رواية اهات جروح حزينة -28
روبيناراحت تنادي شهد شهد نست أن بيجيهم ضيوف وقفت بالمدخل أنصدمت نوره وأم بندر قدامها مذهولين كان شكل شهد مضحك لابسه بنطلون برموده أبيض وبلوزه حمراء وكوتش أحمر مع أبيض وفي وجهها بقعه من بويه ولابسه قفازات وحالتها حاله.
عهودأنقهرت:وش جابك هنا إلى الأن تصممين ديكورات ههههههههه والله مسخره.
شهدتسايسها:إيه والله إلا الأن .
شهد سلمت على نوره وضمتها وسلمت على أم بندر وأم بندر ضمتها بقوه وهي تبكي وعهود مقهوره.
عهود:أقول وين معزبتك ناديها.
شهدتسايسها على قد عقلها:لحظه تفضلو بالأول روبينا ضيفيهم بروح أنادي عمتي اللي هي معزبتي.
روبينا: أوكيه تفظلو من هون.
عهودبضحكه سخريه:روحي لايخصمون من راتبك.
أم بندر:وش هالكلام.
عهودسكتت ولاردت.
نوره:يمه أتركيها ذي ماتنعطى وجه.
دخلت أم حمد وسلمت عليهم ومعها هنادي.
نوره:وين شهد.
هنادي:ياحبي لها متعبه نفسها بالشغل.
عهود:وين مره أخوك ودي أشوفها.
دخلت شهد:هاذي هي جت.
عهود:أناقصدي زوجه حمد موخادمتكم.
أم حمد ماعجبها أسلوب عهود: شهد هي زوجه حمد والقصر هذا قصرها عهود عصبت وأنقهرت زياده.
نوره وأمها فرحو لها وأرتاحو لأن الله عوض شهد بهالعائله الزينه.
عهودسكتت.
نوره:قولي لي وش صار لك من ذاك اليوم .
نوره قصدها من تطلقتي شهد فهمت وش تقصت.
وحكت لها كل شي من طق طق لسلام عيكم وعهود عاضه على أسنانها من القهر.
أم بندر:الحمد الله والله أني من ذاك اليوم وأنا أدعي لك كل يوم خايفه عليك.
شهد:هاذاني مافيني شي.
فجأه دخلت روبينا:مدام شهد إجاك إتصال من مديره فرعنا اللي بهولندا بدها راييك بشي.
شهدأخذت السماعه وجلست تتكلم بلغه هولنديه أنقهرت عهود منها.
ويوم سكرت أم حمد قالت لها:فيه مشاكل.
شهد:لابس كنت تذكرني بالعقد اللي بنوقعه مع الشركه اللي كلمتك عنها يوم كنا بهولندا.
أم حمد:طيب أنتي اطلعتي على الحسابات والنتائج.
شهد:كل شي تمام.
هنادي:حتى أنا راجعتهم كذا مره وكل شي تمام.
أم حمد:على بركه الله متى بتروحين.
شهد:بكره أنشاء الله.
كانت شهد تتكلم برموز تتعلق بالشغل وهنادي تتكلم مثلها وأم بندر ونوره وعهود زي الأطرش بالزفه .
وكل شوي يجي إتصال لشهد من إحدى الشركات وكل شوي تتكلم بلغه وعهود تغلي من القهر.
وش بيصير لشهد بعد مارجع بندر يقتحم حياتها مره ثانيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مر الوقت بسرعه وعهود ساكته تبي تطلع عيب في شهد مالقت وانقهرت يوم شافت أم بندر ونوره مبسوطين منها
فضلت السكوت عشان ماتنقهر أكثر, طبعآ أم حمد ماتدري كيف شهد تعرفت على أهل بندر لاكن شهد قالت أنها قد كانت تعرفهم من زمان وماتوقعت أنهم أهل بندر.
جاء وقت العشاء وأنتقلو من الصاله لغرفه الطعام كانت نوره فاتحه فمها من المفاجأه وعهود بلمت بمكانها وطيرت عيونها وهي منبهره من جمال المكان وجمال الخادمات السوريات اللي هم فيه.
أم حمدقالت للخدم:تقدرون تمشون الأن ياالله تفضلو.
كانت الغرفه كبيره وفيها طاوله طويله وعريضه وفي الزاويه طاوله كبيره فيها بوفيه عهود بسخريه:هالأكل من بياكله التبذير موزين.
هنادي حبت تقهرها:والله ياحبيبتي البيت فيه أكثر من 50 خادمه و50 خادم والبوفيه نحطها يوميآ لأن فيه من ياكل الأكل الكثير من الخدم.
عهود: عاد المفروض ماتعطون خدمكم من البوفيه.
أم حمد: هنا كلنا سواسيه لافرق بين عربي وأعجمي إلا بالتقوى وترا الخدم يجلسون معنا ياكلون على نفس الطاوله اللي جالسين عليها وياكلون نفس أكلنا لازياده ولانقصان لاكن هم مايحبون ياكلون معنا إذا كان عندنا ضيوف لأنهم يستحون.
هنادي: كل يوم ياكلون معنا وإذا جانا ضيوف ماياكلون معنا مع أنه عادي كلنا سواسيه.
عهود:لا من قال هذولي خدم.
شهد:كلآ ووجه نظره خلونا ناكل على فكره حنا نظامنا هنا كل واحد يخدم نفسه.
وقفت شهد وراحت للبوفيه أخذت صحن وملته سلطات, وأخذت صحن ثاني وملته مشاوي وصحن حطت فيه بطاطس وكبه وفطاير وخذت صحن حطت فيه مكرونه بالباشميل ولازانيا وخذت صحن حطت فيه ورق عنب وخذت صحن وحطت فيه رز ولحم وجلست.
أم حمد أبتسمت إبتسامه رضا.
شهد:نظام القصر كل واحد يخدم نفسه لاكن عشانكم خدمتكم.
أم بندر:تعبناك معنا.
شهد:تعبك راحه ياخالتي يالله سمو باالله .
هنادي:روبينا.
جت روبينا وهنادي سوت حركه بيدها فهمتها روبينا وراحت قفلت البوفيه وجابت مشروبات غازيه ومويه.
شهدأكلت وماهمها أحد ألين ماشبعت وهنادي كانت شوي منحرجه لاكن تذكرت مقوله لاحياء في الطعام وكملت الأكل إلين ماشبعت كانت شهد تقرب الأكل لأم بندر ونوره ومتجاهله عهود وأم حمد كل يوم يزيد إعجابها بشهد أنتهوا من الأكل .
شهد ضغطت زر على الطاوله دخلت روبينا ومعها خادمتين سمر وسوزي قدمو الحلا والفواكه وطلعو.
شهد لزمت عليهم ياكلون حلا وفواكه وخلتهم يطلعون من صاله الطعام وهم متخومين من الأكل .
جلسو بالصاله لقو قدامهم طاوله فيها شاي ونعناع وشاي أخضر وجلسو يتقهوون إلين ماجت الساعه 2بالليل وجاء بندر ياخذ أهله وراحو لبيتهم اما شهد راحت لجناحها بعد ماحبت راس أم حمد وهنادي راحت تنام وروبينا والخدم تعشوا ونظفو غرفه الطعام وكل وحده من الخادمات راحت لزوجها بالبيت المخصص للخدم.
في سياره بندر
بندر:هاه عسى المفاجأه عجبتكم.
عهود:أمحق مفاجأه بايخه.
أم بندر:إلا تهبل بردت قلبي وأنا أمك كنت شايله همها وانبسطت يوم شفتها.
نوره:لوتشوف الخير اللي هي عايشته ياويل قلبي يهبل كل شي يهبل .
عهود:خلاص ماصارت يكفي.
أم بندر:قل خيرآ أوأصمت.
سكتت عهود منقهره من كل شي جلست تسب شهد واللي جابوها .
وصلو للبيت دخلت عهود للجناح معصبه على بندر وفي ذيك الليله تمشكلت مع بندر وطفشته منها وطلع وتركها بالجناح وهي مقهوره.
بندر راح لنوره يبي يسحب منها الكلام لاكن نوره قالت له:قلت لك محد راح يندم غيرك أنت اللي أرخصتها وش تبيني أقولك تبيني أوصل لك أخبارها أنسى يابندر مستحيل قهرتها وقهرتني أنا وامي وجاي تسأل عنها ماأعتقد بتلقى عندي جواب.
عصب وطلع من عند أخته وهو مقهور ونام في ذيك الليله وهو كاره نفسه.
في جناح شهد وحمد
دخلت الجناح وهي هلكانه تروشت ونشفت شعرها وتوها بتنام شافت حمد جاء جلس يسولف لها إلين نامت ويوم ألتفت لها لقاها نايمه أنقهر لاكن أبتسم إبتسامه حنونه ومسح على راسها وقال:الله لايحرمني منك.
مر أسبوعين وفي يوم من الأيام كان حمد بالمستشفى مافقد الأمل يبي يصيرأب بأي طريقه وصلت التقارير وطلعت النتيجه إيجابيه وتعافى من العقم بإمكانه يصير أب فرح وطار من الفرحه وأتصل على شهد ولاردت فحب يسويها لها مفاجأه
رجع للبيت مسرع وهو بالطريق فجأه ..........
كانت شهد جالسه على السريرتحس بتعب وخمول ودها تقوم موقادره لايعه كبدها ماتدري ليه كانت تظن أنها حامل تذكرت أن حمد عقيم ضاق صدرها وحست أن بنغزه بقلبها مومرتاحه لهاالنغزه تذكرت حلم شين شافته أمس كانت حالمه بحمد نغزها قلبها مره ثانيه فجأه روعها صوت الجوال ردت.
المتصل:الأخت شهد.
شهد مومرتاحه لهذا الإتصال:إيه نعم أخوي بغيت شي.
المتصل:حمد صار له حادث وهو عندنا بمستشفى ال........
طاح الجوال من شهد فزت من مكانها ماتبي تخسره احت غرفه هنادي وهي منهاره
هنادي:شهد وش صاير شهد تكلمي.
حمدان سمع شهد وهي تقول:المستشفى داقين يقولون حمد صارله.
ماقدرت تتكلم مدت الجوال لهنادي وهي منهاره.
هنادي:شهد أنتي وش تقولين.
شهدبدت تخربط الكلام: حمد....حادث
صرخت وطلعت مثل المجنونه وراحت لسياره السواق.
حمدان طلع مسرع شغل سيارته:شهد تعالي معي بأي مستشفى.
شهد:ال........
وصلو للمستشفى كان حمد بين الحياه والموت فجأه طلع الدكتور: أنتو أهله.
حمدان يحاول يمنع دمعته:أنا اخوه.
الكتور تنهد:أنتوا تؤمنون بالقضاء والقدر وتعرفون أن كل إنسان في يوم من الأيام بيودع دنياه.
حمدان:دكتور وش صاير.
الدكتور:شوف باكون صريح معك أخوك صار له حادث شنيع قطع جسمه تقطيع والإسعاف جابه هنا وحالته خطيره .
حمدان:ريحني يادكتور.
الدكتور:أعظم الله أجركم.
حمدان بكى بصوت عالي وجلس يخبط يدينه بالجدران أنهيل كان حمد بالنسبه له الأب والأخ وكل شي.
ماعرف وش يقول لشهد لزم الصمت تذكر خال شهد فواز وراح له ولأنه طبيب علم نفس قدر يوصل الخبر لشهد ولأم حمد وأخته هنادي بكو وتضايقو وصرخو وبالأخير رضوا بالأمر الواقع صلو على حمد صلاه الميت ودفنوه وراح حمدان وأستلم أغراض حمد وشاف ورقه فيها نتيجه بأنه يقدر ينجب لاكنه مافتحها سلمها لشهد وراح ومرت أيام العزاء كئيبه وبطيئه على شهد خلاص حبيبها وأبوها وزوجها وصديقها رحل لربه واليوم صارت أرمله كلما سألها خالد عن حمد تنهار وتبكي وإذا التوأم قالو وين بابا تضيق صدور اللي جايين يعزون.
وفي أخريوم من العزاء وقفت شهد وركضت لدوره المياه وأستفرغت وصار لها هذا الموقف أكثر من مره ويوم أنتهى العزاء وقفت تبي تروح لجناحها أغمى عليها صرخت هنادي نادت حمدان ووداها للمستشفى وهنا جاهم خبر مفاجىء شهد حامل بأسبوعين.
أم حمد تذكرت زوجه ولدها اللي حملت بالحرام عشان الثروه لاكن حاولت تبعد هذي الأفكار عنها.
مرت الأيام بسرعه وطلعت شهد من الحداد وقررت ترجع بيت أهلها أم حمد شكت فيها لأنها تعرف أن حمد عقيم شهد عرفت أن أم حمد تشك فيها فزعلت وتركت كل ثروتهم وكل العز وماخذت منه شي وراحت لبيت أهلها.
حمدان وهنادي زعلو على أمهم اللي شكت بشرف شهد وأتهمتها بعرضها
ومن تركت شهد البيت والبيت صايركئيب بدون حياه مليان وحشه ولايطاق وصارت الشركات مهمله توهم يدرون أن شهد كانت تشتغل شغل متعب محد يقدر يتحمله.
وفي يوم من الأيام كانت روبينا ترتب جناح شهد شافت ورقه تقرير طبي سلمته لحمدان.
قراه وعرف ان حمد قبل مايموت كان يتعالج وشفي من العقم وبإمكانه الإنجاب وراح مسرع وقرى الورقه قدام أمه وأمه فرحتثم ضاق صدرها لأنها أتهمت شهد بعرضها راحت لبيت أهل شهد وأستقبلوها وماكانو يدرون أنها متهمه بنتهم بعرضها حاولت أم حمد ترجع شهد معها لاكن شهد رفضت بحجه أن عندها أهلها وصعبه تترك بيتهم وتروح لأهل رجلها.
أم حمد يأست وضاق صدرها وراحت لبيتها خايبه وحزينه .
ولدت شهد وجابت توم ولد وبنت فرحت أم حمد ويوم جت للمستشفى شهد عطت أم حمد تقرير لتحليل الدي أن أي وقالت لها عشان تصدقيني ياخالتي هذا الدليل على أن عيالي هم عيال حمد , أعتذرت أم حمد من شهد وقررت تسمي الولد حمد والبنت رغد, شهد كانت تبي تسمي على أم حمد لاكن أم حمد رفضت لأن أسمها قديم جدآ فرضت ولاأعترضت على شي .
مرت ال]ام بسرعه وطلعت شهد من النفاس والشركات تدهورت لأن شهد تاركتها من سنه وحمدان وهنادي ماقدرو يديرون الشغل مثل ماكنت تديره شهد وفي يوم من الأيام أتصل حمدان على شهد.
شهد:هلا حمدان بغيت شي.
حمدان منحرج ومتفشل من نفسه:والله مدري وش أقول لك يامرت أخوي الشركات متدهوره والأشغال تراكمت وانا وهنادي عاجزين نخلص الأشغال ياليت ترجعين لنا والله الشغل بدى يتدهور.
شهد قاطعته:كل شي تدهور.
حمدان:إيه ماني عارف وش أسوي أحس أن المسؤليه كبيره علي ساعديني تكفين يامره أخوي.
شهد:خلاص من بكره بداوم.
حمدان:شهد, أسف لاكن عادي أناديك شهد.
شهد:عادي أنت بحسبه أخوي الكبير.
حمدان:البيت من طلعتو صار كئيب ترا أمي تعبانه رجعت لها حاله الإكتئاب ياليت تقدرين ذى الشي أنتي تعرفين أنها تحب عيالك و أنا ااااااا .
سكت شهد:أنت وشو.
حمدان أنتبه لزلته:هاه لاولاشي بس لاتطولين غيبتك علينا ترا حنا مشتاقين لك.
شهد:خلاص من بكره بأجي للشركه وخالتي بأكلمها بعد شوي تامرني بشي ثاني ياخوي.
حمدان:أنتبهي لنفسك ولعيالك.
شهد:أنشاء الله يالله في أمان الله .
حمدان: في أمان الله.
شهدسكرت وتعجبت من أسلوب حمدان معها ذكرها بحمد وبعد ساعه أتصلت على أم حمد وأم حمد حلفت عليها تتغدا عندهم بكره وداومت شهد وشافت الأشغال متراكمه وبدت الشغل وصارت تعتمد على حمدان لأنها تعتبره مثل اخوها سامي وبندر يقابلها يوميآ لأنه كان مديرأعمال حمد رحمه الله ومرت 3أشهر وبصعوبه أنجزوا الأشغال اللي تراكمت ورجعت الشركات مثل أول وأحسن وفي يوم من الأيام كان حمدان يراجع بعض الأوراق مع شهد بمكتبها لاحظت عليه شهد الشروذ فقالت له: حمدان أنت معي.
حمدان:هاه عفوآ ماكنت معك وش كنتي تقولين.
شهدحطت يدها على راسها:لي ساعه أشرح لك المخطط وتبيني أعيد الشرح مره ثانيه أسفه أستاذ حمدان .
حمدان: معليش ممكن تعيدينه.
شهد:لا نور نور تعالي.
نور:تاميريني شي طال عمرك.
شهد:خذي ذا الملف وأشرحي المخططات للأستاذ حمدان .
حمدان: أنا طلبت منك تعيدين الشرح فقط ليش مكبره الموضوع.
شهد:لأنك كلما جلست عندي تسرح وتروح بعالم ثاني خل نور تشرح لك أفضل أنا عندي أشغال ثانيه.
حمدان بينه وبين نفسه:أه بس ياليتك تعرفين وش اللي مشغلني عشان أرتاح.
شهد:ياربيه رجع يسرح مره ثانيه أستاذ حمدان برا.
طلع حمدان وهو ميت ضحك على مره أخوه حمد.
قابل بندرعند نوروسلم عليه بندر:المعزبه كيف مزاجها.
حمدان: طفشت مني وطردتني أنتبه لاترفع ضغطها ترى تطردك .
بندرتنهد وأخذ نفس حمدان:الأخ داخل معركه.
بندر:لابس للإحتياط ههههههههههه.
حمدان:لاترفع ضغطها ولابتطردك.
بندر:الله يعين.
دخل بندر وسمع شهد تكلم بالجوال:إيه حبيبي ماراح أتأخر متى بتجي طيب طيب أول ماأخلص شغلي أقولك يالله حبي في أمان الله.
بندرأنصدم شهد تكلم واحد شهد العاقله تكلم وتواعد معقوله.
دخل وهو متفاجىء.
شهد:تفضل أستاذ بندر وين الملفات.
بندرعطاها الملفات والشكوك تدور براسه من كانت تكلم.
بندر:شهد ممكن سؤال من كنتي تكلمين.
شهدضحكت:وش عليك لاأنت زوجي ولاواحد من أهلي عشان تسأل.
دخل حمدان:أستاذه شهد خلودي جاء.
دخل خالد وباس أمه:أنتي تقولين إذا خلصت شغلي جيتك مليت فقلت أجي عندك وأنقهرت يوم سكرتي أبي أكلمك.
شهد:وش قلت أنا توني مكلمتك خلاص يكفي أنا مشغوله حبيبي لازم تقدر هالشي أنا اشتغل عشانك أنت وأخوانك.
خالد:أسف يمه بروح عند نور لين تخلصين شغلك.
حمدان:أفا وأناوين رحت ماتبي عموحمدان ياخالد.
شهد: أول شي فهمت المخطط.
حمدان:لا.
شهد:اترك ولدي ورح أدرسه زين ولاتوريني وجهك إلاليما تفهمه وسكر الباب وراك.
خالد:أوه طرده محترمه عمي حمدان لقط وجهك.
حمدان يسوي نفسه مستحي يغطي وجهه ويقول : يوه تفشلت جيبولي كيس ألقط وجهي.
شهد توها بتهزئه طلع بسرعه وهو مبسوط.
طلع خالد وجلس عند نور.
شهد:ألحين تقدر تمشي.
بندر:شهد ممكن سؤال؟.
شهد:نعم.
بندر:أنتي قلتي لخالد أني أنا أبوه.
شهدتغيرت ملامح وجهها : لا.
بندر:يعني ليمتى بتحرميني من ولدي .
شهد:على فكره حتى التوم عيالك.
أنصعق بندر من هذا الخبر:يعني نايف ونواف عيالي.
شهد:إيه ماتلاحظ شبهم فيك قوي.
بندر:أنالاحظت بس توقعتهم عيال حمد الله يرحمه.
شهد:ماأبيهم يعرفون أنك أبوهم.
بندر:ليه تبين تحرمينهم مني.
شهد:بكل بساطه أنت رميتني وخذت بنت عمك ولاسألت عني أبد وتبيني بهالسهوله أرضى أعترف لك أنسى.
بندر:أن ماقلتي لخالد أنا بقول له.
شهد:بيكون هذا أخريوم تشتغل فيه هنا.
بندر:ممكن تخبريني سبب مقنع يعني بتضلين كذا مخبيه عليهم من أبوهم لويسألونك منهو أبونا وش بتقولين بتقولين حمد وهم أساميهم مختلفه والعائله تختلف يعني لاتعقدينهم .
شهدبعد تفكير أقتنعت:شوف انا بفاتح خالد بالموضوع وتحمل تصرفاته معك.
بندر:مومهم أهم شي يعرف أني أبوه.
شهد:تقدرتمشي الأن.
طلع بندروهو مبسوط شاف خالد أبتسم له وباس راسه وطلع
بعد مرور يومين بسرعه عرف خالد بالموضوع وعصب وجلس يصيح من القهر ويكرر أبوي حمد حمد موبندر.
جاء فواز خال شهد وتكلم معه بهداوه واقنعه بهدوء وقال له قصه أمه مع أبوه بس ماعلمه عن المشاكل والإهانات اللي سواها بندر لشهد سكت خالد وبعد أسبوعين أقتنع قابل بندر وهو في باله ميه سؤال وسؤال.
بندر:ياحياالله خالد وشلونك وأناأبوك.
خالد:ليه تركتنا عشان عهود.
بندر مالقى إجابه.
خالد:أناأبوي مات من زمان أبوي حمد صح أسمه غير أسمي بس هو أبوي.
بندر:وأنا.
خالد: بأعتبرك أبوي بس عشان الله مايغضب علي وإلا أبوي الصدقي حمد.
بندرسايسه:خلاص وش رايك نروح الملاهي.
خالد وافق.
وصار بندر كل يوم ياخذ معه خالد ونواف ونايف ويلعبهم إلين مايتعبون ويرجعهم للبيت بعد مايعشيهم وإذا وصلو للبيت يجلسون يحكون لأمهم وش صار.
بعدشهرين خالد تعود على بندر وصار يناديه يبه وأستغل بندر هذا الشي وقرر يقول لخالد أنه بيتزوج أمه وبيعيشون مع بعض فرح خالد وقال لأمه وهناالصدمه.
شهد ساكته.
خالد:يمه أبوي يقول بنعيش مثل اول واحسن.
شهد:لا.
خالد:ليه يمه.
شهد:خالد أنت توك صغير ولوأقولك السبب منت فاهم قل لأبوك أنسى ولوتطيح السماء على الأرض مستحيل أرجع لك كرامتي فوق كل شي.
خالد مافهم شي وصل لبوه كلام أمه ضاق صدر بندر وقرر يكلمها بنفسه.
وفي يوم من الأيام شهد خلصت من شغلها بدري جلست على النت تشيك على حلالها وأسهمها دخل بندر شهد مطنشته.
بندر:ممكن تسمعيني.
شهد:وش بغيت أخ بندر.
بندر:شهد أبيك على سنه الله ورسوله.
شهد:مستحيل.
بندر:نسيتي أحلا الأيام اللي عشناها مع بعض ماأشتقتي لها ولاأشتقتي لي.
شهد أشتاقت له وتحبه موت لاكن هو أهانها فرفضت وطلبت منه مايفتح الموضوع مره ثانيه.
بندر:على راحتك في امان الله.
طلع والعبره خانقه شهد هي تبيه وتموت فيه لاكن كرامتها فوق كل شي.
وفي يوم من الأيام كان الكل مجتمع على سفره الطعام في بيت أم حمد.
أم حمد:ليه ماتعرس وانا أمك جب لي وحده توسع صدري.
حمدان: توني على العرس.
هنادي:لا خلاص عمرك 28سنه لازم تتزوج.
أم حمد: إيه وبنتي صادقه.
شهد:عندي لك عروس لقطه نوره أخت بندر.
أم حمد:ونعم والله أنها شيخه البنات مزيونه وتقطع القلب وراعيه بيت.
حمدان وقف:الحمدالله شبعت.
هنادي:وين رايح .
حمدان بعصبيه:ماني متزوج فاهمين وذي اللي قالت عنها شهد ماأبيها أوف الواحد مايقعد دقيقه إلا تطفشونه.
أم حمد:وش فيه ذا الولد.
هنادي:شهد هو يستحي منك كلميه وأقنعيه.
شهد:أنشاء الله بكلمه في الشركه.
في اليوم الثاني في الشركه كان حمدان جالس في مكتب شهد والظاهر أنه كان ينتظرها وصلت وأول مادخلت شافت حمدان سلمت وجلست.
شهد:وش عندك؟.
حمدان:ممكن تسمعيني.
شهد:تكلم.
حمدان:واحد من أخوياي يحب وحده وتزوجها اخوه واخوه مات وهولين الحين يحبها وبيجن جنونه لو ماتزوجها.
شهد:طيب ليه مايخطبها.
حمدان:يخاف انها ترفضه.
شهد:قل له يتوكل على الله ويخطبها ويستخير إلاعلى فكره ليه ماتبي تتزوج خالتي منجنه تبي تشوف عيالك.
أبتسم حمدان:قريب أنشاء الله قريب بس اللي نبيه ماندري وش شعوره تجاهنا.
شهد:الله يوفقك.
حمدان:أمين يالله أستاذن وراي شغل.
طلع وترك شهد وهي مستغربه منه.
في يوم من الأيام واحد من رجال الأعمال خطب شهد ورفضت لأنها تعرف أنه يبيها مصلحه وطمعان بفلوسها وخطبها واحد ثاني أنهبل بندر يوم درى أعترض لاكن شهد طنشته ورفضت وخطبها ولد وزير ورفضته وفي يوم من الأيام الساعه 12بالليل كانت شهد منسدحه في غرفتها فجأه جاها إتصال من حمدان.
شهد:هلا وش عندك متصل بكره وراي دوام.
حمدان بجديه:شهد أنا أبيك أنتي.
شهد:أنت شارب شي ولامخرف.
حمدان بدى يصارخ:لاعاقل تعبت والله تعبت كتمت بقلبي وتحملت خلاص أحس اني بنفجرشهد أنا انا.
حمدان نزلت دمعته وبدى يصيح:أناأحبك والله أحبك.
شهد أنصدمت:حمدان مايجوزتقول كذا.
حمدان:تعبت والله تعبت كانت هنادي يوميآ تتكلم عنك وتمدحك ودخلتي قلبي وحبيتك جيت بقول لأمي زوجينياها سمعتها تقول لحمد مبروك وعرفت أنه خطبك ضاقت بي الدنيا كنت اشوفكم مع بعض وأنقهر أبيك لي موله من جيتي وأنتي جايبه معك السعاده خليتينا كلنا مبسوطين بمرحك وضحكك ولعبك كنت أشوفك تركبين الخيل وضحكاتك مرتفعه كنت افرح لفرحك وأبكي لحزنك خلاص ماعاد أقدر اتحمل شهد تتزوجيني.
شهدمازالت ساكته من هول الصدمه.
حمدان:شهد تسمعيني قلت تتزوجيني تتزوجيني وبدى يصارخ ويبكي أحبك تكفين لاتكسرين قلبي وافقي تكفين أنا أحبك والله أحبك.
شهد ظلت تسمعه وهي تبكي قطع قلبها بصياحه ماتحملت قفلت السماعه وأتصل مره وثنتين ولاردت وقفلت جوالها وصحت الصبح وراحت للدوام سألت عن حمدان ولاجاء للشركه.
مرأسبوع وحمدان مختفي وجواله مقفله وضاق صدر أمه عليه وأرسل رساله لشهد ماراح أرجع إلا لماأعرف جوابك.
صار بندر يوميآ يفاتح شهد بموضوع الزواج وتعبت نفسيتها من التفكير في حمدان تخاف توافق تتورط وتخاف ترفض ويخسرونه أهله وبهد أيام قررت تستخيرأستخارت 10 مرات وبعد تفكير مسكت جوالها ودخلت على الرسائل ثم إنشاء الرساله وبدت تكتب وأنتهت من الكتابه وتوكلت على الله وأرسلتها.
وصلت الرساله لحمدان كان مرهق وتحت عيونه أسود وعيونه حمر من البكا.
فتح الرساله كان مكتوب فيها
الحب دايم غريب يوهق ناس ويفرق ناس
أنابكون صريحه معك أبيك ترجع لأهلك وأن كان بينا نصيب راح يصير
حمدان لاتحرق قلب أمك عليك قلبي تقطع وأناأشوفها تبكي طلبتك كلمها
وطمنها عليك
وإذا تبيني أحترمك أرجع لأمك.
شهد
قراها أربع مرات مومصدق طمر من الفرحه وبوس الجوال وركض للسجاده وسجد سجده شكر وراح جهز أغراضه ورجع للبيت كانت أمه تعاتبه وزعلت عليه لاكنه راضاها بصعوبه وراح للشركه وصل لمكتب شهد بدى قلبه يخفق مايدري هوليش جاء.
دخل وهو مرتبك شهد أنصدمت من شكله من يصدق حمدان اللي شكله هيبه ورزته تذبح واللي جسمه عريض وطويل صار شكله كذى ويدخل وهو يرجف سبحان مغيرالأحوال صدق من قال الحب عذاب.
حمدان وهويطالع الأرض:السلام عليكم.
شهدسوت نفسها عادي:أنت وينك الشغل تراكم علي صرت احاتيك كذى تسوي فينا.
رفع عينه وشاف عيونها دمعت عينه شهد أنصدمت وش فيه ذى صار كنه طفل على أي شي تدمع عينه الله يعين.
حمدان:شهد أنا أبيك .
شهدأنحرجت وماعرفت وش تقول.
حمدان: ممكن تعطيني رقم أهلك يعني يمكن فرضآ يعني يمكن.
شهد ضحكت عليه لأنه يخربط بالحكي.
شهد:طيب ممكن تبدأ الشغل هنا مكان عمل .
حمدان:أنشاء الله.
بدو الشغل وحمدان ماشال عينه من شهد ونظراته صارت تربك شهد فقالت له يروح يكمل الشغل مع نور.
تضايق في البدايه لاكن راعى شعورها البنت مستحيه مني.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك