
حمد قرب من سن الثلاثين عاش حياته مع شهد في سعاده وهناء ألتزم بوعده مع شهد وعوضها عن كل شي وماحرمها من الكلمه الحلوه وعيالها صارو ينادونه يبه.
أمابندر خسر كل ثروته وصار على الحديده تعرف على حمد وماكان يدري أن حمد زوج شهد صار مدير أعمال حمد وملازمه على طول.
في يوم من الأيام في شركه شهد في الإمارات
دخل حمد ومعه بندر:بأعرفك على افضل أمرآه في العالم .
بندر:ذيك اللي قلت عنها شريكه لك في كل شي.
حمد:شريكه في كل شي وعلى فكره هي زوجتي.
بندر بصدمه: أغنى إمرأه في العالم هي زوجتك.
حمد:أجل أيش هالثروه والعز ماجت عبث الحمدالله اللي رزقني بها صدق من قال وراء كل رجل إمراه ترا ماصرت بهالمنصب إلا بفضل الله ثم ام عيالي.
بندرلزم الصمت ومتحمس يبي يشوف منهي هذي الحرمه اللي تكلم عنها كل العالم من نجاحاتها وعن ثروتها.
دخلو الأنصرصير وصلو للدوراللي فيه صاحبه الشركه شافوا كل اللي يشتغلون عندها حريم محجبات وقفوا عند السكرتيره.
نور:أهلا طال عمرك بس ممكن أخبر المدام.
حمدبإبتسامه:لايابنتي حاب أخليها مفاجأه لها .
نور:تفضل.
دخل حمد ومعه بندر كانت شهد متحجبه وجالسه بوسط كومه ملفات حمد ابتسم يوم شافها مشغوله:إلين الحين ماتركت طبعك شهد:حمودي أتركني أشتغل.
حمد ضحك لأن شهد كانت تظن انه ألحاله.
رفعت راسها شافها بندر أنصدم صدمه عضيمه ماصدق أن اللي قدامه شهد , شهد ماأنتبهت له : حمد اناقلت لك إذا شفتني مشغوله لاتجي ماأبي أروح بالشغل للبيت.
حمد:طيب عندك موظفات خليهم يسوون الشغل.
شهد:لاحبيبي مابعد أنهبلت هذي حسابات وفلوس ماجت بالساهل تبيني اخلي ناس يتصرفون فيها لاياعيوني مادام راسي يشم الهوى باشتغل أبي أأمن مستقبل عيالي.
حمدضحك وماقدر يسكت لأنه يدري أن شهد ماشافت اللي معه.
شهد رفعت راسها:وش اللي .....
توها بتكمل سكتت جت عيونها بعيون بندر ماحبت تبين عند حمد أنها تعرفه فقالت: معك ضيف وماقلت لي العذر والسموعه اخوي ماشفتك تفضل أجلس وش حاب تشرب .
بندرأنصدم منها وقال بينه وبين نفسه: معقوله ماتعرفني بهالسهوله نستني.
حمد:هاه وش تشرب .
بندر: قهوه ساده.
شهد:نور ياقلبي أطلبي لنا وحده قهوه ساده وعصير برتقال لحمد وجيبي لي طلبي المعتاد.
نور:تؤمري أمر.
شهد:تسلمين قلبي.
حمد:أحم أحم ترا أغار.
شهد:هنا مكان عمل رجائآ أستاذ حمد الأمور الشخصيه في خارج نطاق العمل.
حمديهمس لبندر:قايل لك هنا ماتعترف فيني وتوريني العين الحمراء أما في البيت شي ثاني يلوموني فيها ياناس.
شهدطنشت ورجعت تشتغل في الملفات ومومهتمه من بندر ولافكرت فيه وهويطالعها وهو متحسف وضايق صدره.
حمد:إلا ماقلت لك شهد تحضر رساله الدكتوراه.
بندرأنصدم:ماشاء الله على البركه.
شهد:أستاذ حمد رجائآ الأمور الشخصيه خارج نطاق العمل .
حمد:أسف طال عمرك.
وهمس لبندر:قلت لك ماتعطيني وجه همها شغلها وبس صرت أغار من شغلها بس مقدر أمنعها.
فجأه رن التلفون شهد:ايوه نور نعم إيه لامايحتاج تفاهمي معاهم وبعدين نتفاهم أوكيه باي.
شهد: أستاذ حمد كيف أحوال مصنع الرخام.
حمد:لاتخافين وكلت حمدان ووصيته عليه.
شهد:طيب فرعنا في فرنسا طالبيني وش رايك تروح نيابه عني لأني مشغوله.
حمد:ونور.
شهد:ماأقدر أستغني عنها.
حمد: طيب كلمي هنادي.
شهدأقتنعت : خلاص كلمها وخلها توقع العقود وترجع.
وصلت القهوه وبندر ماشال عينه عن شهد وقال بينه وبين نفسه:مثل ماهي ماتغيرت نفس الطبع العادات حتى الجلسه وطريقه الضحكه ماتغيرت ياحليلها إلا الأن وهي تشرب الكفي وفيه جالكسي ذايب بس أنا متعجب وشلون صارت بيضاء وبياضها زي بياض السوريات.
طالع الأرض وتنهد ضاق صدره فرق شاسع بينها وبين عهود تذكر الموقف اللي صار له مع عهود يوم خسر ثروته.
عهود:شوف أنامايهمني اللي صارلك أهم شي أني اتمتع بفلوسي.
بندر:يابنت الحلال ناقصني مبلغ بسيط ولو أخذه منك ماراح تخسرين شي ليه مستخسره علي شي بسيط حبيبتي حسي فيني.
عهود:معليش تسلف صرف عمرك ودبر عمرك مثل ماجمعت الثروه تقدر تجمعها مره ثانيه.
بندر:هذا أخر كلامك.
عهود:إيه.
وقامت وسكرت الباب ولاعطته وجه وعرف في ذيك اللحظه أنه غلط يوم تزوجها.
وتعرف على حمد وصار صديقه الروح بالروح وساعده بالمبلغ وصار يشتغل معه وصار مدير أعمال حمد ومايستغني عنه معه طول الوقت.
قطع عليه أفكاره صوت حمد:هاه بندر وش قلت.
بندر:بخصوص أيش.
حمد:بخصوص الغداء تتغدا عندنا اليوم.
بندرأنحرج وتردد وطالع بشهد وبحمد حست شهد أنه منحرج فقالت:لاترد حمد يابندر.
أبتسم:أنشاء الله.
حمد وقف:بروح أشيك على الأقسام وأجي.
بندر وقف معه حمد:وين.
بندر:بروح معك.
حمد:لالا أجلس دقايق وجاي ياالله في أمان الله.
طلع حمد وبندر توهق مايدري وش يسوي شهد رجعت تشتغل وتوقع الأوراق وواضح عليها الإندماج بالشغل.
بندرحب يقطع الصمت فقال:شهد.
شهدوهي تطالع الأوراق:نعم بغيت شي أخ بندر.
أنقهر من أسلوبها الرسمي.
بندر:ممكن تتركين الأوراق بأقول لك شي.
شهدتأففت: نعم بندر وش تبي.
بندر:أنا أسف على اللي بدر مني لاكن أبي اسألك وشلونك عساك مرتاحه مع زوجك.
شهد تحب بندر لاكن كرامتها فوق كل شي ولأنها تغلي حمد فما حبت تخونه وتتكلم مع بندرفلزمت الصمت.
بندرتضايق عرف أنها ماتبي تتكلم معه فسألها : وش اخبار خالد.
ضحكت ضحكه سخريه ضحكه وحده مازلات تعاني من ألام ماضيها وقالت:توك تسأل عنه هو بخير بخير يغنيه عنك.
بندرتوه بيتكلم دخل حمد:هاه وش رايكم نمشي للبيت خلاص شهد أتركي شغلك وتعالي معنا.
شهد:أسبقوني بقى لي كم شغله وبجي.
حمدبإصرار:لا خلي الشغل بعدين ولاوش قلت يابندر.
بندر:صح كلام حمد.
شهد:أجل بأكمل الشغل بالبيت.
حمديهمس لبندر:قلت لك عنيده وراسها يابس ماتحب تأجل شي ويلوموني إذا قلت ماأبيها تشتغل صرت أغار من إهتمامها بشغلها.
شهدشافتهم يتساسرون رجعت تكمل شغلها وحمد تضايق لأنها تهتم بالشغل أكثر منه.
حمدوقف: ياالله بندر مشينا.
بندرطلع حب يتركهم لحالهم وحمد أغتنم الفرصه وقال:يرضيك أروح ألحالي من دون حبيبتي.
شهدضحكت:لامايرضيني.
حمد:طيب تعالي معي.
شهدبإبتسامه: عشان خاطري روح ماأبي أكمل الشغل بالبيت.
شهدمتعمده تقول كذا لأنها لوتجلس مع بندر بتتذكر ماضيها معه.
حمدماحب يضغط عليها وزعل منها وراح للبيت مع بندر.
بندرأول مادخل للمزرعه أنصدم: معقوله شهد تمتلك هذا المكان اللي كأنه جنه وكل الخدم سوريات.
تذكر موقف له يوم كان متزوج شهد كانو بسوريا.
شهد:بندرطالع فيني.
بندرتنهد:نعم.
شهد:ليه تطالع الحريم قدامي وأنا مامليت عينك.
بندروهو يطالع وحده تبتسم له وتطالعها وهويطالعها ومومعبر شهد.
وشهد عصبت:الشرهه مو عليك علي أنا اللي جيت معك.
وقامت وهي معصبه وهي تدعي على الحريم اللي يغرون زوجها قدامها.
ضاق صدره يوم تذكر ذا الموقف:شكلها من كرهها للسوريات خلتهم خدم عندها ماتنلام كانت تغار علي وانا كنت مااراعي شعورها بس مدري ليه يوم طلقتها حن قلبي لها صدق من قال الشخص مايعرف قيمه شي غلا إذا فقده وأنا ماعرفت قيمه شهد إلا يوم فقدتها.
حمد:هذي مزرعه شهد اللي الكل في الإمارات يتكلم عنها.
بندريطالع المزرعه وهو منبهر كان مدخلها الرئيسي بوابه كبيره بعدها ممر طويل وبعد عشر دقايق من المشي بالسياره تطلع قدامهم بوابه كبيره أسوراها عاليه دخلوها كانت قدامهم نافور على شكل أغصان فيها ورد جوري عليه فراشات وقفت السياره قدام القصر وبندر إلى الأن منبهر من المكان نزل من السياره أنفتح باب القصر دخلو أستقبلتهم وحده أسمها روبينا كانت كبيره الخدم .
روبينا:أهلين طال عمرك تفظل.
حمد:وين العيال.
روبينا:نايف ونواف بالحضانيه وخالد إلى الأن ماإجى من المدرسه أرسلت لهم جميل وراح يجيبهم هلا.
حمد:أوكيه وين هنادي وأمي قولي لهم عندي ضيف.
روبينا:هنادي بغرفتها تشتغل عالكمبيوتر, والعمه شمس جالسه بالحديئه.
حمد:تقدرين تنصرفين.
روبينا: عن إزنك.
بندر منبهر من جمال روبينا:معقوله شهد مشغله حريم أشكالهم كذا بس غريبه ماتغار على حمد من أنه ينفتن منهم.
حمد:وش فيك متنح كذا.
بندرأنتبه لنفسه:لا ولاشي بس غريبه المدام مشغله حريم بهالجمال ماتغار عليك وانت ماتنفتن منهم.
حمد أشر على قلبه وقال:البلا مو مني البلا من هذا حب المعزبه حب جنوني خلا كل الجميلات بالنسبه لي ولا شي شهد ملكتني تعرف وشلون ملكتني خلاص ماعاد أشوف قدامي أحد غيرها.
بندرتعجب أكثر بس لزم الصمت.
حمدوصل بندر لجناح مخصص للضيوف عشان يريح قبل مايحطون الغداء وراح للحديقه يسلم على امه.
في الحديقه أم حمد جالسه مع حمدان وكانت تزن فوق راسه تبيه يعرس.
دخل حمد وحمدان لقاها فرصه يتهرب: وصل المنقذ تعال شف الوالده ناشبه بحلقي تبيني أخذ بنت أختها.
حمدمات ضحك على شكل أخوه وحب يرفع ضغطه:وش فيها هيله تزوجها عادي.
حمدان:مابعد أنهبلت يكفي أنها ذاك اليوم ناشبه بمدرب الخيول وسيم كانت تتميلح عنده وتتبسم له وتسأله أسأله تافهه لدرجه أنها طفشت الرجال ويوم جيت عنده قال فكني من بنت خالتك طفشتني.
أم حمد:ماتنلام وسيم سوري ويهبل .
حمدطير عيونه: هاه وأبوي طاح من عينك.
أم حمد:لا بس وجهه نظر.
حمد:أشوى على بالي بعد.
أم حمد:أستح على وجهك تكلمني كذا أنا أمك وين بر الوالدين.
حمد:أمزح معك يمه وهذي بوسه على راسك بعد.
دخلت هنادي وسلمت:تقول روبينا عندك ضيف منهو.
حمد وهو توه يتذكر:هذا بندراللي كلمتكم عنه.
حمدان:بندر ال.... ماغيره.
حمد:إيه.
أم حمد:من يصدق كان يضرب به المثل عند التجار.
حمد:عشان كذا بعد مافلس شغلته عندي لأن عنده خبره طويله بمجال التجاره.
هنادي:هو أكبر منك.
حمد:إيه أكبر مني بواجد يمكن وصل للأربعين بس مابين عليه.
أم حمد: ماجت شهد.
حمد تنهد:الله يعيني عليها ماتبي تترك شغلها عشان غداء.
أم حمد برضاء:هذي المره السنعه ياحبي لها والله أني حبيتها من دخلت بيتنا كلما شفتها فرحت فرحه كبيره لأنها مرت ولدي.
حمدبفخر:إيه عشان تعرفون اني مااتزوج أي أحد.
هنادي:دق عليها متنا جوع.
حمد:رافضه تجي قبل ماتخلص شغلها.
أم حمد:أنا بكلمها.
أم حمد كلمت شهد وأقنعتها تجي للبيت والشغل معها.
حمد:لوأني أدري أنك بتقنعينها كان خليتك تكلمينها من زمان.
أم حمد:عشان تعرف حرمتك قد أيش تحبني.
حمدان كان ساكت وحزين تدرون ليش بعدين بتعرفون .
وصلت شهد للمزرعه دخلت وأستقبلتها روبينا:أهلين شهوده.
شهد:أهلين حبيبتي وصل حمد.
روبينا: من زمان وضيفوه في غرفه الضيوف.
شهد:والعيال؟.
روبينا: بغرفهم يلبسوأواعيهم.
شهد:أوكيه برح أغيرملابسي وأنزل جهزوا الأكل كالعاده.
روبينا:بتؤمري أمر.
شهد راحت تسلم على أم حمد وهنادي وأستغربت من نظرات حمدان لها طنشته وراحت لجناحها تلبس وتريح شوي وحمد ماصدق خبر انها جت على طول لحقها.
في غرفه الضيوف.
كان بندر منسدح على السريرومنصدم من كل شي ومنبهر من روعه هذا المكان كانت غرفه الضيوف غرفه ملكيه وتجنن تصميماتها روعه كل شي فيها يبهر:ماشاء الله إذا هذي غرفه الضيوف أجل كيف بتكون غرفه شهد.
سكت شوي ثم تنهدتذكر كل المواقف اللي صارت لهم وتوه يحس أنه وقح مع شهد لويدري زوجها عني كان طردني من الشغل من زمان اناالسبب في اللي صار لها .
تنهد بقوه :ياليتني ماخنتها توني أدري أن ملامحها حلوه وتوني أنتبه لغمازاتها اللي حلت أبتسامتها .
تذكر يوم شهد طلبت منه يوديها لمستشفى تبي تعالج بشرتها من الحساسيه كانت تقول له أنا بيضاء بس الحساسيه لعبت فيني لعب وخلتني سمراء, ضاق صدره أكثريوم تذكر كلامه لها:من قال انك بيضاء لاتلعبين على نفسك أنتي سمراء وبتضلين سمراء طول عمرك فحرام ندفع فلوس على شي مستحيل يصيرقال بيضاء قال.
عصب من نفسه ووقف عند الستاره شاف طبيعه تبهر وشاف شهد وهي تسلم على أم حمد وجلس يراقبها ويراقب تصرفات حمد اللي مبينه محبته لها.
تنهد:ليتني ماخنتها.
في جناح حمد وشهد
شهد تطلع لحمد ملابس وهومصر على زعله.
شهد:وبعدين معك.
حمد:أجل تبدين الشغل علي وتبيني أنبسط.
شهد:معليش ياقلبي.
حمد:لاتقولين قلبي ترا أضعف.
شهد تعرف نقطه ضعف حمد واللي هي الكلام الحلو.
شهد:حبيبي عمري انتا قلبي .
مسكت خده:ياناس أموت باللي يزعلون ولبى قلبش.
باسته وكملت كلام الغزل وعلى طول حمد رضى عليها.
وراحت تلبس بنطلون جنزأبيض وبلوزه طويله إلين الركبه لونها أبيض مليانه ورود ورديه ولبست حجاب لونه أبيض ومزين بورود ورديه وحطت روج وردي فاتح وكحل بسيط فقط وطلعت لغرفه الطعام.
في غرفه الطعام
كان الكل جالس دخلت شهد شافت بندر جالس وعيونه عليها أبتسمت لحمد ولهنادي وجلست وبدأو الأكل وطبعآ حمدماقصر طول الوقت يسولف وينكت والكل يضحك وشهد تعلق عليه وأندمج بندر معهم بسرعه وصاريسولف معهم بس ماسلم من أساله أم حمد.
وحمدان بعد اندمج مع بندر وأم حمد حبته وهنادي أرتاحت له بس تستحي تسولف معه بندر كان يطالع خالد بحنيه ويراقب تصرفاته كان ياكل بهدوء ومايتبيثر كأنه ولد كبيررغم صغر سنه وشاف التوأم تذكر أخوه بدر وضاق صدره نفس التشابه صعب التمييز بينهم .
وبعد الغداء حمد جالس مع بندر الحالهم في الحديقه.
بندر:ماشاء الله عليكم السعاده باينه عليكم الله لايغير عليكم .
حمد:أمين تصدق بندر اول حياتي كانت جحيم من دخلت شهد حياتي غيرتها من إلى مدري كيف أكافئها أحبها والله احبها.
بندر:التوأم عيالك.
حمد:لاخالد والتوأم عيال شهد من زوجها الأول والله لوأعرف منهو لأذبحه اللي سواه لها كثير عليها لوأدري منهو ذبحته.
أنصعق بندرمن كلام حمد معقوله شهد ماخبرتني أنها جابت مني توأم معقوله.
جلس ساكت من هول الصدمه ولاعرف يتكلم
مرت الأيام عليهم بسرعه وشهد من سفره لسفره ومن شغل لشغل ودارت الأيام بسرعه والسنين ومرت خمس سنوات.
في بيت أهل بندر
بندر:يمه بكره حنا معزومين في بيت حمداللي قلت لك عنه.
نوره:من اليوم أقول لكم ماأبي أروح.
بندر:أنتي بالذات بتروحين عندي لك مفاجأه حلوه.
عهود:وش مناسبه العزيمه.
بندر:بعدين بتعرفين.
دخلت خلود:يمه أبي فلوس.
عهود:روحي غرفتي خذي اللي تبين.
أم بندرماعجبها أسلوب عهود مع عيالها كانت تعطيهم فلوس بالهبل ولاتسأل عنهم ولاشي همها غيرنفسها.
في اليوم اللي بعده في بيت شهد بالرياض دخل حمد وخبرها أنه عزم بندر وأهله ومن كثره أشغالها نست أنهم بيجون وكانت تصمم ديكور مجلس من المجالس وتعبانه فيه .
دخلو أهل بندر وأنهبلو على البيت اللي كان قصر كبيرفي كل جهه كميره غير الكلاب البوليسيه والحرس أنبهرومن كل شي.
فتحت الباب روبينا الباب:أهلين تفضلو.
عهودأنهبلت على جمال روبينا لأنها أحلا من عهود بألف مره.
أم بندر من دخلت وهي تذكر الله .
روبيناراحت تنادي شهد شهد نست أن بيجيهم ضيوف وقفت بالمدخل أنصدمت نوره وأم بندر قدامها مذهولين كان شكل شهد مضحك لابسه بنطلون برموده أبيض وبلوزه حمراء وكوتش أحمر مع أبيض وفي وجهها بقعه من بويه ولابسه قفازات وحالتها حاله.
عهودأنقهرت:وش جابك هنا إلى الأن تصممين ديكورات ههههههههه والله مسخره.
شهدتسايسها:إيه والله إلا الأن .
شهد سلمت على نوره وضمتها وسلمت على أم بندر وأم بندر ضمتها بقوه وهي تبكي وعهود مقهوره.
عهود:أقول وين معزبتك ناديها.
شهدتسايسها على قد عقلها:لحظه تفضلو بالأول روبينا ضيفيهم بروح أنادي عمتي اللي هي معزبتي.
روبينا: أوكيه تفظلو من هون.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك